 |
تكملة البارت السادس بقلم ✍️ سلطان زماني
فضلت قاعدة مع رحمة
قعدت تسالني عن سبب طلاق امي
قولتلها اني كان علي طول يضربها ويشتمها واني كنت
بشوفهم كتير وهما بيتخانقو وحتكتلها اخر مشهد قبل
الطلاق والي حصل عند الماذون استغربت اوي وقالتلي
معقول بابا يعمل كده
قولتلها أنا مش عايزه اقعد هنا
رحمه ..انتي مش قولتي اني مامتك هتتجوز وجوزها ومش
عايزك تعيشي معاهم
_ اه امي قالتلي كده
رحمه ..يبقا خلاص انتي مفيش عندك حل تاني غير انك
تعيشي هنا وحده وحده هتتعودي وهتتاقلمي علي العيشة
هنا واعملي زاي ما بقولك وانتي هترتاحي
ام رحمة عملت الغدا ورحنا اتغدينا وانا قمت بسرعة قعدت
بعيد لقتها بتنده عليا يلا شيلي الاطباق واغسليهم عارفه لو
كسرتي حاجه زاي امبارح هكسرلك رقبتك قولتلها بخوف
حاضر حاضر ورحت الم الاطباق رحمه قالتلها هو مش
النهارده يوم عبير ردت امها قالتلها بت انتي حطي لسانك
جوه بقك ونقطينا بسكوتك ندهت علي اختها عبير وقالتلها
شيلي الاطباق واغسلي المواعين امها قامت ليها علشان
تضربها وخالتها وقفت بينهم
رحمه ..انتو هتستعبدوها هو في ايه دي اختنا مش خدامة
عندنا ..يا خالتي يعني دي لو بنت ماما مش بابا كانت هتعمل
فيها كده ولا كانت هتقبل أننا نبهدلها كده
ام ..رحمه ..يابنت الكلب ياوطية اتعلمتي تقفي قدامي وتردي
عليا الكلمة بكلمة
خالتي ..خلاص ياريم علشان خاطري أنا لميهم واغسليهم ياحبيبتي
_ حاضر حاضر
رحمه .. أنا هكلم بابا لما يجي علشان كده يبقا أنا عملت الي
عليا ..البت ياخالتي بتقعد تعيط لوحدها ونفسيتها هتتعب
من المعاملة دي والله مش بقول كده علشان اختي بس
دي لو كانت خدامة بجد امي مش هتتعمد تزلها وتكسر نفسها
كده
سبيهم ياريم أنا الي هغسلهم
لمتهم معاها وفضلنا واقفين مع بعض في المطبخ لحد ما
خلصنا وشوية وبابا جيه ورحمه اتكلمت معه وقالها أنه
ملوش دعوه اونه من امتي بيدخل لحد فيكم معها
رحمه قالتله أنا نازله اشتري حاجات للجهاز وهخدها معايا
قالها ماشي نزلت معها مسكه ايدي طول الطريق وخايفه
عليا من العربيات قالتلي المواعين دي ماما يوم وعبير يوم
نورهان يوم قولتلها وانتي لا ليه ضحكت وقالتلي أنا علشان
يشتغل قولتلها طب ما تشغليني معاكي والنبي قالتلي لما
تخلصي تعليمك الاول هو انتي في سنة كام قولتلها 3
اعدادي قالتلي هخلب بابا ينقلك هنا وتكملي هنا ولما تخلصي
هبقا اجبلك شغل اتفقنا قولتلها اتفقنا رحنا اشترينا الحاجة
واتصلت بخطيبها جيه وصلنا بعربيته وسألها عليا قالوله
أختي وقعد بهزر ويضحك وكان ذوق اوي معايا رجعنا نمنا
جنب بعض. علي السرير والصبح جت صحتني قولتلها حاضر
هقوم وفضلت صاحيه وعملت نفسي نايمه علشان تنزل هي
ولا تصحي وحده تانيه من بنتها ولقيت عصايه الماشه علي
جسمي ودماغي وبتضرب بغباء فضلت اصوت واصرخ من
الوجع واعيط كلهم قامو وشافوها وهي بتضربني وسيف اخد
منها العصاية ورحمه قالتلها انتي بتضربيها ليه وبابا كمان
صحي قالتلهم الكلبه صحتها وبقولها قومي هاتي فطار ل
اخواتك بتقولي وانا مالي انزلي هاتي انتي وسبتني وانا
بتكلم ولفت وشها ونامت رحمه قالت ل امها منك لله رحت
امها ضربها وضرباني أنا كمان تاني وزعقت في ابويا وقالتله
يا انا يا بنت الشكروطة في البيت ده
البارت السابع من هنا هنا هنا هنا
تعليقات
إرسال تعليق