 |
قصة أحببت اخى حب جنوني
البارت الثامن والتاسع والعاشر
.......
وقفنا لما مى كانت صوتها مرتفع هى وأسر وكانت هتقول ليه حاجه بس قاطعهم دخول مصطفى
مصطفى: ايه يا ولاد صوتكم عالى اوى كده ليه
اسر: مش عارف يابابا هى كانت عايزه تقول حاجه
مصطفى: حاجه زى إيه
أسر: مش عارف
مصطفى: في ايه يا مى هتقولى لأسر على ايه
مى: مفيش يا بابا
مصطفى: طب يلا ارتاحى وانا تعالى معايا خالك احمد جاى عشان يشوف مى
أسر: خالى احمد هو بلده قريبه من هنا
مصطفى: هو من مدينة****
اسر: على ما اعتقد ان دى بعيده اوى
مصطفى: وأبعد كمان
مى اول ماسمعت الكلام ده بدءت دموعها تنزل
مصطفى حس أن هى عرفت حاجه
اول مابتسمع الاسم ده بترتبك ودموعها بتنزل
وأسر كمان لاحظ كده
أسر: هو خالو هييجى امتى
مصطفى: النهارده قرب يوصل
أسر: ييجى بالسلامه هييجى هو وطنط
مصطفى: لا هييجى هو وخالك فؤاد
أسر: هى ماما عندها اخوات اسمهم فؤاد
مصطفى: اخواتها اسمهم احمد ومحمد وفؤاد وشريف
أسر: ماشاء الله
#بقلم_أيات_عبدالرحمن
روايات كامله 😍💙
ولاء: حمد الله على السلامه نورتونا
احمد وفؤاد :دا نورك
طبعا فضلوا يتكلموا ويضحكوا ويهزروا
ومى مرعوبه جوا
جه الليل والكل قاعد ومى وأسر كمان
بيسمعوا التليفزيون مسلسل غريب اوي
الاخ اتجوز أخته ومايعرفش أن هى أخته ولا هى تعرف
ندى: هو ممكن اتنين اخوات يحبوا بعض ويتجوزوا
احمد: لا ماينفعش يتجوزوا
ندى: ليه
أحمد: لأنها من محارمه متحرمه عليه
ألاء: طب ما دا اتجوز اخته
احمد: بس هما ماكانوش يعرفوا أنهم اخوات ولما عرفوا اتطلقوا
ندى: هو ممكن اتنين اخوات يحبوا بعض
أحمد: هو حصل فعلا وفى اتنين إخوات حبوا بعض بس ماكانوش يعرفوا لانهم مش متربيين مع بعض
ألاء: واتجوزوا
احمد: لا
ندى: اومال ايه اللي حصل يعنى
احمد: بصى يا قمر انتى وهى الولد والبنت دول ولاد خالك محمد
خالك اتجوز واحده وفضل معاها كام سنه لكن ربنا ما ارادش يكون عندهم اولاد
اتجوز واحده تانيه والحمد لله ربنا أكرمه بعدها مراته الاولى هى كمان ربنا اكرمها بولد
اصبحت الاولى معاها ولد والتانيه معاها بنت
فحصلت مشكله بينهم فخالك طلق ام الولد ومبقاش بيسأل فيهم وحتى ماعرفش البنت أن هى عندها اخوات
الولاد كبروا واتعرفوا على بعض وحبوا بعض لكن مايعرفوش أنهم اخوات
فقرروا أنهم يتجوزوا فطبعا لازم اهلهم يعرفوا
البنت راحت وقالت لوالدها أن في واحد عايز يخطبها وبيحبها وهى بتحبه
ولما سألها هو مين وقالت ليه اسمه عرف أن هو اخوها
البنت في خلال يومين اتجوزت عن طريق صفقة شغل والولد بعدها بكم شهر اتجوز
البنت فضلت مع جوزها سنتين واتطلقت ومفيش معاها اولاد والولد فضل مع مراته ٦ شهور وبعد كده طلقها وبعدين الولد كان بيشتغل في شركه كبيره عشان يصرف على أخته وكان صاحب الشركه عامل حفله كبيره جدا ومدعوا فيها كل اللى بيشتغل في الشركة هو راح وعرف أن هى أخته وصاحب الشركة والده
استقال من شغله مع أنه كان ممتاز جدا فيه واشتغل في مكان تانى
وقطع علاقته بيها لأنها من محارمه وماينفعش يتجوزها
ألاء: وهما دلوقتي اتجوزوا ولا لا
أحمد: البنت لسه والولد رجع لمراته
ندى: قصتهم جميله اوي
(انا كنت هكتب القصه دى بكل تفاصيلها الدقيقة واحداثها بس في ناس قالت انى بحرض على زنا المحارم) فجبتها ليهم من الاخر هنا
نكمل
#البارت_التاسع
مر اليوم ده باحداثه وتانى يوم
ولاء: مالك يا أسر فى ايه
أسر: مفيش يا ماما اتنقلت من الشغل
ولاء: ليه عملت حاجه
أسر: أبدا
مصطفى: اتنقلت فين
أسر: في مدينة****
تقريبا كده مدينة خالو احمد
مى: يعنى خلاص هتمشي
أسر لف وشه وبيكلم والده
مصطفى: هتبدء شغلك في المدينة امتى
أسر: كمان اسبوعين
احمد: انت زعلان عشان هتتنقل عندنا
اسر: لا عادي بس كل اللي عايز أعرفه مين اللي أصر على نقلى ده
مصطفى: مين هو
أسر: بيقولوا واسطه من رجل اعمال كبير
مش عارف هو مين
احمد: ودا يزعلك أن انت تتنقل هناك
اسر: لا والله هو بس اللى مزعلنى أن المدينة مش هيكون فيها مجرمين وقطاعين طرق وكده لكن هنا كل يوم اقبض على حد انا بحب المغامرات اوى
احمد: هههههههه هناك مغامرات مختلفة هتعحبك جدا
أسر: طب مستنيين ايه يلا
أحمد: هههههههه ماتقلقش بكره تتنقل وتشوف كل حاجه بعينك
مى كانت بتبص شويه لأسر اللى هيبعد عنها كمان اسبوعين
وبتبص لاحمد اللى مركز في نظراتها اللى كلها خوف منه
فاتن: ايوه يا يويو عامله ايه
مى: تعبانه اوي يافاتن اسر هيسافر ويبعد عنى
فاتن: هيروح فين
مى: هيسافر في مدينة***
فاتن: دى قريبه جدا من الكلية بتاعتنا
مى: محتاجه اشوفك وأتكلم معاكى
فاتن: اؤمورى يا قلبى تحبى اجيلك ولا انتى تيجى
مى: لا انا اللى هاجى
اسر: في ايه يا ماما شكلك متغير ليه
ولاء وغلبتها دموعها: مفيش انا زعلانه عشان هتبعدوا عنى انت ومى
أسر: هنعمل ايه بس يا ماما مى عشان جامعتها وانا عشان شغلى ادعيلنا كده
ولاء: بدعيلكوا والله
أسر: بس بس بلاش زعل بقى أنا كده هعيط انا كمان
ولاء: لا بلاش دموعك عشان غاليه اوى عليا
أسر: ربنا يخليكي ليا يا امي يا ملاكي الغاليه
مصطفى: اممم كل ده لامك طب وانا
أسر: شوفتى الراجل الحقود بيحقد على حبنا ازاى
مصطفى: انا حقود ياواطى
اسر: لا بجد انت كل حاجه انا عمرى ماحبيت ولا احترمت حد زيك انت مثلى الاعلى وقدوتى وسندى عارف لو خيرونى بين عمرى وبينك هختارك انت
مصطفى وعيونه بقت على وشك البكاء: انا مش عارف هعمل ايه لما تروح شغلك وتسيب البيت مش متخيل البيت من غيرك انت ومى وضحككوا واكلكوا الاندومي بطريقة مقرفه
لعبكم وهزاركم كل ده هيوحشنى اوى
أسر: ماتقلقش والله هكلمك على طول ومش هتأخر في الاجازات
مصطفى: بتمنى كده
اسر:اسيبكم بقى عشان هخرج مع صحابي بااااااااى
مصطفى: ماتتأخرش
اسر: نصايه كده
مصطفى: مالك يا ولاء في ايه
ولاء ببكاء: أحمد عايز أمانته اللى عندنا
مصطفى بزعل قوى: ايه
ايه هى الامانه دى اللى محيرانا معاها
دى
ياترى القصه اللى دخلت في النص دى عجبتكم ولا لا رأيكم وتوقعاتكم وردكم اكتبوا في التعليقات
وبلاش تقولوا البارت قصير انا بكتب فيه من المغرب والتمسوا العزر في عندى بيبى صغير محتاج رعاية لما بينام ببدء في الكتابة مستنيه رأيكم بقى
قصة أحببت اخى حب جنوني
البارت العاشر
...... .
ولاء: أحمد عايز أمانته اللى عندنا
مصطفى: ايه
ولاء: ايوه خايفه اوي يا مصطفى ومش عارفه هعمل ايه
مصطفى حط رأسه بين أيديه : خلاص كده خايف من المواجهة اوى وخايف كمان على مى مش مستحمله صدمه جديده وخصوصاً أن هى من كم يوم قاطعت شرايين ايديها
ولاء: ربنا يستر
مصطفى: انا هحاول اتكلم مع أحمد واخليه يسيبنا فتره لحد مى ماتتعافى
ولاء: ايوه والنبى يا مصطفى
#بقلم_أيات_عبدالرحمن
روايات كامله 😍💙
ولاء: عملت ايه
مصطفى: خلاص كل حاجه اتحلت
ولاء: ازاي يعني
مصطفى: لحد مى ما تتعافى وبعد كده الحقيقة هتظهر
فاتن: ازيك يا أستاذ أسر
اسر: ازيك انتى ياأنسه فاتن عامله ايه
فاتن: الحمد لله
أسر: اسف على ازعاجك
فاتن: لا ولا يهمك
اسر: عارف ان انتى ومى اصدقاء حقيقيين ومى بتثق فيكى اكتر من نفسها عشان كده عايزك تساعديني
فاتن: اممم اساعدك بإيه
أسر: تتجوزيني
فاتن: اتجوزك
اسر: لفتره مؤقته بس لحد مى ماتتجوز وبعد كده هنتطلق واوعدك طول فترة جوازنا مش هعمل اي حاجه تزعلك أو تضايقك
فاتن: ايوه بس مى صاحبة عمرى ومااقدرش اخونها
اسر: وعشان كده اخترتك انتى
فاتن: مى مجنونه ممكن تعمل في نفسها حاجه مى بتحبك اوي يا اسر
اسر: ماينفعش تحبنى انا وهى اخوات
ازاى تحب اخوها ساعديني واوعدك انى بعد ماتتجوز هكشف ليها الحقيقة وارجع ثقتها فيكى زى الاول وأكتر
فاتن: خايفه اوي
اسر: ماتقلقيش هى في الاول هتكون صعبه لكن بعد كده هتكون عادي خالص
فاتن: اتمنى هنبدء منين
اسر: بالخطوبه
فاتن: بليز يا اسر بلاش وممكن تتحل بحاجة تانيه
اسر: ملهاش حل غير ده قولتى ايه
فاتن: هساعدك بس عشان مى
اسر: ودا اللي انا عايزه مش اكتر
مصطفى: ايه يا أسر كنت فين
اسر: في مشوار مهم بابا انا كنت عايز اتكلم مع حضرتك في موضوع كده
مصطفى: اتفضل
اسر: انا عايز اخطب
مصطفى: عايز تخطب
مى: .......
أسر: ايوه
مصطفى: مين اللي عايز تخطبها
اسر: فاتن صاحبة مى
مى: ايه فاتن
اسر: ايوه واتفقنا ومش فاضل غير موافقة حضرتك
مى: انت كداب فاتن مستحيل تعمل كده
اسر: طاااااااخ على وش مى
ومسك ذراعها جامد: لما تتكلمى مع اخوكى الكبير تتكلمى بأدب
احمد: ايه اللي انت عملته ده بترفع ايدك على اختك ليه
اسر: عشان مش محترمه
احمد: بس دا مايديش ليك الحق ترفع ايدك عليها
اسر: ليه بقى
مصطفى: عشان انت دايما بتعاملها كويس ماينفعش تتغيروا مره واحده كده
مى:سيبه يا بابا
انا هقبل منه اى حاجه
ودخلت اوضتها عشان تكلم فاتن
فاتن تليفونها بيرن وهى دموعها بتنزل: سامحتينى يا مى كل ده عشان خايفه عليكى
ولاء: ايه يا مى رايحه فين
مى: خارجه
ولاء: الساعه دلوقتي ٩ مش هينفع تخرجى
مى: لا يا ماما محتاجه اخرج
اسر: هى مش قالت الساعه ٩ وماينفعش تخرجى
مى: يهمك في ايه اخرج دلوقتي ولا لا انت مش عملت اللي انت عايزه وفرقتنى عن صحابي خلاص عايز ايه تاني
اسر: عايزك تدخلى اوضتك وماسمعش صوتك تانى
مى: وانا هخرج يااسر
أسر: قولت ادخلى اوضتك
مى: مش هدخل يا أسر
اسر مسك ايديها ودخلها اوضتها غصب وقفل الباب
احمد: انت بتعمل كده ليه معاها
اسر: معلش يا خالو انا تعبان دلوقتي وعايز ارتاح وبكره نتكم
ندى: هى مى مالها هى وأسر مش طايقين بعض ليه
مصطفى: ندى اسكتى
ألاء: تعرف ياخالو أن اسر ومى فيهم شكل كبير جدا منك وگإنهم اولادك
دول حتى مش شكل بابا وماما
مصطفى: ألاء يلا على اوضتك منك ليها
مى واسر ملامحهم كلها لاحمد ياترى هما ولاده ولا ولاد مصطفى وولاء وافتراض غير متوقع لو طلعوا مش اخوات هيحبوا بعض ويتجوزوا ولا اسر هيتجوز فاتن ولا هيتجوز بنت غيرهم هما الاتنين
انا كتبت على قد ماقدرت وهسيبكم تتوقعوا وبلاش تعليقات سلبيه لانكم كده بتخلوا الكاتب يزهق فبيسرع في احداث القصه عشان يخلصها لكن التعليقات والردود والتوقعات دى بتشجعه اكتر أن هو يكتب القصه بكل التفاصيل اللى فيها
تمام
مستنيه تعليقاتكم و توقعاتكم وردكم اكتبوا رأيكم وانا همشى مع التوقعات الاكبر ولو فيه تفاعل كويس هنزل البارت الحادي عشر في معاد نزولها كل يوم ولو مفيش هكتب القصه الجديدة
تعليقات
إرسال تعليق