 |
دار الايتام
البارت التاسع والعشرين....
وصل ليل وادم ونوح وجاسر الشركه...
جاسر...صباح الفل
ليل...صباح الخير
ادم..ونوح...صباح الخير.
جاسر لنوح...نور عامله ايه الوقت.
نوح...بخير الحمد لله..
ادم...ايه ده البنات اهم...
جاسر...احنا لو متفقين مش هنتقابل كده..
البنات...قربو. صباح الخير..
الشباب.. صباح الخير...
دخلو ورا بعض.
جاسر...لتمارا... اتصلت بيكي مردتيش
تمارا...استنيتك تتكلم بس نمت..والله
جاسر...عارف عشان كده مرضتش اتصل تاني
تمارا....متزعلش.
جاسر...في حد يزعل من القمر بردو..
ابتسمت..تمارا.
جاسر..ولو اني زعلان عشان كنت عايز اسمع صوتك.
تمارا...لا والله.
جاسر...ايه مش مصدقاني🤨🤨
تمارا...لا🙄😁
جاسر...بقى كده طب لما نطلع المكتب نشوف الموضوع ده
ضحكت تمارا..ودخلت مع جاسر. ورا الشباب.
واول ما دخلو كانو حاسين بحاجة غريبة...نظرات الموظفين..وشوشتهم لبعض لمتهم كل مجموعه مع بعض ...كان في حاجة مريبة...
جاسر...هو في ايه..مالهم كده
ادم...مش عارف اصلا حاسس في حركة غريبة...
عشق...بقلق وصوت مسموع... ربنا يستر..
بصلها ليل..وحس بنفس الاحساس اللي وصلها....
ادم.....اليومين اللي جايين دول مش هيمرو مرور الكرام
وقف ليل.. في وسط البهو بتاع الشركه...
وبصوت جهوري مرعب...خيرررر واقفين كده ليه..وليه مش على مكاتبكم...
قرب... منه المدير التنفيذي للشركه بخطوات سريعة...
مستر ليل... وكمل بارتباك..في يعني حاجة حصلت لازم حضرتك تعرفها
ليل...حاجة ايه..
اداله المدير...الجرنال وظرف وهو نفس الظرف اللي فيه صور نور ونوح...
الظرف ده جه انهرده واتوزع تقريبا على كل موظفين الشركه. والخبر ده اتنشر انهرده في الجرنال....
مسك...ليل من ايده الجرنال واتأكد ان شكه في محله هو وعشق ..
اتبدلت ملامح. ليل.وجاسر وادم ونوح والبنات لما شافو الخبر واتحول وش ليل لملامح تخوف...
الخبر....
فضيحة نوح السيوفي رجل الاعمال💥💥
حصري...رجل الاعمال الاشهر نوح السيوفي يمارس الرزيله مع سكرتيرته الخاصة التي تدعى نور محمد في إحدى الشقق المفروشة وهي تعمل في نفس الشركة التي كان يعمل بها والدها..منذ اكثر من عشرون عام مجرد موظف بسيط .وقتل منذ فتره زمنية قليلة امام الشركة بحادث غامض...وبعد فترة بسيطة استلمت نور وظيفتها ولم يمضي وقت حتى لتحزن على فراق والدها...بل
قامت بأفعال منافية للآداب. ومنافية للدين..ومارست الرزيله مع عشيقها...ومديرها...ومن المعروف عن نوح السيوفي بأنه زير نساء فلا يرحم من تقع تحت يديه...ولكن. هذه المره كشف الله ستره عن نوح السيوفي لتكون هنا نقطة البدايه لانهيار كيان السيوفي بهذا الشكل. المخزي....
..........
ليل... بصوت جهوري... وسط الموظفين اللي اصابهم الرعب من تحوله وصوته اللي يرعب...
ليل....الصور دي دخلت الشركه هنا ازاي...
المدير التنفيذي. برعب...حضرتك ياليل باشا منعرفش...احنا جينا لقيناها على مكاتبنا كلنا..
ليل...يعني ايه جيتو لقيتوها على مكاتبكم..ايييييه دخلت لوحدها... هاتوليييي الامن حالا
ثواني وكل الامن كانو ادامهم..
الامن...تحت امرك با افندم
ليل....انتو اول ناس بتكونو موجودين هنا...مين اللي دخل الاظرف دي هنا...ومين اللي دخل هنا. من غير اذني ومين اللي دخل حطها على مكاتب الموظفين..
الامن....مفيش حد دخل والله يا افندم. واحنا مش عارفين ازاي اصلا اتحطت
ليل.....يعني ايه نايمين على ودانكم مشغل معايا عيال...
الامن...يا افندم صدقني والله مافي حد دخل الشركة انهرده خالص ومحدش بيدخل اصلا غير الموظفين او حد عنده معاد سابق غير كده محدش يقدر يدخل او يخرج
ليل...طيب امبارح... بعد ما مشينا من الشركة مين اخر حد فضل موجود..ماهو الاظرف دي عشان تتحط لازم ميكنش في موظفين فالشركة
الامن....حضرتك... امبارح
كان في حوالي. عشر موظفين من اقسام مختلفه مشيو متأخر عشان كان عندهم شغل..
ليل....ثواني ويكون على مكتبي اساميهم وانا بقى هعرف بطريقتي مين اللي حط الاظرف دي ومين اللي وراها...
والتجمع اللي انتو عاملينه ده...والرغي والوشوشه اللي ملهاش لازمه اول واخر مره تحصل وهكتفي بس بخصم اسبوع لكل الموظفين
.ومرة تانية ادخل الاقي المنظر ده رفد. حتى لو لكل الشركة....واللي عمل كده بقى بس يقع في ايدي وديني ماهرحمه...وثواني وعايز كل الصور دي حالا تتلم وتكون على مكتبي...واللي هيفكر بس لمجرد تفكير يتكلم في اي حاجه تخص الصور دي..ميلومش غير نفسه....والخبر اللي منشور ادامكم ده مبقاش ليل السيوفي ان ماقلبت الدنيا على دماغ صاحبها....اما بقى بخصوص الصور اللي شوفتوها دي....قاطعه نوح في اللحظه دي بغضب اعمى...
نوح...لحظه ياليل. بعد اذنك...وكمل بصوت جهوري يرعب يحمل في كل حرف غضب ليس له حدود من اللحظه دي. لو بس حد فكر يجيب سيره نور على لسانه او حتى في عقله...يعتبر نفسه ميت....نور...مراتي على سنه الله ورسوله. ...نور بنت انضف راجل جه اشتغل في الشركة دي... عم محمد اللي كلكم عارفينه اللي ليه..جمايل على كل واحد فيكم الراجل المحترم اللي مكنش بيسيب فرض اللي كان بيساعد الكل وعمره ما اتأخر عن اي حد احتاجه في خدمه عم محمد اللي عارفينه وعارفين اخلاقه اللي يوم ما هيربي اكيد تربيته هتبقى نظيفه زيه...مش زي الصور اللي في ايدكم دي..فا أقل واجب كان لازم تردوله الجميل ويوم ماتقع في ايدكم صور زي دي بدل ما كنتو تقفو تتكلمو وتتوشوشو بالمنظر ده كنتو قولتو لا وكدبتو عنيكم....انا بحب نور وهي بتحبني والمفروض اننا كنا هنتجوز بس اللي حصل لعم محمد غير كل حاجة وبعد وفاته كان لازم نكتب كتابنا عشان مينفعش تفضل لوحدها وحصصصصل واستنينا لحد ما عم محمد تعدي فترة على وفاته عشان نعلن جوازنا ادام الكل بس للاسف في كلب بيحاول يبوظ العلاقة دي وعمل الصور اللي في ايديكم دي عشان يشوه سمعة السيوفي اللي عمرها ما هتتشوه ابدا...انا مش مجبر اقولكم كل الكلام ده بس ادام الصور وقعت في ايدكم يبقى لازم تعرفو عشان من بعد ما عرفتو لو حد فكر يجيب سيرة مراتي هيحكم على نفسه بالموت فاهميييين .والكلب اللي عمل كده من اللحظه دي اعتبروه ميت...يلاااااا كل واحد على مكتبه...
مشيو الموظفين بسرعه وكل واحد فيهم راح على مكتبه بتوتر وخوف..طلع ليل وطلعو كلهم وراه...
ليل.... تعالو ورايا...
دخل ليل اوضة الاجتماعات والكل وراه...
اعد ليل... على الكرسي...وكلهم اعدو في صمت. الموقف مكنش محتاج كلام...كان التوتر سيد الموقف..
ليل...مسك موبايله واتصل على المأذون...
ليل...الووووو
المأذون....ايوه يااستاذ ليل.
ليل....القسيمة جهزت..
المأذون...مش هينفع تبقى جاهزه انهرده.
ليل...يعني ايه مش هينفع. انا مش قولتلك ادفع اي فلوس وخلصلي كل حاجه.
المأذون...ياليل باشا مش حكاية فلوس...بس في إجراءات لازم تخلص.
ليل...اي حاجه بتخلص بالفلوس...
المأذون...بس حضرتك طلبت مني ان القسيمة تتسجل بتاريخ قديم وعشان الاجراءات دي تخلص بتاخد وقت للاسف عشان القسيمة تتسجل بتاريخ قديم.
ليل...اتصرف مفيش وقت
المأذون...طيب اديني وقتي وانا هعمل كل جهدي عشان اخلص كل حاجة انهرده...ولو منفعش انهرده ان شاء الله بكره بالكتير هتكون القسيمة مع حضرتك.
ليل...بكره الصبح...قبل 9 تكون معايا لو حتى هتخلص بأي مبلغ خلص كل حاجه انهرده ولو محتاج اي مبلغ يكون معاك هبعتهولك حالا.
المأذون...متقلقش ياليل باشا انا الوقت بحاول اخلص اهو وان شاء الله كله هيخلص بس اديني وقتي ولو خلصت هجبها لغابه عندك انهرده...
ليل...تمام مستني منك تليفون.
المأذون... ربنا كريم...
ليل..سلام.
المأذون...مع السلامه...
..........
ليل......اللي حصل ده مفيش حرف منه يوصل لنور...الموضوع مبقاش فضيحة في جامعة وشويه صور وصلولنا احنا بس...الموضوع كبر...بقت فضيحة في الشركة كلها...وفضيحة في الجرايد...وهتوصل للإعلام...
جاسر....اظن كده يا ليل خلصت ولازم اللعب يبقى على المكشوف...
ليل....هخلص الاول. حوار. الجامعة بكره....
ادم...بس احنا مينفعش منردش ياليل في اسرع وقت لازم ناخد خطوة عالاقل نبلغ
ليل....تبقى بس القسيمة في ايدي وهطلع بيها على النائب العام اعمل محضر في الجريده دي... لكن هروح الوقت اعمل محضر بأيه...المفروض انهم كاتبين الكتاب من فترة يعني القسيمة المفروض تكون جاهزه...مش مجرد قسيمة مؤقته ماشيين بيها...
عشق...صح.القسيمة المؤقته دي بتبقى لمده بسيطه عشر ايام اسبوعين بالكتير لكن المفروض انهم بقالهم فتره متجوزين وطبيعي القسيمة تكون بقت معاهم. مفيش حل غير اننا نستنى المأذون...
ليل...جاسر...عايزك انت وادم...تراجعو الكاميرات من بعد ما مشينا بالليل لحد الصبح... مفيش ثانيه عايزها تعدي من تحت ايدكم غير لما تشوفوها...
جاسر...تمام..
ادم...تمام..
ابتدا تليفون ليل يرن...
ليل...الوووو.
.........
ليل....ياريت امته..
.......
ليل...طيب انهرده مش هينفع خالص
......
ليل....تمام...بكره قبل المعاد هكون موجود
......
ليل...شكرا لتفهمكم الموضوع..
.......
ليل...لا خالص...بالعكس... دي جت في وقتها..
...........
ليل.....لا في كتير اوي وفي مفجأه كمان
.........
ليل...شكرا. جدااا هنكون موجودين ان شاء الله.
.......
ليل . مع السلامه.
.......
جاسر.. في ايه
ليل....ده الاعداد بتاع برنامج الحقيقة...طالب يعمل معانا حلقة بخصوص الخبر اللي اتنشر.
جاسر...طيب وهتعمل ايه
ليل...هنروح طبعا انا ونوح...
جاسر...طب ورفضت لبه انهرده.
ليل...لنفس السبب اللي مخليني مش عارف اروح اعمل بلاغ...القسيمة!!!
ادم....للاسف. كل حاجه. متوقفة بسبب القسيمة.
زهره...هي ممكن متطلعش بكره.
ليل....لازم تطلع بكره بأي شكل..
نوح..حاطط ابده على راسه من التعب حاسس ان دماغه هتنفجر...
عشق....طيب انا رأيي... نحاول نهدا وخصوصا ليل ونوح... العصبيه دي مش كويسه في الموقف ده. لازم تكونو اهدا من كده عشان تقدرو تفكرو وإلا كل حاجه هتبوظ والعصبية هتوتركم اكتر ومش هتقدروا تفكروا خالص وساعتها هتدوا فرصة كبيرة للي عمل كده انه يبوظ الدنيا اكتر خصوصا اننا مش عارفين هو بيفكر في ايه...
جاسر....صح...عشق بتتكلم صح...احنا عارفين بنتعامل مع مين...لكن منعرفش هو بيفكر ازاي...فلازم نحاول نكون اهدا عشان نعرف نرتب افكارنا..
ليل...وهو حاطط ايده على وشه...نهدا ازاي ونفكر زاي انا حاسس ان دماغي واقفه مش قادر افكر حاسس اني بتهد خلاص..
ادم...مينفعش يا ليل...خالص..مينفعش تتهز انت بالذات..اللي احنا فيه ده بدايه. لسه مش عارفين نهايتها امته...ولا هتخلص على ايه...يعني مينفعش تسلم من اولها...
جاسر...اهدا كده ياليل...ادم معاه حق. احنا كلنا معاك بس لازم تكون صالب طولك احنا بنستمد قوتنا منك..
في اللحظه دي... بص ليل لعشق...وهي بصتله. واول ما عينها جت في عينه بعدتها بسرعه....
زهره....انا عندي حاجه عايزه اقولها ينفع...
ليل... طبعا يازهره قولي..
زهره...يعني المفروض البلاغ والحلقة اللي هتتعرض والجامعة متوقفين كلهم على القسيمة وان شاء الله هتكون معاك انهرده قبل بكره ولو بقت معاك هتروح الصبح على النائب العام تعمل بلاغ الاول ده تقريبا افضل عالاقل عشان بعدها تطلع على الجامعه بالقسيمة وبصورة من المحضر اللي هتعمله ده هيقوي موقفكم في الجامعه جداا.
ليل...صح يا زهره براڤو عليكي انا كنت هعمل العكس...
زهره... بعد الجامعة هيبقى فاضل معاد الحلقة ان شاء الله من بعدها الكل هيخرس خالص وبكده مشكله نور ونوح هتهدا مش هيبقى فاضل غير انكم تعرفو مين او تقولو مين...بس انا رأيي اننا منبوظش كل حاجه يعني المفروض انهرده ميضعش واحنا اعدين نفكر وموقفين شغلنا لازم نقوم نكمل عادي وكأن مفيش حاجه حصلت خصوصا ان الفترة دي في شغل كتير وفي كذا مناقصة لشغل جديد واتفاقات ومواعيد وشغل هيبتدي بعد بكره يعني اللي عمل كده في التوقيت ده بالذات غير الفضيحة هو قاصد يوقع الشركه ويشتت تفكيركم عشان الشغل ده كله يتلغي ويبوظ وبكده الشركة هتخسر كتير فا انا رأيي منديهمش الفرصه ونقوم ونكمل ونخلص الشغل الواقف. ونركز وكأن مفيش حاجه حاصلة...وبعدين يعني المشكله حصلت والدنيا عرفت يعني مفيش حاجة تقدر توقف اللي حصل يبقى احنا نتعامل مع المصيبة دي ببرود اه هي حاجه كبيرة بس حصلت خلاص مش هنفضل بقى مضايقين ومتعصبين وموقفين حياتنا...
ادم...باعجاب... براڤو يازهره انا معاكي جدا..
نوح...وانا كمان مع زهره. اللي عمل كده قاصد يهد الدنيا على دماغنا في الوقت ده بالذات..
ليل....بابتسامه بسيطه...كنت فاكرك طيبة يازهره... بس دماغك عجبتني. ويمكن كلامك ده فوقني... وانا كمان معاكي...هنقوم الوقت كلنا على مكاتبنا. هنشوف شغلنا. وكأن مفيش حاجه حصلت...لحد بالليل لما نعرف المأذون عمل ايه. بس ادم وجاسر زي ما قولتلكم... تشوفو الوقت الكاميرات وتعرفو من بعد ما مشينا ايه اللي حصل مين كان بيتحرك بصورة مش طبيعية مين اللي عدي على المكاتب وحط الصور.
جاسر...متقلقش كله تمام.
قام الكل على شغله...وكأن مفيش حاجة حصلت...
ابتدت زهره...شغلها هي ونوح...ادم وجاسر بيراجعو الكاميرات....
عشق... ابتدت شغلها هي وليل..
تمارا... بتحضر للميتنج اللي هتروحو هي وجاسر....
...........
عدى حوالي ساعه...
خبط...نوح..على ليل...ودخل..
ليل... خير يانوح..
نوح...ليل انا هستأذن. ساعه وهرجع..
ليل... ليه رايح فين
نوح...مفيش هروح اشوف نور واركبلها المحلول...وهرجع...
ليل...طيب ما كنا بعتنا ممرضه افضل.
نوح...مش هتأخر ياليل...انا ساعه بالكتير هكون هنا هركبه وارجع بسرعه..
ليل... طيب تمام...ادم خلص. هو وجاسر ولا لا.
نوح...لسه
ليل.. طيب زهره هتعرف تشوف الشغل لوحدها...
نوح... انا خلصت شغل واديتهولها مسافه ما اروح وارجع هتكون خلصت واكيد ادم هيكون خلص وطلعلها..
ليل... طيب تمام يانوح..وانت خارج ابعتلي شاهي..
نوح...بس شاهي مش موجوده في المكتب وانا داخل ملمحتهاش...فكرتها عندك
ليل...خلاص روح اكيد في الحمام
نوح... طيب تمام يلا سلام.
..............
خرج. نوح راح لنور...وكمل ليل شغله عادي. وعشق كمان كانت مندمجه في الشغل...
............
اما في الڤيلا...
خبطت... سهام على الباب...
نور... بضعف... ادخل..
فتحت. سهام الباب... صباح الفل... على القمر اللي منور الڤيلا..ممكن ادخل.
نور..بابتسامه... صباح النور.. طبعا ممكن.
دخلت سهام واعدت جمبها. بعد ما باستها من خدها..القمر عامل ايه انهرده
نور...بخير ياطنط..احسن..
سهام...انا جيبالك اللبن الدافي ده عشان تبتدي تاكلي بقى زي ما الدكتور قال.
نور...معلش ياطنط مش قادرة
سهام...لا ازاي بقى هتفضلي كده عالمحلول انتي مش شايفة انتي عامله ازاي
نور... بس انا مش بحب اللبن واصلا مش جعانه...
سهام...حتى لو مش جعانه لازم تغصبي على نفسك عشان متقعيش مننا يانور... وبعدين ده اللبن جميل وهيقويكي شويه...وعشان معدتك تبتدي تشتغل تاني وتاكلي بقى...
نور... معلش ياطنط سبيني على راحتي بجد مش بحبه...
سهام...نور... انا عايزه اتكلم معاكي كلمتين...
نور...اتفضلي..
سهام...انا مش عايزه اقولك حاجه تضايقك ياحبيبتي.
بس عارفه ومقدره جدا الظرف القاسي اللي بتمري بيه..
ومش هدافع عن ابني.. والله. انا هقف معاكي انتي... بس بردو ابني ميعملش كده نوح ميعملش كده ابدا يانور.
نزلت...دمعه من عيون نور...بحزن.
سهام...نوح ممكن يهزر يضحك ممكن يكون لعبي بيخرج مع بنات بيتنطط كتير بس هو راجل انا وابوه ربيناه صح. ممكن نقول الشيطان وحش بس نوح ميعملهاش كل ام في الدنيا بتبقى عارفه حدود ولادها في الصح والغلط..والغلط قبل الصح كمان...يعني انا عارفه ايه اخر ولادي في الغلط...وصدقيني يانور مش نوح...ومش بقولك كده عشان تسامحيه او عشان تشيلي من دماغك فكرة ان هو اللي عمل كده لا خالص وصدقيني لو ثبت عكس كلامي ليكي ونوح اللي عملها انا اول واحده هتقف ادامه. وهقف معاكي انتي. وهبقى بريئه منه ادام ربنا وادامك ليوم الدين
وهعرف. الكل ان وصيتي هتكون انه لا يحضر عزا ليا ولا غسل وهغضب عليه ليوم اليدين..
نور...بعد الشر عن حضرتك..
سهام...ومش بس كده... نوح هيخرج من حياتنا تماما بعد ما يردلك كرامتك ادام العالم كله...
بس صدقيني انا ام وقلب الام عمره ما يكدب ابدا واحساسي بيقول ان مش هو نوح متغير ومتبدل. ده مش نوح اللي ماللي الدنيا حركه وضحك نوح جواه كسره. وحاسس بالظلم. نوح لما بيعمل حاجه وبيكون غلطان بعرف لكن المرادي لا هو مش غلطان صدقيني...وواثقه انه هيجبلك حقك...
نور...بدموع...بس انا تعبانه اوي مش قادرة اتحمل كل ده
خدتها سهام في حضنها...عارفه يانور. وحاسه بيكي ياحبيبتي .. بس عيزاكي تجمدي عشان تقدري تاخدي حقك بايدك حتي لو كان من نوح... مينفعش تكوني ضعيفة كده. مينفعش الضربه تعلم فيكي وحتى لو علمت مينفعش توطي ابدا. لازم تقفي قوية وصامدة. ورافعه راسك.. الدنيا اللي احنا عايشيين فيها دي مش عايزه الضعيف. عشان محدش يدوس عليكي ومينفعش تحسسي غيرك بضعفك ووجعك عشان هتقابلي ناس في حياتك مبيلاقوش سعادتهم غير فاللي موجوع وبيجو عليه اكتر اجمدي كده بقى وامسحي دموعك دي ..
خرجت.. نور. من حضنها وهي بتمسح دموعها...معاكي حق...
في اللحظه دي خبط الباب...
سهام...ايه ده مين...ادخل
فتح...نوح الباب..
دارت نور وشها بسرعه وحطت طرحتها على شعرها وحاولت تمسح دموعها بسرعه عشان ميبنش عليها...
سهام...نوح...جيت امته
نوح...لسه جاي يا امي.
سهام...في حاجه ولا ايه
نوح...لا خالص رجعت عشان معاد المحلول
سهام...اه انا نسيت خالص...طيب تعالي وانا هنزل اشوف الشغاليين عملو ايه في الغدا..
نوح...طيب يا امي..
سهام... مش هتشربي اللبن بردو يانور.
نور...لا ياطنط مش هقدر صدقيني..
سهام... زي ما تحبي مسك نوح الصينيه و خدها من ايده امه
سبيها يا امي..
سهام...بصتله وسابتها وخرجت...
رجع نوح الصينية
جمبها تاني... وابتدا يطلع العلاج من غير ولا كلمه...ومش بيجيب عينه عليها عشان متضايقش..
نور... بتحاول تسرق نظراتها ليه بسرعه وتبعد عينها...
علق..نوح المحلول... وقرب ايده من ايدها. عشان يركب المحلول في الكانولا. سحبت نور ايدها منه بخوف. بسرعه.
نوح.. بصلها.... انا هركبلك المحلول.
فضلت بصاله نور من غير ما تتكلم رجع تاني مسك ايدها... سكتت نور...
لكن... كانت لمسته ليها كفيله تخرج قلبها من مكانه..
ركب... نوح..المحلول وفضل متابع. بس مكنش في حاجه بتنزل..عرف ان الكانولا اتسدت فاطلع سرنجه وسحب من المحلول زي ما عشق قالتله...وقرب من ايد نور...وابتدا يفضي السرنجه في الكانولا عشان تتسلك... لكن نور اتألمت جامد...ودموعها نزلت زي الاطفال..
نوح... بفزع... نور. اسف بجد بس الكانولا اتسدت وعشق قالتلي دي الطريقة الوحيدة اللي تتسلك بيها...
انا هكمل معلش استحملي بس شويه..ماشي..
هزت.. نور.دماغها وهي بتمسح دموعها...كان قلبه واجعه عليها وهي بتعيط
ابتدا يضغط الحقنه تاني...
واتألمت من تاني نور... حاول نوح يخلص بسرعه عشان يخف عنها الالم...
ورجع تاني المحلول...واخيرا ابتدا ينزل بانتظام. واشتغل..
نوح... خلاص تمام اشتغل..هيخلص بعد نص ساعه لما يخلص هتقفلي المحلول وتشيليه من الكانولا وتقفليها لو مش هتعرفي ماما هتساعدك.. تمام..
سكتت... نور ومردتش وعينها كانت بعيد عنه..
اتنفس نوح بألم...مسك اللبن وقربه منها
نور...مش عايزه
نوح...لازم تشربيه.
نور...مش عايزه قولتلك
نوح...نور. بلاش عند من فضلك واسمعي الكلام
نور..انا مبشربش لبن
نوح...معلش هتشربيه.
نور...قولت لا
نوح... ماهو هتشربيه بالذوق او انا هشربهولك بطريقتي فاهمه..
نور... بصتله بغضب.. وخدته منه..
نوح... انا همشي الوقت راجع الشركة...ياريت لما امشي. متسيبهوش عشان لو عرفت انك مشربتهوش والله يانور اول ما هرجع هشربهولك بالعافيه. وبدل الكوبايه هتشربي اتنين...
نور....بصاله بغضب...
نوح...عايزه حاجه.
نور...لا مش عايزه منك حاجه...
نوح...وهو بيتنهد ماشي شكرا...ومشي ناحية الباب...ونور متبعاه بعينها...وقف مره واحده وبصلها بعدت عنيها بسرعه.
نوح...صحيح. نسيت اقولك... متبقيش تلبسي الطرحه شكلك نسيتي اني بقيت جوزك..
نور...بصاله بغضب ومش عارفه ترد...
فتح نوح الباب. ونزل... ووصى والدته عليها وراح الشركة...
.........
ليل... يعني الكاميرات مش جايبه شكل اللي عمل كده. ولا ملامحه..
جاسر... بقولك ياليل اللي ادامنا بيحط الاظرف... لابس كاب... ولابس لبس مش لبس موظفين...لابس كاچوال مش فورمال .
ليل...انا لازم اشوف الكاميرات دي بنفسي اخر اليوم..اكيد في حاجه ممكن تعرفنا مين ده...اللي عمل كده من الشركة استحاله يكون من برة الشركة هيخرج ويدخل ازاي من غير الامن ما يمنعه...
ادم... مش عارف.. بس ده اللي ظاهر عموما
حابب تراجع الكاميرات راجعها يمكن توصل لحاجه...
ليل... طيب تمام روحو انتو على شغلكم...
رجع نوح... وكمل شغل...ومشي اليوم عادي الكل بيشتغل..
جاسر..وتمارا.. راحو الميتنج...
ومر حوالي ساعتين رجعو...
وكملو شغل تاني...
وابتدو يخلصو شغلهم..
وخد ليل معاه الميموري بتاع التسجيلات عشان يراجعه براحته في البيت...
وابتدو يجهزو... عشان يروحو مع بعض الڤيلا يطمنو علي نور..
عشق... ليل.. انا هخرج اشوف زهره خلصت ولا لا
ليل.. تمام... ياعشق.. وانا جاي وراكي عشان نمشي.
عشق... تمام...
خرجت .. عشق...راحت لزهره... ولكن وهي في طريقها لمكتب... زهره... وقفت بصدمة 😳😳😳وطلعت موبايلها بسرعه
عدى خمس دقايق على وقفتها..
واخيرا راحت على زهره ..
الكل خلص...وخرجو مع بعض من الشركة... في طريقهم للڤيلا...
ليل... جاله تليفون.
ليل...الووو
المأذون...ايوه ياليل...باشا..
ليل.... ايه في اخبار.
المأذون... اه كله تمام...الحمد لله القسيمة معايا...
ليل.. طيب كويس جدا...هتكون فاضي الصبح علي 7 او 8
المأذون... اه ان شاء الله
ليل.. خلاص بكره هخدها منك.
عشق...بانتباه... ليل
بصلها وهو بيتكلم
عشق... هو ده المأذون هي القسيمة جهزت
ليل... هزلها دماغه
عشق... انت عايز تاخد القسيمة منه بكره
ليل.. للمأذون لحظه خليك معايا
المأذون معاك
ليل.... اه يا عشق... ناخدها الصبح على طول
عشق....لا اطلع عليه الوقت ياليل ناخدها منه حالا
ليل...في ايه ياعشق..
عشق...مفيش بس اسمع كلامي ممكن.
بصلها ليل.. باستغراب ورفع الموبايل على ودنه...
ليل... طيب بقولك ايه... جهزلي القسيمة انا جاي حالا اخدها منك
المأذون... خلاص في انتظارك...
وقفل ليل معاه..
ليل... لعشق.. في ايه يا عشق..
عشق...مفيش..بس كده احسن
ليل... لا في حاجه.
عشق...صدقني مفيش بس ايه اللي يخلينا نستنى ادام جاهزه ناخدها احسن محدش عارف ممكن يحصل ايه وانا مش مطمنه..
ليل... ماشي ياستي بس عموما انا مش مصدقك.
عشق...ليه بس. انا بس حاسه بقلق. واتعودت امشي ورا احساسي ومش هتخسر حاجه.
ليل... ماشي. ادينا طالعين عليه اهو.
عدى ليل على المأذون في المكتب بتاعه خد منه القسيمة واداله فلوسه...
ورجع على الڤيلا... اعدو البنات مع نور... حاولو يغيرو مودها لكن كانت زي ما هي...
واخيرا... مشيو...
بعد ما ليل بلغهم ان القسيمة معاه وهيبتدو مشوارهم الصبح.....
طلع نوح الاوضه عشان ينام شويه..
كانت نور.. صاحيه...
نوح...دخل من غير كلام... دخل خد شاور وغير هدومه. وخرج اعد على الكنبه...
نوح... نور... عشق. بلغتك اننا هننزل الصبح للجامعة..
نور...ايوه.
نوح... انا هصحى اعمل مشوار انا وليل بسرعه وبعد كده هاجي اخدك ونروح الجامعه مع بعض..
مرضيش طبعا يعرفها انهم هيروحو للنائب العام يعملو محضر في الجريدة.
نور... ماشي...
نوح.. قام طلع من چاكت البدله بتاعته علبه صغيره قطيفه...
وراح.. ناحيه نور...اتفضلي.
نور...ايه ده..
نوح...زي ما انتي شايفه.. دبله البسيها في ايدك..
نور...انا مش هلبس حاجه
نوح... من فضلك يانور بلاش مناهده كتير واسمعي الكلام.
نور...قولتلك مش هلبس حاجه مش عايزه حاجه منك ولا عايزه تربطني بيك اكتر من كده انت مبتفهمش..
نوح... بغضب.. مسكها من دراعها....صرخت نور بوجع...
تلمي لسانك ده وتتكلمي معايا كويس ومن هنا لحد ما اجبلك حقك... تسمعي كل حرف بقوله انتي عمرك ماجربتي قلبتي يانور. وانا محبش ابدا انك تشوفيها
بس لو فضلتي تتعاملي معايا بالطريقه دي هتشوفيها يانور...ومن هنا لحد ما الحقيقه تبان مش هقبل منك اي إهانه...وتاني مره مش هنبهك يانور تتكلمي معايا كويس مفهوووووم..
نور... بصاله. برعب من شكله اللي اتحول وعرفت انها زودتها معاه...فضلت بصاله ودموعها متجمعه في عينها بخوف....
شد. نوح ايدها... ولبسها الدبله وهو متعصب منها... اتألمت نور... وهو بيلبسهولها...
ساب.. ايدها... وراح من غير ولا كلمه... على الكنبه. ونام..
فضلت. نور... تعيط. لحد ما راحت في النوم..
اما نوح.. فا كان. بيتظاهر بالنوم... كان قلبه واجعه عليها من نظرة الخوف منه...لكن متحملش يسمع اهانتها ليه..خصوصا انه معملش حاجه...
قام نوح... مش قادر. ينام.. ولع سيجاره... وفضل باصص عليها من بعيد... هي نايمه زي الاطفال...منكمشه على نفسها. بخوف. قام من مكانه... وعلق المحلول وركبوا في ايدها .. فتحت عينها.وغمضتها بسرعه فضل اعد جمبها على الكرسي لحد ما خلص.. قفله وراح نام شويه...
..................
في صباح يوم جديد ملئ بالاحداث....
صحي نوح.. وليل... ونزلو مع بعض..
وعملو بلاغ في الجريده.... وقدمو صورة القسيمة وعملو محضر تشهير...وطبعا لانهم معروفين جدا ابتدا المحضر يتحرك بسرعة البرق...
خرجو من عنده....راحو على الڤيلا... ياخدو نور... طلع نوح... ساعدها في النزول وخدها معاه... ونزل معاهم ادم
وقابلهم...جاسر وطلعو مع بعض هما الاربعه ومعاهم نوح... بشكلهم اللي كان يرعب....
وصلوا الجامعة... نزلت معاهم نور... كانت متلجه. وبتترعش.. وافتكرت اللي حصل... والخوف مأثر عليها...نزلو كلهم...
نوح....نور...ارفعي راسك...مش عايز اشوفك موطيه كده..
ليل... نور السيوفي متوطيش راسها يانور... دقايق والكل هيقفلك الوقت ومحدش هيقدر يرفع عينه فيكي..يلا
اتحرك..ليل..ووراه ادم وجاسر..
نوح...يلا..
نور...بخوف. طيب..
مدلها نوح ايده...ومن غير تردد او اعتراض... مسكت نور في ايده بسرعه وقبضت على ايده جامد...عشان تطمن نفسها...وتحس بالامان...ضغط نوح على ايدها بقوه عشان يحسسها بالامان اللي هي محتاجاه.... ودخلو مع بعض...
واتقدم.. نوح بيها ادام... ومشيو بكل ثقه....
دخلو عشان يقابلو عميد الجامعه ..
ليل..معاك ليل السيوفي...
العميد...غني عن التعريف يا افندم..
ليل ....انا جاي انهرده وعايز اوقف المهزله اللي حصلت اول امبارح...
العميد....توقفها ازاي... ياليل باشا انا خدت قرار لازم اخده مع اي طالب موجود هنا ايآ كان مين هو واظن مينفعش اني ادخل مكتبي والاقي ظرف زي ده ونفس الظرف مع الطلاب ومخدش قرار حاسم... وإلا سمعة الجامعة هتبقى في الارض ولا حضرتك شايف ايه.
نوح...جه صوته من بعيد...معاك حق. بس المفروض مهما كان اللي وصلك قبل ما اخد اي قرار... اعرف اذا كان صح او لا...
العميد...اعرف منين.. اللي عرفته ان صور الانسه نور متوزعه وحضرتك معاها مكنش ادامي غير اني اخد القرار ده بسرعه واظن... امبارح. بعد اللي حصل في الاعلام والصحافه والخبر اللي اتنشر... كان قراري صح...ولو مكنتش عملت كده كانت جامعة القاهرة سمعتها بقت في الارض..
بصو كلهم لنور..اللي وقفت وهي مزهوله من اللي سمعته...
نور...اعلام وصحافه ايه...وخبر ايه..هو الخبر وصل للاعلام
نوح...بغضب...نور...اعدي..
اعدت...نور...بخوف.
وكمل...نوح. بغضب...
اه تاخد قرار عشان سمعت الجامعة لكن سمعت طالبه عندكم لا ازاي المفروض ان كرامة اي طالب من كرامة الجامعة اللي انت خايف عليها دي...
العميد...حضرتك كنت عايزني اعمل ايه وانا شايف الصور بعيني..
نوح...تعرف مين اللي نشر الصور تجيب اللي فضحنا بالشكل ده حتى لو كان حقيقي انا كنت جاي طالب انكم ترجعو لنور حقها عشان ترفع راسها وعشان ترجع جامعتها اللي اتفصلت منها لمجرد شخص حقير حب يسوء سمعتها وللاسف جنابك متعبتش نفسك انك تعرف مين اللي عمل كده او تعرف الصور دي حقيقيه ولا لا...بس اقولك انا خلاص مش عايز كل ده وهوديكم في ستين داهيه...وهرفع على الجامعة وعلة جنابك شخصيا قضية تشهير.
العميد....انت جاي تحاسبني بأمارة ايه..
نوح...وهو رايح على مكتبه.... بغضب... ورزع على المكتب قسيمة جوازه هو ونور.. بامارة دي .. نور مراتي على سنة الله ورسوله...وبامارة ده... ده بلاغ للنائب العام في الجريده...الللي نشرت الخبر... وبأمارة ما هطلع بليل في برنامج تلفزيوني هفضح جامعتك اللي خوفت على سمعتها وهفضح الجريده وحق مراتي هيرجع وحق نوح السيوفي هعرف ارجعه..
ليل... اظن الرساله وصلت يا سياده العميد.
العميد..وهو بيبص عالقسيمة بخوف....
طيب... ممكن حضرتك تأعد وتهدا...بس. كده في لبس في الموضوع...
نوح... بغضب... لا لبس ولا قلع.. خلصت...
العميد...ليل. باشا... ده مش زنبي واي حد مكاني هيعمل كده.. انا ليا بالصور اللي جاتلي..
ليل... لا كان لازم عالاقل تعمل تحقيق عالاقل تعرف الحقيقه..
العميد... طيب بعد اذنك يا نوح باشا اعد واهدا وكل حاجه هتتعمل زي مانت عايز واكتر...بعد اذنك اعد..
ليل....اعد يانوح..
جاسر.. نوح اعد معلش..
العميد... قرار فصل انسه نور هيرتفع حالا..
نوح...واللي حصل في الجامعه واللي حصل من الطلاب.. ونظراتهم ليها. اظن انت شايف نور حالتها ازاي ووصلت لايه بعد اللي حصل.
العميد... هنزل اعتذار رسمي مني انا شخصيا لنور وبكده هردلها حقها...
نوح... مش بس كده...
العميد...تحت امرك في اي حاجه تطلبها...
نوح... اي حد يتجرأ ويرفع عينه في نور او يفكر ينطق بكلمه في حقها. يتفصل..
العميد...اطمن مع الاعتذار اللي هنزله هنزل تنبيه بعدم التعرض. ليها باي شكل من الاشكال..تمام كده
ليل ...كده تمام جدا..
العميد.... وانا بعتذرلك بنفسي يا مدام نور
نوح...مقاطعا لكلامه....انسه لسه مبقتش مدام... فرحنا هيتعمل بعد ما يعدي وقت كافي على وفاه والدها...
العميد...اسف ليكي يا انسه نور... واسف ليك يانوح باشا وياريت تقدرو موقفي يمكن اكون اتصرفت غلط ومعملتش تحقيق بس بردو قدرو موقفي ومره تانيه بكرر اعتذاري..
وبعد فتره بسيطه... خرجو. ونور حاسه من جواها بفرحه وحاسه ان جزء كبير من حقها وكرامتها رجعولها...لكن كانت مضايقه ان الخبر انتشر وحزنها مكنش مفارقها.....
روح... نوح. نور... وراحو عالشركه... يخلصو شغل ويحضرو نفسهم للحلقه... ولاحداث هتقلب الدنيا بحالها استنوني بكره في اقوي بارت💥💥💥💥💥
دار الايتام
البارت الثلاثون...
ليل.....شاهي هاتيلي القهوه بتاعتي..
شاهي...حالا يامستر ليل...
.....
ليل...عشق...شوفتي ورق الصفقة الجديدة ..
عشق.........
ليل...عشق..
عشق......
ليل...عششششق.
عشق...هاااا بتكلمني.
ليل..بكلمك ايه انتي مش معايا خالص...
عشق...اسفه سرحت. شوية..كنت بتقول ايه..
ليل...مالك ياعشق..
عشق...مفيش.
ليل..مفيش ايه بس انتي مش شايفة انتي عاملة ازاي..
بعدت..عشق...عنيها عنه..
ليل...لا واضح فعلا ان مفيش حاجة...قام ليل من على الكرسي بتاعه وراح اعد قدامها على الكرسي قوليلي مالك ومتقوليش مفيش عشان مش هصدقك..
عشق.....صدقني مش هعرف اتكلم الوقت ياليل. يمكن في حاجة فعلا. بس مش هينفع الوقت لما اتأكد الاول..
ليل...يااااه هي حاجة كبيرة اوي كده..وبعدين ليه يعني مش عايزة تقوليلي الوقت وتتأكدي من ايه...عشق بلاش تقلقيني انتي شايفة اللي انا فيه
عشق....هو مش انت عندك حاجات كل شويه تقول مش هينفع اقولها الوقت..عادي يعني.
ليل....تقصدي واحدة بواحدة يعني
عشق....لا خالص والله بس يمكن الاول كنت بضايق منك..انك مش عابز تقول بس لما اتحطيت في نفسه الموقف عرفت ان كان عندك حق
ليل...طيب حاجة خاصة بيكي.
عشق...لا حاجة خاصة بالوضع اللي بنمر بيه كلنا اليومين دول..
ليل...رفع حواجبه باستغراب...لا انا كده لازم اعرف...ومش هتقومي غير لما تقوليلي..
عشق...ليل
ليل....مفيش ليل. لازم اعرف...
طيب..ممكن اخر اليوم...
ليل...مفيش اخر اليوم انا شوية وخارج انا ونوح رايحين نصور الحلقة...
عشق...طيب اديني وقت وقبل ما تمشي هقولك كل حاجه..
ليل....مكدبتش لما قولت عليكي عنيده ياعشق.
عشق...مش عند والله بس عشان خاطري خليها لحد قبل ما تمشي هتأكد من حاجة الاول...
خبط...الباب...ودخلت شاهي...
قربت شاهي..وحطت القهوه..اتفضل يامستر ليل...
ليل... امبارح كنتي فين ياشاهي.
شاهي...بارتباك...كنت فين يعني ايه يامستر ليل..
ليل..مكنتيش على مكتبك ليه.
شاهي...انا كنت موجوده يامستر ليل
ليل... كلمتك مرتين مردتيش وقولت لنوح يناديكي قاللي انك مش بره...وبعد كده اتلخمت في كذا حاجة ومركزتش معاكي..
شاهي...ابدا يا مستر ليل... بس يمكن كنت في التويلت
ليل... تمام حاولي متسبيش مكتبك كتير من فضلك.
حست.. شاهي بارتياح...حاضر حاضر يامستر ليل...
اما عشق... فا كانت مركزة معاها جداااا
ليل....اوك روحي انتي ياشاهي..وحضري ورق الصفقة الجديدة بتاعة كمبوند التجمع وهاتيه لانسه عشق..
شاهي...وهي بتبص لعشق...بغل...تمام...
خرجت...شاهي... وعشق عينها عليها بغموض...وليل مركز معاها ..
عشق...وهي لسه باصه على طيف شاهي اللي اختفي...ليل..ممكن سؤال.
ليل...طبعا...
عشق....هي شاهي بتشتغل معاك من اد ايه...
ليل....اشمعنى.
عشق...يعني مجرد سؤال.
ليل...لو انه مش مجرد سؤال..بس حاضر ياستي...تقريبا من 3 سنين.
عشق....وهي بترفع حواجبها باستغراب...3 سنين...على كده بقى هي شاطرة في شغلها..
ليل...هي من ناحية شاطرة فاهي شاطرة..يعني...نشيطة سريعة...ذكية...اينعم في حاجات فيها مش بحبها بس في الشغل هي كويسة..
عشق....حاجات ايه اللي بتضايقك..
ليل...ده بردو سؤال عادي..
عشق...لو مش حابب تقول براحتك🙄
ليل...ابتسم...على فكره.. انتي مش بس عنيدة انتي كمان فضوليه...
عشق...انا😳. طب انا مش بحب اعرف حاجة مليش فيها بس يعني عادي مجرد كلام بس خلاص مش عايزة اعرف...ولسه هتقوم من عل الكرسي. بغضب زي الاطفال..
ليل...مسكها من ايدها...وابتسم..استني بس خلاص اعدي
عشق...لا مش هاعد😔
ليل....وهو ماسك ايدها...عشان خاطري..خلاص بق متبقيش عيله..
عشق....كمان عيله😧😧
ليل....ضحك...وابتسم ابتسامه هاديه وجذابه...بس احل عيله..
عشق...بصت في الارض باحراج... ووشها احمر من الخجل...
ليل....طب خلاص ارفعي وشك ..
وكمل عشان ميحرجهاش...بصي ياستي... شاهي من الناس اللي بتشتغل بضمير بجد شغلها كويس جدا ذكية سريعة طموحة...بس زيها زي بنات كتير بتبقى داخلة وكل هدفها انها توقع المدير بتاعها...حاولت كتير بس طبعا انا مليش في الجو الرخيص بتاعها ده... فا ادتها على دماغها وكل فترة لما بحس انها هتخيب برجع افوقها تاني فهمتي. ادي كل الحكاية..
عشق...فهمت😏
ليل....🤨
عشق...يعني... معنى انك سايبها شغالة معاك 3سنين يعني اكيد بتثق فيها..
ليل...بصي ياعشق انا اتعودت مثقش في اي حد بسهولة ومش معنى انها بقلها 3 سنين معايا يبقى انا كده بثق فيها بالعكس دي لو حتى بقالها 10سنين ولسه مدتلهاش الثقة الكاملة هتفضل طول الوقت تحت الاختبار...بس لو بتتكلمي في العموم فا هي في منطقة الامان لحد الوقت بالنسبالي...
عشق.....تمام....
ليل...ايه لسه عندك سؤال تاني شاغل بالك حابه تسأليه عن شاهي ..
عشق..هي مش شاغلة بالي اصلا😒
ليل...بابتسامه واضح واضح..
عشق...انت بتتريق على فكرة انا بسأل عادي...
ليل...طيب ياستي خلاص براحتك...يلا نشوف شغلنا بقى قبل ما امشي..
عشق...طيب ممكن اخر سؤال😊
ليل...اسألي.ياستي.
عشق....انا هفضل تحت الاختبار اد ايه..
ليل...فضل باصصلها بابتسامه وساكت...وفجأه رفع ضهره من الكرسي وقرب لادام بقى مفيش فاصل كبير بينهم..
رجعت عشق.. بضهرها لورا بتلقائية.. من حركته...
ليل....هو مين قال ان انتي في اختبار ياعشق...
عشق...بارتباك من قربه ونظراته. ونفسه القريب منها..يعني مممش انت بتقول انك مش بتثق في حد بسهوله حتى لو بقاله كتير معاك..
ليل...ايوه انا قولت مش بثق في حد بس مقولتش مش بثق في عشق...
عشق...اتصدمت من رده... وحست انها اتوترت جامد ومبقتش عارفه ترد...ففضلت انها تهرب...
انا. انا هروح اشوف الشغل...وقبل ما تقوم كان ليل ماسكها من ايديها الاتنين...حست عشق انه حركتها اتشلت واعدت تاني ومنطقتش. قلبها كان هيخرج من كتر ما بيدق. صدرها بيعلى وينزل من نفسها...
ليل.... عارفه ياعشق...من يوم ما شوفتك اول مره يوم ماجيتي هنا لتمارا وحاج محمد وانا كات عندي احساس انك هتشتغلي معايا بالرغم من اني كنت عارف انك بتشتغلي... هتصدقيني لو قولتلك اني كنت عامل حسابي من الاول على طبيعه الشغل اللي هتمسكيه معايا. وهتصدقيني لو قولتلك اني كنت عامل حسابي ان مكتبك يكون. في نفس مكتبي...هتصدقيني لو قولتلك بعيدا عن اللي حصل لحاج محمد وبعيدا عن اللي حصلكم في الشقه لوحدكم اني كنت عامل حسابي انك هتأعدي في حاجه ملكي انا...طيب هتصدقيني ياعشق. لو قولتلك ان بعيدا عن اني حابب افضل مع نور واساعدها عشان دي وصية حاج محمد اني عملت ده عشانك قبل ما اعمله عشان اي حد تاني... يعني وجودكم في الشقه ده كان عشانك انتي...يمكن تكوني فاكرة اني عملت كده عشان نور. لما قولت لنور اول مره بعد وفاة حاج محمد انها تيجي تأعد في الشقه ورفضت وقالت عشان ذكرياتها في البيت ده وطلبت منك تقنعيها... انا كنت عايز موافقتك مش موافقة نور.. طيب هتصدقيني ياعشق يوم ما روحنا عشان تشوفي مهره وتساعديها..كنت في الطريق مقرر اني هسمي الفرسه اللي هتتولد ايآ كان نوعها ايه (عشق)
عشق..بصاله. بزهول عنيها فيها لمعه مخليه لونها يجنن اكتر ماهو يجنن...
ليل...مينفعش بعد ده كله تسأليني اذا كنت واثق فيكي او لا..انتي عارفه يعني ايه ليل السيوفي يخلي حد يشتغل معاه في مكتبه ويديله نفس الصلاحيات اللي ليه في الشركه...انا معملتهاش مع اقرب الناس ليا وعملتها معاكي انتي ياعشق...حتى وجودك في الشقه. مسألتيش نفسك يوم ما دخلتك اول يوم الاوضه وانا متعصب منك اشمعنى الاوضه دي بالذات...
حاجات كتير اوي ياعشق وتفاصيل اكتر معرفش اذا كنتي خدتي بالك منها او لا..
عشق.....بصوت ضعيف...طب ليه ليه كل ده..
ليل...ليه. وسرح....يمكن لو كنتي سألتيني السؤال ده قبل كده كنت رديت وقولتلك مش عارف..بس الوقت عشان حاجات كتير اوي ياعشق..
عشق....ايه هي.
ليل...سكت ... دقيقه...ممكن مجاوبش الوقت...اكيد هيجي يوم واعرفك كل حاجة...عشق... في حاجات كتير اوي محتاج اتكلم معاكي فيها...في حاجات عايز اعرفهالك..
عشق...وانا هستناك تيجي تقولي عليها ومش هسألك عليها لحد ما تحس انك عايز تتكلم..
ليل...قريب قريب اوي ياعشق...بس من هنا لحد ما اقولك عايزك تفضلي موجودة معايا.
عشق...بابتسامه وانا موجودة معاك اهو.
ليل...مش عايزك تزعلي مني الفتره دي ابدا تستحمليني لو اتعصبت صدقيني مببقاش قاصد بس الفترة دي صعبه والفترة اللي جايه اصعب. عايزك تخلي بالك من نفسك ومن تمارا وزهره انا واثق فيكي ياعشق...
عشق...متقلقش.اكيد هكون اد الثقه دي...
ليل... ماشي ياستي... بصي بقى عايز اقولك على حاجه مهمه... كمان اسبوع المفروض اني هسافر المانيا..
عشق...بخوف.تسافر
ليل...اه...انتي عارفه ان اي شغل بره مصر انا المسؤول عنه...وفي صفقة مهمه جدا في شركة كبيرة جدا في المانيا ليها فروع كتير في بلاد كتير والمفروض ان الشركة دي هتعمل فروع هنا..حوالي 3فروع. والمفروض ان الشركة دي كان ادامها كذا شركة تختار منهم الاحسن...ووقع اختيارها عليىشركتنا...والمفروض ان انا هروحلهم..
عشق....طيب هتأعد اد ايه وبعدين فجأه كده.
ليل...هأعد حوالي اسبوع ومش فجأه ولا حاجه بس هما كانو لسه بيختارو ولما موقع علينا الاختيار المفروض انهم اتواصلو معايا على الايميل واتحدد معاد عشان اروح ونتفق فهمتي.
وبعدين هو انتي ليه مضايقه..
عشق...انا مش مضايقه...بس يعني خايفه
ليل...خايفه من ايه ياعشق..
عشق...ليل وجودك بيفرق معانا كتير انا عمري ماخفت في حياتي اد الفترة دي حاسه على طول بقلق..ومتوترة
ليل...عشق... انا قولتلك قبل كده وهقولهالك تاني طول ما انا لسه بتنفس مش عايز حاجة تخليكي خايفه...مفهوم
عشق....بزعل... مفهوم
ليل....بس في حاجة مقولتلكيش عليها
عشق....ايه تاني...
ليل...في خلال الاسبوع ده تكوني جهزتي الباسبور بتاعك عشان هتسافري معايا..
عشق...بابتسامه... بجد...انا هاجي معاك.
ليل...بابتسامه...ورفعة حاجب...الخوف راح فين🤨
عشق....اختفت ابتسامتها بسرعة وباحراج...انا لا بس يعني ازاي هسافر والشغل..
ليل... الشغل هنروح نخلصه مع بعض والاسبوع اللي هنكون في مسافرين مفيش اي صفقات محتاجين نمضيها معندناش غير بتاعة المانيا...والاسبوع ده معندناش غير بتاعة الكمبوند بتاع التجمع..
عشق... وهي بتاخد نفسها بفرحه... تمام. طيب وهينفع نسافر ونسبهم هنا في الظروف دي.
ليل... متقلقيش كل حاجه هتتحل...البلاغ وعملته نور. ورجعت ليها جزء من حقها...وانهرده هروح الحلقة والايام الجاية هنشوف هيحصل ايه..وان شاء الله مش هنسافر غير واحنا مظبطين جزء كبير من المشكله دي.
ممكن يلا نشوف شغلنا انا ساعه وهتحرك من هنا🤨🤨🤨
عشق...ماشي ممكن...
........
اما عند جاسر وتمارا....
جاسر. وهو ماسك ايد تمارا..ان شاء الله ياحبيبي كل حاجه هتخلص. مش عايز اشوفك قلقانه انا جمبك. وبعدين انتي هتعملي فيها زعلانه عشان تنسيني ولا ايه
تمارا... انسيك..ايه..
جاسر....حسابك معايا ياقلبي...انتي نسيتي انك نمتي وسبتيني ولا ايه..
تمارا...بضحك...قلبك اسود اوي..ولله نمت غصب عني
جاسر...مش مشكلتي...وهتتحاسبي يعني هتتحاسبي..
تمارا....بخوف مصطنع... ليه بس كده ده انا بقول عليك طيب...
جاسر....طب خلاص تصدقي صعبتي عليا...وقرب. ايدها من شفايفه... وباسها....وفي اللحظه دي.وصلت هايدي..واتفتح...الباب..مره واحدة...
سحبت...تمارا. ايدها بسرعه ورجع جاسر عنها خطوة وبصو على الباب. بصدمه....
حست..تمارا...بخوف وتوتر
هايدي.....الله الله الله ...دي كده احلوت اوي... ومشيت بخطوات بطيئه.ناحيتهم وهي بتتكلم وانا اعده اقول جاسر مش بيسأل عليا ليه...مش بيطلب يشوفني ونخرج ليه..مش بيتكلم او حتى يبعت مسدچ ليه. طب مش بيرد عليا ليه وديما يكنسل ليه...حتى المسدچات اللي ببعتها بتشوفها وبتتجاهلها ليه...مكنتش اعرف ان البيه في دنيا تانيه خالص وهايص هنا مع سكرتيرته المحترمه..
جاسر....هايدييي.خلي بالك من اللي بتقوليه..
هايدي...ببرود...لا لا لا بلاش العصبية دي مش حلوة عشان المود الحلو اللي انت فيه ده ميروحش...فالاول انا كنت
شاكه...بس كدبت نفسي قولت استحاله...يمكن عارفه عنك كل حاجه كنت بتعملها من ورايا كنت بقول عادي جاسر.. شاب. وحلو وعارفه انك ليك في سكه البنات كنت بقول عادي بكره لما نتجوز هتتغير مكنتش بحب اخنقك...وكملت وهي بتبص لتمارا من فوق لتحت بس صراحه عمري ما تخيلت ان ذوقك يبقى بيئه وواطي اوي كده...
جاسر....هايدي قولتلك خلي بالك من كلامك.
تمارا....انا مش هرد عليكي عشان هحترم المكان اللي احنا فيه. يمكن لو كنا بره المكان ده كنت عرفت ارد عليكي بطريقتي اللي بيتهيألي مش هتحبيها خالص..
هايدي...وهي بتضحك ضحكه عاليه...عشان ايه...سمعيني كده تاني...محترمه المكان..طب ده بأمارة ايه بأمارة المنظر اللي شوفته..ولا بأمارة ايه فهميني...
ايه سكتي ليه ماتتكلمي...عشان انا عندي حق. ولا عشان انتي رخيصه...
تمارا.....بغضب كلمه كمان وقسما بآيات الله لا هخلي الدكتور اللي هيكشف عليكي يحتار في سبب موتك...
هايدي...انتي بتهدديني انا ياماما مش عارفه انتي بتتكلمي مع مين ولا ايه...
................
في اللحظه...دي ادم كان معدي من ادام مكتب جاسر. وسمع صوت عالي دخل مكنتش تمارا في مكتبها والصوت باين عالي. اوي وفهم من الكلام ان دي هايدي وان في مصيبه هتحصل...خرج بسرعه... راح لليل. عشان يلحق يوقف المهزله دي قبل ما تحصل...
خبط...ادام..على الباب. وفتح.
ليل...خير يا ادم.
ادم....ليل...في حاجه بتحصل في مكتب جاسر.
ليل..بقلق...حاجه ايه..
عشق...تمارا فيها حاجه..
ادم...هايدي جت وتقريبا في مشكله وصوتهم عالي.
ليل...يادي هايدي وزفت مش هخلص من الصداع ده بقى يارب...
وقام ليل...وخرج مع ادم. ووراهم عشق...
............
زهره.....نوح...هو في صوت عالي ولا انا بيتهيألي..
نوح...وهو سرحان...صوت ايه مخدتش بالي..
زهره...معرفش بس حاسه ان في صوت حد بيتخانق..
نوح....مش عارف. استني اشوف..
خرج..نوح. ووراه زهره...وقفو على الباب كان الصوت بيعلى اكتر...ولمحو ليل وادم..وعشق. بيمشو بسرعه ناحية مكتب جاسر...
نوح...هو في ايه..
زهره...معرفش مش بقولك في مشكله...لا تكون تمارا وجاسر في مشكله بينهم..
نوح....تعالي بسرعه...
جاسر....هايدي...انتي زودتيها اوي...وانا سكت على طريقتك دي كتير بس خلاص جبت اخري..
هايدي....بصوت مرتفع...اخرك ؟؟؟انت اللي جبت اخرك..انت مش شايف انك غلطان ولا ايه يامحترم
جاسر.....بعصبيه... بقولك ايه.. متعليش صوتك انتي نسيتي نفسك ولا ايه.....
هايدي....انا مبعليش صوتي بس كمان مفيش واحد بيسيب خطيبته بالايام ميعرفش عنها حاجه. ويفضل رايح جاي ورا حتت بت متسواش...انا قلقت عليك وقولت لازم اسأل عنك خصوصا بعد الاخبار اللي اتنشرت عن نوح قولت اقف معاك وقولت يمكن ده السبب اللي مخليك مشغول عني مكنتش اعرف ان البيه مقضيها طب بزمتك متكسفتش من نفسك. تسيب هايدي الحديدي اللي الكل بيجري وراها وتجري... ورا حتت عيله زباله..تربية ملاجئ...
هايديييييييييييييييي
حست. هايدي بنهايتها لما سمعت الصوت. بس تظاهرت بالقوة...
ليل....ايه اللي بيحصل هنا...وايه العك اللي انا سامعه ده
قرب...جاسر. بغضب... منها. ومسك دراعها بقسوة...صرخت هايدي بألم....انا طول الوقت بحاول اتغاضى عن طريقتك الزباله واسلوبك الزفت وعجرفتك اللي ملهاش اي معنى
بس لحد هنا. وخلاص انا طول الفتره دي مستحملك بس لحد تمارا... وخط احمر ياهايدي مفهووم...
ليل...جاااسر...
هايدي...انت بتعمل معايا انا كده عشان دي...
ليل....انا قولت ايه اللي بيحصل هنا..
هايدي...انا اقولك يا ليل باشا... البيه المحترم ابن عمك...اللي سايب خطيبته لا يعرف عنها حاجه ولا بيكلمها. ولا حتى بيرد عليها... داير يتسرمح مع تمارا هانم بنت الحسب والنسب...تربية الملاجئ. ودخلت عليه لقيته بيبوسها عرفت فيه ايه...
الكل...بصدمه😳
قربت منها تمارا بغضب...انتي زباله وكدابه وانا لحد من ثانيه واحده بس كنت محترمه المكان اللي انا فيه ومحترمه وظيفتي ومحافظه عليها لكن لحد هنا وطز بالوظيفه والشغل وكل حاجه...وزي ما جاسر قالها من شويه...تمارا..خط احمر...ويمكن انا اه تربية ملاجئ مش هتكسف ولا عمرها هتكون نقطه سوده في حياتي عارفه ليه عشان انا واثقه في نفسي. وتربية الملاجئ دي. متستنضفش واحده زيك تربية مامي وبابي وتربية ڤلل. وضربتها قلم وسط زهول الكل...والقلم اللي علم على وشك ده هيفكرك ديما ان تمارا خط احمر...ومش تمارا اللي بوستها بتعلم على الوش ياهايدي هانم يامحترمه....
انا ماشيه وسايبه الشركة كلها عشان صراحه بعد اللي عملته ده ليل ليه حق يطردني بس اسفه ياليل انا كمان كان حقي ارد على الواطيه دي..بعد اذنكم...
ليل...استني ياتمارا...هنا
جاسر....تمارا...انتي مش هتمشي من هنا...
هايدي.... نعم...انت ازاي تسمحلها تعمل اللي عملته ده...وكمان بتقولها استني وانت ياليل باشا... انا نفسي اعرف عملولكم ايه شويه الزباله تربية الشوارع والملاجئ دول..
قرب... جاسر... بكل غضب.. ومسكها من رقبتها..انتي واضح. انك بتجري على نهايتك...
مسك ليل وادم بسرعه جاسر...
ولف ليل. لهايدي...مسكها من ايديها...
...وكمل بصوت واطي يرعب ونظرات تخوف حظك يا هايدي اني مش فاضيلك..وحسابك لسه مجاش معاده معايا.. اوعدك انه قرب... ومن هنا لحد ما حسابك ده يجي. لو شوفت وشك او لمحته في اي مكان صدقيني هتموتي في مكانك قبل ما تعرفي رد فعلي...ونطر ايدها من ايده...
هايدي....بتحاول تبان قويه بعد رعبها من ليل...
من يوم ما دخلو حياتكم وانتو مش شايفين كأنكم اتعميتو ومش شايفين اللي وصلتوله لحد الوقت.انتو مش شايفين انتو كنتو فين وبقيتو فين... ولا ايه... ماشاء الله عيلة السيوفي اللي كان الكل بيعملها الف حساب الوقت سيرتها بقت على كل لسان. عيلة السيوفي اللي مكنش بيدخل اي حد فيها الوقت بقى بيدخل فيها تربية الملاجئ وبنت الموظف الغلبان اللي اخوك خلى معاها سيره العيلة اللي انت فرحان بيها دي في الارض...
وفجأة.. وقع على وشها قلم من قوته كانت هتقع في الارض... لولا مسكت في المكتب... ومناخيرها نزلت دم.
نوح...ورحمة ابويا اللي اول مره احلف بيه...سيرة نور مراتي. لو جت على لسان كلبه زيك لهولع فيكي انتي واهلك كلهم...نور...اللي هجيب حقها قريب فهماني ياهايدي. لحد نور... وتقفي عشان انتي متعرفيش قلبتي...ولو خايفه على عمرك واللي باقي من كرامتك تخفي حااااالا من ادامي..
ليل...اظن كده كفايه...ملمحش وش اهلك ده تاني..لحد مانا اللي هجيلك عشان اشوف وشك قريب ..
هايدي...انصدمت على اللي حصل فيها...
جاسر...هايدي...
وقفت هايدي...وهي بصاله بغضب وحقد...قلع دبلته. وحطها في ايدها...
جاسر...دي كانت اخر حاجه بتربطني بيكي...هي جت متأخره... للاسف ويمكن ميكنش ده بردو كان وقتها. بس هي قفلت معايا لحد هنا....وقبل ما تمشي... من اللحظه دي... لو فكرتي بس تحتكي بيا او بأي حد يخصني مش هسمي عليكي ولا هعمل حساب لاي حاجه كانت ما بينا...يلا من هنا...
هايدي....وديني ما هسكت عاللي حصل ده..انا هندمكم وهحسركم كلكم وهدفعكم تمن اللي حصل فيا ده بس محدش يبقى يزعل...
راح..ليل ادامها اعد عالكرسي وحط رجل على رجل....وابتسم...
ليل...هايدي....اعلى ما فخيلك اركبيه.. انا هاعد واتفرج عاللي ناويه تعمليه وهديكي فرصتك كمان...بس متبقيش تزعلي لما اخد فرصتي...
خرجت...هايدي...بغضب...من المكتب ومن الشركة كلها
اعد جاسر عالكنبه وهو بيقلع الكراڤت بخنقه...وبيفتح القميص...
ليل......خلاص في ايه اهدى كده محصلش حاجة...مش عملت اللي يريحك..اهدى بقى
جاسر..بغضب...لا ياليل معملتش اللي يريحني اللي حصل ده المفروض كان حصل من فتره بس انت اللي كنت مأعدني معاها. وانت عارف اني مش عايز..انت اللي كنت بتضغط عليا استنى ..
ليل...خلاص ياجاسر خلصت...ماانت في الاخر بوظت الدنيا قبل المعاد بردو يعني عملت اللي يريحك..نهدى بقى...
ادم....انا مش مطمن للي حصل ده خالص..
ليل...ولا انا...بس الجدع فيهم اللي يظهر بقى خلاص من بعد حلقة انهرده اللي هتتعمل اللعب هيبقى عالمكشوف...
جاسر....اسف يانوح عاللي حصل..
نوح....وانت ذنبك ايه ياجاسر.
جاسر...ذنبي اني مقتلتهاش قبل ما تقول اللي قالته ده
ليل...اطمن ياجاسر... اللي هيحصل معاهم الفتره الجايه اوسخ من القتل...
جاسر...اسف يابنات.. بجد. لو في كلام اتقال وضايقكم...
زهره...زي ما نوح قالك يا جاسر... انت ملكش ذنب مفيش حاجه...
تمارا...انا اسفه ياليل..عاللي حصل... انا مكنتش احب يحصل كده ومقصدش خالص اني اقلل من المكان اللي انا فيه ولا اقصد اني محترمهوش بس انا مش هكمل بعد اللي حصل ده عشان
ليل...مقاطع كلامها متتأسفيش ياتمارا...وعلى فكره انا مش زعلان. وكنت هزعل منك لو مكنتيش عملتي كده ....
تمارا...يعني مش مضايق مني..
ليل...والله انا مش مضايق...ولا هسمحلك انك تمشي اصلا وبعدين لو مديرك المباشر عايز كده انتو حرين وابتسم ولا ايه ياجاسر..
جاسر...سيبك منها دي مجنونه...مشي ايه اللي عايزه تمشيه
تمارا...انا مجنونه...
جاسر....اه مجنونه...بس. بحبك .
تمارا😳😳😳😳😳😳😳😳
جاسر....والله العظيم بحبك..
انهارات تمارا حرفيا... وكانت نفسها الارض تتشق وتبلعها. من احراجها من اعتراف جاسر ادام الكل انه بيحبها...ومن جنانه وجرأته...
ليل...اهو قالك. ياستي اهو انا شايف
ابتسم..ادم ونوح وليل لجاسر... عشان عارفين انه كان نفسه يخلص من هايدي... وعشان عارفين انه بيحب تمارا
وابتسمت عشق وزهره بفرحه عشان تمارا....
اما تمارا فاكان حالها لا تحسد عليه ...
ليل...انا بقول نخرج بقى احسن. قبل ما تمارا. يغمَ عليها..
ضحك...الكل...على ليل..ومشاكسته لتمارا...
ليل...نوح...حضر نفسك احنا لازم نتحرك الوقت...
جاسر...واحنا كمان المفروض عندنا ميتنج
عشق...جاسر...معلش قبل ما تمشي ممكن سؤال..
جاسر....طبعا ياعشق...
عشق....انت حكيت مع هايدي. علينا
جاسر...عليكو ازاي مش فاهم.
عشق...يعني عن ظروفنا..
جاسر....تقصدي
عشق...ايوه ياجاسر.....
جاسر...لا طبعا انا اصلا بقالي فتره كبيره لا بخرج معاها ولا في حاجه بتجمعني بيها غير قلبل جدا..
عشق...امال هي ازاي عرفت اننا متربيين في ملجأ..
ليل...ايوه صح... انا محطتش في بالي..بس.كنت هسألك
جاسر...والله ما حصل..
ادم...مش بقولكم انا قلبي مش مطمن..
ده معناه ان جزء كبير من اللفز اللي احنا منعرفهوش اتحل وان هايدي ليها علاقه باللي بيحصل الفتره دي... ومعنى انها عرفت يعني دورت ورانا ومعنى انها تدور يبقى اكيد ناويه على حاجه مش حلوه.
ليل....لو بنت ابوها تقرب من واحده فيكم.. وساعتها محدش هيرحمها من ايدي...
ادم...طيب بقول ايه اخلصو بقى انتوا كده عشان تلحقو الحلقة...
ليل...عشق... انتي وزهره فاضلكم كتير
زهره...اه انا لسه ادامي شويه مع ادم.
عشق...وانا لسه ورايا شغل بردو.
ليل... تمام انا هخلص واكلمكم... لو لسه هنا هعدي عليكم واروحكم اذا خلصتو قبل كده تروحو مع السواق.
عشق...تمام..
ليل...يلا يانوح...
خرج... ليل مع نوح... من الشركة كلها... راحو عشان يصورو...وبعدهم مشي جاسر... عالميتنج...وتمارا اللي مبتنطقش من ساعتها....جاسر. كاتم ضحكه على منظرها...
زهره...وادم راحو على شغلهم ودخلت عشق المكتب🙄
.......
وصل ليل... ونوح القناه... وابتدو يجهزو للحلقة..
واخيرا....دخلو الاستدويو..
المذيع...جاهزين
ليل...تمام...
المخرج...
3..2..1...هواااا
المذيع...اهلا بيكم في حلقة جديدة من برنامج الحقيقه..
والحقيقة..طول الاسبوع..الي فات ده. حصلت احداث كتير اوي وصورنا كذا حلقه وكنا مقررين نطلع بحلقة منهم انهرده...
لكن...اليومين اللي فاتو دول انتشر خبر تقريبا وفي خلال يومين بقى تريند في مصر... وطبعا كان لازم نعرف ايه صحة الخبر ده. خصوصا ان الخبر يخص... فرد من عائة السيوفي...
معانا ومعاكم...عائله السيوفي...
برحب..بحضرتك استاذ ليل..
ليل....اهلا بحضرتك..
برحب..بحضرتك. استاذ نوح
نوح...اهلا بيك.
المذيع...استاذ ليل... حضرتك يمكن تكون مرات قليله اوي اللي ظهرت فيها عالميديا .بس المرادي كان لازم تظهر ولما الاعداد طلب من حضرتك مترددتش لحظه انك ترفض.
ليل....اولا.. في البدايه... يمكن ناس كتير تعرفني بس بردو ممكن يكون في حد ميعرفنيش....احب اعرفكم بنفسي...ليل السيوفي... صاحب مجموعة السيوفي للحديد والصلب في مصر والشرق الاوسط...
وده...نوح..اخويا الصغير...اللي اسمه بقى تريند اليومين دول..
ردآ بقى علي سؤالك...انا حقيقي مبحبش اظهر في اي برامج ولا ليا علاقه بالمديا انا ممكن اكون مصنف من المشاهير. بس انا مليش علاقة بحياة المشاهير اوي يمكن ظروف شغلي واني رجل اعمال معروف وشركاتي ليها اسمها. ده خلى ليا شهره بس. حياة المشاهير مش واخده حيز في حياتي...طبعا لما الاعداد كلمني حقيقي انا مترددتش لحظه اني اطلع...ويمكن لو مكنتوش كلمتوني كنت انا اللي خدت الخطوة دي لان انا ليا حق رد..وكان لازم اطلع...
المذيع...طيب الخبر اللي طلع ده في ناس كتير كدبته وناس اكتر صدقته وانتشر الخبر بسرعة البرق...السؤال بقى الحقيقة فين...
نوح....الحقيقة عندي...وفي البدايه احب اعرف المشاهدين بيا...
انا نوح السيوفي اللي زي ماقال ليل اسمه بقى تريند في مصر...هو ومراته..
المذيع..باستغراب...مراته...
نوح...ايوه.. مراتي...فالبدايه ..انا اللي هقوله ده ميخصش اي حد يخصني انا وبس لكن لما سمعتي وسمعة مراتي يتشهر بيها. واسامينا تكون تريند لفضيحه يبقى مينفعش نسكت...اولا كده... طلع ورق... دي صوره من بلاغ للنائب العام فالجريدة اللي نشرت الخبر ......ورفعت عليهم قضية تشهير...وهكسبها وهقفلهم الجريدة. ومش هقبل باقل من كده...
ثانيا... ده عقد جواز من نور. مراتي.. اللي اتشهر بيها واتعملها صور..وهي معايا. واكيد الكل شاف الصور دي...
المذيع....التاريخ... من فتره ازاي يحصل كده من كام بوم..
نوح...اولا انا بحب نور من واحنا اطفال يعني حب طفوله زي ما بيقولو... والمفروض اننا كنا هنتجوز بس من فتره اتوفى والد نور حاج محمد من احسن وانضف موظفين الشركة...اتخبط بعربيه ادام الشركة...طبعا نور.. اهلها من زمان بعيد عنهم. ووالدتها متوفيه وبعد وفاه والدها كان صعب انها تاعد لوحدها خصوصا انها في مكان يعني شعبي فا انا مكنتش حابب تفضل لوحدها فكان الحل اننا نكتب الكتاب...عشان تقدر تيجي تعيش معانا في الڤيلا. ونستنى يعدي وقت ونعلن جوازنا ونعمل فرح زي اي اتنين بيتجوزو.....وفعلا حصل كده...
بس طبعا الفتره اللي فاتت احنا كا افراد شركة وكا شركة معروفه بنواجه مشاكل وحاجات بتحصل غريبه واتفاقات وناس بتحاول تدمر كيان السيوفي... طبعا نور مكانتش مقصودة واللي عمل كده لعب في عداد عمره كله لانه باختصار مكنش يعرف ان نور تبقى مراتي..
المذيع...يعني حضرتك تقصد ان انتو اللي مقصودين..
نوح..ايوه. احنا المقصودين..
المذيع...طيب استاذ ليل... اكيد كل حد ليه اعداء بس مش ديما نعرف اعدائنا...
ليل...بس احنا نعرفهم... وحسابهم قرب... انا بس.. عايز اقول... كلمتين للناس اللي بتحاول توقعنا في بعض. وبتحاول تهد كيان السيوفي اللي هيفضل ديما فوق... انا ممكن من فترة بسيطه مكنتش عارف انا بتعامل مع مين... لكن انا الوقت عرفت. وصدقوني التمن هتدفعوه غالي اوي.. وحقي وحق اخويا ومراته هيرجع. وقريب اوي ..
المذيع... طيب بخصوص الانسه نور... ان حصل انها اتفصلت من الجامعة...
ليل...فعلا نور..اتفاجأت بنفس الصور في الجامعة واتفاجأت بخبر فصلها من الجامعة...
بس نور.. رجعت وهي الوقت في جامعتها عادي جدا.. والعميد بنفسه اعتذرلها. ونزل اعتذار في الجامعة كلها ليها ..هو يمكن اتسرع لانه فصلها من غير ما يحقق في الموضوع.. لكن هنرجع ونقول معذور ولما عرف موضوع الجواز اتفهم الامر وخلص الموضوع...
المذيع... طيب في ناس بتقول ان الصور دي اتلقطت من استاذ نوح...وانه لعب بعقلها وصورها...ردك ايه ..
ليل...لا سبني بقى انا ارد عليك..
اولا... انا هقولك على مفاجأه بسيطه...دي صورة نوح فعلا وصورة نور..
المذيع...بصدمه...نعم امال حضرتك ازاي بتقول ان دي لعبه...
ليل...خليني اكمل اليوم اللي حصل فيه كده..
نوح...كان رايح. ياخد نور...من جامعتها... كانت بتجيب ورق.. نوح كان ادامه حوالي ربع ساعه ويوصل...
عدى الوقت... ووصل ملقاش نور...اتصل بيها كتير مردتش وفالاخر جاله الرد من بنت بتقوله ان نور تعبت وهي ساعدتها وخدتها بيتها ترتاح ومعاها مامتها... نوح مكدبش خبر وجري عالعنوان اللي البنت قالت عليه...
فضل يخبط مكنش في حد. واتفاجئ ان الباب مفتوح اتصل عالموبايل سمع صوت موبايل نور من بعيد طبعا دخل بسرعه من غير ما يدي خوانه ولا يشوف مين فالبيت ولا مفيش..وقبل ما يفتح باب الاوضه اللي جاي منه صوت الموبايل كان حد حط منديل على وشه وخدره...اللي حصل مع نور... انها شافت بنت تعبانه... ودايخه قالتلها انها مريضه سكر وان معاها حقنه فالعربيه. ولازم تاخدها وطلبت من نور تساعدها لحد العربيه... وحصل ودورت نور على الحقنه وفجأه البنت قالتلها نوح مستنيكي فالشقه سألتها تعرفي نوح منين. وقبل ما تكمل كلامها كانت خدرتها...
وكان المقصود انها توقع نور في نوح....
وطبعا لما فاقو اتصدمو هما الاتنين...مش دي القضية...
القضية بقى انا الذكي اللي صورهم غلط غلطة عمره ..
والفوتوشوب اللي عمله ميسواش جنيه...
اولا ظاهر انهم مفتحين وبيضحكو والدنيا تمام معاهم...مش جايبهم انهم متخدرين طبعا... بس بردو مش دي القضية...
الغبي اللي عمل الفوتوشوب.. لو نركز في لون العين.. نوح عينه... خضرا طالع بقدرة قادر عينه بني ... ونور عنيها بني .. بقت بقدرة قادر واخده نفس عيون نوح...ونوح ادامكم تقدرو تعرفو انه حتى مخدش باله من لون العين....
المذيع...بزهول...فعلا..
ليل...بضحكه...نهايتكم قربت.. وهقدم الصور دي كمان واظن في ناس متخصصه تقدر تعرف ان ده فوتوشوب ولا حقيقي... ابتسم ليل... اغبيه ...
المذيع... كان لازم حضراتكم تكونو موجودين وحقيقي مينفعش نظلم من غير ما نعرف... انا مبسوط جدا انكم كنتو مشرفيني وان شاء الله الحق هيرجع وهتاخدو حقكم.
ليل... انا جزء كبير من حق اخويا ومراته خدتو الوقت بظهورنا وبدليل قوي. ...
واحب...اقول في النهايه... لا عزاء للاغبياء...
المذيع... بابتسامه....اشوفكم على خير في حلقه جديده مع إظهار حقيقة جديدة❣️
يتبع
تعليقات
إرسال تعليق