 |
فتون 💞
( مفتونها الجزء التالت والرابع )
بيبص لقي..
اميره بترجع دم من بوقها في العربيه في الكنبه اللي ورا
امير : يادي النيله العربيه اتوسخت 😡
فتون وهي جنبه قدام : هو ده وقته انت كمان سوق بسرعه جايين علينا
بقلمي مآآهي آآحمد
امير ساق بالعربيه بأقصي ما عنده وبقي عصام ورجالته بيجروا وراهم بالعربيه امير وهو بيسوق قال لفتون
امير : خدي المناديل دي امسحي الدم ده بسرعه قبل ما يبقع علي الكرسي
فتون : انت ايه معندكش دم البت بتموت وانت كل همك ان الكرسي اتوسخ
امير مره واحده فرمل العربيه ووقف وعربيه عصام بيه خلاص وراهم وبتقرب منهم
فتون : ( بصريخ ) انت بتعمل ايه وقفت ليه ؟
امير : بقولك خدي المناديل دي امسحي بقعه الدم اللي علي الكرسي قبل ما تبقع
بقلمي مآآهي آآحمد
فتون : ( بتوتر ) حاضر .. حاضر بس ارجوك سوق هيمسكونا
امير : مش قبل ما تنضفيها
عربيه عصام قربت منهم جدا وبقت تضرب عليهم نار بالمسدسات
فتون : ( بصريخ وتوتر ) يالهوي هنموت اتحرك بسرعه
امير : مش قبل ماتنضفيها
فتون :( يابن المجنونه ) فتون بسرعه نضفت الكرسي وهي بتنضف ضرب النار جاي عليهم
فتون : اهوه .. اهوه نضفتها اهوه
بقلمي مآآهي آآحمد
امير : وقتها حرك العربيه بسرعه شديده لدرجه صوت فرمله الكوتشات عملت صوت رهيب والكوتشات بقت تطلع شرار
فتون : انت ازاي كده انت كنت هتموتنا
امير : لما اقول كلمه تتنفذ من سكات انتي فاهمه
فتون : فاهمه .. فاهمه بس خللي بالك ابوس ايدك
امير بالراحه يا امير هنموت
امير : حطي الحزام بسرعه وبعد كده ما تركبيش عربيه وانتي مش لابسه حزام الامان
فتون : بقت تدور علي حزام الامان بكل توتر وقلق ومن كتر الخوف بقت تترعش لحد ما حطيته عليها
بقلمي مآآهي آآحمد
وقتها امير شغل سونج هاديه وكان باين عليه برود الاعصاب رغم كل اللي هما فيه وضرب النار اللي عليهم بقت فتون تبصله ومستغربه هو ده وقت اغاني احنا هنموت
امير بصلها ولبس نضاره سودا وبقي يسمع السونج الهاديه وركز في الطريق كان بيجرى بسرعه رهيبه لدرجه فظيعه وكان بيحود العربيه يمين وشمال وداس علي زرار وقتها ازاز العربيه كله ابتدي يتغير وبقي متفيم اسود وفتون تبص كده
بقلمي مآآهي آآحمد
فتون : هو ايه اللي بيحصل ده 😳🥺
امير حط صباعه علي بوقه وقلها : هووووووش مابحبش اسوق ويبقي في دوشه جنبي
اميره : فتون الحقيني انا هموت مش قادره
بقلمي مآآهي آآحمد
فتون : معلش اتحملي شويه
امير لقي عربيتين تريلا ماشيين جنب بعض كبار قدامه وهما كانوا علي كوبري
وعصام وهو بيجرري ورا امير بالعربيه علي الكوبري ابتسم وقال
عصام : هنشوف هتعمل ايه بقي ياسي امير في العربيات اللي قدامك دي 😁
بقلمي مآآهي آآحمد
فتون : ( بتوتر ) يانهار اسود هنعدي ازاي دول خلاص ورانا
امير ابتسم ابتسامه سخريه ورجع النضاره كده علي وشه بصباعه وكان في فرق صغير جدا ما بين العربيتين مافيش اي عربيه تقدر تعدي ما بينهم بس ده امير مش اي حد يعني ملك السواقه
امير : فتون انتي واثقه فيا
فتون : طبعا لاء
امير : طيب كويس 😅
فتون : هتعمل ايه .. هتعمل ايه يامجنون ..
امير : امسكي نفسك كوووووووووووويس
ومره واحده جاب العربيه علي جنبها وبقي ماشي علي عجلتين بس ودخل ما بين العربيتين التريلا وعدي منهم
فتون : ( بتصوت ) ااااااااااااااااه
بقلمي مآآهي آآحمد
واخيرا عدي ما بينهم
السواق بتاع التريلا بقي يبص كده لما لقاه طالع ما بينهم وبرق ومبقاش مصدق ان في عربيه عدت ما بينهم واخيرا امير عدل العربيه بتاعته وساق بأقصي ماعنده وهرب من عصام ورجالته
عصام : بغيظ ونرفزه ضرب ايده علي الدركسيون وهو سايق وقال
عصام : عمرك ما هتتغير ابدا ولا حاجه ممكن تهدك يا امير الكلب انت .. ووقف العربيه وبقي يضرب برجله فيها من كتر نرفزته والبودي جاردات اللي معاه وقفوا حواليه
بقلمي مآآهي آآحمد
عصام : ( بصريخ ) ااااااااه مابحبش حد ياخد حاجه انا عايزها 😡😡
عصام وجه كلامه للبودي جاردات اللي معاه وقال
عصام بيه : اسمعوني كويس البت اميره اللي معاهم دي مجروحه هما اكيد هيودوها مستشفي عشان تتعالج عايز نفتش في كل المشتشفيات اللي في شرم الشيخ كلها لحد ما نلاقيها انتوا فاهمين
البودي جاردات : فاهمين ياريس
بقلمي مآآهي آآحمد
فتون في العربيه مع امير
امير : بصي علي صحبتك بسرعه
فتون : حاضر
فتون بصت علي اميره لاقيتها مغم عليها
فتون : الحق يا امير دي مغمضه عنيها ومابتردش عليا
امير وقف العربيه ونزل عدلها وحس علي نبضها وقلها
امير : ماتقلقيش هي لسه عايشه بس لازم تتعالج
فتون : انت دكتور
امير : كنت
بقلمي مآآهي آآحمد
فتون : طيب احنا لازم نوديها اي مستشفي ضرورى البت هتموت مننا
امير ركب تاني وقلها عصام مش عبيط هو اكيد هيدور علينا في كل مستشفيات شرم وهيلاقيها
فتون : طيب خلاص عالجها انت
امير : ماينفعش
بقلمي مآآهي آآحمد
فتون : انت مش بتقول انك دكتور
امير : انتي مابتفهميش بقولك كنت دكتور كنت
فتون : وايه المشكله ابوس ايدك عالجها انا ماليش غيرها هي وساره 🥺🥺
بقلمي مآآهي آآحمد
امير : بشرط
فتون : اللي تؤمر بيه
امير : انا هساعدك لحد ما صحبتك تخف وبعد كده مش عايز اشوف وشك تاني انتي فهماني
فتون : ( بفرحه ) فهماك طبعا
امير ساق العربيه بتاعته وراحوا زي عشه كده وفتون سانده اميره وبتتحرك بيها بالعافيه لحد ما نومتها علي السرير
فتون : ايه العشه دي
امير : دي عشتي محدش يعرف مكانها غيري فيها كل حاجه انا هعلقلها كلوجوز وهداوي جرحها
بقلمي مآآهي آآحمد
فتون : طيب تحب اساعدك
امير : ياريت
فتون : طيب قولي اساعدك ازاي
بقلمي مآآهي آآحمد
امير : انك تسكتي خالص ومسمعش صوتك
فتون : ضيقت عنيها واتنهدت وهي متغاظه وقالتله حااضر
وقتها امير حط الهاند فري في ودنه وشغلها علي music هاديه ولبس نضارته السودا وابتدي يعالج اميره
بقلمي مآآهي آآحمد
وفتون واقفه مابتتحركش فرجليها وجعتها رجعت لورا وجت تسند علي العشه سندت علي الهيكل العظمي اللي امير حطه وقع اتكسر ١٠٠ حته والجمجمه بتاعت الهيكل العظمي بقت تحت رجلين امير
امير بصلها كده بغيظ وداس علي سنانه وقلها
امير : ( بغيظ ) انتي مافيش فايده فيكي ابدا
فتون : ( بلمعه في عنيها ) وانها عايزه تستعطفه وضمت ايديها ببعض وقالتله
فتون : معلش .. معلش والله ما كنت اقصد
وخدت جمجه الهيكل العظمي وباستها وقالتله
فتون : وادي راسه اهيه ابوسها بس ونبي ما تتعصب مني
امير : ( بضحكه مكتومه ) اطلعي بره يافتون
بقلمي مآآهي آآحمد
فتون : ما تخليني هنا ممكن تح..
ولسه هتكمل
امير : ( بعصبيه ) بقولك اطلعي بره
فتون : حااضر .. حااضر طلعه اهوه
بقلمي مآآهي آآحمد
فتون طلعت بره العشه وبقت قاعده علي الرمله وقدامها البحر والقمر والسما والنجوم
امير اخيرا خلص وقلع نضارته وخلع الهاند فري
طلع بره لفتون وقلها
امير : انا خلصت تقدرى تدخلي لصحبتك
فتون : هي عامله اي دلوقتي
امير : علي بكره الصبح هتبقي احسن أن شاء الله
تقدرى تدخليلها دلوقتي وتنامي معاها جوه
فتون : طيب وانت
امير : انا هنام هنا
فتون : علي الرمله
امير : برق لفتون وقلها مالكيش فيه اتفضلي ادخلي جوه دلوقتي
فتون : حااااضر 😔
فتون دخلت جوه وامير مكانش جايله نوم راح جاب خشب وولع نار وقعد حواليها فتون بعدها طلعتله وقالتله
فتون : جيبتلك مخده وفرشه عشان ماتنامش علي الرمله
امير : لا شكرا انا واخد علي كده
فتون : راحت قعدت جنبه وربعت وقالتله واخد علي ايه
امير : ( بصلها وحرك راسه ) بمعني اللي هو انتي فضوليه جدا
فتون : انا عارفه انت بتقول عليا ايه
بقلمي مآآهي آآحمد
امير : بصلها وماردش وبص للبحر
فتون : بتكلم نفسها وبتقول من جواها يخربيت برودك ده انت حتي مش عايز تعرف انا عرفت ايه
امير بصلها وضحك ضحكه صفرا كده
فتون : اوعي تكون عرفت انا قولت ايه في بالي
امير : ايوه عرفت
فتون : اي ده انت مخاوي بقي
امير : انتي مابتعرفيش تسكتي ابدا
فتون : بصراحه لاء اصل بصراحه مش جايلي نوم خالص وعايزه اتكلم مع حد
امير : وانا مابحبش الرغي الكتير
فتون : طيب تحب اقولك نكته
امير استغرب وقلها :. ( نكته 😏)
فتون : اه نكته ده انا ملكه النكت بص انا هقولك نكته لو ضحكت هتقولي اي حاجه عن نفسك ولو ماضحكتش هاخد بعضي وادخل من سكات ايه رايك
بقلمي مآآهي آآحمد
امير : انا مش مضطر اني اوافق
فتون : لاء مضطر عشان لو مش وافقت هفضل اتكلم من دلوقتي لبكره الصبح وهصدعك ومش هيبقي عندك اختيار بس لو وافقت وخلتني اقولك نكته ممكن يبقي فيه option اني اسيبك وابعد عنك وادخل انام
امير : اللهم اطولك ياروح قولي ياستي
بقلمي مآآهي آآحمد
فتون : مره واحد امه كانت بتدعيله فقالتله روح يابني
اللهي تسكن في بيت من غير ايجار
وتلاقي ناس تحرسك ليل نهار
قام الواد ياعيني اتسجن 😂😂😂😂😂😂😂😂😂😂😂😂😂😂😂😂😂😂😂😂😂😂😂😂
وبعدها فتووون قعدت تضحك وماتت علي نفسها من الضحك
امير : 🙂🙂🙂
فتون : 😂😂😂😂😂😂😂😂😂😂😂😂😂😂
طيب والله حلوه والله جامده
امير : 🙂🙂🙂🙂
فتون ضحكتها كانت زي السكر وخارجه من قلبها بجد لدرجه ان هي وهي بتضحك رجعت علي ورا وعنيها دمعت وبقت نايمه علي الرمله ولسه بتضحك امير وقتها وهو قاعد وضامم رجله بأيديه كده رجع وشه لورا و شافها بتضحك الضحك ده كله راح ابتسم لضحكتها الحلوه وطلع صوت اللي هو ههه
فتون : اهوه شوفت انت ابتسمت وضحكت اهوه انا فزت
امير : فزتي ايه ياعبيطه انا ابتسمت علي ضحكك مش اكتر
فتون : ماليش دعوه المهم انك ضحكت علي ضحكي بقي ولا علي النكته المهم انك ضحكت ومن حقي اني اعرف عنك اي حاجه
بقلمي مآآهي آآحمد
امير : طيب وعايزه تعرفي ايه عني
فتون : قولي انت مين
امير : انا الشيطان ارتحتي
فتون : 😳😳
امير : ارتحتي وقومي بقي عشان الفجر اذن لازم اصلي وسابها وقام
فتون فضلت متنحه. وبتبص عليه وهو ماشي وسايبها وقالت في نفسها
فتون : هو في شيطان بيصلي 🤔🤔
بكره أن شاء الله هينزل الجزء الرابع من الروايه الساعه 8 واهم حاجه التفاعل ياجماعه بالله لاف وعشر كومنتات
عليكم انا لاقيت روايتي في جروبات كتير والكل بياخدها فاللي حابب يكملها هي بتنزل كل يوم الساعه 8 بالظبط عندي علي البيدج بتاعتي الاصليه حكآآيآآت مآآهى خوديها كوبي علي الفيس هتظهرلك علي طول تقدرى تتابعيها بانتظام
#مآآهي _آآحمد
فتون 💞
( الجزء الرابع )
بقلمي مآآهي آآحمد
البيدج الاصليه حكآآيآآت مآآهى
فتون بصت كده وقالت : هو في شيطان بيصلي 🤔🤔
امير بعدها راح اتوضي وفرش المصليه علي الرمله وبقي يصلي فضلت فتون بصاله وقالت
فتون : ان شاء الله في يوم هصلي ومش هسيب فرض بس ربنا يتوب عليا من الشغل بقي والاقي ابن الحلال اللي اقدر اعيش معاه وانا مطمنه علي نفسي
امير طول جدا في الصلاه تقريبا كان بيصلي بالجزء فتون كانت مستنياه يخلص راحت نامت علي نفسها علي الرمله من كتر التعب والارهاق وصحيت تاني يوم الصبح مع اول خيط شمس جه علي وشها فاقت بتبص لاقيت نفسها نايمه علي الفرشه والمخده اللي كانت مدياهم لامير وامير نايم جنبها علي الرمله
فتون اتعدلت علي جنبها وبصيتله نظره اعجاب وهو نايم وقالت في نفسها
فتون : انا عمرى ما حد وقف جنبي ابدا طول عمري انا المسؤوله عن اخواتي وأمي دايما انا اللي بحميهم من الدنيا ومشاكلها لحد ما شوفتك انت .. انا مش عارفه لو ماكنتش قابلتك كنت زماني فين دلوقتي او جرالي ايه بجد شكرا
كل ده كلام كان بيدور في عقل فتون بس مكانتش بتقولوا بلسانها وبعدها غطت امير وراحت علي العشه عشان تطمن علي اميره
بقلمي مآآهي آآحمد
اميره ابتدت تفوق وتفتح عنيها
فتون : اميره حمدالله علي سلامتك
اميره اتعدلت وابتدت تقوم وقالتلها
اميره : حقك عليا يافتون كان غصب عني ده اداني ضرب ماقدرتش اقااوم اكتر من كده والله
فتون : ولا يهمك ..كتر خيرك انك اتحملتي كل الضرب ده عشاني اللي زينا مالهمش ضهر يا اميره
اميره : بس انتي بقي ليكي خلاص وشاورت علي امير وهو نايم بره العشه
فتون : قصدك ايه 🥺
اميره : اقصد الشاب اللي نايم بره ده ممكن يبقي ضهرك في يوم
فتون ضحكت وقالتلها : انتي عبيطه يابنتي ده انا لسه عرفاه امبارح بالليل لحق يبقي ليا ضهر وسند وبعدين ده متفق معايا انه مش عاوز يشوف وشي تاني اول ما تبقي كويسه
اميره : ازاي الكلام ده
فتون : زي ما بقولك كده المهم طمنيني عليكي
اميره : سيبك مني انا المهم اوعي تخليه يسيبك لحد ما يطلعك من هنا وتبعدي خالص عن اللي اسمه عصام ده .. ده ناويلك علي نيه وحشه اوي خصوصا بعد ما ضربتيه بالفاظه علي راسه
فتون : طيب وبعدين تفتكرى اعمل ايه ؟ نروح للشرطه
اميره : انتي هتفضلي هبله وعبيطه كده لحد امتي شرطه اي دي اللي هتساعد الغلابه اللي زينا اسمعي يافتون انتي لازم تخلي امير ده يساعدك بأي شكل
فتون : طيب اهدي بس انتي.. ربنا مابيسيبش حد وانا عمرى ما هتقل عليه اكتر من كده
اميره : طيب بس هبل نبقي نتكلم في الموضوع ده بعدين
بقلمي مآآهي آآحمد
فتون بتبص علي باب العشه لاقت امير بيصحي
فتون : امير صحي .. امير صحي
بقلمي مآآهي آآحمد
اميره رجعت بسرعه ونامت علي سريرها وبقت تقول
اميره : اااااه مش قادره انا تعبانه انا عايزه مسكن
امير دخل العشه وقلها : معلش لازم تحسي بالاعراض دي انتي جسمك كله تقريبا فيه كدمات لما نرجع لازم تشوفي حته عشان ترتاحي فيها
اميره : لاء نرجع .. نرجع نروح فين انا مش قادره اتحرك
انا مش هينفع امشي من هنا انا رجلي مكسوره
بقلمي مآآهي آآحمد
امير : لاء رجلك مش مكسوره كل اللي فيكي كدمات مش اكتر انا كده عملت اللي عليا معاكم لو مش حابين تمشوا خليكم هنا بس علي فكره هنا مافيش ولا اكل ولا مايه
انا ماشي
امير وهو جاي يمشي وبيفتح باب العربيه فتون طلعت تجرى وراه
فتون : امير احنا وعدتني
امير : لا ما وعدتكيش
امير : وعدتك بأيه انا مش فاهم
فتون : انك هتمشي وتسيبنا و ماتشوفش وشي تاني الا لو بقت أميره كويسه وهي لسه تعبانه ازاي تبقي بتصلي وتعرف ربنا وسايب بنتين هنا لوحدهم من غير حاجه
انا بطلب منك انك تنفذ وعدك و تفضل معانا بس لحد ما اميره تبقي كويسه مش أكتر وبعدها هنرجع معاك ومش هتعرف عننا أي حاجه تاني اوعدك
وقتها اميره جت تقوم من علي السرير بتحاول تطلع من العشه وقفت علي باب العشه ومن التعب وقعت علي الباب بقي نصها بره العشه ونصها التاني جوه العشه
فتون شافت كده طلعت تجرى عليها
فتون : اميره قومتي ليه بس
بقلمي مآآهي آآحمد
اميره : لازم اعرف عملتي معاه ايه هيمشي ويسيبنا
امير بصلهم كده وسكت
اميره : اطلعي انتي بره يافتون شويه
فتون : ليه يا اميره
اميره : ارجوكي انتي دايما بتعتبريني اختك الكبيره اسمعي كلامي المره دي ممكن
فتون طلعت بره وبعدت عن العشه
اميره : ممكن اتكلم معاك شويه يا امير
امير : عايزه ايه انتي كمان
اميره : انا عايزاك تسمع اللي هقولهولك للاخر وبعدها اللي انت تقول عليه هو اللي هيمشي ارجوك مش هاخد منك غير خمس دقايق
امير : قولي 🙂
اميره : فتون مش زينا يا امير فتون اللي رماها علي سكتنا حاجه اقوي منها .. انا عارفه ان نظرتك لينا ان احنا مجرد بنات ليل مش اكتر بنشتغل في كباريهات وده طبعا باين من لبسي والميكب الاوفر اللي انا حطاه ورغم انك عارف كده ساعدتني امبارح برضوا بس.. بس سيبك مني أنا
انا خلاص مبقاش فيا رجا بس فتون لسه نضيفه مش زينا ارجوك انقذها طلعها بس من شرم الشيخ ماتخليهاش تبقي زيي وزي البنات اللي معايا ابوس ايدك
اميره جت تبوس علي ايد امير .. امير بعد عنها بسرعه وقلها
امير : انتي ايه اللي بتعمليه ده
اميره : ( بدموع وتوسل ) ارجوك انقذها خلينا علي الاقل هنا يومين بس تبقي معانا احنا من غيرك هنا مش هنعرف نكمل ساعتين اتنين
بقلمي مآآهي آآحمد
امير : انتي متأكده ان فتون نضيفه زي ما بتقولي
فتون : اقسملك ان ما في حد لمسها واان كل اللي هي فيه ده عشان مش راضيه تسلم نفسها لعصام الكلب ده
امير ( اتعصب ) وافتكر اللي كان بيعمله زمان وقال في باله انا لا يمكن اكون ديوث مره تانيه ونادي علي فتون .. فتون جت بسرعه
بقلمي مآآهي آآحمد
امير : انا موافق اني اكمل اتفاقي معاكي بس بشرط
انا واحد بحب الهدوء جدا جدا مابحبش الرغي الكتير ولا ان حد يدخل في خصوصياتي بحب النضافه زي عنيا فهماني يافتون
بقلمي مآآهي آآحمد
فتون : طبعا .. طبعا فهماك
اميره ( بفرحه ) اخيرا ☺️
فتون بصيتله كده بصه استعطاف وحس انها عايزه تطلب منه طلب
امير : بقي ينفخ وقلها اتفضلي قوووووووولي يافتون عايزه ايه
فتون اصل .. اصل بصراحه احنا جاعنين اوي واميره ما اكلتش وعطشانين
امير : ماشي لازم نروح نشتري شويه حاجات عشان نقدر نقعد هنا كام يوم لحد ما صحبتك تبقي كويسه
بقلمي مآآهي آآحمد
فتون : تحب اجي معاك
امير : لا خليكي هتيجي تعملي ايه ؟
امير بيبص في جيبه لقي انه معاه فيزا مش فلوس كاش وممكن كده عصام يعرف مكانه بمجرد انه اشتري حاجه بالفيزا امير عارف كويس الطرق والاساليب اللي يجيب بيها حد مستخبي لأنه هو نفسه لما كان بيحب يجيب حد زمان كان بيعمل كده وعصام لي اتصالات كتير ويعرف يجيب النمله من جحرها
امير: مش هينفع استخدم الفيزا بتاعتي دلوقتي انتوا مش معاكم فلوس
فتون واميره : تؤ تؤ .. من الاخر كده احنا ابيض
بقلمي مآآهي آآحمد
امير : طيب وبعدين ... امير بيبص علي صدر فتون لقاها لابسه سلسله
امير ضيق عنيه و قرب من فتون وبيمد ايده ناحيه صدرها
بقلمي مآآهي آآحمد
فتون : انت .. انت بتعمل ايه
امير انت بتبصلي كده ليه ؟
راح امير ماسك السلسله بتاعت فتون وقطعها من صدرها وقلها
امير : دي دهب
فتون : امير لاء الا السلسله دي .. دي الحاجه الوحيده اللي فضلالي من ابويا الله يرحمه
امير : بقي يبص علي السلسله في ايده ورفع ايده فوق
فتون : امير هات السلسله وبقت تقف علي طراطيف صوابعها
بقلمي مآآهي آآحمد
عشان تطول ايد امير .. وامير يرفع نفسه اكتر عشان فتون مش تطول السلسله ومره واحده فتون اتكعبلت من غير ما تاخد بالها وبتبص لاقيت نفسها في حضن امير .. فتون بصيت في عنين امير وكانت اول مره تاخد بالها ان لو عيونه رمادي فاتح ورموشه تقيله وهو كمان بصلها وحس بقربه من ناحيتها راح بعد عنها فورا ومقربش منها وقال
امير : احم مممممم انا .. انا معنديش حل تاني غير اني اخد السلسله دي نبيعها ونجيب اكل ومايه لليومين اللي جايين قولتوا ايه
فتون بكل استسلام وافقت وقالت
فتون : اللي تشوفوه يا امير بس طالما هتبيع سلسلتي بقي يبقي هاجي معاك واجيب اللي انا عايزاه
بقلمي مآآهي آآحمد
امير اخد فتون وراحوا يبيعوا السلسله وهما بيبعوها فتون اديتها للسايغ وعنيها بتلمع وراحت غصب عنها دمعه نزلت من عنيها مسحتها بسرعه امير شاف كده قال للسايغ خلاص مش هنبيعها ومسك فتون من ايدها وطلعوا بره
فتون : امير انت بتعمل ايه
امير : خلاص مش هنبيعها
فتون : طيب هنعمل اي دلوقتي
امير : ماتقلقيش انا هتصرف
امير وفتون ركبوا العربيه وبسرعه راحوا اوتيل كبييييير اوي في شرم ودخل من الباب الفرعي واخيرا دخل علي المطبخ
وهو داخل بقي يخبي وشه ويوطي لحد يشوفوه
واخيرا لقي صاحبه هناك في المطبخ كان شيف كبير اوي هو المسؤول عن المطبخ في الفندق ده .
كمال : معقول انت هنا وشايفك قدامي
وحضن امير .. وقتها فتون كانت ورا ضهر امير
كمال : ازيك ياامير عامل ايه واحشني جدا
امير : انا كويس الحمدلله ياكمال انا كنت طالب منك طلب صغير
كمال : انت تؤمرني طبعا
امير : انا عايز مبلغ كده بس يكون كاش محتاجه جدا
كمال ( استغرب جدا وقاله ) : بقي معقول تبقي ابن حجازي بيه صاحب اكبر اوتيلات في شرم وصاحب الاوتيل ده نفسه واكبر مصانع ادويه في الشرق الاوسط وجاي تستلف من العبدلله
فتون سمعت كده مابقيتش مصدقه معقول ده الشاليه اللي امير عايش فيه صغير ومعفن معقول يبقي ابوه غني اوي كده وعايش بالمنظر ده
امير كمل كلامه مع كمال وقاله : ممممم تصدق انا غلطان اني جيتلك كنت فاكر ان احنا لسه صحاب
كمال : ياعم وهنفضل صحاب اسمع دي الفيزا بتاعتي خودها انا مش معايا كاش هات اللي انت عايزه
امير فكر وقال انه لو اخد الفيزا بتاعته وصرف منها مش عصام مش هيعرف يوصلهم
امير : انا عايز تجيبلي معلومات عن عصام ياكمال بيروح فين وبيعمل ايه كل حاجه حرفيا
كمال : ( بفرحه ) ونبي بتتكلم جد يعني شغل زمان هيرجع تاني 😍😍
امير : لاء مش هيرجع تاني بس انا محتاج المعلومات دي ضروري
كمال : انت تؤمر
بقلمي مآآهي آآحمد
امير : هبقي اتصل بيك تكون عملت اتصالاتك
كمال : طيب مش هتعرفنا بالقمر اللي معاك وجه يمد أيده
امير هو اللي سلم عليه وقاله
امير : مشلوله مابتسلمش علي حد
واخد فتون من ايديها ومشي من غير ما حد يشوفهم
فتون اول ما ركبت مع امير العربيه
فتون : ايه مشلوله دي وبعدين قولتله كده ليه
امير مابيردش
فتون : لاء انا لازم اعرف انت قولتله كده ليه بقي
امير ساق العربيه وهو متغاظ من فتون وقلها
امير : كلمه واحده هرميكي من هنا انتي فاهمه وبعدين قولتلك قبل كده الف مره اربطي الحزام لما تركبي
وبعدها امير قرب منها ومد ايده يجيب الحزام عشان يحطه عليها وقتها فتون بقت تبصله امير لاحظ كده جدا بصلها وبص في عنيها لقاها العيون العسلي الفاتح وبعدها
فتون : امير خللي بالك عربيه جايه علينا خللي بالك 😳
امير : بسرعه رجع يمسك الدركسيون مره تانيه وحود العربيه وبعدها وقف العربيه علي جنب واخد نفسه واول كلمه قالها
امير : انتي كويسه
فتون : ماتقلقش انا كويسه
بقلمي مآآهي آآحمد
امير وقتها اتنهد واستغرب اصل ده مش طبعه هو بياخد باله من الطريق جدا ازاي يعمل حركه زي دي وهو سايق
وبعدها راحوا هايبر كبير فتون شدت عربيه عشان تحط فيها الحاجه اللي هيشتروها وبقت تمشي في الممر وتختار اللي نفسها فيه وبقت مبسوطه اوي
بقلمي مآآهي آآحمد
فتون ميلت علي امير وقالتله
فتون : تعرف اني دلوقتي بحقق حلم من احلامي
امير : مش فاهم
فتون وهما ماشيين. وبتجيب الحاجه وامير ماسك العربيه
فتون : اصل انا كنت في مصر شغاله في هايبر كبير كده وكنت اشوف كل واحده ومعاها جوزها وبتختار اللي نفسها فيه والعربيه تبقي مليانه علي تمه عينها وتيجي تحاسب الاقيها تدفع اكتر من ١٠ الاف جنيه ودوول بقي مرتبي اربع شهور انت متخيل وكنت دايما اقول بكره هبقي حاجه كبيره اوي ويبقي معايا جوزي واروح اشترى انا وهو اللي نفسي فيه ويجيبلي كل اللي اانا عايزاه من الهايبر
امير : بس انا مش جوزك يافتون
مره واحده حد قال لامير
بعد اذنك يا اذستاذ ممكن تبعد العربيه بتاعت المدام بس كده عشان اعدي
امير : بصله مستغرب وكان لسه هيقولوا دي مش المدام راحت فتون بسرعه وسعت الطريق وقالتله
فتون : ( بابتسامه رقيقه ) اتفضل عدي احنا متأسفين جدا
بقلمي ماهي احمد
وبعدها امير هو وفتون جابوا حاجات كتير اوي
فتون : مش كتير كده الحاجات دي كلها
امير : يعني احنا دافعين حاجه من جيبنا
وهما واقفين علي الكاشير : امير بيبص لقي اتنين بيبصوا علي فتوون ولسه هيتعصب
فتون : امير تعالي حط معايا الحاجه في الشنط
امير حط الحاجه كلها وحطهم في العربيه وشد فتون من دراعها وقلها
امير : هاتيلك اي فستان بدل اليونيفورم الزفت اللي انتي لبساه ده
فتون : حصل ايه يا امير
امير : ماشيه لابسه ضيق وحاجه زفت انا مش ديوث عشان تمشي معايا بالمنظر ده انتي فاهمه 😡
فتون : فاهمه .. فاهمه يا امير بس اهدي ده لبس الشغل
امير : يبقي ادخلي هاتيلك فستان واسع
فتون دخلت هي وامير ودخلت عشان تقيس الفستان اللي اختارته وكل ما تختار فستان وتقيسه تطلع تخلي امير يشوفوا
فتون : ايه رايك
امير : ياريت حاجه اوسع من كده يافتون انتي ماشيه مع راجل
فتون : جابت فستان واسع جدا ولبسته
فتون : طيب ده
امير : هاتيه اطول شويه من كده رجليكي باينه
فتون بعدها اختارت فستان محتشم جدا وبكم وطويل وواسع ولبسته وقالتله
فتون : والله لو قولت حاجه علي ده هخربيتك
امير : لاء ده كويس هاتي اتنين واحد ليكي والتاني لصحبتك
وبعدها امير اخد فتون ومشيوا
ورجعوا لاميره وهما معاهم كل حاجه جابوها وابتدوا يحطوا الغدا واميره بصت كده علي سلسله فتون لاقيتها لسه في رقبتهاا وعرفت ان امير مش رضي يخليها تبيعها
وقتها اميره فرحت اوي ان امير مارضاش ان فتون تبيع السلسه وغمزت لفتون بعنيها 😉
فتون : لا مش اللي في دماغك يا اختي 😂
اميره : وانتي عرفتي اللي في دماغي منين بكره تعرفي ان اللي في دماغي هيبقي هو الصح وبكره تقولي اميره قالت
امير بعدها قال
امير : انتوا مش جاعنين
فتون : انا هموت من الجوع
اميره : وانا كمان
امير : طيب يلا نحضر الاكل
امير كان نضيف فوق الوصف بيغسل الحاجه مره واتنين وعشره قبل ما يعملها تقريبا خلص ربع الازايز المايه اللي اشتروها علي غسيل الاكل بس وابتدي امير يدور علي طرابيزه بس مكانش فيه
فتون : حطت الاكل في الارض
امير شاف كده قال : انا مابعرفش اقعد علي الارض خالص
فتون : شدته بالعافيه وقعدته وبقت تربعله رجله عشان يعرف يقعد وياكل زيهم وهي بتربعله رجله امير قلها
امير : انتي بتعملي ايه ؟
بقلمي مآآهي آآحمد
فتون : ايه بربعلك رجلك
امير : مش هتعرفي
فتون : لاء هعرف
امير : قولتلك مش هتعرفي سيبي رجلي يافتون
فتون : لاء هعرف يا امير سيبني احاول
امير : مابحبش اكرر كلامي مرتين ابعدي يافتون
ومره واحده امير وقع من جيبه شريط برشام فتون مسكته وبتبص ومابقيتش مصدقه
فتون : اي ده ترمادوول ( نوع من انواع المخدرات ) 😳😳
لاف وعشر كومنتات عشان خاطرى بيفدوني جدا والله
انا طولت البارت علي قد ما اقدر اتمني يعجبكم
#مآآهي_آآحمد
 بيبص لقي.. اميره بترجع دم من بوقها في العربيه في الكنبه اللي ورا امير : يادي النيله العربيه اتوس…){kind=link}
تعليقات
إرسال تعليق