 |
البارت السابع 💥 بقلم سلطان زماني
تاني يوم امل صحيت راحت ل اختها قعدت وحكتلها كل الي
حصل فضلت تصوت وتقولها ما أنا قولتلك ابعدي عنه
مسمعتيش كلامي يخربيتك يا امل ياجبروتك
قالتلها والله ما كان قصدي والله أنا مش عارفه انا عملت كده
ازاي أنا حسه اني في كابوس استحالة اني يكون الي عملته
والي بيحصل فيا ده حقيقي أنا كل شوية ابص ع الموبيل
بتاعي اقول اكيد عمر هيتصل أنا نفسي مش مصدقة اني
قتالته مش مصدقة
والحيوان ألتاني الي جبهولي هيثم طلع ندل وحقير واستغل
ضعفي والي أنا فيه عمل معايا علاقة بالعافيه قالتلها وأزاي
تخليه يعمل كده انتي اتهبلتي يابت ولا مالك رجعت تبكي
وانهارت وقالتلها شفتي الي بيحصلي والله العظيم أنا ماكان
قصدي اقتله بس انا هكلم هيثم اخليه يبعد الحيوان ده عني
قالتلها ومستنيه اي يلا كلميه وفعلا كلمته وقالتله أنه
بيستغلها وأنه حقير وزباله ولو مبعدش أنا هلبسه نصيبه
واحبسه قالها حاضر يا استاذة امل أنا هكلمه ومتشغليش
بالك خلاص بالموضوع ده وقفلت
واطمنت امل واختها هدتها شوية وقالتلها أنا عايزاكي بقا
تصلي وتتوبي يا امل وادعي ربنا أنه يسامحك ويغفرلك
واتفقوا أنهم هيطلو مع بعض يعملو عمره وتحسن علاقتها
بجوزها
فات ساعتين بلظبط اتصل بيها البلطجي وقالها بتشتكيني ل
استاذ هيثم كده برضو يامدام
امل..انت ليك عين تكلمني تأتي ياحيوان يا حقير يازبالة
البلطجي ..الله يسمحك يامدام أنا برضو راجل محترم ومش هرد عليكي
امل ..انت متعرفش حاجه عن الاحترام أنا تعمل فيا الي عملته ده يا زبالة
البلطجي ..ولسه يا مدام هعمل تاني ونالت ورابع اصلي
بصراحه انتي عجبتيني وخيشتي في دماغي
امل ..فكر بس يا واطي انت تقربلي وشوف أنا هعمل فيك اي
البلطجي ..بيضحك جاامد ..ايوا يعني هتعملي اي حضرتك
امل ..انت عاوز اي يابتاع انت ..خدمة عملتها واخدت أجرك وخلصنا
البلطجي ..اجري اي الي أخدته لسه باقي 20الف ولسه
حساب الجديد يا مدام
امل ..جديد ايه ده
البلطجي ..اصلي أنا فتحت تليفون الله يرحمه تصدقي الواد
ده كان ناوي يفضحك
امل ..يفضحني ازاي ..اي الي بتقوله ده وفتحت موبيله ازاي
البلطجي..اه والله يامدام فتحت موبيله ببصمة ايد القتيل
عادي وصحبي نقلي كل البلاوي الي كان هيفضحك بيها علي
موبيلي ودفنه الموبيل معه
امل ..بلاوي اي وازاي تفتح موبيله
البلطجي ..اهو الي حصل بقا يامدام اصلي أنا مرزق امي الله
يرحمها كانت تقولي انت رزقك واسع ياض يابدر
امل ..اي الحاجات الي نقلتها ع موبيلك دي الي عمر كان
هيفضحني بيها
بدر ..لا بقا دي خليها لما نتقابل شوفيها احسن عايزك تظبطي
نفسك كده وتبقي ع سنجة عشرة وتلبسيلي قميص نوم حلو
ذيك كده يامدام
يتبع 💥 الناس الي مش مصدقة اني عمر مات يبعتولي علي الخاص هديهم رقم ام عمر يتصلو بيها ويتاكدو بنفسهم😂
تكملة البارت السابع 💥 بقلم ✍️ سلطان زماني
استمرت مقابلات بدر وامل وبقا يغصبها علي حاجات حرام
في العلاقة وغصب عنها كانت بتعملها خوفا منه ومن الفضيحه وسحب منها 80 الف جنيه
وبقا يجبلها برشام علي أنه مهدا للأعصاب بس هو ادمان
واتعودت عليه وبقت تخده ع طول
.....................................
ام عمر وابوه وأخواته عمله محضر اني ابنهم متغيب وبقو
يدورو في المستشفيات وكل أقسام الشرطة ونزلو صورته
علي الفيس بوك في كل المجموعات والبيدچات والموضوع
انتشر بشكل كبير وكل اهل منطقته وزميله في الشغل عملو
شير ونزلو صورته
وصحبه كان بيدور مع أهله وقال ل أبوه الحقيقة اني ابنهم كان عارف
ست اكبر منه وكان بيقابلها وحب بنتها اول ما أبوه وأخوه
سمعو راحو علي رائيس المباحث وحكولو الحكايه كلها
رئيس المباحث اخد رقم تليفونها من صحبه وقالهم روحو
انتو وان شاء الله خير متقلقوش
رئيس المباحث اتصل ب امل مرتين ظهر رقمه علي التروكولر
العقيد صلاح شوقي خافت ترد وفي الحال كلمت بدر وقالتله
الرقم ده اتصل بيا ومتسجل العقيد صلاح شوقي علي
التروكولر قفل معها واتاكد من الاسم فعلا والرقم وقالها لو
كلمة منك طلعت أو جبتي سيرتي وحياة امك لتحصلي
المحروس حبيب القلب انتي فاهمه
قالتله أنا مش عارفه اعمل اي انا خايفه مرعوبه قالها هما
اكيد عرفو اني في بينكم علاقة وعايز يستجوبك انتي انكري
وكل ما يسالك عن حاجه قولي معرفش ومشفتش حاجه
وخدي معاكي محامي فضلت تقول يانهار اسود يانهار اسود
وباب الشقة بيخبط هدير راحت فتحت علي طول سالو علي
مامتها قالتلهم ثواني طلعت ليهم قالتلهم انتو عايزين مني اي
ملكوش دعوه بيا قالولها صلاح بيه رائيس المباحث هياخد
منك كلمتين وهتروحي ع طول متقلقيش
ولبست ونزلت معاهم
رئيس المباحث لاحظ التوتر الي هي فيه والحالة الي فيها
من قبل ما يستجوبها شك فيها أنها تعرف عنه حاجه
قلها تعرفي عمر قالتله لا اه
قالها اي لا اه دي
امل ..اه اعرفه
رئيس المباحث..اي علاقتك بيه
امل ..من فترة كده قبلته في شركة واحد صحبي كانت
عربيتي عطلانه ووصلني معرفه عادية يعني
رئيس المباحث..امتي اخر مره اتقابلتو أو شفتيه فيها
امل ..مش فاكره بس من مده كبيره
رئيس المباحث..ولا كلمك في الموبيل
امل اتوترت لما سمعت صوت جوزها برا وابنها وقرايبها
والصوت بقا عالي وعايزين يدخلو لرئيس المباحث طلع هو
وقالهم مش عايز صوت ولكن يتفضل برا حضر معها المحامي
وكملو باقي التحقيق واتحفظو علي امل لعرضها علي النيابة
وتكملة التحقيقات وكل ده ولسه محدش عرف حاجه جوز
امل قالها ياحبيبتي أنا جنبك متخفيش أنا متأكد انك بريئة
واختها عماله تعيط وميته من الخوف وامل سكته ومداريه
وشها وأهل عمر عملين يشتموها ويقوللها انطقي عمر فين
محدش غيره يعرف مكانه وأمه تقولها لو ابني جراله حاجه
عامل قلبك واحزنك علي عيالك هدير اول ماسمعت اسم عمر
قربت منهم وقالتلهم عمر مين فكروها صحفيه أو ليها علاقة
بالاعلام أبوه قالها هو ده يابنتي اول ما شافت صورته اغمي
عليها
يتبع 💥 التفاعل والله ضعيف
ياخسارة تعبك يا ابو السلاطين
تعليقات
إرسال تعليق