 |
البارت السابع..والثامن
بكامل قواي العقلية
في صباح يوم جديد مؤلم.....
صحي... انس ونزل من الڤيلا ومعاه الورقه بتاعت كارمن...
خرج ركب عربيته واتصل بكارمن..
كارمن...الوووو.
انس...انسه كارمن..
كارمن...ايوه انا يا حضرت الظابط..
ابتسم انس..بحزن. مش قولنا بلاش حضرت الظابط دي ...
كارمن...بابتسامه بسيطه معلش اصلي مش متعوده...خير في حاجه.
انس...فالحقيقه انا كنت يعني محتاج اقابلك ضروري.
كارمن...ليه في ملام حابب تعرفه بخصوص لمار...
انس...لا بس لمار بعتالك ورقه بخط اديها.
كارمن...بفرحه...بجد بجد والنبي.
طيب اجي لحضرتك عالقسم.
انس...لا اجهزي..وانا هقفلك علي اول الشارع بتاعكم وهعدي عليكي ادهالك.
كارمن...طيب طيب بسرعه والنبي انا هلبس بسرعه..
انس...تمام وانا في طريقي ليكي...اول ما اوصل هكلمك
قفل معاها انس...وراح بسرعه علي الشارع بتاعها...
جهزت كارمن بسرعه ولحسن حظها ابوها كان نايم زي القتيل مش دريان بحاجه...خرجت براحه بعد ما بلغت والدتها..
طلعت علي اول الشارع...فضلت واقفه شويه..
وصل انس...واول ما شافته راحت جري ركبت ..
انس...انتي واقفه من امته.
كارمن...من نص ساعه تقريبا
انس...مش قولتلك لما اقرب هكلمك تخرجي
كارمن...ماعرفتش استني...فين الورقه..
انس...حاضر هديهالك بس لما نطلع من هنا.
كارمن...هو انا هروح مع حضرتك في مكان.
انس...وظاهر علي ملامحه الحزن
اه...
كارمن..فين..
انس..الوقت هتعرفي...
ودور العربيه وطلع...وطول الطريق ساكت...كارمن كانت ملاحظه سكوته. بس محبتش تسأل...
كارمن...حضرتك كويس
انس...الحمد لله ياكارمن...
كارمن...طيب هو احنا رايحين فين.
انس...هتعرفي احنا قربنا خلاص....افتحي الدرج بتاع التابلوه اللي قدامك ده....خدي الورقه اللي فيه واقريها...دي رساله من لمار ليكي...
حست كارمن بقبضه في قلبها غريبه....
كارمن.....هي كويسه صح...
انس...اه تمام.
وقف انس بالعربيه وكل ده كارمن بصاله وخايفه تفتح الدرج تاخد الرساله اللي كانت هتتجن وتقراها...ومكنتش مركزه فالمكان اللي وقف فيه انس...
انس...ايه مالك هتفضلي سرحانه مش كنتي عايزه تقرأي الرساله..خديها يلا.
بصت كارمن عالدرج...ومدت ايدها..فتحته..
شافت الورقه...خدتها براحها وقلبها بيدق بسرعه.....وفتحت الورقه.وابتدت تقرا الكلام....
وبمجرد ماشافت خط لمار وقبل ما تقرأ دموعها نزلت...
الرساله💔💔💔
كوكي حبيبتي وحشتيني الدنيا من غيرك وحشه اوي يمكن احساسي في بعدي عنك انتي وماما اسوء كتير من حكم الاعدام....عارفه انك زعلانه مني عشان مقولتش الحقيقه.. بس صدقيني غصب عني..ساعات بنضطر نضحي بنفسنا عشان حد غالي عندنا يمكن لو مكنتش اتحطيط فالموقف ده كان حكمي علي الموقف هيكون مختلف ان مينفعش اضيع نفسي ولازم اتكلم... بس صدقيني
اللي جوه الموقف غير اللي براه.. الدنيا قاسيه اوي يا كارمن يمكن عمري ما تخيلت انها تكون قاسيه بالشكل ده...
انا مش خايفه من الموت ياكوكي ولا زعلانه بس موجوعه اوي اني مش هشوفك انتي وماما تاني...
كوكي...ليا عندك كذا طلب...
اولهم...ماما ...ماما ياكارمن...خلي بالك منها عشان خاطري..متسبيهاش هي ملهاش حد غيرك عارفه ان ممكن يكون صعب بالنسبالك عشان ظروفك بس متسبيهاش ارجوكي...اكرميها يا كارمن. لحد ما تقابل وجه كريم وتوصليهالي بأيدك لقبرها..هي محتجالك الوقت اوي
تاني طلب... اوعي تضعفي ياكارمن اجمدي عشان خاطري. عارفه انه
هيكون صعب عليكي بس حاولي انتي قويه وهتقدري كملي تعليم يا كارمن متسبيش دراستك مهما حصل حققي حلمنا ذاكري وانجحي عشاني وعشانك صدقيني نجاحك هو نجاحي تحقيق حلمك هو تحقيق حلمي....اوعي تضعفي يا كارمن كل ما تحسي انك هتضعفي افتكريني وارجعي اقفي علي رجلك من تاني...اوعي تتجوزي اي عريس ابوكي يجبهولك اتجوزي اللي تحبيه ياكارمن اوعي توافقي انه يبيعك..تاني...
كوكي..انا هكون جمبك ديما و حاسه بيكي...وقت ماتحسي انك مخنوقه والدنيا ضاقت بيكي...روحي المكان بتاعنا عالبحر اعدي عالصخره بتاعتنا وصدقيني انا وقتها هكون معاكي...وقت ما اوحشك روحي هتلاقيني مستنياكي...
ادعيلي كتير كل ما اجي في بالك...
هتوحشيني اوي يااحلي اخت فالدنيا
فراقك هيوجعني زي ما فراقي هيوجعك...
كارمن كانت بتقرا ودموعها مش بتقف
لاكن فجأه كارمن اتصعقت لما قرأت اخر جمله...وكأن الدنيا اسودت في لحظه وحل عليها الليل وتجمع الدموع في عينها كان زي الضباب..اللي مانع الرؤيه عنها....حست بقبضه في قلبها وكأن في حد اخترق بأيده. جسمها وعصر بأيده قلبها😳😳😳🥺🥺
كوكي يوم مارسالتي هتوصلك وتقرأيها هكون مش موجوده في الدنيا خلاص هكون في مكان بعيد...مكان مفيش منه رجوع ...سامحيني لو سبتك بدون سابق إنذار لو عليا مكنتش احب اسيبك ابدا...فالنهايه....لو رجع بيا الزمن عمري ما هختار اخت و صاحبه غيرك يا احلي حاجه حصلت في دنيتي.اشوفك فالجنه يا احلي كوكي...
سلام...يا اوفي البشر. بحبك🤚🏼💔💔
نزلت كارمن الرساله من ايدها...وهي مش مستوعبه اللي قريته بتحاول تكدب اللي فهمته دموعها بتنزل بغزاره من غير صوت وكأنها شلال...
انس...باصص عليها... بوجع قلقان من سكوتها...
انس....كارمن انتي كويسه.
كارمن باصه ادامها دموعها نازله ماسكه الرساله بأيدها...
انس...كارمن..ردي عليا قولي اي حاجه... عيطي صرخي اعملي اي حاجه بس متسكتيش كده..
فتحت كارمن باب العربيه...ونزلت...نزل وراها اني وهو مراقب تصرفاتها..
فضلت كارمن تاخد نفسها بسرعه وكأنها بتتخنق...وفجأة شافت المكان اللي هي فيه...كان المقابر.
انس...مدلها ايده كارمن...تعالي شوفيها..
بصتله كارمن...وكأنها طفله فقدت امها وحاسه بالضياع مسك انس ايدها ومشي بيها.... لحد ما دخل بيها ادام مدفن مكتوب عليه اسمها....
انس.....الحكم اتنفذ امبارح..وللاسف مفيش حد ليها من اهلها يستلمها غير والدتها ووالدتها حالتها متسمحش...وعشان ملهاش حد قريب الشرطه اتكفلت بكل الاجراءات واتدفنت...مرضتش اقولك بليل ومرضتش ابلغك بالتليفون والحقيقه دي كانت وصيه لمار... اني اوصلك الرساله بايدي وافضل معاكي واجيبك هنا عندها......
كارمن.... بصتله ودموعها نازله....انا بحلم مش كده...قولي اني بحلم...وانا هصدقك..عي طول عشان لو قولت ان دي حقيقه استحاله اصدقك واستحاله دي تكون نهايه لمار....
انس..قرب منها كارمن اهدي من فضلك .ادعيلها يا كارمن هي محتاجه دعاكي ليها...
مسكته...كارمن من ايده...انت بتقول ايه...انت عايزني اصدق وكملت بانهيار انت كداب بابا كداب كل اللي شهدو ضدها كدابين كلكم كدابين محدش وقف معاها لمار مماتتش انت فاهم.لمار عايشه...
انس...ادعيلها ياكارمن هي طلبت انك تدعيلها..
كارمن بابتسامه قهر وسخريه وسط دموعها ادعيلها ؟؟ انا اللي ادعيلها؟؟؟لو حد فينا محتاج الدعاء يبقي انا....انا اللي محتجاها تدعيلي...وبصت عالمدفن..
انا يالمار اللي محتاجه الدعاء مش انتي.. سبتيني يالمار انتي عمرك ما سبتيني...انتي طول عمرك معايا هونت عليكي عملتي كده ليييييه مصعبتش عليكي طب كنتي شيلي حبك من قلبي قبل ماتقرري تسبيني...كنتي موتيني قبل ماتموتي عشان افضل معاكي....
عملتي فيا كده ليييييه...وفقدت كارمن السيطره علي نفسها فاللحظه دي...وابتدت تصرخ بأسمها...
حاول انس... يمسكها ويسيطر عليها لاكن هي كانت في حاله انهيار تام
لمااااااااااااار لماااااااااااار لمااااااااااار لا يالماااار ...متسبنيييييييش ارجوكي يالماااااااار. ارجعيليييييييي لمااااااااااااااااااااااااااار....
انس....كارمن. بسسسس كارمن اهدي.
وبيحاول يسيطر عليها قربها من حضنه
كارمن....وابتدت تفقد وعيها وكلامها يخرج بالعافيه
لمااار ر ر ا ا رجو ك رجعهال ل لي. وغمضت كارمن عنيها باستسلام..ووقعت بين ايدين انس فاقده الوعي
شالها انس بين ايده... وراح بيها علي العربيه....بسرعه....
دور العربيه...ومشي بسرعه...وبعد مده بسيطه وصل انس ادام عماره كبيره شكلها شيك...كان ليه فيها شقه خاصه بيه...جري عليها فتح الباب وشالها بين ايده... ودخل بيها عالعماره بسرعه واول ما شافه البواب جري طلبله الاسنسير...
طلع بيه فوق فتحله الشقه...دخلها انس بسرعه علي اوضته...
انس للبواب.... اطلع بسرعه نادي.... علي دكتور سعد بسرعه.
البواب...حاضر ياباشا. هوا...
جري البواب بسرعه ينادي عالدكتور.
نيمها انس عدل....وقلعها الشوز وغطاها..
البواب.رجع علي طول...تعالي يادكتور اتفضل..
الدكتور...السلام عليكم..
انس...عليكم السلام...اتفضل يادكتور من هنا...دخله الاوضه.
دخل الدكتور... خير يا انس باشا.
انس...مفيش بس يعني سمعت خبر وحش..فضلت تصرخ وتعيط بهستيريا ووقعت من طولها...
الدكتور...بتاعني من اي مرض.
انس...مش عارف يادكتور بس تقريبا لا.
هي معرفه بس من بعيد يعني معرفش عنها حاجه.
الدكتور...خيؤ ان شاء الله..وابتدا الدكتور يكشف عليها
خلص الدكتور...انس خير يادكتور.
الدكتور...انهيار عصبي حاد...مقدرتش تستحمل الخبر وكمان سنها صغير...انا ادتها حقنه مهدئه هتفضل نايمه شويه...هكتبلك علي مهدأ وياريت لما تصحي حاول متفكرهاش باي حاجه..ولا تضغط عليها.
انس...بس ده خبر وفاه يعني هترجع تفتكر تاني..
الدمتور...اكيد هتفتكر بس حاول تخرجها من الحاله دي لان غلط عليها جدااا...كان ممكن يجرالها حاجه بس ربنا ستر..
انس..الحمد لله طيب محتاجه تروح المستشفي..
الدكتور...لو حالتها فضلت كده لازم مستشفي...
انس...ربنا يستر..
الدكتور...عموما انا موجود اي وقت لو حصل حاجه ابعتلي هكون عندك علي طول.
انس...شكرا يادكتور سعد تعبتك معايا واسف اني ازعجتك من بدري كده
الدكتور...متقولش كده تحت امرك الف سلامه ربنا يطمنك عليها.
انس...يارب.
اداله الدكتور الروشته ووصله انس...ورجع تاني... كانت كارمن نايمه مش دريانه باي حاجه...وكأنها جسد من غير روح.....
................
اما عند لمار... فاصحيت من بدري او تقريبا منامتش ومن يوم ما اتحبست وهي نومها مقطع دقايق وتصحي من كتر الكوابيس اللي كانت بتشوفها....
صحيت لمار... خدت شاور ولبست. حطت شال علي كتفها...وخرجت من الاوضه...كان الجو هادي ودياب باين انه نايم... راحت وقفت تبص من ورا السور علي الفراغ كان حواليها صحرا من كل مكان الدنيا هاديه...واقفه لفه الشال علبها الجو كان برد جداااا شعرها طاير... دموعها نازله بوجع...قلقانه علي كارمن لما تعرف انها ماتت..
وفجأه شبح ذكرايتها ظهر....
فلاش بااااااك....
كارمن... طيب انتي تفتكري ان عمو خالد هيوافق.
لمار... مش عارفه يا كوكي بس هحاول.
كارمن...حاولي بس انا واثقه انه مش هيوافق.
لمار...ياساتر... قبله تفاؤول اصلا انا بكلمك ليه يلا يابت اقفلي انا هروح اقوله..
كارمن...الحق عليا بعرفك اللي هيحصل
لمار...ماشي يا اختي يلا اتكلي علي الله هروح اقوله واشوف هيقولي ايه
كارمن...كلميني تاني
لمار...حاضر..يلا باي.
كارمن...باي..
قفلت كارمن وطلعت بره فالصاله كانت والدتها ووالدها اعدين بيتفرجو علي مسرحيه...
خالد...تعالي يالولي اتفرجي معانا علي المسرحيه... بنادي عليكي انا وماما فكرتك نمني.
كارمن ...لا ده انا كنت بكلم كارمن.
خالد...طيب تعالي اعدي معانا..
راحت لمار اعدت...وفضلت تتحرك كتير وهي اعده وتدعك ايدها في بعض بتوتر...وكل شويه تبصله وتبعد عينها.
لمار...بابا..
خالد...وهو بياكل لب...هااا
لمار...اااا انا..
خالد...بصلها في ايه مالك بتقطعي ليه شكلك عايزه تقولي حاجه..
لمار...بصراحه اه وخايفة ترفض..
خالد وهو بيتعدل وبيبصلها...انا قولت ارتباكك وفركك ده وراه حاجه في ايه يا اخرت صبري.
لمار...لا بلاش توترني اسمعني الاول
خالد...ماشي ياستي قولي عايزه ايه
لمار...وهي بتبصه وبتبص لوالدتها..
خالد...يابت قولي في ايه... مالك زي ما تكوني عامله عامله كده.
لمار...بابا انا عايزه اشتغل.🙄
خالد...نعم تشتغلي تشتغلي ابه ان شاء الله في سنك ده وتشتغلي ايه...وبعدين انتي ناقصك حاجه ولا انا مقصر معاكي في حاجه.
لمار...لا والله العظيم حضرتك مش مخليني عايزه حاجه
خالد...امال ايه..
لمار...يابابا عايزه احس اني بعمل حاجه وبعدين عايزه اخف عنك شويه واساعدك...
خالد...بعصبيه هو انا اشتكتلك ولا انتي شيفاني خلاص عجزت ومش قادر اصرف عليكي انتي وامك.
لمار...والله يابابا مش قصدي...
خالد...لمار. الكلام فالموضوع ده مرفوض
لمار...يابابا امال انا بتعلم ليه
خالد...اولا انتي لسه بتدرسي لما تبقي تخلصي دراستك ابقي اشتغلي لاكن طول ما انتي بتدرسي وسنك صغير انسي الموضوع ده فاهمه..
لمار...طيب حتي اقف معاك فالمكتبه واساعدك..
خالد...لمار متعصبنيش..مكتبه ايه اللي تقفي فيها انا كنت بعلمك وبكبرك عشان تشتغلي في مكتبه فالاخر..وبعدين انا مطلبتش منك مساعده لما ابقي اقولك ساعديني وامدلك ايدي... ابقي انزلي اشتغلي ..وقام وقف بغضب... تصبحو علي خير.
ناريمان...استني بس يا خالد ...تعالي طيب حتي اتفرج.
خالد...مش عايز..
ودخل وقفل وراه باب الاوضه بغضب.
اضايقت لمار عشان زعل واتجمعت دموعها في عنيها.
ناريمان...يعني كان لازم سيره الشغل دي يالمار.
لمار...ياماما انا مقصدش ازعله بس بردو انا عايزه اساعده واخف عنه الحمل شويه...
ناريمان...انتي عارفه يالولي انه هيرفض انتي فتحتي معاه الموضوع ده قبل كده بهزار وبردو ساعتها قلب وزعل وراجعه تاني تفتحيه..
لمار...والله مكنش قصدي..
ناريمان...طيب خلاص متعيطيش وروحي يلا راضيه بكلمتين..
لمار...حاضر...
راحت لمار خبطت عالباب... وفتحت كان اعد والدها علي حرف السرير وشكله مضايق..
راحت لمار اعدت جمبه...مبصلهاش
لمار...علي فكره بقي يالودي انت بقيت قماص اوي..
بصلها وبعد عينه عنها..
لمار...والله يابابا مقصدش ازعلك انا عايزه بس اريحك.
خالد...شكرا لخدماتك ياستي انا مش عايز ارتاح.وبعدين مكتبه ايه اللي تقفي فيها انا بعلمك ومدخلك كليه هندسه عشان فالاهر تقفي في مكتبه في مكان شعبي ومليانه شباب. صيع عايزه اللي رايح واللي جاي يعاكس فيكي ويضايقك..
لمار...قول كده بقي ياس لودي. الموضوع موضوع غيره.
خالد...وهو غلط اغير علي بنتي.
لمار. لا مش غلط..فك بقي خلاص متزعلش..خلاص ياسيدي مش عايزه اشتغل بس متبقاش تقول تعبان
خالد...لا مش هقول ملكيش انتي دعوه انا مش عايز منك غير انك تذاكري كويس وبس...
لمار..حاضر يالودي...خلاص صافيه لبن.
بصلها خالد وهو لسه مكشر..
لمار...فك بقي الله.والله اخاصمك. انا عارفه اللي قلبك كده المسرحيات القديمه اللي بتتفرج عليها هي اللي مخلياك بتتخانق مع دبان وشك
خالد...ابتسم...بحب. وضربها علي دماغها... ايش فهمك انتي هو في زي مسرحيات زمان
لمار...طيب هات حضن بقي
خالد...خدها في حضنه...
لمار...يلا تعالي بقي اتفرج..
خالد...عقابا ليكي هتاعدي تتفرجي علي المسرحيات القديمه اللي بتتريقي عليها دي
لمار...انا اللي جبته لنفسي ..امري لله يلا بينا...
بااااااااك.
دياب...لمار. لمار. لمار......
لمار..انتبهت علي صوت دياب وخرجت من شرودها وهي بتمسح دموعها بسرعه.
لمار...هاااا اسفه كنت سرحانه..ومسحت دموعها بسرعه..
انس...انتي كويسه؟؟
لمار...اه اه تمام.
انس...انتي صاحيه من امته.
لمار...انا منمتش
انس...طيب مش قولنا ترتاحي عشان تقدري تبدأي
لمار...اسفه بس مجاليش نوم...عموما متقلقش هقدر اعمل اي حاجه حضرتك عايزها
انس...طيب كلتي حاجه.
لمار...لا مش عايزه
انس...مفيش حاجه اسمها مش عايزه... امبارح بردو مرضتيش تاكلي..انتي تقريبا من ساعت ما جينا امبارح مكلتيش وانتي داخله علي تمارين كتير..وفي حجات محتاجه منك تركيز مينفعش من غير اكل..انا هحضر الفطار...وبعدها نبتدي
هزت لمار راسها بحزن..
مشي دياب... حضر الفطار ليها. وعمل لنفسه قهوه...ونادي عليها...
راحت لمار اعدت جمبه من غير كلام.
دياب...يلا كلي..
لمار...شايفه ادامها الفطار ليها بس وهو ليه قهوه.
لمار...احممم حضرتك مش هتفطر
دياب...لا انا مبفطرش
سرحت... لمار..تاني...
فلاش باااك.
صباح الخير يا نونه
ناريمان...صباح الفل يالولي..يلا اغسلي وشك. علي محضرلك فطارك..
لمار..ايه ده انتي مش هتفطري معايا انتي وبابا
ناريمان...صحي النوم...انا فطرت انا وبابا ونزل كمان المكتبه.
لمار ...بزعل ايه ده يعني هفطر لوحدي
ناريمان...اه عشان تفضلي نايمه واصحي فيكي ومترضيش تصحي.
لمار...خلاص متعملليش فطار.مش عايزه
ناريمان...ليه
لمار...حضرتك عارفه اني مبعرفش اكل لوحدي.
ناريمان...هتنولي من غير ماتاكلي حاجه
لمار...وهي داخله الحمام...مش عايزه
بااااااك..
دياب....لمااااار...
لمار....ايوه.
دياب...انتي هتفضلي تسرحي كده كتير بكلمك ومش بتردي...
لمار...اسفه.
دياب...طيب يلا افطري عشان نلحق اليوم من اوله.
لمار...ممكن نقوم الوقت انا مش عايزه افطر...
دياب...اظن اني قولتلك مش هينفع صح..
لمار... بحزن بس انا مش بعرف اكل لوحدي...
دياب.. ليه ان شاء الله
لمار...كملت وهي سرحانه بحزن انا طول عمري باكل مع بابا وماما
دياب....بعصبيه... ابوكي انتي قتلتيه وامك... رقدت خالص بسببك.. وانتي بقيتي لوحدك انا مش فاضي للدلع ده..اخلصي افطري... وتعالي ورايا...
خد دياب قهوته والسجاير بتاعته وراح وقف بعيد عنها...
اما لمار... فانول الكلام عليها زي الرصاص حست بوجع وحشت ان في حاجه واقفه في حلقها من الوجع..مسكت الميه وفضلت تشرب عشان تهدي الوجع اللي حست بيه..
نزلت دموعها بوجع...خدت ساندوتش وكلت منه براحه ودموعها مش راضيه تقف. كانت عامله زي الاطفال..
اما دياب... فا كان مراقبها من بعيد وفضل يأنب نفسه علي الجمله اللي قالهالها واللي مكنش عارف هو قالها ليه عشان يضايقها ولا عشان يحاول تخليها تتكلم...فضل واقف يتابعها من بعيد وحس بالشفقه والحزن علي شكلها ....
ثواني وخلصت لمار... وقامت راحتله...
لمار....انا جاهزه..
دياب... تمام... تعالي ورايا هنبدأ اول حاجه شويه تمارين ومبادئ الدفاع عن النفس..
هزت لمار راسها..وراحت وراه..
...............
اما في منزل دياب...تحديدا في غرفه عمه...كان اليوم ده اجازه رسميه للشركه
كان رايح جاي فالاوضه بغضب...
وفجأه اتفتح الباب...
حنان... بلا مبالاه.. مساء الخير
عادل...لسه بدري ياهانم..
حنان...في ايه ياعادل مالك بتتكلم كده ليه..
عادل... مضايقه اوي من طريقتي ومش مضايقه من تصرفاتك انتي وبنتك المحترمه..
حنان...في ايه حصل ايه لكل ده...
هادل...في اني زهقت وجبت اخري كل يوم خروج وكل يوم سهر...واليوم اللي متخرجيش تسهري فيه... اصحي من سبعه الصبح ملاقيكيش والوقت راجعه عالعصر.. مشوفتيش اتصلت بيكي كام مره.
حنان...مخدتش بالي التليفون سايلنت وبعدين...انا كنت بشوف الارض الجديده اللي هشتريها وهعمل عليها الچيم والبيوتي سنتر ما انت عارف.
عادل...انا مبقتش عارف حاجه...انا تقريبا مبقاش ليه لازمه ولا في حياتك ولا في حيات بنتك...
حنان...انت مكبر الموضوع كده ليه وبعدين انت ولا عاجبك اسهر ولا عاجبك ارجع علي العصر... انت عايز تتخانق وخلاص..مالك مبقتش طايق نفسك كده علي طول ساكت ومكشر ولو اتكلمت تتخانق معايا انا او ريناد..
عادل ..انا جبت اخري ياحنان ولو في حاجه مسكتاني علي كل اللي بتعمليه فاهو ريناد كفايه البنت بسببك بعيده عني...مش ناقصه ادمر حياتها اكتر ماهي مدمره..
حنان...انت عايز تجيب اي حاجه فيا وخلاص...لو ريناد بعيده عنك فا ده بسببك مش بسببس علي طول بتتخانق معاها وبتعلق علي تصرفاتها ناسي انها لسه سنها صغير ...وبعدين مالك كده مبقتش طايقلي كلمه..وكل شويه تهددني وتقولي مستحملك بس عشان ريناد...ماتفوق ياعادل انت مش عارف انتي بتتكلم معايا ازاي ولا ايه...
عموما انا مش فاضيه لشغل العيال ده انا يادوب اخد شاور وانزل عشان عندي معاد مهم..
عادل....عندك حق انا اصلا بضيع وقت معاكي عالفاضي مفيش فايده..بس صدقيني الغلطه مش غلطتك. الغلطه غلطتي من البدايه ومش هقدر اتكلم ولا اعترض عشان عارف ان اللي بيحصلي ده عقاب من ربنا علي ذنب عملته زمان وانا استاهل العقاب ..
حنان...هنرجع تاني ياعادل للموضوع ده... ايه مش قادر تنسي
عادل...ولا انسي ولا افتكر انا سايبلك الڤيلا كلها وخارج...
خرج...عادل ورزع الباب...وراه بغضب...
حنان...وبعدين معاك ياعادل...كل ما اندم عاللي عملته زمان كلامك يخليني ارجع وابقي مبسوطه من اللي عملته....بس عادي...هو الموضوع خلص من زمان...وريني بقي ممكن يكون في ايه في ايدك تقدر تعمله...وضحكت بشر وخدت هدومها ودخلت عالحمام...
......نزل عادل بغضب مكنش شايف ادامه خد عربيته ومشي..
عاصم... صباح النور يا حبيبتي.
نوال...صباح الخير يا حبيبي..
عاصم...ايه الصوت العالي ده..هو ده عادل
نوال...اه تقريبا كده هو وحنان كانو بيشدو مع بعض..
عاصم...مش هنخلص بقي من الحوار ده..
نوال...ربنا يهديهم.
عاصم...عادل صعبان عليا اوي...ديما حزين وديما شايل الهم..مش عارفه لحد امته هيفضل كده..
نوال...صراحه حنان مزوداها اوي وهو ليه حق..دي تقريبا مبتأعدش فالبيت... ولا هي ولا ريهام...
عاصم...ربنا يكون في عونه دي لو مراتي كنت طلقتها.
نوال...حرام ياعاصم انت ناسي ان بينهم بنت ولسه صغيره..ريهام
...طايشه ومحتاجه اب يكون معاها..متقولش كده ادامه عشان ميحطهاش في دماغه اكتر
عاصم...يعني انا هقوله كده برده...انا بتكلم معاكي
عاصم....هو راح فين
نوال...معرفش لما خرج متعصب مرضتش اكلمه...
عاصم...ربنا يريح بالك ياعادل...
نوال...يارب...
عاصم...فين ريناد.
نوال...كانت معايا من شويه طلعت اوضتها. تكلم ياسمين...
عاصم...طيب اعمليلي فنجان قهوه وتعالي ناعد بره شويه..
نوال...ماشي ياحبيبي روح وهاجي وراك...اقفل بس الچاكت الجو بره برد.
عاصم...بحب...حاضر ياروحي..
............
اما عند...لمار.. ودياب...
دياب....لا كده غلط...اعملي الحركه صح عشان انتي متتأذيش..
دياب...يلا 1 2 3
ضربت لمار بايدها...جامد وعملت الحركه صح..
دياب...تمام...بصي بقي هعلمك حركه جديده فالدفاع عن النفس...
اهم حاجه تكوني عارفه ان الخصم اللي ادامك. عنده نقط ضعف.. وفي 3 حركات ممكن يخلوكي بسهوله تشلي حركه اللي ادامك او تعطليه عشان يكون عندك فرصه تهربي..وهما
العين...ومنطقه الركبه... وتحت الحزام..
العين... بتقدري تتحكمي فالخصم عن طريق ايدك... وبصوابعك الكبار دول بتحطيها بالطريقه دي. وتضغطي بأقوي حاجه عندك ولازم متاخديش فيها اكتر من 20 ثانيه لان لو هو اتحكم فيكي قبل ما تتمكني من غرز صوابعك كل حاجه هتبوظ وطبعا الحركه دي مميته يعني بعدها تقدري تهربي بسهوله لانك باختصار هتكوني بوظتي عينه والالم اللي هيكون حاسس بيه مش هيخليه يلحقك ولا حتي يشوفك...
اما تاني...حركه. وتالت حركه... تقدري تختاري منهم يعني لو الخصم... ماسكك
موجهه مثلا علي دماغك مسدس او سكينه وضهرك ليه بالشكل ده..
ومسك لمار... وقفها ادامه وضهرها لصدره ومكنش فاصل بينهم اي حاجه..
حست لمار بالاحراج والتوتر الشديد...
دياب... عشان تقدري تهربي من الوضع ده...ادامك اختياريين اولهم...
انك ترفعي رجلك دي كده..
ووطي دياب رفع كعب رجلها...وحطه علي ركبته..
وتضربي بكل قوتك علي الركبه وتكسريها...وبسرعه جدا تلفي..ولفها ليه ووشها بقي في وشه..
دياب...تستغلي الوجع والالم اللي سببتهوله وترفعي رجلك وتتني ركبتك بالشكل ده.
دياب... كان بيمسك رجلها وجسمها وهي مغيبه مش قادره تتكلم وحاسه بالاحراج ووشها احمر من الخجل..
دياب... وبكل قوتك تضربيه بركبتك تحت الحزام..
فهمت لمار اللي يقصده... نزلت عينها للارض وبايده رجعت شعرها ورا ودنها..
دياب.. باصصلها وشايف توترها واحراجها...بس مكمل عادي عشان متتحرجش..
دياب... فهمتي حاجه..
لمار...وهي باصه للارض هزت دماغها...
دياب... تمام...الوقت.. كل الحركات اللي قولتهالك من شويه والتلاته اللي زودناهم هنعملهم مع بعض...بس بشرط كل الحركات دي تتعمل في اقل من دقيقه. تقدري.
لمار... باحراج هحاول
دياب.. تمام..
ابتدا معاها دياب... بضربها لكمه.. اتفادتها لمار...
وفضل يسسدلها ضربات اغلبها لكمات وهي تتفاداها علي اد ما تقدر وطبعا نظرا لضخامت جسم دياب وضعف جسم لمار بالنسباله كان الموضوع صعب خصوصا انها لسه بتتعلم...
وجت عند حركه العين...
دياب... لا غلط... اولا انتي بتعمليها بايدك الاتنين مش بايد واحده بس مؤقتا سيبك من الحركه دي الوقت هنتدرب عليها لوحدها.علي تمثال عشان تقدري تتحكي فالعين كويس.
لمار...حاضر..
دياب... الوقت هنعيد كل ده تاني بس ياريت زي ما قولتلك اولا تتعمل في اقل من دقيقه ثانيا
ثانيا انتي ممكن تكوني فاهمه الحركه وبتعمليها صح.. بس انتي عايزه تقنعيني ان لو اتعرضتي للموقف ده بجد هتعمليها بالشكل ده.
لمار...مش فاهمه
دياب... يعني ايدك دي انتي بتضربي طفل انا بس عايز افهمك حاجه يمكن تكوني شيفاني كبير بالنسبالك او ضخم بس احب اقولك انك ممكن تتعرضي للموقف ده مع واحد اضخم من كده وساعتها كل الضربات دي مش هتفيدك لانك باختصار مش هتاخدي في ايده ثواني.
لمار... بس يعني حضرتك الوقت مش خصم او عدو.
دياب... وانا عايزك تشوفيني خصم وعدو عشان اتأكد انك فالامان نشفي ايدك دي شويه واضربي بكل قوتك
افتكري ديما ان الشخص اللي ادامك ده... لا يموتك يا تموتيه.. مفهووووم.
لمار...حاضر...
دياب...ابتدا يضرب من تاني... ويسسدلها لكمات ولمار تتفادها وتردهاله... لكن دياب مكنش راضي بردو عن ادائها فا حب يستفزها اكتر عشان تضرب
دياب.. وهو بيضرب... ايه ده اخرك
لمار بقت تضرب اجمد شويه.
دياب. انا شايف ان حاتم باشا بيضيع وقته معاكي..
لمار..بتضرب اكتر...
دياب... اللي يشوفك يقول عليكي جامده بس انتي ضعيفه..
لمار...حست بالاستفزاز منه...بقت تضرب اكتر...
دياب...ايه مش واكله كويس ولا ايه...
نسيت..انك مبتعرفيش تاكلي غير مع بابا وماما... دياب حس انها ابتدت تتعصب والغضب يعميها وايدها ورجلها ابتدو يجمدو كان بيتفادي ضرباتها علي اد ما تقدر عشان متأذيهوش خصوصا انها وصلت لمرحله خلاص مش شايفه ادامها...
فاللحظه دي...لمار..الغضب كان عاميها..
دياب...فين بابا اللي قتلتيه يجي يشوفك وانتي مش قادره حتي تاخدي نفسك ...
ولف دياب ضهرها ليه..اما لمار كانت في دنيا تانيه ومفيش في دماغها غير ملامه وغير الحادثه ووصلت لمرحله
اللاوعي وبكل قوتها لمار.... ضربته في ركبته...وفأقل من ثانيه كانت لفت ورفعت ركبتها وبكل قوتها وبكل الغضب اللي جواها... صرخت. وضربته تحت الحزام...
وقعت دياب.. بركبته وهو ساند عالارض وبيتألم..
وبعدت لمار.. خطوات لورا... وهي بتاخد نفسها بسرعه رهيبه والمكان كان عباره عن صوت هوا. شديد مع صوت نفس لمار... وبصاله بغضب.. ومش في وعيها وتحت تأثير الغضب ...
دياب...بيحاولويقوم وهو بيتألم
فاقت.... اخيرا وهي شايفاه بيتألم.. مكنتش عارفه تقولو ايه وكانت خايفه منه..
لمار... ااانت كوييس اانا اسف... حضرتك اللي استفزتني...
دياب... قام وهو بيبصلها وعلامات الالم ظاهره علي وشه...
دياب... محصلش حاجه انا تمام... وعارف اني استفزيتك بس كان لازم اشوف اخرك .
لمار...يعني كويس ولا وحش.
دياب... كويس جدااا
يلا التمرين اللي بعده
.....................اما عند انس وكارمن...
فضل انس طول الوقت اعد جمبها بيراقبها.. الوقت بقي 9 بليل ولسه مصحيتش
كارمن... اتقلبت فالسرير... فتحت عينها ببطئ وهي ماسكه دماغها...ومش فاكره حاجه..
فتحت عينها وبصت باستغراب للمكان ابتدت تشوفه بشكل اوضح...قامت بسرعه وهي ماسكه دماغها...وانتبهت للصوت.
انس... براحه انتي كويسه.
كارمن....انت هنا ازاي انا فين ايه اللي جابني هنا
...انااااا وابتدت تفتكر كل اللي حصل.
انس... متخافيش ياكارمن...انتي تعبتي واغم عليكي انا جبتك هنا عندي وجبتلك الدكتور انا مكنتش عارف اتصرف بس انتي هتبقي كويسه...طمنيني عليكي حاسه بايه.
كارمن. كانت بتسمعه لاكن كل حاجه حصلت الصبح بترجع لذاكرتها براحه وافتكرت كل حاجه ثواني وعينها اتجمعت فيها الدموع...ونزلت براحه علي خدها....لمااار....لمااار ماتت بجد..
قام انس...اعد جمبها عالسري...
دياب...كارمن من فضلك اهدي شويه حاولي تدعيلها هي حاسه بيكي الوقت
كارمن....لماار ماتت ماتت خلاص...
انا قلبي واجعني اوي..
انس....عارف وحاسس بيكي ومقدر موقفك وانا لو مكانك صدقيني هبقي زيك انا كمان مقدرش اتخيل ده يحصل لدياب...بس صدقيني ده مكتوب مش كده مينفعش نعترض علي حاجه ربنا كاتبها مفيش حاجه في ايدنا غير اننا ندعي..
كارمن.... انا مبقاش في ايدي حاجه خالص انا انتهيت عارف يعني ايه انتهيت مبقاش في حاجه في ايدي خلاص... كل حاجه اتهدت من اول ما لمار اتقبض عليها وانا اتهديت معاها وكملت بموتها اللي كمل عليا
انس...انتي اقوي من كده يا كارمن وبعدين لمار موصياكي انك تكملي عشانها...
كارمن...عمرك شوفت حد عايش من غير قلب ...لمار خدت قلبي قولي هكمل ازاي...وانا من غير قلب...لمار وصتني بحجات هي عارفه اني عمري ماهعملها غير وهي معايا قولي الوقت هعملها ازاي وهي مش معايا....لمار سابتني في الدنيا لوحدي كانت هي السند والحب والروح...هي راحت وخدت كل ده معاها والاهم في كل اللي خدته ده كان السند اللي مكنش موجود غير بيها..
انس...كارمن... اعتبريني حد قريب منك او حاولي تعتبريني زي لمار او حتي مش لازم زيها اعتبريني صاحب جديد في حياتك تتكلمي معاه تفضفضي تعيطي تصرخي تتحامي فيه ويكون واقف في ضهرك...صدقيني هكون ديما معاكي....
كارمن.... انا بموت من غيرها انا جوايا حاجه بتوجعني اوي....
قرب منها انس...وخدها في حضنه...
انس....عيطي ياكارمن...عيطي خرجي كل اللي جواكي وواجعك...
فضلت كارمن تعيط بصوت عاللي وهي منهاره..
وهو يضمها ليه اكتر....
لحد ما فات وقت وهديت كارمن شويه...وخرجت من حضنه...
شكرا..ليك بجد شكرا علي كل حاجه عملتها وشكرا علي وقفتك جمبي...شكرا عشان دافعت عني مرتين ادام بابا...انا لازم امشي الوقت متأخر وانا مرجعتش من ساعت ما نزلت معاك...اكيد قلقانين عليا...واكيد بابا مش هيسكت..
انس...متقلقيش.. انا بعت حد يشوف الشارع اخباره ايه خصوصا بعد ما اتعرف الخبر هناك...ومتقلقيش والدتك خرج من البيت واكيد هيرجع الصبح زي ما بيرجع...
كارمن.... وقفت... اشوف وشك بخير.
انس....انا هشوفك ياكارمن...
كارمن...اللي كنت بشوفك عشانها راحت خلاص بلاش ادخلك في حياتي اكتر من كده بلاش ادخلك في مشاكلي...
انس...وانا موافق علي فكره احنا اتفقنا نكون صحاب... ويمكن لمار كانت السبب في اني اشوفك بس بردو هي وصتني عليكي هكلمك ديما وهسأل عليكي وانتي كلميني حتي لو كل شويه واي وقت تحتاجي اي حاجه كلميني...واوعي تترددي...ماشي ياكارمن..
كارمن...بابتسامه حزينه...حاضر...
انس...امسكي ياكارمن... ده العلاج اللي الدكتور كتبهولك...خديه بانتظام ...وانا هسأل عليكي واي وقت متعرفيش تردي ابعتيلي رساله اتفقنا.
كارمن...حاضر...
انس...يلا عشان اوصلك.
كارمن...لا خليك متتعبش نفسك... انا هروح لوحدي..
انس...الساعه قربت من 10 مينفعش اسيبك خصوصا وانتي فالحاله دي...يلا تعالي هنزلك قبل الشارع بتاعك متقلقيش.
كارمن...حاضر.....
نزل انس...وكارمن...مع بعض ركبو العربيه...كارمن طول الطريق سانده راسها عالشباك...وهي سرحان فالطريق...ودموعها نازله.....
اما انس..كان كل شويه يبصلها وحزين عشانها....وكأنها اتبدلت ومش هي اللي كانت واقفه بتتخانق عشان لمار فالشارع...اتحولت لطفله ضعيفه تايهه وسط الدنيا لوحدها....
بعد وقت بسيط...وصل انس
كارمن ..تعبتك معايا شكرا.
انس...تعبك راحه وقولنا مفيش بينا شكرا احنا بقينا صحاب صح.
كارمن....وهي بتهز راسها صح..
انس...يلا انزلي وادخلي البيت علي طول...عشان متتأخريش..
كارمن....حاضر سلام وفتحت الباب ونزلت...مشيت ادام انس... بحزن وضعف وفي ايدها رساله لمار... وشنطه الدوا..
فضل انس...واقفلها... لحد ما اختفت من ادامه..
خبطت كارمن علي الشقه...
مني...افتحي الباب بسرعه يا چنا يمكن تمون اختك..
جريت...فتحت چنا اختها...هي ماما..
جريت..عليها مني...
كارمن.. كنتي فين انتي كويسه..
كارمن...جريت عليها واترمت في حضنها...
لمار ماتت ياماما خلاص ..
فضلت تغيط هي ومني اللي عرفت الخبر زيها زي باقي الشارع...خدتها مني نيمتها عالسرير وفضلت اعده جمبها... تقرالها قرأن لحد ما نامت وهي حاضنه رساله لمار...
...........اما عند...دياب ولمار
دياب....كده احنا خلصنا تمارين انهرده مفضلش غير اخر تمرين...
... هتلفي التراك ده 10 مرات وهشغلك الستوب ووتش تخلصي العشر مرات في 3 دقايق..
لمار...وهي بتبرق... 3 دقايق استحاله طبعا....انا اصلا مش سريعه...وبعدين انا انا تعبت اوي
دياب... تمام يبقي اخرج روك ونعرف اذا كنتي سريعه ولا لا...
لمار... باستفهام... روك مين.
راح دياب علي اوضه صغيره خرج ومعاااه كلب ضخم انيابه ظاهره بشكل يخوف....
دياب.....بابتسامه مستفزه... روك ده.... صاحبي...وعايزه اقولك انه بيعرف يلف التراك ده 10 مرات بالظبط في دقيقه ونص...😉😉👌
لماااااااار...😳😳😳😳😳😳😳😳
البارت الثامن.
...........اما عند...دياب ولمار
دياب....كده احنا خلصنا تمارين انهرده مفضلش غير اخر تمرين...
... هتلفي التراك ده 10 مرات وهشغلك الستوب ووتش تخلصي العشر مرات في 3 دقايق..
لمار...وهي بتبرق... 3 دقايق استحاله طبعا....انا اصلا مش سريعه...وبعدين انا انا تعبت اوي
دياب... تمام يبقي اخرج روك ونعرف اذا كنتي سريعه ولا لا...
لمار... باستفهام... روك مين.
راح دياب علي اوضه صغيره خرج ومعاااه كلب ضخم انيابه ظاهره بشكل يخوف....
دياب.....بابتسامه مستفزه... روك ده.... صاحبي...وعايز اقولك انه بيعرف يلف التراك ده 10 مرات بالظبط في دقيقه ونص...😉😉👌
لماااااااار...😳😳😳😳
دياب مش بس كده. روك مكالش بقاله يومين.
لمااار.😳😳😳
دياب...ومش بس كده... روك متصنف انه اقوي كلب بوليسي ومعاه شهادات كتير وعنده ميزه بقي انه يقدر يفرتك العضم في وقت اقل من اللف 10 مرات فالتراك يعني حوالي دقيقه تقريبا او 50 ثانيه. ويكون فرتك جسم بني ادم كامل
ايه رأيك...تحبي تتسابقي انتي وروك مع بعض ونشوف مين اسرع ولا بهدوء كده تقومي توريني شطارتك...
لمار....انت بتهرج طبعا صح😳
دياب.....احنا مش بنهزر هنا علي فكره...
لمار....ولما احنا مش بنهزر ازاي عايزني اجري مع كلب...انا استحاله اصلا الف التراك ده كله حتي مره واحده...في 3 دقايق حضرتك عايزني الفه 10 مرات .انا بجد تعبانه مش هقدر.
دياب...واضح انك بتحبي تناهدي كتير وانا مش فاضي لسه ورانا شغل...
لمار...شغل ايه تاني مش قولت ان ده اخر تمرين.
دياب...اه اخر تمرين... بس عندك اول كورس لغه حضرتك ولا نسيتي ان المفروض جنابك تتعلمي 3 لغات..
لمار...طيب احنا ممكن نأجل التمرين ده لبكره... لاني بجد تعبت جدا ونكمل اي حاجه تانيه حضرتك عايزها بس والنبي بلاش الكلب....انا اصلا بخاف من الحيوانات وخصوصا الكلاب.
دياب...واضح انك بتضيعي وقتك معايا عالفاضي.... دياب كان ماسك الكلب من السلسه وكان بيهوهو جامد علي لمار اللي واقفه بعيد مستخبيه...وطي عالكلب عشان يشيل من عليه السلسه...
لمار...خلاص خلاص هجري متفكهوش.
دياب...ايوه كده.
لمار...طيب ممكن تدخله لو سمحت
دياب...لا🤨
لمار...ارجوك طول ماانا شيفاه هبقي متوتره وصدقني مش هقدر...
دياب...قولت لا....هتروحي تقفي عند العلامه اللي هناك دي. واول ما تسمعي الصفاره تبتدي..
لمار...بخوف حاضر. ومشيت براحه علي العلامه..
دياب...اسمعي..
لمار...بصتله نعم..
دياب... لو ال10 لفات معملتيهمش في 3 دقايق او اقل. هتعديهم من تاني تاني..
لمار...ايه.😳🥺
دياب...امال انتي فاكره ايه مش بس كده لو عدتي من تاني مش هتعديها لوحدك😉👌فاهمه طبعا...
لمار...لا لا هعملها ..
دياب...تمام...جاهزه...
لمار...خدت نفس طويل وخرجته براحه. جاهزه....وكملت بسرعه قبل ما يصفر ..لحظه
دياب...نعم..
لمار....ممكن اسال حضرتك سؤال..
دياب...يارب نخلص اتفضلي..
لمار...هو يعني حضرتك قبل كده جربت تسابقه..
دياب...طبعا جربت...
لمار...وسبقت.
دياب...باستفزاز...لا طبعا
لماار😳😳😳وعايزني انا اسبقه.
دياب...جاهزه.
لمار....بزهول اه اه جاهزه...
دياب....مسك الصفاره وصفر....
اول ما لمار سمعت جريت بأقصي سرعه عندها ..
كان الكلب في ايد دياب شايف لمار وهي بتجري وبيهوهو جامد...لمار كانت مركزه معاه جدا وطول ماهي بتجري بتبص عليه...كانت مرهقه جدا وتعبانه بقالها فتره مبتنمش..ولا بتاكل كويس دماغها مبتبطلش تفكير عياط مستمر صداع مستمر مكانتش قادره بمعني الكلمه...لفت لمار. التراك. خمس مرات دياب باصص في الستوب ووتش كانت 1:57 ...
فضلت لمار تجري... ووصلت لسابع مره كانت خلاص مش قادره حاسه ان هيغم عليها من التعب...سرعتها ابتدت تقل وفصلت خالص...اتحاملت علي نفسها اكتر...وفضلت تجري لحد ما اخيرا وصلت لاخر لفه.....
وبعد اخر لفه صفر دياب عشان تقف....
اول ما دياب صفر وقعت فالارض علي ركبها وهي بتكح وتاخد نفسها بصعوبه..
دياب....ربط الكلب في عمود حديد جمبه وراح للمار...
لمار....عرفت صح..
دياب بابتسامه سخريه. عرفتي اوي حتي بصي ووراها الستوب ووتش كانت 5:44
لماار...😳😳😳😳
دياب...تقريبا 3 دقايق زياده يعني لفتيها في حوالي 6 دقايق يعني مش بس اكتر من روك بحاجه بسيطه ولا حتي 3 دقايق لا ده انتي زياده 3 دقايق كمان. براڤو بجد.
لمار...انا قولتلك اني مش سريعه واني مش قادره وتعبانه وطلبت من حضرتك نأجلها لبكره بس حضرتك مش موافق وانا مش قادره...ومش فاهمه مال الجري بالمهمه الانا هعملها.
دياب.... يعني انتي لو حصل لا قدر الله انك مثلا اتكشفتي واضطريتي انك تشتبكي مع حد هتضربيه وتفضلي واقفه...
لمار...لا اكيد هجري بس مش هسابق ولا هجري تراك اد ده 10 مرات
دياب....ادعي بس ميحصلش كده لان ممكن اصلا تجري اكتر من كده بمراحل
اللي هيتشابك معاكي مش هيسمي عليكي الحركات اللي علمتهالك دي تساعدك انت تنقذي نفسك مؤقتا وتقدري تهربي بسرعه قبل ما يفوق لان الحركات دي تشل حركته لاكن متموتهوش يعني هيجيبك هيجيبك ولو انتي مش سريعه واتمسكتي ياريتها تيجي علي موتك العذاب اللي هتشوفيه علي ايدهم ساعتها هيخليكي تتمني ان ياريت كانت فضلت علي روك ...انتي واضح انك مش مقدره هتتعاملي مع مين...انتي هتتعاملي مع الموساد دي الكلمه لوحدها ترعب
لمار......هو حضرتك بتخوفني ليه..
دياب...عشان لازم تخافي عشان تقدري تعمليها..يلا قومي.
لمار...اقوم فين.
دياب...تقومي تجري
استني....راح دياب جاب...چاكت واقي عشان متتأزيش .
دياب...امسكي البسي ده...
لمار...ايه ده...
دياب...ده عشان يحميكي لو الكلب هجم عليكي...
لمار.😳
دياب...او لو خبط فيكي جامد. ووقعك ميحصلكيش حاجه....
لمار...هو المفروض انك كده بتطمني.
دياب...اخلصي..
لمار...طيب حاضر..
مسكت لمار الچاكت. ولبسته...
لمار...الچاكت تقيل جدا....انا استحاله اعرف اجري....انا هقلعه.
دياب...لا مش هينفع من غيره هتتأذي..
لمار...قلعته...لا انا هتأذي لو فضلت لبساه...
دياب...انتي حره...انا حذرتك...بصي بقي انت هتقفي وانا هصفر...اول ما تسمعي...الصفاره هتجري....واول ما تلوصلي نص التراك هسيب روك يعني هديكي مساحه تجري
لمار...طيب ممكن اخر طلب.
دياب...اتفضلي.
لمار...اديني اخر فرصه صدقني هعملها بس نعيد تاني من غير الكلب..
دياب...اسف كان ادامك فرصه وانتي مستغلتيهاش...وكمل بنبره صوت عاليه وانا مبقولش حاجه وبرجع فيها...فايلا ومتضيعيييييش وقت بدل قسما بالله هسيبه عليكي حالا.😡
لمار...الدموع اتجمعت في عينها. وراحت وقفت علي العلامه...
دياب...متأكده انك مش عايزه الچاكت.
لمار...لا.😔
دياب....طيب ارفعي شعرك عشان لو مسك شعرك مش هيسيبه..
لمار....التوكه وقعت واحنا بنتمرن مش لقياها..راح دياب عندها ولف ضهرها ليه. ومسك شعرها لفهولها علي شكل كحكه لفوق وقلع من ايده العراقه بتاعته...
دياب...هي مش توكه بس هتوفي بالغرض وخلاص..
لمار بصتله وكأنها بتترجاه.....انا خايفه بلاش ارجوك صدقني مش هقدر
سبها دياب وهي بتتكلم واتحاهل كلامها ورجائها ليه وراح وقف مكانه...وفك الكلب....من العمود.
لمار...مرضيتش تبص وراها من الخوف...
فاللحظه دي دياب من غير ماتاخد بالها ركب للكلب ماسك...عشان يحميها...
وشال السلسه ومسكه من الطوق.. الكلب كان بيحارب عشان يفلت من ايد دياب ويجري علي لمار....
دياب...جاهزه...
لمار....هزت دماغها بي لا....
دياب....اذا كان كده تمام...وصفر دياب فاللحظه دي....وبمجرد ما لمار سمعت الصفاره طارت وكأن التعب اللي كانت حاسه بيه كله راح....وصلت لمار لنص التراك من اول لفه لقت دياب مسابش الكلب...فكرت انها صعبت عليه وانه هيسيبها تجرب مره كمان من غير الكلب.. كملت باقصي سرعه...عشان تلف بسرعه وميسبش الكلب....
دياب....بصوت عالي....طبعا مستغربه اني مسبتش الكلب لحد الوقت صح.
لمار...سمعاه وبتجري باقصي سرعه ولفت اول مره خلاص وداخله عالتانيه..
دياب...انا هتفق معاكي اتفاق لو وافقتي...مش هسيب الكلب لو موافقتيش هسيبه...تمام...
لمار...بصوت عالي....انا موافقه علي اي حاجه بس ارجوك متسبهوش...
كل ده ولمار بتجري مبتوقفش..
دياب...هسألك شويه أسئله وتردي عليا وبعدها هدخل الكلب بس بشرط... تجاوبي بسرعه من غير تفكير السؤال اللي هياخد منك تفكير اكتر من ثانيتين هسيب روك هو يتصرف..
لمار.....اسأل....
الاسئله..
دياب...لونك المفضل.
لمار...الابيض...
دياب...ليل ولا نهار..
لمار....ليل.
دياب..بحر..ولا بر.
لمار...بحر...
دياب...شمس ولا قمر..
لمار....قمر.
دياب..بلد نفسك تزوريها...
لمار...فرنسا..
دياب...راضيه عن نفسك.
لمار...جداااا.
دياب....ايه هو حلمك.
لمار...مبقاش عندي حلم....
دياب...عملتي ايه وندمتي عليه.
لمار....عمري ماندمت علي حاجه عملتها...
دياب...والدتك ولا والدك...
لمار... والدتي
دياب... حاجه نفسك فيها اوي
لمار...اشوف ماما وكارمن
دياب...كان بيسأل الاسئله بسرعه كبيره ولمار كانت بتجاوب عليه. بسرعه من غير تفكير عشان ميسبش الكلب...
وصلت لمار للفه التامنه وداخله عالتاسعه وكان الوقت قياسي 1:38
دياب....قتلتي ابوكي ليه..
لمار...سكتت وفضلت مكمله جري مبتقفش لاكن ملامحها اتحولت عيونها كان فيها نظره غضب لما افتكرت السبب وفضلت تجري ولا كأنها سامعه ولا حاسه بأي حاجه حواليها...
دياب....لاخر مره قتلتي ابوكي ليه...
لمار...........
فاللحظه دي....دياب...بأعلي صوته...
روووووك كاااااااتش وساب روك من ايده....واول ما سابه جري الكلب بسرعه ترعب..وبملامح تخوف
دياب...وقف يراقب بعيون زي الصقر شايف لمار بتجري بسرعه جنونيه..والكلب وراها...خلصت لمار عدد اللفات المطلوبه في دقيقه 50 ثانيه ولسه مكمله جري..
شايفن الكلب وراها....دموعها بتنزل من عينها تطير فالهوا....وكل اللي في بالها شبح ذكراتها...
فلاش...باك....
لمار....ايه الانا سمعته ده... الانا سمعته ده بجد....انت بتقول اييييييه بتقول اييييه انت اكيد بتكدب....ثواني واتحولت حياتها لكارثه..
لمار...بصريخ...وانهيار انت لازم تموووووت وضربته اول طعنه لازم تموووووت وضربته تاني طعنه لازم تمووووووووت...
باااااك....
فالوقت ده لمار رجلها خانتها ووقعت ومن سرعتها الجنونيه اللي كانت بتجري بيها اول ما وقعت فضلت تلف عالارض ونامت علي ضهرها وايدها مفروده جمبها... وفضلت باصه للسما ودموعها نازله وخلاص مستسلمه للكلب..
اول ما دياب شافها بتقع فاللحظه دي جري بأقصي سرعه عنده وهو بينادي علي رووك عشان يلفت انتباهه...ولحسن حظ لمار انها وقعت بعد ما عدت المكان اللي دياب واقف بيه بخطوات. وقبل وصول الكلب وصل ليها دياب.... وفأقل من ثانيه تفصل بين لمار والكلب كان دياب فوق لمار حاضنها ومخبيها كلها بجسمه😉😍
مسكت لمار فيه بكل قوتها....واول ما روك وصل كان بيحاول يمسك لمار لاكن دياب كان اسرع منه ومسكه من الطوق بسرعه وقام بعد بيه ربطه فالعمود ومع محاولات الكلب الفاشله في انه يفلت منه..
فضلت لمار نايمه عالارض...تتنفس بسرعه رهيبه...كأنها كانت في سباق مع الزمن مش مع كلب....
رجعلها دياب بسرعه اعد علي ركبته
دياب...انتي كويسه..
لمار....بتاخد نفسها بصعوبه..خدت وقت اد ايه.....
دياب....ابتسم...12 لفه في دقيقتين و20 ثانيه...
لمار...ابتسمت وحاسه انها انتصرت..
مدلها دياب ايده...عشان يقومها مسكت لمار في ايده قام دياب بيها براحه...لمار مكنتش قادره تقف
دياب...حاسه بحاجه
لمار.....لا انا كويسه..
دياب....طيب تعالي نطلع عشان تاخدي شاور وترتاحي وهحضرلك العشا اكيد جوعتي وبعدين نكمل..
لمار....حاضر..
مشيت...لمار اول خطوه حست بوجع رجلها من الوقعه..ااااه
دياب...في ايه.
لمار....رجلي واجعاني اوي تقريبا من الوقعه...
وطي دياب علي رجلها يشوفها..رجعت لمار خطوه لورا وهي بتتألم...
دياب...متخافيش...انا هشوف رجلك بس..
قرب منها دياب تاني...وشال الكوتشي اللي كانت لبساه...ومسك مشط رجلها. اتألمت لمار جامد
دياب....رجليكي ورمت تعالي نطلع وعلي بال ما تاخدي حمام وتغيري هجبلك كريمات ليها والفهالك برباط عشان تقدري تقفي عليها.
لمار...ماشي..
مسك دياب الكوتشي في ايده..وقام وقف وقرب منها..وبسرعه كان شالها بين ايده..
شهقت لمار من الخضه. حضرتك بتعمل ايه...
دياب...بعمل ايه شايلك..ومشي دياب بيها وهي بتتكلم
لمار...باحراج جامد من فضلك نزلني.
دياب...رجليكي وارمه ومش هينفع تدوسي عليها عشان متتعبيهاش اكتر لازم تريحيها عشان نقدر نكمل تمارين الايام اللي جايه..
لمار....انا هقدر امشي عليها من فضلك نزلني...
وقف دياب...ونزلها من ايده...تمام انا غلطان...اتفضلي امشي واطلعي يلا..
اتحرك دياب كام خطوه ادامها..
حاولت لمار تاخد اول خطوه اتألمت جامد بس مبينتش ولسه بتاخد تاني خطوه داست علي حجر صغير..
لماااار...ااااه.
دياب وقف وبصلها وهو رافع حاجبه ما قولنا كده مسمعتيش الكلام...وراح عليه وشالها مره تانيه...ولكن المرادي لمار معترضتش...مسكت في رقبته باحراج...
كانت نفسها الارض تتشق وتبلعها.
شعرها كان اتفك تاني..من كتر الجري... ومن شدت الهوا كان بيطير علي وش دياب اللي كان عرقان جدا من التمارين...ووقف شعرها علي وشها بسبب حبات العرق...
دياب... شيلي شعرك من حلو وشي..
لمار...🙄🙄مدت ايدها براحه وشالت شعرها بايده من وشه....دياب بمجرد مالمست وشه بايدها كان في حته تانيه...اما لمار فا كان فاضلها ثواني ويغم عليها من شدت احراجها.. بصلها دياب بعيونه اللي تموت🙈عشان يوترها اكتر ما هي متوتره... نزلت لمار عنيها بسرعه عنها واستقرت عند رقبته دياب مكنش علي بعضه من نفسها اللي بيضرب في رقبته...حاول يطلع بسرعه.عشان يخلص من الموقف..واخيرا طلع دياب بيها اوضتها...حطها براحه عالسرير.
ووطي بيها عالسرير وكان قريب منها لدرجه خلت دياب اقسم انه سامع دقات قلبها
دياب... حاول تاخدي شاور وتغيري هدومك بسرعه عشان انتي عرقانه جدا والجو بره برد عشان متتعبيش انا كمان هروح اخد شاور وهخلص العشا وهنادي عليكي.
هزت لمار راسها وهي باصه فالارض..
دياب...محتاجه اساعدك في اي حاجه..
رفعت لمار...عينها ليه وهي مبرقه.....تساعدني في ايه.
دياب...وهو بيغمزلها 😉اكيد مقصدش الشاور..
لمار😳😳😳😳برقت من جرأته.
ابتسم دياب علي شكلها مبرقه وفاتحه بوئها....خرج وسبها. علي حالتها وهو مبتسم وقفل وراه..
لمار....حطت ايدها علي قلبها....قليل الادب..ثواني ولاول مره يظهر علي وشها شبح ابتسامه...
حاولت تتسند براحه وقامت طلعت ترنج ودخلت تاخد شاور وحطت رجلها تحت الميه الدافيه عشان تخفف الالم اللي هي حاسه بيه...
اما عند دياب... فا دخل اعد علي كنبه صغيره في الاوضه وولع سيجاره... وسرح مع نفسه في حوار داخلي...
ايه انت مالك عامل كده ليه ايه اللي حصلك..
دياب مش عارف..
هو ايه اللي مش عارف... اول مره اشوفك كده
دياب... مش عارف بجد كل ما اكون قريب منها بحس احاسيس غريبه...
وانت شايف ان ده ينفع.
دياب ...وايه يمنع.
انت ناسي انها قاتله ومحكوم عليها بالاعدام
دياب... بس عندي احساس انها بريئه
ومن امته وانت بتمشي اصلا ورا احساسك.
دياب....عارف انك هتستغربني بس حقيقي حاسس ان في حاجه...
ايه عايز تقنعني انك حبتها مثلا بس لو هتقول كده مش هصدقك... انت لحقت.
دياب...انت عندك حق اكيد محبتهاش ولو قولت كده من حقك متصدقش... بس كمان انا لما بكون جمبها بكون مرتاح وبحس اني مش علي بعضي... خطفتني.
خطفتك مره واحده وايه كمان
دياب....مش عارف بس عايز اكون معاها
انت شكلك اتجننت انت كده او كده حكايتك معاها هتخلص بعد المهمه وانت هترجع لحياتك وهب هترجع لحبل المشنقه اللي مستنيها..
دياب...بس هي بريئه انا واثق .
حتي لو ...بردو حبل المشنقه مستنيها
انت ناسي انها قاتله ومعترفه بنفسها وكمان هي مصممه متتكلمش دي واحده مستسلمه لفكره الموت خلاص.
دياب...مش يمكن عشان مفيش حد في حياتها يخليها تتمسك بالدنيا...انا خاسس لو قربت منها وخلتها تثق فيا وتحبني هتغير رأيها وتتكلم.
لا ياشيخ... انت شكلك بتحلم تقرب منها وتثق فيك وتحبك مره واحده...وبعدين انت ناسي ان امها وصاحبتها اللي اقرب ليها منك مخلوهاش تغير رأيها هتغير رأيها عشانك.
دياب...وايه يمنع يمكن لما تلاقي حد جمبها ودخل قلبها تحاول تغير رأيها .
وانت ايه عرفك ان مكنش في حد في حياتها مش يمكن كانت بتحب...ولو فعلا كانت بتحب... بردو هي مغيرتش رأيها. ومرحبه بالموت..
دياب...مظنش في حد في حياتها...انا لازم اقف معاها واساعدها حاسس انها صعبانه عليا وقلبي واجعني عليها من غير سبب احساسي بيها انها مني..
اااه يعني انت واقف معاها شفقه...
دياب.... مش بالظبط. بس كمان يمكن في سبب مش عارف لو قولتهولك هتفهمني ولا لا...
قول ياسيدي وهحاول افهمك.
دياب. لما بكون معاها بحس ان عنيها بتقول كلام كتير...وبحس ان قلبها بيصرخ من جوه وبيقولي ساعدني خليك جمبي متسبنيش.. حاسس انها محتجاني وانها شايله حاجه اكبر منها بكتير ومحتاجه حد يشيلها معاها
لا ده انت بقيت شاعر شكلك وقعت ومحدش سمي عليك..... وحتي لو اللي بتقوله ده صح تفتكر انها هتخليك تشيل معاها اللي هي شيلاه
دياب...مش عارف بس انا هحاول...
ماشي...وهستناك تقولي قريب عملت ايه..
هز دياب دماغه شمال ويمين وساب السيجاره فالطفايه وقام خد ترنج ودخل ياخد شاور....
خرجت لمار... بتعب وهي بتتسند. وحاسه انها مش قادره تقف علي رجلها والوجع بيزيد...
راحت اعدت علي طرف السرير ورفعت رجلها براحه...لقتها ورمت وازرقت..
لماار...اااه يارب هو انا ناقصه
سرحت شعرها ورفعته بتوكه لفوق كان شكلها يجنن
وعدي حوالي نص ساعه... لقت الباب بيخبط...
لمار....ايوه...
دياب... العشا جاهز... لو خلصتي يلا تعالي
لمار...حاضر جايه..
قامت لمار براحه وهي بتتنطتت مش قادره تدوس برجلها فالارض... فتحت الباب وخرجت براحه... لقيت دياب فاتح باب الاوضه وسايبه..
خبطت..عالباب...
دياب... كان واقف بيجهز العشا...ادخل..
لمار.. مشيت براحه لجوه الاوضه..
دياب شافها اتسمر في مكانه مش جمالها...😳😳
دياب.... ااا اساعدك.
لمار...شكرا...
دياب... اعدي ارتاحي... انا مرضتش اخرج الاكل بره الجو برد عليكي.
لمار...تمام شكرا تعبو حضرتك معايا
دياب...رجلك عامله ايه
لمار... هو حضرتك معاك اي مسكن.
دياب... اه المكان هنا تقريبا مجهز بكل حاجه كريمات شاش قطن بيتادين مسكنات...كل حاجه الاسعافات الاوليه موجوده هنا..انا مجهزلك رباط الضغط والكريم...عشان اربطلك رجلك...ولما تاكلي هديكي مسكن...الوقت ارفعي رجلك.
لمااار...نعممم🙄
دياب... ايه عشان احطلك الكريم والرباط..
لمار...احمم.انا بعرف...
دياب... تمام اتفضلب واداها الكريم والرباط...
حطت لمار الكريم...ومكنتش قادره تدعكه من الوجع...
دياب... مسك رجلها براحه تحت زهول لمار من المواقف اللي اعده تحصل بينهم وسكتت
فضل دياب يمشي المريم علي مشط رجلها ويدعكه بطريقه معينه زي المساچ عشان عروق رجلها تفك... وبحركه سريعه ومن غير ما لمار تاخد بالها سابها مركزه في احراجها ومره واحده شد مشط رجلها لادام عشان العروق ترجع لطبيعتها..
صرخت لمار...
دياب...اسف بس الوقعه كانت جامده والعروق حصلها زي تشمج ولازم رجلك كانت تتسحب كده عشان مهما حطيتي في كريم مكنتش هتفك .شويه وهتحسي الوجع ابتدا يخف من غير مسكن..
لمار...بس دي بتوجعني اكتر.
دياب...معلش عشان لسه مرجعهالك اطبيعتها الوقت تبقي احسن...ولفلها رباط براحه علي رجلها...
دياب... كده خلاص يلا عشان تاكلي بقي...
لمار... طيب و...سكتت لمار كانت هتسأله هياكل ولا لا لاكن افتكرت الكلام اللي قاله عالفطار. محبتش انا يضايقها تاني بكلامه ففضلت السكوت.
دياب...طيب وايه؟؟؟
لمار...مفيش..قربت لمار من الاكل كانت حاسه بجوع فظيع بعد اليوم الشاق ده..
لاكن اتفجأت بدياب اللي اعد معاها وابتدا ياكل وهو مش باصصلها وكان حاسس باللي بيدور في دماغها..
خدت لمار نفس ومعلقتش وكلت هي وهو في صمت.....
بعد مده بسيطه خلصو اكل...قام دياب يشيل الاكل
لمار...مسكت الاطباق عشان تساعده..مسك دياب ايدها...انتي بتعملي ايه.
لمار بتوتر...هساعد حضرتك.
دياب...لا خليكي مرتاحه عشان رجلك انا هشيل كل حاجه وهرجعلك عشان نبتدي مع بعض حاجه جديده..كمل دياب تحت نظرات لمار ليه. شيفاه بيرجع كل حاجه مكانها وحريص انه يرتب وينضف..
لمحها دياب...وبصلها مالك بصالي كده ليه.
لمار...هااا لا مفيش بس يعني.
دياب...في ايه.
لمار...اصلي اول مره اشوف راجل يعني منظم وكده.
دياب...اااه انا بحب النظام يمكن شغلي السبب ويمكن عشان جه عليا وقت كنت باعد كتير لوحدي وانا مبعرفش اعد في مكان مش نضيف ومش منظم..
لمار....ابتسمتله وسكتت..
دياب...ايه والدك مكنش منظم.
اختفت الابتسامه من ملامح لمار بعد ذكره لوالدها.. وحس دياب بتغيرها المفاجئ
لمار....لاكن لمار حبت متلفتش نظره وكملت ...عادي يعني ولا منظم ولا مش منظم...
دياب...اه نص نص يعني
لمار...يعني.
دياب...طيب ووالدتك.
لمار...ابتسمت. بحزن...ماما كانت منظمه جدا وكانت ديما تتخانق معايا لو لقت حاجه مش في مكانها...يمكن انا كنت مش منظمه و فوضاويه
بس بعد تعب ماما بقيت انا اللي بعمل كل حاجه... وابتديت اعمل كل حاجه كانت بتعملها وحسيت وقتها انها كان عندها حق وان النظام احلي بكتير وكملت بابتسامه حزينه وشرود...كانت شايله عني حجات كتير..اوي
دياب...ربنا يخليهالك...
لمار...ابتسمت بسخريه... يخليهالي!!
دياب...حب يغير الموضوع تحبي تشربي حاجه..
لمار....لا شكرا..
دياب... طيب يلا نبتدي...
فتح دياب اللاب توب... بصي احنا هنأجل اللغه دي لحد بكره عشان انتي شكلك تعبانه ومش هتقدري تستوعبي بس انهرده هعرفك حجات كتير عن مايا. والناس اللي بتتعامل معاهم..وكل حاجه شخصيه عنها....
لمار...حاضر.
دياب... بصي ياستي جاب صورت مايا وابتدي يوريها صور ليها عشان تشوف طريقه لبسها وشكلها...فديوهات ليها وهي بتمشي عشان يوريها طريقت مشيتها...طريقت كلامها ضحكتها طريقت اكلها...
وفضل يشرح حجات كتير اوي ويعرفها بصحابها المقربين واساميهم وهي مركزه معاه.
دياب... تقريبا انتي كده عرفتي جزء كبير عن حياه مايا في حاجه صعبه..
لمار...مفيش حاجه صعبه بس في حجات ميتهيأليش هعرف اعملها.
دياب...زي ايه..
لمار...يعني اول حاجه... اني امشي بكعب عالي..
دياب...وده في ايه صعب تقريبا كل البنات بتلبس هيلز يعني مش قضيه..
لمار...بس انا عمري ما لبسته والمره الوحيده اللي حاولت البسه كان بتاع ماما وكنت بحاول اقلدها والبسه وده كان من خمس سنين تقريبا..كنت في اعدادي.
دياب... غريبه
لمار...غريبه اني مبلبسش كعب.
دياب...يعني اصل البنات اعرف انهم بيحبو الحجات دي اوي.
لمار ..انا محبتش لبسه خالص متعب وانا خدت عالكوتشي والحجات السبور السريعه.
دياب...اهاااا راجل يعني.
حست لمار...بالاهانه...هو عشان اكون بنت لازم البس هيلز..
دياب...بابتسامه شماته... والله ده اللي اعرفه وإلا هتفرقي عني ايه...
مش شايفه اللي ادامك دي وشاور علي صورت مايا...ست بجد
حست لمار... انها عايزه تكسر اللاب توب.
لمار...وشايفه كمان اللبس اللي هي مش لبساه... بس عموما مش هستغرب ماانت راجل ودي اهم حاجه بتلفت نظركم..
دياب...كمل بضحك وهو بيستفزها... طبيعي امال هيلفت نظري ترنج رياضي وكوتشي فلات ولبس كاچوال ..اكيد الست ليها طريقه مختلفه عن الراجل وإلا بقي ارتبط بواحد صاحبي....
لمار...يعني انت المنظر ده يعجبك وتوافق عليه.
دياب...مالها ماهي قمر اهي بعيدا يعني عن انها جاسوسه مكنتش سبتها ..اصلها ست بجد...مش دكر..
لمار...دكر......وكملت بغضب. هو لسه في حاجه تانيه ولا اروح انام.
دياب...المفروض يعني انك كنتي تقومي تجربي تقلديها وتبقي بنت بجد بس مش هينفع عشان رجلك ..
لمار..تقصد ايه.انا هلبس زيها..
دياب...والله ده المفروض عشان انتي المفروض هتطلعي من هنا نايا مش لمار زي ما سياده اللواء قال...
لمار....بس بس..
دياب... مفيش بس انتي هتعملي كل حاجه كانت بتعملها..
لمار... بس انت بتقول انها بتشرب خمره يعني انا المفروض اعمل كده😳
دياب...المفروض...
لمار...استحاله لايمكن... وبعدين دي حاضنه ولاد. ووو لا استحاله اعمل كده
دياب... تجاهل كلامها عشان هو كمان الفكره ضايقته...
فضل دياب... يشرح حجات كتير ويوريها حجات كتير...وبص عليها عشان يسألها فاهمه ولا لا...لقي لمار في سابع نومه....
دياب...بصلها وهي سانده راسها للكنبه..زي الاطفال.
لمااار....لمااار
لمار....وهي مغمضه عنيها .اممم
قفل دياب اللاب توب....وقام وقف...وشالها براحه...ومشي بيها علي اوضتها وهي مش دريانه من كتر التعب...
راح حطها عالسرير براحه.. قلعها الكوتشي وغطاها كويس...وراح قفل الشباك....
ووقف يبص عليها شويه....
وبعدها قفل الباب وراح علي الاوضه بتاعته... فضل اعد يفكر فيها شويه... واخيرا هو كمان نام بتعب...
........
اما عند انس.... كان متصعب ومش طبيعي علي غير عادته ومن وقت ما وصل كارمن وهو اعد في مكتبه عشان كان عنده نبطشيه بليل وسهران وكل تفكيره كان في كارمن كان عايز يطمن عليها بس عارف انها اكيد نامت...فضل يمسك الموبايل ويسيبه كءا مره واخيرا قرر انه يسيبها ويكلمها الصبح...عشان ميعملهاش مشكله...
...........
في صباح يوم جديد... صحي دياب وحضر الفطار وراح خبط علي لمار...مكنتش بترد....
قلق...خبط كذا مره وفالاخر فتح...كانت نايمه كأنها منامتش بقالها سنين..
دياب...راح عندها هزها...براحه...لمار لمار. لماااار..
قامت لمار مفزوعه واول ما شافته بعدتوفي اخر السرير..
دياب..في ايه اهدي اهدي انا بخبط بقالي كتير وقلقت لما مردتيش عشان كده دخلت...اسف.
لمار...وهي بتاخد نفسها. مفيش حاجه انا بس كنت تعبانه ومش عارفه نمت ازاي كل ده..
دياب...تمام يلا قومي اغسلي وشك وتعالي عشان تفطري.. ونبتدي
لمار...حاضر...
........
اما عند كارمن فا كانت صاحيه من اكتر من ساعه ومن ساعت ما صحيت وهي اعده عالسرير ضامه رجلها وحضناها بايدها ودموعها مش بتقف...
مني...ادعيلها يا كارمن...هي محتاجه الدعا..
سعيد...وهو بياكل بطريقه بشعه...
انتي هتفضلي عملالنا المندبه دي يابت انتي. ما خلاص ما راحت زي اللي راحو جتها الهم هي وابوها...
بصتله كارمن بقرف من وسط دموعها.
سعيد...شوف بنت الكلب بتبصلي ازاي...
رن تليفون كارمن....فاللحظه دي...
مسكته اختها ريتال...
ريتال...كارمن مكتوب... انس باشا...
كارمن😳😳😳
سعيد... انتي بتملمي الجدع ده ده انتي نهار ابوكي اسود...ملاقتيش غير الظابط..اللي عايز يوديني في داهيه وحاططني في دماغه .ردي...عليه وتقوليله ميتصلش تاني وكلميه بطريقه وحشه عشان ميتصلش تاني..خلاص القضيه خلصت وإلا هقتلك فيها ردي.....
كارمن...بخوف...حاضر...
انس...الووووو
............
البارت 9_10بعد قليل
تعليقات
إرسال تعليق