 |
-بنتك زانيه
الكل كان بيردد كده وآلام كانت بتبكي
-بنتك جابت العار لينا ، كويس أن دفنوها صاحيه
#قضية_رأي_عام
#كبش_فدا
#الفصل_الثاني
أهل البلد أتحركوا وهي في التابوت ، الأكسجين بدأ يقل ، الناس دخلوا بيوتهم والليل دخل وهي في التابوت بدأت فعلا تختنق
-خرجني يابا والله حامل منه
كان العرق بينزل وبدأت تتنفس بصعوبه ، كانت حاسه أن في حد فوق التراب ،وحقيقه اللي كانت فوق التراب أمها (بدريه)كانت بتنوح
-يا صغيره علي الموت يا بتي ، يا ساقيه لفي ونوحي ، بتي بعيده عني ، يا ساقيه لفي ودوري ، للموت والخراب ما تستني
حاولت تشيل التراب بس هي ست عجوز ضعيفه ، عبدالقاسم أتحرك ناحية الأم وقال
-تاخديها وتخرجي بره البلد مش عاوز أشوفكم ولا أعرف أن انتم عايشين
معقوله ده عبدالقاسم اللي كان هيقتل بنته ، هو هو اللي عايزها تخرج
-البت هتموت طلعها والنبي ،بتي مظلومه
-أنا عملت كده قدام أهل البلد علشان الكل يعرف أن هي ماتت ، بس علي وعدنا يا بدريه البت أول ما تولد تقتلي الواد
-حاضر ، حاضر ، وعد هقتل الواد ، وهستناك
بالفعل خرجت من الصندوق بعد ما شالوا التراب ، كانت جويريه مصدومه معقوله اللي أبوها بيعمله ده ، بدأت تتنفس وبتقول
-واللـ
-شششششش غوري مع أمك
بعدها بأيده وقعت علي الأرض ،بدريه أخدت بنتها جويريه وأتحركوا بسرعه وسط الأراضي ،نزلوا القاهره ولأول مره جويريه تنزل القاهره ، جويريه كانت مش عارفه أي شئ لا هي ولا أمها ولا معاهم حتي فلوس كافيه , كانت عاوزه تستفسر من امها هتعمل أي بس كانت خايفه
-عاجبك كده ، خرجتينا من بيوتنا وناسنا وأهلينا ؟ عاجبك قعدتنا في الشوارع لأجل ندور علي بيت إيجاره قليل يكفينا ، عاجبك العار والفضيحه اللي چلبتيها لناسك وأهلك ، عاجب زينتنا دلوقتي.
-يا أما أحلفلك بالله أن أنا حامل منه هو
الأم أخذت تلطم خديها بقوه ، وبتبكي
-ونعرف منين
الأم كانت بتبكي بشده ، البنت بدأت تمسك أيده أمها وتقول بلهفه
-سمعت في التليفزيون أن هما بيعملوا Lmn بيكشف هل الواد أبنهم ولا لأ ، سرقت المشاطه بتاعت بكري فيها شعره نعمل العمليه دي وتتأكدي أن هو أبو الواد ونرجع البلد راسنا مرفوعه لفوق وندفس راسه في الطين
-تعملي عمل يا وقعه سوده ، أنا علمتك إكده
-عمل اي لا لا ده عمليه مش عمل أفهمي يا اما
-أفهم أي أنتي خليتي فيها فهم
جويريه أقنعت أمها أنهم يعملوا الDNA أو زي ما بتقول LMN ، أتحركوا وبدأوا يبحثوا بس للأسف مفيش اي مركز للنساء والتوليد فاتح الصبح، قعدوا بجانب مركز ، جويريه رقدت علي الأرض من كتر التعب
-هنام ياما التعب كسر لي ضهري
****فلاش باك****
جويريه كانت في تابوت فرعوني وكانت بتسمع تراتيل فرعونيه وهي في قالب التابوت والكاهن كان بيرتل بالفرعوني وواقف بجانب التابوت بجانب مقبره فرعونيه
-أنا فين
التابوت كان مقفول ، بدأت تنظر علي نفسها أنصدمت أنها لابسه لبس فرعوني ، الكاهن كان حاسس أن هي صحيت ، بدأ يرمي عليها زي هواء من زجاجه داخل الصندوق
-أنت مين ، فين بكري ، بكري فين ، بكري جوزي فين
كانت بتصرخ بس فجاءه رجعت نامت تاني ، بدأت تحلم بأن ساطور كان علي رقبتها وبالفعل رقبتها أتقطعت
عوده
فتحت عينيها مفزوعه علي صوت حد بيصحيها هي وأمها بتعصب
-انتوا بتعملوا أي هنا
الأم بصدمه : وه مالك تفزعنا ليه ، مش شايفنا مخمودين ، جينا لقينا بابكم مقفول قولنا نستناكم
-أهدي يا أما السكر يعلي عليكي
وقفوا هما الأتنين ودخلوا المركز الطبي
-فين الدكتور
-عاوزين تعملوا اي
جويريه بحزن وحسرة وطقطة في الرأس
-LMN
-اي ده قصدكم DNA
الأم تلفظ بهمس الي الممرض : اللي بيعرفوا بيه أبو الواد ده
-هو يا حاجه ، المهم فين الطفل
-في بطني
-أنتي حامل
-أها
-انتي عارفه ان ممكن يؤثر على الجنين
-يأثر بس أثبت أن هو أبوه
-طب معاكي شعر أظافر أو دم أي حاجه للأب
-معايا شعره
الأم مسكت يد الرجل وقالت بهمس
-يا ولدي اللي بنعمله ده حرام ؟
-لا يا حاجه حلال
-طمنتني
-عاوزين منك شعر من شعر الأب وهناخد منك عينة دم نقارن بيها مع عينة من الجنين
-ماشي
الأم كانت جالسه علي الكرسي في انتظار بنتها ، بالفعل بنتها دخلت الحجره مع الممرض للدكتور ، خرجت بعد ساعه وهي بتتسند من الحقن اللي أخذتها وجلست بجانب أمها
-عملوا فيكي أي جوه
-هيكونوا عملوا أي أخدوا العينات ، ربنا يستر
الممرض خرج وقال : أستنوا لبكره وتعالوا خدوا التحاليل
الام وقفت وقربت للمرض وقالت
-يا ولدي جايين لكم من أخر الصعيد ، صعب نروح ونرجع وزي ما أنت شايف لا لينا لا قريب ولا حبيب نقعد عنده
الممرض بدأ يفكر وصمت وقال
-أقعدوا ساعتين علي ما النتيجه تطلع
بالفعل قعدوا ساعتين وكانت جويريه خايفه جدا من النتيجه ، كانت بتدعي ربنا ميكونشي اللي في دماغها ، الممرض كان خارج مصدوم وعمال ينظر للتحاليل وبينظر لجويريه وأمها
-في أي
اتحركت جويريه بسرعه ليه ، كانت هتموت من القلق والخوف
-التحاليل بتقول أن الجنين اللي بطنك ده مش أبنك
-نعم !
الي اللقاء في الفصل القادم
التفاعل زي الزفت والله لو فضل كده ما هكمل القصه
تم
ردحذفجميله جدا
ردحذف