 |
نور
البارت الثاني عشر والثالث عشر
ايسل زحفت لحد نور ومسكت ايد احمد وقالت بضعف: في نبض يعني لسه عايش يانور متخافيش
نور بصت لأيسل وحطت راسها ع قلب احمد تسمع نبضاته وابتسمت بفرحه
وبعدين فاقت من شرودها و قالت بلهفه : بس دا بينزف كتير لازم نوديه مستشفي بسرعه ايسل ساعديني شيلي معايا
ايسل : انا هطلع برا هدور ع الطريق يمكن الاقي عربيه او حد يساعدنا
نور بلهفه: بسرعه يا ايسل بالله عليكي
نور حطت طرحتها ع جرح احمد وبقت تضغط عليه وتقول بهمس: اتماسك يا احمد استحمل يا حبيبي هانت وهتبقي كويس
ايسل اول ما خرجت قابلتها عربيات البوليس ونزل منها ساره وضابط
واول ما ساره شافت بقع دم ع ايد ايسل جريت عليها بخوف ومسكت دراعها وقالتلها : فين نور واحمد
ايسل كانت شارده ف الضابط وكأنها تعرفه وهوا اول ما شافها تاه بخياله فيها هوا كمان
وساره بقت تهز ف دراع ايسل وف اللحظه دي ايسل فاقت من شرودها وشاروت بأديها انهم جوا البوليس اقتحم المكان وقبض ع الاتنين الي واقعين مغمي عليهم ف المدخل وساره اول ما شافت نور واحمد ونور هدومها كانت غرقانه دم حرفيا من احمد واحمد مش بيتحرك وقفت مصدومه وحطت ايدها ع بوقها وبقت دموعها تنزل والضابط قال : اسعاف بسرعه والاسعاف جت واخدت احمد ونور ركبت معاه هي وساره
وايسل واقفه شارده ف الضابط وهوا شارد فيها والصمت سيد الموقف
وف اللحظه دي قرر الضابط ينهي الصمت وقرب وقال : ا اايسل ...... كنت خلاص قربت افقد الامل اني ممكن اشوفك تاني
ايسل : ..........
في اللحظه دي خرج واحد من العساكر: مفيش غير الاربعه دول يفندم
الضابط : خدهم ع القسم وبقيت القوه هتيجي معايا ع بيت فريد
التفت الضابط مره تانيه لأيسل ملقهاش
اتنهد بحزن وقال ف نفسه لنا لقاء تاني والمرادي مش هسيبك تضيعي مني تاني
ومشي هوا والقوه بتاعته متجهين لبيت فريد
""""""""""""""""""""""""
ف المستشفي عند احمد ونور وساره
احمد دخل اوضه العمليات ونور سندت ضهرها للحائط وسكتت ودموعها بقت تتكلم عنها وساره شدتها وقعدتها ع الكرسي وقعدت جنبها وقالتلها احمد قوي وبيحبك وهيتمسك بالحياه عشانك نور بردو ساكته ودخلت عليهم ايسل وبصت لنور وقالتلها : احمد عامل اي دلوقت
نور هزت راسها بأتجاه اوضه العمليات وسكتوا بالساعات لحد ما قطع سكاتهم خروج الممرضات ودخولهم وخروج واحد من الدكاتره نور طلعت تجري عليه
وقالت بخوف: طمني احمد بقي كويس مش كده
الطبيب : مش عارف أقولك اي
نور بخوف : يعني اي !
الطبيب بتوتر : الحاله خطيره ونزف كتير ومحتاجين نقل دم بسرعه وللاسف المستشفي مفيهاش من فصيلته وو
نور قاطعته: خد من دمي انا فصيله دمي (o+)
الدكتور : طب اتفضلي معانا
الممرضه بقت تاخد دم من نور ونور عنيها ع احمد وع قد الدم الي بيتاخد منها كان في سيل من الدموع بيخرج من عنيها وهي شايفه احمد كده
الممرضه: كفايه كده خطر عليكي
نور : لا خدوا تاني
( عن اي مخاطر او مخاوف اتحدث وقد وجدت ف حضنه وطني واماني وملازي ) 💜🥀
الممرضه : بس انتي مش هتستحملي
نور : لا هستحمل خدي تاني وانا مسؤله ع الي بقولهولك وممكن امضيلك ع كده
الممرضه فضلت تسحب دم من نور لحد ما اخدت الكميه الي محتاجنها
ونور خرجت وهي سانده ع الحيطه ومش قادره تتحرك
ساره وايسل ساندوها بسرعه وساره قالتها
ساره : تعالي ننزل الكفتيريا انتي مأكلتيش حاجه من امبارح كمان لازم تشربي سوائل عشان تعوضي الدم ده
نور : انا مش عايزه حاجه ومش هتحرك من هنا قبل ما احمد يفوق
ايسل: خلاص يساره متضغطيش عليها تعالي ننزل احنا نجيبلها اكل
ساره : لا مينفعش نسيبها احنا الاتنين خليكي انتي معاها وانا هروح اجيب لها اكل
"""""""""""""""""""
ف بيت فريد
الضابط: ازاي مليقتهوش
فاتن: انتوا بتدوروا ع مين بالضبط ومين سمحلكوا انكوا تدخلو هنا
الضابط : معانا اذن من النيابه بالقبض ع فريد الراعي
فاتن : ليه هوا عمل اي
الضابط : (................)
فاتن : اي انت بتقول اي طيب طب فريد مش هنا راح المطار عشان يسافر
الضابط ف الاسلكي : ابعد قوات ع المطار تقبض علي فريد الراعي وخلي امن المطار يمنعوه من السفر ويتحفظوا عليه
فاتن بدموع : لو سمحت ابني فين جراله حاجه قولي متخبيش عليا لو سمحت
الضابط بتفهم : حاجه بسيطه ان شاء الله هيبقي كويس
فاتن بدموع : طب قولي هوا ف مستشفي اي
الضابط: انا هوصلك بنفسي اتفضلي معايا
""""""""""""""""""""""
ف المطار
فريد كان بيحاول يخلص ورقه بسرعه فجأه لقي اتنين ضباط محاوطينه مشي معاهم ولما طلعوا بيه من المطار حاول يهرب منهم الضباط طلعوا يجروا وراه وف اثناء مقاومته ليهم كان شد سلاح واحد من الضباط وكان بيضرب عليهم وقاموه ف اتصاب ب رصا*صه ومات ف وقتها
""""""""""""""""
ف المستشفي
فاتن دخلت بلهفه واول ما شافت نور جريت عليها وحضنتها بدموع قوليلي احمد جراله اي طمنيني يبنتي
نور مش قادره تتكلم
الضابط بص لأيسل وايسل اول ما شافته اتجمعت الدموع ف عنيها وادارت وجهها بحزن
ايسل ف نفسها : انتي اي الي بتهبيه دا اوعي تبيني ضعفك قدامه
خرج الدكتور
كلهم راحوا عليه
الطبيب : الحمد لله الحاله استقرت
نور: طب انا عايزه اشوفه
الدكتور: مش قبل ٢٤ ساعه
ساره جت لقيتهم حول الدكتور
ساره: طمنوني
فاتن: الحمد لله احمد هيبقي كويس
نور سابتهم وراحت ع اوضه احمد وبقت تبصله وتبتسم وتقول
نور ف نفسها: كنت عارفه انك هتوفي بوعدك
( وان اجمع كل من حولي انك ستخذلني لصرخت فيهم كيف للروح ان تخزل نصفها وكيف لقلبي ان ينبض بأسم غيره وكيف لعيوني ان تري سواه وكيف اتنفس في غيابه وقد اسمته اكسجيني ) 💜🥀
ايسل حطت ايديها ع كتف نور وقالت: انا مش عارفه اشكرك ازاي
نور مسحت دموعها: تشكريني ع اي
ايسل: ع انك خلتيني اشوف النور من تاني واتحرر من سجني بعد ما فقدت الامل وكنت بعد الساعات الي بقيالي ف الدنيا
نور : متقوليش كده خلي دايما املك ف ربنا كبير
ساره: اي يجماعه بتتكلموا ف اي
نور : ولا حاجه
ساره : طب يلا عشان اوصلك البيت انتي وطنط فاتن
نور : بيت اي انا مش هروح واسيب احمد هفضل معاه
ساره: يحبيبتي هنجيله الصبح
نور : لا
ايسل: سيبيها براحتها
نور : ممكن يساره توصلي ايسل البيت
ايسل: البيت!
نور : ايوا هتوصلك ع بيتي اهلي ودا مفتاح شقتي خليه معاكي اكيد شقتك محتاجه توضيب كتير وتصليحات وانتي اكيد محتاجه ترتاحي
ايسل عيطت نور : مش عارفه اقولك اي انا نسيت يعني اي بيت ومليش حد وانتي ف كل الي انتي فيه دا بتفكري ف غيرك مش مصدقه ان لسه في ناس كده
نور اتنهدت: ولا يهمك بس انا مش قادره اتكلم دلوقتي وانتي اكيد تعبانه اكتر مني
ساره مسكت ايد ايسل واخدتها عشان تروحها
الضابط جه وبصلها: انتي رايحه فين
ايسل :..........
ساره: هوصلها بيتها
الضابط: لا بيت اي مش قبل ما ننهي التحقيق وشدها من ايدها بقوه وخرج بيها من المستشفي وفتح باب عربيته لأيسل
الضابط: اركبي
ايسل شدت ايدها من ايده وصرخت فيه وقالت عايز مني اي يا ادم !!!
الضابط : كويس لسه فاكره اسمي ، عايز انهي التحقيق
ايسل: تحقيق اي التحقيق دا تنهيه ف القسم وافتكر انك عرفت كل حاجه عن فريد ولو عايز شاهدتي هاجي القسم بكره واقول كل حاجه اعرفها عنه
ادم بغضب والدموع اتجمعت ف عنيه : طب والتحقيق الي بينا
ايسل بحزن :.................
#نور
#الجزء_الثاني_عشر
#بقلم هدي ناجي
مردتش اموته عشان عيونكم يا حلوين 😍 يتري اي الي هيحصل واي الي الدنيا مخبياه لنور ويتري حكايات ايسل خلصت والا احنا ع وشك نعرف حاجه جديده 🤔 مخبيالكم مفاجأت من العيار التقيل
نور 13
ايسل بحزن : التحقيق الي بينا اتقفل من زمان وانت الي قفلته ولا نسيت
ادم : طب ع الاقل متحكميش عليا قبل ما تسمعي دفاعي عن نفسي
ايسل بغضب : انا يمكن مبفهمش ف القانون زيك لكن الي اعرفه انك مش برئ وبعد اذنك انا عايزه اروح
ايسل جت نتحرك
ادم شد ايديها جامد وضغط عليها
ايسل: سيب ايدي
ادم بصلها ومتكلمش
ايسل: ايدي وجعتني سيبني
ادم ساب ايديها ورجع لورا
ايسل كانت هتمشي لكن رجعت خطوه لورا ووقفت قدامه وقالته : عمري ما هسامحك
ادم حط ايده ع راسه وايسل اتحركت من قدامه ومشيت
ادم رجع لعربيته وركبها وحط ايده ع الدريكسيون وبص ع ايسل وهي ماشيه من شباك العربيه واتنهد بألم وافتكر
(Flash back )
ادم : اتفضلي ياستي
ايسل: كل دي شوكليت ومن النوع الي بحبه
ادم : استني بس عليا نتجوز وهفتحلك مصنع شوكليت
ايسل: لا يا استاذ مش قبل ما اخلص الكليه وحضرتك تكون اتخرجت وتبقي ضابط قد الدنيا وامشي جنبك وانت ولابس البدله الميري والناس يشاوروا عليا ويقولوا حرم الضابط راحت وحرم الضابط جت
ادم : يسلام يعني لو مبقتش ضابط مكنتيش حبتيني ومش هتنجوزيني
ايسل: حبيبي انا بحبك من واحنا ف الحضانه ولو كنت اهبل حتي كنت هحبك بردو
ادم بهزر : مدلوقه اوي
ايسل نخذته ف كتفه : بقي كده طب خد الشوكليت بتاعتك وامشي يلا
ادم : اهدي بس بتقلبي بسرعه لي هوا انا الاقي زي ايسولتي فين
ايسل اتنهدت : اممم
ادم : قولي يتعبه قلبي معاكي علطول متمأمئيش
ايسل: ادم هوا ممكن والدك ووالدتك يوفقوا عليا
ادم: اي الي بتقوليه ده ، واي الي هيخليهم يرفضوكي ابويا وامي معندهمش غيري وسعادتي اهم حاجه عندهم وانتي سعادتي يبقي اي الي مش هيخليهم يوافقوا
ايسل: معرفش بس حسيت بكده
ادم : متفكريش ف حاجه انتي تخلصي كليتك وانا اخلص كليتي وتقعدي معززه مكرمه ف البيت انتي وطنط صفاء وانا اجي واجيب اهلي واخطبك ونتجوز بس كده
ايسل: يارب
ادم بهزر : بقول مدلوقه عليا مصدقتنيش
ايسل بمشاكسه : طيب انا ماشيه والله منا مكلماك تاني شوف مين هترضي تتجوزك
ادم : طب ولو لقيت الي ترضي
ايسل بغضب: خليها تنفعك
ادم: طب استني يهبله رايحه البيت من هنا مشيرا بيديه مش من هنا
ايسل بغضب : ميخصكش
back
عوده الواقع
ادم ضحك لما افتكر الموقف دا
"""""""
ف نفس الوقت ايسل مشيت والدموع بتنزل من عنيها تعبانه وبقالها يومين منمتش ولا اكلت
مره واحده لقت واحد بيشدها من ايديها ويقولها متيجي نوصلك ونوصل كلنا بدل ما تمشي لوحدك
ايسل شدت ايديها منه
مسك ايدها تاني وقالها: تعالي بس وهدفعلك الي تطلبيه ايسل ضربته بالألم ع وشه
بقي يبصلها وحط ايده ع وشه مكان الألم وعنيه احمرت
وايسل شافته كده طلعت تجري لحد ما وصلت لطريق مقفول وضلمه ومش عارفه تروح صرخت وبتبص لقت الشخص ده بيقرب عليها ولسه هيمسك ايدها لقت ايد قويه بتمسكه وبتلف ايده وتكسرها ونفس الايد بتشدها وبيقولها انا اسف مكنش المفروض اسيبك تمشي لوحدك ( طبعا ادم )
ايسل بخوف وعياط: ادم من فضلك ابعد عني
ادم : مقدرش ابعد عنك
ايسل بدموع منهاره : ماانت قدرت قبل كده قدرت تبعد عني ف اكتر وقت كنت محتجالك فيه اتخليت عني وسبتني لوحدي كان نفسي تكون جنبي امي ماتت وانا لوحدي نزلت اشتغلت واتبهدلت شفت ايام سوده واتحبست ف مخزن قديم خمس سنين ومبقتش قادره استحمل بقي خلاص راجع ليه ي ادم وراجع بعد اي مش انا الي كنت تعرفها انا مش انا البنت الصغيره الي مليت قلبها وعقلها ورسمتوا سوا احلام ورديه وبعدين لقت نفسها لوحدها ف كابوس الي قدامك دي واحده اتعذبت ف حياتها كتير وقوي واتكسرت واتحطمت كل حاجه جواها
ادم كان بيبصلها وبيسمعها من غير ولا كلمه لكن حقيقي كان في بركان ف قلبه ودموعه كانت اكبر شاهد ع كده
ف اللحظه دي وايسل ف عز انهيارها ادم قرب وحضنها وهي بقت تقاومه وتبعد عنه وحرفيا ايسل كانت تعبانه جدا واغمي عليها
ادم بلهفه: اايسل .. اايسل
""""""""""""""""""""""""
عند احمد ونور ف المستشفي
احمد بيفتح عنيه واول ما اتكلم نطق : ن نور
نور كانت جنبه طول اليل سهرانه ومسكت ايده اول ما شافته بيفتح عنيه وقالتله: انا جنبك
احمد ضغط ع ايديها اكتر وبصلها ونور قربت منه وباست جبينه وقالت : حمدالله ع السلامه يحبيبي
احمد : الله يسلمك يحبيبتي
فاتن دخلت علطول : احمد ابني حبيبي انت كويس دلوقت
احمد شاورلها بنعم وقالها متقلقيش ي ماما
وساره دخلت هي كمان وقعدت ع السرير جنب احمد وقالتله : حمد الله ع السلامه ي روميو
احمد بتعب: قوموا البت دي من جنبي لحد ما افوقلها
نور : بس ي احمد عيب
ساره : شوف مراتك زوق ازاي مش زيك
احمد حاول يقوم بتعب: اااه
نور : خليك مرتاح يا حبيبي
احمد : طب اضربيلي البت دي والنبي
فاتن: هتفضلوا ناقر ونقير لحد امتي انتو كبار عيب
ف اللحظه دي الباب خبط ودخل اسر صاحب احمد وزميل نور واحمد ف الجامعه
احمد : اتفضل ي اسر
اسر : خضيتني عليك معرفش غير من الاخبار والجرائد
فاتن شدت ايد نور وقالتلها شكل خبر وفاه فريد نزل ف الجرايد مش عايزين احمد يعرف دلوقتي ع الاقل لحد ما يخف
نور : متقلقيش ي طنط
احمد : هوا انا هخرج امتي ؟!
نور : تخرج تروح فين انت تعبان!
احمد : اهوا تعبي كوم واني اقعد هنا كوم تاني انا مش واخد ع قعده المستشفيات مش هقدر اقعد هنا
فاتن : ازاي بس يا ابني هنا في رعايه
احمد : لا منا بقيت كويس خلاص
فاتن : طب وجرحك ومين يغيرلك عليه
احمد بص لنور بنظره طفوليه: نور حبيبتي هتغيرلي عليه
نور : انا اا
احمد بطفوله: مش هتغيرلي ع الجرح!
نور : منا مش
احمد بطفوله: والنبي خرجيني مش عايز افضل هنا
نور ابتسمت : خلاص انا هقول للدكتور وخرجك ع مسؤليتي
احمد غمز: وهتغيريلي ع الجرح ها
نور بخجل : اايوا طبعا
""""""""""""""""""""
عند ايسل وأدم
ادم شالها واخدها ف عربيته ف شقتها وكسر الباب وحطها ع السرير
وطلع جاب دكتور وجه
الطبيب: هي تعبانه وواضح انها مكلتش من فتره وجسمها ضعيف وانا علقلتها شويه محاليل لما تخلص وتفوق لازم تاكل كويس وتنام كويس
ادم : شكرا يا دكتور تعبناك معانا
ادم دخل ع ايسل لقها نايمه ورغم كل تعبها وهدومها الي اتبهدلت والأيام الصعبه الي شافتها إلا انها نايمه وع وشها ابتسامه الاطفال
باصلها والدموع نزلت من عنيه وخرج وبص للشقه الي كانت حاجه تانيه زمان ودلوقتي التراب مغطي جدرانها وصوره صفاء والده ايسل الي العنكبوت مغطيها
وبدأ ينضف البيت بنفسه ويرتب كل حاجه ويشيل التراب وفضل يروق طول اليل لحد ما تعب ونام ع الكرسي الي جنب ايسل
ايسل صحيت من النوم وفتحت عنيها لقت نفسها ف اوضتها الي مشفتهاش من خمس سنين لقتها نضيفه ومترتبه كأنها سابتها امبارح وصوره والدتها جنب السرير ابتسمت بفرحه وبتبص لقت ادم نايم قدامها ع الكرسي الي جنب السرير ف الاول اتأملت وشه شويه وبعدين بغضب صرخت فيه
ادم قام من النوم مفزوع: في اي انتي كويسه فيكي حاجه اتكلمي
ايسل: اي الي جابني هنا وانت بتعمل اي هنا
ادم : اهدي بس عشان افهمك
ايسل: اطلع برا
ادم : حاضر
ايسل شالت المحاليل من ايديها ودخلت الحمام واخدت شاور وخرجت فتحت الدولاب واخدت بيجامه وخرجت من اوضتها للصاله لقت ادم قاعد فيها
ايسل بغضب : مش قلتلك اطلع برا
ادم منا خرجت اهو
ايسل : مش قصدي برا الاوضه قصدي برا البيت ولا حياتي كلها
ادم : صدقيني مش هقدر
ايسل: بس انا طلعتك برا حياتي من زمان
ادم بحزن : اديني فرصه تانيه
ايسل بغضب كفايه بقي
ادم : صدقيني هصلح كل الي عملته
ايسل: القلوب لما بتتكسر ما بتتصلحش
ادم اتنهد بحزن وخرج برا البيت
وايسل قعدت ف الارض تعيط بهستيريا ووجع
""""""""""""""""
احمد ونور رجعوا بيتهم
احمد خرج ع كرسي متحرك ونور هي الي بتشده ودخلتوا اوضتهم
نور سندت احمد ع السرير وجت تخرج احمد مسك ايديها
نور : أي هجيبلك الدوا
احمد باس ايديها برقه: انت الدوا
( دوائي ف عنيكي كل ما ابص فيهم ارتاح ) 💜🥀
نور ابتسمت بخجل وخرجت تجيب لأحمد الدوا
نور : ودلوقتي لازم تغير ع الجرح
احمد :ماشي
نور قل*عت احمد القميص وبقت عضلاته بارزه وشالت اللزق وحطتله مطهر ومرهم وحطت لزق تاني وايديها كانت بتترعش كل ما تشوف الجرح نور خلصت واحمد لاحظ انها بتعيط احمد شدها ومسح بأديه دموعها وقربها منه وحضنها
"""""""""""""""""
عند ادم
ادم احساسه بالذنب تجاه ايسل مخليه مش قادر يسبها لحظه طردته نزل قعد ف عربيته تحت بيتها كان متأكد انها هتنزل وانه هيشوفها
ايسل غيرت هدومها ونزلت عشان تروح المستشفي تسأل ع احمد ونور وأدم شافها
وقفت تاكسي وركبت وادم مشي بعربيته وراها وصلت للمستشفي ولما سألت ع احمد ونور عرفت انهم خرجوا راحت تتمشي ع النيل وتاكل حمص الشام ودا كان مكانها المفضل هي وأدم
ادم مقدرش يمسك نفسه وراح عليها وقعد جنبها
ايسل جت تمشي مسك ايدها
ايسل ضربته حته قلم لدرجه اثار ايديها طبعت ع وشه
ادم باصلها و .............
#نور
#الجزء_التالت_عشر
#بقلم هدي ناجي
اعذروني ع التأخير لكن الي جي عدي كل توقعاتكم😍 يتري ادم هيعمل اي ف ايسل بعد ما ضربته 😳واي سبب كرهها ليه كده 🤔
تكملة الروايه من هنا
تعليقات
إرسال تعليق