مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#صعيدي_مودرن(فرح_الأدم) 

#البارت_التاسع والعاشر 

بيجي رساله علي تليفون ادم بيفتحها بيلاقي فيها

( الخطر قريب جدا منك بس انت مش حاسس نصيحه خاف علي اللي ليك)

بيقرأها ادم باستغراب ..

ادم بتفكير: وانا ماليش عدو غيرك يا كامل وعارف انك انت اللي بتبعتلي الرسايل دي 

ساره: ابيه ..ابيه

ادم: ايوه يا حبيبتي 

ساره: سرحان في ايه؟!

ادم: ولا حاجه يا حبيبتي مبسوطه 

ساره: جدا جدا يا أبيه

ادم: يارب دايما يا حبيبتي 

.........................

في شقه فرح

فرح قاعده علي الكنبه بتاكل نودلز كوري وبتتفرج علي التليفزيون ...

الباب بيخبط ..

فرح بتستغرب ياتري مين اللي جاي 

فرح بابتسامه: ممكن ادم !

قامت فرح تفتح الباب والبسمه علي وشها بس اختفت لما لقت انه عمها وعمر ابنه

فرح: خير اللهم اجعله خير نعم يا عمي

عمر: خير ان شاء الله يافرحه

فرح: فرحه ؟! اسمي فرح 

عمر: طب ممكن ندخل 

فرح : ادخلوا ..

دخلوا وقعدوا وفرح قعدت

فرح: خير

عمها: انا جاي اطلب ايدك ل.عمر ابني راجل وقيمه 

عمر كان مبتسم وبيعدل في هدومه 

فرح: مش موافقه كده خلاص

عمر: فكري طيب

فرح: فكرت

عمها: قلبيها في دماغك بس ووافقي عشان ما تخسريش كتير

فرح: انت بتهددني يا عمي 

عمر: لا تهديد ايه يا فرحه دا بيوعيكي يلا يا حاج

عمها: يلا يا بني

بيمشي عمها وابنه وبتقعد متعصبه..

فرح بتفكير: كان بيهددني ياتري ناوي علي ايه ياعمي 

...........................

في الصباح .وفي الشركه

ادم في مكتبه وكان مركز مع فرح ولاحظ انها شارده مش زي عادتها...

ادم رن الجرس ..

فرح دخلت ليه 

فرح: ايوه 

ادم: انتي كويسه

فرح: الحمد لله حضرتك عاوز حاجه

ادم: عايزك تبقي كويسه.  

فرح بابتسامه: شكرا يا استاذ ادم .

بتطلع فرح من عنده بتلاقي تليفونها بيرن...

فرح: ملوكه حبيبتي وحشتيني

ملك: انتي اكتر يا قلبي

فرح: حازم اخدك مني ونستيني

ملك: وانا اقدر  انساكي يا قلبي فرحنا يوم الخميس ان شاء الله

فرح: بالسرعه دي

ملك: اعمل ايه بقا يا ستي استاذ حازم مستعجل جدا

فرح: ربنا يهنيكم يارب 

ملك: طبعا عاوزاكي قبل الكل تبقي جنبي

فرح: اكيد انتي بتقولي ايه 

بتقفل فرح المكالمه مع ملك وبتبسم ..

بيشوفها ادم بيبتسم علي ابتسامتها 

فرح: النهارده التلات يخربيتك يا ملك ما جبتش فستان جديد يلا بعد الشغل اروح اعمل شوبينج..

بيعدي اليوم وادم بيتعامل برسميه مع فرح وفي نفس الوقت بيراقبها من بعيد ..

بتنزل من الشركه وتركب عربيتها ونفس العربيه وراها بتراقبها بتنزل قدام مول تجاري كبير ...

وبتدخل تتفرج علي الفساتين ..

بتلف يجي ساعه علي المحلات ومش عاجبها حاجه وفجأه بتتخبط في حد وكانت هاتقع

بيمسكها بايده ...

فرح: انت

كامل بابتسامه: ايوه انا

فرح اتعدلت وقامت: اسفه ...وشكرا

كامل: العفو ..

فرح: ع.عن اذنك

كامل : ومستعجله ليه ؟!

فرح: ورايا حاجات لازم اعملها ..عن اذنك

فرح مشت بعيد عنه..

فرح بتفكير: مش برتاح لنظرات الراجل ده ابدا 

ابتسم كامل وهوا بيبص عليها ...

..........................

في الليل...

بتقيس فرح الفستان اللي فضلت تلف كتير عشان تشتريه كان فستان موف طويل بكتف واحد ..

فرح وهيا بتتفرج عليه: لأ جامده يا فرح جامده 

بتحطه علي الشماعه وبتعينه في الدولاب وبتقعد علي مرجيحتها وهيا بتتنهد

.........................

في بيت ادم

ساره: ايه يا ابيه قعدتك في البلكونه كده معناها انك بتفكر في حاجه مهمه

ادم: عادي قاعد في هدوء

ساره: يبقي اقوم امشي بقا لأني مش هدوء خالص 

ادم : ههههه لا عادي بس ذاكري افضل

ساره: ماشي يا ابيه وزعني ماشي

ادم بضحك: يلا يا بت

بتسيبه ساره وبتدخل...

ادم بتفكير: ها يا عم ادم وبعد التقل ايه هاتفضل تقلان لحد ما تغرق انا عارف

..........................

في الصباح ...

فرح: ممكن امشي بدري النهارده واخد اجازه بكره يا أستاذ ادم

ادم: ليه 

فرح: لظروف قهريه

ادم: اوك

فرح: شكرا جدا جدا لحضرتك 

بتخلص فرح شغلها بنشاط وبتمشي بدري بتنزل من الشركه وبتروح علي أقرب بيوتي سنتر 

بتعمل شعرها وبتحط ماسكات وبتدخل سونه 

فرح : يااه انا مادلعتش كده من زمان.   

بتخلص فرح وبتروح علي بيتها .

وبتكون جايبه معاها بيتزا وبتاكل فيها بتسمع الباب بيخبط

فرح: اكيد عمي هوا اللي بينط لي كتير اليومين دول

بتقوم وبتفتح الباب..

فرح بصدمه: انت ؟!

كامل: اذيك

فرح : هوا انت ماشي ورايا مراقبني ولا ايه

بيقرب ايده من وشها ... 

بتخبط ايده 

بيرفعها تاني وبيمسح الأكل اللي علي وشها

بتنزل ايده تاني

فرح: ممكن افهم في ايه

كامل: لقتني جمب بيتك قولت اجي اطمن عليكي

فرح: وعرفت عنواني منين

كامل: انا بعرف اي حاجه وكل حاجه 

فرح: وتطمن عليا بتاع ايه 

كامل: ايه ماحدش يعمل خير في الزمن ده 

فرح: في ايه انا مش مرتاحه ليك 

كامل: ليه

فرح: ممكن حضرتك تهويني بقا

كامل: حاضر اهم حاجه اني اطمنت عليكي

نزل كامل من غير ما يسمع هاتقول ايه

قفلت فرح الباب وهيا مستغربه من تصرفاته ولكن ما اهتمتش وكملت اكل ..

..........................

في الصباح .

بتصحي فرح وبتاخد شاور وبتنزل تجري شويه 

صباح الخير ..

بتلاقي كامل بيجري جمبها

بتكمل جري من غير ما ترد عليه وبتطلع شقتها بتاخد شاور تاني وبتقعد.

فرح: انسان غريب هلاقيها من مين ولا من مين 

.............................

في الليل ...

بتلبس فرح فستانها وبترفع شعرها ديل حصان مع قصه من كل جنب وبتحط ميكب خفيف مع روج هادي 

بتلبس الهيلز بتاعها ...

وبتمسك شنطتها...

وبتنزل ..بتركب عربيتها 

بتوصل قدام قاعه كبيره بتركن عربيتها وبتنزل منها

وبتدخل القاعه بتسحر كل اللي موجودين الكل محتار لجمالها..

بتسلم علي ملك ..

وبتروح تقعد علي ترابيزه لوحدها...

هيا دي الظروف القهريه 

بتبص فرح ...

فرح بابتسامه: ادم 

بيقعد ادم معاها ...

ادم: طالعه زي القمر

فرح: وانت ماشاء الله عليك

بيشتغل الأغاني...

فرح: تيجي نرقص..

ادم: اوك..

بيرقصوا علي اغنيه سيبي روحك وارقصي..

وفجأه حد بيمسك ايد فرح وبيشدها......يتبع

ولسه اللي جاي تقيل مع كاتبه الجيل😎

متابعه لصفحتي الشخصيه ولاف ورأيكم قبل أي حاجه..

#صعيدي_مودرن(فرح_الأدم) 

#بقلم_حنين_عادل 

#كاتبه_الجيل😎

#صعيدي_مودرن(فرح_الأدم) 

#البارت_العاشر 

وفجأه حد بيمسك ايد فرح وبيشدها عليه وبيشيلها وبيلف بيها...

فرح بصدمه وضحك: أسر ...يا مجنون ...

ادم بص لأسر بغضب وعصبيه حاول يكتمهم..

فرح: وحشتني جدا جدا بقا

أسر: طب قلب أسر جدا جدا بقا حياتي ليكي 🥰

فرح: وحشتني حياتي ليكي 🥰

اسر: هاقولها ليكي من هنا ورايح

فرح: طب نزلني يا مجنون 

اسر نزلها وهيا بتضحك واخدها وقعدوا علي الترابيزه

وادم كان متعصب جدا بس راح قعد علي ترابيزه قريبه منهم...

فرح: جيت امتي

اسر: من المطار علي هنا علطول عرفت انه فرح ملك وان اكيد فرح هانم موجوده فاقلت افاجائك 

فرح: احلي مفاجأه دي ولا ايه 

اسر: ولا اه

فرح بضحك: ولا ايه 

اسر: ولا اه

فرح: لا ماهو مش هانفضل كده طول الليل بقا

اسر: اوك ندخل في المهم بقا

فرح: المهم انت عندك مهم من ورايا

اسر: هانستظرف بقا

فرح: خلاص خلاص قول

اسر: فرح انا ......

صوت الموسيقي بيعلي

فرح: مش سامعه

اسر: هيا باينه من اولها مش نبرت فيها يا سي كريم 

فرح: اهي وطت اهي قول

اسر: انا بحبك يا فرح وعايز اتجوزك ونفسي نكمل حياتنا مع بعض..

ادم سمعه وكان متعصب

ادم بتفكير: لو بتحبني هاترفضه ارفضي يا فرح ارفضي 

ادم وأسر مستنيين رد فرح علي نار..

فرح: انا أسفه يا اسر بس

اسر بحزن: خلاص فهمت في حد تاني مين هوا

فرح: هوا ادم اللي قاعد وراك ده 

بيبص اسر عليه

اسر: حلو ...بس مش احلي مني هاتندمي يا فرح 

فرح : ههههههههه ربنا يعوضك بالأحسن مني انت طيب يا أسر وتستاهل كل خير

بيجي ادم والفرحه مش سايعاه واخيرا اعترفت .

بياخد فرح من ايدها

أسر : الله يسهل له يا عم 

بيروح علي المسرح ...

وبياخد المايك ..

أدم: اتينشن ( انتباه) بليز...

فرح بتبصله باستغراب ..

ادم بينزل علي ركبه ..والكل بيسقف وبيصفر ليه

ادم: فرح تتجوزيني

فرح بابتسامه: موافقه

اسر: بالسرعه دي يا بن الك.لب

بيشتالها ازم وبيلف بيها بفرحه ..

أسر بتفكير: في موزز كتير هنا قوم بص يمكن تلاقي اهئ اهئ الاقي مين هيا بطاطا انا مجروح بس مش عايز اعترف ..

بيخلص الفرح وادم بيوصل فرح ...

بيكون عمها واقف علي باب العماره اول مابتنزل من العربيه بيقرب منها وبيضربها قلم

* كنتي فين يا فاجره لانصاص الليالي 

بينزل ادم متعصب من عربيته وبيرد لعمها القلم

ادم بعصبيه: كانت معايا ...مع جوزها ..انت مين عشان تضرب مراتي مييين 

عمها بخوف: انا عمها.  

ادم: ايدك ان اتمدت عليها تاني هاقطعهالك اعتذر ليها بقول اعتذر ليها

عمها بخوف: انا أسف

ادم: غور من وشي 

بيمشي من قدامه بسرعه لأن حال ادم كان يخوف 

بص ادم علي فرح اللي واقفه بتعيط بدون صوت

ادم بيحضنها...

ادم: خلاص انا جمبك ما تخافيش

بتحضنه فرح بالجامد ..

بيمشي معاها لحد ما بتطلع شقتها. 

ادم: بقيتي كويسه

فرح: تمام  

ادم: عايزك تبقي قويه لما كان ضربك كنتي رديه بدون تفكير

فرح: للاسف مش بقدر

ادم: لازم تكوني قويه ...

بيبوسها ادم من خدها برقه

ادم: تصبحي علي خير يا فرح ادم 

فرح: انت هاتمشي

ادم بغمزه: هاقعد معاكي براحتنا بعد كام يوم وهابقي زي اللزقه

فرح بصت ليه بخجل واضح

ادم بضحك: مكسوفه ...اشطا

فرح: باي باي يا ادم

ادم: تصبح علي خير يا وحش

دخلت فرح وقفلت الباب وادم نزل وهوا بيضحك

فرح سندت ضهرها علي الباب وهيا بتضحك ..

..............................

في الصباح ..

بتصحي فرح وبتاخد شاور وبتلبس ترنج رياضي بتلاقي الباب بيخبط

بتروح تفتح وهيا مستغربه مين اللي هايجي دلوقتي ..

ادم: صباح الخير 

فرح بابتسامه: صباح الورد

ادم: حبيت تشوفي حاجه حلوه علي الصبح فا جيت

فرح: مغرور اوي علي فكره

ادم: طب راضي ذمتك من حقي ولا مش من حقي..

فرح : من حقك يا عم ادخل .

ادم بضحك: لأ اخاف 

فرح : خايف علي نفسك مني ولا ايه

ادم: طبعا ...اصل هابقي انا وانتي لوحدنا والشيطان وهاتتحرك مشاعرنا وممكن اعمل حاجات انا نفسي اعملها

فرح: ادم !

ادم: خلاص ..بقيتي زي الطماطم كده ليه تعالي معايا

فرح: فين

ادم: ماما تعبانه وعاوزه تشوفك

فرح: ادم !

ادم: ههههه خلاص هاعرفك علي أختي

فرح: اوك ..يلا

بتخرج فرح مع ادم وبتقفل الباب بتنزل معاه 

وبتركب عربيته...

ونفس العربيه واقفه بعيد بتراقبهم

* ايوه يا باشا هيا معاه دلوقتي

..دا تمام اوي خليك وراهم

بيقفل المكالمه وبيكمل ورا عربيه أدم...

بيقف ادم قدام بيت. ..

بينزل من العربيه وفرح بتنزل معاه ..

بيفتح الباب بالمفتاح..

وبيدخل ..

ادم: ايه رأيك في البيت كل حته فيه علي زوقي

فرح: سيمبل وشيك

ادم: دي اقل حاجه عندي

فرح ضحكت علي غروره الواضح

ادم: ساره ..ساره..

بتخرج ساره من الأوضه ...

ساره: ايوه يا أبيه

ادم: اعرفك بفرح هاتبقي مراتي

ساره بحزن: اهلا يا فرح

ادم: اقعدي معاها علي ما ادخل اعمل حاجه للأكل

فرح: ايه ده انت بتعرف تطبخ

ادم:  انا شيف عالمي يا بنتي

فرح: طب الحمد لله ضمنت آكل اكل صح

ادم: ربع ساعه وتاكلي احلي اكل

بيدخل ادم المطبخ وبتمشي ساره وبتقعد جمبها فرح..

فرح: انتي عندك كام سنه بقي يا ساره

ساره: اظن ما يهمكيش في حاجه يعني

فرح: لأ يهمني

ساره: عندي 16 سنه

فرح: بتدرسي ايه بقا

ساره قامت متعصبه 

ساره: اوعي تكوني فاكره انك هاتبعدي ابيه ادم عني ابيه ادم بيحبني وعمره ما هايبعد عني

فرح: طب اهدي بس عارفه يا ساره انا كان نفسي في اخت اوي انا نفسي ابقا انا وانتي اخوات وادم اخوكي عمره ماهايبعد عنك دا بيحكيلي وبيقول ساره دي احلي حاجه حصلت في الدنيا وعمر حبها ما يقل من قلبي بالهكس بيزيد كل يوم عن التاني 

ساره بدموع: بجد

فرح: ايوه طبعا ها ممكن نبقي اخوات واصحاب جدا بقا

ساره بابتسامه: افكر

قامت فرح حضنتها ...

دخل ادم بعد سمع كلام فرح 

ادم: احضن معاكوا ...

فرح: لا كتر خيرك حط الأكل بس

ادم: خلوا عندكوا دم وقدامي علي المطبخ

فرح: بس كده حاضر...

دخل ساره وفرح المطبخ..

ساره: ادم بيعمل اجمد

فرح : مكرونه وبانيه ههههه وعامل فيها الشيف بوراك 

ادم: حطوا الأكل بلاش غلبه بقا علي الأقل بعرف اعمل حاجه مش فاشل زيكم...

حطوا الأكل وقعدوا ياكلوا وهما فرحانين.  

.........................

* نعمل ايه يا باشا

كامل: اتقل ..اتقل علي الطبخه لحد ما تستوي خالص

........................

في الليل ...

بتنزل فرح من العربيه ..

فرح: كان يوم جميل كنت مبسوطه جدا 

ادم: يارب دايما 

فرح بصت ليه بابتسامه

ادم: يارب صبرني ...المهم 

فرح: ايه المهم ..

ادم: هاتيجي تنقي فستان الفرح 

فرح: بالسرعه دي

ادم: ايه ده هوا انا ماقلتلكيش

فرح: لأ ماقولتليش

ادم: فرحنا بعد بكره

فرح بصدمه: لأ بتهزر .....يتبع

ولسه اللي جاي تقيل مع كاتبه الجيل😎

متابعه لصفحتي الشخصيه ولاف ورايكم قبل اي حاجه

#صعيدي_مودرن(فرح_الأدم) 

#بقلم_حنين_عادل 

#كاتبه_الجيل😎

البارت 11_12من هنا هنا