 |
💥البارت الرابع 💥 بقلم ✍️ سلطان زماني
الماذون جيه طلق امي وبابا اتخانق معاهم وقالهم مش
هيدفع أجرة المأذون وبهدلو بعض شتيمة وفضايح وامي
قالته عادي هدفعهم أنا بجملة عشرتك وأيامك الوسخه وبعتو
جابو عربية نقل ونزلو كل حاجه في الشقة وابويا خدني
وركبنا في العربية الي فيها العفش طول الطريق ساكته
وخايفه وجسمي كله بيترعش وصعبان عليا نفسي اووي من
امي وخالتي أنهم سابوني للراجل ده وياتراه هيحصل فيا ايه
وهعيش مع مين وهيعاملوني ازاي وصلنا خلاني اقف مع
الناس وهما بيطلو العفش واطلع معاهم في شقته القديمة
مليانه تراب وحمامها بايظ
هدومي اتبهدلت وعايزة ادخل الحمام مش قادره أقوله
خايفه يزعق خدني من ايدي وقالي أنتي هتيجي معايا عند
اخواتك عارفه لو حد اشتكالي منك ولا عملتلهم حاجه هقتلك
سكت ومتكلمتش هزيت راسي بس
طلعت كله باصص ليا ب استغراب واندهاش وبابا قال ل
اختي نورهان خليها تبات معاكم في الاوضه لحد ما اجبلها
مرتبه سفنج وتنام عليها في أوضة الصالون قالت مين دي الي
نقعدها معانا زعق ليها وقالها اسمعي الي بقولك عليه وقولي حاضر
مراته ..تقعد فين وبتزعقلها ليه البت دي ترجع مكان ما جبتها
بابا ..أنا هفهمك كل حاجه أما تبقا لوحدينا يا ام رحمه
ام رحمه ..تفهمني ايه يلا ياشاطرة روحي ل امك المشرحة
مش نقصه قتله
بابا ..امها ايه بقا ا خلاص انا طلقتها
ام رحمة .. طلقتها امتي وليه
بابا.خدها علي جنب وقالها اول ما وصلت لقتها لمالي أهلها
وبتقولي يا أنا يامراتك الاولانيه من غير تفكير قولتلها مراتي
حبيبتي ام رحمه طبعا
قالتلي خلاص لو عايزني تجبلي شقة
زيها في القاهرة واعيش معاك هناك قولتله ومين قالك اني
عايزك اصلا وطلقتها حاولوا معايا كتير اني اردها
وانتي عرفاني لما أقول كلمة مرجعش فيها
ام رحمه ..وهان عليها بنتها ضناها تسيبها اكيد في حد مالي
دمغها ومقويها
بابا ..لو بنتها هانت عليها انا عمرها ما تهون عليا
ام رحمه.. بقولك ايه انا مش هستحملها كتير شفلها اي نصيبه
بعيد عننا
اختي رحمه الكبيرة اخدتني ودخلتني الحمام وطلعت لقتها
وقفالي برا وخلتني الأوضه وفضلت قاعدة علي السرير
هموت وانام بس خايفه رحمه قالتلي ده ياحبببتي سريري
نامي برحتك قولتله طب وانتي قالتلي أنا هبقا انام جنبك أو
هفرش علي الارض وانام عادي كان معايا باكو بسكوت في شنطتي فتحته وكلته ونمت ولفيت وشي للحيطة علشان
مشفهمش صحيت الساعة ٣ بليل عطشانه ببص في الأرض
لقيت رحمه نايمة ونورهان نايمة وعبير نايمة خايفة يحسو
بيا يزعقولي فضلت صاحيه ومش بتحرك لحد ما رحمه قامت
تدخل الحمام قولتلها أنا عايزة اشرب قالتلي مرحتيش ليه
تشربي قولتلها خايف اخدتني ودخلتني المطبخ وعملتلي
سندوتش وهي دخلت الحمام وطلعت قعدت تقولي ده بيتك
زاي ما هو بيتنا متخفيش كده والي يقولك كلمة ردي عليه
وفضلت تتكلم معايا عن خطيبها وأنها فضلها كام شهر
وتتجوز وتسيب البيت وأنها هتبقا تبعتلي اجي اقعد عندها
كام يوم ودخلنا الاوضة الي فيها الجهاز بتعها وقعدت
تفرجني وتقولي عقبالك باب الشقة اتفتحت ودخل اخويا
سيف اول لما شافني قالي انتي هنا من امتي
رحمه ..وانت مالك يابارد واعمل حسابك أنها قاعده معانا ع طول
سيف ..ده بجد وامك هتسيبها ده الايام الجاية هتحصل كوارث
يتبع ..هنزل الخامس بعد قليل اتفاعلو 🤗♥️♥️😘
تم
ردحذف