 |
زوجتى بالخطأ الحلقه الثالثه والرابعه
بقلم غاده اشرف
ترجل رعد من العربيه وهو غاضب
رعد بغضب. انتى مجنونه انتى ازاى تعدى من أدام العربيه مره واحده كدا
ادارت الفتاه وجهها ونظرت له بعيونها الخضراء بغضب
رعد. هو انتى
ماسه. بقى انا مجنونه
رعد. ايوا مجنونه انتى ازاى تعدى من أدام العربيه
ماسه.لى انشاء الله تكونش عربية رئيس الأمم المتحدة
رعد بغضب. انتى ازاى تكلمينى كدا انتى مش عارفه انا ممكن اعمل فيكى اى
ماسه بتريقه. يامى يامى يامى صدق خوفت
ماسه
نادتها امها عندما رأتها
ماسه. ماما
ندى. فى اى بتزعقى مع رعد بيه لى
ماسه ببرائه. انا معملتش حاجه هو إلا كان هيخبطنى بالعربيه ولما نزل اتأسفتله وهو قعدت يزعق وكان هيضربنى وقام مشوح بأيده كدا وقال انتى مش عارفه انا مين دنا اسجنك واوديكى فى داهيه
رعد بزهول. انااا
ماسه. ايوا انت يا برق قصدى يا رعد بيه
ندى. انا اسفه يا رعد بيه انا هعاقبها ع كدا حقك عليا يابنى
ماسه. انتى بتتأسفى لى يا ماما دا انسان معندوش دم
ندى بعضب. ماااااسه
ماسه. اسفين ياريس
ندى . اتفضلى قدامى
ماسه. حاضر يا ريس
ندى. اسفه مره تانيه يا رعد
وسحبت ندى ماسه من يدها وذهبت إلى الداخل
ادارت ماسه وجهها ورأت رعد كاد يشيط من حديثها ثم أخرجت له لسانها بطريقه طفوليه ( مستفذه اوى 😂)
دخل رعد هو الآخر إلى الداخل وهو غاضب
خالد. رعد
رعد. نعم
خالد. مالك غضبان كدا لى
رعد. ابدا مافيش انا طالع اوضتى
واتجه رعد إلى غرفته
رعد . بقى انا عملت كدا حتت بت زى دى تقولنى كلام مقولتهوش لا وكمان تطلعلى لسانها ماشى ماشى يا ماسه والله لوريكى
ثم اتجه إلى المرخاض وأخذ شاور
عند ماسه وندى
ندى. اى انتى عملتيه ده
ماسه ببرائه. هو انا عملت حاجه دنا غلبانه
ندى. بت انتى متسهوكيش عليا انا عارفه أن كل الكلام الا انتى قولتيه ده محصلش وبتكدبى
ماسه. دائما قفشانى كدا
ندى. هموت واعرف اى سر العداوه بينك وبين رعد دا طيب والله
ماسه . ااه طيب اه دنا الا طيبه والله دا دا بنى ادم مستفز و مريض و مغرور وشايف نفسه كل اما حد يكلمه يقول انتى متعرفيش انا مين انا رعد الدين وهو اصلا عامل زى عاطف صابونه
ندى بحزر. رعد
ماسه. بس بقى بلا رعد بلا برق
ندى . رعد وراكى
ماسه كانت بتشرب اول ما سمعت كلمة رعد وراكى بصت وراها وهيا مغمضه عينيها اول ما شافت رعد تفت الميا فى وشه ( الله يرحمك يا ماسه🙂)
رعد. اى ده تدك القرف
حاولت ماسه التماسك بنفسها. هو هو ه و
رعد. اى القطه كلت لسانك
ماسه. طب يا ماما أنا همشى بقى متتأخريش
وأنطلقت ماسه للجرى من أمامه حتى خرجت ووقفت أمام البيسين لتجيب ع هاتفها الذى كان يرن
ماسه. يالهوووى أنا نفسى انقطع اشوف فيك يوم ياللى اسمك رعد اما اشوف مين بيرن زمانه احمد قرة عينى
ماسه. الو
احمد. ايوا يسطا عامل اى
ماسه. قرة عينى عامل اى ياريس
احمد. كويس اسكتى هو انا مقولتلكيش
ماسه. لا مقولتليش
احمد. مش انا اترفدت
ماسه. لولولولوى مبروك يا زوجى المصون
احمد الله يبارك فيكى
ماسه بصراخ. يالهووووووى اترفدت يابن الجزمه دحنا ماصدقنا نلاقيلك شغل وياترى اترفدت لى
احمد. اما اشوفك هبقى اقولك
ماسه. ماشى
احمد. مع سلامه يا قلبى
ماسه بخجل. مع السلامه يا روحى
( قال البت بتتكسف اوى😂)
كادت ماسه أن تمشى ليأتى من يدفعها ويسقطها فى البسين
ماسه. الحقونى
رعد. هههههههههه احسن تستاهلى ابقى ورينى بقى مين هيطلعك عشان تبقى تتحدى الرعد بعد كدا
ماسه . مبع رفش اعو م
وقف رغد امها ينظر إليها بشفى
بينما ماسه كادت أن تعرق
ماسه. الحق ونى
رعد لنفسه. اى ده معقوله مبتعرفش تعوم وممكن تغرق
انقطع صوت ماسه
فقلق رعد وقام بخلع التيشرت ونزل فى البيسين وحمل ماسه بين يديه وخرج مره اخرى واجلسها على قدميه ع حافية البسين
أخذت ماسه تسعل بشده حتى انتظم نفسها مره اخرى
رعد ماكنتش اعرف أن انتى خيخه كدا
فتحت ماسه عيونها الخضراء التي كانت فى مواجهة أشعة الشمس التى جعلت عيونها تنير بطريقة ساحره
انتبهت ماسه الى حالها وأنها على قدمى ذلك الرعد فقامت
ماسه. انت حيوان
امسك رعد يدها بغضب
ماسه. اه ايدى يا حيوان
رعد بغضب. للمره التانيه خودى بالم من كلامك مش واحده زيك الا تغلط فى رعد بيه سيدك
ماسه بتوجع. سيب ايدى
ترك رعد يدها ونظر إليها بإشمزاز ودخل مره اخرى
ماسه. حيوان
دخلت ماسه هيا الآخر
ندى. يالهوى ايه الا بلك كدا
ماسه. كنت ماشيه جمب البسين فوقعت
ندى. وقعتى ازاى
ماسه. يوو يلا يا ماما شوفيلى حاجه ألبسها الاول
ندى. حاضر حاضر
واتجهت ندى واحضرت ملابس لها
ابدلت ماسه ملابسها وخرجت مره اخرى وعادت إلى البيت
فى المساء عند ماسه
ندى . قوليلى ايه الا وقعك فى البسين يا ماسه انا مش داخله عليا حكاية أن انتى وقعتى لوحدك دى
ماسه. يا ماما صدقينى دوخت شويه ووقعت فيه
ندى. بتكدبى يا ماسه
ماسه. يو يا ماما
ندى. ماشى انا مش هضغط عليكى
ماسه. طيب يا ماما انا هدخل انام تصبحى ع خير
ندى. وانتى من اهل الخير يابنتى
دخلت ماسه غرفتها وقامت بالاتصال ع احمد
ماسه. ابو حميد
احمد. أهلا بمراتى
ماسه. قولى اترفدت لى يا موكوس
احمد. احم يادى الكسفه ماشى يختى هحكيلك كان فى عميله جايه الشركه وعاوزه تعمل شقتها فالمدير الا ينحم اختارنى انا وروحت الشقه والست دى ماكنتش مضبوطه كدا وحاولت تتغرغر بيا
ماسه. وحياة امكككك تغرغر بيك طلاق تلاته لأنفحك يااحمد
احمد. أهدى يابت الله يحرقك اكملك
ماسه. كمل يا اخويا كمل
احمد. فنا هزقتها ومسحت بكرمتها الأرض فراحت بقى اشتكت للمدير وقالت إن الا كنت بحاول اتغرغر بيها وكدا فالمدير طلبنى وانا حكيتله وشدينا شويه قصداد بعض لغايت أما رمضان بطيخه ده رفدنى
ماسه. اشوف فيك يوم انت ورمضان بطيخه ده
احمد خلاص بقى فكك بكرا هدور ع شغل
ماسه. ماشى ربنا معاك
احمد. يارب يا حبيبتى
ماسه. يلا تصبح على جنه
احمد. وانتى من اهلى
قفلت ماسه الخط وانتهدت
فى ڤيلا رعد
كان الجميع جالس يتناولون العشاء وكان ادم أيضا من ضمنهم
خالد. حمدالله على السلامه يا آدم
ادم. الله يسلمك يا عمى
جنات. متتصورش كنت واحشنا اد اى
ادم. وانتى كمان يا قرده كبرتى يا جنات وبقيتى عروسه
جنات. وياترى عندك عريس ليا بقى
الجميع. هههههههههه
مها بغرور. خلاص بقى هتستقر هنا
ادم. ايوا
رعد. يلا يا آدم جهزتلك الجناح بتاعك
ادم. يلا يا صاحبى تصبحوا على خير
الجميع. وانت من اهل الخير
اتجه رعد وآدم إلى الجناح
ادم. متتصورش انت كنت. واحشنى ازاى يا رعد
رعد. اه بأمارة ما كنت بتسأل اوى
ادم. ههه والله انت مفترى
رعد. اهو خلاص مافيش سفر وانت هتفضل معانا ع طول
ادم. ايوا
رعد. هتبدا شغل من امته
ادم. من بكرا هبدأ ادور ع مكان حلو عشان الشركه وأبدأ بقى
رعد. ربنا معاك يا صاحبى
ادم. يارب
رعد. يلا تصبح على خير
ادم. وانت من اهل الخير
خرج رعد واتجه الى جناحه هو الآخر
فى الاسفل
مها. أما مش عارفه اى الا خلى رعد يجيب ادم هنا
خالد بغضب. وبعدين يا مها انتى مش عارفه أن ادم ده زى رعد بالظبط
مها. انا مش قصدى حاجه انا
خالد. خلاص انا هقوم انام بدل ما اعمل حاجه متعجبكيش
جنات. خودنى معاك يا بابا
وذهبوا هما الاثنان
مها. هوووف
يتبع
زوجتى بالخطأ الحلقه الرابعه
بقلم غاده اشرف
تانى يوم
فى شركة رعد
رعد. فى مواعيد اى انهارده
شذى. فى اجتماع كمان نص ساعه مع المهندسين انهارده ومقابله الساعه 2 مع استاذ فهمى صاحب شركة النصر
رعد. تمام
شذى. عن اذنك
خرجت شذى ثم دخل ادم
رعد. ادم
ادم. مسا مسا يابرنس الليالى
رعد. مش هتبطل الألفاظ دى يعنى روحت أمريكا وبردوا متغيرتش ها عملت اى
ادم. لقيت مكان مناسب وحضرت كل حاجه مفضلش غير انى انزل اعلان فى الصحف عشان الموظفين
رعد. بالتوفيق يا رب
ادم. حبيبى يسطا
رعد. تدك القرف فى ملافظك
ادم . حبيبى تسلم يارب
رعد. قوم ياض اطلع بره
ادم بأنوثه. طلقنى لو مش عاجبك طلقنى
كاد رعد أن يحدفه بالطفايه فخرج مسرعا
رعد. عيل ملزق
عند مها فى الڤيلا
مها. خالد
خالد. نعم
مها. انا عزمت مايا ع العشا انهارده
خالد. ياه بقالنا كتير مشفنهاش
مها. ماهو انا عزمتها ياحبيبى انهارده اهو
خالد. ماشى ياروحى انا هروح الشركه شويه
مها. اوك متتأخرش وابقى هات معاك رعد عشان مايا عاوزه تشىفه
خالد. تمام
خرج خالد واتجه إلى الشركه
عند ماسه
ماسه. الو
احمد. ايوا يا ماسه انزلى يلا
ماسه. حاضر نازله اهو
قفلت ماسه الخط
ندى. راحه فين يا ماسه
ماسه. راحه مع احمد يا ماما هندور ع شغل ليه
ندى. لى. يابنتى وشغله
ماسه. سابه يا ماما
ندى. ليه
ماسه . بعدين يا ماما أنا هتأخر على احمد وهو واقف تحت
ندى. متغبيش يا ماسه انا راحه الشغل
ماسه. حاضر
خرجت ماسه ووجدت احمد بإنتظارها
احمد. يارب تكون الخدمه عجبتك
ماسه بغرور. مش بطاله
احمد. اوعى بقى لحبيبى القمر
ماسه وهيا تمسكه من لياقته. اظبط ياض كدا
احمد. اسفين يا صلاح
ماسه. ناس مبتجيش غير بالعين الحمرا
احمد. اتفضلى ياست هانم
ماسه. ميرسى
وذهبوا للبحث عن عمل
عند رعد فى الشركه
انتهى رعد من اجتماعه وعاد على مكتبه مره اخرى
ترك الباب وسمح رعد بالدخول
شذى. فى واحده بره عاوزه تقابل سيادتك
رعد. مقالتش مين
شذى. لا
رعد. دخليها
شذى. تحت امرك يا فندم
خرجت شذى ودخلت فتاه أخرى ترتدى فستان قصير للغايه
ازيك يا رعد
رعد. مايا
مايا. وحشتنى يا رعد عامل اى
رعد. الحمد لله انتى عامله اى
مايا . كويسه
رعد.اى سبب الزياره الجميله دى
مايا. اى وحشتنى يا رعد هو انا موحشتكش
رعد. لا ازاى
مايا. ع فكرا انا معزومه ع العشا انهارده عندكوا
رعد. تنورى يا مايا
قامت مايا واتجهت إليه ووقفت بجواره
ميا وهيا تحاول احتضانه . متتأخرش بالليل بقى ع العشا
رعد وهو يبعدها عنه. لا متخافيش عن اذنك بقى عشان عندى مقابله مهمه
مايا. اوك انا كمان همشى
نزل رعد ومايا واتجه كل منهم إلى طريقه
عند احمد وماسه
ماسه. اااه يانى اشوف فيك يوم يا احمد يا ابن ام احمد
احمد. انا كمان تعبت اوى
ماسه. كان لازم يعنى تطول لسانك ع المدير
احمد بحده. ايوه طبعا انتى مشوفتيش كلامه كان عامل ازاى وكله إلا أن حد يظلمنى ويجى عليا
ماسه بخوف. خلاص يا راجلى
احمد . قلب راجلك من جوا تعالى اعزمك ع الغدا يلا
ماسه. اشطا يلا بينا
احمد. انتى جايه فى اى حاجه كدا
ماسه. سيد عيب احنا اهل
احمد. هههههههههه طب يلا بينا
اتجهوا هما الاثنان إلى مطعم ما وجلسوا يتناولون طعامهم وهم يمزحون
عند رعد وصل إلى المكان الذى تقام فيه المقابله وتقدم نحو الطاوله التى يجلس عليها العميل
فهمى. اهلا رعد بيه
رعد بغرور. اهلا فهمى بيه
جلس رعد بكل كبرياء وكانت جميع الفتيات ينظرون له ويهمسون فكان كميه من الوسامة والجمال ببدلته التى تبرز جماله
فهمى. دى اول مره نتعاقد مع بعض وانشاء الله متكونش اخر مره
رعد. انشاء الله
فهمى.بصراحه أما لما جيت اعمل المشروع ده ملقتش حد بيشتغل كويس غير حضرتك انت معروف وشركتك معروفه
رعد. متشكر جدا وزى ما اتفقنا المشروع هيبدا بعد شهر والتصاميم هتكون جاهزة كمان اسبوعين وانت عليك تشوف لنا المكان الا هنعمل عليه المشروع
فهمى. وانا لقيت مكان مناسب جدا المشروع ده انا داخل بيه بميزانيه كبيره وأمل إن ينجح
رعد بغرور. مافيش مشروع بيفشل مع رعد الناصري واظن حضرتك عارف يعنى اى رعد الناصري
فهمى. ايوا طبعا نتكلم فى التفاصيل بقى
رعد. يلا
وبدأو يتحدثون فى العمل حتى جاءت مكالمه هاتفيه لرعد
رعد. عن اذنك هرد ع المكالمه
فهمى. اتفضل
قام رعد ليجيب على هاتفه
رعد. الو
المتصل.
رعد. ايوا يا ماما
مها.
رعد. تمام
مها.
رعد خلاص قولت مش هتأخر
مها
رعد. سلام
انتهى رعد من المكالمه وانتهد وأدار وجهه ليذهب ليصطدم بفتاه كادت أن تقع ليمسكها رعد خصرها وتقع بأحضانه ( متخيلين طبعا😂😉)
رعد . احم
خرجت الفتاه من أحضانه فورا
ونظرت له بصدمه وقالت
بخ بخ بخ بخ بخ البارت خلص فى اى يا جدعان بكتب كل يوم وكأنه مافيش حد بيقرأ ويقول رأيه 🙂
البارت الخامس والسادس بعد قليل
تعليقات
إرسال تعليق