 |
روايه ابن عمي
بارت 5_6
للكاتبه اميره محمود
أنا عمرى ماكنت اتخيل اني اتجوز واحد مغتصبني كل عروسه بتبقي طايره من الفرحه عشان هتكون بيت جديد وانا البيت خربان قبل مايتبني
جودي ، معلش ياقلبي ده قدر ومكتوب والله اخويا محترم جدا هو اي نعم بينكفني عالطول بس والله محترم اكيد في حاجه غلط
احمد وقف معاهم نور لو سمحتي اسمعيني والله أنا كنت ضحيه لبنت سفله حبت تنتقم من هايدي وتكسر مناخيرها بس اجت فيكي انتي
نور، يعني انت تقصد ايه تقصد انك كسرت مناخيري
احمد ،والله مااقصد حاجه والله أنا آسف
جودي، اهدوا ياجماعه والله هتتحل صدقوني
نور، هتتحل بأني اتجوز واحد كل مااشوفه افتكر أنه كان سبب في تدمير حياتي
احمد ، طيب بصي ده ورق التحليل بتاع العصير خديه اقريه
نور مسكت الورقه قطعتها تحب اعملك زيها عند اي دكتور صحبي
احمد، انتي مش عايزه تصدقيني اصلا ليه
جودي امشي امشي دي الوقت يااحمد مش عايزين المشكله حد يسمع بيها
سمعها ادهم وكان لسه جاي من الشغل
ادهم، خير مشكله ايه كفانا الشر
جودي ، بلقلقه مممشكله اه الابله نور مش عايزه تروح معايا تجيب الفستان ومصممه تروح مع احمد تنقيه ع زوقه
ادهم، هي دي مشكله يعني طب ماهما حرين خلتيها مشكله ليه
جودى،. أنا هروح اجيب الفستان لوحدي يعني
ادهم ، تحبي اجي معاكي
احمد، تيجي معاها فين يابابا
نور اتغاظت أنه غيران ع اخته من اخوها وهي عادي اللي حصلها
نور، طب خلاص ماشي يا ادهومتي روح مع جودي وانا وأحمد هنروح سوا
احمد بصلها بغل وجودي فرحت أنها هتخليهم يقربوا من بعض وفرحت اكتر بادهم أنه هيجي معاها وبعدين بصت لاحمد لقيته لسه بيبصلها عملت نفسها مش شايفاه
احمد، خلاص نروح كلنا مع بعض
ادهم، تمام هتروحوا امتي
جودي، عندها نغير هدومنا اهو حالا
لبسوا ونزلو وراحوا مول ينقوا الفساتين
صحبت المحل، هنا موجود فساتين زفاف والدور اللي فوقينا فيه السهره
ادهم ، خلاص يانور نقي انتي وأحمد اللي يعجبكو وانا هطلع مع جودي
احمد ، لا استني نطلع مع بعض كلنا
نور،. لا اطلع انت يا قلبي مع جودي وانا هنا مع احمد
ادهم اخد جودي وطلعوا الدور اللي فوق
ادهم ، اي رايك في ده
جودي، الله جميل جدا وحتي لونه روعه وهي جواها أنا مبكرهش قد الاحمر
ادهم ، طب ادخلي قسيه كده
جودي ماشي
خرجت جودي بالفستان الاحمر وكان مجسم ومنفوش من بعد الركبه وديله طويل وادهم كان عطيها ضهره جودي ندهت عليه بيلفلها وقف سرح فيها ايه ده
جودي ، وحش
ادهم ، ده جامد
جودي ، يعني اخده
ادهم ، اكيد طبعا بس ده هديه مني
جودي، لا بابا عطيني فلوس اشترى بيها
ادهم، أنا قولت كلمه وكلمتي تتسمع فاهمه
جودي خافت لما برقلها وزعق وقالت له ماشي ماشي.
ادهم ضحك وقال ناس مبتجيش غير بالعين الحمرا
احمد تحت بيقول لنور في حاجه عجبتك
نور،. ملكش دعوه
احمد ضرب رائده الحيطه وقال يارب صبرني
نور ندهت لصاحبه الاتيليه لوسمحتي ممكن اشوف ده
احمد اضايق أنها مأخدتش رأيه
دخلت تقيس الفستان وخرجت بيه كانت جودي وادهم بره
نور ،اي رايك ياجودي.
جودي، ده جامد جدا ايه الجمال ده روعه بجد
بعدين سالت احمد عشان ادهم مياخودش باله أن فيه حاجه
احمد اي رايك
احمد رد وهو متضايق من تصرفها جميل
ادهم ، جميل جدا ياقلبي هتعملي ايه
نور تمام هاخده خلاص
وروحوا وكانت الفرحه ماليه عين جودي أما نور نظره حسره في عينيها بتحاول تداريها من اخوها عشان مايخدش باله
جاء يوم الفرح
.جودي ، الميكب ارتيست اجت يا نور اجهزي
أحمد جاء ياخذ نور وينزل بها لاسفل فله الحاج محمود عشان الفرح كان بالاسفل
احمد خبط ع الباب
الميكب ارتيست ، غموا عنيه عشان نعملها مفجأه
نور، مش لازم الكلام ده
جودي ، بس يابنتي خلي الليله تعدي ع خير
غموا عين احمد ودخل لنور وفجأه نور وقفت قدامه شالو الرباط اللي ع عنيه
احمد جاله ذهول مين دي
الكل قعد يضحك
احمد، بجد والله قمر وراح بيسها من جبينها
نور سابته عشان خاطر اللي واقفين
نور نزلت ووراها جودي لقت ادهم في وشها
ادهم ،ماهو لو مكنتش أنا اللي منقي الفستان كنت قولت انك حوريه من الجنه عالارض
جودي، ميرسي لحضرتك
ادهم😏😏حضرتك
جودي ، عن اذنك عشان هقعد مع بابا وماما
ادهم ،ماشي
الفرح خلص عالخير وأحمد ونور طلعو غرفتهم اللي هي كانت غرفه نور
احمد، دي اوضتك
نور، بص بقي أنا سكتالك من الصبح لو مش هتبطل كلام ممكن اعرف اخرسك كويس
احمد ، تخرسيني لا وعلي ايه تعالي اديني قلمين
نور، اتمسي احسنلك
احمد ، طيب انا داخل الحمام اخد شاور
نور مردتش عليه
احمد جه يخرج لقي الباب مسكوك عليه
احمد ، افتحي يابنتي
نور ، استني دقيقه وهفتحلك غيرت هدومها وفتحت له الباب وسابته ودخلت تنام ع السرير
احمد لسه جاي ينام جنبها
نور، انت هتنام فين
احمد، جنبك
، لا عالارض مش جنبي
، أنا جوزك عادي اني انام جنبك
، أنا مش مرات حد أنا لا انفعك ولا انفع غيرك
،ماشي خلاص ياستي هتزفت عالارض
احمد نام عالارض وبعد مانام نور قعدت تبص عليه وسرحت
نور في سرها، معقول ده احمد اللي اول ما شفته كان نفسي اتجوز واحد يحبني زي ماكان بيحب هنا ده لسه صوره معاها عالفيس أنا مش قادره اصدق اللي حصلي بس بردك انا متاكده أن احمد يومها مكنش طبيعي اكيد هو مظلوم ولو قلبي مكنش مصدق أنه مظلوم مكنتش اتجوزته أنا حبيت لون عيني بسببه حبيت كل حاجه في وشي بسببه بس مش ممكن هحبه عشان هو ملك حد تاني أنا غلطه وبتتصلح وبس
لا بس انا حاسه اني بظلمه مااللي بعمله فيه انا خايفه يكون الاحساس ده يكون حب ليه انا بجد نفسي احضنك وانام في حضنك أنا ايه ده فوقي يانور فوقي احمد بيحب هنا وهيرجعلها انتي تصليح غلطه ونامت نور والحزن كابلي قلبها
ياترى ايه اللي هيحصل مع جودي وهيخليها طايره من الفرحه وايه الكارثه اللي هتحصل البارت الجاي
ياريت تقولو رايكم في التعليقات بليز
روايه ابن عمي
بارت 6
للكاتبه اميره محمود
احمد صحي من النوم شاف نور نايمه و راميه الغطا ومطلعه الملايه من علي السرير وحاطه المخده فوق راسها ضحك وقال حتي وانتي نايمه بتشكلي مع السرير فجأه سمعها بتقول خليك في حالك احسنلك
احمد، يخربيتك انتي صاحيه
نور، يخربيتك انت وراحت لقاه بالمخده
تصدقي بالله انا غلطان اني ساكتلك انتي مفيش ليكي اخر
راحت نور قايمه وراحه واقفه قدامه وبتنبه بصباعها
لم نفسك احسنلك
احمد لوي دراعها جامد وثبت وشها في الحيطه وقالها
صوباعك ده لو رفعتيه في وشي تاني هكسرلك ايدك كلها فاهمه
نور بصريخ خلاص والله سيب أيدي خلاص
احمد لفها لقاها بتعيط والدموع ماليه وشها
احمد أنا آسف والله بس انتي استفزتيني
فجأه نور بصتله وعيونها كلها دموع
احمد بصلها وفضلوا يبصوا لبعض نظرات عتاب ولوم
احمد فجأه لقي نفسه بيقرب من شفتيها يقبلهم
نور اول مالمس شفتيها فاقت من سحر عنيه وضربته بالقلم
نور، أنا مش قولتلك أنا منفعش لا ليك ولا لغيرك
احمد، اناااا
فجأه الباب خبط
نور جرت فتحت الباب
الداده، الست والده الاستاذ احمد ووالده تحت وبيقولو انزلوا افطروا معاهم عشان هيمشوا
نور ، خلاص ماشي يا داده هننزل وراكي حالا
احمد ، أنا نازل
نور ،استني هننزل سوا عشان محدش يحس بحاجه
احمد، طيب ياله
نزلو تحت كل اللي قاعدين باركولهم
محمد، احمد أنا مسافر أنا ومامتك واختك عشان شغلي وجامعه اختك وابقي انت ونور تيجوا بعدنا
جودي، بابا والنبي سبني معاهم وهاجي معاهم والنبي
محمود ، خلاص ياخوي سيبها اهنه لحد السبوع وتسافر معاهم أنا والله حبيتها جوى دي بتفضل تسايرني طول الليل هتوحشها جوى
ادهم دخل عليهم هتتوحش مين يابوي
محمود ، اهو ادهم اجي اهو عشان يسلم عليكوا جبل ماتمشوا
ادهم ، هو انتوا هتمشوا وبص لجودي
فاطمه، خلاص يا محمد نسيب جودي تبقي تيجي معاهم
ادهم كان ناقص يرقص من الفرحه
محمد ، خلاص ماشي خلو بالكو من بعض هتوحشوني قوي
احمد ، متخفش علينا يابابا
محمد حضنهم كلهم وسلم عليهم هو وفاطمه ومشوا
ادهم ،. أنا فرحان انك هتقعدي معانا كمان اسبوع
جودى، ميرسي
احمد ونور طلعوا غرفتهم لانهم عرسان جداد لازم يبقوا في غرفتهم عالطول
احمد قاعد بيلعب بالموبايل ويبص لنور من تحت لتحت
نور ، ع فكره شيفاك اه بالحق هنا بعتالك رساله ابقي اقراها
احمد، بتبصي في موبايلي ليه
نور ، أصلها فضلت ترن طول الليل وانت نايم وانا قرفت وكنت شفت رمز موبايلك وانت بتفتحه ففتحته وعملته صامت عشان صدعت
احمد ، ده انتي مرقباني بقي
نور، تصدق أنا غلطانه ياريتني كنت طوحت الموبايل من الشباك وخلصت
احمد، أما أقوم اشوف هنونتي واطمنها عليه
فجأه موبايله رن وكان رقم محمد أبوه
احمد، الو ايوا يا بابا انت لسه في الطريق ياحبيبي
نور، حبك برص
اللي رد، بباك عمل حادثه وهو خارج من سوهاج وللأسف الحاله حرجه واللي معاه توفت
احمد وقع الموبايل من أيده ونزل مره واحده علي ركبته وفي حاله صدمه رهيبه
نور جرت عليه ، في ايه يا احمد احمد رد عليه وهو مبيردش خالص وطت اخدت الموبايل الو ايوا ياعمو
المجهول، احنا مستشفي العام الحاله عملت حادثه وفي
حاله وفاه للست والاستاذ محمد في العمليات
نور الدموع جرت من عينيها وبصت لمحمد لقته لسه زى ماهو
جرت عليه احمد فوق فوق يااحمد وقعدت تضرب فيه بالاقلام ع وشه عشان يفوق مبيفوقش متصنم مكانه جابت مايه وكبتها عليه احمد احمد فوق فوق والنبي يااحمد
جرت ع غرفه بباها
بابا
في اي يانور خير
الحق يابابا عمو وطنط عملة حادثه وطنط ماتت وعمو في العمليات
محمود، ياساتر استر يارب يا ساتر استر يارب
جودي جرت ع غرفه عمها ورا نور وهي بتجري هي وادهم وسمعت نور
جودى، لا بابا وماما لا لا نور لا لا يانور
جودي وقعت عالارض مغمي عليها
ادهم شالها ونيمها ع سرير أبوه
نور ، احمد واقع فوق مبينطقش
ادهم ، أنا طالعله وانت يابوي حاول انت ونور تفوجو جودي
ادهم طلع لقي احمد متصنم ع ركبته عالارض
ادهم، قوم قوم ياابن عمي ده قدر ومكتوب قوم نروح المستشفي قوم نشوف هنعمل ايه
احمد بصله ومش بينطق
ادهم ، قوم يااخوي
احمد قام ونزل مع ادهم وهو مبينطقش ومحمود نده عليهم استنوا استنوا أنا جاي معاكوا
ادهم، جودي فاجت يابوي
محمود، اه ياولدي وجاعده مع اختك وام ابراهيم
كلهم راحوا المستشفي وللأسف محمد وفاطمه ماتوا وأحمد استلمهم وراحوا بيهم بيت الحج محمود
محمود ، هيتغسلوا في بيتي اهنه وهيدفن اخوي علي ابوي
احمد، أنا عايز بعد اذنك يدفنوا مع بعض ياعمي
محمود ، وماله ياولدي كلم جرايب امك واستأذن منيهم وخبرهم أن العزا اهنه في بلد ابوك
جودي دخلت الغرفه اللي فيها مامتها وبباها
جودي باستهم وقعدت تعيط جامد هتسبوني لمين هعيش من غيركوا ازاي ليه كده ليه
نور وأحمد دخلوا الغرفه يهدوا جودي ويخرجوها عشان مراسم تشييع جثامين
نور اول ما دخلت تخرج جودي انهارت جامد وفضلت تعيط مقدرتش تمسك نفسها
احمد، خلاص يا جودي خلاص وراح حضنها جامد وقالها معتش وقت
جودي بصريخ خلاص ايه خلاص ايييييييي ابعد يااحمد وأحمد يشدها يخرجها بره وهي بتزقه وتعافر ماما متسبنيش يا مامااااا متسبنيش يابابا متسبونيش مش هعيش من غيركوا وراحت مغمي عليها تاني
احمد شالها طلعها الاوضه بتاعتها ونور طلعت معاه وهي منهاره متخفش يااحمد أنا معاها انزل انت معاهم تحت
احمدحرك رأسه ونزل
لو لقيت تفاعل كتييير هنزل بارتين بكره باذن الله وياريت اعرف رايكم
تعليقات
إرسال تعليق