مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#سكريبت 💕كامل

_ اكنسي بذمة يا مقصوفة الرقبة

= طيب ارفعي رجلك عشان اكنس تحتها

ضربتني برجليها وزعقت:

_ انت بتردي عليا يا روح امك؟ ما تكنسي يابت وتسمعي الكلام، صبرك عليا بس لما جوزك ييجي هخليه يديكي علقة عشان تردي عليا كويس 

= ل لأ لأ عشان خاطري يا ماما انا اسفة 

شدت شعري:

_ امك مين يا روح امك ماما دي تقوليها قدام هيثم عشان بيزعل حبيب امه لكن وهو مش ف البيت متقوليش زفت دي تاني ماهو اكيد بهيرة هانم مش هتخلف الأشكال دي 

= ح حاضر يا طنط بهيرة 

_ انجري اعمليلي كوباية قهوة 

= حاضر 

"كتمت دموعي بالعافية وعملتلها القهوة واديتهالها"

= اتفضلي يا طنط

" شربت بوق ورمتها ف وشي"

= جاتك القرف مقرفة زي خلقتك وخلقة امك خشي انجري اعملي الاكل 

"انا هبة الله يونس ودي مرات عمي وحماتي بهيرة، هيثم ابنها اتجوزني عشان يبقى سهل عليه ياخد حتة الأرض اللي كانت ميراثي من بابا الله يرحمه وبعدها حبني مع اني مش راضية اعمله توكيل وهو مأجبرنيش وعشان كده امه بتعاملني معاملة الجواري، دخلت المطبخ وعملت الاكل وكنت بقلب الصلصة والملح وقع فيها غصب عني وبهيرة عرفت فمسكت شعري جامد وفضلت تهزقني وف اللحظة دي هيثم دخل"

~ ايه اللي حصل يا ماما؟

اتكلمت بوجع:

= هيثم، هيثم الحقني

~ فيه ايه ياماما ماسكاها كده ليه 

بهيرة بارتباك: هاه اا تعالى شوف يا دكر مراتك بنت الأصول واقفة بتتمرقع ف البلكونة بشعرها وعمالة تتمخطر لابن الجيران ولما كلمتها وقولتلها يابنتي عيب ميصحش احترمي جوزك علت صوتها عليا 

= والله ابدا والله ماحصل انا 

"مكملتش كلامي ولاقيت قلم كرباج نزل على وشي لدرجة انه جاب دم، مسك شعري اللي اتقطع ف ايده وفضل يضرب فيا ويشد فيه ويزعق:

~ يا بنت ال*** يا قذرة شايفاني بقرون يا و***  قاعدة بتتمرقعي ده انا هكسر عضمك وارميكي لكلاب السكك 

فتح الباب ورماني قدامه وزعق:

~ غوري وانت طالق ف ستين داهية 

رزع الباب وبدأت تفقد الوعي على الأرض ووشها كله دم، الست شادية جارتهم سمعت الصوت وجات أخدتها هي وبنتها ونضفت الجرح واطمنت انها كويسة وسابتها ترتاح

دخل هيثم وأمه قالتله:

_ يا خايب بتطلقها ليه

دمع واتكلم: 

= مقدرتش استحمل كلامك يا امي انا عاملتها بما يرضي الله و وحبيتها بس هي خسيسة وخانتني 

_ طب والأرض يا فالح 

= ف داهية يا أمي ماحنا عايشين اهو والحمد لله 

_ بلا عايشين بلا زفت بقولك ايه يواد انتَ، انتَ تروح دلوقتي تجيبها تمضيها بالعافية على التنازل وترميها 

= أنتِ بتقولي ايه يا امي أرجعها ازاي دي خاينة 

_ بس معاها أرض بملايين ويبقى أهبل اللي يضيع الفلوس دي من ايده 

= ايوه بس احنا مستورين والحمد لله 

_ هتسمع كلامي ولا انا اللي اسيبلك البيت وامشي؟

= لا لا خلاص يا امي تحت أمرك

"فتح الباب وخرج ملاقاهاش بس لقى آثار الدم على الأرض وحس بتأنيب ضمير بسيط بس نفض الأفكار دي من دماغه وخبط على الجيران فتحتله ست كبيرة" 

=سلام عليكم 

_وعليكم السلام ورحمة الله خير يابني

= مشوفتيش هبة مراتي يا طنط 

بصت ف الأرض:

_ لا مشوفتش حد، فيه حاجة؟

= ل لأ مافيش احنا بس اتخانقنا شوية وهي مشيت و 

_ اه بأمارة الدم اللي ع الأرض ده، عادي لما يحصل مشاكل ف البيوت بس مش عادي ان راجل يمد ايده ع ست عشان ميبقاش راجل

= يعني حضرتك شوفتيها؟ 

_ هي عندي جوا بس مش هترجعلك

 =ليه بس يا طنط ده انا جوزها ودي كانت ساعة شيطان والله

_ تقوم ترميها وتخرشمها بالشكل ده؟ اسمع يابني بنات الناس مش لعبة ثم انك طلقتها وطردتها من بيتها، اتفضل بقى دلوقتي 

"قفلت الباب ودخلت لهبة وهو رجع بخيبة أمل يعيط ف اوضته على اللي حبها وهو عارف انها عمرها ما حبته"

= ايه يواد عرفت هي فين 

_ ..........

= ما تنطق يواد انت

دخل جوا وهو بيزعق بحزن:

_ بس يا امي بس بقى

مسكت كتفه:

= بس ايه مراتك فين؟

_ عند طنط شادية 

= ومجيبتهاش ليه من عند طنط زفت 

زعق:

_ سيبيني بقى حرام عليكي

اخص عليك يا دكر "زقته واتجهت للباب" عديني كده رجالة اخر زمن

خبطت ع الباب

_ مرات ابني فين يا ست أنتِ

= خير يا بهيرة هانم 

_ هو فيه خير ييجي من وراكوا، هاتيلي هبة والا قسما بالله هعملك محضر ف القسم 

= هتعملي محضر عشان طليقة ابنك قاعدة مع جارتها، انت مالك بيها يا ست ما ابنك طلقها 

" كانت هتقفل الباب ف وشها بس طلعت هبة من ورا واتكلمت بضعف"

= خلي ابنك يبعتلي ورقة طلاقي ك كفايه اوي لحد كده  "قفلوا الباب"

عدى شهر وهبة قاعدة مع شادية وأمل بنتها ونفسيتها صعبة بس هم كانوا شايلينها بحكم انهم جيران من زمان وشادية في مقام والدتها ومربياها، أمل صعب عليها حال هبة فدخلتلها وابتسمت:

= عاجبك اللي انت فيه ده؟

_ سيبيني يا أمل بالله عليكي 

= أسيبك ايه بصي انا رأيي تروحي لدكتور

_ انا مش مجنونة يا أمل عشان اروح لدكاترة 

= أنت ست العاقلين بس ساعات بنحتاج حد يقف جانبنا ويساندنا 

_......

= طيب فاكرة مراد؟

_ مراد مين؟ 

= مراد اخويا الكبير يابت اللي سافر من عشر سنين 

_ اه ايوه ايوه ماله؟

= عنده عيادة ف القاهرة ايه رأيك تروحي

_ اعملي اللي انت عاوزاه يا أمل

"بعد تلت أيام هبة راحت العيادة، استأذنت ودخلتله"

_ احم السلام عليكم 

ابتسم:

= وعليكم السلام ازيك يا هبة اتفضلي 

_ الحمد لله يا دكتور 

"فضلت قاعدة على الشزلونج متكلمتش لفترة وهو باصصلها ومبتسم، بعد مدة اتكلمت"

_ هو ليه ربنا حرم الانتحار مع انه هيريحني؟

= مش يمكن عشان دينك وشغلك وناسك محتاجينك؟

_ انا اطردت من بيتي

= يبقى لازم تعيشي عشان تاخدي حقك مش تهربي

_ليه باصصلي كده؟

= مافيش بحاول أقرأ اللي ف عيونك

_ وقرأت؟

= الحقيقة مش اوي بس عرفت حاجتين اول حاجة انك حزينة بس قوية وتاني حاجة بقى وانا مش بعاكس بس ضحكتك حلوة 

"ابتسمت لأول مرة بعد فترة طويلة من العياط، بدأت تتكلم وهي بتعيط لحد ما طرحتها اتغرقت وهو سامعها باهتمام"

اتلكمت بشهقات

= بس كده انا تعبت و وحتى مش عاوز يسيبني ف حالي هو كان بيحبني 

_ هو معندوش قلب يحب، حبك وصدق عليكي كده؟ هو اصلا مفكرش ف اتهام امه ليكي

= مش مش عارفة بس انا 

_ أنتِ ثابتة وموقعتيش، هو معرفش يوقعك ف الأرض متوقعيش نفسك بنفسك يا هبة 

"فضلنا نتكلم وفعلا حسيت اني بقيت كويسة  فسكت وقومت"

= طب استأذن حضرتك بقى يا دكتور 

_ ماشي يا فندم الجلسة الجاية بعد بكره ان شاء الله 

= ان شاء الله يا دكتور السلام عليكم 

_ هبة

=نعم

ابتسم ومد ايده بشوكلاتاية:

_ لا بس كنت عاوز اقولك انك اسم على مسمى 

"اخدتها منه ومشيت وانا حاسة الدنيا بلون تاني وان حد فعلا قواني ووقف جانبي، أكلت التشوكلت ورجعت البيت، كنت فرحانة وفضلت أسمع قرآن وشغلت سورة البقرة زي ما قالي، أمل دخلت "

_ لا لا ده احنا بقينا عال اوي 

ابتسمت:

= الحمد لله 

_ ايه الواد مراد دكتور شاطر ع فكرة بصراحة فيه ناس كتير بقت كويسة بسببه

= فعلا بصراحة ربنا يجازيه خير  

"مراد اتصل بأمل فأمل خرجت عشان ترد وهبة متسمتهاش"

_ هاه يا حبيبتي عاملين ايه 

=الحمد لله يا برو 

_ عاوزك تحاولي تطلقيها من جوزها ده والا هتتعب اكتر 

= ياربي حاضر

........

عدى أسبوع وانا بروح الجلسات واتحسنت كتير، اتكلمت معاه وارتحت كالعادة، مشيت من عنده بفكر قد ايه بياخد حسنات عشان بيريح الناس وبيجبر بخاطرهم،  وصلت البيت لاقيت هيثم وأمه واقفين ع الباب"

_ انتوا بتعملوا ايه هنا؟ 

= أهلا اهلا باللي دايرة ع حل شعرها وسايبة بيت جوزها 

اتكلمت بسخرية: قصدك بيتي ومكتوب باسمي وقدامك يومين تاخد حاجتك وامك وتهوونا 

امه رفعت العكاز عليها:

_ ما تتلمي يا بت ياللي ما تتسمي بدل ما اكسر عضمك

"نزلت العكاز ع رأسها بس هبة مسكته ورمته ع الارض وزعقت"

_ بقولكوا ايه انا اللي عندي قولته والا قسما بالله هرميلكوا حاجتكوا بره، وانت هتطلقني ولو مطلقتنيش هجرجك ف المحاكم 

"عدى شهرين وفعلا هيثم بعتلي ورقتي ومشيوا ورجعت شقتي ورجعت اشتغل وحياتي اتغيرت فعلا، وف يوم أمل كانت قاعدة معايا لاقيتها بتقولي ان مراد عاوز يتقدملي، حسيت بإحساس غريب ساعتها معقول عاوزني؟ كلمت عمو محمود صاحب عمر بابا عشان يقابلهم وروحت اشتري حاجات ساقعة عشان اقدمها ولاقيت هيثم واقف قدامي "

_ من فضلك عديني 

= مش هعديكي قبل ما افهم، أنت فعلا ناوية تتجوزي

_ ميخصكش 

بصلي بحزن:

= ازاي ميخصنيش وانا بحبك

_ بتحبني؟ بتحبني وصدقت عليا اللي محصلش؟ بتحبني وانت بتشوف امك بتهيني ومبتتكلمش، انت ماشي ورا امك في كل حاجة واظن انت فاهم انا اقصد ايه 

مسك ايدي فبعدتها بسرعة 

_ اياك تفكر تلمس ايدي تاني انت سامع

= هنقعد ف شقة بعيد عنها بس ارجوكي متعمليش فيا كده 

_ انا اسفة يا ابن عمي بس انت خلاص نزلت من نظري ومش هتطلع تاني

"سيبته ومشيت وعدى اليوم وجيه مراد مع طنط شادية وقابلهم عمو محمود، معملناش رؤية شرعية عشان كنا نعرف بعض بس كنت طايرة من نظراته بس، اتفقنا على كتب الكتاب بعد اسبوع وكان اجمل اسبوع فعلا، مش مصدقة ان اللي قواني ووقف جانبي ف ضعفي هيبقى جانبي ع طول باقي حياتي"

المأذون: اين وكيل العروس؟

"لسه عمو محمود هيقول انا بس هيثم دخل بسرعة"

_ انا يا مولانا 

بصلي بابتسامة:

= مين هيبقى وكيلك وابن عمك موجود؟ 

حط ايده ف ايد مراد ومراد ابتسم وبصلي بحب، مش هنكر اني فرحت وحسيت اني فعلا ليا ضهر

"بارك الله لكما وبارك عليكما وجمع بينكما في خير"

سلم عليه: خلي بالك من بنت عمي 

ابتسم: ف عينيا يابو نسب

"سلمنا واحتفلنا ونزلنا شقته"

مسك ايدي:

فيه كلام كتير لازم يتقال، كل مريض بيجيلي لازم اقويه وادعمه واحببه ف نفسه عشان يتعالج، بس انت انا معالجتكيش انا كل كلمة كان قلبي اللي بيقولها، كل نظرة وكل ابتسامة، لما قولتلك ضحكتك حلوة مكانتش مجرد جبر خواطر، دي كانت حقيقة خليتيني افكر اتجوزك وانا اصلا مش بفكر ف الجواز 

حضني:

_ عرفت ساعتها اني مش هحب غيرك 

شددت ع حضنه: 

= انا محدش صلح اللي اتكسر جوايا غيرك "بعدت عنه وحاوطتت وشه باديها" انت عوضي يا مراد

حط ايده ع خِصرها: طب على فكرة بقى ضحكتك حلوة

#النهاية..

صلوا على الحبيب المصطفى واستغفروا💕