 |
#احببت_مصارع
(30)
نوربحدة : اظاهر اني نسيت اعرفك اني اختك الكبيرة
وفاجاه قلم جامد اوي نزل علي وش عمر
عمر بصدمة حط أيده مكان القلم :انت بتمدي ايديك عليا يا نور ...انت بتضربيني انا
منال اتوترت اوي ووقفت بينهم: بس لا عمر بس
مش عايزة اسمع صوت حد منكم كل واحد علي اوضته سامعين ..يلااااا
عمر بغل: اروح اوضتي واسيبها منغير ما ارب'يها علي ضربها ليا ليه عا'جز مش هقدر اخد حقي منها
نور: انا ضربتك علشان تعرف وتفهم أن رجولتك علي نفسك مش علي اختك ..انت اخويا وكمان اخويا الصغير يعني أنا الي كنت باكلك وبحميك ولما كنت بتنام كنت باخدك في حضني و لما كنت بتعوز فلوس بتيجي تاخد مني انا ..يعني في مقمام امك
فأول ما تشد نفسك وطولك كدة وتيجي تقف قدامي تعلي صوتك وترفع عينيك في عيني يبقي لازم ارجعك تاني وقت ما كنت طفل ...لآخر مرة هقولك يا عمر انت اخويا الصغير الي عمري حبيت اتعامل معاه بأنه صغير بس انت بتحط نفسك في المكانة دي .برغم أن انا حطاك في مكانة راجل ..
انا داخلة انام وكلامي مع بابا لما يرجع يا عمر ...
عمر كان واقف مصدوم ومتعصب اوي واتكلم: نور لعلمك القلم ده مش هسكت عليه ولازم تفهمي أن انا الراجل ومن حقي اعمل كدة وازعق وقت ما اشوف اختي بتعمل حاجة غلط .. سااامعة.
منال بعصبية: بس بقي اخرس خالص ..انا عمري ما ربيتك كدة واختك عندها حق و لما يجي ابوك هو الي هيتصرف معاك وفعلا يربيك بلا قلة ادب
عمر اضايق اوي ونزل من البيت .....
___________________________________&&
نور دخلت أوضاعا وكانت مضايقة اوي من كل حاجة حصلت ..مضايقة من تحكم وكلام اخوها وزعلانة انها فعلا ضر'بته ....وفتحته الباب خبط
نور بزعل: ادخل
هنا بكسوف: نور عايزة اتكلم معاكي شوية ممكن ولا هتنامي
نور بضحك: من ساعة ما فقدي الذاكرة وانت مؤدبة اوي زيادة عن اللزوم ...ادخلي يا هنا
خير يا حبيبتي عايزة مني اي بقي
هنا :عايزة اقولك علي حاجة حصلت النهاردة مع هيثم وبصراحة عايزة اسمع نصايحك ومحتاجة اخد اراء الناس كلها علشان اعرف اخد قرار بجد صح يا نور...
نور :اي الكلام الكبير الي اكبر من سني ده ما تقولي يا بنتي الموضوع علطووول اي حصل ..هو هيثم زعلك أو عملك حاجة مثلا
هنا: لا خالص بالعكس ده طيب جدا وذووق اوي بس طلع عنده ابن يا نور شوفتي الكارثة الي انا فيها انا مش عارفة افكر ولا حتي ارد ولا اخد قرار
نور :يا نهار اسود ومنيل ..متجوز وعنده ابن وجاي يتقدم ليه يا اختي ما يرجع لمراته احسن ما يفضل يتسرمح كدة ...انا مش فاهمة اي حصل الرجالة بجد النهاردة
هنا: لا يا بني مراته م'يتة من يوم ولادتها لابنه ..ابنه عنده سنة ومراته مي'تة من سنة ..هو كان عايز يتجوزني وابنه يعيش معانا ..
نور :يا حبيبي بصي هو الله يرحمها وكل حاجة بس انت ليه تربطني نفسك بواحد كان متجوز وكمان مخلف يا هنا ..وانت مالك اصلا يا حبيبتي
وبعدين انت صغيرة اوي علي المسئولية دي يا بابا
وبعدين افرضي ..افرضي انك وافقتي هتجيلي صحة انك تخدميه هو وابنه وجامعتك وابنك بقي انت ولا انت مثلا مش ناوية تخافي ولا اي كل ده فكرتي فيه يا هانم
هنا: بصي انا الي فكرت فيه هو اني بحبه بجد يا نور
وبصراحة موضوع ابنه مش فارق معايا خالص
بالعكس انا حاسة اني اتعلقت بيه اكتر يا نور
نور بصدمة،: معقول يا هنا بس انت لسه متعرفيهوش
يا حبيبتي ..
هنا :كدة كدة هعرفه يا نور هاه قولتي اي ما انت لازم تقنعي بابا معايا ..انا قولت لهيثم أن انا هفكر وابقي أكلمه
نور بقلق :بصي يا هنا لو انت فعلا بتحبيه انا هساعدك
بس ممكن طلب انك تدي لنفسك فرصة تعرفيه وتعرفي ابنه وأهله ....ممكن
هنا بفرح :أيوة طبعا ..يعني هتساعديني يا نونه
نور بحب: أيوة طبعا هساعدك ..علفكرة بقي بكرة انا رايحة المستشفى افك الجبس
هنا :ماااشي وانا معاااااكي بحب يا نور
نور ضحكت وحضنتهاااا
____________________________________$$
في المستشفي عند يوسف
بسنت صحيت: صباح الخير
يوسف وهو بيبوسها من خدها: صباح الفل علي عيونك يا بوسي
بسنت :انا نور وشمس وحشتني اووي
يوسف بضحك :ومين سمعك وانا كمان وحشوني اوي
بس عارفة العيال صحابي دول الي اندال لا فهد ولا ادهم رنوا حتي يطمنوا عليااا ..اندال يعني
وفجاه الباب خبط
يوسف بهزار :اي ده انا ظلمتهم ولا اي ...ادخل
وفتحته دخل امير وخطيبته ندي معاه
يوسف: اهلا اهلا بالكتاكيت ...اهلا ندي مش كدة
امير بغيرة :وانا اي مش مالي عينك مثلا يا عم الحج
يوسف: عاملة اي يا ندي
ندي ضحكت بكسوف: الحمدلله ...
امير: سبحانك يارب عارفة يا ندوش نور اه اسمها نور لسه مكلماني تطمن علي يوسف
يوسف بغيرة: نعععم وتكلمك ليه يلا هو انا اتشليت
أمير بنفس الغيرة: يعني أنا الي مش موجود
يوسف: ياض بحب ارخم عليك ياض... عامل اي
امير: ولله انا كويس بس انت الي متصاب لو مش واخد بالك يعني
يوسف :ياسيدي فكك ..اهم حاجة لساني واهو موجود وشغال كمان متقلقش
امير ضحك: شايفة ده بقي اكتر واحد مش بطيقه
في الفريق بتاعنا
يوسف: انا امي كانت دائما تقولي روح ربنا يحبب فيك خلقه ..الحمد لله دعواتنا فظيعة
ندي :هههههههه
امير: لا بهزر يوسف ده مافيش حد مش بيحبه من اول العساكر لحد اللواء كلهم عارفين أنه راجل بجد
يوسف :وانا امي اصلا ميتة برضوووو
امير وندي ضحكوا اووي
ندي :الف حمدالله علي سلامتك
امير بغيرة: ليه الف ليه مثلا مش حمدالله علا سلامتك وخلاص يعني
يوسف: أما انت رخم بشكل هو انت هتدفع حاجة من جيبك .انا سمج بشكل
لله سلمك يا ندي ..قوليلي بقي الواد ده عامل اي
ندي: عامل عصبية بس وغيرة منغير أسباب مش عارفة دي عدم ثقة ولا اي يا يوسف
امير؛ ولا اي يا يوسف انت ليه محسساني أن يوسف ابن خالي مثلا
ندي: بس بقي اسكت ...يوسف مين دي
أمير: علفكرة لو سالتيني كنت هقولك انا عادي
يوسف: يدي النيلة ..ندي سببيه الاشكال دي تتساب
علطووول اسمعي مني الواد ده من كتر غيرته هتصحي الصبح هتلاقيه واكل دراعك علشان محدش يبصلك
امير: افيه يلا اي حس الفكاهي ده ما تخف شوية
بصي بقي دي بسنت بس منسجمة في اللعب ومش معانا اصلا
يوسف :لا استني هعرفك عليها ..بوسي
بسنت :نعم يا يوسف
يوسف: تعالي اعرفك ..
بسنت جريت علي امير ..ده اونكل امير جابلي حلويات كتير اوووي
امير :شالها انت الي احلي حلويات بجد انا بحبك اووي
بسنت :وانا كمان اووي
ندي بحب :لا انا كدة هغير مين البنوتة الجميلة اوي دي يا نااس .
امير :دي بسنت يا سيتي ..هقولك بعدين مين
ودي بقي يا بوسي ندووش خطيبتي
بسنت: ازيك ...
ندي شالتها وحضنتها اوي: انا كويسة يا جميلة تيجي معايا نجيب حلويات من برا
بسنت :اه اووي
امير: يا حياتي تعالي انا هجيبلك يلااا
يوسف اتبسط اووي أنهم جووم يسلووها حتي شوية
وفعلا امير وندي طلعوا يجيبوا لبسنت حلويات
ورجعوا تاااااني
امير: اي اتاخرنا عليك يا باشا
يوسف :لا ابدا يا بوسي جابوه اي بقي
بسنت: انا الي هاكلك علشان انت ايديك وجعاك
ندي: يا حيااااتي ولله اخدك معايا وانا مروحة
بسنت: لا وانا مش هسيب يوسف ابدا
يوسف حضنها اووي وباسها :ويوسف برضو عمره ما هيسيبك يا قمر انت
وشوية وامير وندي اعدوا مع يوسف ومشيواااا
وعدي باااقي اليوووم بنجاااااح ......
___________________________$
تاني يوم الصبح .....
في بيت ادهم ..دخل ادهم و فهد البيت ميتين
لانهم من امبارح في القسم
فهد: ادهم انا مش قادر اتحرك
ادهم: يعني أنا الي قادر ..بس انت لحقتني ياض يا فهد امبارح
فهد: الحمدلله عدت علي خير ...بقول اي انا هقوم اخدلي شاور سريع كدة .والبس علشان يوسف هيخرج النهاردة
ادهم :اه صح طب اوك انا كمااان هقوم اجهز ....
فهد: طب اشحن الموبيل بتاعي احسن فاصل
ادهم: هات يا ابني اشحنه ..
وفعلا جهزوا وراحوا عند يوسف المستشفي بس اتفااااجوا بحاجة ....
واول ما راحوا لقوا أن يوسف مشي من المستشفي
فهد: ازاي مشي يعني ..هو لحق
ادهم بضحك: عارف ان يوسف هيهزقنا علشان مجناش ناخده اصلا
فهد: طب رن عليه كدة
ادهم بيرن علي يوسف ...غير متاح يا معلم
فهد: طب تعالي نطلب علي بيته اكيد هروح
علي بيته يلا بينا بقي
____________________________________
في الفيلا ابراهيم يوسف وصل
الجنايني :يوسف باشا نورت يا باشا مالك اي حصلك
يوسف ..الحمدلله انا كويس بس تعالي اسندني كدة
الجنايني: علي مهلك يا بيه علي مهلك ..
وفعلا سند يوسف ودخله لحد بيته ولحسن حظه أن عمه كان نايم
الدادة :حمدالله علي سلامتك يا ابني
يوسف: متقلقيش عليا انا كويس اوي بس حضري ساندوتشات لبسنت وانا قهوة بس بسرعة وحياتي
الدادة :حاضر يا ابني ..بس مين القمرة دي دي الي كانت مع ست نور
يوسف : اه ...دي بسنت ....بسنت دي الدادة سلمي عليها
بسنت :اسمك دادة ولا اي
الدادة: هههه لا يا حبيبتي اسمي ألفت
بسنت :ماشي يا دادة
يوسف :يلا يا بوسبوس نطلع نرتاح شوية
دادة انا عايز هدوم لبسنت
دادة: حاضر يا ابني انا هتصرف ...
يوسف: تمام يلا يا بسبس
بسنت بزعل: لا انا كل شوية انام واعد انا عايزة اروح لنور بتعلب معايا وشمس كمان ..انا زهقت بقي
يوسف :يا حبيبتى .. حقك عليا طب تحبي تلعبي في المرجيحة الي برااا
بسنت: اه ياريت ...
يوسف: دادة خديها تلعب في الجنينة بس عينيك عليها
الدادة :حاضر يا ابني ...اطلع انت ارتاح شوية
وفعلا طلع يوسف اوضته ...وطلع موبيله
ورن علي نور
نور كانت لسه صاحية ...الوووو
يوسف: صباح الفل صحيتي امتي بقي
نور: اممم لسه قائمة من علي السرير يا يوسي
يوسف :يوسي ماشي يا اختي ...قفلتي انت السكة
في وشي امبارح ..بس يلا المسامح كريم بقي
نور هههه: طب قولي غيرت علي الجرح
يوسف: اه من بدي ورحت كمان
نور :يوسف والنبي تكون روحت الفيلا .
يوسف: عيب عليكي بقي انا وعدتك ..انا في الفيلا
نور فرحت اوي: ماشي يا عم ...صحيح فين فهد
شمس بتكلمه امبارح غير متاح والنهاردة مش بيرد
يوسف: ده فهد ده واطي محدش جالي المستشفي اصلا انا روحت لوحدي كلهم كانوا غير متاح اصلا
نور :اي ده معقووول يا يوسف ..روحت لوحدك كدة برضووووو
يوسف: يسلام انا عمري ما اعتمدت علي حد اصلا.
وبعدين بقولك اي انا جاي اسكندرية بكرة
نور :تيجي فين هو انت قادر تتحرك
يوسف: ياساتر علي الدبش اه قادر ..هاجي يعني هاجي قولي لابوكي كدة يوسف جااي
نور ببتسامة: ده بجد طب ليه بقي جاي
يوسف ببتسامة :جاي اقعد عندكم كدة مش بقدر ابعد عنكم بحبكم بقي اعمل اي
نور: يوسف انت بجد هتيجي
يوسف: وربنا جاي ....
نور بفرحة: لله انا هقول لبابا ..باي بقي
يوسف: باي يا مجنونة
_____________________________________
في بيت نور
نور خرجت من أوضاعا فرحانة اووي
نور: يا بابا يا بابا يا عم عادل
عادل كان بيتكلم مع عمر ابنه
ايه يا نور خير
نور بصت لعمر: لا يا بابا بعدين هكلمك بعد اذنك .
عادل :استني يا نور ...عمر كان عايز يتكلم معاكي
نور: خير يا استاذ عمر
عمر ابتسم: انا اسف علفكرة علي الكلام الي قولته امبارح ليكي بس انا كنت مضايق .
نور: يسلام طب ما انا كمان اسفة علي القلم بتاع امبارح برضووو بس صعبت عليا نفسي منك
عمر قرب منها وباس رأسها: حقك عليا يا نور
نور حضنته :وانا كمان متزعلش مني ..انا عارفة انك راجل وخايف عليا وانا بحترم رايك جدا علفكرة
بس برضوو مينفعش تتحكم فيا ولا في هنا
عادل: خلاص يا نور انا اتكلمت معاه وهو فهم غلطه
قوليلي بقي خارجة فرحانة اوي كدة ليه
نو:ر بصراحة كدة يوسف جاي بكرة
عادل :ده بجد ..طب ليه بقي
نور: معرفش هو قالي كدة ...
عادل: لوحده ...ولا معاه العصابة بقي
نور ضحكت: برضو معرفش ...
شمس سمعتها وهي بتتكلم عن يوسف زعلت جدا لان فهد مش مهتم بيها ربع الاهتمام بتاعي يوسف
ودخلت الاوضة وفضلت تعيط جامد
شمس في سرها : اكيد لازم يعاملها كدة علشان بيحبها لكن أنا لا عارفني بس علشان ينقذني لكن مش بيحبني .....
______________&&&&&&&&&&&&&&&&&
فهد وادهم وصلوا الفيلا بعد ما راحوا بيته ومالقهوش هناااااك ....
فهد دخل أوضة يوسف بعصبية :انت عيل غبي علفكرة
يوسف بحدة: لا تقصد عيل واطي شبهك
فهد: بقي انا كمان الي واطي يا يوسف ده انا لقيت السبع دوخات وحضرتك قافل موبيلك كمان
ادهم: اي يا ابني التعب ده حرام عليك ده احنا مطبقين من امبارح
يوسف بصله بقرف: .اطلع برا ياض انت
ادهم: يا عم اخلص في يومك بقي لله
فهد: شوف انا بقول اي وهو بيقول اي يبني بطل برود كدة
يوسف: برود انا رنيت عليكوا كتير اوي وانتوا غيرمتاح اعمل انا اي بقي مثلا اوصلكوا ازاي
فهد: يوووه احنا كنا بايتين في القسم.
يوسف: يا نهارك ا اسود اخواتي انا بيتين في القسم اي مخدرات ولا اد'اب يا زبالة انت وهو
ادهم :اي الهبل ده انت فاهم غلط يا ابني احنا مش متهمين ..ده حمزة امبارح جيه البيت عندي و كان معاه س'لاح وعايز ياخد مني فيديوهات والمستندات
الي بتهمه بيها ..ورفع عليا الس'كينة لولا أن فهد جيه في الوقت المناسب كان زماني من ال'شهدااااء
يوسف اي معقوووول 😲😲😲
يتبع
البارت 31من هنا هنا
 نوربحدة : اظاهر اني نسيت اعرفك اني اختك الكبيرة وفاجاه قلم جامد اوي نزل علي وش عمر عمر بصدمة حط أيده مكان القلم :انت ب…){kind=link}
تعليقات
إرسال تعليق