 |
#انا_لك_انت #الفصل_الثالث_عشر #والفصل_الرابع_عشر
ولما بشوفك بحبك اكتر من الاول
سليم قلبه نبض بتوتر وكأنه بيقوله روح اعترفلها بحبك الكبير ليها قلبه فرح لما سمع الكلام دا من ملك قد اي هي بتحبه؟ وقد اي هي مبتفكرش غير فيه
خد منها الهديه وفتحها وهو بيبتسم بحب وقالها: وانتي طيبه يا ملك
ملك ملامحها اتغيرت لملامح كلها ذهول وقالتله: بس كدا؟؟
سليم رفع كتفه وقالها: بس كدا اي؟؟؟؟
ملك ما ذالت مصدومه قالتله: بس كدا يعني مفيش اي كلام تاني عندك عايزه تقوله ليا
سليم فهم كلام ملك وقالها: مش عايز اكسر قلبك اكتر من كدا انا بحاول علي قد ما اقدر ابعد عنك يا ملك عشان بس متفكريش فيا واكسر قلبك اكتر بحاول اقسي معايا بكل الطرق مع اني مش كدا اصلا ولا دي طريقتي مع البنات ولا حتي بحب اقسي علي بنت ولا اتطاول عليها بسبب اني مش كدا بس انتي بتضطريني اعمل كدا بتخليني اقسي عليكي وضميري يأنبني في الاخر؛ خايف اقولهالك تاني يا ملك بس انتي لازم تفهمي وتعرفي اني مش بحبك شوفي حياتك ومستقبلك يا ملك ومتفكريش فيا خالص مستقبلك اهم مني بكتير اوي
ملك غمضت عينها بوجع كبير وقالتله بكلمات متقطعه: ف.فع..فعلا ليك حق
قالتله وهي بتعيط بس بتحاول متكسرش نفسها اكتر: فعلا ليك حق في كل كلمه قولتها انت عمرك ما حبتني ولا عمرك هتحبني بس تعرف العيب مش عليك العيب كان عليا انا من الاول؛ انا الخدت من مجهودي ومن تفكيري كتير اوي عشانك
قالتله وهي بتعيط بحرقه وعينها محمره وخدودها: انا حبيتك اكتر من نفسي في اكتر من كدا؟؟
انا بس مجرد حبيت اهتمامك بيا وغيرتك عليا وحنيتك ونظراتك ليا انا ركزت في كل تفاصيلك وبقيت بحاول اكون اجمل بنت عشان اكون حلوه في نظرك عشان بس تبصلي وتبطل اهانه ليا؛
ضربته في قلبه وهي بتزعق فيه ودموعها بتنزل كل ماده اكتر وهو عيونه متجمع فيها دموع: قلبك دا المفروض ميحبش اصلا عشان انت معندكش قلب تحب بيه يا سليم؛ انا تعبت معاك اوي تعبت اوي عشان اوصل لكلمه بحبك منك بس انت فيه جوا قلبك حجر مش حب؛ بس عارف انا كل يوم بوعد نفسي بجمله واحده بس؛ انا ليك انت؛ بوعد نفسي اني ليك بوعد نفسي اني هشوفني معاك في يوم من الايام
حتي تعرف؟ انا عملت كتاب صغير كاتبه فيه كل حاجه تخصك وتخصني ومسميه الكتاب ( انا لك انت)
ضحكت بألم كبير وقالتله وهي بتحاول تبان قويه قدامه: من انهارده هشيلك من قلبي تماما عارف؟ انا قولت هشيلك من قلبي قبل عقلي ليه؟ عشان مش هغلط نفس الغلطه مرتين واقول هشيلك من عقلي قبل ما اشيلك من قلبي وكانت دي غلطه كل مره وكنت كل لما اقولك هبعد عنك مبعدش بسبب حبي ليك بس خلاص خلص الكلام انسي يا سليم انسي وخرج من مخك يكون فيه حاجه اسمها ملك من انهارده؛ اسفه اني تقلت عليك في حاجات كتير اوي وانت مستحملني بالعافيه بس صدقني اول لما اوصل للسن القانوني واشيل نفسي مش هتشوف وشي قدامك تاني يا سليم
سابته ودخلت الاوضه وهي بتعيط ومنهاره لأن مع كل كلمه هي قالتها كانت بتكدب فيها عشان هي قالت انها خرجته من قلبها بس هي لسه بتحبه هي لسه مش عارفه تخرجه من قلبها
في حمل كبير اوي جوا قلبها مش عارفه تخرجه حتي بالعياط لبست الچاكيت الاسود بتاعها والايس كاب
*******
سليم دخل اوضته ووقف ورا الباب وعيونه كلها قهر وحزن بسبب كلام ملك عنه
قعد علي السرير وهو بيرمي نفسه وبيقول بلامبالاه: كرهتني خلاص!!!!!
كرهتني بسبب برودي معااها و قسوتي البتزيد يوم عن القبله
غمض عينه وهو في افكار كتير اوي بتدور في دماغه وبيقول: هيحصل اي لو ملك حبت حد غيرك؟ هتعيش طول عمرك علي حبك الانت مخبيه في قلبك يا سليم؟ وكل دا عشان اي؟ عشان عندك وتكبرك؛ عشان بتكابر في حبك ليها؟ وخايف تعترفلها علي ال في قلبك!!! انت جبان ومعندكش جرأه تقولها وحتي لو روحت قولت خلاص فات الاوان ملك كرهتك وخرجت من قلبها
******
لبست الهاڤ بوت بتاعها وفتحت الباب براحه وخرجت من البيت بهدوء عشان محدش يسمعلها حس مشيت في عز المطره لوحدها والجو الساقعه والبرد دا كانت مغطيه نفسها بالشال وضمه نفسها بأديها الاتنين وماشيه بتفكر في الموضوع وهي هتلج من السقعه ووشها محمر وخدودها محمره حتي عيونها من العياط ومن السقعه راحت قعدت في جنينه فاضيه مفيهاش حد وقالت وهي بتعيط:مبقاش عندي مشاعر بسببه كرهت نفسي وفقدت الامل في كل حاجه؛ دا هو الكان مهون عليا في موت بابا عشان
قالت وهي بتعيط بحرقه وموطيه وبتبص للارض وهي بتعيط وبتقول: عشان هو كان زي بابا بظبط
مسحت دموعها وقامت وفضلت تتمشي لحد ما الشمس طلعت
راحت المقابر عشان تزور والدها
اول مار احت للقبر بتاعه عيطت جامد اوي وهي بتقوله بحروف متقطعه: و.. وح.. وحشتني
نزلت وقعدت علي الارض وهي بتلمس التراب وبتعيط وبتقول بحزن: العيشه من غيرك صعبه اوي يا بابا؛ لو مكنش سليم هو المراعيني دلوقتي كان زماني مرميه في الشارع سليم خلي باله مني كتير اوي يا بابا وحافظ عليا حافظ عليا من الشارع ومن الكلاب ال في الشوارع
مسحت دموعها وقالتله بأبتسامه: بس تعرف؟ انا عارفع انك دلوقتي في مكان احسن بكتير عشان كدا انا مش هزعل ابتسمت اكتر عشان افتكرت باباها وذكرياته معاها قالتله: فاكر زمان لما كنت ببقي قاعده معاك وانت بتبقي مخاصمني وانا ببقي بتلكك عشان اصالحك وانت بتبقي عامل نفسك نايم عشان متكلمنيش كنت بقولك طب اديني اشاره لو انت سامعني يا بابا فاكر كنت بتعمل اي كنت بتكح عشان تديني اشاره اقوم انا ضاحكه وحضناك جامد
قالتله وهي مغمضه عينها بحزن: دلوقتي مقدرش اقولك اديني اشاره لو انت سامعني يا بابا ولو قولتلك مش هتعرف تديني اشاره
قالتله وهي بتضحك علي ذكرياتهم: بس تعرف؟ انا هقولك حتي لو انت مش هترد عليا
قالتله وهي بتلمس التراب بأشتياق ولهفه: اديني اشاره لو انت سامعني يا بابا
غمضت عينها ولمست التراب بحزن بس سمعت صوت حد بيكح فتحت عينها وبرقت برعب ورمت التراب وطلعت تجري وهي بتقول بنهجان وخوف: لا يا بابا مش للدرجه دي يعني انا كنتي بفتكر ذكرياتنا مش اكتر بس مقولتلكش ترعبني وتسرعني
دا انا شعري هيبيض من الخوف كملت جري وهي بتبص وراها بخوف لحد ما خبطت قبل ما تلف وشها قلبها كان هيقف من الخوف وقعت من طولها
****
في صباح يوم جديد
ملك فتحت عينها لقت نفسها نايمه علي السرير ومريم جمبها
مريم قالتلها وهي بتحاول تطمن عليها: ملك انت كويسه؟
ملك خدت نفسها وقالت وهي بتضحك كل لما تفتكر الحصل امبارح: هحكيلك؛ روحت ازور بابا في المقابر واتكلمت معاه شويه وقولتله يا بابا لو انت سامعني اديني اشاره فا لقيت حد بيكح جمبي طبعا عيني ما شافت الا النور وطلعت اجري وقلبي كان هيقف م الخوف فا خبطت في حد ومكنتش اعرف خبطت فين مين ولقيت نفسي نايمه علي السرير مين جابني وخبط في مين!!! الله واعلم!
مريم فضلت تضحك جامد وقالتلها: يالهوي علي الرعب الانتي عيشتيه امبارح
ملك ضحكت وقالتلها: اسكتي دا انا هحرم ازوره لوحدي تاني
مريم قومتها من علي السرير وقالتلها طب يلا يختي عشان نفطر ورانا مدرسه انتي ناسيه ولا اي
ملك قامت مع مريم وقبل ما تخرج قالتلها: اه صح! نسيت اقولك انا امبارح قطعت كلام مع سليم بمعني اني مبقاش في بيني وبينه اي حاجه؛ وكل كلمه انا بقولها خارجه من بوقي علي محمل الجد انا وسليم انتهينا مبقاش في حاجه اسمها ملك وسليم اصلا
مريم قالتلها بحزن: اي حصل لكل دا
ملك خرجت من الاوضه وهي بتقولها: كل الحوار انه حب من طرف واحد وانتهي الموضوع
نزلوا عشان يفطروا كان سليم قاعد والسفره جاهزه واميره قاعد برضو
ملك قعدت وهي بتقول بأبتسامه: صبااح الخير
امير بص لسليم وقاله بهمس: هي مالها في اي بتبصبح عليك وكأن مفيش حاجه حصلت امبارح...
سليم سكتت وكان بيلاحظها من بعيد
ملك كان عينها علي الزيتون فا جابت زتونه وسليم كان ملاحظ فا حط ايده هو كمان عشان يلمس ايدها ملك اول ما ايد سليم جت علي ايدها شدت ايدها وكملت اكل
امير ضحك وقالها بهمس: قال يعني البت واخده موقف
ملك خبطت امير في رجله ومسكت الفون وبعتتله مسدج
امير فتح فونه عشان يعرف فيه اي
ملك بعتتله وهي بتقوله بعصبيه: امير!!! متتكلمش كتير عليهم عشان ملك هتاخد بالها وهتضايق
امير رد عليها وهو بيضحك وبيقولها: اصل بصراحه حوارهم دا عاجبني اوي ولازم انكشهم فيه
ملك بصت علي مريم البتكتب ومركزه في الفون وعماله تضحك وقالتلها: اي يبنتي في اي؟ ما تاكلي
مريم قفلت الفون بتوتر وقالتلها: حاضر
سليم كان كل همه ان عيونه تيجي في عيون ملك مش اكتر بس هي للأسف مكانتش مدياله اي فرصه تشوفه
قامت من علي السفره ومريم معاها وطلعوا يلبسوا وكان سليم وامير لابسين اصلا ولسه قاعدين بيفطروا
امير خد نفس مريح وقال لسليم: اخيرا طلعوا؛ هي مش معبراك كدا ليه
سليم قاله بحزن: ليها حق
امير ضحك وقاله وهو بيضحك جامد: اومال لو عرفت انك انت الخبطت فيها امبارح في المقابر وانك انت الكحيت برضو
سليم افتكر وضحك جامد وقاله: اول ما شوفتها من الشباك نازله لوحدها نزلت وراها علطول وطبعا عشان انت لازق فيا جيت ورايا
flash back
كان سليم واقف ورا الشجره وامير جمبه بيبصوا علي ملك القاعده بتكلم باباها
الهوا كان شديد اوي لدرجه انه بيعمل اصوات مخيفه والحاجات عماله تتحرك في الارض؛ ف كان فيه عصايه ملبسينها جلابيه بيضه علي شكل انسان واقفه والهواء عمال يحرك فيها وعماله تروح يمين وشمال بشكل مخيف امير رجله اترعشت من الخوف ومسك في سليم وقاله خوف: ابوس ايدك مشيني من هنا
سليم زقه بحده وقاله: اسيب ملك لوحدها يعني انت عبيط
امير فضل يترعش من الخوف وكان ماسك في سليم جامد وهو مرعوب وبيقوله: يا ابن الناس خدني ويلا نمشي احسنلك بصراحه انا مش ناوي اتلبس دلوقتي
سليم زقه ومردش عليه
امير بعصبيه لدرجه ان هيعيط م الخوف وعمال يبص علي العصابه البتتحرك ويكلم سليم: يلا يا سليم ربنا يهدك
قال في سره وهو مرعوب: اعوذ بالله من الشيطان الرچيم بسم الله الرحمن الرحيم
سليم زقه بعصبيه وقاله: يا اخي اوعي بقا هديت كتافي؛ ما تسترجل شويه يا امير في اي
ملك كانت بتقول لباباها: لو انت سامعني اديني اشاره
فا امير كح بالصدفه وملك طلعت تجري سليم ضرب امير وقاله: انا غلطان اني جايبك معايا وقفت قلبها يا اختي
طلعوا يجروا وراها بس هي تاهت منهم وملقوهاش
سليم وقف بضهره وهو بيقول بأستسلام: شوفت!! اديها تاهت مننا
كانت عماله تجري لحد ما خبطت في ضهر سليم
سليم فرح وشالها علي ايديه ومشي هو وامير وعمالين يضحكوا علي الحصل
Back
امير ضحك جامد وقال لسليم: كان يوم مسخره والله؛ انا فطست ضحك ساعتها اصلا
ملك ومريم نزلوا لقوا سليم وامير بيضحكوا جامد
بس الحاجه دي اثرت في ملك اوي مشيت وخرجت ركبت العربيه واسبتهم وهي بتقول في نفسها: سليم بيضحك وعايش من بعديا اهو فعلا هو مكنش بيحبني ومكنش فيه داعي يقولهالي كتير افعاله كانت واضحه بس انا كنت عاميه
امير ركب جمب سليم قدام ومريم جمب ملك
*****
وصلهم المدرسه وكان مستني من ملك انها تكلمه بس هي مكلمتهوش ودخلت مع مريم وسابته
امير فوق سليم وقاله: فوووق البت نسيتك خلاص يلا عشان الشغل احنا اتأخرنا
سليم قال لأمير بعصبيه: لا الواد دحيح اوي من اول يوم شغل
***
ملك اول ما دخلت المدرسه كريم وديما والشله كانت واقفه مع بعض
ديما لقحت علي مريم بالكلام وقالت: وانا اصلا مشكلتي في عيونها بتجيبني بلاد وتوديني
كريم لاحظ كلام ديما وضحك وهو بيقولها: مستوي معجبيني وصل للأرض كدا ليه
سيف وقف قدام ملك ومريم وقالهم: مش ملاحظين ان كل التلقيح دا عليكوا ولا اطرشتوا
ملك قالت لسيف: التلقيح دا للبنات بس ومتخلينيش اقولك لفظ مي هيعجبك
مريم قالت لملك بتريقه: انتي ناسيه انه غير اسمه من سيف لسوسن ولا اي؟؟
سيف اتغاظ وراح وقف مكانه تاني بس ديما طلعت مكان سيف وقالت: التلقيح للرجاله عادي
ملك قربت منها وهي بتقولها بتريقه: اممم عشان كدا بقا انتي بتلقحي علينا اتاريكي راجل من ضمنهم واحنا منعرفش
مريم ضحكت وقالت بسخريه: معلش سامحينا مكناش نعرف ان اسمك الحقيقي شوقي
مريم انجشت ملك وطلعوا الفصل وسابوا ديما وكريم وسيف يولعوا من الغيظ
*****
انهارده يا شباب هناخد درس جديد وعايزاكم كلكم تركزوا فيه الدرس دا من اهم الدروس الهناخدها محتاج مزاكره جامده وتركيز
بعد خروجهم من المدرسه
روحوا البيت وزاكروا شويه واتكلموا كتير وهزروا
مريم سألتها بجديه: هو انتي بجد نسيتي سليم؟
ملك حركت راسها وقالتلها: لا طبعا ولا عمري هنساه انا بمثل عليه مش اكتر
سليم وامير دخلوا من الڤيلا وجايبين حاجات حلوه وشوكولاتات كتير
مريم طلعت تجري علي الشنط ال في ايد امير وقالتله: وريني وريني
امير قالها بغرور: تعالي ورايا
مريم راحت وراه عشان الحاجه حلوه وسليم لقي ملك قاعده لوحدها
ملك خرجت برا في الجنينه عشان متكلمهوش كان اللليل قرب يليل والحو حلو ومغيم والدنيا هدوء خالص
سليم خرج ورا ملك وقالها: هنفضل كدا كتير؟
ملك قالتله بخصام: انت الاختارت اننا نكون كدا
سليم قرب منها اكتر وقالها: انا مختارتش اننا نكون كدا يا ملك بأي حال من الاحوال انتي لسه صغيره
ملك قالتله بمواجهه: انا مش صغيره انا متأخره سنه مدرسه والمفروض يكون عندي ١٨ سنه يا سليم والحب عمره ما كان بالسن
سليم تعب من انه يخبي حبه ليها تعب من انه يخفي مشاعره ليها ويتعب نفسه ويتعبها معاه قالها بكل صراحه وبمواجهه مكنش متوقع انه هيواجهها اصلا قالها بحب كبير: ملك انا بحبك ولا عمري كنت ناسيكي انا كل الفتره دي بحبك زي ما انتي بتحبيني بظبط ويمكن اكتر انا بعشقك ومش بس بحبك يا ملك
مسك ايدها وباسها وهو بيقولها:حبي ليكي مبيخلصش ومبينتهيش ومهما حكيت مش هعرف اوصف حبي ليكي
حضنها وضمها جامد في حضنه ولمس شعرها وهو بيقولها بهدوء: انا بحبك اوي يا ملك
#يتبع
#بقلم_حبيبه_محمد
اتفاعلو بعشر تعليقات ولايك وتفاعل كتير
تعليقات
إرسال تعليق