 |
فيروز لي Part 4 اميره حسن
الاسانسير أتقفل علينا وطلع بينا لفوق وانا واقفه قدامه وببصله بأستحقار وبقوله بزعيق : ايه البجاحة اللي انت فيها دي ،،ده بدل ما تشكرني اني مشتكتش عليك انت وشلتك الفاسده اللي زيك .
ضحك وبص قدامه باستهزاء وقالى: اشكرك هههه،، روحي العبي بعيد يا شاطره قال اشكرك قال.
واخيرا الاسانسير اتفتح وطلع منه بتكبر فاطلعت وراه بغيظ وقولتله: انت انسان مهزق اساسا وكلامك ميفرقش معايا.
فاوقف وبصلي و رفع حاجبه بغضب وقالي بتحذير: لمي لسانك احسنلك انتى لسه متعرفنيش .
قولتله بتحدي :ميشرفنيش اعرف اشكالك واللي عندك اعمله.
فجاه لقيته قرب مني ولف ايده حوالين وسطي ومسك راسى بقوه وطبع بوسه على شفايفي وفي نفس ذات الثانيه اللحظة زقيته بقوة وضربته كف على وشه، اثناء مكان بعض الناس واقفين يتفرجوا علينا،،، بصلي بغضب وقالى: هدفعك تمن الكف دة غالي اوى، وخذي بالك انا حطيتك في دماغي خلاص.
وقبل ما ارد لقيته بص على شفايفي ومشي من قدامي وانا واقفه مكاني مش قادره استوعب اللي حصل ومسحت شفايفي بيدي بقرف، وعيني مثبتها عليه وهو ماشي قدامي،، ولما اختفى بصيت حوليا وسمعت واحده من العملات بتقول: هو استاذ يوسف مبيزهقش من كثر البنات اللي حوليه.
ردت العامله الثانيه وقالتلها: امتى بقى يا اختي يتجوز ويبطل المشي البطال بتاعه ده.
بصتلهم بغضب وحسيت نفسي قليله قوي ورخيصه بعد الحركه اللي عملها معايا،، ومشيت بسرعه على اوضتى، واول مادخلت اترميت على السرير ولقيت نفسي بعيط ومسكت الفون واتصلت بمريم وحكتلها اللي حصل معايا وطول المكالمه مبطلتش عياط وبعدين سمعتها بتقولي: طيب اهدي مكنتيش وقفتي قصاده ولا اتكلمتى معاه من اصله.
قولتلها بدموع :وانا كنت اعرف يعني انه وقح للدرجه دي، وبعدين انا كنت مضايقه منهم من ساعه اخر موقف ودخلت المستشفى بسببهم انتى نسيتى ولا ايه!!
قالتلي: لا فاكره وخلاص بقا كفايه عياط واستهدي بالله دة موقف وعدى.
قولتلها بزعيق :والله انتى شايفه كده يعني،، بقولك حسيت نفسي رخيصه قوي وكذا حد شافني واكيد شافوني واحده من ضمن البنات اللي يعرفهم .
قالتلي :وانتى مالك بكلام الناس وبعدين ماانتى ضربتيه.
قولتلها وانا بمسح دموعي: لا انا بفكر اقول لفارس.
قالتلي :لا متفكريش تاني،، هو المصلح الاجتماعي بتاعك ولا ايه، وهيحللك ايه ولا ايه،، ومش بعيد ياخذ عنك فكره وحشه لانه لسه عارفك امبارح وميعرفش اخلاقك.
قولتلها بعياط: امال اعمل ايه يعني يا مريم اتعامل عادي كده وكأن مفيش حاجه حصلت، هو انتى حد قالك انى معنديش دم.
قالتلي: لا قالولي ان معندكيش عقل عشان لو بتفكري صح هتلاقي انك اخذتى حقك وضربتيه والموضوع خلص، والمفروض تكوني بتفكري في الاهم من كده فاأعقلى يا فيروز و كبري عقلك شويه.
لسه هرد عليها لقيت فارس بيتصل بيا فاقولتلها بلهفه: طب اقفلي اقفلي فارس بيرن.
قالتلي: اوعي تقوليله حاجه واتعملي عادي ماشي.
قولتلها بسرعه: ماشي ماشي.
قفلت معاها ورديت عليه: الو !!!
رد قالي: كنت لسه هقفل لما شوفتك Wetting فاقولت اسيبك براحتك .
قولتله: لا عادي دي مريم بتطمن عليا وعرفتها اني وصلت.
قالي: تمام انا قولت برده اشوفك طلعتى اوضتك ولا لسه.
قولتله: اه انا في الاوضه دلوقتى وحضرتك خلاص وصلت؟
قالي: بلاش حضرتك دي اتعودى تقولي فارس عشان متقعيش بلسانك قدام حد .
قولتله بحرج: اااا....ماشي... حاضر.
قالي: المهم انا وصلت وقولتلهم انك جيتي معايا وقالوالي اعزمك على العشاء النهارده ،،فارتاحي وعلي بالليل كده هاتصل بيكى تجهزي ماشي .
قولتله بتوتر: ان شاء الله.
وقفلت معاه وقومت وقفت قدام المرايه ببص لنفسي لقيتني افتكرت الشاب اللي قرب مني فاحطيت ايدي على شفايفي وفضلت امسح فيهم كأن عليهم ميكروب ونفخت بقوة ودخلت اخذ شاور وطلعت طلبت اكل وبعد شويه نمت.
صحيت على اتصال فارس بيا وقومت غيرت هدومي ولبست فستان simple وحطيت ميك اب خفيف برز جمال ملامحي وبصراحه بشهاده كل اللي حواليا ان شكل جميل و نظافه شخصيه ومنزليه ولبس شيك جوه وبره ووزني 60 وطولي 155 وعيوني رمادي فاتح من الاخر كده اخطف عقل اي حد يشوفنى وهذا من فضل ربى😍.
المهم بعد ما خلصت ونزلت لقيت فارس مستنيني وساند على عربيته واول ماشافني ابتسم وفضل عينه عليا لحد ماوصلت عنده وبصراحه نظراته احرجتني فابتسمت ونٓزلت عيني في الارض وسمعته بيقولي: طلع مش ضحكتك بس اللي حلوه ده انتى كلك على بعضك قمر.
بصتله بكسوف وقولت: شكرا على المجامله.
قالي بابتسامه: مجامله ايه انتز معندكمش مرايات في بيتكم ولا ايه!؟
قولتله بحرج: ممكن نمشي بقا وكفايه كلامك ده عشان بتكسف والله.
ضحك وقالي :طب اركبي ياقمر اركبى.
بصتله بغلظ طفولى وقولت: تؤ... وبعدين بقا.
ضحك اكثر وبعدين ركبنا العربيه.
وبعد شويه وصلنا على الشاليه ولما نزلت من العربيه بصيت عليه بانبهار وفعلا كان مكان راقي فاسمعت فارس بيقولي: جاهزه؟
هزيت راسي بنعم وتوتر فلقيته قرب ايده مني بمعنى حطى ايدك في ايدي، فابصت لأيده وبلعت ريقى بحرج ومسكت ايده بهدوء ومشيت معاه وانا حاسه ان احنا طالعين من فيلم وماشيين على السجاده الحمرة،، لحد ما دخلنا جوه ولقيت العيله متجمعين حوالين السفره في وسط الجنينه وكان شكلهم ولاد ناس قوي وكانوا بيبصلنا بابتسامه لحد ما قربنا ولقيت ست كبيره قامت من مكانها وقفت قدامي وبصتلى بتفحص وبعدين بصت لفارس وقالت: خير ما اخترت ياحبيبي ما شاء الله عليها زي القمر.
ابتسمتلها وقولت: شكرا ده من ذوقك.
لقيت فارس قال: حضرتها تبقى امي ياسمين اللي حكيتلك عنها يافيروز .
لقيتها قالت بمرح: قالك ايه عني بقا! طبعا قالك مطلعه عيني و عايزاني اتجوز صح؟
ضحكت وقولتلها: لا بالعكس قالي انك زي العسل وتتحبى بسرعه.
لقيت واحده من البنات اللي قاعدين قالت :طب ايه هتفضلو واقفين عندكم كده ومش هتعرفها على باقي العيله ولا ايه؟
فالقيته قالي: اهي دي بقى يا ستي نور اخر العنقود ام خلقك ضيق.
قالتله بمشاكسة: بقا كده يا فارس اصلا انت اخر واحد يتكلم عن الخلق،، احب اعرفك ان حبيبتك كلمه ونصف فالله يكون في عونك بجد.
ردت اخته الثانيه و قالت بمرح :فضحتونا قدام الاجانب ياجماعه عيب والله.
ضحكنا كلنا ولقيت والدته بتقولي :تعالى يا حبيبتي اقعدي نورتينا والله .
ابتسمت وقولتلها: المكان منور بصحابه.
واول ماقعدت معاهم لقيت نور بتقولى : كلك زوق بس شكلك خجوله ومش هتعمرى معانا.
لقيت والدتها بصتلها بتحذير وقالت: عيب يا بنتى مبتعرفيش تحطي لسانك جوه بُقك شويه.
لقيت فارس قال: سبيها يا ماما دى جاهله متعرفش ان الخجل ميزه من مميزات الجمال.
نور : بس هى مش ناقصة جمال هى ناقصه شويه فرفشه بس.
رد عليها: هو انا جايبها عشان تحكمى عليها دة انتى اللى ناقصك شويه عقل والله.
قطعتها قبل ما ترد عليه وقولت: خلاص يا جماعه انا بس عشان لسه ماأخدتش عليكم واول مره نشوف بعض انما هتزهقي مني بعدين.
ضحكت وقالتلي: انا بهزر معاكى اوعى تزعلى منى.
ابتسمتلها وقولت : بالعكس دة انتى سكر.
فارس: طيب هقطع العشق الممنوع بتاعكم ده عشان اعرفك على بقيه العيله .
ضحكت فالقيته بيشاورلي على اخته الثانيه وقالى: دي هدى اختي الكبيره و دول عيالها التوأم وده جوزها ابراهيم ودي بنت خالتي سلمى ودي بقى نور ام لسانين اختي الصغيره.
طلعتله لسانها فضحكت وقولتله: هو انتو على طول ناقر ونقير كده !؟
فاضحكو وردت ياسمين: انتى هتشوفي من ده كتير.
فالقيته سأل والدته وقال: امال فين جابر؟
ردت عليه : شويه وهتلاقيه جاي مع يوسف كانو بيخلصو شغل مهم.
رد ابراهيم جوز هدى وقال وهو بيبص بعيد: اهم جم اهم.
ردت نور بمرح: ياريتنا افتكرنا مليون جنيه.
وأول مابصيت عليهم وهما جايين حسيت كأن كيس ثلج وقع على راسي و طبعا ده مش عشان شوفت جابر جوز امي لانه 24 ساعه في وشي،، ده انا اتصدمت لما لقيت اللي اسمه يوسف ده هو نفس الشخص اللي كان بيضايقني وثبت عيني عليه ودقات قلبي بتزيد كل مابيقربوا عليا،، اما عن جوز امي فكان وشه ميتفسرش من كثر الالوان اللي احتلت وشه،، اما يوسف فابصلي باستغراب واول ماقربو عندنا اتكلم فارس وقال: حمد لله على السلامه فينك يا يوسف ده انا قولت انت اول واحد هتبقى موجود وشغل ايه ده اللي اهم مني.
يوسف ضحك وقاله: مفيش حاجه اهم منك يا ابن خالتى وبعدين انا متاخرتش ماتقولي حاجه يا خالتي.
ردت ياسمين :خلاص يا فارس عرفهم على عروستنا الحلوه الاول وبعدين اتعاتبو براحتكم.
فرد جابر بصدمه: عروستنا!!!! ....هي دي اللي فارس عايز تتجوزها ؟
فابصتله برافعه حاجب وابتسمتله باستهزاء وقولت: خير ياعمى مالك اتخضيت كده ؟هو انا مش قد المقام ولا ايه.
ردت ياسمين بحب :اخص عليكى متقوليش كده انتى بقيتي واحده مننا خلاص،، مالك يا جابر ساكت ليه ماترحب بعروستنا الحلوه!؟
مدلي ايده وثبت عينه في عيني وقالي بتحذير: اهلا وسهلا.... نورتى.
مسكت ايده وبصتله باستحقار وقولت: اهلا بحضرتك.
فاشد ايده من ايدي ونفخ بضيق فاسألوا فارس بخبث: مالك ياجوز امى في ايه ؟
ردت ياسمين بتحذير :احنا مش قولنا بلاش الاسم ده يافارس حتى قوله ياعمي عشان عيب ميصحش.
فارد جابر بتوتر: انا اتعودت خلاص يا ياسمين خليه يقول اللي يريحه،، وانا بخير يا ابني بس مرهق من الشغل .
رديت بسخرية وقولت: ابنك!!!
رد قالي بتوتر:ط... طبعا هو زي ابني،، ولا انتى عندك رأي ثاني؟
بصيت لفارس وبعدين بصتله وقولتله: لا ربنا ميفرقكم عن بعض ابدا ويفضل ابنك على طول.
سمعت يوسف بيقول وهو بيبصلى بتفحص : وهي العروسه اسمها ايه بقا؟
لقيتني رديت بتسرع وغضب: وانت مالك.
فالقيته بصلي بتفاجئ وحط ايده على شعره بيحاول يداري ضحكته المستفزه وفارس استغرقني وقالي:في ايه يا فيروز!؟
في حسيت بنفسي وقولت بلجلجه:ااااا.....ب.... بهزر اكيد بهزر مقصدش .
ضحك يوسف باستهزاء وقالي: هزارك موتني من الضحك يا عروسه.
لسه هارد عليه لقيت ياسمين بتقول :طب يلا احنا هنفضل واقفين ولا ايه خلينا نقعد نتعشى بقا.
لقيت يوسيف اتحرك وقعد جنبها وقال: اه والنبي يا خالتي احسن انا ميت من الجوع.
فاضغطت على شفايفي بغيظ وقعدت معاهم على السفرة وبعدين حصل..........
يتبع.
تفاعل وحش خالص ياجماعه بجد 20تعليق ولايك لتكمله روايه
رأيكم يهمنى❤️
البارت الخامس هيوصل للمتابعين المدونه فقط
االخامس فييين قصه ممته يا فيروز
ردحذففين بقية الرواية يا جميلة انتي متأخرة جداااااا
ردحذفقصه مشوقه جدا عايزين التكمله
ردحذفالقصه جميله جدا
ردحذفأحسنتي كملي
ردحذفمتتاخريش حرام متكمليش
ردحذفمتعينا بباقي الرواية
ردحذف؟؟؟؟؟
ردحذفكملي القصه جميله جدا
ردحذفممكن بقية فيروز لي
ردحذفممكن تكملي لو سمحتي فيروز لي
ردحذففين الجزء الخامس
ردحذفتم
ردحذفليه مش بتكملوا القصة كدا بتتنسى
ردحذفالبارت الخامس لو سمحتو
ردحذفأين باقي أجزاء الرواية من فضلك
ردحذفالباقي لوسمحتي
ردحذفالباقي فين كدا ممكن القصه تتنسي
ردحذفالباقي وين
ردحذففين باقي الأجزاء ليه التأخير ده انتي نسيتينا ولا ايه
ردحذفاين الجزء الخامس
ردحذفتم الرواية جميلة اوى
ردحذفالفصل الخامس لو سمحت
ردحذفالفصل الخامس
ردحذفالجزء الخامس
ردحذفأم ياسر جواد الرواية جميله جدا بالتوفيق والنجاح الدائم إنشاء الله فىن الجزء الخامس
ردحذفاين اجد باقي الاجزاء
ردحذف