 |
#انا_لك_انت #الفصل_التاسع_والعشرون
_بتعملي معايا كدا ليه يا ملك
ملك زقته في كتفه بعصبيه:فوق بقا بطل قرف
سليم سابها وهو بيضحك بدوخان: خلاص صعبتي عليا هسيبك
ملك دخلت اوضتها وقفلت الباب وقعدت علي الارض وهي بتعيط بتوتر وخوف وقالت في نفسها: استحاله يكون دا الانا حبيته؛ سليم مكنش كدا سليم كان بيخاف عليا استحاله يكون دا سليم
قامت من علي الارض ومسحت دموعها ورمت نفسها علي السرير بأرتعاش واستغطت بالحاف وهي بتقول بهمس: عدت علي خير يا ملك الحمد لله خلاص محصلش حاجه كفايه عياط
سليم دخل اوضته ورمي نفسه علي السرير من غير حتي ما يقلع هدومه ولا يعمل اي حاجه
في صباح يوم جديد
ملك صحيت من النوم بنعاس وغسلت وشها بس ملقتش سليم ولا امير اتنهدت بطمئنان وقالت: كويس انهم مش موجودين عشان لو كانوا موجودين مكنتش هخرج من اوضتي اصلا
نزلت المطبخ عشان تعمل فطار لقت مريم واقفه بتطبخ
_ متضايقه ليه علي الصبح؟ دا احنا حتي خدنا الاجازه وفضينا
ملك قعدت علي الكرسي وسندت ايدها علي البوفيه وردت علي مريم بهدوء: انتي لو شوفتي الحصل امبارح من سليم كنتي عذرتيني
مريم اتخضت من طريقه كلامها وقعدت قدامها وقالت بتساؤل: سليم عمل اي؟
خرجت الكلام من بوقها بتوتر والدموع بتتراكم في عينها كل ما تفتكر وردت علي مريم المستنيه منها جواب: كان راجع سكران امبارح و..
مريم اتنفضت بخوف: وايه؟ انطقي؟
_ حاولت اجري منه واهرب؛ هو مسكني تاني وانا زقيته وزعقت فيه لحد ما قالي وهو تعبان اصلا ومش فايق للبيحصل خلاص هسيبك صعبتي عليا دخل اوضته وهو مدروخ وانا دخلت اوضتي وفضلت اعيط من خوفي
مريم خبطت بأيدها علي البوفيه بعصبيه وقالت: ازاي يحاول يعمل كدا؟ سليم اصلا مبيشربش المخروب دا خااالص؛ مفيش غير امير الحيوان الخلاه يقرب من الحاجات المقرفه دي
ملك قامت من مكانها وفتحت التلاجه ملقتش فيها اكل خالص فقالت بلامبالاه: اهم حاجه اني نفدت من ايد سليم امبارح انا عارفه ومتأكده انه مكنش في وعيه بس برضو خوفت منه اوي يلا الحصل حصل؛ بصت لمريم وقالت: التلاجه مفيهاش اكل خالص؟ اومال انتي بتعملي ايه!
_ بعمل بطاطس؛ مفيش غيرها حاليا عشان كلنا الفتره دي مكناش فاضيين ننزل نشتري اكل وكدا
ملك خرجت برا المطبخ وطلعت لأوضتها عشان تجيب حاجه تلبسها وقالت لمريم بصوت عالي عشان تسمعها: مريييييم اللبسي يلا اي حاجه تلاقيها في وشك هننزل نشتري خضار وكام حاجه للبيت؛ سليم سايبلك الفيزا صح؟
مريم طلعت ع السلم ودخلت اوضتها ولبست البنطلون وهي بتقول لملك: هو كمان سايبلي فلوس برا الفيزا عشان لو احتجتها في اي حاجه
ملك خرجت برا الاوضه وخرجت شعرها من جوا الجاكيت وقالت لمريم: يلا انا لبست
مريم لبست الشبشب ولمت شعرها كحكه وخرجت مع ملك
**
امير روح الڤيلا وهو متبهدل والقميص بتاعه مفتوح والجاكيت مرمي علي كتفه وحالته حاله
_ مفيش حد ف ام البيت دا ولا اي؟....
طلع لأوضته ورمي نفسه علي السرير بتعب وقال: احسن برضو؛ لو حد شاف منظري دا هيمسكوني تريقه
قام من ع السرير تاني وهو حاسس بجوع نزل يدور علي اي اكل في المطبخ؛ فتح التلاجه ملاقاش فيها حاجه؛ بس لقي طبق بطاطس محطوط ع البوفيه
مسك الطبق وطلع بيه لأوضته وهو بيقول: كويس ان حد افتكرني وعملي اكل انا شويه كمان وهرجع من كتر البيره؛ عايز اخرج من القرف الانا فيه دا بس مش عارف ازاي
***
ملك دخلت المول مع مريم ومسكت العربيه بتاعت المول
_ هاتيلي شنطه عشان اجيب خيار مفيش خيار خالص
مريم جابت لملك شنطه ومسكته عشان تشوفه حلو ولا لأ ف قالت: اي يبنتي دا؛ الخيار هنا مش حلو؟
ملك حطت الخيار في الشنطه وقالت: مش نعمه ربنا دي؟ كلي وانتي ساكته.
مريم راحت الناحيه التانيه وجابت كيس عشان تحط فيه الطماطم
ملك حطت الخيار في العربيه وراحت ناحيه مريم وقالت بهمس: بت؛ الحاجه هنا غاليه اوي؛ مروحناش ليه سوق الجمعه بدل شغل العيال الفافي الاحنا فيه دا.
مريم حطت شنطه الطماطم ف العربيه وقالت لملك: امشي يا بت سوق جمعه اي الانا لسه هروحه دا وبعدين يا ستي متجيبي الانتي عايزاه هو سليم منه عنك حاجه؟
_ مش حكايه منع او ممنعش كل الحوار اني مش عايزه اغرمكم
مريم زقت العربيه مع ملك وهي بتضحك: يا ستي امشي الله لا يسيئك وملكيش دعوه انتي
سليم روح ع الڤيلا بس ملاقاش ملك ولا مريم؛ طلع اوضته لقي امير فاتح اوضته ونايم ع السرير بشكل غريب ورامي طبق البطاطس جمبه
دخل اوضه امير وعدل نومته وشد طبق البطاطس وقال في سره: معفن طول عمرك رامي طبق البطاطس جمبك ليه وتلم علي امنا الحشرات؛ وبعدين ايه دا! جاموسه نايمه؟
نزل حط الطبق في المطبخ واتصل علي ملك عشان يطمن عليهم
_ ملك مردتش علي اتصاله وقالت لمريم: مش عايزه اكلمه؛ خايفه منه بطريقه مش هعرف اصوفهالك.
مريم اتنهدت بحزن: انتي عارفه انه مكنش واعي للبيعمله وغير كدا كمان هو سابك زي ما انتي قولتي يعني حتي محاولش يعمل اي حاجه
_ لا والله! انتي بتطبلي لأخوكي يا مريم؟ هو انا لسه هستناه لما يعمل
مريم جابت كام كيس شيبسي وحطته في العربيه وقالت: صدقيني ما بطبله ولا حاجه؛ انا بس بحاول اشرحلك الموضوع بطريقه تانيه عشان منظلمهوش
ملك خدت العربيه ومشيت من قدامها: لا شكرا متشرحيش انا الشوفت مش انتي
مريم جريت وراها: استني بس
_ سليم ملاقاش اي رد منها ف اتصل علي مريم
_ ايوه يا سليم؛ احنا في المول بنشتري حاجات للبيت
_ تمام ماشي؛ بس ملك مبتردش عليا ليه لما بتصل؟
مريم ضمت حواجبها باستغراب وقالت: هو انت مش عارف انت عملت اي عشان تعمل معاك كدا؟
_ عملت اي يا مريم؟ انتي هتلبسيني نصيبه وانا قاعد
مريم خرجت ازازه بيبسي من التلاجه وحطتها في العربيه وقالت: سليم انت فقدت الذاكره ولا ايه؟ ما تفوق كدا
سليم قفل في وشها بعصبيه ودخل اوضته وريح ضهره ع السرير بهمدان وهو بيقول: بتكلم مع عيله هبله؛ عملت ايه انا مش فاهم يعني؟ انا روحت مع امير امبارح البار وبعد كدا مش فاكر حصل اي؟؟ هيكون اي حصل يعني!!
ديما كانت قاعده علي السرير في اوضتها وبتعيط بهمس وهي بتبص لصوره مامتها: الايام من غيرك وحشه اوي يا ماما
_ متخيلتش ابدا انك ممكن تمشي وتسيبيني؛ عارفه اني ضايقتك كتير اوي وقليت ادبي عليكي كتير اويي؛ حتي اتعلمت حاجات مقرفه وبقيت عدوانيه لدرجه اني بقيت بعذب ملك ومريم كل اما اشوفهم ؛ بس هما الكانوا بيضايقوني صدقيني
قامت من ع السرير وحطت صوره مامتها علي الكومود بتاعها وبصت لنفسها في المرايه: صدقيني ا امي اني مش غلطانه علي حاجه عملتها عشان ملك فعلا متستاهلش؛ دي مزعلتش عليكي وسابتني ومشيت تخيلي!
مسحت دموعها وقعدت ع الكرسي واتصلت ب كريم:
رد بقا رد هتفضل تتجاهل اتصلاتي لحد امتي
꧁꧂
ملك وقفت بتعب وقالت: احنا كدا جيبنا كل حاجه؛ ناقص اي تاني؟
مريم اتجهت ناحيه العطار وجابت توابل
_ عايزه فلفل اسود وشطه و كاري و كمون وكسبره وحبهان و جوزه الطيب ونوعلي بقا من كله عايزاك تحطلي كل التوابل المطلوبه في اي بيت تمام؟
ملك بصت لمريم بأستغراب: اي كل د هتشتري التوابل كلها؟
_ ايوه عشان منتضطرش ننزل نشتري تاني هنكون جيبنا كله مره واحده؛ روحي بقا هاتي علبتين شوكولاته ونوعي انتي بقا حاجات حلوه عشان نحلي كمان بالمره
ملك مسكت العربيه واتجهت لقسم الحلويات
حطت علبتين شوكولاته و اكياس شيبسي كتير وبيبسي وعصاير و بسكويت واندومي و نوتيلا و نوعت بقا حاجات حلوه قد كدا
خرجوا من المول بعد ساعات وهما شايلين في ايدهم شنط كتير ومش عارفين يمشوا بيها
_ اطلبي اوبر يا مريم او وقفي تاكسي مش هنعرف نمشي كدا
مريم شاورت لتاكسي جاي من بعيد وحطوا الشنط في التاكسي وركبوا
_ العصافره لو سمحت
مريم بصت لملك بضيق وقالت: لا عصافره اي احنا مش هنروح الاول هنروح نشتري كام طقم كدا
_ يا بنتي الدنيا هتليل علينا
مريم رفعت كتفها بأستهتار وقالت: ما تليل هنتاكل ف الشارع مثلا؟
꧁꧂
مي بتوتر قعدت جمب سيف: عارفه اني غلطانه بس انا خلاص يا سيف مبقتش قادره استحمل انتقامهم مني
_ هما انتقموا مننا كلنا يا مي؛ اوعي تكوني فاكره اني قاعد في مايه البطيخ! لا دا انا بضرب كل يوم من اول يوم شوفنا فيه مريم وملك وانا بضرب كل يوم بس مع ذلك مبحرمش اني اضايقهم معرفش بحس بتسليه لما بضايقهم
مي مسكت ايدها ودعكت فيها بخوف: دا علي اساس مثلا اني مبتهددش بأنهم هيقولوا لأهلي؟ انا كل يوم بتهدد؛ اكيد كريم وديما حسابهم كبير اوي مع ملك ومريم
꧁꧂
ديما خرجت من البيت واتمشت في الشارع وهي بتفتكر مامتها
_ مبقاش ليا حد في الدنيا من بعدك حتي بابا مسافر ومش عارفه اوصله؛ عايشه من بعدك وحيده حتي المدرسه الحاجه الوحيده الكانت ممكن تسليني راحت مني بسبب ملك ومريم؛ انا تدمرت من بعديكي يا امي؛ تعرفي اني بعيط كتير اوي بليل عشان بس مش متعوده علي غيابك؛ الاسود الانا لبساه دا مش هقلعه حزني عليكي مش هيخلص ولا عمره هيخلص؛ انتي الحاجه الوحيده الكانت مصبراني علي الدنيا يا امي انتي الحاجخ الوحيده المصبراني علي بعد بابا عني وعن قسوته معايا
حطت ايدها في جيبها وكملت مشي
꧁꧂
مريم خرجت من البروڤا وهي بتلف حوالين نفسها وبتقول لملك: ها! اي رأيك؟
_ لا لو لبستي واحد غيره هيكون احلي...
ملك خدت سلوبت ودخلت تقيسه وخرجت لمريم: ها!
رايك؟
_ تؤ تؤ لو لونها اسود هتبقي اشيك
مريم دخلت البروڤا وقاست بنطلون جينز وتيشرت ابيض قصير
وخرجت وهي بتبص لنفسها باعجاب وقالت لملك: حلو؟
_ لا التيشرت قصير شويه مش هيبقي حلو عليكي خصوصا انك طويله؛ انتي عارفه انتي محتاجه ايه؟
مريم رفعت كتفها بتساؤل: ايه؟
_ السلوبتات هتليق عليكي اوي عشان انتي فرعه ورفيعه هتبقي حلوه عليكي اوي
مريم ضحكت وبصت لنفسها في المرايه بأعجاب وقالت: عندك حق
ديما مسحت دموعها وبصت علي بنت بتهزر مع مامتها في محل فقالت بحزن: ياريتك كنتي معايا علي اقل كنا عيشنا الايام دي مع بعض؛ مكنتش مصدقه ان غياب الام بيفرق كدا؛ بس صدقت لما انتي غيبتي عني يا امي؛ اتاريني كنت في حماكي طول مانتي عايشه وانا مش واخده بالي!
التفتت عشان تمشي لقت مريم وملك جوا في نفس المحل بيقيسوا لبس وبيهزروا
دخلت بعصبيه والشر هيطق من عينها وخبطت ملك في كتفها وقالت: هو انتي معندكيش دم؟ امك لسه ميته وانتي قاعده بتهزري وبتشتري لبس؟
ملك ردت عليها ببرود وقالت: اااه قصدك مامتك؟ نريمان يعني؟ ربنا يرحمها ويصبرك علي فراقها بس معلش عندي سؤال هو انتي جايه تشتميني ليه اني بهزر عادي بعد وفاه مامتك؟
ديما بعصبيه: عشان دي مامتك انتي كمان ولا نسيتي؟
ضحكت بسخريه وقالت: نسيت؟ نسيت ايه دي حته معاشتش معايا حاجه عشان انساها؛ انا مشوفتش نريمان دي غير لما كبرت يا ديما وكمان كنت بحاول اخليها تحبني وتعتبرني بنتها زيك بس هي موافقتش وبعدتني عنها بكل الطرق التجرحني وجايه تقوليلي مش زعلانه ليه؟
انا اصلا مشوفتهاش غير مره او مرتين يا ديما وفي المره والمرتين دول مسابتليش حتي ذكره حلوه افتكرها بيها.!! بالعكس دي جرحتني اكتر واكتر وجرحتني جرح عمره ما هيتلم ابدا ولا هيتقفل من الاخر يا ديما نريمان تبقي امك انتي و بس هي عمرها ما كانت ام ليا انتي جايه تحاسبيني علي ايه؟
ديما مسحت دموعها من كلام ملك وقالت: انتي مبتحسيش اصلا
مريم ضحكت بسخريه وقالت: لا يا بت انتي البتحسي وعندك مشاعر؛ دا انتي دموعك دي منزلتش غير بعد وفاه امك؛ كانت فين مشاعرك واحاسيسك دي لما كنتي بتذلينا وتهينينا وتضربينا بعد المدرسه؟ كانت فين مشاعرك وضميرك لما كنا هنموت محروقين بسببك؟
هه وترجع تقول انتي مبتحسيش لا اصملا عليكي يابت
ديما خرجت برا المحل وهي متعصبه من طريقه كلام مريم معاها وسابتهم هما الاتنين وخرجت وهي بتقول: مش هقدر اعملكوا اي حاجه بعد انهارده!
مش هقدر انتقم منكم زي ما انا عايزه تاني خلاص؛ اكتفيت اوي منكم تعذيب اصلا
꧁꧂
ملك ومريم روحوا البيت بعد ما اشتروا حاجات قد كدا
قلعت الكوتش من رجلها بتعب وقالت: اتهد حيلي
مريم قلعت الشبشب من رجلها وقالت: شوفتي بقا فايده الشبشب؟ بتقلعيه علطول بلا وجع دماغ لسه هلبس كوتش
امير اول ما سمع صوتهم وطي صوت التلفزيون وقال: اي دا؟ انتوا اشتريتوا محلات اسكندريه كلها وجيتوا ولا ايه؟
مريم حطت الشنط ع الصالون قدامه وقالت: لا يا اخويا اشترينا اكل عشان متفضلش تقول انا البعمل كل حاجه
ملك شالت الشنط بتاعتها وحطتها ع السفره و سليم خرج من المطبخ وهو ماسك صينيه فيها طبق فول و طبق بطاطس وبيض وبيقول وهو مش واخد باله ان مريم وملك موجودين: احلي عشا ممكن تاكله انهارده
ملك اول ما شافته طلعت تجري علي اوضتها من سكات
سليم لاحظ ف بص لمريم وقال: هو الموضوع طلع بجد ولا ايه؟
انا عملت اي لملك! انا معرفش ومش فاكر لو كنت عملتلها اي حاجه؟
مريم رفعت كتفها ببرود وقالت: طب اطلع اسألها يمكن تفتكر
سليم بالفعل طلع لأوضه ملك وامير فتح الشنط عشان يشوف جابوا ايه
مريم زقت ايده وقالت: اوعا متخربش في الحاجه
_ الاه! مش لازم اعرف جايبين ايه منا فرض من افراض العيله برضو؟
مريم دخلت المطبخ وشدت الشنط وهي بتقول: صبرني يارب
حطتهم علي البوفيه وامير ما ذال بيحاول يعرف فيه اي في الشنط
فتح الشنط وقال: شوكولاته؛ تمام ماشي (حطها علي البوفيه وكمل تقليب)
_ توابل؛ تمام ماشي (حطها برضو ع البوفيه وكمل تقليب)
_ توابل تاني! لا كدا مش تمام؟ انتوا روحتوا لميتوا محل العطاره كله وجيتوا ولا ايه
مريم ضحكت بسخريه: هه خفيف
خرج من باقي الشنط اكياس شيبسي وبسكويت وبيبسي ونوتيلا
قال وهو بياخد كيسين شيبسي وكنزايتين بيبسي: انا هاخد دول
مريم شدت منه كيس الشيبسي والكنز وقالتله: لا هو كيس واحد متبقاش طماع
_ لا يا شيخه! دا علي اساس انك واخده كيس واحد؟ انتي واخده اكياس الشيبسي كلها ربنا يستر ومطلعش الصبح من اوضتي الاقيكي ١٠٠ كيلو
فتح بقيت الشنط وخرج منها فراخ و لحمه و لانشون وجبنه و فطير ربع ايده وقال بتساؤل: مجبتوش جبنه قريش بالمره ليه؟ حد قالكم اني بحب الجبنه البيضه؟
مريم حطت الحاجه في الشنطه تاني وقالتله: والله احنا اصلا مش جايبين الجبنه البيضه دي ليك ولا واخدين رأيك في اي حاجه ومتبهدلش الدنيا تاني عشان انا تعبت ومش قادره اقفل الاكياس
_ يعني هتحطي الاكل بالشنط بتاعته في التلاجه؟ انتي عبيطه؟
مريم افأفت بعصبيه: يوووه خلاص خرجهم تاني وحطهم في التلاجه بس حط بترتيب ومتعملش حاجه من غير ما اقولك
꧁꧂
سليم خبط ع الباب ودخل قعد ع الكرسي وقال لملك بتساؤل: ينفع افهم فيه اي؟
ملك وقفت في البلكونه وادتله ضهرها وهي بتقوله: يعني انت مش عارف فيه ايه؟
سليم قام وراح وراها ورد عليها بأستغراب: فيه ايه يا ملك؟ انا مش عارف انا عملت ايه اصلا؟
ملك بعصبيه: سليم انت كدا وفاكر كل حاجه!
سليم جز علي سنانه بغيظ وقال: انا مش كداب يا ملك؛ قوليلي انا عملت ايه وخلصيني
_ انت رجعت امبارح سكران طينه وقربت مني بطريقه غريبه لدرجه اني طلعت اجري منك و لما انت لقتني بجري منك سيبتني ودخلت اوضتك
سليم حمحم بخجل وقال: احمم انا؛ مش عارف اقولك ايه!
_ انا غلطان بكل المقاييس يا ملك؛ انا اسف بس انا مكنتش في وعيي
ملك زقته بعصبيه وقالت: وانا ذنبي ايه انك مكنتش في وعيك؛ كنت هستناك لما ترجع لوعيك مثلا؟
مسك ايدها بندم وقال: عارف اني غلطان وبعترف؛ ومش عارف انا ايه الخلاني اشرب وانا اصلا مبشربش؛ انا اسف يا ملك اسف وانا بعترفلك اني غلطان
꧁꧂
كان بيرتب الحاجات في التلاجه مع مريم وبيقول: انا حطيت الجبن كلها جمب بعض ها اعمل اي تاني؟
_ خرج بقا علبه البيضه وحط البيض في رف التلاجه
امير فتح علبه البيض وحطه في الرف بس وقعت منه بيضه من غير قصد
مريم حطت ايدها في وسطها وقالتله: مش هتعصب عليك؛ بس انت ال هتلم ال علي الارض دا
امير قام بعصبيه وقال: لا مش همسح حاجه مش كفايه اني بساعدك
_ مساعدتك جايه عليا بخساره وحياتك
امير فتح بقيت الشنط ومردش عليها
_ طب مش هتلم ال علي الارض؟
امير حرك رأسه بمعني انه مش هيلم حاجه وحط اللانشون في الفريرز
ملك رزعت بأيدها جامد ع البوفيه وقالت: انت هتشلني يا امير؟ هو فيه لانشون بيتحط في الفريزر؟
امير خرج اللانشون وقالها بضيق: ما انا بصراحه معرفش! شوفتيني اتجوزت قبل كدا
_ اي علاقه الجواز بالانشون هموت وافهم؟
حط اللحمه ف الفريزر وقالها: عشان يعني الجواز بيخلي الواحد فاهم اكتر في مواضيع الاكل دي لأن من الطبيعي ان الزوج هو البيشتري الاكل لمراته وكدا وبيعمل معاها ف بيبقي عارف
مريم حطت التوابل في البوفيه وقالتله: علي اساس يعني ان انا الاتجوزت قبل كدا؟ كلامك مش منطقي ومتحاولش تبرر لنفسك الغلط
امير فتح بقيت الشنط وقالها: متوجعيش دماغ امي؛ وبعدين هي الشنط دي مبتخلصش؟
مريم رفعت كتفها ببرود: مش انت العايز تساعددني خلاص استحمل بقا
꧁꧂
كان نفسها تقوله انها مسامحاه بس مقدرتش تسامحه بسبب ال هو عمله ف قالتله: سليم لو سمحت ابعد عني خالص كفايه خوفي منك؛ وبعدين كفايه كدب بقا انت فاكر كل حاجه بس عامل نفسك عبيط
سليم بعصبيه: انتي اول واخر واحد تتكلمي عن الكدب يا ملك؛ ايه فكراني عبيط ومش واخد بالي كل الوقت دا انك بتكدبي عليا انتي ومريم؟ فكراني عيل قدامك؟ ومش هاخد بالي؛ لا يا ملك الانتي متعرفيهوش اني عارف كل حاجه ديما بتعملها معاكي هي وصحابها وعارف كدبكم عليا طول الوقت دا كله
#يتبع
#بقلم_حبيبه_محمد
اتفاعلو بعشر تعليقات ولايك وتفاعل كتير
البارت 30من هنا هنا
تعليقات
إرسال تعليق