مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

قلبي ولكن 💞

(الجزء العاشر والحادي عشر ) 

بقلمي مآآهي آآحمد 

صبا : اوقف عندك لا اضربك بالنار 

غيث: صبا انتي بتعملي ايه ؟

صبا: انا مش صبا انا الرائد رحمه القادر وانت مهمتي 

غيث مابقاش مصدق علامات استفهام علي وشه كانت رهيبه كل حاجه بتحصل مابقيتش واضحه بالنسباله 

بقلمي مآآهي آآحمد

رحمه : حط ايدك الاتنين ورا ضهرك ياغيث 

غيث : --------------------

رحمه : غيث اسمع كلامي انا مش عايزه أأذيك احنا محتاجينك حي

غيث: ساب رحمه واداها ضهره 

رحمه : ( وهي رافعه المسدس وبتصوبه ناحيته ) ده اخر انذار ليك ماتدنيش ضهرك وتمشي ياغيث 

غيث لف وشه ومن كتر الصدمه اللي حصلتله بقي مستسلم وبقي يقرب خطوه من رحمه 

رحمه : اقف عندك ياغيث ماتقربش 

غيث: اضربي ياصبا .. اضربيني بالنار 

رحمه : ( بعصبيه وزعيق) قولتلك ماسميش صبا 

غيث: ( وهو بيقرب ومش همه الموت)  اضربيني بالنار  بقولك 

رحمه : انت فاكر اني مش هنفذ تهديدي صح عشان كده بتقرب ولا همك 

غيث: ( فضل يقرب اكتر واكتر وحط ايده علي المسدس اللي رحمه مسكاه وقرب ايد رحمه منه والمسدس بقي في صدره) 

غيث: انا قدامك موتيني  ياصبا انا مش خايف من الموت 

رحمه  ايدها ماكانتش مطوعاها ومره واحده راحت طلعت الصاعق من جيبها وضربت بيه غيث قوه الكهربا كانت شديده جدا وقتها .. راح بسرعه وقع في الارض وأغم عليه 

بقلمي مآآهي آآحمد

رحمه شالت غيث هي والاتنين اللي كانوا في الطياره وطلعوه بسرعه 

فيصل : غيث مالوا ياصبا 

رحمه : تعبان شويه هيستريح ويبقي كويس ماتخافش عليه يافيصل

رحمه وفيصل وغيث رجعوا القاهره وهناك رجاله الداخليه مع القوات المسلحه بقوا مبسوطين جدا بأن رحمه القادر بنت اللواء عبد القادر قدرت تعمل اللي كتييير منهم ماقدرش يعملوه وهما انهم يقبضوا علي ارهابي خطير زي غيث الكاشف واول ما رجعوا غيث اتحط في اوضه وقعدوا علي كرسي والكلبشات في ايديه وقدامه طرابيزه ومرايه بس هما اللي ورا المرايه هما اللي يشوفوه لكن هو لاء وبيسجلوا كل كلمه هو بيقولها ودخل عليه عميل من المخابرات عشان يستجوبه بس غيث كان لسه مافاقش راح العميل كب علي وشه جردل مايه عشان يفوقوا .. واول ما غيث فاق 

العميل : لا والله لاء مش مصدق غيث الكاشف وقع هنا وقدامي دلوقتي دوختنا عليك ياراجل 

غيث: والله ياباشا لو كنت عرفتني انك عايزني اوي كده كنت جيتلك بنفسي من غير ده كله ولا كنت. تتعب نفسك وتجيب حريمك عندي عشان يجيبوني ولا انتوا عادي كده حريمكوا بتودوها عند الرجاله 

العميل : لااا هو انا ما قولتلكش ما انا وفرت الرجاله المصريين اللي بجد اللي عندي اصلهم تقال عليك انت اخرك مره تجيبك وهي فعلا اللي جابتك تخيل بقي لو كنت بعتلك اسد من الاسود اللي عندي كنت زمانك مين قدامي 

غيث: تؤ .. مافتكرش ان عندكم اسود انت اخركم تبعتوا ( الل*بو*ه_مرات الاسد)؛  اللي عندكم 

(العميل ابتدي يتنرفز ): انطق يلا .. ايران بقت بتصنع قنبله نوويه ليه ؟ وانتوا بتساعدوهم عشان ايه انتوا فعلا ناويين تفجروا الاستاد اكد المعلومه حالا 

غيث: انا مش هتكلم ولا هقول حاجه إلا في وجود صبا 

العميل : صبا مين بروح امك انت كمان 

غيث ضرب علي جبينه بأيديه وهي فيها الكلبش وقال

 غيث: (اااااخ) نسيت اقصد الرائد رحمه القادر 

العميل : لااااا انا مش فاضي للعب العيال ده 

ولسه جاي يمد ايده عشان يضرب غيث حد بسرعه ناده عليه من ورا الازاز وطلع بره 

العميل : تمام يافندم 

نادي علي الرائد رحمه خليها تكمل معاه التحقيق 

العميل : ايوه يافندم بس استخراج المعلومات ده شغلنا احنا الرائد رحمه عملت اللي عليها وزياده 

بقولك نفذ الامر 

العميل  قدم التحيه بسرعه وقال 

العميل:  تمام يافندم

العميل طلع وهو في الطرقه وبينفخ ومضايق جدا مش عايز رحمه تقابل غيث مره تانيه 

-----------------------------------------------------

( في نفس الوقت ) 

اللواء عبد القادر في المخابرات : اول ما رحمه توصل دخلوها بسرعه 

 الظابط : حاضر يافندم 

بقلمي مآآهي آآحمد

رحمه فتحت الباب ومعاها فيصل وفيصل ماسك اللعبه بتاعته  واول ما شافت باباها بقت الضحكه مش مفارقه وشه وزي كا يكون روحه رجعتله مره تانيه 

رحمه  قدمت التحيه وقالت 

رحمه : حضرتك طلبتني يافندم 

اللوا عبدالقادر والد رحمه : استريح ياسياده الرائد 

رحمه بصت لباباها وباباها بعد عن الكرسي وبتاعه واخدها في حضنه 

اللواء عبد القادر: انا مش مصدق انك رجعتي حيه يارحمه 

رحمه : لاء مش رجعت وخلاص انا رجعت ونفذت مهمتي 😊

اللواء عبد القادر: انا مش عارف ازاي وافقت انك تعملي مهمه انتحاريه زي دي 

رحمه : كان لازم اثبت نفسي يابابا كل اللي هنا شايفني علي اني رحمه بنت اللواء عبد القادر مش اكتر محدش شايفني محدش معترف بيا 

اللواء عبد القادر : وثبتي نفسك فعلا يارحمه جيبتلنا ارهابي من اخطر الارهابيين اللي بنواجهم الفتره دي .. ده اخطر من ابو عمار حرفيا 

رحمه : انا مش عارفه انتوا ازاي افرجتوا عن ابو عمار 

اللواء عبد القادر: لو مكنتش افرجت عنه يارحمه كان زمانك ميته وفشلتي في خطتك ومكنتش شوفتك تاني وبعدين ابو عمار من غير غيث ورقه محروقه ما بيعرفش يتحرك حركه واحده من غيره 

رحمه : اتمني بس ان احنا نقدر نوقف العمليه بتاعتهم واذا كان فعلا هيفجروا الاستاد في تصفيات كاس العالم ويشووهوا صوره مصر قدام العالم كله ولا لاء

بقلمي مآآهي آآحمد

اللواء عبد القادر: ان شاء الله هنعرف كل حاجه 

بس قوليلي مين الولد ده 

رحمه : ده فيصل طفل من الاطفال اللي بيخطفوهم للاسف عشان يدربوهم ويطلعوا من الارهابيين انا قررت اني اخليه معايا يابابا 

بقلمي مآآهي آآحمد

اللواء عبد القادر: بس مش لما ندور علي اهله الاول اكيد هيموتوا عليه

رحمه : عندك حق يابابا 

اللواء عبد القادر: طيب امسكي امك هتموت وتسمع صوتك كلميها في التليفون لحد ما نروح 

رحمه : الووووو 

ماما رحمه : _______________

رحمه : ياماما ماتعيطيش ما انا رجعت سليمه اهووه 

ماما رحمه: ________________

رحمه : اتجوز واقعد في البيت ايه بس ياماما 

ماما رحمه: _______________

رحمه : ماتقلقيش عليا انتي مخلفه اسد وبعدين انتي وحشتيني اوي 

ماما رحمه : _____________

رحمه : خلاص اناجيالك مسافه الطريق واكون عندك 

رحمه قفلت الفون من هنا والباب خبط من هنا 

العميل محمد : سياده اللواء 

اللواء عبد القادر: ادخل يامحمد 

العميل محمد: حمدالله علي سلامه انسه رحمه 

اللواء عبد القادر: الله يسلمك 

رحمه : ازيك يامحمد 

محمد : الحمدلله ازيك انتي يارحمه 

رحمه : االله يسلمك 

العميل محمد: مبروك نجاح المهمه اثبتي نفسك بجداره 

رحمه : الله يبارك فيك متشكره اوي 

بقلمي مآآهي آآحمد

العميل محمد: انا اسف اني بكلمك بس احنا محتاجينك في التحقيق دلوقتي غيث الكاشف مش عايز يتكلم الا لو انتي استجوبتيه 

بقلمي مآآهي آآحمد

رحمه : سكتت وخافت انها تقابله مكانتش عايزه تواجه غيث 

العميل محمد: انا عارف انك محتاجه ترتاحي بس احنا لازم نعرف المعلومات اللي عنده في اسرع وقت 

رحمه : انا جايه معاك .. خللي بالك من فيصل يابابا 

انا ساعه وجايه ونروح كلنا سوا 

بقلمي مآآهي آآحمد

اللواء عبد القادر: وانا مستنيكي 

رحمه راحت لغيث واول ما غيث شافها ابتسم رحمه بلعت ريقها وقالتله 

رحمه : قالولي انك مش هتتكلم غير في وجودي 

غيث: ومش هتكلم غير لو كنا لوحدنا

العميل محمد : لوحدكم ايه ياروح امك 

رحمه : سياده المقدم ياريت تسيبنا لوحدنا وبعدين انت كده كده كل حاجه هتسمعها من اوضه المراقبه 

العميل محمد : ايوه بس انا مش عايز اسيبك لوحدك مع....

رحمه قاطعته في كلامه وقالتله انا كنت هناك لوحدي طول المده اللي فاتت دي ماتقلقش عليا اتفضل 

العميل محمد مشي وقفل الباب 

وغيث قال لرحمه 

غيث: انتي بقي عملتي الفيلم ده كله عشان تتأكدي من المعلومه اذا كنا هنفجر الاستاد ولا لاء 

رحمه : غيث اسمعني كويس ...

غيث : انا هسمعك ياصبا .. بس الاول تحكيلي كل حاجه من الاول ده لو عايزه تسمعي مني كل حاجه 

رحمه : جاتلنا معلومه خطيره جدا انكم هتفجروا الاستاد في تصفيات كاس العالم اللي الراعي الرسمي بتاعها هو مصر والسياح ومن كل بلاد العالم بييجوا يحضروا التصفيات دي ما تقدرش نوقفها لمجرد معلومه مكناش متأكدين منها اذا كانت حقيقي ولا كذب وبعدها عرفنا ان في حد هدد القاضي عبد السلام بخطف بنت من بناته مش مهم هي مين فيهم اذا حكم علي ابو عمار وقتها بالظبط ابتدينا نتحرك وانا اترشحت بأني اقوم بدور صبا وخصوصا انها منقبه من صغرها ومحدش يعرف شكلها وخبينا صبا نهائي وبقيت اقوم بدور صبا في البيت واعمل كل اللي بتعمله حرفيا اروح الحامع البس النقاب اكل وابات واشرب عندهم لانكم مراقبين البيت من يره ومن جوه لحد ما اقنعتكم فعلا اني صبا وبنتهم ريم مكناش بنخليها تنزل من البيت حرفيا عشان كده كنتوا اكيد لو هتخطفوا .. هتخطفوا. صبا اللي هي انا 

ولما اتخطفت فعلا حاولت اعرف اي معلومه عن القنبله اللي هتفجروها معرفتش بس عرفنا الاماكن بتاعتكم واشكالكم والخطه بتاعتكم اللي كنتوا بتنفذوها ومانجحتش كنت كل حاجه بصورها وابعتها هنا في مصر 

غيث: كنتي بتصوريها ازاي 

رحمه وقتها خلعت لينسز من عنيها وقالت 

رحمه : دي بقي المقوله اللي تطبق عليها عينك كاميرا فيديو كانت بتسجل كل حاجه حرفيا كنت بلبسها لما احب اصور موقعكم هناك وانا اللي اتجسست عليكم وعرفتهم هنا الخطه كلها 

بقلمي مآآهي آآحمد

رحمه : اديك عرفت كل حاجه .. ها.. مش ناوي تقول بقي المعلومه دي حقيقه ولا لاء 

وبعدها رحمه ابتدت تكح جاامد جدا لدرجه فظيعه 

غيث خاف عليها وقلها 

غيث: صبا انتي كويسه 

رحمه : كح. .كح. .. مش عارفه مالي ياغيث الكحه هتموتني 

غيث : طيب اشربي مايه بسرعه 

رحمه شربت مايه ووقتها اللي بيراقبوهم من ورا الازاز بقزا يستغربوا هو ايه اللي بيحصل ده 

رحمه اخدت بالها بسرعه انها مابقيتش تتكلم بتكلف قدام غيث راحت بسرعه بعدت عنه وابتدت تتكلم بتكلف مره تانيه وقالتله 

رحمه : انا بقيت كويسه ياريت تقعد علي الكرسي بتاعك وتقولي كل حاجه 

غيث: طيب ياستي انا هقولك علي كل حاجه 

اول حاجه انا عارف انك مش صبا من اول مره شوفتك فيها 

رحمه : ههه ده ازاي بقي 

غيث: عشان مافيش منقبه بجد تخلع النقاب بتاعها من اول مره حد يطلبه بالسهوله دي المنقبه اللي لابسه نقابها علي اقتناع فعلا عندها تموت ولا انها تخلع نقابها 

تاني حاجه مافيش واحده حافظه كتاب ربنا مابتصليش ده كان باين انه تمثيل في المركب بس ونسيتي تركعيها بعد كده 

تالت حاجه بقي وده الاهم مافيش منقبه ابدا تقرب من ولحد وتبوسه بالقرب من شفايفه وهو نايم ياسياده الرائد رحمه 

انا شكيت فيكي في الاول بس بعد كده قولت وماله نكمل اللعبه للاخر .. وخلتيني انفذ عمليه عمرى ما كنت احلم بيها في يوم 

رحمه ( بخوف ) : ايه هي العمليه دي 

غيث: انك تدخليني انا غيث جوه مقر المخابرات ومعايا قنبله تفجر كل اللي فيها وهي دي الضربه الحقيقيه 

رحمه ( قامت وكل اللي كان ورا الازاز ابتدي يتوتر ) 

رحمه : انت كداب .. انت مافيش اي قنبله معاك احنا فتشناك كويس 

غيث: انا فعلا مش معايا اي قنبله بس فيصل معاه قنبله تنسف المكان في لحظه حاطينا القنبله في لعبتك اللي عملتهاله بمناسبه عيد ميلاده  وبص في ساعته وقال 

غيث: قدامها بالظبط دقيقه ونص وتنفجر 

رحمه : حد يتأكد من الكلام ده بسرعه 

العميل محمد جرى علي فيصل عند اللواء عبدا القادر 

غيث: انتي مش مصدقاني يارحمه 

رحمه : بلاش تغمل كده ياغيث بلاش 

العميل محمد دخل المكتب واخد اللعبه اللي في ايد فيصل وفتحها بسرعه لقاها فيها قنبله وناقص بالظبط علي انفجرها 

٣٩ ثانيه 

العميل محمد : حط ايده علي السماعه اللي في ودنه وقال 

تم تاكيد الامر القنبله ناقص علي انفجارها اقل من ١٥ ثانيه 

رحمه بصت لغيث وقالتله 

رحمه : ( والدموع في عنيها ) ماتعملش كده ياغيث حرام عليك 

غيث : دلوقتي ناقص 

٩ 

٧

٥

رحمه مسكت ايد غيث وقربت منه وقالتله لاااااااء 

ومره واحده

غيث : بووووووووووووم 

اللي حابب جزء تاني ياريت تكمل ١٥٠٠ لايك قبل الساعه واحده وهنزل الجزء التاني 

#مآآهي _آآحمد

قلبي ولكن 💞

( الجزء الحادي عشر ) 

بقلمي مآآهي آآحمد

غيث: 9

7

5

رحمه : بلاش تعمل كده ياغيث بلاش 

ومره واحده 

رحمه: لاااااااااااء 

غيث: بووووووووووووم 

غيث داس علي الساعه اللي في ايده ودي فيها زرار بيفجر بيه القنبله بس هو وقف القنبله ومفجرهاش 

المقدم محمد : كان لسه بيبص للقنبله بيبص لقاها وقفت علي اخر ثانيه وال timer اللي بيعد العد التنازلي وقف وبقي من احمر لاخضر وقتها العميل محمد مسح العرق بتاعه واتنهد وكل الموجودين كانوا بيتشاهدوا واول ما لقوا ان القنبله مانفجرتش بقوا يحضنوا بعض ويشكروا ربنا انهم لسه عايشين 

بقلمي مآآهي آآحمد

ومره واحده دخل علي غيث اتنين من امن الدوله ومسكوا الساعه بتاعته اخدوها وحطوا دماغه علي الطرابيزه 

رحمه بقت تبص لغيث وبقت مستغربه ومش فاهمه حاجه 

رحمه : ( في نفسها ) هو ليه مافجرش القنبله مع انه عمل كل ده عشان يوصل للنقطه دي ويدخل هنا 

بقلمي مآآهي آآحمد

وغيث واحد دايس علي راسه   بأيديه  علي الطرابيزه وبيفتشووه للمره الالف  كان بيبص لصبا وبيبتسم ولما لقووه نضيف وقفوه علي الحيطه وبقوا يضربوه فيه باللكمات في بطنه 

وكل ده رحمه واقفه وبتبص عليه والدموع بتلمع في عنيها والسؤال في دماغها لسه محيرها ليه غيث مافجرش القنبله 

غيث مره واحده وهما بيضربوه ومموتينه من الضرب راح ابتسم لصبا مره تانيه وحرك شفايفه من غير ما يطلع صوت وقال 

غيث : عشان بحبك ❤️

وقتها المقدم محمد شاف حركه شفايف غيث وفهمها 

ورحمه فهمت حركه شفايف غيث وبقت عايزه تمنعهم وتوقفهم عن ضربه بس غيث وقتها اخد علقه بعمره وأخدوه حطوه في زنزانه لوحده 

وقلعووه عريان حرفيا وملوا الزنزانه مايه عشان مايعرفش يقعد وفضل طول الليل واقف مكانه  في عز البرد 

بقلمي مآآهي آآحمد

--------------------------------------

( رحمه رجعت البيت في نفس الوقت ) 

رجعت هي وباباها وفيصل .. 

ابو رحمه اللواء عبد القادر: ادخلي .. ادخلي كنا هانروح في ستين داهيه بسببك ادخلي 

رحمه : يابابا انت مش فاهم انا مكنتش اعرف اني اتكشفت 

اللواء عبد القادر : ازاي الواد ده دخل باللعبه وفيها قنبله ازاي جهاز الاستشعار اللي عديتوا عليه مابينش انه معاه قنبله 

رحمه : ما .. ما .. هو .. اصلي 

ابو رحمه : ما اصل ايه انطقي

رحمه : اصل انا كنت حاطه معدن جوه القماش عشان املي بيها اللعبه وعشان عارفه ان الجهاز كده كده هيصفر عشان المعدن اللي جواه قولت حطيت اللعبه برن الجهاز وقولتلهم انها جواها معدن وهما دخلوني عشان فيصل مايعيطش 

ابو رحمه : انتي انسانه فشله احنا كلنا كنا هنموت بسببك النهارده عشان خاطر غباءك 

ام رحمه : جرا ايه ياعبد القادر اهدي شويه كده البت لسه راجعه وبتعمل اللي تقدر عليه عشان تثبت نفسها 

اللواء عبد القادر: انتي مش فاهمه حاجه ياعزيزه 

عزيزه ام رحمه : ومش عايزه افهم انا المهم انك ماتزعقش لرحمه انا ما صدقت انها رجعت لحضني 

ماما رحمه اخدتها في حضنها وبصت لفيصل 

عزيزه ماما رحمه : مين القمر ده يارحمه ده اخويا ياماما من دلوقتي هيعيش معانا

ماما رحمه : تعالي ياحبيبي تعالي في حضني 

ماما رحمه نادت علي الخدامه بسرعه وقلتلها 

ماما رحمه : ياريت تدي لفيصل شاور بسرعه ولبسيه اي تي شيرت صغير علي ما نجيبله هدوم 

الخدامه اخدتوه وصبا دخلت علي اوضتها غيرت هدومها وقعدت علي سريرها وبقت تسرح في الكلمه اللي غيث قلهالها في وسط ما كان بيموت من الضرب ماهمهووش وفضلت الابتسامه علي وشه 

وانه اتخلي عن انه يفجر المكان بس عشان خاطرها وبقت تفكر فيه وانه زمانه متبهدل وطالع عين امه وبقت تفكر وتقول 

رحمه : ياترى عامل اي دلوقتي ياغيث 

بقلمي مآآهي آآحمد

------------------------------------------

في ايران 

راجل من رجاله ابو عمار جه وهمس في ودنه وقاله 

غيث لغي المهمه اللي المفروض ينفذها ومفجرش جهاز المخابرات 

ابو عمار : ازاااااي .. ازاي غيث يعمل كده 

الراجل : المعلومات دي جايلنا حالا من هناك ياريس 

ابو عمار : فتح التليفزيون وبقي يقلب في القنوات عشان يسمع اي خبر مافيش مكانش مصدق المعلومات اللي جاتله كان واثق في غيث اكتر ما هو واثق في نفسه 

بقلمي مآآهي آآحمد

ابو عمار : انا لازم انزل علي مصر 

بس اعرف الاول الاقي ورد وعدي الكلب ده راح بالبت فين 

--------------------------------------------

ورد : عدي 

عدي : ماتقلقيش ياورد انا في هناك في مكان وانتي في مكان تاني خالص 

ورد : انا اصل اول مره ابات بعيد عن حضن امي 

عدي : الله يرحمها ادعيلها بالرحمه 

ورد  قعدت علي الكرسي وحطت وشها ما بين ايديها وقعدت تعيط 

وهي بتعيط بقت تقول وصوتها كله حزن 

ورد : انا مش مصدقه انها ماتت ياعدي امي دي كانت كل حاجه بالنسبالي انا معرفش حاجه عن ابويا نهائي عمره ما كان حنين عليا هي بس اللي كانت بتحبني في الدنيا دي ياعدي 

عدي شال ايد ورد بالراحه اوي من علي وشها ومسح دموعها من علي خدها  وقلها 

عدي : انا بحبك ياورد مافيش حد في الدنيا حبك ولا هيحبك قدي حرفيا انتي كل شىء بالنسبالي انا لو وافقتي هبقي ليكي ابوكي وامك واخواتك وصحابك وعيلتك كلها لو بس تديني فرصه ابقي هنا 

( وشاور علي قلبها ) 

عدي : افتحيلي قلبك ياورد .. انا مش عايز اكتر من فرصه تخليني ارجع عايش من جديد 

ورد ابتسمت لعدي ابتسامه بسيطه وقالتله 

ورد : انت عارف اني المفروض ابقي عروسه دلوقتي وامي بدخلي صنيه الصباحيه في اوضتي 

عدي : بس كده طيب استني 

عدي. دخل المطبخ وجاب صنيه ومالها اكل وحطها فوق راسه 

وعمل نفسه اكنه بيخبط علي الباب 

ونزل الصنيه وزغرط زغروطه جااامده اووووي وقلها 

عدي : صباحيه مباركه علي احلي عروسه 

ورد : بقت تضحك .. تضحك عليه وهو بيزغرط ضحكتها كانت من قلبها بجد 

عدي شاف ضحكتها وبقي مبسوط جدا ومسك ايد ورد وبصلها وقلها 

عدي : اول مره تضحكي معايا الضحكه دي 

ورد : ودي بقي انهه ضحكه 

عدي : دي الضحكه اللي بتطلع من قلبك بجد لشخص بتحبيه 

ورد اتكسفت وقامت وقالتله 

ورد : انا .. انا .. لازم ادخل انام بقي 

عدي : طيب مش هتاكلي انتي ما اكلتيش حاجه من امبارح 

ورد : بس انا ماليش نفس 

عدي : تعالي وانا هفتح نفسك علي الاكل 

ورد : قعدت جنبه وبقي بيأكلها بأيديه في بوقها وبقت ورد مبسوطه اوي وهي مع عدي الواحده مننا بتحب الاهتمام بتحب الشخص اللي بيهتم بتفاصيلها اكتر ما بيهتم بنفسه 

بقلمي مآآهي آآحمد

-----------------------------------------

غيث دخل عليه المقدم محمد وكان غيث عريان حرفيا والدنيا تلج وكان واقف وتعبان جدا من كتر الواقفه 

المقدم محمد : بقي انت بقي مارضيتش تفجر القنبله عشان بتحب ياروح امك

غيث حاول يقف اكتر من كده بس معرفش وقاله

غيث: اللي عندك قولوه او اعمله مش هتفرق 

المقدم محمد : للدرجه دي بايع القضيه مش فارقه معاك يعني 

غيث: اخرك هتعمل اي مثلا هتموتني .. انا مابخافش من الموت 

المقدم محمد : لا .. لا .. موت ايه ياراجل بعد الشر عنك ماتقولش كده 

انا هخليك تتمني الموت واقصي طموحاتك انك تموت في يوم وماتعرفش 

غيث: ماشي يلا بقي اعمل اللي جاي تعمله بلاش رغي كتيررر

القدم محمد : ياض يا ابن الكلب وراح ضارب غيث في وشه وجاب كرسي وربط ايديه الاتنين عليه 

المقدم محمد : هاتوا جهاز  الكهربا بسرعه 

المقدم محمد فضل يكهرب في غيث حرفيا طول الليل وبعد ما هو نفسه تعب من كتر ما بيعذبه  قاله وهو بينهج 

المقدم محمد : رحمه لاء انت فاهمني

بقلمي مآآهي آآحمد

المقدم محمد ساب غيث وطلع وقفل علي غيث بالمفتاح ورحمه بقت تحلم احلام وحشه اوي بغيث 

رحمه وهي نايمه بتتقلب يمين وشمال 

رحمه : غيث .. غيث .. ابعدوا عنه غيث .. غييييث 

مره واحده قامت لاقيت نفسها مقطوع ومش قادره تتكلم وقلبها واجعها اوي علي غيث 

مره واحده قامت من علي سريرها من نص الليل وفتحت  دولابها ولبست واخدت مفاتيح العربيه بالراحه اوي ومشيت وراحت لغيث ومن كتر ما هي عايزه توصل للمكان اللي فيه غيث بقت تجرى بسرعه جدا بالعربيه ومره واحده من غير ما تاخد بالها لاقيت كلب في الشارع راحت بتفديه دخلت في رصيف وعملت حادثه والناس كلها اتلمت عليها 

يتبع 

البارت 12_13_من هنا هنا هنا هنا