 |
#البارت_15__16__17 احببتها ولكن
سامح وحمزه وغاده في صوت واحد:خيااااااااااااااانه
فزع ليل وروز من صراخهم المفاجئ ودخل حمزه وسامح وغاده وجلسوا معهم وكان الصمت سيد المكان
ليل:خير
سامح:كل خير يخويا كل خير
غاده ببراءه:احنا ولله لا كنا بنتصنت ولا اي حاجه
حمزه:احنا معديين وبالصدفه سمعنا سيمبا ف الحوار
سامح:نسكت!!!
غاده:قولنا ولله ابدا لازم ندخل
حمزه:عشان نسمع قصه سيمبا منك
سامح:ف لو سمحت عيدها تاني
ليل:انتوا مطبخينها مع بعض مش كدا
حمزه:الله اكبر هو كدا بالظبط
غاده:اصل بما انك كبيرنا وبتنصحنا ف بنلجئ ليك
سامح:ولا نتصرف من دماغنا وترجع تزعقلنا ف الاخر
حمزه:وتقعد طول الوقت مش طايق تبص ف خلقتنا وكل م تشوفنا تتعصب علينا وتشتم فينا
ليل بخفوت:منكوا لله فضحتوني قدامها
غاده:بتقول حاجه ي ليل
ليل:لا بدعيلكوا
جاء داوود وجلس معهم هو الاخر
ليل:وانت جاي ليه انت كمان هتسمع قصه سيمبا زيهم
داوود بضحك:لو الكل موافق يبقي خلصانه نسمع منك يكبير
ليل بضحك:ولله م عارف انت ظابط ازاي
حمزه بمشاكسه:ظابط!!!ظابط اي انا اشك انه بياع فريسكا
سامح بضحك وسخريه:ويفضل ماشي ياض ي حمزه وماسك البترينه الصغيره دي وهو لابس شورت للركبه والشبشب ابو صابع وتيشرت وطقيه اللي هي تحسها شبه الشمسيه دي ونضاره الشمس ويمشي يقول فريسكا فريسكا فريسكاااااااا
حمزه بضحك:التخيل لوحدوا يقتل اومال ف الحقيقه يبقي ايه...لا شوف الشياكه بقي وفي الاخر يدمر المنظر كلوا بشبشب ابو صابع ي شيخ تباً لشياكتك
داوود بتكشيره:انتو كدا عسل يعني
حمزه:اسمها روشين
داوود:مش هتفرق
حمزه:لا تفرق
داوود:متفرقش
حمزه بعناد:م قولنا تفرق
داوود:هقوم ادبك بالحزام بلاش انت معايا
حمزه باستفزاز:يختي بطه يخربيتك عسل
ليل:نفسي اعرف انتوا مبطقوش بعض ليه
حمزه:يعم دا ظابط وبارد ورخم مش بيضحك زينا
ليل بتعجب:داوود!!
غاده:دا استاذ ف الضحك بس هو مبيطقش
ليل:طب تعالوا ننزل الجنينه واعملوا اللي انتوا عاوزينوا
حمزه بخفوت وخبث:ايوه دانا هولعها انهارده
بالصعيد
غفران:ي حمدان....حمدان
اتي حمدان ابنه علي صوته
حمدان:ايوه ي بوي
غفران:بجولك اي ي حمدان امك هتتصل دلوجتي ب عمتك صفيه عشان تقنعها انها تيجي تجعد إهنه هي وعيالها وعشان ليل يغير جو لانه بجي عاجز زي م انت عارف عاوزك تتصل بيه تقنعه يجي يجعد معانا فتره يغير من حالته لان انت اكيد عارف ليل وانه دماغه ناشفه ومبيسمعش من حد غيرك فاهمني
حمدان بتفهم:طبعا ي بوي فاهم حضرتك من عنيا
بالخارج كانت حسيبة تهاتف صفيه كي تجعلها تأتي الي الصعيد
حسيبة:الو ايوه ي صفيه عامله اي ي خيتي
صفيه:الحمد لله ي حسيبة انتي عامله اي وغفران اخويا عامل اي
حسيبة:الحمد لله نحمدو ونشكر فضلوا...بجولك ايه ي صفيه متيجي يختي تجعد إهنه معانا شوي
صفيه برفض:مينفعش ي حسيبة
حسيبة:ليه...أكده تكسفيني جدام غفران
صفيه:معلش ي حسيبة بس انا فعلا مش هينفع اجي
حسيبة:وايه اللي مانعك عاد
صفيه:ليل ابني شغلوا كلوا هنا وانتي عارفه ليل مبيرضاش يجي وغير كدا مشكله فهمي لسه متقفلتش وليل الله اعلم ناوي علي ايه...وغير كدا عندنا ضيفه هنا ومش هينفع نيجي ونسيبها وداوود لسه راجع من يومين
حسيبة:لاع متجلجيش حمدان هيكلمه يقنعه هو هما شباب وفاهمين بعض ومش مشكله ي خيتي الضيفه تيجي وتنورنا انا هطردها يعني
صفيه بتردد:بس ي حسيبة
حسيبة بمقاطعه:متجلجيش خلي الموضوع دا علي حمدان
صفيه باستسلام:ماشي ي حسيبة مع السلامه
اغلقت صفيه مع حسيبة وهي تفكر ب حديثها وان لو سافر ليل حالته النفسيه تتحسن فهي تعرفه جيدا خرجت الي الحديقه عندما سمعت صوتهم العالي
حمزه:اقولك نكته ي داوود
داوود بتكشيره:لا شكرا
حمزه:يبقي هقول...بص ي سيدي مره واحد ميكانيكي راح حفله تنكريه لبس وش سلندر هههههه تن ترارارا تن تن
نهض داوود وامسك حمزه بغضب ضربه بالحزام ووقع حمزه وهو يحاول تهدئته
داوود بضيق:الخليل كوميدي تاني هااااا كام مره اقولك بلاش تقول حاجه ليه قدامي هااا كام مره
حمزه بضحك:ااااهههه....ليه دا بيموتني من الضحك
داوود:يموتك انت مش انا متقولش حاجه تاني عشان هزعلك
ليل:م تلاعبه مصارعه احسن ايه رايك؟!
داوود:تصدق فكره...جيت ف ملعبي ي حمزه الكلب
حمزه بخوف وصراخ:لااا ابوس ايدك ونبي حد يلحقني
سامح:احسن تستاهل
حمزه:بدل م تلحقني ي فقر انت
سامح:ولا اعرفك...بحب اشوفك بتتلطش من اي حد
بهاء من وراءه:ولما اخليه يحب يشوفك وانت بتتلطش
سامح بصدمه ومرح:يوجعه مربربه
بهاء:خاف علي نفسك بقي
سامح بخوف:ابو الجدعنه كلها ولله بحبك
بهاء:ايوه كدا اتعدل
سامح ببكاء مصطنع:حاضر ولله
ذهب بهاء الي ليل ورحب به قاطعه صراخ حمزه المضحك التفت كي يري ماذا يحدث صُدم من المنظر
بهاء بصدمه:يولاد المجنونه
حمزه باستنجاد:الحقني ونبي ي بهاء هيموتني
بهاء:اكيد ضايقته زي كل مره مش كدا
سامح:احسن تستاهل عشان تستظرف عدل بعد كدا
حمزه:وربنا لو مسكت لشلفطك
بهاء بغمزه:م بلاش انت بتتشلفط دلوقتي
بعد دقائق تركه داوود وهو يلهث وحمزه يتألم بطريقه مضحكه
ليل بضحك:انتوا تطلعوا ع مسرح مصر وتعملوا كدا هتبقوا تريند ع طول
بهاء:علي رايك ونا ف اول كرسي عشان اتفرج براحتي
حمزه:اخرس ياض انت وهو
جاء داوود كي يذهب اليه مره اخري حمزه ركض واختبأ وراء سامح
سامح:اوعا يعم انت انا مالي
كان داوود اقترب منهم كثيرا ولم يفصل بينهم سوي سنتيمترات
حمزه:سموحه مش انت اخويا وتؤامي
سامح بقلق:ايوه عاوز اي يعني
حمزه:وعارف انك بتحبني ومش هترضي انك تشوفني بتضرب
سامح بتوتر:ايوه
حمزه:يبقي قابل بقي
دفعهُ حمزه بقوه تجاه داوود وركض سريعاً الي الداخل وقع سامح وداوود علي الارض اثر دفعه حمزه والجميع ضحك بقوه علي ذلك المنظر
ليل بضحك:احلي تغفيله دي ولا اي
غاده بضحك ودموع:ولله م قادره انا اتفاجئت من اللي حصل
كانت روز تضحك عليهم وليل كان شارد بضحكتها افاقه من شروده تأوه داوود وسامح
داوود بندب ووجع:ااهه ياني ااهه عليا وعلي ايامي السوده اهه
سامح:انا مش قادر
داوود:مش قادر اي انا اللي خدت الضربه
حمزه من الاعلي:انا خدت الضربه بجد ترارارا انا خدت الضربه بجد
ضحك ليل علي حمزه ومشاكسته في داوود
داوود:حد يشيله من قدامي وربنا هموته....انا ايه اللي خلاني نزلت مصر...كنت قاعد هناك معزز مكرم جيت هنا اتكسحت ااااهه
سامح:بس بقي هتفضل تندب كدا زي الست كتير اخرس
داوود:وربنا هقوم ارزعك بالكرسي عشان تحس اسكت
سامح:يعم اقعد انت فيك حيل تقوم ونت اصلا عمال تقهقه جنبي جتك نيله وظابط وعضلات وعاملي فيها جون سينا وانت اصلا من خبطه بتجعر جنبي
غاده بضحك:بس بقي ولله هموت مش قادره
روز بضحك:انا عمري م شوفت ضحك كدا بجد
ليل:اخس عليكوا بجد اخس
سامح:عيني ي ليلي يااااا ليلي
ليل:باااااس انت هتقلبلي موال ي صايع
سامح بضحك:شوف ي داوود قريبين من بعض ازاي ليل وليلي
داوود:ولا انت وقعت علي دماغك ولا اي!!!
سامح بضحك:هموت مش قادر من كتر الضحك
بهاء:الواد اتهبل...يلا الحمد لله الف مبروك ي ليل اول اخ اهطل ليك
ليل:ربنا يشفيهم ولله
سامح بضحك:انا بتقطع من جوايا ونسيت طعم الفرحه
داوود:بتتقطع وبتضحك ف نفس الوقت لا بجد شابوه
بهاء:ولا انت ليك خال اهطل!!!
سامح بضحك وجعير:بهاااااااااء
بهاء:بااااااس جموسه ايدا
نهضت روز وهي تضحك بقوه وتوازنها يختل
روز بضحك:انا هدخل عشان لو فضلت قاعده كدا هموت منكوا
سامح بضحك اشد:البت دي شاربه حاجه هي بتتطوح كدا ليه
ليل بقلق:واد ي سامح انت كويس يلا
سامح:بهاء
بهاء:نعم
سامح:اشفيك
بهاء:ايه؟!
سامح بضحك:العب باليه...ربنا يشفيك
بهاء:انا ابتديت اخاف الواد دا الوقعه اثرت عليه
ليل:او تقل ف الاكل حبتين!!!
غاده بضحك:عن اذنكوا انا مش قادره بجد
سامح وما زال يضحك:ي غدغد غداغيدووووووو
ليل:قوم ياض انت واهدي
سامح:اشلون حالك واحوالك
امسك ليل زجاجه المياه وسكبها عليه مره واحده
ليل:فوووووق
سامح بشهقه:يخربيتك في حد يعمل كدا
ليل:حضرتك فاتحها ضحك ومش ساكت
سامح:ايدا بجد
داوود:انت لو مصطول مش هتضحك كدا
نهض سامح وعدل ثيابه وجلس
سامح:حصل خير
ظلوا يتحدثون قليلاً حتي وجد ليل هاتفه يرن وكان حمدان ابن خاله
ليل:ايوه ي حمدان
حمدان:اهلا اهلا بالحبايب
ليل بابتسامه:عامل اي ي حمدان وحشتني
حمدان:ولله وانت كمان ي خوي
ليل:طمني عليكوا كلكوا كويسين
حمدان:كلنا زين المهم انت صحتك عامله ايه
ليل:زي الفل الحمد لله
حمدان:متيجي يعم تغير جو وبالمره تجعد معانا الشباب هنا بيسألوا عليك
ليل:مش هينفع ي حمدان
حمدان:وليه مينفعش نخلو ينفع عاد
ليل بابتسامه:مش بقولك وحشتني...هاجي ازاي ونا كدا وكمان عندنا ضيفه وداوود هنا مش هينفع
حمدان:امي جالتلي...عادي ي ليل تنورونا ولله
ليل:مش هينفع بجد
حمدان:لا هينفع متجلجش ايه مش عاوز تشوفني ولا ايه
ليل:نفسي ولله
حمدان:خلاص تعالي وبالمره تغير جو وتهدي شويه من اللي كنت فيه
ليل باستسلام:حاضر ي حمدان اللي تشوفوا
حمدان بفرحه:ماشي يود عمي هتيجي ميته
ليل:هكون علي قلبك من بكرا
حمدان:تنورني ي غالي
ليل:تسلملي...اشوفك علي خير باي
اغلق ليل معه وهو سعيد انه سيراه قطع حديثهم وقال
ليل:جهزي الشنط ي ماما واجهزوا عشان هنروح الصعيد بكرا
صفيه:حد ضغط عليك عشان توافق ي ليل
ليل بابتسامه:لا ي امي انا اللي عاوز اغير جو
صفيه:ماشي ي ابني
تحدثوا قليلا وبعدها ذهب بهاء ونهض داوود كي يجهز حقيبته ذهبت روز وجلست معه
روز بتعجب:هو في اي هما بيحضروا ايه!!!
ليل:شنطهم وانتي كمان حضري شنطتك
روز بتعجب:ليه!!
ليل:عشان هنروح الصعيد بكرا
روز:.......
ليل:عشان هنروح الصعيد بكرا
روز:صعيد!!!!بس انا هاجي بصفتي اي
ليل:بصفتك انك من العيله
روز بعدم فهم:من العيله ازاي يعني!!! انا مش فاهمه حاجه
ليل:هتفهمي كل حاجه ف وقتها...قومي يلا جهزي شنطتك
روز:بس....
ليل:انا قولت كلمه ي روز ي ريت تنفذيها
روز باستسلام:حاضر...عن اذنك
ليل:اتفضلي
نهضت روز وهي لا تفهم شئ مما قاله وكيف ان تكون من العائله هي لا تعرف شئ ولا تعرف معني حديثه الغامض ذهبت كي تجهز حقيبتها وهي تهاتف اختها كي تخبرها وتأخذ رأيها اولا
في قصر الدهشان
كانت سيلا تجلس وهي تتصفح علي الانترنت وجدت ان هناك برنامج غريب لا تعرفه دخلت عليه وجدت ان كوثر انزلته كي تراقب اتصالاتها وعندما تنتهي تتحول المكالمه لها وجدت روز تهاتفها اغلقت الهاتف وذهبت فتحت خزانتها واخذت الهاتف الاخر الذي اشترته مؤخراً عندما عرفت بمخططات كوثر واشترت خط جديد فتحته وكتبت رقم روز وهاتفتها وهي تراقب المكان بتفحص فهي لا تعطي لها الامان
سيلا:ايوه ي روز انا سيلا ي حبيبتي
روز:سيلا!!!هو دا رقم مين
سيلا:انا جبت فون وخط جديد عشان ماما حاطه ابلكيشن علي فوني وقت م اخلص المكالمه تتحولها ف خوفت انها تعرف عنك حاجه وتوصلك سجليه عندك بقي
روز:حاضر...كنت عاوزه اقولك حاجه
سيلا:قولي
روز بخوف:انا...انا
سيلا بتشجيع:قولي ي حبيبتي خايفه ليه
روز:بصراحه انا مسافره بكرا الصعيد
سيلا:طب م انا عارفه
روز بصدمه:عارفه!!!عارفه ازاي
Flash back
بعدما انتهوا من مزاحهم وهاتف حمدان ليل واخبره انه يجب عليه ان يأتي الصعيد كي يرتاح قليلاً من الضغط الذي كان عليه ووافق ليل هاتف سيلا كي يخبرها
ليل:الو اتمني مكنش ازعجتك
سيلا:لا ولا ازعاج ولا حاجه
ليل:احم...بصي ي سيلا احنا مسافرين الصعيد بكرا وبفكر اخد روز معانا وطبعا في خطر عليها دلوقتي عشان كوثر مرقباكي وعنيها عليكي ومش بعيد تكون حطالك حد بيراقبك ف الرايحه والجايه ف لما نسافر الخطر هيقل وهتكون معايا يعني مش هتبقي قلقانه عليها ونتي سيباها ف ايد امينه
سيلا:هتطولوا يعني!!!
ليل:مش عارف بصراحه ومينفعش نمشي ونسيبها لوحدها هنا زي م قولتلك ف عندك اي اعتراض من مرواحها للصعيد!!!
سيلا:لا معنديش اي اعتراض طبعا....طالما هتكون ف امان ف انا موافقه طبعا اهم حاجه انها تبقي كويسه وراحتها تهمني
ليل:متقلقيش هتبقي جوا عيني وهخلي بالي منها
سيلا بابتسامه:ونا واثقه فيك...تروحوا بالسلامه وابقي كلمني علي الرقم دا ع طول عشان التاني متراقب
ليل:تمم باي
Back
سيلا:بس ي ستي هو دا كل اللي حصل
روز بتوتر:يعني انتي شايفه ان دا الصح!!!
سيلا:طبعا ي حبيبتي انتي عارفه ان راحتك تهمني قبل اي حاجه
روز بخوف:بس انا اول مره اروح هناك وخايفه
سيلا:متخافيش ي حبيبتي ليل وغاده وخالتو صفيه معاكي متخافيش من حاجه
روز:ماشي طالما انتي شايفه ان دا صح يبقي هعملوا
سيلا بابتسامه:ماشي ي حبيبتي اسيبك انا بقي عشان تجهزي
روز:ماشي باي
اغلقت روز معها وهي متوتره وتشعر ببعض الخوف ف تلك اول مره تذهب الي الصعيد ولكن استجمعت شجاعتها وجهزت حقيبتها وجدت احد يطرق الباب سمحت للطارق وكانت صفيه
صفيه:جهزتي شنطتك ي روز
روز:ايوه ي خالتو جاهزه اهي
صفيه:ماشي ي حبيبتي نامي وارتاحي شويه عشان هنمشي الفجر
روز:حاضر ي خالتو
صفيه بابتسامه:تصبحي علي خير
روز:وحضرتك بخير
ذهبت صفيه ونامت روز علي فراشها وظلت تفكر حتي ذهبت في ثبات عميق
بفيلا حسنيه
ماجدة:ماما محدش قالك مين البنت اللي قاعده عندهم دي
حسنيه:وبعدين معاكي ي ماجدة مش هنخلص من الحوار دا
ماجدة:انا بسألك عادي يعني
حسنيه:عشان اريحك انا معرفش هي مين وتقربلهم اي انا معرفش اي حاجه عنها
ماجدة:اوف بقي...اومال ليل كان بارد المره دي ليه وكمان كان مركز معاها
حسنيه:كل شئ قسمه ونصيب ي ماجدة...ليل مش شايفك غير اخت وبس ومتنسيش انه خاطب
ماجدة بضيق:عن اذنك انا طالعه اوضتي
الثالثه فجراً صدح صوت الاذان نهضت روز وتوضأت وادت فرضها وارتدت فستانها الزيتي الرائع وحجاب باللون الاوف وايت فكانت جميله ولا تضع مساحيق تجميل اخذت حقيبتها عندما استمعت الي اصواتهم بالخارج اخذت حقيبتها وخرجت قابلت سامح
سامح:عنك
تركت الحقيبه واخذها وذهب كي يضعها ف السياره
غاده:اوعا الجمال والحلاوه لا لا حقيقي انبهرت
روز بضحك:مش للدرجادي
غاده:مش للدرجادي اي بس انتي بسم الله ما شاء الله عليكي قمر انتي كدا هتلفتي انتباه الشباب ب بساطتك دي
كان يمر ليل واستمع الي جُمله غاده ودفعه فضوله كي يراها وعندما اقترب منهم صُدم فكانت حقاً جميله وبسيطه
روز:شكرا
غاده:تعالي عشان انتي اللي هتونسيني طول الطريق
اخذتها وذهبوا باتجاه اخر ولكن نظرت غاده وراها الي ليل وغمزت له وذهبت وهو كان ما زال مصدوم
داوود:هو انت مبحلق ف اي لمؤاخذه
لم يجيبه ليل وظل شارد ولم ينتبه له
داوود:هو مالوا مبحلق ف اي...انت شايف ايه طيب انا مش شايفه!!! يلهوي الواد مبيردش ليل..ليييل
ليل بانتباه:ايه في اي!!!
داوود:انت مبحلق ف اي بقالي ساعه بكلمك يعم
ليل:مفيش جهزتوا
داوود:طبعا جيت عشان اقولك يلا
ليل:طيب يلا
ارتدي ليل نظارته الشمسيه ودفع داوود كرسيه حتي وصلوا الي السيارات ساعده داوود كي يدخل السياره واخذوا سيارتان
فكان حمزه وسامح وصفيه بسياره وداوود وليل وروز وغاده بسياره اخري تحركوا الي طريقهم للصعيد
بالصعيد
غفران:حسيبة ي حسيبة
اتت حسيبة اليه مسرعه:-
ايوه ي خوي خير في حاجه
غفران:ايوه صفيه وعيالها جايين إهنه
حسيبة:بجد
غفران:ايوه عاوزك تتوصي ف حكايه الوكل دي ادبحي كام فرخايه اكده علي كام حمامايه عشان صفيه وتدبحي فرخه ل ليل بيضه عشان مبيحبش البلدي وتعمليها لوحدها انتي والبنات
حسيبة بتفهم:حاضر ي خوي من عنيا احلي وكل هنعملوا للحبايب متشيلش هم انت عاد
غفران:ماشي هروح الأرض ابص عليها واجيب فاكهه واجيلكوا تاني يلا عشان تلحجوا
حسيبة:هما جالولك انهم اتحركوا؟؟؟
غفران:ايوه لسه متحركين من شوي ومعاهم الضيفه دي
حسيبة:يوصلوا بالسلامه ليهم وحشه ولله
غفران:ي رب ي حسيبة يلا هسيبك انتي عشان تشوفي وراكي ايه
حسيبة:ماشي ي خوي تروح وتيجي بالسلامه
ذهب غفران الي الارض ودخلت حسيبة كي توقظ بناتها
حسيبة:بت ي فرحه جومي يلا ي بت ي هانم جومي ي بت انتي وهي
فرحه بنعاس:في اي ياما سبيني انام عاد
حسيبة:جومي ي جموسه منك ليها عمتك وعيالها جايين عاد اخلصي انتي وهي
نهضت فرحه بسعاده وكذلك هانم
هانم بسعاده:جولي ولله اكده ياما
حسيبة بضحك:ايوه يختي منك ليها يلا جوموا خلونا نخلص جبل م يجوا
نهضوا بسعاده كي يساعدوا والدتهم بحماس
حسيبة:يلا واحده تكنس جدام البيت وواحده تنضف البيت يلا وخلصوا وتعالوا عشان نشوف هنعملوا اي
هانم:هروح انادي البت هنادي دي هتفرح جوي
ذهبت هانم الي هنادي بسعاده طرقت علي باب منزلهم بقوه وسعاده
هانم:بت ي هنادي افتحي ي بت عاد
فتحت هنادي وهي شبه مستيقظه
هنادي بنعاس:في اي ي بت الناس حد يحصي حد اكده
هانم:لا فوجي وصحصحي اكده
هنادي:في اي ي بت انتي هتتخطبي ولا ايه
هانم:لا يختي مش دلوجتي انا جايه اجولك ان عمتي صفيه وعيالها جايين
هنادي بفرحه:بتهزري
هانم:اهه ولله زي م بجولك اكده صحوني جالولي ان عمتي صفيه جايه هي وعيالها ومعاهم ضيفه
هنادي:ضيفه!!!تطلع مين دي يختي
هانم:وحياتك م اعرف بس اجهزي يلا عشان تيجي تساعدينا
هنادي:طيب ادخلي عشان ابوكي ميشوفكيش واجفه اكده واجفلي الباب وراكي هلبس واجيلك
هانم:اومال الواد فارس فين
هنادي من الداخل:راح مع جابر ورا ابوكي علي الارض...تعرفي ي بت ي هانم ان جابر ميعرفش ان ليل وعمتي صفيه جايين لو عرف كان مداجش طعم النوم
هانم:مجيتهم دي فرحت جلوبنا ولله
هنادي وهي تضع الحجاب علي رأسها:-
عندك حج ي بت ي هانم بجالهم سنتين مشفنهمش
هانم:يوصلوا بالسلامه
هنادي:يلا انا خلصت
خرجت هنادي وهانم وذهبوا الي منزل غفران كي يبدءوا بتجهيز كل شئ
بالثامنه صباحاً
كان يجلس غفران ويتصل ب أحد
غفران:الووو ايوه ي خالد بجولك ليل جاي بليل...ايوه بجد ابجي تعالي بكرا عشان هيكونوا جايين انهارده همدانين....ايوه هعرف الباجي بجي تمم سلام عليكوا
حسيبة:مطمنتش عليهم ي غفران
غفران:لسه ي حسيبة من مصر ل اهنه مسافه طويله يعني جولي احتمال علي العصر اكده
حسيبة:ماشي هنجوم ننام شوي ونصحي علي الضهر نجهزوا الوكل اعبال م يجوا
غفران:ماشي جومي
بسياره ليل
كان شارد يفكر ماذا سيفعل ب فهمي وكيف سينتقم منه قاطع شروده داوود
داوود:ايه ي كبير بتفكر ف اي
ليل:عادي ف فهمي
داوود:ريح شويه ي ليل كدا مش هينفع احنا رايحين نفصل شويه عشان نرجع واحنا فايقين
ليل بتنهيده:ماشي
داوود بضحك:شوف نايمين ازاي
ليل:تعب ي داوود وملحقناش ننام اصلا
داوود:شوف الواد حمزه فين
ليل:لا حمزه رايق عادي
داوود:مش جعان ولا اي
ليل:ان جيت للحق انا هبطت
داوود بضيق:طب م تاكل هو انا لازم اقولك عندك علاج لازم يتاخد ي استاذ انت خد الشنطه وكل
ليل:خلاص متقلبش..هي الشنطه فين!!!
داوود:متبتين فيها ورا
ضحك ليل علي كلمه داوود والتفت كي يري وجدهم حقاً يمسكون الحقيبه بأحكام
ليل:يعني حتي الاكل متبتين فيه وانتوا نايمين!!!
حاول ليل ان يأخذ الحقيبه منهم بدون ان يجعلهم يفيقوا ولكن كانت روز تمسكها بقوه
امسك يدها كي يحررها عن الحقيبه وكانت نائمه بعمق علي كتف غاده اخذ الحقيبه منهم واخرج الطعام واعطي ل داوود وتناولوا الطعام ركن داوود السياره علي الطريق وبدء يأكل ويرتاح من القياده قليلاً
ركن حمزه ونزل ذهب اليهم
حمزه:في حاجه ول اي!!!
داوود:امشي ي بومه من هنا
حمزه:مبوجهلكش الكلام بكلم ليل
داوود ببرود:مش فاضي بياكل قولت ارد مكانه
حمزه:نينينييني...هما مالهم نايمين كدا ليه
ليل:سيبهم يعم
داوود:يلا خلينا نكمل طريقنا عشان تعبت
ليل:ونا مش قادر حقيقي
داوود:خلصانه هفردلك الكرسي وريح شويه اعبال م نوصل
ليل:تمم
الساعه الثانيه عشر ظهراً
ف الصعيد
غفران:يلا حسيبة جوموا يلا عشان تعملوا الوكل الوجت بيعدي
حسيبة:حاضر ي خوي...يلا ي بت ي هانم انتي وهنادي وفرحه جوموا خلونا نشوف هنعملوا اي
هانم:حاضر ياما
بعد ثلاث ساعات مضت وهم يعدون الغداء لهم جاء اتصال ل غفران
غفران:ايوه ي داوود ي ابني...خلاص جربتوا....طيب حمدان جاعد بره هو وخالد مستنينكوا تيجوا ونا طالع اهو جدامكوا كتير...تمم انا طالعلكوا اهو تمم مع السلامه
غفران بصوت عالي:يلا ي جماعه دجيجه ويكونوا اهنه
حسيبة:خلصنا اهو يخوي ييجوا بس
خرج غفران وجلس علي الارض مع حمدان وخالد بانتظارهم وبعد دقائق وجدوا سيارتان تدخل عليهم وكانوا هم نهضوا كي يستقبلوهم بفرحه وسعاده
حسيبة والفتايات استمعوا الي كلاكسات السياره وعرفوا انهم هم خرجوا لهم وهم سعداء كثيرا توقفت السيارتان امام ذلك المنزل الكبير نزل سامح اولا وبعده حمزه ورحبوا بهم بسعاده كبيره وبعدهم صفيه الذي استقبلها غفران بسعاده وحب
غفران بسعاده:نورتي الصعيد كلها ي خيتي
صفيه بابتسامه:منوره ب ناسها يخويا
نزلت غاده وداوود ورحبوا بهم ايضاً بسعاده ذهبت غاده واخذت روز التي كانت خجوله ولا تعرف ماذا تقول
غفران:هي دي الضيفه ي صفيه
صفيه:ايوه ي غفران
غفران:اسمك اي
غاده:اسمها روز ي خالو
غفران بابتسامه:اسمك حلو ي بنتي..انتي الجطه كلت لسانك ولا اي
غاده بضحك:لا اصلها متاخده شويه عشان لسه المكان جديد عليها وكدا وخجوله شويه
غفران:نورتينا ي ست البنات
روز بخفوت:شكرا
ذهب حمدان وورأه خالد الي السياره الموجود بها ليل
حمدان بمرح:جرا اي عاد يواد عمي معاوزش تشوفني ولا ايه
ليل بسعاده:حمداااان
فتح حمدان باب السياره واحتضن ليل بسعاده وفرحه
حمدان بفرحه:نورت الصعيد ي غالي
ليل:منوره ب ناسها ي حمدان
خالد بمرح:ونا ملياش حضن زي اكده ولا اي
ليل بضحك:دانت الحته الشمال يلا تعالي
احتضنه بسعاده وفرحه
حمدان:وحشتني ياض
ليل بضحك:وانت كمان ولله
حمدان:مالك اكده حوصل ايه
ليل:قصه طويله هبقي احكيهالكوا بليل
حمدان:طب تعالي علي مهلك اسند عليا
امسك حمدان يده وخالد اخرج قدميه بحذر واسندوه وليل يتألم
حمدان:فين الكرسي بتاعك
خالد:غاده ي غاده
ذهبت غاده اليهم بتعجب
غاده:مالك ي ليل
حمدان:هو تعب بس من كتر الجاعده هاتي كرسيه
ذهبت كي تجلب له كرسيه المتحرك رأه غفران وذهب اليه
غفران:مالك ي ولدي الف سلامه عليك
ليل بابتسامه وتعب:الله يسلمك ي خالي
غاده:قعدوه بس براحه عليه بس عشان تعبان
ليل:لا لا مش قادر
خالد:هتفضل اكده
صفيه:مالك ي ليل ي ابني
غفران:متجلجيش هو تعب من كتر الجاعده مش اكتر...ادخلوا انتوا جوه يلا يلا ي غاده سيبي الكرسي وادخلي
غاده:حاضر
دخلوا جميعاً ما عدا الشباب
خالد:معلش ي خوي قدر ولطف
ليل فجأة بوجع شديد:........
ليل بوجع شديد:اااهه ي خالد حرام عليك هو انا ناقص
خالد بخضه:في اي بس ي خوي ايه اللي وجعك
ليل بوجع:في جرح هنا ي خالد تاعبني
خالد بأسف:اسف ي خوي مكنتش اعرف حجك عليا
ليل:خلاص حصل خير
حمدان:متخلي بالك عاد ي خالد هو ليل ناجص
ليل:خلاص ي حمدان مكنش يعرف
خالد:هتفضل واجف اكده طيب
ليل:معلش ي خالد شويه كدا لو مش هتعبك
خالد بعتاب:بس ياض انت متجولش اكده اوجف زي م انت عاوز
اتي جابر ومعه فارس ابنه وذُهل من وجود ليل ذهب اليهم وهو ما زال مصدوم
جابر بذهول:انت ليل
ليل بضحك:ايوه ي عم جابر انت وقعت علي دماغك ولا اي
جابر:انت جيت ميته
ليل:لسه جاي من شويه صغيرين كدا
ذهب جابر واحتضنه بفرحه كبيره وهو لا يصدق
جابر:نورت ي ليل اكده متجوليش انك جاي يعني الكل عارف ونا لاع
ليل:ولله ي باشا مش ذنبي انهم مغفلينك
جابر:ماشي ي واد عمي حمدلله علي سلامتك فرحت ولله
ليل:علي قلبك علي فكره
جابر بضحك:ومربع فيه كمان ي سيدي
ليل بضحك:لا دانت بقيت روش جامد
جابر:شوفت بنتعلم منك يخوي
ليل:ايه ي فروسه مسلمتش عليا ليه موحشتكش
جابر:مين جالك اكده دا بيجعد يجولي عمو ليل هيجي ميته دا وحشني جوي صح ي فارس
اومأ فارس راسه ب نعم وابتسامه طفوليه جميله
ليل:قعدوني علي الكرسي
ساعده خالد وحمدان وجلس ليل بحذر ونظر ل فارس بابتسامه
ليل:تعالي
ذهب فارس اليه واحتضنه بسعاده وحمله ليل واجلسه علي قدميه
ليل:هي القطه كلت لسانك ولا اي
فارس:لا لساني اهو
ليل بضحك:يواد ي لمض انت لسه شقي ي فارس سمعت ان جابر بيقول انك شقي ولمض
فارس ببراءه:لا انا هادي وبسمع الكلام
ليل:يعني جابر بيتبلي عليك
فارس بهمس:ممكن ليه لا
ليل بخبث:ماشي انا هقولوا دلوقتي...ي جا...
فارس بسرعه:خلاص خلاص متجولهوش حاجه وهديك اللي انت عاوزوا
ليل بابتسامه:متأكد
فارس:ايوه متأكد
ليل:حيث كدا بقي انا عاوز الحضن بتاع كل مره والبوسه بتاعتي
احتضنه فارس وبادله ليل ذلك الحضن بابتسامه
جابر:خلاص بجي ي فارس عشان عمو ليل جاي من السفر تعبان
ليل:خليه ي جابر
جابر:لا ي ليل بليل ابجي اجعد معاه ي فارس زي م انت عاوز
فارس:خلاص ي عمو ليل هاجيلك بليل
ليل بابتسامه:تنور ي فروسه
بالداخل
حسيبة:تعالوا اجعدوا نورتونا ولله
صفيه:بنورك ي حسيبة
حسيبة:شوفتي اديكي جيتي
صفيه:ولله ي حسيبة م عندي اعتراض بس كنت خايفه علي ليل
حسيبة:متجلجيش ابنك جوي وزين
هانم:اي ي عسل مسمعناش صوتك عاد
غاده:هي بس مش متعوده ولسه جديده ع المكان شويه كدا وهتتعود
حسيبة:جومي يلا ي هانم انتي وهنادي وفرحه حطوا الوكل دول جايين يعيني تعبانين جوموا يلا
فرحه:حاضر ياما
نهضوا كي يضعون الطعام وظلت حسيبة تتحدث مع صفيه
بمكان اخر
_يعني هو سافر الصعيد النهارده؟؟
_ايوه ي بيه زي م بقولك كدا
_طب دا حلو اوي والزفت اللي اسموا داوود دا معاه
_كلهم ي بيه محدش ف القصر
_طيب اسمع اللي هقولك عليه وتنفذه بالحرف الواحد
بشركه ليل
فيروز:ايوه ي فندم...لا كل حاجه تمم بس في واحد جه وسأل علي حضرتك....لا مقاليش اسمو اي هو اول م عرف ان حضرتك سافرت جري علي طول بس شكلوا ميطمنش...ايوه ي فندم كاميرات المراقبه جابتوا...حاضر هبعتلك صورتوا...تمم ي فندم مع السلامه
بسنت:هو مين الجدع اللي جه يسأل علي ليل بيه دا ي فيروز
فيروز:ونتي مالك
بسنت:اي يختي مالك مش طيقاني كدا ليه ولا اكمنك السكرتيره الشخصيه ل ليل باشا ف هتتنكي
فيروز:عدي يومك علي خير ي بسنت واسكتي...وبعدين بتسألي ليه عليه كان قريبك
بسنت:عادي بسأل يعني...عن اذنك يختي
فيروز بضيق:اذنك معاكي يختي
ذهبت بسنت وفيروز شكت بها ذهبت ورأها بهدوء ووجدتها تهاتف شخصاً ما وتتحدث معه حاولت سماع اي شئ ولكن
وقعت المزهريه بدون قصد من فيروز التي خافت بشده وذهبت سريعاً قبل ان تراها بسنت خرجت الي مكتبها وهي تحاول ان تأخذ انفاسها الهاربه منها بينما خرجت بسنت وجدت المزهريه ملقاه علي الارض ومكسوره نظرت حولها بنظره افعي تبحث عن اي شئ ولكن لم تجد دخلت مره اخري مكتبها
فيروز بتوتر:الحمد لله ملحقتش تشوفني...بس هي كانت بتكلم مين...انا مش مرتحالها ولازم ابلغ مستر ليل بكدا
اتي عاصم صديق ليل ويعتبر ذراعه اليمني وشريك معه في الشركه كان سيدخل مكتبه اوقفته فيروز
فيروز:استاذ عاصم
توقف عاصم ونظر لها بهدوء:-
ايوه ي فيروز خير في حاجه في الشغل ولا اي!!!
فيروز:لا بس كنت عاوزه حضرتك ف موضوع مهم جدا
عاصم بأهتمام:ايوه ي فيروز في اي الورق في حاجه
فيروز:لا الشغل ماشي كويس ومفيش مشكله بس احتمال يحصل حاجه تخلي الشركه تقع
عاصم بقلق:طيب في اي
فيروز:مش هينفع هنا لان الموضوع دا مينفعش خالص نتكلم فيه هنا
عاصم:طب تعالي ورايا
ذهب عاصم الي مكان بعيد قليله حتي لا يسمعهم احد
عاصم:ها قولي في اي
نظرت فيروز حولها بتوتر وبعدها نظرت ل عاصم الذي ينتظرها تتحدث
فيروز:ب بصراحه احنا لازم نخلي بالنا من الشركه واللي داخل واللي طالع خصوصاً ف غياب مستر ليل
عاصم بتعجب:اشمعني يعني ف غياب ليل
فيروز:بصراحه في راجل جه من شويه اول مره اشوفوا هنا وسأل علي ليل بيه ولما عرف انو مش هنا ومسافر هرب وكمان اللي مخوفني اكتر بسنت وتصرفاتها وكمان لما مقولتلهاش حاجه جريت واتصلت بحد ونا لما حاولت اسمعها المزهريه وقعت ونا خوفت وجريت وخايفه ل تكون شافتني
عاصم بذهول:معقوله...مهو لو اللي انتي بتقوليه دا صح يبقي الشركه هتتهد فعلا وليل مش هيسكت...بس الغريبه مين الشخص دا
فيروز:مش عارفه...انا كلمت مستر ليل وحكتلوا وقولتلوا ان الكاميرا جابت الشخص دا طلب مني اني ابعتهولوا
عاصم:طب تعالي نراجع كاميرات المراقبه كدا
ذهبوا الي غرفه المراقبه كي يروا من ذلك الشخص الغريب الذي اتي الي الشركه ويسأل عن ليل
عاصم:ازيك ي طه
طه:تمم ي عاصم
عاصم:الكاميرا اللي محطوطه قدام مكتب ليل واللي محطوطه فوق فيروز شغاله ولا لا
طه بتعجب:ايوه شغاله في حاجه ول اي
عاصم:طب هاتلي كدا الحته اللي الراجل دخل ل فيروز كدا
طه:من شويه كدا
عاصم:الله يفتح عليك بسرعه
طه:اديني دقيقتين طيب
عاصم:علي مهلك
طه:اهو
نظر عاصم وفيروز الي الشاشه بأهتمام
عاصم:هو دا اللي قصدك عليه
فيروز:ايوه هو
عاصم:وقف الفيديو ي طه وكبر الصوره كدا
فعل طه ما قاله عاصم وعاصم يحاول ان يتذكر اين رأي هذا الرجل هو يتذكر انه رأه منذ اسبوع
عاصم:تقدر توضحلي جوده الصوره عشان ملامحوا تبان اكتر
طه:اه طبعا
وضحها ل عاصم الذي وقف مصدوم مكانه وها هو شكه ومخاوفه كانوا بمحلهم
فيروز:هو انت تعرفوا
عاصم:اعرفوا...دا انا اعرفوا عز المعرفه كمان...بعتي الصوره ل ليل
فيروز:لا لسه
عاصم:تمم صوريها وابعتيهالي وانا هكلموا
فيروز:حاضر
بمنزل غيث
روزان:وبعدين ي غيث هتفضل مخبي عني كدا لحد امتي من ساعه م رجعت من عند ليل وانت بالمنظر دا مكلمتهوش تاني ولا حتي جبت سيرتوا قدامي
غيث:متشغليش بالك ي روزان مفيش حاجه
روزان بضيق:انت بتضحك عليا ولا بتضحك علي نفسك...يعني انا معرفش ان انت جاي مضروب من عندوا وكمان هو اللي ضاربك ومعرفش حتي ايه السبب
غيث:عرفتي الكلام دا منين
روزان:عرفتوا من مين ميهمكش بس انا بوضحلك اني اقدر اعرف اي حاجه مخبيها عليا حتي لو انت ذات نفسك مش عاوز تعرفهالي
نهض غيث بغضب وامسك ذراعها بقوه واوقفها امامه وهو غاضب وبشده
غيث بغضب:تاني مره متقوليش كلام انتي مش قدوا انا بعديلك بس عشان خاطر عارف ان دي هرمونات حمل بس هتتهبلي وتقولي كلام انتي مش قده هتشوفي وش تاني خالص انا مش عاوز اوريهولك
روزان بثبات مزيف:ونا ايه الكلام اللي قولتوا ومش قدوا غلطت فيك؟؟ولا يكونش جرحتك بالكلام ونا مش واخده بالي...هو انا عشان قولتلك انك جاي مضروب من ليل يبقي كدا غلط مهي دي الحقيقه اللي انت مش عاوز تصدقها...ان غيث باشا عمره م يتضرب هو اللي يضرب مش كدا مش دا اللي حاطه ف دماغك ومش عايز تصدق اي حاجه تانيه تحصل...فاكر انك الوحيد اللي جامد ومبيخافش من الموت عشان ظابط...وكمان بتزعل لما اقول الحق مهو الحق دلوقتي بقي بيزعل
يكفي لم يعد يتحمل اكثر من ذلك تمادت وهو لم يعد يتحمل بدون وعي صفعها بقوه وقعت هي اثر صفعته لها وهي مصدومه من فعلته وهو غضبه ازداد ويتنفس بسرعه كبيره اثر غضبه وضعت يدها مكان صفعته وهي لا تستطيع ان تصدق حتي الان انه صفعها
غيث بغضب شديد:القلم دا عشان خاطر صوتك اللي علي عليا وانتي عارفه كويس اوي ان اكره ما عندي ان حد يعلي صوتوا عليا وكلامك دا هعتبر نفسي مسمعتهوش لاني لو حاسبتك عليه هتزعلي مني
ذهب غيث وتركها وحيده تبكي وهي ما زالت لا تصدق انه ضربها وذهب ف تلك اول مره يفعلها منذ زواجهم خرج كامل طفلها وجلس امامها ببراءه وهو ينظر لها نظرت له واخذته بأحضانها وهي تشعر ببعض التعب يكفي هي لم تستطيع ان تجلس بعد ما حدث ولو لدقيقه واحده نهضت واخذت طفلها وذهبت كي تعد حقيبتها وتذهب الي بيت والدها
في الصعيد
حسيبة:اطلعي ي هانم نادي علي ابوكي والشباب يجوا ياكلوا يلا
هانم:حاضر
خرجت هانم واخبرتهم ودخلوا مره اخري وجلسوا كي يأكلوا
حسيبة:يلا ي بتي اجعدي كُلي
صفيه:يلا ي حبيبتي اقعدي انتي مكالتيش حاجه
ليل:اقعدي ي روز متتكسفيش
جلست روز بخجل وهي تشعر انها ليست منهم ولكن وجدت انهم طيبون وفيهم روح المرح والسعاده وسريعاً اعتادت عليهم
حسيبة:مالك ي بتي مبتاكليش ليه
غفران:الوكل مش عاجبك ولا ايه
روز:لا ولله..الاكل حلو
هانم:لعلمك انا اللي عامله الملوخيه يعني دوجي وجوليلي رايك
روز بعدما تذوقتها:جميله تسلم ايدك
حسيبة:بصي بجي ي بت الناس طالما الوكل عجبك اكده يبجي تدوجي الفرخه دي وتجوليلي رايك
ليل:ايوه صح ي مرات خالي الفرخه دي اي
حسيبة بابتسامه:بيضه ي ولدي متجلجش
ظلوا يأكلون ولكن ليل لاحظ انها لم تلمس طعامها كانت هي تجلس بجانبه
ليل:مالك ي روز مكلتيش ليه الاكل مش عاجبك
روز بابتسامه:لا حلو كفايه انهم تعبوا وعملوه
ليل:طيب مبتاكليش ليه
روز:بصراحه
ليل:قولي متتكسفيش
روز بخجل:بصراحه الفرخه اللي طنط حطاها دي بلدي ونا مبحبهاش
ليل بابتسامه:طيب ومكسوفه ليه قوليلي انا مبحبش الفراخ البلدي ي ليل
سكتت روز وهي تشعر بالخجل
ليل:يلا ي ستي ملكيش حجه كُلي بقي وياريت تخلصيها ودي مش بلدي عشان مرات خالي عارفه اني مش بحبها برضوا ف عملتلي دي
روز بخجل:شكرا مش عارفه اقولك اي
ليل بضحك:كُلي ي روز وانتي ساكته
بمنزل غيث
جهزت روزان حقيبتها الصغيره واخذت ابنها وذهبت الي بيت والدها وهي حزينه
بمنزل والد روزان
فوزي (والد روزان):واد ي طارق انت جيت
طارق:ايوه ي بابا لسه جاي حالا اهو
فوزي:حمدلله علي سلامتك..ها عملت اي ف الجامعه
طارق:الحمد لله زي الفل اخر سنه بقي ي حج ادعيلي
فوزي:ربنا يجبر بخاطرك ويفرحك ويديك علي قد تعبك
طارق:امين...اومال ست الكل فين
سميره (والده روزان):انا هنا ي طارق
طارق:طبعا انتي عارفه اني جاي هموت من الجوع
سميره:عارفه ي ابني خلاص اعبال م تغير هدومك وتيجي اكون خلصت
طارق:اقعدي انتي كل يوم قوليلي نفس الكلمه وف الاخر باكل بعديها ب ساعه
سميره بضحك:قوم ياض انت يلا خلاص طالما قولت كلمه يبقي خلاص
بعد ساعه
طارق:انا عملت اي ف حياتي عشان اكل بعد م اجي ب ساعه
فوزي:شوف انت كنت بتعمل اي ف روزان كنت بتذلها اعبال م تعملها شويه بطاطس محمره اهو انت بقيت مكانها
سميره وهي تتوجه ناحيتهم:ربنا بيخلص
طارق:اخيرا اقوم ازغرط
سميره:كل يواد وانت ساكت
دق جرس الباب ذهبت سميره وفتحت الباب وجدت ابنتها روزان ومعها طفلها وحقيبه ملابس صغيره
سميره بخضه:مالك ي بنتي في اي ايه اللي ف وشك دا
ارتمت روزان بأحضانه وهي تبكي بقوه ادخلتها سميره واغلقت الباب نهض فوزي وطارق بخضه وهو قلق علي اخته ذهب اليها واخرجها من احضان والدته
وجد وجهها المتورم واثار يد عليه ونظر الي حقيبه الملابس وعلم الذي حدث
فوزي:مالك ي بنتي فيكي اي وبتعيطي كدا ليه
طارق بتهدءه:اهدي ي حبيبتي وخدي نفسك اهدي
اخذها واجلسها وجلس بجانبها يهدءها وبجانبها والدتها ووالدها
طارق:غيث اللي عمل فيكي كدا؟؟؟
سكتت روزان ولم تتحدث وهو فهم ان حديثه صحيح
طارق:وحياه امي لوريه
سميره:اهدي ي طارق خلينا نفهم الاول
حكت لهم روزان ما حدث وهي تبكي وغضب طارق بشده
سميره:بس ي بنتي مينفعش تسيبي بيتك وتيجي
طارق:يعني اي مينفعش ي ماما يعني تضرب وتتهزق وتسكت!!
فوزي:متنسيش انه واعدني انه مش هيمد ايدو عليها وانا ساعتها كنت منبه عليه لو مد ايده عليها ف يوم من الايام هيكون في كلام تاني وقتها
سميره:ايوا بس غيث...
طارق بمقاطعه:اسف اني قاطعتك ي ماما بس لما تسيب بيتها اسبوع او اتنين هو هيتعلم ويحرم ويوم م يفكر يمد ايده عليها هيفتكر انها سابتله البيت من اول مره عشان يتربي وميكررهاش تاني
فوزي:قومي خشي اوضتك غيري وخدي ابنك وتعالي عشان تاكلي مع اخوكي يلا
دخلت روزان وبقي طارق بمكانه يتحدث مع والديه
بالمساء ف الصعيد
كلنت تجلس الفتيات مع بعضهم ويتحدثون
هانم:مجولتليش عاد اسمك اي يعسل
روز:اسمي روز
فرحه:اسمك حلو جوي ي روز..انا فرحه ودي هانم خيتي ودي هنادي بنت خاله ليل
روز بابتسامه:اتشرفت بمعرفتكوا
هنادي:الشرف لينا ي جميل
غاده:خلاص كدا روز بقت من الحزب بتاعنا
هانم:طبعا اومال دي بت عسل واني اول م شوفتها حبيتها جوي
فرحه:الا جوليلي انتي مخطوبه
روز بابتسامه:لا
غاده:روز لسه اولي جامعه هي لحقت
هنادي:ايوه صوح انتوا هتروحوا الجامعه كيف
غاده بفخر ومرح:عادي متقلقيش اخويا يقدر يعمل اي حاجه
هانم:شوف البت عاد كل م نجولها حاجه تجولك اخويا ليل يجدر يعمل اي حاجه مهو ابن عمتي عاد
روز:متكبره اوي بصراحه
فرحه:علي رأيك ولله...خلاص بجينا صحاب
روز:اكيد
هانم:بس سيبك من كل دا لون عيونك حلو جوي
خجلت روز بينما ضحكت الفتيات
غاده بخفوت:اه لو ليل سمعك دا يعلقك
هانم:بتجولي حاجه ي غاده
غاده بضحك:لا بشكر فيكي
بالخارج
كان الشباب يجلسون ويتحدثون وهم يشربون الشاي
حمدان:علي اكده مصر حلوه بجي ي ليل
ليل:جدا ي حمدان
فارس بطفوله:خلاص ابجي خدني معاك
ليل بابتسامه:تنور ي فروسه اخدك وافسحك كمان
فارس بسعاده:بجد هتوديني فين
ليل:هوديك الملاهي فيها العاب كتير اوي
فارس:واني موافج
جابر:وتسبني اكده وتمشي عاد
ليل بضحك:طالما فيها العاب ف هيمشي ويسيبك عادي
غفران:ايه اللي عمل فيك اكده ي ولدي
حكي لهم ليل كل شئ حدث وتخطيط فهمي لقتله وخطه ليل للامساك به وتعذيبه
ليل:بس كدا عشان كدا انا خاطب عبير عشان انتقم منوا ويكون تحت دراعي
غفران:يعني فهمي ابن عمي يعمل فيك اكده الواد دا محتاج يتأدب
ليل:انا هتصرف معاه ي خالي وهعمل زي م قولتلكوا كدا
خالد:يعني انت مبتحبش عبير
ليل:لا طبعا انا يوم م احب احب واحده زيها كلبه فلوس مش بعيد دلوقتي بيخططوا لموتي
حمدان بضيق:هاين عليا اجوم اطخ جدها عيارين واحسروا واخد بتارك
ليل:لا ي حمدان انا مليش دعوه ب ابوه تاري مع فهمي مش مع ابوه
جابر:مهو ابوه عشان معرفش يربي صح يواد عمي
ليل:حتي لو ربي صح او غلط مش غلطوا الغلط علي فهمي انه اختار الطريق الغلط وربي بنتوا علي الطمع والجشع
حمدان:ولله م اني عارف ايه الحقد اللي ف جلوب البني ادمين دا
كان ليل سيتحدث قاطعه صوت رنين هاتفه برساله من عاصم وكانت عباره عن صوره
تعجب ليل ولكنه قلق عندما رأي رساله اخري من الخارج محتواها
<الصوره اللي انت طلبتها من فيروز ي ليل جبتها من طه احنا ف كارثه>
#يتبع....
#احببتها_ولكن 17
بقلمي:بيسو وليد
التفاعل وحش ليه. علقو ب 20 ملصق متابعه
تعليقات
إرسال تعليق