مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار❤

-مش هتجوزها.... مش عايزة  اتجوزها 

-بس أنا عايزة اتجوزه  يا جدي.... ده أنا بنام وبحلم  بيه.... فيه حد عاقل يجيله واحد بعيون رمادي  وغمازات  ويرفضه . 

قولتها وأنا ببصله  وبفمزله 

اتغاظ  عمر وقال :

-شايف يا جدي  بتبصلي  ازاي دي واحدة معندهاش  خجل ازاي عايزني  اتجوزها.... دي اللي هتربيلي عيالي 

قربت منه وقولت بدلع:

-هنربيهم سوا يا عمري

-كرمة استني شوية 

-حاضر يا جدي 

بص  جدي  لعمر وقال :

-عمر ملكش اختيار أنت هتتجوز  كرمة مش هسمحلك  تغلط غلط أبوك وتتجوز واحدة من برة العيلة وأقل من مستوانا ... وهي البنت راضية بيك لاما كده لاما لم هدومك  واطلع برة بيتي وعيادتك اللي أنا عاملها هخدها  

مشي جدي  فقعدت علي الانترية وأنا حاطة رجل علي رجل وقعدت أغني 

فجأة مسكني  عمر من هدومي وقال:

-وليكي  نفس تغني كمان ده أنا هقطع  خبرك 

-عمر عمر متتهورش مفيش راجل محترم هيضرب خطيبته اللي هي هتبقي مراته  أم عياله 

-انتي يا ست معندكيش  دم 

-ولا احساس وحياتك  

-ده انتي زيرو كرامة خالص  علي كده 

حطيت راسي علي كتفه وقولت:

-شطبت  كلمة  كرامة من قاموسي لما  حبيتك يا سيدي يا أبو عيون جريئة 

بصلي  بغضب فقولت :

-متبوصليش كده هحبك  أكتر وأنا مش ناقصة 

-انتي مبتحبنيش يا كرمة... انتي بس همك الفلوس اللي جدك هيكتبهالك لما تتجوزيني 

بعدت وقولت:

-ما أنت ذكي أهو... اومال بتتصرف زي الحمار من  الصبح ليه ببساطة احنا شبه بعض ابوك رماك  لجدك وأمي كمان  عشان تتجوز رمتني لولاه كنا  هنعيش  في الشارع أنا دخلت في السابعة وعشرين ومش مؤمنة بالحب وناوية اتجوز جواز تقليدي وأنت حلو ووسيم  ودكتور قد الدنيا صحيح عيادتك بفلوس جدك بس مقدرش أنكر أنك ناجح وشاطر... وأنا جميلة جوازنا هيكون مثالي فيه احترام وثقة وموده بس مش حب... زود أننا هنعيش في الثروة  دي لوحدنا وبكده نأمن مستقبل عيالنا قولت ايه يا عمري 

-مستحيل... أنا مش بحبك ومستحيل اتجوز بالطريقة دي... مستحيل انتي مفروض لو عندك كرامة متقبليش بواحد مش عايزك  

-وأنا كمان مش بحبك يا عمر بس هتجوزك  برضاك أو غصب عنك.... مش هتخلي عن الثروة  دي عشان واحد عايش في أوهام الحب.. حبيبي الحب مش موجود دي مجرد خرافة 

-مين قالك... أنا بحب واحدة علي فكرة وناوي اتجوزها 

-سها  صح 

بصلي بصدمة فضحكت وقولت :

-أنا عارفة كنت بشوف نظراتك ليها... أنت معجب بيها بس مكانش عندك الشجاعة عشان تعترفلها وأهي هتتخطب  عشان كده بقولك أنا الأحسن ليك  يا عمري... 

-برضه لا يا كارما لو كنتي آخر واحدة في الكون مش هتجوزك .... ولو عايز يطردني  يطردني عادي 

راح عمر لجدي وهو متعصب... جريت وراه ومسكت ايده وحضنته! 

خرج جدي  فجأة فبعدت عن عمر المصدوم  وقولت:

-جدي عمر كان بي*تحرش بيا 

-نعم يختي!!! 

يتبع 

#دون_حب 

#سولييه_نصار 

تفاعل حلو عشان انزل كمان بارت❤

الجزء التاني ❤شكرا لتفاعلكم  السكر❤❤بقلم سولييه نصار ❤

-جدي دي كدابة  أنا معملتلهاش حاجة. 

-لا يا جدي عمل  أنت شوفت بنفسك 

بصله جدي بغضب وقرب منه :

-وكمان ليك  عين تكدب... أنا شوفت كل حاجة.... أنت إنسان مش محترم... مش عايز تتجوزها بس عادي تلمسها... دي بنت عمتك أحترم صلة القرابة حتي. 

عينيه اتغيرت حسيت بنار بتطلع  منهم.... بصلي بصة  عمري ما انساها وعرفت أن عمر ناوي يعمل حاجة... حاجة بشعة. 

بص  لجده  وقال :

-أسف يا جدي  مش هعمل كده تاني 

-وهتتجوزها 

-وهتجوزها حاضر. 

كنت مصدومة.... وخايفة.... عمر أكيد هيأذيني.... مستحيل يكون استسلم بالسرعة دي... 

أبتسم جدي  وقال :

-حلو  اووي..تحبوا نعمل الخطوبة الأسبوع اللي جاي 

لسه هعترض لقيت كريم بيشدني  ويمسك أيدي ويقول:

-ياريت يا جدي  وياريت نسرع في الفرح... اصلي نفسي اتجوزها اووي مفيش حد عاقل يرفض واحدة جميلة زي كرمة.. 

بصتله بذهول فقال:

-متبصليش كده لأحسن أقع في حبك يا كرمتي -طيب علي بركة الله.... انزلوا النهاردة اشتروا اللي حاجات الخطوبة واصرفوا براحتكم 

-أكيد يا جدي. 

...... 

في المول 

كان ماسك  أيدي واحنا بنختار  حاجات الخطوبة.... كان بيعاملني كويس... بيضحك ويهزر.... بصراحة خوفت.... أنا عارفة عمر كويس عمر خطير لما  بيظهر غضبه... بس بيكون أخطر  لما بيخفيه... 

بصلي بحب وقال:

-شكلك تعبتي يا  حبيبتي صح .. 

-ها 

ضحك وبانت غمازاته وحسيت إني بغرق... كمل كلامه وقال:

-شكلك تعبتي نحب نقعد 

-آه ماشي 

مسك أيدي وقعدني علي الكافية وطلبنا آيس كريم... 

كان مسالم جدا وده مش ريحني لسه هسأله  لقيت واحد حلوة قربت منه وهي بتقوله :

-اتأخرت عليك يا حبيبي. 

قام عمر وسلم عليها ومسك ايديها وقعدها معانا... كنت ببصلهم بذهول وصدمة.... كانوا بيضحكوا ويهزروا ولا كأني  هنا .... اتعصبت ووشي حمر فبصلي  عمر بخبث وقال:

-آه يا حبيبتي نسيت أعرفك بكرمة بنت عمتي وهتموت  عشان تتجوزني 

بصلي  وضحك بتريقة وقال :

-أعرفك بسلمي حبيبتي الجديدة واللي هتبقي خطيبتي... شكرا اووي يا كرمة أنك تعبتي  ونقيتي معايا حاجات خطوبتي أنا وسلمي وبالنسبة لثروتك انتي وجدك  بلوها واشربوا ميتها... قوليلوا أن العريس هرب زي ما اللي بتحبيه زمان هرب منك وراح لصاحبتك باين صح علي حسب ما سمعت... عنده حق بصراحة أصل مفيش واحد عاقل هيتجوز واحدة زيك لا عندها احترام ولا أخلاق مين برأيك هيأمنك علي عياله أكيد مفيش حد بس دي مش غلطتك دي غلطة أمك اللي سابتك كده من غير تربية.. 

حسيت أن الدنيا  بتدور بيا.... دموعي  نزلت مسك هو ايد سلمي  ومشي وفضلت أنا أبكي! 

يتبع

#دون_حب 

#سولييه_نصار 

تفاعل جامد عشان انزل كمان بارت ❤

الجزء التالت❤شكرا لتفاعلكم السكر❤بقلم سولييه نصار❤

حطيت أيدي علي بوقي  وأنا ببكي... أول مرة حد يواجهني بحقيقتي.... أول مرة حد يعايرني باللي حصلي... أول مرة حد يتهمني إني معنديش أخلاق.... كلام عمر أثر فيا اووي وساب  جرح كبير جوايا... ضحكت بتريقة وأنا دموعي بتنزل لما افتكرت كلامه بأن أمي هي السبب... عنده حق... أمي اللي دمرت حياتي... 

قمت ومسحت دموعي... بسبب غلط أمي دمرت ناس كتير حواليا منهم عمر اللي اتهمته في أخلاقه... بس هل أنا كده... لا... 

مشيت في الشارع وعقلي بيفتكر  ازاي حياتي اتقلبت.... افتكرت  لما حبيت إنسان كسر  قلبي..... يوسف كان حبي الأول... كنت بعشقه حرفيا عمري ما فكرت ازعله... بنيت أحلامي معاه.... كنت بصحي وبنام وأنا بحلم  بحياتي معاه....  وهو كان بيشتغل جمب كليته عشان يتقدملي  ... بس جه اليوم اللي دمر كل حياتي.... جه اليوم اللي عرفت فيه خيانة أقرب اتنين لقلبي يوسف و... ماما... أيوة ماما هي اللي اخدته مني ... محدش يعرف بالموضوع ده غير جدي.... أنا حبيت يوسف بس هو حب فلوس  أمي.... وعشان فلوسها  اتجوزها  وأمي  رمتني لجدي... رمتني عشان مقفش  في طريق سعادتها مع يوسف طردها جدي من البيت بس هي كانت مجهزة نفسها ومعاها فلوسها الخاصة ... ساعتها عرفت أن الفلوس كل حاجة.... يوسف سابني  عشان الفلوس وأنا سعيت عشان ابقي أغني من أمي.... سعيت عشان اذله.... بس فشلت.... فشلت وبجانب فشلي اذيت  ناس كتير... 

...... 

وقفت  مصدومة قدام بيت أمي... مكنتش عارفة أنا جيت هنا ليه...كنت هرجع  بس اتشجعت  ودخلت.... خبطت علي الباب فتحلس هو... حسيته اتصدم ... بصتله بتريقة وقولت :

-فين ماما 

لسه هيرد سمعت صوت ماما 

-تمام كده أنا أقدر ادخل ما دام هي جوه ... 

زقيته ودخلت أول ما شافتني اتصدمت  

-إزيك يا ماما وحشتيني بقالك كتير مسالتيش قولت اسأل أنا. 

بصيت ليوسف من فوق لتحت وقولت:

-مكنتش اعرف أن الجواز هياخدك مننا بالشكل ده 

-جاية ليه يا كرمة أنا بتطمن عليكي من جدك... مفيش داعي لوجودك هنا 

-متقلقيش يا ماما انا مش ببص لحاجة غيري يوسف بأمان.... أنا قلبي مع حد تاني دلوقتي 

-عارفة عمر ابن عمك جدك قال أن خطوبتكم قريب 

-لا عمر رافض يتجوزي... شايف إني مش محترمة وأمي معرفتش تربيني...  بس حاولت افهمه أن  لازم نعذرك  شوية.... الجواز واخد عقلك.... من راجل للتاني ونسيتي  بنتك... ده انتي حتي اللي كنت بحبه اخدتيه بصراحة إنجاز تتكافئي عليه. 

ضربتني  بالقلم وزعقت  :

-اطلعي  بره أنت فعلا مش متربية وعمر ليه حق يطفش منك... واقولك  بأسلوبك ده عمرك ما هتتجوزي... يالا برة ولو شوفتك هنا تاني همسح  بكرامتك الأرض. 

دموعي نزلت فمسكت دراعي وزقيتني برة البيت وقالت :

-روحي لجدك يربيكي ما دام أنا فشلت 

وقفلت الباب في وشي! 

نزلت الشارع وأنا ببكي بصوت عالي... كان الناس بتبصلي  بذهول .... ست قربت مني عشان تشوف مالي بس مردتش عليها وجريت... كنت بهرب من أفكاري قبل الناس... فجأة سمعت صوت بصيت ولقيت عربية بتقرب مني و.... 

يتبع 

#دون_حب

#سولييه_نصار 

تفاعل جامد عشان انزل البارت الأخير ❤❤

الجزء الاخير❤شكرا لتفاعكلكم السكر ❤بقلم سولييه نصار ❤

حطيت أيدي علي وشي وأنا بصرخ وفتحت عيني لقيت العربية وقفت و السواق بيزعق وبيقول :

-يا لا يا ست ابعدي من الطريق كنتي هتوديني في داهية... 

بعدت بسرعة وروحت قعدت علي مقعد قدام النيل وبدأت أبكي.... قعدت لفترة طويلة  ببكي بس محدش حاول يقرب مني ويسألني  مالك.... الليل جه وكنت خلاص تعبت من كتر ما بكيت .... حسيت بحد قعد جمبي وهو بينهت... بصيت جمبي  لقيت عمر... اداني منديل وقال:

-امسحي  دموعك بقيتي شبه العفريتة. 

مسحت دموعي بسرعة فقال:

-لما اتأخرتي برة  جدي اتصل بيا  وقعدت  ادور عليكي زي المجنون  ... 

بصيتله بحزن فقال :

-عارف  أن كلامي كان قاسي عليكي.. بس انتي برضه تصرفاتك مكانتش كويسة 

-عارفة وانا آسفة علي اللي عملته 

-لا كرمة بتعتذر... مش معقول حصل ايه في الدنيا 

-أنا مش وحشة للدرجادي.... الحياة خلتني كده

-وكمان بقيتي  عميقة لا... ما سبتك أربع ساعات بس اللي غيرك كده 

-كلامك 

-كلامي؟ 

-أيوة كلامك .... كلامك حطني قدام الواقع... عرفت قد ايه أنا انسانة  وحشة ومعنديش أخلاق... بس هي السبب... هي اللي عملت كده... دايما تقولي الفلوس كل حاجة.... وأن إلا معهوش  فلوس هيتداس تحت الرجلين.... حتي هو سابني وراحلها عشان الفلوس 

-انتي بتقولي ايه مش فاهم حاجة! 

-ماما 

-مالها؟! 

-هي السبب يا عمر أنت متعرفش حاجة... أنت فاكر أن اللي حبيته سابني وراح لصاحبتي... لا هو مراحش ليها... هو راح لماما 

-ايه 

-اللي كنت بحبه يبقي هو جوز ماما هي اتجوزته وعارفة إني بحبه وهو راحلها عشان الفلوس... عرفت ليه مش بتسأل  فيا!! خايفة ابوظلها سعادتها!! 

بصلي  بشفقة  فقولت وأنا بمسح دموعي :

-عارف أنك مش هتصدقني بس أنا فعلا حبيتك... كنت بحب أبين أن الحب خرافة بس مقدرش أنكر إني تمنيت اتجوزك... كان نفسي تحبني بس للاسف قلبك ملك لواحدة تانية وأنا مقدرش  افرض نفسي عليك أكتر من كده... أنا هكلم جدي  واقوله إني رافضة اتجوزك وأنت اتجوز اللي بتحبها 

-سلمي مجرد صديقة أنا عملت كده عشان أدبك ابتسمت وقولت بخبث :

-عارفة  يا عمري 

بصلي  بصدمة فقولت:

-متبصليش كده لأحسن أقع في حبك  أكتر من كده يخربيت جمالك  ده وقته. 

-يا بت اتلمي... انتي مشمتيش ريحة التربية 

-ما تكسب فيا ثواب وتتجوزني منها تلمني ومنها تأدبني  شوية قبل ما اعملكم  فضيحة 

-احترمي  نفسك  بقا

-ما أنت اللي حلو يا عمر اعمل ايه يعني 

-ده انتي فعلا متربتيش 

-مفيش حد في عيلتنا اتربي اصلا... ربيني أنت

ضحك فضحكت أنا كمان.... عرفت إني فتحت معاه صفحة جديدة معرفش إذا كان هيثق  فيا ولا لا ولا هيحبني  بس سيبتها للوقت. 

مرت  الأيام  وعلاقتي بيه اتحسنت اووي قولت لجدي علي كل حاجة وأن عمر معملش  حاجة.... طلبت منه يدينا فرصة لو ارتحنا لبعض هنتجوز غير كده لا.... بعدها بفترة عرفت أن يوسف ساب ماما... سابها عشان لقي الاغني منها... مقدرتش افرح فيها بالعكس زعلت عليها جدا بس برضه م قادرة اسامحها.... صحيح بحبها بس الشرخ اللي في قلبي لسه موجود 

....... 

في يوم كنا  قاعدين أنا وعمر علي البسين في الفيلة فجأة قالي:

-كرمة ما تيجي اربيكي 

-يعني ايه 

-يعني اكسب فيكي ثواب واتجوزك والمك شوية -بجد يا عمري. 

صرخت وقربت منه فقام وقال:

-متلمسنيش 

قربت وقولت :

-قول تاني يا أبو عيون حلوة يا مسكر انت عايز تتجوزيني أنا

-يا ربي هتجوز حمدي الوزير... بت ابعدي والله اعملك محضر تح*رش.. خلاص مش عايزة اتجوزك.. 

-جريت وراه وقولت :

-ليه هو دخول الحمام زي خروجه يا مسكر انت.. تعالي هنا يا عمري 

تمت❤

#دون_حب

#سولييه_نصار