 |
#جنه_في_قلب_صعيدي❤️😍❤️
#الفصل_السابع_والثامن 😍 ❤️
ارتدت شروق فستان اخضر مطرز الورود اكمامه دانتيل وطويل ومنفوش بدايه من الخصر فقد اهداها اياه تقدمت منه وهوا مازال لا يراها وعندما رفع عيناه اطلق صفيرا وهوا منبهر من شده جمالها ❤️وكيف لهذا اللون ان يبرز ضوئكً اميرتي ❤️وان يراكي احداً غيري بهذا الجمال 🎀
قام سريعا من مكانه ووقف امامها قائلا بإنبهار
مروان /ايه ده 🙄
شروق /في حاجه
مروان / حاجه واحده بس ده فيه حجات ايه الجمال ده يخربيتك 😳
اطلقت ضحكه عاليه فانهار هوا امامها
مروان / ايواااا بقا بقولك ايه متيجي اقولك كلمه سر ف بوقك 😋
شروق / مروووان 😡😡
مروان / خلاص خلاص طب بقول ايه
شروق / ايه
مروان / متيجي تنسي الوعد االي خلتيني اتزفت واوعدهولك ده 😣ونتجوز بجد بقا لان كده مش هينفع وربنا 😉😍
شروق / يلا ي مروان بدل م اطلع اغير وانام 😒
مروان / خلاص ي ستي خلاص ايه ده الواحد ميعرفش يهزر معاكي ده حتي بيقولو اني زي جوزك يعني 😚
امد لها زراعه فتشابكت يداها به سار بها خارج المنزل وعندما وصل عند سيارته ترك يدها وامسكها باليد الاخري وفتح لها باب السياره لتجلس بجواره فامتثلت هيا للامر الصامت ف دار سريعا وجلس امام المقود وامسك بيد يدها والاخري امسك بها المقود وتحركت السياره
.............................. نتركهم وناخذ جوله في صعيد مصر بمخزن مهجور يجلس مقيد اليدان والقدم وعلامات الضرب ظاهره ع وجهه انه نبيل ف الان مروان يأخذ بثأر كل دمعه ادمعتها جنته وعندما يتذكر هيئتها وهيا تقص عليه ما حدث يذيد من عنفه معه حتي انه لم يعد قادر ع ضرب هذا ال شبه انسان ولكن بعد كل جمله ينطقها مازن يتلقي نبيل امامها اكثر م صفعه ع وجهه
مازن / بتسكر وتمشي وسط الناس ي حيوان
وكانت الضربه في فمه هيا المتكلمه
مازن / وبتخطف وتعدي وتجتل
وهذه المره بقدمه في بطنه
مازن /دي لو كان جرالها حاجه عارف كنت هعمل فيك ايه كنت هخليك تتمني الموت الف مره ولا تطولهوش ي عديم النخوه والرجوله
امال لو مكنش ابوك راجل طيب وف حاله كنت عملت ايه
رفعه م تلابيبه وصفعه ثم القي به بعنف ف الارض
مازن/ تخليك اهنه معاه ي عوض وانا هوجف معاك راجلين بره عشان لو احتاجت حاجه ووجت اما اتصل بيك تجيبوه متكاتف وتيجي
عوض / امرك ي مازن بيه
خرج مازن من المخزن الان هدئت ثورته ولو قليلا
وشق طريق اللي المشفي بعد ان ارسل اليه والده ووالدته واصرت اخته سناء ان تأتي معهم ولكن توقف عند محل ملابس حريمي نزل من سيارته ودخل المحل ومن حسن حظه ان الذي يقف فتاه في هيئه جنه القي السلام ودخل
فردت الفتاه ورحبت به وقبل ان تذهب اليه خرج من الداخل صاحب المحل فهو صديق دراسه ويعرف مازن جيدا وانها المره الاولي ان يتسوق لانثي
صاحب المحل بضحكه / اهلا اهلا مازن باشا بنفسو عندنا ده مين اللي خلتك تعمل عمله زي دي
مازن وهو يصافحه بإشتياق واضح/هههههه عزيز الشبراوي ياااه فينك ي راجل وفين ايامك من بعد الدراسه ومشوفنالكش وش
عزيز / ليك واحشه ي مازن
مازن / ربنا يخليك ي صاحبي انت اخبارك ايه وكنت فين كل ده غبت وقولت عدولي
عزيز / تعالا بس نقعد جوه وانا هحكيلك كل حاجه
وبالفعل دخل مازن وطلب عزيز قهوه لمازن فهو يعلم كل ما يخصه
ادخلت الفتاه المشروبات وانصرفت بهدوء ف التف عزيز لمازن
عزيز / انا بعد وفاه ابويا انت عارف ان مكنليش حد غيره مقدرتش استحمل قله وجوده هنا ف سافرت ايطاليا عشت هناك من بعد الدراسه لقيت نفسي اتلهيت ومن شغل لشغل لغايه م قدرت اعمل مبلغ يوقفني ع رجلي ولسا راجع يدوب مكملتش شهر وافتتحت المحل ده بقالي حوالي اسبوع اهو وكده لسا بس العروسه ادعيلي الاقيها بقا
مازن / حمدالله ع سلامتك ي عزيز ربنا يرزقك ببنت الحلال اللي تصونك يارب
عزيز / قولي صحيح انت كنت جاي تشتري لمين هدوم
مازن بتردد / ااا م ل
عزيز / هههه ايه يبني هنجت كده ليه
مازن / مفيش ولا هنجت ولا حاجه انا بس
عزيز / خلاص خلاص فهمت دي مين دي اللي قدرت تدخل القلب بعد الجنه اللي كنت بتحلم بيها ي تري فاكرها ولا نسيت😉
مازن /ههههههه نسيت اللي متعرفوش بقا ان اللي كنت جاي اشتريه ده لجنه
عزيز /انت بتقول ايه ازاي يعني عرفت توصلها ازاي طب اتجوزتو امتا
مازن / حيلك حيلك اتجوزنا ايه قول يارب بس هيا توافق
عزيز / يارب ي سيدي بس احكيلي وصلتلها ازاي
وقص عليه بإختصار سبب وجود جنه ف الصعيد وانه اخيرا اعترف لها بما يحمله لها من مشاعر
عزيز / امممم يعني انت دلوقت بتديها فرصه تحبك مش كده
مازن / بالظبط كده وبصراحه بقا مش عارف اجيبها ازاي دي
عزيز / بص ي مازن متفكرش اللي يجي ف بالك انو يفرحها نفذو ع طول واعرف بتحب ايه ومبتحبش ايه خليك واقف جنبها ف الصغيره قبل الكبيره ف الحزن قبل الفرح ومتمنعش نفسك انك تعمل اي حاجه ممكن تفرحها حتي لو بالنسبالك تافهه بالنسبالها هتبقا لافته حلوه منك وهتفضل فكرهالك
مازن / ماشي ي عم الدنجوان هجرب
عزيز / ههههههه انت لسا فاكر الاسم ده
مازن / هو ده يتنسي ده انت كنت دنجوان الكليه مبترحمش
عزيز / خلاص ي مازن كان زمان موت ابويا غيرني كتير اوي
مازن / ربنا يقويك ي صاحبي انا هقوم بقا عشان ورايا حجات كتير لازم اعملها بس تعالا الاول اجبلها هدوم من هنا
ذهب مازن واختار اكتر من شئ مناسبين لجنه واستعان بشكل الفتاه ساعادته كثيرا لكي ينتقي افضل ما يمكن لجنته 🎀 وودع صديقه ووعده انهم سيلتقون قريبا جدا ذهب للمشفي طرق الباب وأخذ منها الاذن بالدخول ولكنه اخفي ما بيده سريعا عندما رأي والده امامه
الحج حسين / تعالا ي مازن ي ولدي
مازن / السلام عليكم
الجميع / وعليكم السلام
مازن / كيفك دلوك ي بشمهندسه
جنه ولم ترفع عيناها في عيناه / الحمد لله احسن بكتير
مازن / الحمد لله واني جاي عديت ع الدكتور واطمانت انك بقيتي احسن وتجدري تخرجي بعد يومين
جنه / الحمد لله انا متشكره جدا ع وقفتكو جنبي
الست فريده / متجوليش إكديه ي بتي انتي كيف سناء بتي بالضبط
جنه / ربنا يخليكي ي ماما الحجه والله انتو ونعم الناس
سناء / والله انتي اللي حتت سُكًره ي بشمهندسه ربنا يعلم انا حبيتك جد ايه
جنه / والله وانا كمان ي سناء حبيتكو كلكو وبالذات انتي عشان استحملتي عضي فيكي لما الدكتور جه يديني الحقنه
سناء / هههههه باه متفكرنيش صوح محضرتش انت ي مازن ديه باهدلاتنا كيف
مازن / ليه ايه اللي حوصول
سناء / جه الداكتور عشان يديها حقنه فيتامين عشان الدم اللي نزل منيها وديه شافت الحجنه من اهنه و عايزه توهروب من اهنه
لولا اني مسكتها والدكتور جالي اكتفها لان الحجنه مهمه وراحت رافعه البتاع اللي لابساه ده واول م الدكتور مسك يدها وهيا نازله عض فيا اما بهدالاتني
لم تتلقي سناء رد فندهت عليه / مازن ي مازن
مازن وبعد ان فاق من شروده فالتف لها بوجه غاضب ولكن اخفاه سريعا قبل ان يكشفه احد ولكن قد حدث ما حدث ورأته جنه
جنه في سرها / مالو ده ياختي اتحول كده ليه فجاه
وقف والده ليرحل
الحج حسين / اني هجوم اشوف المأمور عشان ياچي ياخد اجوالك ي بتي واوصل الجماعه البيت
نطقت الحجه فريده / لاه ي حج اني هجعت مع البنيه يمكن تحتاچ حاچه اكون جمبها
سناء/ لاه ياما اني اللي هجعد معاها اني هعرف اجضي طلباتها
الحجه فريده / لاه جولت اني هجعد معاها
جنه / لا ي ماما الحجه روحي انا مش عايزه اتعبك معايا اكتر من كده وانتي كمان ي سناء انا كويسه وهنا في ممرضات يعني لو احتاجت حاجه هدوس ع الزراز هايجولي ع طول
مازن / لاه ي حجه روحي انتي وسناء اني بعد اذنك ي ابوي هكون هنا انا ججزت اوضه جنبها لازم يكون في راچل معاها عشان لو حصل حاجه لقدر الله وكمان انا جبتلها تليفون بدل اللي وقع منها وخط جديد كمان عشان لو في حاجه ترنلي اااقصد ترنلنا انا سجلتلها ارقامنا
الحج حسين والذي بدأ يفسر ما بداخل ابنه/ ماشي ي ولدي اعمل اللي شايفه صح يلا ي سناء يلا ي حجه ابجو تعالولها بكره
عايزه حاجه ي بتي
جنه / لا ي عمو الحج متحرمش منك ولا منكم كلكم
الحج حسين / تعيشي ي بتي خلي بالك عليها ي ولدي واني هروح دلوك واخلي المأ مور ياچي وياخد اجوالها عشان المحضر اللي اتعمل وتكون سلمت الواد للحكومه
مازن بإنبهار / باه كيف عرافت ي ابوي اني مخابرتش حد اني جبت الواد
الحج حسين بغمزه / بس اني مش محتاچ حد يعرفني دماغ ولدي ي مازن
نظر مازن لوالده وشك انه بدء بتفسير ما بعقله ف هز دماغه واستأذن والده وبالفعل. حضر المأمور ومعه عسكري واخذ اقوال جنه التي بدأت ترتعش لتذكرها ما حدث مره اخري تحكم مازن بنفسه ولكن عندما خرج المأمور لم يقدر ان يراها بهذه الحاله ف اقترب منها ووضع رأسها ع صدره مقبلا اياها يحاول فقط تهدئتها
مازن / اهدي ي جنتي خلاص حقك جالك وبذياده كمان
جنه / انا مش فاهمه انت جبته ازاي وعملت فيه ايه
مازن / مكنش ينفع يعدي يوم م غير م اجبلك حقك وهوا خد جزاته مني وهياخذ جزاته بالقانون كمان دي فيها عمره مجرد فكره انو حاول يقرب منك كانت مجنناني لو مكنتش جبت حقك كنت شيلت كلمه راجل م بطاقتي ي روجتي المستقبليه 😉😂
جنه ورفعت رأسها عنه بخجل
مازن / لييييه يوووه خليكي احكيلك اللي حصل كمان
جنه بضحك / هههههه بس بقا مازن مش قدرالك
مازن / ايه ايه قولتي ايه قولي كده تاني
جنه بخضه / قولت ايه 😳.
مازن بتكشيره مزيفه /قولتي ايه عيدي اللي قولتيه 🤨
جنه /قولت مش قدرالك
مازن / لا اللي قبلها
جنه / قولت بس ي مازن
مازن / الله 😍😍 احلا مره اسمع فيها اسمي ايه ده ده طلع حلو اري وانا معرفش مش عوض اللي يجي يزعق ف ودني الحقني ي مازين بيييه كرهني ف اسمي ايه ده اعوزو بالله بقول اي متيجي هنا تاني وشاور تجاه قلبه
جنه / لا بقولك ايه متسوقش فيها احمد ربنا اني سكتلك اصلا انت عارف انا لو قدرالك كنت عملت فيك ايه 😠
وكان هذا رد فعل مازن 👈🏻👈🏻😳😳😳😳😳😳
مازن /يخربيتك ايه ده فيه ايه انتي رجعتي تاني لسانك ده عايز قصه وبعدين تعالي هنا صح انتي عارفه انا اللي هعمل فيكي ايه
جنه وقد وضعت يدها بخصرها / ها ليه بقا ي اخويا هوا انا اللي مصدقت وقومت حضنا دماغك
مازن بهيام / ياريييت هيييح 😍😍😍
جنه / نعم
مازن / اقصد ان يعني ازاي ي استاذه انتي تسمحي للدكتور يمسك ايدك كده
جنه /تقولش بيحب فيا ي اخويا جانو شكه ف معاميعو ده كان جايبلي عدوتي
مازن / شكه ف معاميعو في مهندسه تقول شكه ف معاميعو 🙄 وبعدين مين عدوتك دي
جنه / الحقنه
مازن / بتخافي م الحقنه ي طفله 😂😂
جنه / عندك انا مبخافش من حاجه انا بس بترعب منها 😒
مازن / هههههههه اللي يسمعك وانتي بتقولي عندك دي يقول بس البت قلب اسد 😂 عمتا تبقا تتكرر مره تانيه ي جنه والله لهيبقا لك حساب تاني معايا 😡
جنه / حساب تاني ازاي يعني وبعدين ده ايه ده ياختي انت بتتحول فجاه كده ليه ي جدع انت 😏
مازن /وقتها هعرفك وهندمك انك مسمعتيش كلامي / ماشي ي ستي هسيبك انا بقا ترتاحي شويه وانا ف الاوضه اللي جنبك لو عوزتي حاجه هتلاقي رقمي متسجل عندك
جنه / مازن
مازن بهيام / قلبه❤️ ااا احم اا اقصد نعم
جنه بعد ان ابتسمت ابتسامه صادقه ع تلقائيته / كنت عايزه اسالك ع الشنطه اللي انت خبيتها اول م دخلت دي
مازن / اها صحيح فكرتيني انا اصل قولت ممكن الهدوم اللي تجبهالك سناء متعجبكيش كذوق يعني ف ف
جنه / ف ايه لسانك كلته القطه كمل
مازن / يادي النيله عليا انا ايه خلاني اتنيل واحب واحده لسانها شبرين ياربي 🤨
جنه/ بقا كده ي مازن انا لساني شبرين طاايب انا بقا هوريك ان...
مازن / باااااس 🤚🏻 هيا وصلت لهوريك ولسا هتكملي انا قايم ماشي اروح عند امي محدش يقولي هوريك ولا اوريه صحيح منا اللي جبته لنفسي الشنطه فيها هدوم تقدري تقعدي بيها وهدوم خروج عشان لما تخرجي من هنا الحق بقا انفد بجلدي قبل م تديني موشح تاني سلام 👋🏻
وفر هاربا م امامها وانفجرت هيا ضاحكه عليه
يتبع
🎀🎀 🎀🎀 جنه في قلب صعيدي 🎀🎀 🎀🎀
❤️❤️❤️❤️😍الفصل الثامن 😍❤️❤️❤️❤️
في احد المطاعم المشهوره
دخلت شروق كأميره امام فارسها بعد ان حجز مروان المكان بأكمله
شروق / ايه ده ي مروان الحق
مروان / في ايه
شروق / تعالا تعالا ده شكلهم قافلين مفيش حد ف المحل خالص
مروان وقد سحبها من يدها واكمل طريقه
مروان / تعالي تعالي ي شروق الله يهديكي
شروق / رايح فين بس شكلنا هيبقا وحش كده وباين اوي انهم لسا قافلين
مروان / يبنتي امشي انتي لزقتي تعالي وانا هفهمك
شروق / ي مروان انت عايز تحرجنا وخلاص
مروان / صبرني يااارب منا واخد معايا بنت اختي باين
فسارت معه وهيا متعجبه من اصراره عل الدخول و المحل مغلق
تفاجأت بالضراء التي انيرت اضواء خافته واحدهم يعزف ع الكمان بهدوء وكانه يعزف لعشاق فيار بها مروان لساحه الرقص ورقص معها بدون ان يتكلم وهيا صامته متعجبه من تصرفاته الغير مفهومه فهذا هو الشخص الذي كان يضربها بوحشيه منذ يومين يالله لم اعد قادره ع تفسير شئ والان سأري ماذا يحدث
شروق / مروان
مروان بهيام وهو يرقص بها بهدوء وصمت / قلب مروان 😍
فصمتت فاكمل هو/ سكتي ليه كنتي عايزه تقولي ايه
شروق / انا مش فاهمه حاجه
مروان /عايزه تفهمي ايه وانا افهمك
شروق / كل حاجه احنا هنا ليه وفين الناس وانت ازاي بعد م ضربتني فجاه بقيت بتتعامل معايا بهدوء كده وحنيه وانا ازاي بقيت ف البيت اللي انت لقتني فيه انا واثقه انك تعرف حاجه خلتك بعد م كنت هتموتني هديت بدون اسباب وليه حاسه ان فيك حاجه غامضه مش قادره افهمها وانت عايز مني ايه وليه لغايه دلوقت منفذتش اي حاجه تنتقم من ابويا فيها انا حاسه اني دخلت مغاره وتوهت فيها 😔
مروان / خلصتي
فهزت برأسها بمعني نعم
مروان / تمام انا هفهمك كل حاجه بس تعالي نقعد وناكل الاول
شروق / حاضر
ذهبو ع الطرابيزه اني النادل وسالها مروان عن ما تشتهيه وطلبت شروق ما تريده وطلب مروان مثلها وذهب النادل واتي بعد دقائق ومعه مساعديه يحملون الطعام وضعوه وذهبو بهدوء وقبل ان تتحدث شروق سبقها مروان
مروان / كلي الاول ي شروق وصدقيني اي حاجه عايزه تفهميها هفهمهالك
وافقت شروق وبدأو يأكلون ويخطف منها نظرات وهيا لم تراه وعندما تقابلت عيناهم اقتربت يداه وامسكت بيداها التي تحمل الطعام قرب فمه منها واكل ما بيدها ولكنه اخذ معها اصابعها وبعد ان ابتلع ما بفمه قبل يدها بابتسامه عاشق وترك يدها لتكمل طعامها وبالفعل انتهو من طعامهم واتي النادل وضع لهم منيو المشروبات ولكن اندفعت شروق بتلقائيه
شروق / لا ي اسمك ايه انا عايزه ايس كريم تشوكلت 🤗😋
لم تلاحظ هذا الذي اصبح كتله من الغضب والنيران تأكله امر النادل ان يأتي بما تريده ولكن عندما يأمره بذلك والتف اليها
مروان / ما تقومي تاخديه بالحضن ولا نجيبه يقعد معانا هنا 😡
شروق / هوا مين ده
مروان / الاستاذ اللي كان واقف بتدلعي عليه كده ليه
شروق / انا مش بتدلع ع حد انا بس كان نفسي ف حاجه واول م لقيتها ف المنيو مترددتش وطلبتها من غير ما اخد بالي وبعدين اي اخده بالحضن ديه خد بالك م كلامك
هدء مروان قليلا محاولا التحكم باعصابه فهي لا تعلم انه يحبها وانها غيره العشق ي ساده
مروان وقد امسك يدها / انا اسف ي شروق بس غصب عني انفعلت
شروق / انت بتخوفني منك وترجع تقولي غصب عني
مروان / لا اوعي تخافي مني انا بالذات انا عمري م هأذيكي
ف نظرت له بمعني انك فعلتها من قبل ففهم هو ما تفكر به
مروان / طيب انا عارف انك دلوقت بتقولي اني فعلا اذيتك قبل كده بس اتعالي حطي نفسك مكاني واحد وصلو رساله ان مراتو ف بيت دعاره وف حضن واحد تاني واما مصدقهاش وصلتو صور تثبت ده واما روحت اتاكدت ان ده حقيقي المطلوب مني اعمل ايه ي شروق انا راجل وشرقي وانتي مراتي وانا بغير عليكي انتي شايله اسمي غصب عني غضبي عماني مبقتش عارف بعمل ايه
شروق بدموع / بس كلامك وقتها حسسني اني واحده رخيصه اوي وجعني اكتر من ضربك ليا
مروان وهو يقبل يدها / انا اسف غصب عني كل ده كان وقت غضب
شروق / طب اوعدني ان اي حاجه هسالها هتجاوبني بصراحه عليها
مروان / حاضر ي ستي اوعدك
شروق / مين اللي بعتلك الصور وانا ازاي بقيت هناك
مروان في نفسه / ااااخ ي شروق اقولك ازاي بس لو قولتلك هتدمري يبقا بكسرك بايدي اااخ لو تعرفي ان اللي عراكي وحطك ف سرير جنب واحد غريب ف كان ابوكي عشان يزلني هه يعني بدل منا اللي ابقا مسكتو من ايدي اللي بتوجعو بيكي الايه اتعكست وانتي بقيتي نقطه ضعفي انا اقولك ايه ولا ايه بس
مروان / انا اه وعدتك بس في حجات مينفعش تعرفيها اان لو عرفتيها هبقي بأذيكي فعلا
شروق / تأذيني ازاي يعني اني افهم يبقا بتأذيني طب فهمني انت ليه غامض كده
مروان / لا انا هفهمك حاجه تانيه احسن
شروق / حاجه ايه
مروان/ استني بس تاكلي الايس كريم وبعدين تعالي نروح وهفهمهالك ف البيت احسن 😉
شروق / لا خلاص مش عايزه ايس كريم
مروان بضحك /مستعجله ع الفهم 😉
شروق ببصه احتقار /. تقصد ايه اه مستعجله عايزه اعرف ايه الحدوته اللي انا عايشه فيها دي مع واحد غامض معرفش عنه غير اسمه وايده اللي بتضرب😏
مروان / خلاص بقا قولنا اول واخر مره وبعدين ايدي بتعمل حجات تانيه كتير غير الضرب هتعرفيها بعدين 😉
شروق / مش عارفه ليه مش مرتحالك
ضحك مروان وطلب من النادل الايس كريم وجاء به التهمته كطفله صغيره شاهدها هو باستمتاع ع منظرها الطفولي الذي يجعله يعشقها اكثر واكثر انتهت من مغامراتها مع الايس كريم وانصرفو ذهب اللي المنزل وعندما دخلو حملها سريعا تفاجئت هيا من ما فعل
شروق / مروان انت بتعمل ايه نزلني انت اتجننت
مروان / مهو مينفعش الاميرات يمشو ع الارض كده عادي لازم يتشالو وانا بصراحه احب م ع قلبي اني اشيل اميرتي
تشبثت برقبته خوفا ان تقع دخل بها غرفته
شروق / ايه ده انا عايزه اروح اوضتي
مروان / مهي دي اوضتك
شروق / لا دي اوضتك انت
مروان / هو انتي متعرفيش ان اوضتنا هتبقا واحده بعد كده
شروق / لا طبعا مستحيل متنساش اتفاقك ووعدك ليا
ولا انت يعني عايزني وبعد كده ابقا انا ضعت لا انت يوم م هتطلقني هتطلقني وانا بنت زي متجوزتني
مروان / ايه اللي انتي بتقوليه ده
شروق / ايوا ايه بقول الحقيقه انت عايزني لمزاجك بس بعد كده ترميني
مروان/ شرررووووق خلي بالك من كلامك معايا انا مش واحد شهواني ولا وسخ اوي كده عشان اعمل اللي بتقوليه ده انتي مراتي يعني لو عايز اعمل معاكي اي حاجه هعملها من غير م اخد اذنك ولو ع الاوضه ف تقدري تروحي اوضتك لان انا اللي مش عايزك وخرج وصفع الباب بقوه خلفه ف جلست هيا تبكي لا تعلم لماذا قالت له هكذا فهيا تعلم انه ليس بهذا الشخص الذي تكلمت عنه ولكنها خافت ان يحدث شئ يغيره معها فاختارت الصبر في هذا الوضع بعد ساعه تقريبا وهيا ع نفس الوضع سمعت هاتفها ينبه بوصول رساله ف ذهب لتاتي به فكانت الرساله من مروان
(( جهزي نفسك عشان هنسافر الصعيد ساعه تكوني جهزتي الشنط وهاجي اخدك )) حاولت ان تهاتفه ولكن كان يأتيها الرد ان الهاتف الذي طلبه مغلق .
#يتبع
#تعليقات_كتييييير_ب٢٠ملصق_وتفاعل_عشان_اقدر_اكمل_نشر❤️
تعليقات
إرسال تعليق