مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#رواية_ثمن_عشقه_شرفي2

Part 🥀 3

وقف امام غرفة العمليات بلامبالاه ، اخذ يزفر بملل وهو ينظر الي ساعته 

اقترب ليث منه ليردف قائلا :

_ يابني خلي عندك دم شوية ، ده ال جوه دي مراتك

قاسم بعصبيه :

_يعني اعملها ايه يعني ، اقف اعيط ولا اصوت زي الستات مش فاهم 

نظر ليث اليه ببعض الذهول ليردف قائلا :

_هي مش فارقه معاك للدرجادي 

قاسم بضيق :

_لا مش فارقه ، وبعدين محدش قالها تعدي الطريق من غير ماتبص حواليها يعني 

ليث بغضب :

_ايه كمية اللامبالاه ال عندك دي اكن ال جوه دي معاشتش معاك 4سنين متحمله قرفك وقرف شغلك ووساختك ، دي مكأفاتها منك!!!

قاسم بغضب :

_ليييث اخرج بره الموضوع ده انا بقولك اهو ، والا 

قاطعه ليث بصياح :

_ولا ايه ، هتتتعمل ايه يعني 

قاسم ببرود :

_لو مخرجتش بره الموضوع ده انت لاصاحبي ولااعرفك

نظر ليث اليه بصدمه ليتراجع الي الخلف عدة خطوات واخذ يهز رأسه بالموافقه مردداً :

_تمام ، تمام 

انهي حديثه واسرع بالاتجاه الي خارج المستشفي 

بعد مرور بعض الوقت......

دلف الي داخل الغرفة بخطوات غاضبه مما حدث بينه وبين صديقه 

اغلق الباب بقوه لتنتفض تلك الغافيه واخذت تنظر اليه بخوف 

اقترب منها ليجذبها من خصلات شعرها مردداً بغل :

_بسبب واحده خسرت صاحب عمري ، وبسبب واحده خسرت قلبي وكرامتي واتجوزت عاهره بتبيع جسمها وتستغفل ال حبها ومش بس كده لا دي بكل بجاحه بتقول انه مش ذنبها 

حاولت دفع يده عدة مرات عن خصلاتها بعينان ممتلئة بالدموع ولم تنجح لتردف بآلم :

_ولو انا عاهره زي مابتقول مخليني علي ذمتك لحد دلوقتي ليه ها ،مطلقني وتسيبني في حالي يااخي ، ارحمني بقي

ليث بصياح مخيف :

_وانتي مرحمتيش قلبي لييييه وانتي بتخونيني ، مفكرتيش فيا ليييه وفي حبي ليكي 

شوق بآلم :

_انت محبتنيش ، انت لو حبتني كنت ادتني فرصه ادافع بيها عن نفسي ، ولو انا عاهره زي مابتقول يبقي انت زيي ماالطيور علي اشكالها تقع ااا

قاطعها صفعته القويه لها ، لتسقط اثر الصفعه....

رفعت وجهها لتنظر اليه بدموع ، ومن ثم اعتدلت واقفه ، ليلفت نظرها تلك الالة الحادة الموضوعه علي الطاوله الصغيرة بجوارها 

التقطتها لتشير بها في وجهه مردده بدموع :

_طلقنييي ، طلقني دلوقتي وسيبني في حالي ارجووك 

نظر الي ما تحمله بااستخفاف ليردف قائلا :

_اقتليني يلا اقتتتتليني ، بس هتقتلي انسان مرتين اززاي ها ازززاي!!

انهمرت دموعها بقلب متألم ، لتوجه تلك الالة نحوها بسرعة كبيرة وضعتها علي معصمها لتمررها عليه بقوه. يتبع ..... 

بقلمي #الكاتب_أيمن_ياسر 🥀♥

البارت الرابع بعد قليل