 |
نور والدها والدتها ماتو ف حادثه وهي صغيره كانت معاهم لما العربيه اتقلبت لكن هي الوحيده الي عاشت اتربت لوحدها مع عمتها ولما كبرت راحت تعيش ف شقه اهلها كانت عمتها بتروح تقعد معاها الخميس والجمعه وهي وحيده طول الاسبوع وكمان ملهاش صحاب و بتقضي وقت فراغها كله ف القراءه اليوم بيبتدي من الجامعه طول عمرها وحيده وبعد الاجازه بدأت الدراسه ونور نازله رايحه الجامعه زي كل يوم شافت بنت من سنها تقريبا واقفه ع السلم
البنت : ازيك ي نور
نور : اهلا انتي تعرفي اسمي؟!
البنت : ايوا طبعا احنا جيران انا ساكنه ف الشقه الي قصادك
نور :غريبه انا عمرى ما شفتك
البنت :طبعا هتشوفيني ازاي انتي مبتخرجيش من البيت اصلا ولما بتكوني رايحه الجامعه بتكوني ماشيه بسرعه وبصه ف الارض عموما انا اعرفك من زمان
نور : بعد اذنك انا اتأخرت ع الكليه
البنت : بنظره تعجب اتفضلي
"""""""
نور بعد انتهاء الكليه وف الطريق للبيت بتكلم نفسها للدرجه دي انا عازله نفسي لدرجه اني معرفش جيراني حتي ... وفجأة نور بترفع راسها شافت عربيه جيه عليها بسرعه وفجأه....
لقت ايد بتشدها بسرعه
نور : باستغراب انتي ؟!
البنت:ايوا انا الي قابلتيها الصبح ع السلم
نور : انا متشكره اوي يا...
البنت : متحاوليش انتي متعرفيش اسمي اعرفك بنفسي اسمي ايسل
نور : انتي رايحه فين
ايسل : كنت ف.... مش مهم انا مروحه دلوقتي وانتي كمان راجعه مش كدا يبقي نروح سوا
نور : يلا
بعد ما وصلوا ايسل بتحاول تفتح باب بيتهم افتكرت ان المفتاح مش معاها ف نور بتقولها ممكن تتفضلي عندي لحد ما والدتك توصل بتدخل شقه نور
ايسل :اي كل الكتب دي انا دخلت معرض الكتاب
نور : انا بحب القراءه اوي ومتعوده اقرأ كل يوم كتاب
ايسل : وبتجيبي وقت لكل الكتب دي منين
نور : انا معنديش اكتر من الوقت
ايسل : ياااه ومش يتضيعيه ف الخروج مع صحابك قوليلي هوا مين دول موجهه ايديها نحو صوره
نور : دول بابا وماما
ايسل: بس دول صغيرين اوي علي انهم يخلفو كل الطول ده
نور : بصوت حزين الله يرحمهم انا مليش غير الصور دي
ايسل: انا اسفه مقصدش بس مش من النهارده من النهارده ضيفني ع الصور دي مش عارفه اقولك غير اني اعرفك من زمان من وانتي صغيره وكان نفسي نكون صحاب لكن دايما كنتي بتبعديني
نور : باستغراب انا ازاي دا انا حتي كان نفسي يكون ليا صحاب
ايسل: خلاص انا صاحبتك لو تقبلي
نور : بابتسامه طبعا
ايسل: ممكن ناكل عشان جعانه اوي يا نور ولا هنقضيها كلام
نور : انتي همك ع بطنك اوي
ايسل: لا بس عشان هنتكلم كتير اوي فلازم نكون واكلين
بعد مرور عده اسابيع اصبحت ايسل اقرب واحده لنور مش بس صاحبتها الي بتشاركها وقتها طول الاسبوع واختها الي بتحكيلها كل اسرارها كمان نور لقت حنان والدتها ف حضن ايسل وحب والدها فخوفها عليها وهي بتعاتبها ع تأخيرها بعد الكليه وحتي لما نور تعبت وعمتها مقدرتش تسافرلها ايسل قعدت جنبها جنب سريرها لحد ما نامت في الفتره دي كانت اسعد فتره ف حياه نور لانها لقت حد يشاركها وحدتها
"""""""""
صباح اليوم التاني نور كانت متعوده كل يوم ايسل تيجي تصحيها ويفطروا سوا قبل الجامعه فاليوم دا ايسل مجتش ونور صحت متأخره وبسرعه لمت كتبها وخرجت عشان تلحق الكليه وهي ماشيه دقت باب شقه ايسل ومحدش فتح
نور ف عقلها يمكن تكون راحت تشتري حاجه اروح الكليه بسرعه قبل المحاضره ما تفوتني خلصت محاضرتها ورجعت بس ملقتش ايسل مستنياها ع باب الشقه زي كل يوم عشان يدخلوا سوا يكلوا وتحكيلها اي الي حصل ف يومها نور استغربت ودخلت شقتها ف سكون وقعدت شويه وبعدين راحت تخبط ع باب شقه ايسل فمحدش رد فخافت تكون حصلها حاجه جوا ندهت البواب يكسر الباب
نور : افتح الباب بسرعه ليكون حصلها حاجه
البواب : هي مين
نور : ايسل صحبتي الي ساكنه هنا
البواب باستغراب : محدش ساكن هنا الشقه دي مفيهاش حد من سنين يبنتي.............
# يتبع جزء ثاني
#الجزء_الاول
#نور
#بقلم هدي ناجي
قوليلو رأيكم عشان لو معجبتكمش مش هكملها
الجزء الثاني
نور بصتله بتعجب : ازاي مفيهاش حد من سنين امال ايسل كانت قاعده فيها الزاي
البواب : زي ما بقول لحضرتك كدا
نور : بدهشه مستحيييل انا بقولك اكسر الباب لتجد نور ايد تلمس كتفها فتلتفت لتجد عمتها: في اي يا نور بتتخانقي ليه اي الي حصل
نور : في حاله من الدهشه وعدم التصديق مفيش حاجه
عمتها: طب يلا عشان راجعه تعبانه وعايزه استريح
""""""""""""""
نور وعمتها علي العشاء نور ف حاله سكون
عمتها : مالك ينور مبتكليش ليه
نور : ولا حاجه وتدخل الي اوضتها وتقعد علي سريرها بتفكر هو في اي ي تري ايسل راحت فين وليه البواب بيكدب عليا لحد ما تعبت من التفكير ونامت
"""""""""""""""""
تاني يوم راحت الجامعه عادي لكن مبطلتش تفكير ايسل راحت فين لحد ما لقت صوت من وراها بينادي عليها نور يا نور
التفتت نور لقت ايسل واقفه بعيد جنب شجره وبتشاورلها نور راحت عندها
نور : كنت فين امبارح
ايسل : كنت .....
ليأتي احمد زميل نور ف الجامعه نور بعد اذنك فتلفت نور بغضب لو سمحت انا مشغوله دلوقت فيمشي احمد بحرج وتلتفت نور لايسل التي تجدها اختفت فجاه..........
فتلتفت نور لتنظر الي احمد بغضب
نور :عجبك كدا اهي مشيت
احمد : بنظره تعجب هي مين دي مكنش فيه حد هنا انا شوفتك من بعيد متضايقه وبتكلمي نفسك فجيت اشوف مالك
نور بغضب : نعم قصدك اي يعني مشفتش صحبتي الي كانت واقفه معايا هنا
احمد : مكنش فيه حد واقف هنا
نور : عن اذنك انا اتأخرت ولازم اروح
"""""""""""""""""""
دخلت نور مسرعه الي غرفتها لتجلس ع سريرها وتبكي بتنهد ليه عايزين يجنوني وليه ايسل بعدت عني وراحت فين فتدخل عمتها فجأه مالك ينور بتعيطي ليه
نور وهي تدير وجهها وتمسح دموعها : مفيش انا عايزه انام
فتخرج عمتها وتغلق الضوء متمتمه : نامي يا بنتي نامي
تذهب نور في النوم لتري ف أحلامها ايسل وهي تبكي
نور : بتعيطي ليه بس
ايسل: تنظر بحزن والدموع تتساقط من عينيها بصمت
تحاول نور الاقتراب من ايسل فتدخل ايسل في غرفه ضيقه مظلمه وتبكي
نور : تذهب اليها فتجد وكأن شيئا يمنعها من الدخول فقط تسمع صوت بكاء ايسل
تسيتقظ نور خائفه: ي تري انتي فين ي ايسل لتخرج من غرقتها فتجد عمتها وقد احضرت الطعام يلا عشان تفطري قبل الجامعه
نور : مليش نفس
عمتها: مش عايزه تفطري معايا دانا راجعه بكره
نور : بسرعه كدا
عمتها : معلش ي حبيبتي انا جهزتلك اكل طول الاسبوع ف التلاجه ونضفت البيت لسنه قدام وحضرتلك احلي فطار يلا بقي هتتأخري ع الجامعه
نور بصوت مهموم : حاضر
""""""""""""""
في الجامعه نور تجد احمد ورائها منادي نور نور
نور : نعم
احمد: انتي ليه مبتحضريش محاضراتك وليه ساكته علطول ومش بتروحي المكتبه زي عادتك علطول قاعده حزينه وساكته في حاجه حصلت
نور : انت عرفت منين اني بحب اروح اقعد ف المكتبه واني مبحضرش
احمد : نور احنا زمايل من سنتين ف نفس التخصص وانا اعرفك من اول يوم شفتك ف الجامعه بس انتي الي مش واخده بالك ممكن لو ميضيقكيش نقعد نتكلم شويه افتكر احنا زمايل
نور : اتفضل
احمد : انا ملاحظ انك تعبانه شويه ومنمتيش كويس
نور : عرفت منين
احمد : باين من وشك افتكر هترتاحي لو اتكلمتي مع حد
نور : بدون تفكير حكيتله ع كل حاجه من يوم ما شفت ايسل لحد الكوابيس الي بشوفها
احمد : طب وهي راحت فين ؟!
نور : مهو ده الي هيجنني انا خايفه يكون حصلها حاجه
احمد بهدوء : او ممكن تكون مش موجوده اصلا نور احيانا الوحده بتخلينا نتخيل اشخاص مش موجودين ونتعامل معاهم ومش بس الوحده يمكن صدمه وفاة اهلك تكون لسه ماثره عليكي وده طبيعي
نور : المفروض اصدقك صح بتطلب مني اصدق ان مجنونه وبتخيل واحده ملهاش وجود
احمد : انا مقصدتش صدقيني انا بس بحلل كلامك والي شفته بعنيه لاني يوم ما جيت كلمتك كنتي بتكلمي نفسك
نور انهارت ف البكاء انا عارفه ان محدش هيصدقني كلكم شايفني مجنونه انا مش هرتاح غير لما صاحب العماره ويفتحلي شقه ايسل اكيد هعرف هي راحت فين ؟؟
احمد بيحاول يهديها : انا اسف ممكن تهدي وتسمعني انا مصدقك بس علشان الكل يصدقك لازم تثبتي صحه كلامك مثلا مين شافها غيرك
نور بسكون : م مفيش حد
احمد : انا مصدقك ي نور بس كمان لازم اساعدك
نور بغضب لو بس اعرف ادخل الشقه دي ....
احمد : لو دي مشكلتك بسيطه بس لازم نتأكد محدش يشوفنا واحنا داخلين
نور : يشوفنا !!
احمد : يعني عايزاني اسيبك تدخلي شقه مفيهاش حد من سنين وباليل لوحدك ولو حد شافك هيفتكرك حراميه وداخله تسرقي ... اكيد هاجي معاكي
نور : هنفتح الباب ازاي
احمد : لما تتاكدي ان الكل نام حتي البواب رني عليا وسيبي الباقي عليا
نور مش عارفه ليه وثقت فيه من غير سبب نفذت كلامه او يمكن عشان مليش حد يساعدني ومحتاجه حد يصدقني ويقف جنبي
"""""""""""""""""""""""""
باليل نور واحمد قدام الشقه احمد يخرج شئ غريب من جيبه
نور : اي الي ف ايدك دا
احمد : امال هقول للباب افتح ي سمسم هيفتح ربنا يستر بس وميكونش في كاميرات جوه ونروح ف داهيه
احمد فتح الباب
نور : اي دا !!! .........
#نور
#الجزء_الثاني
#بقلم هدي ناجي
قولولي رأيكم يارب تعجبكم
تعليقات
إرسال تعليق