 |
-قول وأنا قبلت زواج أبنتك البِكر البـ...
-مين قال أن هي بِكر ؟
-نعم
كل الواقفين مصدومين من رد فعل العريس اللي كان من دقيقه سعيد جدا وكان هيموت ويتجوز ، أما العروسه ضحكها اتحول لصدمه ، معقوله اللي قاله ده ، والد العروسه صرخ فيه
-أنت بتقول اي
-بقول اللي سمعته
أتعدل مكانه ورفع رأسه وأبتسم وقال
-بنتك مش بِكر واكبر دليل اهو لسه مبعوت ليا حالا
فتحوا التليفون وأنصدموا بأن العروسه في فيديو وفي وضع مخل مع شخص تاني ، العروسه من اللي شافته وقعت مغشي عليها ، بس هو كان سعيد او يمكن كان بيحمد ربنا أن حقيقة البنت اللي هيتجوزها أنكشفت
المعازيم كانو مستغربين من اللي بيحصل وأهالي العروسه بيحاولوا يفوقوها وفي نفس الوقت شاشة العرض أتفتحت وظهر فيديو للعروسه وهي مع شخص تاني وفي وضع مخل وبتضحك ، كل المعازيم أنصدموا ومنهم اللي ترك الفرح بسرعه ، أما العروسه دخلت في نوبة بكاء شديده , والد العروسه مصدوم معقول اللي بيحصل لبنته ده ؟
انتهي الفرح والعروسه في حجرتها بتبكي ولواحدها ، دخلت أمها وهي بتبكي
-ملك أنتي لسه صاحيه
العروسه (ملك) نظرت لأمها وهي بتبكي
-وهنام ليه
-منه لله يا بنتي اللي عمل فيكي كده
اتحركت الام ناحيتها وبدأت تحضنها
-اي يا ملك اللي شوفناه ده صح
دموع الام بدأت تنزل وبدأت هي كمان تنهار في البكاء
-وأنتي تعرفي عني كده يا امي
بدأت الأم تنظر ليها وعلامات الأسف زادت عليها والدهشه
-ربنا حسبنا ووكيلنا قادر اهو يارب
بدأت تبكي هي وملك ومسحت دموعها
- انا هخرج لأبوكي قاعد مع الناس بره
خرجت الأم وملك كانت بتبكي ومنهاره من اللي حصل معقوله حياتها تتغير في لحظه زي دي
وقفت بسرعه واتحركت وفتحت التليفون وهي بتتنهد
************
والد العروسه كان جالس في وسط الناس أو قرايبه اللي بيواسوه ، وجد اتصال تليفوني من شخص مجهول ، فتح التليفون
-اهلا بأبو العروسه
-مين
ابو ملك كان بيتكلم بكسره وحزن ويأس
-أنا اللي كنت مع بنتك في الفيديو
الاب وقف بسرعه وبدأت أيده ترتجف وقال
-أنت مين
-مش مهم تعرف انا مين ، انا اللي عاوز أعرف انت الزاي لحد دلوقتي مصدق أن بنتك مظلومه يا مغفل
-هقتلك ، بنتي اشرف من الشـ...
مكملشي الجمله وبدأ يبكي ويكرر الجمله
-بنتي أشرف منك يا كلب
-ششششش أسمع للاخر بنتك اللي مفكرها محترمه دي مدوراها ابحث وراها وانت تعرف سلام يا تيوووس
الاب التليفون وقع منه علي الأرض وكل الحالسيين حاولوا يهدوءه بس أنصدموا علي صريخ ملك وهي خارجه من حجرتها وفي أيدها التليفون وبتقول
-أنا مظلومه ، انا مظلومه
انصدم كل الواقفين ، حتي أبوها كان بيبكي وبينظر ليها ، اتحركت ملك ناحية ابوها
-الفيديو مڤبرك
الاب كان مش قادر يتمالك نفسه غير ضربها علي وجهها جامد
-اخرسي
بس ملك مفعلتش اي رد فعل بالعكس فتحت الفيديو ووضعه أمام كل الجالسين وقالت
-في وحمه علي صدر اللي في الفيديو ، انا معنديش الوحمه دي
الام كأن السعاده رجعت لها تاني قالت بسعاده
-أها ملك معندهاش وحمه في صدرها
الجميع أنصدم بس علشان يتأكدوا ، دخلت ملك الحجره ومعاها اكتر من أمراءه علشان يشهدوا فعلا أن فيه وحمه ولا لأ وبالفعل مفيش اي وحمه، زعاريط ملئت البيت والسعاده زادت علي الاب
*****
في مسهر ليلي ، العريس (أسامه ) كان بيرقص عادي مع البنات ولا كأن اي حاجه حصلت في فرحه ، اتحرك ناحيته صاحبه آدم ولفظ في أذنه
-عملت اللي قولتلي عليه
اتحرك أسامه ومعاه صديقه آدم واتحركوا ناحية البار
-اي اللي حصل
-قولت الكلام اللي انت طلبته مني يا أخويا
-اوه كده خلاص مفيش واحده هتقيدني انا قولتلهم مش عاوزها بس هما اللي اجبروني أعمل كده
-اللي انت عملته ده مستحيل اي حد يعمله يا أسامه
ضحك اسامه وبدأ يشرب الويسكي بتاعه وقال بسعاده
-مش أنا اللي اتجوز واحده محبهاش
ابتسم اسامه بس آدم نظر له نظرة حزن
الي اللقاء في الفصل القادم
تعريف بالابطال
"أسامه"
متوسط الحجم ثمين قليلا ذو شعر اسود ووجه ممتلئ خريج تجاره ، شاب غني من اسره أغنياء مدلل جدا وحيد أمه لديه اخت
"ملك"
فتاه جميله جدا صاحبة ال٢٤ من عمرها خريجة كلية أعلام نحيفه ذات شعر طويل أسمر ووجه نحيف قليلا ، قمحية اللون
"أدم"
صديق أسامه منذ دراسته في الجامعه ، يعتبره كأخ له شاب وسيم نحيف ذو شعر اسود ووجه ابيض من اسره متوسطه الحال
القصه لسه في البدايه وألغازها محلوله في كل بارت ، القصه بتناقش موضوع مهم جدا جدا معظمنا بنتعرض له كل يوم قصتنا دراما رومانسي طبعا وهتعجبكم أحداثها وفكرتها
البارت الثاني من هنا هنا هنا
تعليقات
إرسال تعليق