مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت كامل

_خانك 3مرات وعايزه ترجعيله انتِ متخلفه يا بنتي؟!! 

=مش عايزه ارجعله يا ياسمين.. 

_بجد طيب الحمدلله خضتيني.. 

=انا رجعتله فعلاً بقالي يومين.. 

_الكرامه اين الكرامه انا لا اراها.. 

=استني بس هفهمك.. 

_ده انا هتصل برضوى الشربيني تفهميها ولا عمر عشان يوديك السجل المدني تسمي نفسك مهزءه ما انتِ معندكيش كرامه

 ومهزءه بصحيح..

=اسمعيني بس هفهمك..

_تفهميني ايه دي خيانه انتِ مستوعبه ولا نو استيعاب يا بت على رأي عم مبروك..

=عم مبروك مين؟!

_مبروك عطيه يا بت..

=طيب بطلي هزار بقى واسمعيني..

_قبل ما ابطل هزار انتِ بجد رجعتي لعلي؟!

=انا بحبه..

_حب ايه انتِ هبله يا بنتي بقولك خانك خانااااااك...

=خلاص يا ياسمين انتِ بتعيريني..

خاين بس بحبه اعمل ايه بعدين احنا مش متصاحبين يا ياسمين احنا مكتوب كتابنا..

_يعني متقفلش عليكوا باب واحد وخانك مع 3 بعد الجواز هيعمل ايه؛وبعدين هو يقبلها على نفسه انك تخونيه وانت يعتبر ف حكم المتجوزين خلاص..

=هو راجل يا ياسمين لكن انا مينفعش..

_يعني ايه راجل؟!

=يعني راجل يا ياسمين له نزواته وضعفه ساعات راجل يا ياسمين راجل..

_مش فاهمه يعني بردو يعني ايه راجل هو مفهوم الرجوله عندك انه راجل يعمل ما بداله على رأي المثل انتِ بجد مقتنعه بده؟!

=ايوه..

هو راجل يعني يمكن عادي يتشد لواحده تانيه ويخوني لكن المهم هو بيحب مين وقلبه مع مين..

_بس بس كفايه انا انا مش مستوعبه انتِ بتقولي ايه!

انتِ مين بجد فين لين صحبتي صاحبة المبادئ وال تسامح ف اي حاجه الا الخيانه ؛ فين صحبتي ردي..

=......

_اتخرستي صح سكتي زي كل مره بنتواجه فيها بالموضوع ده سكتي لأنك مش لاقيه مبرر غير حجج فارغه بتهدي بيها نفسك سكتي لأنك عاميه..

=انا مش عاميه يا ياسمين..

_لا عاميه لما يبقى وصلك للمرحله دي تبقي عاميه؛لما تبقي بتبرريله خيانته ليكِ وكسرة قلبك تبقي عاميه وغبيه كمان..

ليه يا لين؟!

ليه ده ليه كده لييييه 

انا عمري ما شوفتك كده ليه ضعيفه كده ليه مش شايفه ليه مش قادره تستوعبي انه لو بيحبك بحد عمر ما هيشوف واحده تانيه غيرك ليه مش قادره تشوفي ده فوقي يا لين فوقي ابوس ايدك ميستاهلكيش..

=بحبه يا ياسمين!!

_الحب مش ضعف ده مش حب مش حب..

=بس انتِ عرفاني لما بحب بتدلق..

_بس ده مرض مش حب وياريتك حبيتي حد عليه القيمه..

بجد ازاي هتبقي واثقه فيه بعد كده ده انتِ خلاص فرحك بعد كام شهر؛ازاي بعد معرفتك الخيانات دي كلها وتبرريرك ليها بإنك ال ف القلب والخيانه الكبرى خيانة القلب والكلام الاهبل ده بس هعديه دلوقت؛ازاي هتأمنيله وتثقي فيه اقنعيني؟!

=معرفش يا ياسمين معرفش..

_لا انتِ عارفه بس خايفه تقولي الاجابه لنفسك او يمكن مش حابه تسمعيها يمكن لأنها هتوجعك اوي بس تتوجعي دلوقت يا لين احسن بكتير ما تتوجعي وانتِ شايفاه متجوز عليكِ..

انتِ عارفه ومتأكده من جواكِ انه مبيحبكيش هو بس ضامنك..

ضامن وجودك يا لين عارف انه هيلف لفته ويهيص براحته وهيرجع يلاقي لين مستنياه بضحكه ولهفه بس مش هيبقى واخد باله ان لين ضحكتها مرسومه من وجع الخيانه وكلها تمثيل؛مش هيبقى شايف اثر عنيها ال ورمت من العياط مش هيبقى شايف كل ده هو بيستنزف كل ذرة طاقه فيكِ لو شوفتي علاقتكوا صح هتلاقيكي انتِ بس ال بتبذلي مجهود ف العلاقه دي هلكتي قلبك وروحك ف علاقه فاشله بس عشان متبقيش مخذوله قدام الناس ويقولوا هى وحب عمرها افترقوا طيب وانتِ فين انتِ من كل القصه فين حق قلبك ونفسك عليكِ انتِ فين من كل ده؛عارفه ف مره حد قالي ان لما بتروح تشتري حاجه بيعجبك لبس كتير اوي بس بيشدك وتحبه تيشيرت واحد بس ف بتشتريه؛وقالي كمان ان ممكن التيشيرت ده يعجبك ف تحجزه وتلف لفه تشوف هيناسبك غيره ولا لا تجرب ده شويه وده شويه وترجعله تاني تاخده اصلك ضامنه وعارف انك لما ترجع هتلاقيه تاني مستنيك..

انا عارفه اني جرحتك يا لين بس انا مقدرش اسيبك تروحي لجهنم برجليكِ..

=احضنيني يا ياسمين...

عيطت لين طلعت كل الحزن ال شايلاه ف قلبها من سنين طلعت معاه كل ذرة خذلان وخيانه وكدب وخداع عاشتها ف علاقتها عبرت عن زعلها بحاجات كتير لو ممنعهاش غرورها ساعتها وكرامتها كانت بقت اخف بكتير ما تطلع بالشكل ده...

...................

 *بعد اسبوع* 

_فينك يا بنتي مختفيه كل ده اسبوع بحاله لا بتردي على تليقونك ولا بتيجي الشغل ولا حتى موجوده ف البيت انتِ وطنط في ايه قلقتيني عليكِ..

=اتطلقت

_قولي والله العظيم.. 

=في ايه يا بنتي هو فرح خالتك بقولك اتطلقت.. 

_يا شيخه الف الحمدلله ع السلامه دوختيني معاكِ اخيرًا.. 

=انا مش قادره افهم انتِ فؤحانه كده ليه.. 

_عشان بحبك؛ عشان مش عايزاكِ تتأذي اكتر من كده؛ عشان مش ده ال اتمناهولك مش ده ال استأمنه على اختي مكنش هو.. 

=ربنا يخليكِ ليا يا ستي؛ ممكن بقى نروح ناكل عشان انا هموت م الجوع.. 

_يلا بينا عايزه تاكلي ايه يا خالتي المكتئبه.. 

=مين قالك اني مكتئبه؛ عارفه اني ارتحت؛ والله ارتحت  مكنتش متخيله اني ف ضغط عصبي طول الوقت كده اني دايمًا بفكر وبهري ف نفسي مكنتش متخيله بجد اني تعبت اوي كده انتِ عارفه انا مكنتش اعرف معنى الراحه والأمان ف علاقتنا انتِ مستوعبه اني مكنتش اعرف انهم لازم يبقوا موجودين.. 

انا بحمد ربنا الف مره على ال حصل واني فتحت عيني بفضل ربنا ووجودك جمبي.. 

ازاي بجد كنت بأذي نفسي كده.. 

_ياااااه يا لين كان فين القلم ده من زمان كان فين عشان تفوقي وتقولي الكلمتين ال يخلوني أكل بنفس دول كانت فين الخيانه الرابعه من زمان كانت فين.. 

=احم انتِ عرفتي..   

_ما انتِ طول عمرك مهزءه هو ده جديد عليكِ قال منأحتش عليكِ كرامتك الا ف الخيانه الرابعه.. 

بس الحمدلله احسن ما كانت تفضل ف حالة خمول ده احنا ف نعمه.. 

=اطلبيلي اكل على اد طولة لسانك دي عشان جعانه.. 

_استني رايحه اطلب وجايه.... 

جرا ايه مش تحاسب يا اخينا انت.. 

يوسف!!!! 

≠وحشتيني.. 

_انت بتقول ايه؛ انت ازاي هنا ازاي رجعت ووو..... 

≠هفهمك على كل حاجه ممكن نعد بس.. 

≠لا يا يوسف مش ممكن ابدًا.. 

_يلا يا لين.. 

=في ايه يا بنتي مش هناكل.. 

يوسف!! 

_يلا يا لين بقولك.. 

=طيب اهو مشيت الاه... 

............. 

=انا سيبتك امبارح براحتك لحد ما تهدي؛ ممكن بقى تفهميني ايه ال عملتيه ده لما شوفتي يوسف ده انتِ كنتِ هتموتي عشان يرجع يا بنتي تيجي لما يرجع تسيبيه وتمشي انتِ مجنونه.. 

_هو انا عمري حكيتلك يوسف سافر ليه؟! 

=مش عشان يشتغل يا بنتي ويكون نفسه و.... 

_لا مش كده يا لين مش كده.. 

=طيب اهدي متعيطيش براحه لو عايزه تتكلمي خليكي حضناني وانتِ ساكته لو حاسه انك لو اتكلمتي هتفتكري وتتعبي.. 

_انا منستش عشان افتكر يا لين منستش.. 

=طيب احكي.. 

_انا ويوسف اتقابلنا صدفه حس انه معجب بيا جه كلمني كنت خايفه جدًا يعني انتِ عارفه التجارب ال مريت بيها ف حياتي مع اهلي متخلينيش احط نفسي ف موقف زي ده خوفت يحصل زي ما بيحصل نبقى على وعد ويجي بعد كام سنه يقولي اصل اهلي مش موافقين ومع ذلك خاطرت وحطيت خوفي على جمب يوسف كان يستاهل ده كان بيحبني فعلاً بيخاف عليا حتى من نفسه مكناش بنخرج ولا بنتكلم الا بس نطمن على بعض كنا بس كل واحد مننا محافظ على وعده للتاني ان محدش هيدق باب قلبه غير حبيبه؛ بس بردو فضلت خايفه وكنت متوقعه انه كان هيبقى صعب عليا حاجه زي كده كانت هتهدني يا لين بس الظاهر اني كنت اقوى مما تخيلت ظني مخبش.. 

=حصل ايه!! 

_بعد3سنين يوسف بقى نفسه علاقتنا تبقى رسميه وتخرج للنور.. 

كلم والده ورحب بالموضوع عادي والدته هى ال موافقتش لأنها طبعًا كانت خطباله مايا بنت خالته من الطفوله ومتقدرش تكسر كلمتها لأختها.. 

=ويوسف ازاي وافق بحاجه زي كده؟! 

_يوسف وقتها ثار ورفض الوضع وعمل كل حاجه ممكن تتعمل وبردو والدته لا يعني لا دي كمان قالتله انه لو خطبني هى قلبها غضبان عليه ومش هيتهنى يوم معايا واستعطفته كتير.. 

رغم ان كنت بقول يوسف لو محتاجه عنيه هيديهاني الا انه مقدرش يقف اكتر من كده ف وش امه عشاني.. 

=بس يوسف متجوزش يعني معنى كده انه منفذش كلام امه.. 

_يوسف خطبني.. 

وتاني يوم على طول هرب.. 

=هرب!! 

_سافر وساب جواب بيقولي فيه مقولش لأهله حاجه عن خطوبتنا وانه هيرجع وبيفكرني بوعدنا القديم واننا نفضل عليه.. 

مشي من غير حتى ما اشوفه لأخر مره هرب.. 

=مش يمكن دي اقل الخساير.. 

يعني لو مكنش خطبك وهرب كنتي ارتاحتي..

_كنت كرهته لأن ساعتها كان هيبقى ليها تفسير تاني غير ال كان ف حروف جوابه .. 

=طيب ليه اتصرفتي كده لما شوفتيه.. 

_عذبني كل السنين دي من غير حتى ولا تليفون يطمني حتى انه عايش ولا مره نزل فيها اجازه حاول يشوفني ومفكرش يرجع الا لما امه ماتت يعني كمان مش من نفسه.. 

≠مين قالك اني محاولتش اشوفك لما كنت بنزل اجازه.. 

كل اجازه كنت بجيها هنا كنت بشوفك وكنت بعملك كمان القهوه ب ايدي كنت باجي الكافيه هنا وبخليهم يقدموهالك  محاولتش اخليكي تشوفيني لإني كنت خايف خوفك يكون اقوى من حبي ليكِ ساعتها ويهزمه مكنتش هتحمل بعد قلوبنا كفايه سنين اتحملت بعد المسافات.. 

_مرجعتش الا لما السبب ال كان رافض قلوبنا سوا زال محاولتش تواجهه هربت وسبتني اتعذب.. 

≠مكنتش اقدر اخسر الست ال تعبت طول سنين عمرها عشاني ومكنتش اقدر اخسر الانسانه الوحيده ال شاركت الست دي ف قلبي انا كنت واقف بينكوا تايه ومحتار صدقيني يا ياسمين نفس السكينه ضربت بيها قلبي انا كنت موجوع اكتر منك وكنت خايف خايف لكرامتك تبقى اقوى يوم وتنسي الوعد..

_ ما انا نسيته....

≠لو كنتِ نسيتيه صحيح مكنتيش تلبسي دبلتنا لحد دلوقت..

=مهزءه اوي يعني..

_ماشي يا لين بترديهالي..

#تمت

#ياسلين

#هبه_محمود