مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

فتون 💞

(الجزء الحادي عشر والثاني عشر ) 

بقلمي مآآهي آآحمد

امير : اعرفك يافتون مروه مراتي 

فتون : ايه مراتك 

مروه : ايوه ياحبيبتي مراته ايه مابتسمعيش 

و انا عايزه اعرف الزباله دي بتعمل معاك اي هنا ؟ وعامل فيها شيخ وسيبت باباك والدنيا كلها وبعدت عن كل حاجه حرام بتحصل وانت هنا بتقضيها في شرم ياشيخنا ، 

امير :  اخرسي ، دي اشرف منك ومن عشره زيك 

مروه :  انت عايز تفضل الزباله دي عليا انا 

امير : ما تتكلميش عليها كده الزباله دي تبقي اشرف منك الف مره ومن عشره زيك 

فتون اول ما شافت كده سابت امير وطلعت من الشاليه بسرعه ورزعت الباب وراها 

امير : فتون استني وجه يجرى وراها ابوه مسكه من دراعه وقاله 

ابو امير : استني هنا انت رايح فين 

امير : سيبني يابابا ارجوك دلوقتي 

مروه : يسيبك تروح وراها وتضيع نفسك وتضيعنا معاك

امير : وانتي من امتي بتخافي عليا ياست هانم انتي اهم حاجه عندك مصلحتك وبس انا عارف ده كويس 

وسابهم ومشي بسرعه يدور علي فتون طلع بره وبقي يبص شمال ويمين والدنيا مره مطرت .. مطرت الصيف وشاف  فتون ماشيه ومش عارفه تروح علي فين واول ماشافها جرى عليها وناده عليها 

اميير : فتووووون 

بس فتون ماكنتش بترد عليه 

جري بسرعه عشان يلحقها واوا ما وصلها مسكها من دراعها وقلها 

امير : فتون استني 

فتون : ماتلمسنيش 

ابعد . امشى يا امير 

امير : مش همشي يافتون 

فتون : لاء هتمشي .. هتمشي عشان انا مش طايقه اشوف وشك ( بعياط ) 

انت ازاي ماتقوليش انك متجوز وفي واحده تانيه شايله اسمك 

ازاي قدرت تبقي معايا المده دي كلها وماتقوليش 

للدرجه دي انا مش مهمه عندك 

امير : تمام .. انتي عندك حق انا ماقولتلكيش حاجه عن نفسي عشان ماكنتش اعرف ان حاجه زي دي هتضايقك اوي كده 

فتون : هتضايقني والله هتضايقني يا امير 

هتضايقني عشان حسستني اني ولا حاجه في حياتك لدرجه انك ماتحكليش حاجه مهمه زي دي 

امير : ولو قولتلك هيفرق ايه في علاقتنا يافتون 

فتون : هيفرق والله هيفرق 

امير : ( بزعيق ) خلاص هقولك عايزه تعرفي اني اتجوزتها جواز مصلحه مش اكتر خلاص عرفتي يافتون 

فتون : مصلحه او مش مصلحه المهم انك كنت تقولي ..

انت ماوثقتش فيا يا امير كان ممكن تقولي انك متجوز حتي قبل ما......

ياجماعه ماتنسوش تعملوا تصويت علي لينك المسابقه بتاع ضحيه عنيد عشان خاطرى ساعدوني نفسي تتعمل كتاب صوتوا لضحيه عنيد ده لينك المسابقه 

https://t.me/darmsr/3235

امير : قبل ايه يافتون قولي 

فتون سكتت وبقيت ايدها تترعش جه يلمس ايدها وهي بتتترعش زعقت فيه اكتر وقالتله 

فتون : قولتلك ماتلمسنيش 

وبعدها لفت وشها وسابته ومشيت 

وقتها امير حس ان في جزء منه هيضيع منه لو ساب فتون تمشي وبسرعه نده عليها وجرى عليها وشدها من ايديها وضمها لحضنه فتون وقتها بقت في حضنه وبقت تعيط ودموعها تنزل منها من غير ما تحس وقالتله وهي سانده راسها علي كتفه وفي حضنه 

فتون : انا زعلانه منك اوي يا امير .. اوي 

امير : ماتزعليش مني حقك عليا يافتون 

فتون : ( بنهجه وعياط )  المشكله اني مش عايزه اشتكي لحد منك غير ليك يا امير 

امير مسك وش فتون ما بين ايديه وقلها 

امير : حقك عليا يافتون انا مكنتش عايز اقولك عشان كنت خايف تسبيني وانا .. انا مش عايزك تسبيني يافتون 

فهماني يافتون انا ماقولتلكيش ليه ؟ 

فتون كانت بتبصله وتعيط ودموعها تنزل منها وبس 

امير : ( مسح بأيديه دموع فتون اللي نازله منها وقلها ) 

امير : ماتعيطيش يافتون انا مستهلش منك دمعه واحده تنزل عشاني انتي غاليه عندي اوي يافتون وباسها من علي جبينها واخدها في حضنه مره تانيه 

المشهد ده حلو بجد عشان كده انا عملتوا فيديو اعملي سيرش هلي الفيس علي بيدج حكآآيآآت مآآهي هتظهرلك علي طول واتمني الفيديو يعجبكم

امير وفتون بيبصوا لقوا عربيات jeep كتيره اوي حواليهم ومره الواحده المسدسات كلها اترفعت علي امير وفتون ونزل منها ابو عصام وماسك السيجار في ايده وعصام ونزلوا 

ابو عصام : بصراحه انت دوختنا عليك شخر بحاله ياراجل بس مش مشكله المهم اني لاقيتك في الاخر 

امير وقتها علي طول رجع فتون ورا ضهره وقاله 

امير : وانا عندك اهوه اعمل فيا اللي تعمله بس سيبها هي تمشي 

فتون بصيتله كده اللي هو انت بتقول ايه 

فتون : انا مش همشي غير معاك يا امير يا اما مش همشي اصلا 

عصام : لحق ياكل عقلك يافتون انا عارف كويس اكيد انت اللي غاصبها علي كده 

امير مافيا ابو عصام كلها حواليه وهو مهما كان واحد لوحده والكتره تغلب الشجاعه بس برغم كده مستسلمش وطلع المسدس بسرعه من جيبه اللي ورا وضرب رصاصه تحت عند رجل عصام بالظبط علي الارض وقال 

امير : انا كان ممكن اجيب الطلقه دي فيك ياعصام واموتك دلوقتي قدام ابوك وقدام الخرفان اللي جايبهم بس بصراحه كده انا بطلت امووت نسوان من زمان 

ابو عصام اضايق جدا وقال 

ابو عصام : ( بصوت ابوفاسا ) اقتلووهم 

عصام جري بسرعه علي ابوه وقاله 

عصام : لاء فتون لا ياوالدي ماينفعش فتون تموت هو بس اللي يموت 

ابو عصام : (بغيظ ). قولت اقتلوهم الاتنين 

ولسه المسدسات بتترفع وبينشنووه عليهم جه ابو امير بالمافيا بتاعته وبقي يضرب نار في كل حته وقتها امير بسرعه اخد فتون وجرى خباها في عربيه من عربياتهم 

واخد المسدس وبقي يضرب كل اللي يقابله بس برضوا مكانش بيمووت حد ومره واحده في ظرف ٣دقايق كانت في ناس كتير ميته من ابو عصام وابو امير وفي الاخر البوليس وصل وكله ركب عربياته وجرى بسرعه بس ابو عصام وهو ماشي قال 

ابو عصام : مش هسيبك يا امير انت فاهم 😡 مش هسيبك 

امير بسرعه ساق العربيه اللي فيها فتون وباباه وهرب قبل ما حد يشوفهم ورجعوا علي الفيلا 

امير ماسك فتون ومحاوط عليها وحاططها جوه قلبه 

ابو امير ( بغضب ) : نادي علي امير وقاله 

اميييييير 

امير : من غير زعيق انا عارف انت هتقول ايه ؟ 

بس اللي عايزك تعرفه كويس ان فتون دي تخصني 

ابو عصام : تخصك يعني ايه ؟ انت جيبتلنا مصيبه انا مابقيتش قد رجاله عصام وابوه وخصوصا بعد ماسيبتني بقيت ضعيف من غير ضهر مش حته بت من الشارع تخليك تخسرني وتخسر نفسك وتخسر اهلك 

امير : ماتقولش عليها كده انت فاهم 😡

ابو امير :  ( بشخيط وزعيق ) لا هقول تقربلنا ايه دي عشان نعمل عشانها كل ده 

امير : عايز تعرف دي تبقالي ايه 

ابو امير: ايوه عايز اعرف 

امير: يهمك اوي 

ابو امير : ايوه يهمني

امير : دي تبقي حبيبتي 

فتون وقتها اتصدمت وبقت تبص لامير باستغراب  و امير مسك ايد فتون اكتر وقربها منه اكتر وبصلها وقلها

امير: ايوه يافتون انتي تبقي حبيبتي وعمرى ما حبيت ولا هحب حد قد ما حبيتك 

فتون : امير انت .. بجد .. امير .. انا .. انا .. مش مصدقه 

امير : لا يافتون صدقيني انا بحبك ❤️

ابوامير  ( قعد علي الكرسي ومبقاش مصدق )  ايه اللي بتقوله ده يا امير 

امير : قرب من والده ولمس ايده وقاله 

امير : انت عارف اني عمرى ما حبيت قبل كده ولا كنت هحب في يوم بس فتون غيرت فيا حاجات كتير من يوم موت ياسمين بنتي وانا كنت عايش ميت من غير روح بس فتون رجعتلي روحي تاني ارجوك يابابا اقف جنبي اعمل حاجه واحده صح في حياتك خليك معايا ماتسبنيش انا مش هقدر اقف لعصام وابوه لوحدي 

ابو امير : للدرجه دي بتحبها يا امير 

امير : واكتر ياوالدي واكتر 

والد امير : انا هساعدك يا امير هساعدك عشان عمرى ما شوفتك مبسوط ولا في عيونك اللمعه دي زي النهارده 

امير ابتسم لابوه وابوه اخده في حضنه 

امير اخد فتون وطلعها اوضتها فوق في الفيلا ووصلها لاوضتها 

امير : دي اوضتك يافتون وفتحلها باب الاوضه 

فتون جت تدخل راحت قالت لامير 

فتوون : ايوه بس انا عايزه اقولك 

امير حط صوباعه علي شفايف فتون وقلها

امير : هووووووش احنا اتكلمنا كتيييير اوي النهارده خلينا نرتاح وبعد كده بكره هنتكلم زي ما احنا عايزين 

فتون شاورت براسها كده انها موافقه ودخلت الاوضه وقفلت علي نفسها الباب وشافت الاوضه والسرير ايه حاجه كده وهم والسرير ناااعم وجميل راحت رمت نفسها عليه وهي فرحانه ومبسوطه ان امير طلع بيحبها واخدت المخده في حضنها ونامت وبعدها فتون وهي بتتقلب بتبص لاقيت واحد لابس اسود في اسود وقناع اسود حط ايده علي بوقها فتون جت تصرخ راح حط بسرعه بنج علي وشها ونزل من البلكونه زي ما جه 

ومره واحده الفيلا كلها بقت مافيا  ابو عصام حواليها وبقوا يضربوا نار بالرشاشات بسرعه امير قام هو ووالده وطلعوا بسرعه بره ورجاله ابو عصام بقت تضرب بالنار عليهم بقي امير يوطي وجرى بسرعه علي اوضه فتون مالقهاش ابو امير دخل عليه وداله مفتاح وقاله 

ابو امير : بسرعه الحقها وده مفتاح اللانش انت عارف هتعمل ايه 

امير: حضن والده وقاله خللي بالك من نفسك 

ابو امير : امشي انت انا هعرف اتصرف 

امير ركب عربيته وطلع بسرعه لقي عربيه سودا jeep  بتجرى قدامه عرف وقتها ان دي فيها فتون وهوبيجرى بقت طلقات النار بتييجي فيه بكل هدوء داس علي الزراز وغير ازاز العربيه للازاز الغير قابل للرصاص ولبس نضارته وشغل سونج هاديه وابتدي يسوق علي اسرع سرعه وبقي يخبط في العربيه اللي فيها فتون لحد ما خبطت في صخره كبيره امير علي قد ما يقدر حاول ان العربيه اللي فيها فتون ماتتقلبش عشان فتون ما تتأذيش واخيرا الرجاله اللي في العربيه نزلوا وامير طلع سلاحه وبقي يضرب فيهم لحد ما وقعوا وفتح العربيه وشال فتون علي كتفه وحطها في عربيته وبعدها وصل للشط وراح للانش بتاعهم واخدها علي جزيره فيها زي كوخ صغير كده ونيم فتون فيها وأول ما نيم فتون كان تعبان جدا نام من كتر التعب جنبها فتون اول ما صحيت وفاقت لاقيت امير جنبها ابتسمت وضحكت وراحت بحركه لا اراديه منها باسته بوسه جنب شفايفه 

امير ابتسم وصحي 

امير : اخيرا فوقتي

فتون : هو ايه اللي حصل 

امير : مافيش كانوا عايزين ياخدوكي مني مش اكتر 

فتون : بس ماينفعش حد ياخد فتون من امير صح يا امير

امير : صح يافتون 

امير : قومي بقي كده عشان انا جعان ميت من الجوع 

فتون : طيب هناكل ايه هو في هنا اكل 

امير : بذمتك ينفع تبقي جنب احسن صياد وتقولي. هو في اكل 

امير اخد الصناره بتاعته وطلع علي البحر يصطاد هو وفتون 

فتون قعدت جنب امير بالساعه ومافيش ولا سمكه راضيه تيجي معاه

فتون : ايه يا احسن صياد يابني حرام عليك هنموت من الجوع 

امير : اصبري يافتون وبعدين الصيد بيعلم الصبر اصبري 

فتون: طيب انت هتفضل ساكت كده كتيير 

امير : عايزه تقولي ايه يافتون 

فتون : انت ليك بنت ماتت يا امير 

امير: انا هحكيلك كل حاجه عن نفسي يافتون ويعلم ربنا ان كل كلمه هقولهالك صدق

فتون : قول يا امير انا سمعاك 

امير : انا خلصت كليه الطب من هنا وابويا فتحلي مستشفي من هنا وبقيت انا المسؤول عنها وبقينا نشتغل في دوا فاسد الexpire بتاعه كان بيبقي منتهي الصلاحيه نقوم نغير التاريخ ونرجعه تاني ونبيعه بأعلي سعر كنت بشوف مرضي كتير بتموت حواليا من الدوا الفاسد ورغم كده مكانش بيتهزلي شعره ابويا حب بعدها يكبر شغله ويشتغل في السلاح مع ابو مروه مراتي بس كان لازم حاجه بسيطه عشان شغلنا يكبر اني اتجوز مروه اتحوزتها واول ما دخلت عليها لاقيتها مش بنت بنوت طبعا حطيت جزمه في بوقي وسكت عشان مصالحي مع ابوها تمشي وبعد كده كل يوم كنت بشوفها مع واحد شكل والمفروض اني لازم اسكت عشان المصالح ولو اتكلمت ابو مروه هيزعل ومصالحنا مش هتمشي كنت قد ايه راجل ديوث وفي مره جت بتقولي انها حامل طبعا قولت ده مش مني بس طبعا سكت زي كل مره بس الغريبه بقي انها لما ولدت وعملت تحليل dna للبنت لاقيتها بنتي فعلا فرحت اوي انها بنتي امها مكانتش بتهتم بيها خالص يافتون خروج فسح لبس مكياج سهر لحد ما البنت بقي عندها ٣ سنين وفي يوم كنت جايب البرشام المنتهي الصلاحيه ده عندي البيت بشيل عينه منه في الخزنه بس كنت تعبان اوي روحت حطيته جنبي علي الكومود ونمت صحيت لاقيت بنتي بتلعب جنبي بالبرشام وبلعته كله يافتون حاولت أطلعه من بوقها بس كان خلاص الوقت فات ماتت ما بين ايديا بقيت اعيط وابكي عليها زي ما يكون ربنا بيقولي دوق من نفس الكاس اللي بتسقيه لغيرك ومن وقتها وانا سيبت كل حاجه وبعدت عن اي حاجه حرام وبقيت عايش لوحدي ومش بدخل قرش من فلوس والدي عليا 

فتون : طيب ومامتها عملت ايه 

امير: لا بصراحه مامتها زعلت بصراحه اسبوع او اسبوعين بالكتير ورجعت زي ما كانت واكتر ولا أكن بنتها ماتت انا مطلقها ورامي عليها يمين الطلاق بس طبعا عشان المصالح اللي بين والدها وبين والدي ابويا اترجاني مش اطلقها رسمي 

عرفتي بقي يافتون حكايتي 

فتون وقتها اخدت امير في حضنها اكتر وبقي يبكي اكتر لما افتكر بنته بس كل مره كان بيبكي لوحده اما المره دي كان بيبكي في حضن فتون 

بكره ان شاء الله هينزل الجزء الثاني عشر من الروايه الساعه 8

ياجماعه ارجوكم التفاعل لاف وعشر كومنتات عشان اقدر اكمل انا طولت البارت علي فد ما اقدر 

فتون 💞

( الجزء الثاني عشر ) 

بقلمي مآآهي آآحمد

امير كل مره لما بيفتكر ان بنته ماتت بسببه كان بيفضل يبكي .. يبكي بس دايما بيكون لوحده بس المره دي مكانش لوحده المره دي بكي في حضن فتون 

بقلمي مآآهي آآحمد

فتون  اخدت امير في حضنها وبقت تملس علي شعره بكل حنيه ماتكلمتش ولا كلمه وقتها غير انها خدته في حضنها وبس اوقات كتير مابنبقاش عايزين نتكلم علي قد ما عايزين حد يحتوينا وده اللي فتون عملته 

بقلمي مآآهي آآحمد

ومره واحده الصناره غمزت وهما الاتنين كانوا قاعدين علي صخره قدام البحر 

فتون : امير الصناره غمزت 

امير بسرعه مسك الصناره ووقف وحاول يشد الصناره ويرفعها بس كانت تقيله جدا 

امير: شدي معايا يافتون بسرعه 

فتون بقت تمسك الله الصناره مع امير ويرفعوها سوا 

امير: خلاص هانت اهيه 

فتون : ده قرش ده مش سمكه ولا ايه 🤔

امير : شدي وانتي ساكته لا القرش يطلع يعضك 😂

بقلمي مآآهي آآحمد

فتون : طيب اهوه الحق .. الحق خلاص اهوه 

امير بيشد وبعد كل ده طلعت حته سمكه صغيره ماتمسحش الزور امير بصلها كده وقال لفتون 

امير : دي تنفع معاكي 

فتون لاقيت السمكه صغيره اوي ياعيني قالتله 

فتون : امير تلاقي امها بدارى عليها سيبها يا امير حرام 

امير : فتون انتي بتقولي ايه ده انا ماصدقت اصطدها 

فتون : يا امير حرام عليك تلاقي امها بدور عليها ارحم قلب ام قلبها محروق علي ضناها يابني انت ايه معندكش قلب معندكش رحمه تلاقي ياعيني السمكه مامتها عماله تدور عليها وميته من العياط 

امير بقي يبص لفتون كده وبقي يضحك راح قلها طيب اي رايك بقي اني وانا بشويها مش هأكلك منها يا ام قلب حنين 

فتون : كده طيب فتون بقت تمسك الصناره من امير عشان تجيب السمكه ترجعها البحر وهو ابدا مافيش وبقي يبعد ايده اكتر وهي تلف ورا ضهره وهو يبعد ايده عنها فتون وهي بتلف حوالين امير اتكعبلت ووقعت علي امير ووقعوا هما الاتنين في المايه وهدومهم كلها اتغرفت 

امير بقي يرش مايه علي فتون ومكانتش قادره تفتح عنيها وبعدها طلعت علي ضهره وهما في المايه سوا وبقي شايلها علي ضهره وبقي يعوم بيها وبعد كده امير لف وشه وفتون علي ضهره وبصلها راحت فتون بصيتله وقالتله 

فتون : بحبك ❤️ 

امير : بصلها وقام وقف وراح زقها لورا وقعها في المايه وقلها 

امير : وانا كماااان بحبببببببببببببببببك ❤️

فتون : مجنون بحبك اووووي 

امير : نزل هو وفتون تحت المايه وبقوا مفتحين عنيهم وبيعوموا مايه شرم تحفه تشوفي السمك الصغنن كده وهو حواليكي راح امير بحركه لا اراديه منه باس فتون من شفايفها وبقوا يلف ايديه حوالين وسطها وهما تحت المايه وقربها لي اكتر 

ومحدش يقولي ازاي باسها تحت المايه ياجماعه عشان انا نفسي معرفش بس عادي يعني تخيلوا معايا 😂

بقلمي مآآهي آآحمد

فتون وامير اخيرا طلعوا علي الشط وامير نام علي الشط وفرد ايديه وفتون نامت علي دراعه وكان يوم تحفه بالنسبالهم وبقوا باصين للنجوم في السما كده وامير قال لفتون 

امير : شايفه يافتون النجمه اللي هنااااك دي 

فتون : اللي بتلمع هناك دي ولا الصغيره اللي جنبها 

امير : اللي بتلمع طبعا 

فتون : ايوه شيفاهه مالها 

امير : انتي بالنسبالي النجمه دي يافتون . بعيده وصعبه ومش اي حد يقدر يطولك بسهوله وبتلمعي ضحكتك دايما منوره وشك انتي اه فقيره بس ماقبلتيش انك ماتكونيش شريفه يافتون ودي اكتر حاجه عجبتني فيكي انتي اللي بجد اطمن علي ولادي معاكي 

فتون : انا كل ده يا امير 

امير : واكتر يافتون واكتر والله العظيم 

فتون قامت من حضن امير وقعدت واتكسفت ووشها بقي زي الطمطمايه امير رفع وشها بأيديه وقلها 

امير : فتون تتجوزيني 💝

فتون : قول كده تاني انت قولت ايه 

امير : بقولك تتجوزيني يافتون 

فتون : انت في كامل قواك العقليه يا امير 

امير : والله لو ما جاوبتي هرجع في كلا...

ولسه هيكمل حطت ايدها علي بوقه ودموعها بتلمع في عنيها وهزت راسها والفرحه ماليا عنيها وقلبها وقالتله 

فتون :  ( ودموعها نازله ) موافقه .. طبعا موافقه يا امير  

امير شدها من ايديها وهما علي الشط وراح شالها وحضنها ولف بيها وبقي يلف بيها وهي بتضحك ومبسوطه والفرحه ماليا الدنيا عليها ومابقيتش مصدقه جمال اللحظه دي ومره واحده وهما في كامل سعادتهم جه لانش تبع ابو امير .. امير راح بسرعه يشوف في ايه 

واحد من رجاله ابو امير: امير بيه والدك عايزك حالا انت وانسه فتون عنده في الفيلا 

امير : بابا جراله حاجه 

الراجل : لا ابدا هو عايزك ضرورى مش اكتر 

امير وفتون رجعوا باللانش بسرعه علي الفيلا وهناك لقوا ابو امير وابو عصام وعصام وكلهم امير حط فتون ورا ضهره وقال 

امير : في ايه ياوالدي 

ابو امير : ماتخافش يا امير انا حكيت لوالد عصام علي كل حاجه وهو اتفهم الموقف وعرف ان مش زي ما عصام حكاله خالص وعشان يتغاضي علي اللي حصل مننا ويسيبك تعيش في امان انت وفتون انا هتنازله عن صفقه السلاح وهتبقي من حقه هو 

عصام رد وقال 

عصام : ايوه بس بشرط علي الاقل تسيب فتون تختار مين فينا انا ولا امير اللي عايزه تبقي معاه 

فتون استغربت اللي هو انت مجنون يابني 

فتون جت ترد امير قال انا وفتون اتفقنا علي الجواز عقبالك ياعصام 

عصام : وطول ما انتوا لسه ماتجوزتوش ولسه مابقيتش علي ذمتك تبقي فتون من حقها تختار 

فتون جت ترد عصام قال 

عصام : مش دلوقتي يافتون انتي هتختاري ما بينا بس مش دلوقتي ان شالله لو قبل  يوم فرحكم بساعه يبقي لسه في امل انك تختاريني 

بس لو اختارتني يا امير وقتها مش عايز اشوف وشك حوالين فتون مره تانيه 

امير ابتسم ابتسامه سخريه وعصام خبط في كتف امير ومشي وابو عصام مشي 

امير حضن والده وقاله 

امير : انا مش عارف اقولك ايه حقيقي 

ابو امير : ماتقولش المهم انك تبقي سعيد 

امير : انا مش هقدر ارجع اشتغل معاك تاني 

ابو امير : وانا مطلبتش منك ده انا عايزك تبقي مبسوط يلا وخبط علي دراع امير كده وامير قاله 

امير : انا لازم ارجع بقي 

ابو امير : ماتنساش تعزمني علي الفرح 

امير: انت هتبقي شاهد علي العقد ده اساسي 

ومشي واخد فتون وسابه 

امير وفتون رجعوا الشاليه بتاعه ووقتها امير قلها احنا لازم نتجوز بأسرع وقت يافتون عشان مش هينفع انا وانتي نعيش في بيت واحد كده 

فتون : انا موافقه طبعا 

امير : بس فتون انا هعيش علي قدي يعني انا هنزل اشتغل ومش هرجع للطب تاني انا اعرف عم محمد هنا صياد حلو اوي هطلع معاه وهصطاد معاه واللي ربنا يكرمنا بي هنعيش بي 

فتون : ايه ياعم محسسني انك واخدني من فيلا بابي ما انت عارف الحال والعيشه اللي عيشاها يا امير انا بحبك ❤️ ومستعده اعيش معاك علي اي وضع بس انا لازم اشتغل عشان لازم اصرف علي امي واخواتي 

امير :. ( اتنرفز ) انتي عايزه ترجعي تشتغلي في الكباريه ولا ايه 

فتون : لا لا لا ..انا هشتغل جرسونه في فندق ارجوك يا امير توافق والقفه ام ودنين يشلوها اتنين امير وافق وبقت فتون تشتغل في الفندق فعلا وهو كمان بقي يشتغل مع هم محمد الصياد وعدي شهر وهما سوا وفتون بقت ترتب البيت عشان جوازهم وتجيب اللي ناقص وبيضوا الشاليه هما الاتنين مع بعض وجابت الفرشه وكان كل ما يقول كلمه ماتعحبهاش تحط الفرشه اللي كلها دهان علي وشه وكان بيجرى وراها في كل حته في الشاليه لحد ما كسروه الشهر عدي زي الحلم كان طول اليوم بالنهار بيبقي تعب من الشغل بس اول ما يروحوا ينسوا هم اليوم كله وامير كان بياخد باله اوي وكان كل واحد منهم في اوضه عشام مكانش عايز يعمل حاجه تغضب ربنا قبل الجواز واخيرا جابت فستان الفرح واميره كانت معاها هي وساره وبتقيس فستان الفرح وكانت الفرحه ماليا قلبها وعنيها 

فتون : امير انا لازم ارجع البلد 

امير : ليه يافتون 

فتون : يابني احنا فرحنا كمان ٣ ايام لازم اجيب امي واخواتي وعم حسن عشا يحضروا فرحي ولا انت فاكر انك واخد واحده كده من غير اهل 

امير : بس هتغيبي عني يومين بحالهم 

فتون : حبيبي هبقي اكلمك كل دقيقه في الفون بس لازم اروح اجيبهم امي من حقها تشوفني وانا عروسه 

امير وافق ان فتون تسافر في اول اليوم كان بيتصل بيها بترد عادي وبعدها فونها اتقفل يوم كامل 

وتاني يوم فتون ردت علي امير 

امير : ( بعصبيه ) كنتي فييييييين 😡

ياجماعه هفكركم تاني روايه ضحيه عنيد داخله مسابقه للي لسه مش صوت ياريت تعملوا تصويت للروايه بتاعتي ضحيه عنيد لماهي احمد نفسي تتعمل كتاب حرفيا ده لينك المسابقه 

https://t.me/darmsr/3235

فتون : انا .. انا .. اسفه الفون فصل شحن ومعرفتش اجيب شاحن غير تاني يوم حقك عليا 

امير : ابتدي ياخد نفسه يعني انتي كويسه 

فتون : الحمدلله ماتقلقش عليا انا كويسه 

فتون رجعت هي وامها واخواتها وعم حسن عشان يحضروا الفرح ولبست الفستان وابو امير مستني واليوم كان حلو اوي وامير وساره واميره صحبتها وكمال وكلهم كانوا موجودين 

وكلهم قعدوا عشان كتب الكتاب 

ومره واحده دخل عليهم عصام 

امير : هو انت 😡 عايز ايه وايه اللي جايبك هنا 

عصام : انت ناسي احنا اتفقنا ان احنا نسأل العروسه ان شالله قبل فرحها بساعه تختار مين فينا ولا انت بقي عايز تخلف اتفقنا 

امير : انت مش شايف ان ده فرحي انا وفتون معني كده انها اختارتني انت مابتشوفش 

عصام : معلش اسمعها من فتون وبعدها همشي علي طول بس لو اختارتني انا انت اللي هتمشي علي طول 

اميىر : ههه انت مريض 

عصام : ها هتختاري مين ياعروسه 

فتون مابتردش 

امير : ما تنطقي يافتون بقي خليه يمشي عشان نكتب الكتاب 

فتون :. انا .. انا .. هختار عصام 

امير : 😳😳

يتبع

البارت 13_14من هنا هنا