 |
البارت 1_2_3_4_5
المغترب وبنت الصعيد
مدونة #موسوعة_القصص_والروايات
ـ يا بابا انا اتجوز دي
ـ ومالها دي بنت عمك
ـ دي مش متعلمه، انا المهندس آدم اتجوز وحده مش متعلمه ومتعرفش اي حاجه عن الاتيكيت
ـ مفيش كلام تاني جدك قرر ومفيش كلام من بعد كلام جدك ، وهننزل النهردا الصعيد نشوفها
ـ حاضر يا بابا
( آدم سني 26 سنه شارب رياضي طويل القامه ذو الشعر البني والبشره القمحيه ، مهندس بترول لديه شركه في القاهره واصلوا من الصعيد)
في مكان آخر
في الشركه
عمر : انت هتتجوز بنت عمك ازاي وانت اصلا بتحب وحده تاني
آدم : دا أمر جدي وبابا مش هيقدر يعارضوا ، بس في حاجه في دماغي ممكن اعملها
عمر : ناوي علي ايه
آدم : سيبها لوقتها
( عمر هو صديق آدم من الطفوله يعمل معه في الشركه في نفس السن شاب قصير القامه ذو الشعر الاسود والبشره البيضاء)
الباب خبط
آدم: إدخل
السكرتيره: أستاذ آدم عندك اجتماع اليوم الساعه 4 مع عملاء مهمين
آدم : ألغي اي موعد انهردا يا إيمان لانوا معايا حاجه مهمه وجه كلاموا لعمر، وانت يا عمر هتتولي مسؤليه الشركه انت وايمان علي مرجع وانا عارف انوا انتوا قدها
عمر : حاضر يا آدم، هتغيب كتير
آدم : لا هم 3 ايام وهرجع
عمر: ترجع بالسلامه يا صحبي
آدم: الله يسلمك، سلام انا بقي علشان الحق لسافر
عمر: مع السلامه
في بيت آدم
آدم : أنا معرفش شكلها يابابا
عبد الرحمن : ولا انا انت عارف يابني انوا انا سافرت من وقت ما انت كنت صغير ومعرفش اي حاجه من يومها ولا روحت ودايما بتابعهم بالفون
آدم : ماشي يابابا
خبط الباب
عبد الرحمن: ادخل
مامت آدم (ايه): انا جهزت الشنط يلا علشان منتأخرش
عبد الرحمن: يلا بينا
نروح مكان أول مره نروحوا وهو الدوار
جودي: انا ازاي اتجوز حد معرفهوش يا جدي ولا شوفتوا قبل كدا هو الجواز بالغصب
جدها : دا ابن عمك شاب احنا عارفين اصلوا وفصلوا ومن امتي يابنت زينب بتعصي أوامري، واحنا معندناش في الصعيد انوا البنت تتعرف علي الشاب، طالما كبير العيلة موافق يبقي خلاص الموضوع انتهي اطلعي علي اوضتك
جودي: حاضر يا جدي
في اوضته جودي
جودي: ألوا يا ريناد عامله ايه
ريناد: تمام الحمدلله بخير يا قلبي، انت عامله ايه
جودي: تمام الحمدلله، شوفتي جدو مصمم ومش عايز يغير رأيوا ومصمم يجوزني حد معرفهوش
ريناد: طيب شوفي الشاب الاول يمكن يعجبك
جودي: انا عايزة اخد حد عن حب مش عايزه اتجوز حد مغصوبه عليه
ريناد: وهتعملي ايه
جودي: اسمعي
(جودي 23سنه فتاه مرحه ذات الشعر البني والعيون البنيه والبشره البيضاء متوسطه الطول )
(ريناد في سن جودي صديقه جودي المفضلة فتاه ذات الشعر الاسود والعيون السوداء والبشره القمحيه )
بعد 8 ساعات
آدام : هو دا البيت يابابا
عبد الرحمن : اه هو يلا ننزل
خبط الباب
الجد : عامل ايه يا ولدي طولت الغيبه
عبد الرحمن: حقك عليا يا بوي، دا آدم ولدي ودي بنتي يارا
الجد أهلا بالغالين عيال الغالي نورتوا الصعيد كلها
آدم و يارا في صوت واحد : أهلا يا جدو
الجد: اتفضلو اتفضلوا
عبد الرحمن: يزيد فضلك يا بوي ، أمال فين محمد أخوي
الجد : اخوك راح يشوف الارض وجاي
عبد الرحمن : ماشي
الجد: يا زينب
زينب: نعم يا عمي
الجد: تعالي رحبي بالغالي وولاده وهاتيلهم ضيافه، ونادي بنتك تزل تشوف عمها
زينب : حاضر يا عمي
بعد ربع ساعه
زينب: اتفضلوا بالهنا والشفا، وانا هطلع انادي بنتي
الكل: الله يهنيكي
طلعت زينب ونزلت
الجد: فين بنتك يا زينب منزلتش ليه
زينب :.......
آيه'ه
البارت الثاني
الجد: فين بنتك يا زينب منزلتش ليه
زينب: بنتي مش موجوده فوق دورت عليها ومش لاقياها
الجد: ازاي مش موجوده فوق معقول هربت دا أخرت دلعك ليها يازينب، كل حاجه بتطلبها بتحققهلها ياما قولتلك مدلعيهاش زياده ياما
محمد داخل من الباب
محمد: في ايه صوتكم عالي ليه وجاب لاخر الدوار
الجد: شوفت بنتك هربت وحطت راسنا في الطين، نودي وشنا من الناس فين دلوقت
محمد: هربت ازاي مشوفتهاش هي وخارجه
عبدالرحمن: اهدي يابوي انت واخوي ممكن تكون عند صحبتها ولا حاجه
الجد: دور علي بنتك البلد كلها وشوف راحت فين اقلب البلد من فوق لتحت
محمد: حاضر يا بوي
عبد الرحمن: استني هروح معاك انا وآدم
في مكان اخر وهو المحطه كانت تركب قطار ولا تعرف الي اين يتجه
ـ مالك يابنتي كاشه كدا ليه في حاجه ولا ايه
جودي: مفيش حاجه
ـ احكيلي يابنتي انا زي امك
جودي بدات تحكي
ـ كل دا حصل معاكي طيب يابنتي خدي العبايه والنقاب دا علشان محدش يعرفك
اخدتهم
جودي: شكرا يا
ـ انا ابقي ام سمر، الشكر لله
بعد وصول محمد للمحطه راتهم وهم متعرفوش عليها ومشيوا
جودي بنفس: الحمدلله
ام سمر: الحمد لله عدت علي خير يا بنتي
في الدوار
محمد: دورت عليها البلد كلها حته حته وملقيتهاش يابوي
الجد: اقعد دور كل يوم لحد متلاقيها
محمد: حاضر يا بوي
الجد: وانت يا عبد الرحمن خد مراتك وعيال وروحوا ارتاحوا شويه علي م العشا يجهز
عبد الرحمن: حاضر
بعد 8ساعات
جودي: اتفضلي حاجاتك يا امي وشكرا جدا علي مساعتك ليا
ام سمر: الشكر لله ودا رقمي لو احتجتي حاجه رني عليا
جودي: شكرا علي مساعدتك ليا وانت متعرفنيش
ام سمر: ساعدي الناس علشان يوم ما توقعي في مشكله تلاقي حد يساعدك خديها نصيحه مني يا بنتي
جودي: تسلمي يا أمي
في الدوار خاصه في الغرفه الموجود فيها آدم
آدم: ألوا يا عمر، عامل ايه
عمر: تمام الحمدلله بخير، وانت وعملت ايه في الجوازه
آدم: تمام الحمدلله بخير، كنت لسه جاي اقولك مش البنت اللي كنت جاي اتجوزها هربت والعيله كلها بتدور عليها ومش لاقينها، وانا فرحان اوي
عمر: لا الموضوع دا عايز قعده مع بعضينا لما تيجي احكيلي
آدم: ماشي يا صحبي، يومين وجاي، سلام
عمر: مع السلامه
عدي اليومين بدون اي احداث آدم فرحان انوا متجوزش بنت عموا والعيله بتدور عليها، وجودي قعدت يومين تعرف هي نزلت وفين وقعد تصرف من الفلوس اللي معاها لحد مخلصت
عبد الرحمن: احنا مسافرين انهردا يا بوي علشان شغلنا في القاهره وكدا ولما تلاقوها ابقوا طمنونا
الجد: ليه بدري كدا، طيب يا ولدي تسافر بالسلامه، لما نلاقيها اللي حطت راسنا في الطين دي
سافرت عيله آدم ووصلت الي القاهره في اليوم التالي ذهب آدم الي شركته الخاصه وقابل عمر صديقه
عمر: صحبي عامل ايه نورت القاهره، وحشتني
آدم: تمام الحمدلله بخير، القاهره منوره بناسها، تعالي لما احكيلك اللي حصل
عمر: احكي
وبدأ آدم يحكي
بعد نصف ساعه
عمر: كل دا حصل ولحد دلوقت مش لاقينها ازاي
آدم: مش عارف دوروا عليها ومش لاقينها حاجه واختفت، طيب انا همشي، سلام
عمر: سلام
في احدي الكافيهات
آدم: وحشتيني أوي يا لبني
لبني: وانت كمان وحشتني كل دي غيبه عني، وكمان سمعت انك روحت الصعيد ومقولتليش، روحت الصعيد ليه يا آدم
آدم: معلش يا حبيبتي بابا صمم انوا ننزل نشوف العيله الموضوع جه فجأه
لبني: ولا يهمك يا حبيبي
بعد مرور نصف ساعه
آدم: يلا بينا يا حبيبتي هوصلك البيت الاول علشان متأخرش علي البيت أكيد مستنيني
لبني: يلا بينا
(لبني 24سنه متوسطه الطول ذو الشعر الاسود والبشره القميه والعين الواسعه الخضراء، حبيبه ادم تعمل معه في نفس الشركه تعمل موظفه، لا يعرف احد انها حبيبته سوي عمر)
ادم هو في العربيه بعد موصل لبني
آدم: حااااااسببييي
البارت الثالث
ادم هو في العربيه بعد موصل لبني
آدم: حااااااسببييي
نزل من العربيه
آدم: انت كويسه، فيكي حاجه انا اسف مكنتش اخد بالي
ـ ولا يهمك انا كويسه
آدم: هاتي ايدك طيب، قادره توقفي
ـ ايوه
اول موقفت
ـ اااااااه
آدم: انت كويسه، شكلك مش قادره تقومي، انا هوصلك، عندك بيت تروحيه
ـ لا
آدم: ولا فندق مثلا
ـ لا
آدم: امال عايشه فين
ـ........
آدم: طيب انا هاخدك عندي البيت ترتاحي شوي
ـ لا لا لا مش هروح بيت حد
آدم: متفهمنيش خطأ، انا عندي اخت تقريبا في سنك اسمها يارا وعدي امي وابويا بردوا، انا السبب في اللي حصلك اول متخفي امشي
ـ طيب
شالها وركبها العربيه
بعد نصف ساعه دخل البيت حطها علي السرير ونادي والدتوا
آدم: يا ماما
مامت آدم: نعم يابني وجات بسرعه، مين دي يالهوي جايبلي بنت في البيت يا ولد من امتي يا آدم
آدم: ايه يا أمي انت تعرفي عني كدا ايه اللي بتقوليه دا
مامت آدم: طيب مين دي
آدم: دي بنت خبطها بالعربية انا وجاي فجبتها هنا علشان نعالجها، لانوا انا السبب في حالتها دي يامي
مامت آدم: كتر خيرك يا ولدي اما اروح اجبلها اكل واجيب علبه الاسعاف علشان اضمضلها الجرح
آدم: ماشي يأمي، وانا هروح اغير هدومي وآخد دش لانوا راجع تعبان اوي
في الدوار
الجد: ايه يا محمد كل دا وملقيتش بنتك
محمد: دورت عليها في كل مكان عند صحباتها وقاريبنا وفي كل مكان ومش لاقيها لحد دلوقت
الجد: اول متلاقيها بنتك دي لازم تموت دي جابتلنا العار
محمد: هدفنها بايدي يا بابوي
في بيت آدم
مامت آدم: كلي يابنتي شكلك هفتان كدا ليه، اعتبريني زي امك
ـ حاضر هاكل
مامت آدم : وياتري اسمك ايه يابنتس
ـ في نفسها (بلاش اقول اسمي وهويتي الحقيقية علشان محدش يعرف انا مين ومن فين)
مامت آدم بتهزها: روحتي فين يابنتي انا بكلمك
ـ ها، كنت بتقولي ايه
مامت آدم: كنت بسألك اسمك ايه
ــ اسمي ابتسام
مامت آدم: اسمك حلو يا ابتسام، اسيبك ترتاحي شويه علشان تفوقي
ـ شكرا
مامت آدم الشكر لله
في الغرفه جودي
زينب بدموع: روحتي فين وسبتيني لوحدي يابنتي، وحشتيني اوي كدا يا ضنايا هونت عليكي كل دا ومكلمنتيش حتي ولا اعرف عنك حاجه ياتري انت فين يابنتي
عدي باقي اليوم بدون ذكر اي احداث سوي تعرف كلا من عبد الرحمن ويارا علي ابتسام
في الصباح
متجمعين علي السفره كلهم حتي ابتسام
آدم نزل من علي السلم وقعد معاهم
آدم: صباح الخير
الجميع: صباح النور
عبد الرحمن: رايح الشركه يا آدم
آدم: اه يا بابا معايا اجتماع مع وفد مهم انهردا
وجه كلاموا لابتسام، وانت عامله ايه دلوقتي
ـ انا تمام الحمدلله بخير احسن من الاول شكرا الك
آدم: انت من هنا ولا من فين
ـ (بكذب) انا كنت جايه يومين وفي ناس هجموا عليا وسرقوا مني كل حاجه
آدم: طيب انت دارسه ايه
ـ انا اخده هندسه
آدم: طيب في حل ممكن يعجبك، انا عندي شركه ايه رايك لو اشتغلتي عندي في الشركه الاول تحت التدريب وبعدها تتوظفي، فكري وهاخد رايك بالليل، يلا انا هروح الشركه سلام
في الليل
آدم: فكرتي هتشتغلي ولا لا دي فرصه حلوه ليكي
ـ........
آيه محمود
البارت الرابع
في الليل
آدم: فكرتي هتشتغلي ولا لا دي فرصه حلوه ليكي
ـ في نفسها (انا كدا كدا مليش حد هنا فاوافق علي الشغل وابني مستقبلي)
انا موافقه بس انا مليش مكان اقعد فيه هنا
آدم: في شقق بنديها للموظفين وبناخد نسبه من مرتبهم هديلك شقه منهم
ـ انا موافقه هبدأ من امتي
آدم: من بكره تعالي هتنزل معايا وانا هوريكي شغلك، يلا تصبحي على خير
ـ وانت بخير
في غرفتها
ـ يا تري اللي بعملوا دا صح ولا خطأ معقول اتكشف في الآخر ولو اتكشفت ايه هيحصل، نامي يا جودي وبلاش تفكير، واللي يحصل يحصل
في غرفته
آدم: انا ليه طلبت منها الطلب دا وليه حابب اتكلم معاها، وليه حابب اشوفها اطول وقت ممكن، بلاش تفكر يا ادم انت بتحب لبني وبس
نفض الافكار من دماغوا ونام
عدي اليوم علي ابطالنا وكل واحد بيفكر في بكره
في الصباح
عبدالرحمن: صباح الخير
الجميع: صباح النور
يارا: بابا انا محتاجه 1000جنيه علشان في طقم عجبني وعايزه اشتريه، وهاخد ابتسام تشتري طقم ليها برودا الساعة 5
عبد الرحمن : ماشي يا يارا، طلع الفلوس وادهالها، بس متتأخريش بره
يارا قمت ادتلوا بوسه وبعدها اتكلمت
يارا: حبيبي يابابا اروح الجامعه انا بقي علشان اتأخرت، وانت يا ابتسام هنروح نشتريلنا كام طقم
ــ والله انا مش عارفه اودي جمايلكوا فين
مامت آدم: جمايل ايه احنا اعتبرناكي زي يارا يابنتي
ـ شكرا يا طنط
مامت آدم: طنط ايه بقولك بنتي تقول طنط قوليلي يا ماما
ـ حاضر يا ماما
آدم: هي هتنزل الشركه انهردا، ابقي عدي خديها من الشركه يا يارا
يارا: حاضر، يلا سلام
الجميع: سلام
آدم: وانا كمان اتأخرت علي الشركه هقوم انا بقي، يلا يا ابتسام
ـ حاضر
في السياره ، كانوا في صمت تام وقطع الصمت آدم
آدم: انت هتشتغلي تحت صديق ليا في الشركه اسموا عمر، واول متدربي كويس هتمسكي الوظيفه بتاعتك، بس لازم تمضي علي عقد الاول
ـ حاضر يا أستاذ آدم
وصلوا وهي ونازله
ـ واو ايه الجمال دا كل دي شركة
آدم: امشي مالك واقفه كدا ليه، عجبتك الشركه
ـ اه اوي
آدم: طيب يلا علشان منتأخرش
ـ يلا
طلعوا ودخلوا مكتب آدم، وآدم رن علي عمر
الباب خبط
آدم: ادخل
عمر: صباح الخير« جات عينوا عليا» مين القمر دا
آدم بصوت عالي: عمر اتلم
عمر: اهدي مالك
آدم سيطر هلي عصبيتوا شوي واتكلم بهدوء : دي تبقي آنسه ابتسام جايه تشتغل عندنا في الشركه وهتبقي تحت التدريب لمده شهر وانت اللي هتدربها
عمر: حاضر
آدم: دا عمر اللي قولتلك عليه يلا روحي معاه وهو هيفهك الشغل ازاي
ـ حاضر
آدم: سلام
الاتنين: سلام
بعد 10دقائق
دخلت لبني بدون مدق الباب
لبني بعصبيه: مين اللي كانت معاك في العربيه دي يا استاذ آدم
آدم: اول حاجه انت في الشركه والحاجه التانيه انت كان مفروض تدقي الباب وحاجه التالته متتكلميش معايا بعصبيه والرابعه هي انوا دي قريبتي وجايه تشتغل في الشركه فجبتها معايا
لبني: طيب يا ادم اتمني انوا تكون قريبتك بس
آدم: ايه اللي بتقوليه دا وبعدين ايه الحلاوه دي، دا طقم جديد ولا ايه
لبني بفرحه: عجبك الطقم
آدم: اه لايق عليكي اوي
لبني: بجد يا آدم
آدم: بجد يا روح آدم وانهردا اجهزي الساعه 6علشان في مفاجأه
لبني: حاضر
ممكن تفاعل علشان اعرف الروايه عجبتكوا ولا لا، علشان اكملها☺️💙
البارت الخامس
المساء
في المطعم
آدم: ايه ياحبيبتي كل دا اتأخرتي اوي
لبني: معلش الطريق كان زحمه
آدم: ولا يهمك
لبني: اطلبلنا حاجه بقي ناكلها
آدم: جارسون
الجارسون: اطلب يا فندم
آدم : انا عايز..........،.....،.......
في مكان آخر وهو المول
ـ ايه رايك في الطقم دا
يارا: لا لا مش حلو شوفي واحد تاني
ـ ليا ساعه بختار ولا واحد عجبك
يارا مسكت طقم
يارا: طيب ايه رايك في دا
ـ واو دا حلو اوي هروح اقيسوا
بعد 10دقائق
ـ طلع حلو، يلا نحاسب ونمشي
يارا: يلا
هم وماشين
يارا: ايه رايك نروح ناكل في مطعم نغير انهردا
ـ ماشي بس منتأخرش
يارا: ماشي
بعد ربع ساعه هم وداخلين المطعم
ـ يارا يا يارا دا مش آدم اخوكي مين اللي معاه دي
يارا: اه هو اكيد عميله عندو او وحده معاه في الشغل، يلا بينا نمشي بسرعه علشان لو شافنا هيهزأ
ـ يلا
بعد ساعه في بيت آدم
آدم: انتوا قاعدين صاحيين ليه
يارا: انا وابتسام كنا مالين قلنا نقعد علي التلفزيون نتسلي شوي
آدم: طيب قومي هاتيلي شويه ميه
يارا: حاضر
ـ ممكن اسألك سؤال
آدم: اسألي
ـ هو مين اللي كنت قاعد معاها في المطعم انهردا
آدم: وانت مالك مين دي، ملكيش دعوه متدخليش في حاجه ملكيش فيها، انت هنا ضيفه والزمي حدودك كضيفه
ـ ببكاء، انا آسف لانوا ادخلت انا مقصدش
وطلعت جري
في أوضه آدم
آدم: انت مكانش ينفع تزعق فيها كدا ولا تتعصب عليها هي سألتك بحسن نيه، اما اقوم اعتذر منها
خبطت علي باب اوضتها
ـ ادخل
آدم: انا اسف جدا
ـ ولا يهمك، امتي الشقه بتاعتي هتكون جاهزه
آدم: بكره ان شاء اللّٰه
ـ ان شاء اللّٰه شكرا علي المساعده
آدم: الشكر لله، أصدقاء
ـ أصدقاء
آدم: هقوم انام علشان الوقت اتأخر، تصبح علي جنه من عند الرحمن
ـ وانت من اهل الجنه
في الصباح آدم وصل جودي بالعربيه، في المكتب آدم قاعد بيراجع ملفات اتفتح الباب بدون خبيط
آدم بزعيق: انا مش قولت مليون مره تخبطي علي الباب
معلش علي التأخير بس انا كنت تعبانه اوي 🙃🧡
تكملة الروايه بعد قليل الأخير
تعليقات
إرسال تعليق