 |
ج. 5و6و7...#بنت_فى_ورطه
اولا بتأسف على التأخير انا عارفه انى غبت عليكم بس غيابى كان غصب عنى ووضحت ده البوست اللى فات دور البرد كان شديد والحمد لله وبشكر كل الناس اللى سألت عليه ليهم منى كل الشكر والتقدير ❤️ بس انا عوضكم ب 3 اجزاء😍
نرجع بقى لقصتنا وقفنا لحد ما حوريه سابت أهلها
واتشكت بالدبوس بعد ما اطمنت ان حقق لها اللى بتتمناه وخلاص مشاكل عيلتها اتحلت وعرفت لما كلمت مامتها ان الفلوس رجعت لهم
إنما حوريه وقعت فى غلطه لما قالت ان محدش شافها قبل ما تتشك ولا حصل معاها اى موقف
مميز وطبعا هى كذبت لأنها خافت لا يرجع فى رأيه ومينفذش وعده معاها وتخسر القصر
حوريه دخلت القصر ولما فاقت شافت جمبها ممرضه اسمها أمل ودى اللى المفروض بتعالجها
وهتكون جمبها على طول
وطبعا امل وضحت لحوريه حاجات كتير من ضمنها شهاده الميلاد وعقد القصر وانها المالكه الوحيده لى.. إنما تأتى الرياح بما لا تشتهي السفن
لما أيوب وصل هو اخته وولاد عمه من المصيف
كانت المفاجأة ان سالى عرفت حوريه؟
#الجزء_الخامس
سالى.. انت مش عارف دى مين؟
دى البت الخدامه اللى كسرت الفازه وطردتها😱
أيوب.. دى الخدامه.. بس انا مش فاكر انى شوفتها
قبل كده!
سالى.. بقولك دى البت الخدامه حتى كان اسمها
حوريه وكانت من مكتب سيد.. انت مش مصدقنى ولا ايه؟
أمل نزلت جرى وقربت من سالى وبكل قوه
سيبى ايدها.. انتى مسكاها كده ليه!
وكأنها حراميه
سالى بتعجب.. ايه ده.. انتى مين.. انتى كمان!؟
امل.. انا ممرضه الانسه حور العين
أيوب بتعجب شديد.. حور العين!؟
احمد" ابن عمهم " حور العين مين يا بت انتى
سالى.. حور العين مين!
أمل قربت من حوريه وبوشوشه
اجمدى كده وقولى انك حور العين
واعملى زى ما جلال بيه كتبلك فى الورقه
الظاهر كده يا انسه حور ان المعركه بدأت😱
حوريه.. معركه.. وابتدت تفتكر كلام جلال اللى
المكتوب فى الورقه وانها لازم تثبت ان القصر
ملكها.. طلعت تجرى على اوضتها قدام الكل
وكلهم فى حاله ذهول
أيوب عينه فى عين ولاد عمه وسالى
ولسه هيطلع وراها
أمل شدته من التيشرت
بص وراه.. ايه ده انتى بتعملى ايه وزقها
أمل بتوعد.. اقسم بالله لو قربت منها
هوديك فى ستين داهيه
ومسكت الفون.. وهبلغ البوليس لو حد فيكم قرب منها.
أيوب قرب منها ومسك ايدها وزقها
إنما طلعت جرى ورا حوريه علشان تلحقها
ولقيتها فى الاوضه وفى ايدها العلبه الخشب
امل قفلت الباب عليهم
حوريه بخوف.. مين
امل.. انا يا هانم.. متخافيش وحاولت تهديها
حوريه بصدمه ةةةةة😱
الورق اللى يثبت انى صاحبه القصر وكمان شهاده
الميلاد مش فى العلبه!
امل فتحت الدولاب وكان في خزنه
فتحتها وبتوتر
الورق معايا بس صور والأصل انا خبيته
فى الخزنه اللى فى الدولاب
جلال بيه كان قايل انه اشتراها علشانك انتى وبسسس
محدش هنا يعرف حاجه عن الخزنه دى
حوريه بتوتر وخوف.. المهم دلوقتى البنت قالت إنها تعرفنى وكمان قالت عليه انى خدامه.. طيب ازاى!
وبعدين انا عمرى ما شوفتها.. هى اسمها ايه؟
امل بتوتر.. مم سالى سالى وعينها على الباب
مسكت حوريه وقالت : سيبك من كل ده
المهم دلوقتى وطلعت الورق من الخزنه
وحوريه خدته منها
امل.. يلا ننزل لهم قبل ما حد فيهم يطلع هنا
لازم يشوفوا العقد وشهادة الميلاد حالا
انا عاوزاكى تثقى فى نفسك
واوعى تخافى.. انا جمبك
حوريه.. بس انا خايفه اوى وبقت ترتعش
____ امل شافتها متوتره وخايفه ومش مركزه
معاها خالص
راحت عند الكمود وخدت حقنه
وقربت منها.. يلا عرى ايدك
حوريه.. ليه!
امل بلجلجه.. حبيبتى ده ميعاد الحقنه بتاعتك
حوريه مدت ايدها وخدت الحقنه وبصراخ
العلاج بتاعها أقوى من الشكه نفسها
وريحته نفاذه
امل.. معلش حبيبتى.. بصتلها بحده
انتى حور العين شمندى
وفتحت الباب _____
نزلت حوريه ووراها امل والكل بيبص عليهم
حوريه قعدت على الكرسى الهزاز وكأنها اتبدلت
لواحده تانيه خالص
وطلعت الورق والمفاتيح وبكل ثقه قالت
انا حور العين شمندى.. صاحبه القصر ده
ومعايا الاثباتات كلها
سالى.. انتى نصابه
أيوب.. انا مش فاهم حاجه.. انتى مين وعاوزه ايه
احمد بوشوشه لاخوه محمد
الحق دى بتقول انها حور العين
وكمان معاها الاثباتات
محمد.. يا ابنى اكيد نصابه
يأما بقى أيوب عامل خطه علشان ياخد القصر
لى ولاخته وساعتها مش هرحمو.. اه انا وانت لينا
هنا فى كل حاجه
احمد.. لا طبعا أيوب ميعملش كده
محمد.. ده يعمل اكتر من كده.. انت ناسى اللى حصل ولا ايه
احمد.. واللى حصل حد يقدر ينساه؟ _____
سالى.. دى نصابه
احمد.. اكيد
امل.. انتم اللى نصابين
وكلهم بيتكلموا فى صوت واحد.. حوريه قاعده
مكانها عينها فى عين أيوب ومش بتتكلم
أيوب بزعييييق.. بسسسسسسس
انا مش عاوز اسمع صوت وقرب منها
وبكل هدووووووء
انتى قولتى ان معاكى إثبات ان القصر ملكك
فين الإثبات ده.. ممكن اشوفوا
حوريه ماسكه المفاتيح وبتلعب بيها
وشاورت عليها وعلى الورق
قرب منها وخده وبص فيه وبدأ يدقق
فى العقد وشهادة الميلاد
وقال ده مش اصلى
امل.. الأصل معاها وهى عبيطه يعنى
هتسلم القط مفتاح الكرار
أيوب.. ممكن تسكتى خالص.. انا بكلمها هى!
امل حطت ايدها على بوقها.. سكتنا
__حورية قامت وقفت .. اتأكدت انى حور العين شمندى صاحبه القصر.. معاك شهاده الميلاد والعقد
والمفاتيح الدهب معايا
ومطبوع عليها أسمى
سالى بغضب ماسكه الفون
انتى نصابه وانا هبلغ البوليس لو مخرجتيش
من هنا دلوقتى وبصت لأمل
انتى والبت الجربوعه اللى معاكى دى
امل.. لأ مبدهاش بقى وبسخريه:
ومتصلتيش من اول ما شوفتينا ليه ها
وعموما انتى معاكى الفون.. اتصلى يلا ورينى همتك يا حلوه
سالى.. انا مش فاهمه انتى جايبه الثقه دى
منين يا نصابه ومسكتها من ايدها
يلا اطلعى برا
امل.. قطع لسانك.. انا نصابه
والله يا حبيبتى النصابه هى انتى واخوكى
وولاد عمك
اللى قاعدين فى القصر ومبرطعين فيه
ولا كأنه بتاعهم
سالى.. اخرسى
أيوب سابهم بيتخنقوا وخرج الجنينه علشان يكلم سامى " المحامى"
وبقى يكلم نفسه
ايه اللى بيحصل فيا ده
ده انا ما صدقت ان الموضوع اللى فات خلص
على خير من غير اى شوشره
مسك الفون واتصل ولما رد عليه
أيوب بغضب.. الو
سامى بهزار.. رجعت من المصيف ايوه بقى يا عم
أيوب.. سامى انا عاوزك تسمعنى كويس
سامى.. مالك فى ايه يا أيوب.. قلقتنى عليك
أيوب بغضب.. فى مصيبه.. بت هنا بتقول ان القصر ملكها ومعاها ورق يثبت ده
سامى.. بنت مين!؟
أيوب.. معرفش.. انا عمرى ما شوفتها
سامى.. طيب اوعا تخرج من القصر لحد ما اجيلك
أيوب بغضب ونرفذه.. نعم اخرج من القصر
على جثتى يا سامى.. انت فاهم
سامى.. تمام.. انا هتصرف
أيوب بتوتر.. انا مش عاوز شوشره
سامى.. فاهم يا عم وقفل معاه ___
__ خلص المكالمه ودخل القصر علشان يستنى
المحامى زى ما قالو بس شاف
سالى بتطرد امل وحوريه
امل.. احنا مش هنخرج من هنا
سالى.. يبقى هطلب البوليس وهتتبهدلو
أيوب قرب منهم
انا مش عاوز اسمع صوت
ومسك امل من دراعها.. انا عارف انكم نصابين
وبص لحوريه.. ومتأكد
حوريه بثقه.. انا قولتلك انى حور العين
صاحبه القصر وأثبت ده
ياريت بقى تتفضل انت واللى معاك تطلعوا بره
أيوب.. زى ما حضرتك معاكى ورق انا كمان
معايا ورق ان القصر ده بتاعى انا واختى
الوحيده سالى
ميراثنا من بابا الله يرحمه
حوريه.. نعم
امل.. فين الورق ده؟
أيوب بص فى الساعه وبتوتر.. كلها دقايق
والمحامى هيكون هنا
حوريه.. محامى ايه؟
سالى.. محامى العيله طبعا
اللى ان شاء الله هيحبسك انتى والنصابه اللى
معاكى
__حوريه مسكت دماغها وحست بدوخه
امل جريت عليها ومسكتها
مالك يا انسه حور
حوريه.. انا تعبانه جسمى سايب
وحاسه انى هقع من طولى
امل بتحاول تسندها وتطلع على اوضتها
بصتلهم وبصررراخ
شايفين الست حور تعبت
وكله بسببكم يا نصابين
يا محتالين
وطلعت بيها على فوق _____
سالى بتشاور بإيدها عليهم.. دول كمان طالعين
على فوق وكأن القصر قصرهم.. دول احتلووه
خلاااااااص
ايه الهبل ده.. نصب كده عينى عينك
أيوب.. مش انتى قولتى ان البنت كانت خدامه
وتبع مكتب باين؟ كان اسمه ايه؟
سالى.. اه تبع مكتب سيد
أيوب.. خلاص كلميه
سالى.. تصدق اه.. ازاى تاه عن دماغى انى اكلمه
مسكت الفون وكلمته وسألته عليها قفلت الفون
وقالت بذهول.. ده بيقول انه ميعرفش حد بالأسم ده خالص
قربت من أيوب.. انا مش بكذب والله دى كانت خدامه اوعا تسيب الجرابيع دول ياخدوا قصرنا
وبعدم اتزان وتهور.. ده حقنا انا وانت وبس
مش حق حد تانى وضربته على كتفه
انت لازم تطردهم من هنا حالا يا أيوب
يأما انا اتصرف
أيوب حط ايده على شفايفها
سالى بصراخ مكتوم.. انا بتخنق.. اوعااا ايدك بقولك.
أيوب بغضب وماسكها بكل قوتها وبوشوشه
المشكله مش ان القصر بتاعها ولا لأ
يا غبيه.. المشكله فى البنى ادمه
نفسها.. لو اللى فى بالى طلع صح
يبقى كده كلنا روحنا فى داهيه_____
يتبع ___
#الجزء_السادس👏👇🏻
احمد.. فعلا انت بتتكلم صح
أيوب.. ما انا عارف انهم نصابين
بس البنت معاها ورق بيثبت
انها حور العين شمندى والقصر ملكها
سالى.. قصدك ايه.. اننا نمشى ونسيب
القصر لهم كده بكل سهوله
أيوب.. لو فى موتى مش هسيبو
بس لازم اخد حذر من اللى جاى
وعموما سامى كلها شويه ويكون هنا
وهيقول لنا نتصرف ازاى مع النصابين
اللى فوق دووول
وبعصبيه مسك الفون وكلم المحامى
وكان انتظار
رمى الفون وقعد على كرسى السفره
___ فى غرفه حوريه ___
امل دخلت واتأكدت ان مفيش حد طلع وراهم ولا بيسمعهم.. قفلت الباب
وقالت براحه نفسيه.. كويس انك عملتى نفسك
تعبانه يا انسه حور
يااه الحمد لله..ومسكت الفون
علشان لازم اكلم جلال بيه واقولو على اللى حصل
كله ولو المحامى جه اتصرف ازاى
حوريه.. بس انا مكنتش بمثل
انا فعلا حسيت بدوخه
امل جريت عليها.. انتى تعبانه بجد😱.. طيب حاسه بأيه ها
حوريه.. ما انا قولتلك شويه دووخه بس
الحمد لله
___ امل ماسكه الفون واتصلت ب جلال
وقالت كل اللى حصل
وفى ضمن الكلام قالت ان حوريه
طلبت من أيوب واخته وولاد عمه انهم يطلعوا
بره القصر على اساس انه ملكها
بس جلال رد فعله كان العصبيه والزعييق
ورفض تماما انهم يخرجوا بره القصر
لان خروجهم بره القصر معناه انتهاء الموضوع
كله😱 وده هو مش عاوزه
امل.. طيب اتصرف ازاى يا جلال بيه
جلال.. سامى هيطلب الورق علشان يتأكد منه
امل.. تمام.. وبعدين!؟
جلال.. اديلو الورق عادى علشان يتأكد
امل.. ما كده هنروح فى داهيه
حوريه بتسمع المكالمه وبداخلها.. داهيه 😱
جلال بزعييق.. انتى هتجنيننى بقولك اديلو
الورق وخلاص
انا عارف بعمل ايه.. افففففف
امل.. حاضر يا بيه
جلال.. المهم.. انا عاوز حوريه تكون واثقه من نفسها وبخباثه وطبعا انتى عارفه مع العلاج والحقن
امل.. امرك.. بصتلها
كله تمام وبصراحه بتاخد الحقن والعلاج
فى مواعيدها يا بيه
انسه حور مطيعه وعاوزه تخف
وان شاء الله مش هترجع زى الأول
جلال.. يا بنتى اسمعينى
امل.. معاك
جلال.. زى ما قولتلك اديلو الورق علشان يتأكد
والموضوع ده هياخد معاه وقت وطبعا بطريقتى
انا
امل.. ازاى ها ازاى؟
جلال بحده.. امل ركزى فى شغلك وبلاش اسئله
كتير.. المهم بقى لو طلب منكم تخرجوا بره القصر
انا عاوزك تهدديهم انك هتبلغى البوليس
بس لو قال خليكم على وضعكم لحد ما صحه
الورق تظهر خير وبركه
امل.. يعنى ايه؟
جلال بحزن.. يعنى كل اللى انا شاكك فيه صح.
وقال.. امل
امل😭.. نعم
جلال.. اوعى تنسى تحطى الورقه كل يوم
الساعه 1 صباحاً
امل بخباثه.. مم اه اه.. حاضر.. متقلقش خالص
وقفل معاها ___
قفلت معاه وهى مطمنه من كلامه
"وبداخلها.. يااه يا جلال لو تفكر فى اللى فات
وتنسى اللى عملتو فيك
وتعرف ان كان رغبتها هى؟؟؟ مش انا خالص
بس والله انا بحاول اعمل على قد ما اقدر
علشان اساعدك وتظهر حقيقه القصر لناس كلها
وليك قبلهم علشان قلبك يرتاح
بس يارب تصفى ليه وترجع تحبنى
زى زمان❤️😭"
وفاقت من تفكيرها وشافت :
حوريه واقفه قصاد المرايا
مش المفروض ان القصر ده مالكى
انا حور العين
امل.. طبعا القصر قصرك يا هانم
حوريه.. اومال ليه المشاكل دى كلها
انا بجد حاسه انى متشتته
وبردوا الورق اللى معايا صحيح
وايوب بيقول ان القصر ده ميراثه هو سالى
من باباهم ومعاه ورق
طيب ازاى؟
امل بلجلجه.. دول عالم نصابه خدوا القصر
وجلال بيه ابن عمك عاوز يثبت حقك
حوريه.. اه بقى الموضوع كده
وبسذاجه.. ربنا يسعده زى ما عاوز يرجع حقى
الا اخد الحق.. بيكون فى كسره وظلم كبير
وانا فعلا شايفه أيوب ده ظالم وقاسى
امل.. وانتى عرفتى منين؟
حوريه.. انا بفهم على فكره
أيوب نظرته كلها غل وحقد واسى
واللى زى ده يقدر يظلم وبعدين واضح كده
من كلامه هو وسالى
انهم مش سهلين ابدا
إنما صحيح مين اللى معاهم دول
امل بنرفذه.. جلال بيه قال فى الورقه
أيوب وسالى اخته وولاد عمه
يعنى ولاد عمه
حوريه.. اه.. مظبوط
امل فتحت الباب
حوريه.. انتى رايحه فين وسيبانى؟
امل.. خليكى.. انا خارجه ابص عليهم
تلاقيهم هيتجننوا
وبالمره اشوف المحامى وصل ولا لأ
وخرجت وهى بتتسحب وبصت عليهم
سالى قعده بتتكلم مع ولاد عمها
اما أيوب قاعد وبيشرب سيجاره وكان شارد
الفون رن
قال.. ده سامى
رد عليه الو.. انت فين.. اتأخرت كده ليه
سامى"المحامى" الطريق زحمه
بس خلاص انا على وصول
المهم اوعا تخرج من القصر
أيوب.. يا سيدى انا قاعد ومستنيك
بس أنجز
سامى بتوتر وبفزع.. الحقننننننى يا أيوب
والاتصال اتقطع
أيوب بصراخ قام وقف.. الو.. الو.. سامى
امل بتوتر وبتكلم نفسها :وهو ماله.. باين كده فى حاجه
ونزلت على السلم علشان تسمع كويس
أيوب اتصل بس الفون جرس ومحدش بيرد
وبقى يتصل كذا مره ولكن الفون غير متاااح
سالى بتوتر.. فى ايه مالك مخضوض كده ليه!؟
أيوب بذهول.. سامى.. كنت بتكلم معاه وفجأه
قالى الحقنى والفون غير متاح دلوقتى
اكيد حصلو حاجه.. انا بجد قلقان عليه
"امل بداخلها.. يبقى اكيد جلال اتصرف معاه
برافوا عليه.. راجل بجد ويعتمد عليه"
سالى.. اتصل بيه طيب
أيوب بنرفذه.. اتصلت بيه بقولك غير متاح
هو انا ناقص
وكرر الاتصال كذا مره وكان غير متاح
سالى.. اكيد شبكه
متقلقش.. تلاقيه جاى فى الطريق
أيوب جز على أسنانه.. انتى غبيه ولا شكلك
كده.. بقولك يا بنى ادمه قفل معايا وهو بيقول
الحقنننني يا زفت
احمد " ابن عمه" استنى شويه وحاول
تتصل بيه تانى
أيوب.. ده اللى هعملو
__ امل رجعت على الاوضه
وبفرحه.. خلاص المحامى مش جاى
حوريه بدهشه.. خلاص عرفوا ان الورق
مظبوط وانا صاحبه القصر
حطت ايدها على صدرها.. الحمد لله.. اشكرك يارب
امل.. يا بنتى بقولك المحامى مش جاى
يعنى اكيد جلال وزوعه
احم قصدى جلال بيه
وقعدت جمبها على السرير
شوفتى بقى ابن عمك بيحبك قد ايه
ومش هيخلى اى مخلوق يمسك
ولا يقرب منك
حوريه.. هو مفيش صوره لي _____
يتبع ____
#الجزء_السابع👏
طبعاً انا مش هتكلم على التفاعل لان بجد تعبانه
وانا بكتب.. بس علشان خاطركم كتبت
ومستنيه دعمكم ليه ❤️ لايك و20 ملصق يا حبايييب قلبى لعدم تأخير النشر
اما الفانز الصامت فحابه اقولكم بجد زعلانه🙁
"نبدأ أحداث الجزء السابع" 👏👇🏻
امل بغضب.. ليه!؟
حوريه.. نفسى اشوفوا اوى
امل.. انتى شوفتيه كتير على فكره
بس موضوع علاجك من الاكتئاب بيخليكى
تنسى يا انسه
وبداخلها.. هى ناقصاكى انتى كمان😁
حوريه.. ممكن.. والله كل لما افتكر انى بتعالج
من الاكتئاب بتجنن
امل.. ممم.. إن شاء الله كلها شويه وقت مع العلاج
وهترجعى احسن من الاول
حوريه.. يارب
__امل شالت الورقه ومفاتيح القصر فى الخزنه
وقفلتها كويس، وبعد ما اطمنت عليهم
طلبت من حوريه تنزل معاها
حوريه.. طيب هنعمل ايه دلوقت؟
امل.. هننزل تحت نشوف الدنيا فيها ايه
بس مش عاوزاكى تتكلمى خالص
حوريه..اوك.. بس لو حد سألنى ارد عليه ولا لأ
امل بنرفذه.. اه اكيد ردى عليه فى اللى يخص
القصر وبس غير كده لأ
وبحده.. فاهمه يا حور
حور.. حاضر
امل..اه.. نسيت اقولك
اوعى حسك عينك تقولى لأيوب واخته وولاد عمه
ان حد فيهم يمشى من القصر.. اوعى
حوريه.. ليه.. مش القصر مالكى انا وبس
وكل الورق بيثبت ده
ايه بقى لازمه وجودهم هنا
ما يمشوا بقى علشان نخلص من الزن والقرف ده
امل بنرفذه.. اوعى اسمع منك كلام تانى زى دى
جلال بيه يزعل
حوريه.. يزعل ليه.. مش نصابين
امل.. يا حبيبتى لو مشيوا ممكن يرفعوا
قضيه وندخل فى حورات ملهاش لازمه
حوريه.. اه فهمت
امل خرجت ومعاها حوريه
حوريه نازله
امل.. استنى.. وبصت من على درابزين السلم
وقالت.. المحامى وصل ولا لسه
ها.. عاوزين نعرف آخره الموضوع ده ايه
سالى بعصبيه.. لسه مجاش يا نصابه
امل بغضب.. تانى.. انتى تانى
وبتوعد.. اقسم بالله لو سمعتك بتغلطى فيا
تانى ولا اسمع منك الكلمه دى
هنزل اجيبك من شعرك وامرمط بكرامتك الأرض
سالى بقرف.. اللى زيك تمامه التجاهل
امل.. لا يا حلوه.. علشان انتى مش قادره تردى عليا
قاطع كلامهم رنه فون أيوب
وبزعيييق.. بسسسسسسس
رد بسرعه لما شاف رقم شهيره " سكرتيره سامى"
الو.. بتصل بيكى وبتكنسلى ليه!؟
شهيره بصدمه ةةةةة😱.. أيوب بيه
أ. سامى عمل حادثه وحالته خطيره
أيوب بذهول وصراخ.. عمل حادثه 😭 طيب هو فى اى مستشفى؟
شهيره.. الخبر لسه واصل من دقايق
ومعرفش تفاصيل
ولما اعرف انا بنفسى هبلغ حضرتك
وقفلت معاه____
أيوب بداخله.. يا نهار اسود اعمل ايه دلوقتى
سامى هو اللى عارف كل حاجه
انا بجد فى ورطه.. اعمل ايه!؟
وبعدين اعمل ايه مع النصابين دول
سالى.. فى ايه يا أيوب
أيوب.. سامى عمل حادثه
سالى.. عااااا
أمل بسخريه.. طيب معلش يعنى
هو مفيش محامى غيره ولا ايه
هات الورق اللى معاك وانا هكلم محامى الانسه
حور العين يتأكد منه
أيوب.. على فكره انتم اللى عندى فى القصر
وانا المفروض اللى اتأكد من كلامكم
عموما هاتى الورق لان واضح كده ان فى حد
ضحك عليها وباع لها القصر بالنصب
حوريه.. بقولك انا حور، العين
أيوب عينه فى عينها
حوريه نزلت بثقه وقربت منه
انا حور العين صاحبت القصر
امل نزلت وحطت ايدها على كتفها:
ايوه" صدمه وووو"😱 وورثته من زوج امها
أيوب.. كذابه.. انتى كذابه
امل.. اثبت انها كذابه
ايوب بلجلجه.. اتفضلوا اطلعوا على اوضتكم
دلوقتى لحد ما اتأكد من كلامكم
ووقتها يحلها الف حلال
امل.. اسمها يحلها اللى ما يغفل ولا ينام
سالى بغضب.. نعم.. انت بتقول ايه!
هو انت هتخلى الأشكال دى تقعد هنا
أيوب بعصبيه.. ابعدى عنى دلوقتى انا مش طايق نفسى.
وسابها وخرج الجنينه ووراه ولاد عمه
__ حوريه طلعت الاوضه مع امل
امل.. ههه خلاص أيوب استوى على الآخر
حوريه.. يعنى ايه استوى؟
امل شدتها على الاوضه وقفلتها كويس
يعنى انتى فى خطر يا حور
_ انا فى خطر.. ليه فى خطر.. انا مرعوبه😱🥺
يا بنتى اصبرى واسمعينى كويس
خلاص احنا داخلنا فى التقيل
ولازم تاخدى بالك من نفسك
_ اخد بالى من نفسى ازاى وبتوتر
مش انتى معايا يا أمل
اه طبعا انا معاكى.. بس ليه طلب عندك
_ اطلبى وانا هلبى
حسك عينك تخرجى من القصر ده
من غير ما اذنى
ولو حصل ايه
واوعى تشربى اى حاجه من ايد اى حد هنا
فاهمه
_ حاضر.. حاضر
بس فى سؤال يا امل.. ممكن ولا اسأل ولا لأ
اتفضلى يا حور اسألى
_ انتى قولتى ان كان ليه زوج ام وحنين عليه
والاكتئاب والحاله اللى انا فيها بسببه
هو اسمه ايه؟
اسمه ابو العز
_ ممكن اشوف صورته.. يمكن لو شوفتها
تكون سبب ان ربنا يشفينى واتحسن
بصراحه مش معايا صور خالص
فى حاجه تانى
_ لا يا امل.. متشكره جدا
على، ايه يا حور
يلا بقى علشان تاخدى العلاج وتنامى
_ حقن تانى.. انا زهقت منها
حبيبتى علشان ترجعى احسن من الاول
_ حاضر.. بس انتى مش هتنامى
لما اطمن عليكى هحاول انام شويه
وارتاح علشان مواجهه بكره
_ طيب
انا نازله احضرلك أكل ومش عاوزاكى تتحركى
من مكانك
_ حاضر
____ امل نزلت ولاحظت ان أيوب وسالى وولاد
عمهم فى الجنينه.. دخلت المطبخ وهى بتتسحب
وعملت فون ل جلال وبلغته بكل اللى حصل
وطلب منها تخلى بالها من حوريه وتبلغه بكل جديد.
وعملت سندوتشات وطلعت لحور وأكلوا مع
بعض وخدت العلاج ونامت حور وكأنها فى دنيا
تانيه
ولما الساعه دقت 12:55صباحاً
حور صحيت وشافت جمبها امل نايمه
ومكانتش حاسه بيها خالص
قامت من جمبها وشافت مفاتيح غريبه
غير مفاتيح القصر
خدتها وكانت مستغربه وبتسأل نفسها دى مفاتيح
ايييه وبصت فى الساعه وبداخلها
انا لازم انزل علشان الورقه
اللى بلاقيها قدام باب القصر
بس لو لقيت أيوب وقرايبه ولا اللى اسمها
سالى دى هعمل ايه؟
وقامت واتسحبت من غير ما امل تحس بيها وبصت من على الداربزين وشافت القصر
كله نور خافت ومفيش حد خالص
ونزلت على باب القصر بسرعه
ولقت الورقه وخدتها
وكان مكتوب فيها
"انا قولتلك ان فى سر فى القصر
الموضوع مش ان القصر ملكك وبس
الحكايه حكايه "روح" يا حور العين.. فيينك😭"
مسكت الورقه وقالت.. يقصد هنا ايه
بكلمه روح.. انا مش فاهمه
ومشيت فى جنينه القصر وهى بتفكر
وقعدت على كرسى والتفكير شاغل دماغها والمفاتيح
فى ايدها.. كانت ضمه ايدها عليها هى والورقة
عدت ساعات لحد ما النهار طلع
بصت ب استغراب.. ايه ده.. الوقت خدنى
وقامت ومشيت لحد باب القصر ولقيته مفتوح
ايه ده الباب مفتوح
لما اروح اققفلو
قربت منه علشان تقفلوا إنما بصت بره
وشافت الطريق
الله على المنظر الجميل ده.. انا لازم اخرج
اتمشى شويه الصبح كده استنشق هواء ربنا
وبصت جوه القصر قبل ما تخرج
هو فعلا قصر
إنما الحبسه وحشه
اسفه يا امل انى هخرج من غير اذنك
بس هتمشى وارجع بسرعه قبل ما تصحى
وتحسى بيا
وخرجت حوريه برررره القصر _____
بعد مرور ساعتين من خروجها
امل صحيت وحست بغيابها وكانت هتتجنن
وبلغت جلال
انهار عليها واتهامها انها مستهتره ومش قد
المسؤليه وطلب منها تقعد ومتنزلش من الاوضه
علشان محدش يحس بغيابها
وهو هيتصرف.
امل.. هعمل ايه لو سالى وايوب وولاد عمه
عرفوا ان حور مش موجوده.. هتبقى مصيبه 💔
___ من جهه أخرى امام باب القسم تقف
ام تبكى ومنهاره على فراق ابنتها وتستنجد
بالشرطه
عسكرى.. خير يا ستى
الام.. بنتى مش موجود من 5 ايام
غايبه عن البيت 😭
العسكرى.. تايهه يعنى؟
الام.. بنتى عروسه ومتغيبه عن البيت بقولك
العسكرى.. عملتى محضر
الام.. انا جيت هنا قبل كده بس واحد قالى
لازم يعدى 48 ساعه على غيابها
والنهارده عدى عليها اكتر من 5 ايام
وقولت انها هترجع ومرجعتش
وبانهيار.. يا حبيبتى يا بنتى
عسكرى.. لازم تعملى محضر الأول باختفاء بنتك
الام.. حاضر
عسكرى.. بنتك اسمها ايه
الام.. حوريه الدمنهورى😱
___ حوريه تعبت من المشى وحست بالجوووع
يااه انا تعبت ولازم ارجع بقى
مجهول.. يا انسه.. يا انسه
وجاى يجرى عليها ____
حوريه بصت وراها
المجهول وقف ومش قادر يتنفس
حوريه.. حضرتك بتنادى عليه انا.. انت تعرفنى
المجهول.. ايه ده انتى مش فكرانى ولا ايه
حوريه.. لا والله مش فاكره حضرتك
ولا عمرى شوفتك قبل كده
المجهول بذهول.. ازاى.. ده انا اللى انقذتك
من الغرق فى الترعه
وشالتك على ايدى لحد ما طلعتك
بس للأسف رجعت ملقتكيش
حوريه.. بس انا معرفكش
وسابته ومشيت
المجهول.. يا بنت المجنونه.. متعرفنيش
ازاى ومشى وراها
حوريه مشيت لحد باب القصر ووقفت عنده وتنحت لما شافت اليافطه اللى على الباب مكتوب عليها "قصر ابو العز" صدمه ةةةةةةة😱
حوريه بداخلها.. زوج امى اللى ورثت القصر منه وربانى هو "والد أيوب وسالى" 😱
ولما جت تتدخل القصر لقت عليه
قفل بجنزير دهب وكانت المفاجأة ________
يتبع _____
يا ترى برؤيه الشاب لحوريه بكده خلاص تنتهى
حكايتها ومش هتدخل القصر تانى زى ما المتسول
ما قال لها ولا ايه الحكايه بالظبط
القصه كلها الغاز والمقصود بيها سر واحد
يا ترى ايه هو السر؟؟
الالغاز كلها هتتفككككك👇🏻
استنونى فى اخر جزئين وطبعا لو لقيت تفاعل
ودعم منكم هنزل اخر جزئين بكرا ان شاء الله 😍
مستنيه دعمكم ليه ❤️ بلايك و20 ملصق يا قمرات لعدم تأخير النشر
تعليقات
إرسال تعليق