 |
#احببت_مصارع
البارت الخامس والسادس
وفعلا نور جريت علي اوضتها بس فاجأه سمعوا صوت صريخ جامد فكلهم جريوا علي أوضة البنات
بس مفاااجاه
هنا واقفة علي الكرسي ونور كمان جمبهااا
فهد بخضة : ايه ده في ايه
هنا بعياط: فار هاااا
ابراهيم: طب اهدوا طيب يا بنات تعالوا احسن تقعوا
نور بخوف :انا مش خايفة علفكرة دي هنااا
عمر :احنا هنمثل ما انتي عندك فوبيا منهم تعالي هاتي ايديك وانزلوا يلااااا
نور: انت عبيط انا مش بخاف منهم وفعلا قاومت خوفها ونزلت من علي الكرسي وراحت لباباها
هنا بعياط: انا مستحيل انام في الاوضة غير لما يمووت
عادل اخدها في حضنه :تعالي طيب بس
ادهم بحنية : خلاص بطلي عياط ولله ليموت يا ستي النهاردة
يوسف: اه يا هنا ولله ليموت يا ستي بس بطلي عيااط ادهم روح البلكونة وفهد اوضتنا وعمر اوضته علشان نعرف نتمكن منه وانا ونور هنا في الاوضة وعمو واونكل في الصالة علشان لو حصل حاجة وخرج من هنااا
نور بتوتر :لا طبعا
يوسف ببرود :انا اسف معرفش انك بتخافي لو خايفة زي هنا خلاص استني لما نموته
نور بحدة :قولتلك مبخفش
ابراهيم: طب يلا احسن يستخبي ومنعرفش نلاقيه
يوسف بستفزاز :ازاي لو هرب من كله مش هيهرب من نور
هنا :لا بس نور ...
نور بعند : وانا موافقة يلااااا
وفعلا كل واحد راح أوضة ويوسف ونور مع بعض وإبراهيم وعادل كانوا عارفين أن دي رخامة بس واثقين أن يوسف هيعلمها الادب
يوسف عمال يشيل في كل حتة في الاوضة وحاسس بتوتر نور ونفسهاااا : ايه خايفة
نور بتوتر ...لا ..لا
يوسف ضحك :واضح اوي ..اهوو
نور: اعاااااااا وفعلا يوسف موته واتفاجاه لما لقه نور مسكت في ضهره وبتنهج جامد
يوسف: مات اهوو بصي
نور خافت خبت وشها في كتف يوسف : شكله بشع بشع بجد
يوسف: اومال عاملة فيها عبدو موته ليه طلاما بتخافي
نور بهدوء عكس العادة :مش بخاف عندي فوبيا غصب عني
وبعدها كلهم دخلوا ونضفوا مكان الفار واتعشوا وناامووو بس هناك عيووون لا تستطيع النوم !😂
_______________________&&
فهد معرفش ينام فخرج من الوصول البلكونة
فهد: الوو نمتي
البنت لاا صاحية
وفاجاه جيه يوسف
يوسف : فهد ..انت صاحي
فهد بصوت واطي :طب سلام بأي
يوسف :مالك كنت بتكلم مين
فهد :ولا حد
يوسف غمزله: ده جو يلاا
فهد :لا يا يوسف مخك راح لبعيد اوي
يوسف :مالك يا فهد مضايق ليه كدة من ساعة ماجينا
فهد: ده حقيقي مضايق ..اه مضايق
يوسف: طب من ايه يا بني اتكلم... انا سامع
فهد بحدة : من ابويا الي بيعتبرني لحد دلوقتي عيل ومش مقنع اني كبرت بقي من حقي أخطط حياتي زي ما احب
يوسف : ياااه ده الي مضايقك طب ما كلنا جينا معاك مش لوحدك يعني
فهد : عارف يا يوسف لو كان جايبني هنا فعلا علشان يعرفني علي نور أو حتي اشوفها تنفعني ولا لاء ...كنت هقول بيحبني وخائف عليااا لكن يلعب بيا ويفهمني أنه جايبني هنا ليااا ويطلع كان عاملني طعم ليك لاااااا.. انا مش اقل منك علشان يعملك انت اعتبار وانا لااااء ....انا هرجع مصر بكرة
وسأبه ودخل اوضته
يوسف في سره: ياه يا فهد طلعت مضايق مني انااا وبصراحة ليك حق ..ربنا يسامحك يا عمي هتكون السبب في عداوتنا بس لا انا مش هسمح بكدة
احم احم
يوسف: هنا ايه صاحية يعني
هنا: انا اسفة لو ضايقتك بس كنت عايزة اطلب منك طلب ممكن
يوسف :اه طبعا اومري
هنا : ممكن لما تروح بكرة مع نور تخد بالك احسن ولد يضربها أو يعمل اي حاجة..انا مش عارفة ليه قولتلك كدة ..بس هو هيخاف منك علشان انا عرفت انك ظابط .علفكرة نور متعرفش
يوسف' اممم طب هو ممكن يعمل كدة ليه
هنا بتوتر :اصل ...اصل
يوسف: قولي يا هنا سرك في بير
هنا: بصراحة كدة نور ضربته قدام النادي كله ورفعوا قضية ونور كانت هتتحبس فيها وحوار كبير اووي
وكان شرطه أنه يضرب نور في النادي علشان شكله
يوسف بغل: طب وتروح ليه بقي هناك
هنا :علشان المسابقة والتدريب
يوسف :غبية اوي اختك دي
هنا: بصراحة انا قولت اقولك خوفت عليها وعلي عمر
حتي شمس صاحبتها مختفية معرفش ليه
يوسف: متخفيش يا هنا طول ما انا موجود
هنا بابتسامة رقيقة: طب تصبح علي خير
_______________________________
تاني يوم الصبح
في اوضه الشباب فهد ويوسف في اوضه
وابراهيم و ادهم في اوضه
فهد :صباح الخير
يوسف وهو علي السرير :صباح الفل...مبوز ليه
فهد ضحك :انا اسف يا يوسف
يوسف ا:سف انا مش سامع ولا فاكر حاجة شكلك كنت مضايق بس وقولت كلمتين عباط عادي بتحصل يا شبح
فهد: بصراحة اه مضايق ومخنوق وعايز اكل البت الي برا دي
يوسف: لا دي سبهالي بقي ده انا هربيهااااااا
فهد :ياريت بقي ...بس في حاجة اهم بصراحة
يوسف: ايه في ايه قوووول
فهد :لا مش دلوقتي يلا قوم اجهز يلا قوووم
وفعلا خرج فهد بعد ما جهز بس بقه نور علي آخرها
نور بعصبية :انت يا ابني فين الزفت الي معاك انا ورايا تدريب
فهد ............
نور بعصبية أكبر: هو انا مش بكلمك.
فهد بحدة :وانا ليا اسم لو ندهتي بيه هرد غير كدة ولا هعبرك
نور :انت بارد .....
عادل جيه وشافها نووور: ازاي تقولي كدة
نور :يا بابا غلط فيااا
فهد :انت كمان كدابة ده انا قاعد لقيتها جاية تقول شكل للبيع
عادل :اعتذري يا نور
نور: بابا انا....
عادل بحدة :بسرعة
نوربغصب وكسرة :انا اسفة
خرج يوسف من اوضه وهو عارف أنه ماخرهاا
يوسف ببرود :صباح الفل يا جماعة
نور بحدة:. يلا معندناش وقت يلااا
يوسف: بس انا متعودتش انزل منغير فطار
نور بعصبية: انا هعزمك في النادي يلا بقي
يوسف: طب فين عمر
نور: لا هيجي ورانا يلااااا يا يوسف بلييز
يوسف بفرحة :يلاا بينا
فهد:: وانا كمان نازل سلااام
________________________________&&
في بيت فهد فضل يخبط لحد ما البنت امبارح فتحتله
فهد: ايه نايمة
البنت :لا صاحية .عايز ايه
فهد بضحك :انت خايفة مني ولا ايه ..انا جايبلك اكل وماية
البنت: طب ادخل بس سيب الباب مفتوح
فهد :ماشي يا ستي حاضر
وفعلا دخل
فهد :انا جايبلك حمام ومحشي ومدلعك
البنت :انا مش جعانة خالص ..
فهد بضحك: لا مهو واضح فعلا...بقول ايه انت عرفتي اسمي ..انت بقي اسمك ايه
البنت بتوتر :اسمي ....
فهد بضحك: ايه نسيتي اسمك ولا ايه
البنت خافت تقول اسمها : اسمي ....ج..جميلة
فهد: لا ولله فعلا اسم علي مسمي يا جميلة
البنت :شكرا ممكن بقي تمشي ..
فهد :اوبا انا بطرد عادي... خالص اممم ماشي يا جميلة
بس هبقي اجي تاني اطمن عليكي اوعي تفتحي لحد أو تنزلي من هنا ولو عوزتي اي حاجة كلميني
البنت: حاضر....وفعلا مشي فهد وهو حاسس أنه سايب قلبه فووق وحاسس بحاجة غريبة بس بيقول لنفسه أنها بس صعبانة عليه مش اكتر
________________________________
في النادي
يوسف: ادينا وصلنا قبل الميعاد اهدي بقي
نور اصلك مش عارف المدرب بتاعي صعب ....
وفااااجاه 😳😳😲
#احببت_مصارع
(6)
نور :اصلك مش فاهم المدرب بتاعي صعب ازااي
يوسف: اكيد مافي ناس محتاجة تربية
نور بحدة :تقصد ايه تقصد أن انا قليلة الادب ومش متربية
يوسف ببرود :أو يمكن اقصد أن اهلك ربوكي بس انت مطمرش فيكي التربية
نور: بقي انا مطمرش فيا يا بواقي رجالة جمعوها وبقت راجل يا بارد
يوسف مسك ايديها: برضووو انت مش بتحرمي يا بت هضربك ولله
نور :اوعي ايديك دي بدل ما ازعلك عليها وسابته ومشيت شوية بس حصلت مشكلة ....نور خبطت في واحد
نور بعصبية: مش تح...... انت
سامر: ايه الي جابك النادي تاني مش ابويا حظرك انك لو جيتي هنا تاني هقطع رجلك يا حلوة
نور: بقولك ايه احترم نفسك واظبط كدة بدل ماتزعل تاني
سامر بعصبية ؛مين ده الي يزعل ولسه هيرفع أيده
بس حد مسك أيده ..
سامر بعصبية :اوعي كدة ... انت مين
يوسف: انت الي مين وازاي تتجرأ وترفع ايديك وتفكر انك تمد ايديك عليهااا
سامر :مالكش فيه ..برا عنك واتفضل بقي من هناا ..ده حساب بنصفيه
يوسف: نور تعالي هنااا
وفعلا نور سمعت كلامه وراحت جمبه.. يوسف كان من جواه مندهش من طاعتها افتكر انها ممكن ترفض علشان تضايقه
يوسف: بص بقي البنت دي ملكش دعوة بيها نهائي فاهم ولا لااااء
سامر بيبص لنور بتحدي :ايه يا نور للدرجة دي خايفة مني فرايحة تجيبي بودي جارد
يوسف :انا مش بودي زفت انا الرائد يوسف المنشاوي
نور وسامر 😲😳😳
سامر :انت ظابط ...وانا ايه ياكدلي
يوسف طلع البطاقة بتاعته وورهالووووو
هاااا اتاكدت يا استاذ اتفضل بقي امشي من هناا ويكون في علمك نور هتيجي هنا النادي براحتها ومش انت الي هتمنعهااا
سامر بعصبية :لاااا ده كان شرط علشان أتنازل ومحبسهاااش انها متجيش النادي تاني
يوسف؛ لا وانا بقولك اهووو المحضر بله واشرب مايته انت مش صاحب النادي يلااا ..نور تيجي براحتهااا وإحسنلك ابعد عن الشر يا ابني ..يلا يا نوور ومسك ايديها ومشي ودخلوا التدريب ونور جواها مليون سؤال وسؤال
_____________________________
في بلكونة
ادهم :ههههه طلع دمك خفيف اوي يا هنا مش شبه اختك خالص
هنا :ولله ابدا دي نور عسسل
ادهم لاحظ أن عمر مارحش النادي وقاعد سرحان
مع نفسه ومع موبيله؛ هو مالوا عمر مش مظبوط كدة
هنا ؛بيحب يا سيدي
ادهم اول ماسمع الكلمة دي حس أن قلبه دق: وبرضوا ايه الي مخليه مسهم كدة
هنا :بص معرفش بس هو مش عارف هي بتحبه ولا لاء
ادهم :وده كلام ازاي يعني. ..تعالي نروح نشوفه
هنا ؛اوك يلااااا
ادهم: عموري مالك يا عم مضايق ليه كدة
عمر :لا ابدا مافيش حاجة
ادهم :يا ولد كلام يعني قديم اوي من ايام الابيض واسود ..اخلص مالك
عمر: مضايق ومش عارف احكي يا ادهم ولله بعد اذنكوا
هنا: مش قولتلك
ادهم :اممم طب تعالي يا صغير انت واحكيلي ايه الموضوع من أوله وآخره
هنا: اولا انا مش صغير ماشي
ادهم :هههه ماشي يا اوزعة حلو كدة
هنا؛ افففف انا ماشية
ادهم مسكها من ايديها :خلاص بقي حقك عليا يا قمر انت احكي بقي
هنا :كداب بس قشطة اسمع يا سيدي
عمر اتعرف علي بنت في الجامعة الي هي اسمها فريدة ومعاه في نفس السنة بس بقي أعجب بيها اووي وهو كان فاكر انها كمان معجبة بيه لحد امبارح
ادهم: ايه الي حصل امبارح
هنا بغضب طفالي: مش انا بحكي بتقاطعني ليه اصبر
ادهم: امم اسف يا فندم اتفضلي
هنا: الي حصل أنه شافها في الجامعة من كام يوم مع شاب ولما سألها قالت زميل وامبارح لقاها منزله صور معاه معني كدة انها معاه فهمت بقي علشان كدة هو مكتئب وخصوصا أنه كان واثق انها بتحبه
ادهم: طب هو معلش اي حاجة تضايقها منه مثلا
هنا :لا طبعا معرفش .. أصله كاتوم
ادهم بضحك : بقي كل ده وكتوم
هنا: ايه ده انت فاكر أن هو حكالي كل ده لا طبعا انا بتصنت
ادهم :اه. ..ايه بتتصنتي مش كبرتي يا ماما
هنا :ملكش دعوة بيا يا عم وبعدين طز فيك أنا رايحة اساعد ماما ومشيت
ادهم سرح: عسسل ...احم اجمد كدة يا ادهم دي صغيرة أولي عليك يا بشمهندس دي ١٩ سنة وأنا ٢٨ الفرق كبير اووي فووق كدة اما اروح لعمر
________________________&&
طق طق
عمر بخنقة: ادخل
ادهم :طب ما انا كدة كدة هدخل .ولا عندك اعتراض مثلاااا
عمر ابتسم. اتفضل يا ادهم
ادهم :ماشي يا عم ..مالك بقي ..بص بصراحة أنا عرفت تقريبا ٩٠ في المية من الموضوع من التسجيل المتنقل الي عايش معاكوا
عمر ضحك؛ هنا بجد فظيعة
ادهم بضحك مع فرحة من قلبه مش فاهم ايه سببهاا: اووي المهم مالك بقي يا عم أو يعني نلخص المسافات .. لما شوفت الصورة بعتلهااا
عمر بوجع: كنت هبعت بس ..مقدرتش يا ادهم
ادهم: حلو اوي ..انت متاكد انك بتحبها يا عمر
عمر: اوي يا ادهم اووي ..انا لسه متخرجتش اه بس انا مش قادر استني لحد متخرج اصلا
ادهم: طب ركز معايا في كام حاجة هنعملها بقي علشان نعرف هي فعلا بتحبك ولا لااااء
عمر: ايه يا ادهم قول
ادهم :اولا تتعامل بتجاهل خالص .. والصورة اعمل نفسك مشفتهاش ولا اقولك اعملها لايك عليها
عمر: انت بتقول ايه بس يا عمر كدة هتروحله
ادهم: افهم يا عمر لو بتحبك مستحيل تسيبك وهي لو عاملة الموضوع ده حجة علشان تخليك تغير هيبان لكن لو لا فعلا. وهي بتحبه تبقي ماهنتش نفسك يا عمر
(تفتكروا كلامه صح ولا غلط 😉)
عمر :ماشي يا ادهم ..بس
ادهم: ايه خايف احسن ماتهتمش
عمر بوجع : اه خايف اكون كنت عايش في الوهم لوحدي
ادهم :لو ليك نصيب هتكون ليك يا عمر وانا معاك ولله
عمر بفرحة: كان نفسي يكون ليا اخ
ادهم: وانا كمااان اووي
عمر: ازاي بقي علي الاقل يوسف وفهد اخواتك
ادهم :يسلام لو يزيدوا واحد وتبقي معاهم
عمر قام حضن ادهم
ادهم :من هنا ورايح انا اخوك الكبير سامع
الباب خبط 👊👊👊
ادهم: ادخل ..
فهد: ايه اتاخرتوا بقالي شوية مستنيكوا برااا
عمر :ومدخلتش ليه تعالي ...
ادهم :يجي فين انا زهقان اوي ماتيجوا نخرج نتفسح برااا كدة ونروش
عمر: ياريت ولله بس يوسف ونور
فهد: انت سبتهم لوحدهم ..تلاقيهم ولعوا في بعض
ادهم: بالعكس بقي اقولكم حاجة بس منغير زعل
انا بحس أن يوسف هو الي بيعرف يشكمها كدة
عمر :عندك حق المهم يلا انا هغير وتنزل نتمشي شوية
_______________________________$$
في النادي ..
المدرب: وحش اوي يا نور ...ايه الي حصلك هااا جاية في الاواخر تخيبي ...ازاي يعني
نور :انا اسفة اوي يا كابتن
المدرب: لا يا نور انت مكنتيش كدة وبقالك يومين مش بتيجي التمرين ليه
نور :اسفة يا كابتن
المدرب: روحي دلوقتي يا نور بس اعملي حسابك لو فضلتي علي الطريقة دي انا هضطر اشيلك من التشكيل
نور بوجع وحزن :اوكي بعد اذنك ..وراحت غيرت هدومها وللاسف يوسف كان بيتدرب بعيد عنها بس سامع كل حاجة وشايف كمان وكانت صعبانة اوي عليه ونفسه ياخدها في حضنه
نور بعد ما غيرت :انا خلصت يلا نمشي
يوسف يلااااا ...احم نور
نور بوجع :نعم
يوسف :هو خايف عليكي. متزعليش
نور :وانا من أمتي حد بيخاف علياا.. يلا نروح
يوسف برخامة :بس انا ماليش مزاج ..انا حر
نور بتبصله بدهشة: بس انا عايزة اروح ..لو سمحت
يوسف :لاااا مش قبل مانروح مكان هيعجبك اوي
دائما بروحه لما بجي هنااا...مش انا اسكندراني
نور: بجد
يوسف: يلا بينا ..
وفعلا وداها مكان زي الجيم بس في شقة
نوره: بيتك
يوسف: اممم ولعلمك انت الوحيدة الي تعرفيه
نور :واشمعنا بقي
يوسف :اشمعنا.....علشان انت شبهي اوي يا نور اوووي وكنت عايز اساعدك
نور بصدمة :تساعدني ليه ومن ايه اصلااا
يوسف غير كلامه: اقصد اساعدك تنجحي وتدخلي تلعبي ده أقصده
نور بتحدي: لاااا انت متقصدش كدة ..انت مين هاه مين وعايز مني ايه ...انت فعلا ضابط طب ازاي وجاي عندنا ليه
يوسف :نور انااا ...
نوربعياط: انت... السبب في الي ...انا ...وصلتله
وسابته وطلعت تجري
يوسف واقف مصدوم وحاول يلحقهااا بس معرفش
يوسف في سره: انا السبب في ايه ... ليه يا نور
استوووب ياترااااا ليه يوسف السبب !!؟؟
تعليقات
إرسال تعليق