 |
سكريبت❤
-أنا عايز اتجوز
قالها مراد ببرود... بصتله بحزن فرد :
-من حقي يا أبرار اتجوز.... أنت مبتخلفيش وأنا عايز عيال.
هزيت رأسي وقولت :
-طبعا ده حقك... مقدرش اعترض عليه... بس المهم تختار واحدة كويسة وتقبل أنها تدخل علي ضرة.
-مش هتدخل علي ضرة...
-يعني ايه؟!
-يعني أنا هطلقك يا أبرار.. (بقلم سولييه نصار )
بصتله ببرود مردتش احسسه إني انهارت بسبب كلامه وقولت :
-ممكن اعرف السبب
-هي رافضة ده ومن حقها.
قعدت علي الكرسي وحطيت رجل علي رجل وقولت:
-يعني انت هتتخلي عني عشان خاطر واحدة تجيبلك عيال... وهي راضية بكدة.
-أيوة.
هزيت كتفي وقولت:
-بجد أنا بشفق علي الناس اللي بتلف علي راجل متجوز وهما عارفين أنهم هيكونوا مجرد تسلية او ألة للولادة... عموما براحتك اديني فرصة ألم هدومي وبكرة نتطلق.
-ببساطة كده؟
-اومال إيه عايزني اعمل دراما أنت عارف تفكيري اللي يخوني مكانه الزبالة.
-انتي بياعة علي كده
-أنت اللي بيعت يا مراد أنا معترضتش علي جوازك بس انتي بتقول أن اللي بتحبها رافضة الموضوع ومش عايزة ضرة... يعني أنا بحاول اريحك وأنت تقولي بياعة... أنت مضحك اووي يا مراد.
-وهتعملي ايه بعد ما نتطلق.
هزيت كتفي وقولت:
-هقوم واقف علي رجلي وارجع لشغلي اللي انت حرمتني منه ولو قابلت راجل محترم واتقدملي هتجوزه... تصدق أن الطلاق ده هيفدني أكتر ما هيفيدك .
-وفيه راجل هيقبل بيكي وانتي مبتخلفيش.
-فيه صدقني فيه...
قمت وقربت منه وقولت :
-بس انت ليه بتسأل الأسئلة دي كلها.
-ولا حاجة كنت بس....
قاطعته وقولت بثقة :
-أنا اقولك ليه يا مراد أنت نفسك تشوف غيرتي عليك.... عايز تشوفني بتعذب وأنت بترميني برة حياتك... بس لا يا حبيبي أنت لحد دلوقتي متعرفش أبرار.... هتعرف بكرة أنا ممكن اعمل فيك ايه.
وبعدين سيبته ومشيت ودخلت اوضتي... كتمت بوقي وبدأت أبكي... كان لازم أفرغ حزني عشان استعد للخطوة اللي جاية....
.......
بالليل لما نام مراد أخدت تليفونه وقدرت افتحه... فتحت المكالمات لقيت مكالمات طويلة بينه وبين إسراء... بنت خالته المتجوزة.... رحت علي الواتس عشان أشوف أبشع حاجة شوفتها في حياتي.... رسايل وقحة بينهم... صور ووعود.... كانت بتشتم جوزها... قالت بتتمني تتطلق منه! ... ومراد برضه كان بيشتمني... كان بيقول عليا أرض بور منفعش لحاجة.... مسحت دموعي بغل.... الحيوان ميعرفش أن هو الأرض البور ميعرفش أن هو اللي مبيخلفش وأنا خبيت عليه الحقيقة دي عشان متحصلهوش حاجة... استحملت وصبرت.... بس لا مراد واسراء لازم يتعاقبوا علي اللي عملوه... مسكت الموبايل تاني وانا بعمل أول حاجة تخطر علي عقلي!
#أبرار
#سولييه_نصار
تفاعل حلو عشان انزل كمان بارت❤❤👀
الجزء الثاني❤شكرا لتفاعلكم السكر زيكم❤❤😍
تاني يوم.
في الكافية
-هق*تلها والله لاقت*لها الخاينة دي.
زعق فهد ولسه هيقوم مسكت ايده وقولت بخبث :-أهدي بس... متضيعش نفسك عشان واحدة متستاهلش زي ما أنا مش هضيع نفسي عشان واحد ميستاهلش.
-يعني ايه؟! هنسكت... هنسيبهم يخونونا؟
ابتسمت وأنا بقول :(بقلم سولييه نصار )
-لا طبعا مين قال كده بس اخد الحق حرفة يا استاذ فهد.... واحنا مش هنضيع نفسنا عشانهم.... بالعكس تماما احنا هنوقعهم في الفخ.... هناخد حقنا كويس من غير ما ندين نفسنا خالص.
بصلي بحيرة وقال :
-ازاي؟!
ابتسمت بخبث وقولت :
-هفهمك كل حاجة دلوقتي.
وبعدين قعدت اشرحله الخطة وقعد هو يسمعني بإهتمام...
خلصت كلامي وقولت بفخر :
-ايه رأيك في الخطة
-احنا هنعمل كده فيهم!!
-ايه صعبانين عليك
-لا طبعا بس صعب يحصل كده.
-مش صعب ولا حاجة والدليل أهو.
وريتله سكرين شوت بالرسايل بينهم.
وشه أحمر من الغضب وقال :
-كويس إني مخلفتش منها عشان لما ارميها بالشكل ده مفيش حاجة تربطني بيها... خلينا نبدأ في الخطة.
ابتسمت.
......
كنا واقفين أنا وفهد من بعيد واحنا شايفين إسراء بتدخل البيت....كانت كل حاجة ماشية تمام..... اتصلت بالبوليس وعشر دقايق بالضبط كانوا وصلوا.... طلعت أنا الأول وفتحت الباب بعدين دخلت أوضة النوم ولقيتهم سوا علي سريري.... لسه مراد هيتكلم البوليس دخل ولمهم الاتنين زي الك*لاب.
ابتسمت بإنتصار وأنا شايف البوليس وهو بيجرهم وهما منهارين ومكسوفين.... كانت فضيحتهم كبيرة.... كل الناس ابتدت تتكلم علي الراجل اللي خان مراته مع بنت خالته المتجوزة وعلي سريرهم... ساعتها افتكرت خطتي واللي مشيت زي ما أنا حابه.
فلاش باك....
بعد ما مسحت دموعي فتحت الرسايل وبدأت اشوفها كويس وكانت أكبر صدمة في حياتي لما عرفت أن علاقتهم كانت اكبر من مجرد تليفونات ورسايل.... البيه كان بيجيبها هنا لما مبكونش موجودة.... حتي اتفق معاها تجيله بكرة بعد ما أنا أمشي... كنت منهارة... عقلي واقف تماما... لحد ما خطرت في بالي فكرة... فكرة شريرة بس يستاهل... العين بالعين والسن بالسن والبادي اظلم... هو اللي ابتدي الخيانة يبقي لازم يستحمل اللي هيحصله مني... أخدت نمرة جوز إسراء من تليفونه واستنيت تاني يوم..
......
تاني يوم اترجيت مراد أنه يصبر عليا أسبوع وبعدين نطلق وهو بعد مناهدة وافق وطلعت و
اتصلت بفهد وطلبت اقابله ضروري وقولتله علي كل حاجة
-انتي كدابة... بطلي افترا
قالها فهد وهو متعصب عشان كده من غير كلام كتير وريتله جزء من الرسايل... ساعتها اتصدم وكان عايز يقتلها بس أنا منعته وقولتله علي خطتي.... واللي هي كانت
-احنا هنلبسهم قضية زنا
-بتقولي ايه؟!
هزيت كتفي وكملت:
-هنرفع عليهم قضية زنا بالرسايل اللي معانا
-الرسايل مش كفاية.
-عارفة بس لو إسراء راحت لمراد البيت واتمسكت متلبسة ساعتها هيلبسوا فعلا... ساعتها نرفع قضية زنا وننفخهم الخاينين دوول
-احنا هنعمل كده فيهم!!
ايه صعبانين عليك؟!
-لا بس صعب يحصل كده يعني ممكن تكون علاقتهم موصلتش لكده.
ابتسمت بتريقة وورتله باقية الرسايل وقولت وعيوني مدمعة :
-لا وصلت يا استاذ فهد الاتنين كانوا مغفلينا وبيجيبها بيتي وعلي سريري!
ساعتها فهد قرر يساعدني اتصل بمراته وقال هيتأخر في الشغل وبكدة فرصة ليها أنها تروح لمراد بيتي.... اتصلت بالشرطة وحكيتلهم شكوكي وقدرنا نمسكهم متلبسين.
.......
في مكتب الضابط.
كنت مبتسمة بإنتصار ومراد بيبكي ويقول :
-ابوس ايديكي يا أبرار قوليلهم أننا كنا هنتطلق أنا كده هروح في داهية .
ضحكت بتريقة وقولت:
-ليه هو انت متعرفش يا بيبي؟!
-اعرف ايه؟!
-أنا اللي بلغت عنك أنت وهباب البرك اللي اسمها اسراء.
-ايه؟ ازاي؟
ابتسمت وقولت :
-أصل أنا يا غالي قريت رسايلك أنت والسنيورة وعرفت أنك بتجيبها البيت عندي فقلت لازم اوثق اللحظة التاريخية دي فقررت أجيب الشرطة يلموكم...
-انتي يا أبرار تعملي كده؟!
-البادي أظلم يا بيبي... أنت اللي خونت... بالمناسبة أنا وفهد رفعنا دعوي زنا وهنطالب بتعويض كبير اووي.
-أبرار.
قومت وكنت همشي بس وقفت وطلعت تحاليل من شنطتي وقولت وعينيا مدمعة :
-بالمناسبة يا مراد أنت اللي عقيم مبتخلفش مش أنا بس خبيت عليك عشان متزعلش... وطلعت غلطانة أن راعيت مشاعرك في الوقت اللي انت دوست علي قلبي فيه
وبعدين سيبته ومشيت.
.....
بالرسايل اللي قدمتها... غير أنهم اتمسكوا متلبسين في بيتي أنا ومراد قدرت اكسب قضية الزنا أنا وفهد واخدنا تعويض كبير من مراد واسراء وهما اتحبسوا مراد ست شهور واسراء تلات سنين.. أما أنا قدرت أطلق من مراد وفهد طلق إسراء واتفضحوا في العيلة كلها ومحدش فكر يساعدهم والكل اتخلي عنهم... أما أنا فرجعت شغلي وبدأت اثبت نفسي فيه
......
بعد سنة
كنت في الكافية بشرب القهوة بتاعتي لما سمعت صوته :
-تسمحيلي أشرب قهوة معاكي.
كشرت في وشه وأنا بقول :
-اتأخرت يا استاذ عليا... مفروض كنا نروح المعرض عشان نختار أوضة النوم من ساعة.
أبتسم فهد وقال:
-أسف يا حبيبتي بس بنت خالتي جات من البلد فقعدت معاها شوية.
بصتله بغضب وقولت :
-نعم يا أخويا... مين فين طلعتلي بنت خالتك دي كمان... ايه يا فهد ما تتعدل ولا حابب تحصل مراد.
ضحك وقال :
-بعد الشر عليا.... أنا مفروض اتعلم من غلطة مراد ومزعلكيش ابدا.
؛ أيوة اتعلم بقا عشان خلقي يدوبك.... ولا حابب تهرب من دلوقتي قبل ما نتجوز اتفضل.
هز رأسه وبصلي بحب وقال:
- بعد ما طلقت اسراء حاولت أهرب كتير... بس بلقي نفسي بفكر فيكي اكتر... انتي عملتي فيا ايه.
-ده سحري يا فهد.
-وأنا بحب سحرك ده... بحب روحك.. وقوتك... بحب أنك بتتمسكي بكرامتك دايما... بحبك كلك علي بعضك ❤
-وأنا بحبك كلك علي بعضك جمالك اللي جوا واللي برا... وبحب الظروف الصعبة اللي جمعتنا حتي لو كانت ظروف مؤلمة ليا بس ربنا بعتك تطيب جروحي... شكرا يا فهد أنك اديتني الحب اللي أنا استحقه وأنا اوعدك إني اديك الحب اللي انت تستحقه❤
وبس اتجوزنا أنا وفهد وكان أكتر حاجة صح عملتها في حياتي فهد قدملي الاحترام قبل الحب... حافظ علي كرامتي قبل قلبي... وبعد ست شهور بس من جوازنا اكتشفت اني حامل... سبحان الله في الوقت اللي افتكرت إني خسرت كل حاجة... ربنا اداني كل حاجة بحلم بيها واكتر... اخد مني زوج خاين وكداب واداني زوج حنين وبيحبني... ابن معافي واسرة. سعيدة.... كل حاجة بتحصل لسبب سعيد... أو فرحة ناوية تيجي قريب ❤
تمت
#أبرار
#سولييه_نصار
تفاعلوا كويس بليز عشان انزلكم كمان سكريبت بإسم ميرا بإذن الله يا سكاكر❤😍😍
تعليقات
إرسال تعليق