 |
احببتها ولكن25_26
نضال بغضب:وحياه امي الغاليه ما هتخرج من هنا سليم
غيث:اوعي يا نضال هموت
نضال:يارب تموت عشان تحصل الغلبان اللي كان مأمنلك وانتَ غدرت بيه يا كلب
غيث:انا مغدرتش بحد يا نضال هو اللي خلاني اعمل كدا
نضال بصراخ:كدااااااااب...انتَ روحت عند صقر البيت وطلبتني عشان تقولنا انك ناوي علي موته صح قولتلي بُكرا هتسمع خبر موتوا يا نضال مش كدا ولا انا بكدب
غيث:ايوه انتَ صح وانا نفذت وبعدين وانتَ مالك
ضربه نضال بقوه في وجهه بينما تألم غيث بسبب تلك الضربه القويه رأي الدماء تخرج من فمه نظر الي نضال ببرود وقال:-
خليني امشي
نضال بغضب:انتَ لو هتخرج من هنا يبقي هتخرج علي المقابر علي طول...حق ليل هيرجع وانا اللي هرجعوا...بهاااااااء
بهاء:سامعك
نضال:جريمه قتل فيها كام سنه سجن
بهاء:يعني مش اقل من 7 سنين
نضال:حلو
غيث:عايز تحبسني احبسني مستني ايه انا قدامك اهو
نضال وهو يهز رأسه يميناً ويساراً:تؤ تؤ تؤ انا مش بتاع الكلام دا...انتَ هتموت زيوا
كامل ببكاء:بابي
نضال بغضب:انتَ متستاهلش انك تكون إبنه...ابوك قاتل ولازم يتعاقب علي عملته دي
بهاء:اهدي يا نضال دا طفل صغير لسه مش فاهم وعشان متوديش نفسك في داهيه
نضال بدموع:مش مشكله مش فارقه معايا...اللي كُنت عايش عشانوا راح...خلاص مبقتش باقي علي حاجه
غيث:موتني يلا مستني إيه
نضال:مش بالسهوله دي يا غيث...لو فاكر اني هرحمك بالسهوله دي تبقي غلطان...انا هعذبك الأول يا غيث هخليك تتمني الموت ومتلاقيهوش...ايوه احنا ظُباط وسهل اننا نقبض عليك لأن دي جريمه قتل وحصلت قدام داوود اللي كان اسهل حاجه هيعملها انك تتسجن بس لا إحنا سبناك عشان نعرف نمسكك بعدين انتَ والكلب اللي اسموا فهمي...جالك الموت يا تارك الصلاة
امسكه نضال بقوه من قميصه وسحبه بقوه معه إلي الخارج عندما فتح باب القصر وجد فهمي وعبير أمامه
نضال بابتسامه:اهلاً اهلاً دا الحبايب وصلوا
فهمي:إيه مش هتقولي ادخُل ولا إيه
صقر:دخل عليك عزرائيل
روز:خليه يدخول يا أستاذ نضال
داوود:بس يا روز
روز بمقاطعه:دخلوه...دا مهما كان ضيف وجاي يعمل بواجبه
فهمي:شوفت الناس العاقله
افسح له نضال كي يدخل هو وعبير ووقفوا أمام روز التي شعرت برجفه بقلبها ولكن شعرت ب أن ليل حولها ويحميها شعرت بوجوده بجانبها شعرت بأن تلك الرجفه قد ذهبت وشعرت أن ذلك الخوف ذهب وحل مكانه القوه وبدون تردد منها صفعت عبير بقوه مما جعلها تسقط علي الأرض نظرت لها عبير بغضب شديد واستقبلته روز ببرود نهضت عبير بغضب وهي تنوي صفعها لتجرأها هذا ولكن منعتها روز بكل سهوله وهي تنظر لها بوجه خالي من التعبير
روز ببرود وهي تضغط علي يد عبير بقوه:-
إيدك الحلوه دي لو فكرت انها تلمسني هكون قطعهالك
تألمت عبير من مسكتها لها بتلك الطريقه وتركتها بقرف
فهمي بغضب:انتي ازاي تمدي إيدك عليها يا تربيه الملاجئ
روز بأنفعال ودموع:اخرررررس...تربيه الملاجئ دي احسن منك انتَ وبنتك...علي الأقل بخاف من ربنا مش زي ناس بتقتل بدم بارد...أنا عارفه ان انتَ متفق مع غيث عشان تموتوا ليل...انا عرفت كُل حاجه خلاص...وعرفت انتَ إيه وعاوز إيه من ليل
فهمي:طب ما انتِ عارفه اهو عامله كل الدراما دي ليه يا...تربيه الملاجئ
لم تعد تتحمل روز إهانه اكثر من ذلك كانت بجانبها مزهريه امسكتها والقتها علي الأرض بقوه مما جعلها تتناثر بكل مكان
روز بصراخ:انا مش تربيه ملاجئ...انا مش تربيه ملاجئ
سيلا بدموع:اهدي يا روز هتتعبي اكتر يا حبيبتي اهدي
امسكت روز رأسها بألم شديد ذهب نضال وجلب كرسي لها وجلست بتعب واضح
داوود:اقفلي يا ابني كل مداخل القصر بسرعه
بحركه سريعه اغلق الشباب جميع ابواب القصر اخذ داوود وبهاء ونضال اسلحتهم ووجهوها امام فهمي وعبير الذين صُعقوا وذُهلوا في نفس الوقت
فهمي:هو في ايه دا كمين ولا إيه
نضال بضحك:ولله ووقعت ومحدش سمعي عليك يا فهمي
فهمي:كُنت عاملي كمين..ايوه صح ما انتَ صاحب ليل..انا كنت شاكك فيك من الأول بس قولت اصدقك مره ويارتني ما عملتها
عبير:هو في إيه
تحرك فهمي خطوه واحده ولكن رجع سريعاً خوفاً منهم
نضال:خطوه واحده بس..هكون مخلص عليك عادي من غير ما حد يستجوبني او يقولي قتلتوا ليه
فهمي:انا مش فاهم حاجه
بهاء:انا هفهمك انتَ حالياً مُتلبس في قضيه قتل..يعني ممكن يكون فيها إعدام عادي
عبير بصدمه:إعدام
بهاء:ايوه إعدام مالك كشيتي كدا ليه...خوفتي صح!!!
نضال:بس بردوا مش هيشفي غليلي منك
حمدان:واني لو عذبتك هتزعل مني جوي...واني مبحبش عمي يزعل مني...مش اكده برضوا يا عمي
فهمي:انا مش عمك
غفران:هتفضل مخبي الحجيجه لحد ميته يا خوي
صفيه:اعترف بقي يا شيخ حرام عليك
فهمي بصراخ:ايوه انااااا اخوكِ
صمت سيطر علي المكان بأكمله بينما لم تتحمل روز الصوت العالي وركضت الي غرفه ليل
صعدت غاده وسيلا ورأها وبقي الجميع كما هو
في غرفه ليل
كانت روز تجلس وهي حزينه دموعها تنساب علي خديها بحزن دلفت غاده إليها بهدوء وورأها سيلا التي اغلقت الباب وذهبت جلست بجانبها هي وغاده
سيلا:مالك
روز بدموع:ليل...وحشني اوي...فراقه صعب اوي عليا
غاده:مش عليكِ لوحدك يا روز...انا حاسه اني في كابوس وهيصحوني منوا ويجيي ليل يقعد يهزر معايا زي ما بيعمل
روز:عارفين انا حاسه ب إيه؟؟
غاده:حاسه بإيه؟؟
روز:حاسه ان ليل عايش...حساه حواليا طول الوقت...عارفين لما كنت نايمه جالي واتكلم معايا وكان شكلوا حلو اوي ولابس جلابيه لونها ابيض...اول مره اشوفوا بجلابيه بس كان شكلوا حلو اوي بيها
غاده:ليل ميت يا روز كل دا تهيؤات
روز:لا مش بتخيل ليل عايش انا حاسه
سيلا:روز...ليل ميت..انتي اللي مش عاوزه تتقبلي الفكره
روز بصراخ:لا ليل عايش وانا حاسه ليل عاااااااايش
غاده:خلاص خلاص اهدي...ليل عايش طبعاً اهدي
روز:اطلعوا بره
سيلا:روز
روز:لو سمحتوا سبوني لوحدي
غاده بهدوء:يلا يا سيلا خلينا نسيبها علي راحتها
خرجت سيلا وغاده واغلقوا الباب وروز ظلت تبكي حتي جفت دموعها
بالأسفل
حمدان:يعني انتَ عمي؟؟
فهمي:ايوه
صفيه:اخيراً سمعتها منك قبل ما اموت
غفران بلهفه:بعد الشر عليكي يا خيتي متجوليش أكده مره تانيه ربنا يديكي طوله العمر وتشيلي احفادك
فهمي:انا عاوز اعرف إيه اللي بيحصل هنا..القصر دا بقي بتاعي هو الشركه والفلوس
نضال:من الأخر عشان هنقعد نشد قصاد بعض انتَ من الأخر هيتعلم عليك
فهمي:يعني إيه
بهاء:امسكوه
فهمي بغضب:اوعوا ولله هندمكوا
داوود بسخريه:دا لو انتَ لحقت
جابر:والهانم هتعملوا فيها إيه!!!
بهاء:تروح مع ابوها..خدوها علي المخزن عشان هنربيهم شويه
جلست صفيه علي أقرب كرسي وهي تشعر انها تريد ان تبكي
حسيبة:معلش يا خيتي جدرك أكده...جولي الحمد لله
فرحه:هي روز فين
سيلا:في اوضتها فوق...مش عاوزه حد معاها
هانم:ربنا يهون علينا
في المخزن
بهاء:مربوطين كويس؟؟؟
حمزه:قصدك متسلسلين زي الشياطين
داوود:هنعمل إيه دلوقتي
نضال بغموض:هتشوف..اقفلوا عليهم كويس وتعالوا ورايا
مر اسبوعان علي هذا الوضع وروز تنهض علي صوت أشياء تقع ولكن لا تجد أحد معها في الغرفه وصفيه التي صدقت ان ليل حقاً مات وتقبلت الأمر الواقع ومرت الأمور علي خير حتي اتي ذلك اليوم الذي لم يتوقعه أحد
في مخزن ليل
كان فهمي وعبير ما زالوا كما هم مثل ما اخر مره تركهم نضال
عبير:انا مش قادره...انا عاوزه امشي من هنا
فهمي:هو حد معبرنا اصلاً...انا تعبت ومش قادر
_تؤ تؤ تؤ يا حرام...تعبت من غير ما حد يعملك اي حاجه
نظر فهمي الي مصدر الصوت بصدمه كبيره حتي شعر انه شُل من الحركه وبدءت معالم الخوف والرعب تظهر عليه هو وعبير
فهمي بخوف:انتَ مين
_انا قدرك...اهلاً بيك في جحيمي
في غرفه ليل
كانت روز تجلس في الغرفه لا تتحدث مع احد كل ما تفعله هو ان تظل نائمه تتهرب من واقعها المؤلم وعندما تستيقظ تظل تبكي حتي تغفل مره اخري
كانت تجلس علي الفراش حتي لمحت خيال لشخص ما في الفراندا خافت كثيراً ونهضت ببطء واخذت المزهريه التي كانت بجانبها واتجهت الي الفراندا ببطء وهي تستعد كي تضرب ذلك الشخص ولكن عندما دخلت لم تجد احد تعجبت كثيراً وظلت تنظر حولها بخوف ولكن ظهر ذلك الشخص المُلثم ووضع يده علي فمها بقوه وهي خافت بشده وحاولت الأفلات منه بكُل الطرق ولكن قاطعها سريعاً واخرج منديل ووضعه علي انفها وسريعاً فقدت الوعي
اخرج ذلك الشخص هاتفه وتحدث مع شخص مجهول
_العربيه جاهزه؟؟ طيب أمنلي الطريق وأي حد يقف في طريقك اتعامل معاه..البت دي تلزمني وهخرج بيها من هنا بأي طريقه سامع...يلا انا نازلك جهز العربيه
اغلق معه وحملها وخرج بها بمهاره وضعها بالسياره وذهبوا سريعاً
في الليفنج
غفران:حسنيه معزتكيش يا صفيه
صفيه:لا يا غفران
حمدان:غريبه يعني إزاي متعزكيش في ولدك
جابر:عاوزين رأيي أني مبرتحش للوليه دي واصل
صفيه:ليه يا جابر
جابر:هو اني من ساعه ما جيت علي الدُنيا واني مبتجهاش ولا هي ولا بنتها
حسيبة:المواجف اللي زي دي بتبين الوشوش علي حجيجتها يا جابر
فرحه:هي روز منزلتش ليه عاد
هانم:تلاجيها نايمه
سيلا:مش عارفه اعمل ايه تاني معاها عشان تخرج من اللي هي فيه دا
غاده:معلش يا سيلا فتره وهتعدي وهنرجع زي الاول
حسيبة:فراج العزيز وحش جوي يا غاده يا بتي وهي يا حبه عيني لسه عروسه جديده ملحجتش تتهني وربنا افتكروا
غفران:ربنا يرحموا
هنادي:اني هطلع اشوفها دي اتأخرت جوي
غفران:جولي يا داوود عملت اي مع خالك
داوود:متروق علي الأخر...معلش يا خالي متقولش عليه خالي عشان ميشرفنيش انه يكون خال ليا
صفيه:عندك حق يا داوود
ذهب بهاء ونضال وصقر الي صفيه التي كانت تجلس وتحتضن صوره ليل ودموعها تهددها بالسقوط جلسوا علي ارجلهم امامها ومسحوا لها دموعها
نضال:وحياتك عندي يا طنط لرجعلك حقوا ودا وعد مني
صقر:دموعك غاليه علينا اوي ومش عاوزين نشوفك مكسوره كدا...هو محتاج دلوقتي انك تدعيلوا
بهاء:انتِ فاكره كدا ان هو مبسوط...لا هو زعلان عشان شايفك بالضُعف دا كلوا
صفيه بدموع:مبشوفهوش من يوم وفاتوا يا بهاء...حاسه انوا زعلان مني عشان كدا مش راضي يجيلي
صقر:لا يا طنط خالص ليل مش زعلان منك...ليل بيحبك وانتِ عارفه كدا وميقدرش يزعل منك
نضال:محدش فينا شافوا يا طنط مش حضرتك لوحدك انا عارف انه كان غالي عندك اوي وعارف انك دايما بتخافي عليه بس هو دا نصيبوا هنعترض...هو سامعك وشايفك اتكلمي معاه وهو هيجيلك
صفيه:اشمعني جه لروز وانا لا
داوود:يمكن عشان روز قويه ومضعفتش وقعدت تعيط كتير زينا
نضال:اومال انهيارها دا كان ايه يا عم انتَ..هي مش عاوزه تبقي ضعيفه قدامنا انا عارف
صقر:زي ما نضال قالك يا طنط...هنكمل اللي ليل كان بيخطط عشانه وهنخلص علي فهمي متقلقيش انتِ من حاجه
بهاء:وبعدين إحنا مش ولادك ولا ايه..معاكي تلات ضباط يسدوا عين الشمس...كان سهل نقبض عليه وياخدلوا عشر سنين سجن بس كدا مستفدناش حاجه
صقر:ثواني يا بهاء بس عشر سنين ايه اللي بتتكلم عنها دي جريمه قتل دي لوحدها المفروض ياخد إعدام علي الأقل...دا غير ان متقدم فيه بلاغات كتير مش كدا ولا ايه يا داوود
داوود:ايوه
صفيه بتعجب:فهمي؟؟
داوود:اهه فهمي...دا عليه قواضي توديه ورا الشمس بس احنا كنا بنخطط عشان نمسكوا من غير ما يهرب زي كُل مره
صفيه:قواضي زي ايه؟؟
داوود:خُدي عندك قضيه قتل ليل قضيه تهريب أثار قضيه سرقه قضيه نصب قواضي قد كدا
صفيه:يالهوي..الحمد لله انكوا عملتوا كدا
غفران بأبتسامه:انا واثق في الشباب دي وانهم هيرجعوا حج ليل
بهاء بمرح:ولله انتَ سُكر وانا بحبك
حمدان:وه وه وه انتَ بتعاكس ابويا عادي اكده
صقر:طب ولله يتحب بقولك ايه يا حج انا حبيتك اوي
غفران بضحك:ولله انتوا مشكله...ربنا يحميكوا ويحفظكوا
بهاء بمرح:فُكي شويه يا طنط واضحكي عشان ليل يجيلك
صقر:خلاص فاضل تكه صغيره وكل حاجه تخلص
فجأه سمعوا صوت صراخ هنادي من الأعلي
صقر:هو الواضح ان المصايب مش هتخلص
صفيه بخوف:استر يارب اطلعوا شوفوها في اي
نزلت هنادي بسرعه وقالت بخوف:-
روز مش فوج
داوود:ازاي يعني!!!! روز في اوضه ليل فوق
هنادي:ولله ما موجوده...دورت عليها في كل حته مش لجياها
صعد بهاء وصقر ونضال وداوود الي الأعلي سريعاً الي غرفه ليل وظلوا يبحثون عنها ولكن لا يوجد لديها أثر
صقر:اختفت ازاي؟؟!
ظل داوود ينظر حوله بأهتمام ولمح المزهريه الملقاه علي ارضيه الفراندا
داوود:المزهريه دي بتعمل ايه هنا
صقر:روز اتخطفت
نضال:ازاي يعني اتخطفت ازاي واحنا كُلنا تحت
بهاء ارتدي جوينتي واخذ المزهريه وبدء يري البصمات عليها وبكل مكان
بهاء:بصماتها عليها...والباب دا عليه بصمات شخص تاني اللي هو المفروض الخاطف..تعرف الباب دا بتاع إيه يا داوود
داوود بتعجب:لا انا اول مره اشوفوا بصراحه مكنتش اعرف ان في باب في اوضه ليل
صقر:يعني انتَ قصدك ان اللي خطفها عارف مداخل القصر كويس وعدي من الحرس بسهوله وطلع خدها من غير ما نحس
بهاء:وليه لا...بس مين ليه مصلحه انه يعمل كدا
داوود:مش عارف...غريبه يعني ليل اهه ليه اعداء كتير بس ميعرفوش انه اتجوز
نضال:تقدر تفسر اللي حصل يا بهاء
بهاء:علي حسب اللي انا شايفه قدامي...انه طلع من علي الماصوره علي الفراندا دي بالذات عشان عارف ان دي اوضه ليل...وممكن يكون حاول انه يلفت انتباهها عشان تطلع تشوف ومن وجود المزهريه هنا برضوا انها خدتها معاها عشان تدافع بيها عن نفسها بس الظاهر ان الشخص دا ذكي لأنه خدرها بسرعه قبل ما تصوت او تعمل اي حاجه عشان ميتفضحش واكيد الباب دا بيودي علي الجنينه تحت للباب الخلفي بتاع القصر
صقر:كلامك منطقي ووارد يكون حصل كدا فعلا
نضال:بس هيستفاد ايه من خطفها
بهاء:لا في دي مش عارف...بقولك ايه يا صقر
صقر:قول
بهاء:روح بص علي فهمي وبنته كدا في المخزن
صقر:ماشي
داوود:شكلك بتفكر في اللي بفكر فيه
بهاء:هنشوف دلوقتي
نضال:عندهم استعداد يعملوا اي حاجه اصلهم مش هيقعدوا ساكتين
غفران:في ايه يا شباب
سيلا:روز فين؟؟؟
داوود:روز اتخطفت
سيلا بصدمه:ازاي...مين اللي خطف اختي
نضال:لسه بنحقق اهو
صفيه:استرها يارب
حمزه:اومال صقر فين
داوود:بيبص علي فهمي وعبير عشان شاكين فيهم
قاطعهم دخول صقر وهو يلهث
نضال:ها لقيت حاجه
صقر وهو يأخذ انفاسه:-
مربوطين زي ما هما
نضال:يبقي مش هما
صقر:لا استني يا باشا في حاجه
بهاء بأهتمام:في اي
صقر:نظراتهم متغيره
داوود بتعجب:ازاي مش فاهم
صقر:نظره فهمي فيها خوف لدرجه انه اول ما شافني اترعب
نضال:اترعب؟؟؟ هيترعب من ايه...دا العفريت يخاف منه
صقر:مش عارف بس في نفس الوقت نظره بنتوا فيها شر كدا وفيها خُبث
بهاء:ايه اللفه دي انا مش فاهم حاجه
داوود:عبير مبتخافش بسهوله...يعني مش اي حاجه تخوفها انما فهمي جبان بالرغم من جبروته بس خواف
حمدان:تفسروا دا بردوا ب إيه
صقر:مش عارف في حاجه غلط في الموضوع
بهاء:هو مش في حاجه غلط هو فيه لغز احنا مش عارفينوا
نضال:في حلقه مفقوده ولازم نعرفها
حمزه:الحلقه دي انكوا تعرفوا ايه اللي رعب فهمي اول ما شاف صقر...ومنها نظره الخباثه والثقه بتاعه عبير لأن اكيد فهمي شاف حاجه خلاه يترعب بالطريقه دي
سامح:يا جماعه انتوا بتتكلموا في ايه...اشمعني عبير مخافتش زي ما فهمي خاف
داوود:مش عارف بجد...انا مش عارف افكر او اوصل لحل
غفران:تعالوا نفكر تحت بالهداوه
بهاء:تمام يلا
في مكان اخر
كانت روز نائمه ومكتفه الأيادي والقدمين بذلك العمود الكبير استيقظت علي تلك المياه التي القت عليها فجأه شهقت بخضه وهي تسعُل بينما ينظر اليها ذلك الشاب الذي يجلس امامها ويضع ساق فوق اختها بخبث
نظرت اليه بخوف وقلق وهي تأخذ انفاسها بسرعه
الشاب:صح النوم يا حلوه
روز بخوف:انتَ مين وعاوز مني إيه...انا معرفكش
الشاب بخبث:بس انا اعرفك
روز:الحقوووووووني
الشاب بضحك:محدش هيلحقك للأسف كُل دول تبعي
روز:انتَ عاوز مني إيه؟؟؟
الشاب:هقولك عاوز إيه....عاوز روحك
روز بخوف:انا معرفكش...هتموتني ليه
الشاب:ولله دا اللي اتطلب مني هقول لأ
روز:ارجوك سبني وهديك الفلوس اللي انتَ عاوزه بس سبني عايشه
الشاب:تؤ تؤ تؤ ميمشيش معايا الكلام دا انا بنفذ اللي بيتطلب مني وبس
في قصر ليل
داوود:هنفضل قاعدين كدا؟؟؟
بهاء:لأ يا داوود
صقر:طيب هنعمل إيه؟؟
نهض حمزه وهو يتجه الي الخارج:-
انا هقولكوا هنعمل ايه
نهضوا جميعاً ورأه واتجه الي المخزن مباشراً عندما دخل ارتعب فهمي وهو يترجاه بأن يتركه وشأنه تعجب حمزه والجميع من رده فعله تلك ولكن لم يعيره حمزه اي اهتمام واقترب منه وفجأه صرخ فهمي وهو يترجاه بأن يتركه نظر لهم بتعجب ولا يعرف تفسير ذلك الخوف الشديد منه
فهمي بخوف:ابوس رجلك متقرب مني
حمزه:تعرف روز فين؟؟؟
عبير:لا منعرفش
نضال:اخرسي انتي إحنا بنسأله هو
حمزه بغضب:انطق
فهمي بسرعه وخوف شديد عندما لمح ذلك الشخص الذي ينظر له بأبتسامه شيطانيه:-
ايوه ايوه اعرف
صقر بأهتمام:قول
فهمي:اللي خاطفها عُمر شخص انا اعرفوا وانا اللي اتفقت معاه انه يخطفها ويموتها
نضال:وداها فين
فهمي بخوف:ف في مخزن قديم علي الطريق الصحراوي
نضال:تمام تعالوا ورايا
خرجوا جميعاً تحت اعتراض وخوف فهمي الشديد وهدوء عبير المخيف
غفران:هتروحوا
داوود:ايوه لازم نتحرك قبل ما يحصلها حاجه
حمدان:اني جاي معاكوا
جابر:واني كمان
نضال:تمام خليك حمزه هيجي برضوا وسامح يفضل مع عم غفران وخالد
سامح:ماشي
نضال:يلا بينا يا رجاله
غفران:روحوا ربنا يسترها عليكوا
في المخزن
كانت روز مكتفه الأيادي بداخل حوض كبير والماء تنساب من كل مكان وهي تبكي وتحاول ان تستنجد بأحد ولكن بدون جدوي
روز ببكاء وهي تري المياه تنساب بغزاره وقد امتلئ الحوض قليلاً:-
روز ببكاء:الحقونيييي...يارب يا جماعه اي حد سامعني يلحقني
ولكن بدون فائده وعلي الجهه الأخري كان بهاء يقود بسرعه كبيره كي ينقذوها قبل فوات الأوان
صقر:براحه شويه يا بهاء احنا كدا هنموت
بهاء:مفيش وقت يا صقر لازم نلحقها بسرعه
وبعد مرور القليل من الوقت وصلوا اخيراً الي المخزن هبطوا جميعاً بسرعه وجدوا بأن الباب مغلق بقفل اخذ صقر عصاه
حديديه عندما استمع الي صوت صراخها وبدء بكسر ذلك القفل حتي استطاع كسره دلفوا جميعاً ركض داوود وورأه الباقي واغلق المياه سريعاً كانت المياه وصلت ارتفاعها الي كاحلها استطاع انقاذها قبل ان تغرق
حمزه:انتِ كويسه
روز بخوف:ايوه كويسه...حاولوا تخرجوني من هنا بسرعه في قنبله محطوطه هنا وقربت تنفجر
نظر نضال حوله وجد انها في ركن من اركان المخزن ذهب سريعاً اليها هو وصقر وجابر وبقي حمزه وحمدان وبهاء يبحثوا عن اي شئ كي يخرجوا بها روز
حمدان:هنطلعوها كيف
حمزه:دا ليه مُفتاح بيتفتح بيه
بهاء:حاولي تفُكي ايدك أعبال ما اشوف حاجه نفتح بيها الزفت دا
روز:مش عارفه رابطني جامد
حمزه:الحق دا ليه ترباس من فوق اهو
نظر بهاء الي الأعلي وجد حقاً ان هناك ترباس بالأعلي
حمدان:في سلم هناك هاتوا واطلع عليه افتحوا
جلب حمزه ذلك السُلم الي بهاء وامسكه حمزه وحمدان وصعد بهاء وفتح الترباس وهبط مره اخري وابعد ذلك السُلم
بهاء:ابعدوا عشان المايه دي
ابتعدوا وفتح بهاء الباب وابتعد قليلاً كي لا يبتل وذهب حمزه كي يحرر يد روز المُقيده
بهاء:وقفتوها
جابر:لا شكلها أكده مبتتوجفش
بهاء:نعم!!!
نهض صقر ونضال سريعاً عندما بدءت القنبله بالعد التنازلي
صقر بسرعه:يلا مفيش وقت
وقعت روز اثناء ركضها وتأوهت بألم وقف حمزه علي صوتها هو وداوود وعادوا اليها مره اخري
حمزه:مالك في ايه
روز بألم:وقعت ورجلي وجعتني
داوود:طيب حاولي تقومي
روز:مش عارفه وجعاني اوي
نضال بصراخ:اخلصوا عشر ثوانِ والقنبله تنفجر
اسندها حمزه وداوود ومشوا سريعاً وهي تتألم فجأه سمعوا صوت انذار القنبله وعلموا انها ستنفجر
حمزه:بسرعه يا روز مفيش وقت
تحاملت روز علي نفسها وركضت معهم وفجأه
#يتبع......
#احببتها_ولكن 25
بقلمي:بيسو وليد
رايكوا♥️
اقتباااس صغير اوي لحد ما البارت يكمل😌💜
في المخزن
فهمي بصراخ:خرجووووني من هنا
حافظ:ششش اخرس عامل دوشه ليه
فهمي:خرجوني من هنا
حافظ بحده:ولله..دا علي مزاجك يعني اخرس وحط لسانك جوه بوقك بدل ما اخلص عليك
صمت فهمي ونظر وجد ذلك الشخص مره اخري وهو يبتسم لهُ بشر ومُمسك بتلك السكينه ويلوح بها امام اعين فهمي المرتعبه
نظر له فهمي بخوف ورعب وهو لا يستطيع ان يتحدث بحرف واحد بعد تهديد حافظ لهُ
_خايف ليه
لم يتحدث فهمي وكان ينظر لهُ بخوف شديد
_انتَ اللي جبتوا لنفسك...ياما نصحتك انك تبعد عنه ومتأذيهوش لأنك هتندم بس انتَ اللي مسمعتش الكلام واخترت طريقك...وهو الموت
فهمي برعب:انا اسف ابوس رجلك ارحمني انا مأذتش حد
_تؤ تؤ تؤ انا مبحبش الكذب...انتَ عارف انتَ عملت ايه
فهمي:صدقني معرفش انتَ بتتكلم عن إيه
_انا هقولك...انتَ عليك قواضي كتير اوي
فهمي:قواضي؟؟ محصلش
_تؤ تؤ تؤ قولتلك انا مبحبش الكذب...قولي اه حصل او لا
فهمي برعب:حاضر حاضر
_متعصبنيش تاني عشان هكون مخلص عليك
فهمي:حاضر
_عليك قضيه سرقه...وقضيه تهريب أثار...وقضيه نصب...واهمهم قضيه قتل ليل
فهمي:لا...
_هااااااا
فهمي بسرعه:لا لا حضرتك انا مقتلتش ليل دا غيث
_مين غيث؟؟
فهمي:دا واحد صاحب ليل شغال ظابط هو اللي قتلوا وداوود ومراتوا يشهدوا
_امممم...يعني انتَ مقتلتش ليل
فهمي:لا
_تمام...جاهز عشان العقاب
فهمي بخوف:عقاب ايه
_عقابك علي كذبك عليا
فهمي:ولله ما كذبت عليك في اي حاجه
_وكمان بتحلف...لا انتَ زاد عقابك وحق ليل انا هجيبه بنفسي
فهمي بصراخ:لاااااااااااا
بقلمي:بيسو وليد
توقعاتكوا...
ومين دا اللي راعب فهمي بالطريقه دي وعاوز ياخد حق ليل منه؟؟
26
في المخزن
فهمي بصراخ:خرجووووني من هنا
حافظ:ششش اخرس عامل دوشه ليه
فهمي:خرجوني من هنا
حافظ بحده:ولله..دا علي مزاجك يعني اخرس وحط لسانك جوه بوقك بدل ما اخلص عليك
صمت فهمي ونظر وجد ذلك الشخص مره اخري وهو يبتسم لهُ بشر وممسك بتلك السكينه ويلوح بها امام اعين فهمي المرتعبه
نظر له فهمي بخوف ورعب وهو لا يستطيع ان يتحدث بحرف واحد بعد تهديد حافظ لهُ
_خايف ليه
لم يتحدث فهمي وكان ينظر لهُ بخوف شديد
_انتَ اللي جبتوا لنفسك...ياما نصحتك انك تبعد عنه ومتأذيهوش لأنك هتندم بس انتَ اللي مسمعتش الكلام واخترت طريقك...وهو الموت
فهمي برعب:انا اسف ابوس رجلك ارحمني انا مأذتش حد
_تؤ تؤ تؤ انا مبحبش الكذب...انتَ عارف انتَ عملت ايه
فهمي:صدقني معرفش انتَ بتتكلم عن إيه
_انا هقولك...انتَ عليك قواضي كتير اوي
فهمي:قواضي؟؟ محصلش
_تؤ تؤ تؤ قولتلك انا مبحبش الكذب...قولي اه حصل او لا
فهمي برعب:حاضر حاضر
_متعصبنيش تاني عشان هكون مخلص عليك
فهمي:حاضر
_عليك قضيه سرقه...وقضيه تهريب أثار...وقضيه نصب...واهمهم قضيه قتل ليل
فهمي:لا...
_هااااااا
فهمي بسرعه:لا لا حضرتك انا مقتلتش ليل دا غيث
_مين غيث؟؟
فهمي:دا واحد صاحب ليل شغال ظابط هو اللي قتلوا وداوود ومراتوا يشهدوا
_امممم...يعني انتَ مقتلتش ليل
فهمي:لا
_تمام...جاهز عشان العقاب
فهمي بخوف:عقاب ايه
_عقابك علي كذبك عليا
فهمي:ولله ما كذبت عليك في اي حاجه
_وكمان بتحلف...لا انتَ زاد عقابك وحق ليل أنا هجيبه بنفسي
فهمي بصراخ:لاااااااااااا
عند روز وداوود
انفجرت القنبله بعد ان خرجوا من المخزن وقعت روز بتعب وبقي بهاء ونضال ينظرون حولهم
حمدان:كويس انكوا طلعتوا جبل ما تنفجر
حمزه:انا دمي نشف ولله فزعتني
داوود:الحمد لله اننا لحقناها يا حمزه...المهم مين عُمر دا
حمزه:مش عارف...عمي..ولا بلاش الكلمه دي هو عارفوا بس مش عارف عارفوا منين او يقربلوا اي
حمدان:انتِ شوفتِ الواد دا
روز:ايوه
بهاء:يعني لو شوفتيه تعرفيه علي طول
روز:ايوه
نضال:تمام كدا الموضوع يعتبر شبه محلول
قاطعهم رنين هاتف جابر نظر الي الهاتف بتعجب وحمزه وداوود لاحظوا تعجبه
داوود:في اي يا جابر
جابر:رقم غريب بيرن
حمزه:رُد وشوفوا مين ممكن يكون حد عارفك
اجاب جابر علي هاتفه ولم تمر ثوانٍ حتي صُدم مما سمعه اغلق الهاتف وهو مازال مصدوم
حمدان:في اي يا جابر مصدوم أكده ليه
حمزه:جابر...مالوا دا
داوود:جااااابر
جابر بأنتباه:ايوه
حمدان:مالك في اي
جابر:بجولكوا ايه...في واحد أكده معرفه هحتاج اروحلوا ضروري
حمدان بتعجب:مين دا
جابر:واحد أكده اسموا علي
داوود:هو ساكن فين دا
جابر:في حته أكده اسمها التجمع الخامس
داوود:طب يلا تعالي
حمزه:يلا يا روز
روز:رجلي وجعاني اوي يا حمزه
حمزه:طب هاتي ايدك يلا
في شقه في التجمع الخامس
طه:وبعدين يا بوص اديني اتصلت بجابر وخليته ييجي
_حلو اوي...جهز كُل حاجه يلا
طه:تمام
في قصر ليل
صفيه:تفتكروا هيكونوا لحقوها
سيلا:مش عارفه...بس يارب يكونوا لحقوها
سامح:انا هتصل بحمزه اشوفهم عملوا اي
اتصل سامح بحمزه كي يطمئن عليهم
سامح:ايوه يا حمزه...عملتوا اي
حمزه:الحمد لله لحقناها وكويسه
سامح:طب الحمد لله انتوا فين
حمزه:رايحين علي التجمع الخامس
سامح:دا ليه؟؟
حمزه:واحد معرفه اتصل بجابر محتاجوا
سامح:مش مطمن
حمزه:ولله ولا انا بس هنشوف ايه المصيبه اللي مستنيانا هناك
سامح:طيب ابقي طمني هاااا متنساش
حمزه:حاضر..مع السلامه
صفيه:هاا يا سامح قالك حاجه؟؟
سامح:لحقوها
غفران:طب الحمد لله
صفيه:الحمد لله..هما فين دلوقتي
سامح:طالعين علي التجمع الخامس
خالد:دا ليه
سامح:مش عارف واحد معرفه اتصل بجابر وطلبوا
خالد:اني جلجان
غفران:خير ان شاء الله
وصلوا الي التجمع الخامس بعد ساعات وصعدوا الي الشقه التي اعطا طه عنوانها الي جابر طرق داوود علي الباب وانتظر قليلا حتي فتح لهم
حمزه بتعجب:طه
طه:تعالوا
دلفوا جميعاً ما عدا روز الذي منعها طه.
طه:استني انتِ
حمدان:ليه!!
طه:اطلعي الشقه اللي فوق دي علي طول
روز:انا
طه:ايوه هو في غيرك
تعجبت روز وخافت ونظرت الي حمزه الذي طمأنها وصعدت بهدوء وهي تتألم واغلق طه الباب وجلسوا
حمزه:طلعتها ليه
طه:هتعرف دلوقتي
داوود:هو في ايه انا مش فاهم حاجه انتَ جايبنا هنا ليه
نهض طه واخذ المخدر وذهب الي حمزه ووقف امامه:-
عاوزك يا حمزه تطلع دلوقتي وتخدرها
حمزه:نعم ياخويا انتَ عبيط مين دي اللي اخدرها
طه:مش دي مراه ليل
حمزه:ايوه
طه:انا بقولك اطلع خدرها
حمدان:اني شاكك فيك ياض انتَ
طه:ياعم لا تشُك فيا ولا اشُك فيك نفذ يا حمزه واخلص قبل ما يطلع يخلص عليا دلوقتي
داوود:مين دا؟؟
طه:هتعرفوا بس اخلص يا حمزه عشان صدقني هيطلع يموتك دلوقتي
قلق حمزه من نبرة صوت طه واخذه فعلاً وصعد الي روز واصطنع انه يجلب شئ ما وخدرها سريعاً وذهب اليهم مره اخري
حمزه:اديني خدرتها خير عاوز اي
نظر طه حوله بترقب وعلم انه ذهب اليها
طه:الحمد لله مشي
جابر:هو مين دا
طه:الراجل اللي جه عشان ياخدها
نهض بهاء بغضب ومعه نضال الذي صُدم
بهاء:نعم ياخويا مين دا اللي خدها انتَ بتستغفلنا
طه:اهدي يا بهاء
بهاء:اهدي ايه انتَ اتجننت احنا لسه لحقنها عشان كانت مخطوفه...انتَ مُدرك اللي انتَ عملتوا بجد
حمزه بأنفعال:انتَ مجنون ياعم طه...ولله لو كُنت اعرف ان انتَ ناوي علي كدا انا مكنتش جيت من الأساس
طه:اصبر يا حمزه بس اسمعني
حمزه بغضب:اوعا يا عم بقي..دي مراه اخويا ومسئوله مني دلوقتي اي حاجه هتحصلها انا هكون المُذنب
_بجد ونعم الأخ
صمت سيطر علي المكان فجأه وحمزه يقف ويشعر انه مثل المشلول التفت الي مصدر الصوت بتردد ونظر الي ذلك الذي يقف وينظر له بأبتسامه حب وفخر حمزه يشعر بأن الوقت توقف به في تلك اللحظه امتلئت عيناه بالدموع وهو مازال ينظر اليه بأشتياق والجميع يقف بصدمه
ركض حمزه اليه وهو يحتضنه بسعاده كبيره ودموع التي تحولت سريعاً الي بكاء هيستيري وهو مازال لا يستطيع ان يصدق ما يحدث
ضحك ليل وهو يقول:-
اهدي يا حمزه في ايه هو انا طلعت غالي عليكوا أوي كدا
حمزه بصوتٍ باكٍ:أوي يا ليل انا مكُنتش مصدق انك روحت وسبتنا...البيت كان وحش أوي من غيرك واتعذبنا أوي
ليل:انا موجود ومحدش يقدر عليا لو ناسي انا ليل يا حمزه وانتَ عارف اخوك
بهاء بأبتسامه:خطتك نجحت ومشيت زي ما انتَ كُنت مخططلها
ليل:هو فين دلوقتي
نضال:في المخزن هو وبنته بيتأدبوا...حافظ لسه مكلمني بيقولي رعبتوا
صقر:دا غير الباشا اللي عاملوا رُعب هناك
ليل بتعجب:مين؟؟
صقر:عاصم...أول ما قولتلوا تعالي عاوزك في حاجه ضروريه كان عندي تاني يوم
ليل:عاصم جدع وابن ناس...يعني عاصم راعب فهمي هناك
بهاء:الله يفتح عليك
ليل:حلو أوي...هانت خلاص هخلص من فهمي وبنتوا عشان افوق لسمير وكمال
جابر:متنساش اننا معاك
ليل:انتوا اساسي معايا...تعالوا قولولي ايه اللي حصل لما كُنت مش موجود
حكوا لهُ كُل شئ حدث معهم من أول يوم حدث فيه الحادث حتي الأن
ليل:انا فعلاً كُنت بروح لروز اتطمن عليها
حمزه بذهول:يعني هي مكانتش بتتخيل بقي
ليل:لا يا حمزه انا فعلاً كُنت بروحلها اتطمن عليها...عارفين ايه اصعب يوم مر عليا
حمدان:ايه
ليل:لما اتضرب عليا نار...صوت عياط روز جنبي...كان صعب عليا اوي مكنتش عامل حساب اللحظه دي خالص ولما طلعتوني والكل وصل وحصل اللي حصل دا مكنتش عارف انا ازاي مستحمل كل دا
داوود:بس انا عرفت امثل صح مش كدا
حمزه بصدمه:انتَ كُنت عارف
داوود:كلنا كنا عارفين ما عدا حمدان وجابر واهل الصعيد عمتاً يعني
حمزه:وانتَ ازاي متعرفنيش
ليل:انا اللي قولتلوا يا حمزه متعرفش حد عشان الخطه تمشي زي مانا عاوز
صقر:اقسم بالله لو روحنا بيك مامتك مش بعيد تعلقنا علي باب القصر
ليل:ليه
نضال:احنا مثلنا صح اوي ولو عرفت باللي احنا عملناه هتشوينا
بهاء:احنا قعدنا نصبرها ونهون عليها واحنا معندناش دم عشان كل دا لعبه اصلا
ضحك ليل وهو يقول:-
متقلقش انا هتعامل معاها
حمزه:ليل
ليل:نعم يا حمزه
حمزه:روز كانت مخطوفه من شويه ولسه مرجعينها
ليل بعدم استيعاب:نعم!؟؟
نضال:فهمي كان ورا خطفها كان مكلم واحد اسموا عُمر عشان يخطفها وعرفت بقي اخدها ازاي وكدا وسريعاً حمزه راح ضغط عليه وعاصم قام بواجبوا طبعاً واعترف روحنا لقينا الباشا حاططها ف حوض مياه كبير ورابط ايديها ولا مكتفاش بكدا كان حاطط قُنبله لحقناها الحمد لله بس القُنبله انفجرت طبعاً
ليل بتوعد:سبهولي فهمي كدا جاب اخروا معايا وعُمر دا انا هجيبه واربيه
جابر:إحنا معاك يواد عمي بس فكر هنعمل ايه دلوجتي
حمزه:وروز البيه خلاني اطلع اخدرها ومعرفش ايه اللي حصل
ليل:روز معايا متقلقش انا اللي خليته يقولك تخدرها
حمزه:انتوا ناسيين النهارده ايه
حمدان:النهارده اخر يوم ف الشهر إيه المُميز يعني
حمزه:النهارده ذكري وفاه بابا واشرف
وضع ليل يده علي رأسه وهو يقول:-
انا نسيت خالص ذكري وفاتهم
حمدان:معني أكده ان عمتي صفيه هتروح عشان تزور ابوك واخوك وتزورك بالمره
بهاء:بتفكر في ايه يا ليل
ليل:مش عارف...هستني لحد ما يمشوا وهروح ازورهم واقعد شويه معاهم وهشوف هعمل ايه
حمزه:طيب اليوم لسه ف اولوا شوفوا هتعملوا ايه كدا وقولولي
ليل:اتصل يا حمزه بسامح وشوفه هيروحوا امتي وهيمشوا امتي عشان هروح بعد ما هما يمشوا علي طول بس بلاش يروحوا قرب المغرب عشان اقدر اروح انا كمان
حمزه:حاضر
ليل:وانا هروح لروز اعبال ما انتَ تخلص مع سامح بس عارف يا حمزه لو وقعت بلسانك هعمل فيك ايه
حمزه:لا متقلقش مش هقع بلساني ولا حاجه
ليل:اما اشوف
في قصر ليل
صفيه:محدش اتصل بيك تاني يا سامح
سامح:لا يا ماما
صفيه:النهارده ذكري وفاه سالم واشرف عاوزه اروح ازورهم
خالد:طيب وحمزه والباجي مش هيجوا ولا ايه
سامح:حمزه بيتصل
خالد:رُد عليه وشوف هيجولك ايه
عند ليل
ذهب ليل الي الشقه التي بها روز ودخل بهدوء وجدها نائمه علي الأريكه ذهب اليها ونزل الي مستواها وقرر افاقتها مثل ما كان يفعل معها بالأيام السابقه ويذهب
بدءت تفيق تدريجياً حتي صُدمت من ما تراه اهو حقاً امامها
ابتسم ليل لها وقال:-
وحشتيني اوي يا روز
نهضت روز وهي لا تستطيع ان تصدق ما تراه
نظرت اليه بصدمه وقالت وهي تمسك يده:-
انتَ بجد عايش ولا انا بتهيقلي انا مش قادره اصدق قولي ايوه متفضلش ساكت كدا متخلنيش اتأكد اني مجنونه فعلاً زي ما هما بيقولوا
كان ينظر لها وهي تتحدث بأبتسامه جميله قاطعها وهو يحتضنها ويحاول تهدئتها
ليل:اهدي انا عايش مموتش
شعرت روز بذالك الدوار مره اخري يعود اليها اسندها ليل وهو يري الأرهاق والتعب الظاهرين علي معالم وجهها الذي شُحب والي عينيها المنتفختان من كثره البكاء
رأي الدموع تلتمع بعينيها مره اخري وبدءت تبكي وهي لا تستطيع ان تصدق حتي الأن انه امامها
مسح لها دموعها بحنان وقال
ليل:مُمكن تهدي بقي عشان متتعبيش اكتر من كدا
اومأت روز بنعم واجلسها وجلس بجانبها
روز:انتَ عايش بجد يعني انا مش بيتهيقلي
ليل:لا مش بيتهيقلك...يعني بذمتك يوم ما اموت اموت علي ايد الاهبل دا
روز:ازاي والرصاصه اللي دخلت فيك والدم اللي غرق قميصك ونفسك اللي اتقطع
ليل:كل دا هتعرفيه لما نرجع البيت عشان احكي للكُل مره واحده
روز بصوتٍ باكٍ:يعني انا مكنتش بتخيل وجودك كُنت موجود فعلاً
ليل:ايوه انا كُنت باجي اتطمن عليكي كُل يوم فعلاً...وعرفت انك فتحتي المُذكره بتاعتي
روز بخجل:مكنتش اقصد ولله بس لقيتها قدامي وبصراحه فضولي قتلني وكُنت عاوزه اعرف فيها اي
ضحك ليل وهو يقول:-
يا عبيطه انتِ مراتي عادي وانا كُنت ناوي اوريهالك
روز:يعني انتَ مش مدايق
ليل بابتسامه:لا مش مدايق خالص بالعكس مبسوط انك شوفتيها وقرأتيها
ابتسمت له روز ونهض وجعلها تنهض معه ولكن تألمت بسبب أصابه قدمها التفت لها ليل بقلق وهو يرا وجهها المتألم
ليل بقلق:مالك يا روز ايه اللي واجعك
روز بصوت متألم:-
رجلي وجعاني اوي...مش قادره امشي عليها
اجلسها ليل مره اخري ونزل الي مستواها وجلس علي ركبتيه امامها يتفحص قدمها بأهتمام
روز:اتلوت عادي يا ليل مفيش حاجه
قال ليل بصوت يملئه بعض الحده:-
رجلك ورمت يا هانم...شايفه كدا انه مفيش حاجه اكيد مشيتي عليها كتير
روز:اعمل ايه يعني افضل واقعه لحد ما القُنبله تنفجر فيا
ليل:مش قصدي يا روز بس مش معني كدا انك تجهدي نفسك بالشكل دا وبالذات ان الدوخه والصداع ملهمش توقيت وبتتعبي في اي وقت...اهه صحيح بالمناسبه بتاخدي علاجك
روز:اول ما بتعب باخدوا
ليل بأرتياح:طب كويس..تعالي يلا ننزل تحت
حملها ليل وذهب اليهم مره اخري دخل واجلسها علي الأريكه وجلس بجانبها
ليل:هااا عملت ايه
حمزه:هيكونوا هناك بعد ربع ساعه
ليل:حلو وهيمشوا امتي؟!
حمزه:مش عارف لانه قالي معرفش لسه
داوود:خلاص نستني ساعه ونص كدا ونروح
ليل:تمام
في المقابر
كانت تجلس صفيه وبجانبها غاده امام قبر سالم واشرف ابنها
غفران:اهدي يا صفيه ما جولنا مش عاوزين عياط عاد
صفيه بصوت باكي:خسرت تلاته يا غفران خسرت اغلي تلاته في حياتي...خايفه اخسر اللي باقيلي
غفران:اهدي يا صفيه اني جايبك عشان تجعدي معاهم مش عشان تعيطي
صفيه:ودوني لليل
خالد:تعالي يا خالتي علي مهلك
اخذها خالد وسامح وذهبوا الي قبر ليل جميعاً في تلك اللحظه وصل ليل وروز والشباب الي المقابر دلفوا وذهب ليل وروز وورأه الشباب الي قبر والده واخيه الكبير
جلس امامه والدموع تملئ عينيه وهو يري اسم والده واخيه الذي اشتاق اليهم كثيراً دعا لهم وظل جالس بمكانه هو وحمزه والباقي يقف حولهم نظر نضال لما هو واقع بجانب ليل وكانت الأسوره الخاصه بصفيه
نضال:ليل
ليل:نعم
نصال:قوم بسرعه دول لسه هنا اسوره مامتك واقعه جنب ايدك
نظر ليل الي يده ووجد ان الاسوره الخاصه بها بجانبه اخذها وسمع صوت والدته يقترب نهض سريعاً واخذ روز وحمزه معه سريعاً واختبأوا في اخر المقابر نظر لهم وهو يضع يده علي فمه كي يصمتوا ونظر مره اخري الي نضال كي يري والدته
صفيه:ايدا انتوا هنا
نضال:ا ايوه لسه جايين حالاً
صفيه:مقولتوش ليه احنا كنا مستنينكوا
داوود:جابر كان عند واحد صاحبوا معرفه كدا وبعد ما خلص جينا
صفيه:اومال حمزه وروز فين
توتروا قليلاً ولكن اسرع بهاء ورد بهدوء:-
حمزه بيجيب ازازه مياه وروز معاه عشان جعانه وكدا
صفيه:طيب يلا وتعالوا هتلاقونا عند قبر ليل
نضال:تمام اتفضلي
صفيه:طيب كان في اسوره ليل الله يرحموا كان جايبهالي وقعت مني محدش شافها
حمدان:ل لا يا خالتي مشوفنهاش
صفيه بصوت حزين:طيب
ذهبت صفيه وعاد ليل وروز وحمزه اليهم مره اخري
ليل:زعلت عشان ملقتش الأسوره مش كدا
حمدان:اهه
ليل:طيب روحوا انتوا عندهم وخلصوا وروحوا
حمزه:طب وانتَ
ليل:هقعد شويه مع بابا واشرف
نضال:تمام يلا بينا
ليل:روحي معاهم يا روز يلا
روز:لا هفضل معاك
ليل:لا عشان محدش يشُك في حاجه..خليني اكمل اللي بدأتوا يا روز من غير غلطه مُمكن
روز بأستسلام:حاضر
ذهبت روز ورأهم وهو ظل مكانه شارد يُفكر ماذا سيفعل بعد ذلك
في المساء وبالتحديد في قصر ليل
كان الجميع يتحدثون حتي قاطع حديثهم طرقات الباب أتت نعمه وفتحت الباب وجدت شخص مجهول لا يظهر من ملامحه اي شئ دلف ووقف امامهم جميعاً وهم تعجبوا ونهضوا
سامح:انتَ مين يا اخ انتَ
لم يتحدث وتعجب سامح كثيراً وظل يسير قليلاً حتي وقف امام روز مباشراً امسك يدها وضغط عليها بقوه علمت انه ليل ولكن متوتر وخائف قليلاً عليهم من الصدمه
اقترب ليل من اذنها وقال بصوت خافت لم تسمعه سوي روز
ليل:انا خايف عليهم من الصدمه
شددت هي علي يده كأنها تطمئنه ولكن قاطع توترهم سامح وهو يُبعده عن روز بغضب
سامح:انتَ بجح اوي يعني داخل من غير استأذان وكمان ماسك ايد مراه اخويا
وقعت القبعه التي كانت تُداري وجهه والجميع نظر اليه بصدمه كبيره صمت دام لمُده طويله حتي قاطعته صفيه وهي تقترب من ليل بعدم تصديق وعينيها المليئه بالدموع وقفت امامه ودموعها تهبط بغزاره
ادرك ليل ما تعانيه الأن احتضنها وهي بكت بعدم تصديق احقاً ابنها مازال علي قيد الحياه ولم يمُت
صفيه بصوتٍ باكٍ:انتَ عايش بجد يا ليل انتَ مموتش
ادمعت أعين ليل بتأثر وحاول بكل ما به من قوه ان لا يضعف امامهم
خرج صوته مختنقاً وهو يقول:-
لا يا امي انا لسه عايش مموتش دي كانت لعبه مني عشان امسك فهمي
ركضت غاده اليه واحتضنته هي الأخري ببكاء وهي لا تصدق اعينها
ليل:مُمكن تهدوا لأن انا مش متحمل
صفيه:عاوزنا نعمل ايه يعني اول ما نعرف الحقيقه
ليل:انا اسف حقكوا عليا بس مكنش في ايدي حل تاني غير كدا
بعد مصافحات كثيره كان الجميع يجلس وينصت اليه بأهتمام
غفران:احكيلنا يا ولدي كُل حاجه من الألف للياء
ليل:اللي حصل ان...
Flash back
(قبل الحادث بيوم واحد)
كان غيث يُحادث ليل ويتفقون علي تلك الخطه
غيث:انا روحت لفهمي وطلبت اني اشتغل معاه عشان انتقم منك زي ما انا اتصلت بيك وانتَ شتمت وزعقت عشان يصدق
ليل بأهتمام وهو يحتسي قهوته:-
ها وهو عمل ايه اول ما قفلت معاك
غيث:اتطمن ووافق وقبل ما امشي قولتله شوف هتنفذ امتي
ليل:تمام لو في جديد ابقي قولي
(يوم الحادث)
في الساعه الخامسه مساءاً
ذهب غيث الي فهمي الذي طلبه وهو متأكد انه سيقول له ما هو وقت التنفيذ
غيث:ايوه يا فهمي طلبتني ليه
فهمي:ليل هيتقتل النهارده قبل بُكرا
غيث:تمام هتنفذ الساعه كام
قال فهمي ببرود:انتَ اللي هتقتله مش انا
غيث تفاجأ ولكن لم يُظهر ذلك
غيث:تمام هنفذ الساعه كام
فهمي:اللي عرفته انه بره هو وداوود ومراته عشان تعبانه شويه وهيرجع علي 10 تقريباً انا وانتً هنكون هناك عشان تخلص عليه
غيث:تمام انا موافق
اعطي لهُ فهمي ذلك المُسدس وهو ينظر لهُ بشك
فهمي:دا المُسدس اللي هتضرب بيه ليل..خليه معاك
غيث:تمام عن اذنك
ذهب غيث وظل فهمي ينظر لأثره بشك ولكن قرر ان يثق به عاد غيث مره اخري الي منزله وهاتف ليل
غيث:ايوه يا ليل...ايوه في جديد
ليل بأهتمام:قول
غيث:انا كُنت عند فهمي من شويه واتفق معايا علي كُل حاجه
ليل:اتفق معاك علي ايه بالظبط
غيث:لا مش هينفع علي التليفون لازم نتقابل
ليل:طيب تعالي علي القصر عندي هستناك وخلي بالك ليكون مراقبك
غيث:تمام
بعد مرور ساعه ونصف كان غيث يجلس امام ليل وداوود
ليل:ها فهمي قالك ايه يا غيث
غيث:فهمي ناوي يصفيك النهارده وكمان عارف انك بره انتَ وروز وداوود وهترجع علي 10 عشان يخليني اموتك ودا المُسدس اللي اداهوني
اخذه ليل منه وهو يتفحصه واخرج الرصاص الموضوع به وكان حقيقي اعطي لداوود الرصاص وهو يقول
ليل:الرصاص دا حقيقي
داوود:عندك حق
غيث:ناوي علي ايه
ليل:الرصاص دا هيفضل زي ما هو
غيث:نعم؟؟؟ انتَ مُدرك انتَ بتقول ايه
داوود:مينفعش يا ليل انتَ بتستهبل
ليل بثقه:متقلقش انا مجهز كُل حاجه
داوود:قصدك ايه؟؟؟
ليل:انا هكون لابس واقي للرصاص بس من تحت الواقي دا لسه جديد يعني مش هيبان اني لابس واقي وهحط كياس دم ببساطه الرصاصه اللي غيث هيضربني بيها هتكون قاطعه كيس الدم اللي محطوط والرصاص مش هيدخل جسمي عشان هكون لابس الواقي
داوود بأعجاب:لا عجبتني
غيث:دماغك ألماظ
ليل:قبل متسألوا علي النفس...انا بعرف اكتم نفسي لمده طويله متقلقوش يعني تعالي نفذ يا غيث عادي وانتَ مطمن
غيث:تمام..اما نشوف اخرتها
ليل:هانت متقلقش...قوم انتَ بس روح عشان تستعد
Back
ليل:والباقي انتوا عارفينوا لما اتضربت بالنار ولما داوود كلمكوا وقالكوا
خالد:طيب والجثه والجنازه
ليل:مكُنتش انا دا كان طفل صغير لسه ميت اخدته وخليت الشيخ يغسلوا وطبعاً صليتوا عليه واتدفن يعني مكنش انا
سامح:يا اخي يخربيت دماغك
صفيه:يعني روز كانت صح لما قالت ان انتَ بتجيلها
ليل:ايوه
غفران:ومين اللي راعب فهمي اكده
ليل:دا عاصم صاحبي وشريك معايا في الشركه هو اللي راعبوا
صفيه:يعني الحمد لله نفذت اللي في دماغك
ليل:لسه
صفيه:نعم!!؟
ليل:لسه هروح لفهمي وعبير يا امي انا كدا هيعتبر معملتش حاجه
غفران:ليل معاه حق يا صفيه سبيه ليل مهواش عيل صغير ليل كبير وواعي
سيلا:يالهوي كان نفسي تشوف روز وهي بتضرب عبير بالألم بجد انا مكُنتش مصدقه نفسي
ليل بدهشه:بجد
سيلا:اهه ولله انا فرحت فيها حقيقي
نظر ليل الي روز بأبتسامه التي خجلت ونظرت الي الأرض مره اخري
قاطعهم دلوف حافظ
حافظ:ليل باشا فهمي اتجنن وبيحاول يفُك نفسوا بأي طريقه
نهض ليل وبهاء ونضال وداوود وصقر وهم ينظرون اليه
ليل:تعالوا ورايا
ذهبوا الي المخزن الذي فيه فهمي وعبير دلف حافظ وارتعب فهمي وظل يصرخ ويحاول ان يفك قيود يده وعبير التي تجلس بركن بعيد ساكنه والسواد الذي تحت عينيها قد زاد وتنظر بغضب اليهم
دلف ليل بشموخ وورأه داوود ونضال وبهاء وصقر وكان فهمي مازال علي تلك الحاله
ليل بصوت قوي:بس اخرس
سكن فهمي فجأه بخوف وهو ينظُر الي ليل بصدمه كبيره وسريعاً ظهر ذلك الذي سبب لهُ كُل هذا الرعُب من خلف ليل وعاد يصرخ مره اخري
نظر ليل الي حافظ الذي فهم نظرته واعطا لهُ شئ ما الذي ما إن وجهه ليل بوجه فهمي حتي صرخ برعب
#يتبع.....
#احببتها_ولكن 26
بقلمي:بيسو وليد
رايكوا...
تعليقات
إرسال تعليق