مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت السادس عشر 💥 بقلم سلطان زماني 

فضلنا حوالي شهر بنحكي أنا وهي اصدقاء وقربنا من بعض 

اوي وعرفت اني مكنش ليها تجارب نهائي غير الشخص الي 

كان كاتب كتابها ومن بعدها صرفت نظر عن فكرة الارتباط 

خالص استنيت تلمحلي أو تديني اي اشارة خايف اكون 

فهمتها ذوقها ورقتها في التعامل معايا أنه حب ويكون 

بنسبالها صدقة عادية كل قاريبها ماشاء الله مستويات عاليه 

جدا ..في مره كنا مع بعض علي الموبيل ولقيت حد بتكلمه 

وبيهزر معها انا اضايقت وقولتلها مين دي يافجر لقتها 

استغربت وقالتلي ده عبدالله معانا في الشغل ليه بتسال 

قولتلها وانتي بتهزري مع اي حد كده عادي يافجر فضلت 

تضحك وقالتلي وفيها اي وانت سمعتني بحب فيه ده كلام 

عادي مالك يا حسن سكت وقولتلها مفيش دي حياتك وانتي 

حره قالتلي لا لا ده الموضوع شكلها كبير اتكسفت وقولتلها 

موضوع اي بس خلاص يافجر مفيش حاجه وقفلنا وفضل 

الشك يلعب في دماغي أنها زيها زاي هويدا واني كلهم صنف 

واحد وأني اكيد تعرف رجاله تانيه رجعت تاني زاي ماكنت 

قلبي وجعني وكاره الدنيا وحزين ويطلع غلي في النوم 

والشغل عده 4 ايام وانا نفسيتي تعبانه قولت اروح لماما 

اغير جو حالتي متحسنتش روحت البيت لقتها بتتصل 

مسانجر بتقولي ممكن افهم مالك وفيك اي انت مكنتش 

بتفوت يوم من غير ما تكلمني قولتلها كان في شوية مشاكل 

في الشغل يا فجر انتي اخبارك اي قالتلي مشاكل اس ياحسن 

الي متخلكش تكلمني 5 ايام قولتلها مفيش يافجر انتي 

عامله اي 

فجر ..عامله زفت وقطران انت هتقولي مالك ولا ياحسن 

_ اتغظت منها ومن الطريقة قولتلها لا مش هقول يافجر 

فجر ..خلاص انت حر وانا مش هسالك تاني أن شاء الله تقعد 

سنه متتكلمش 

_ يافجر انا بصراحه زعلت بسبب

فجر ..خلاص انا مش عايزه اعرف الكلام انتهي 

_ اي يابت انتي مالك بتتكلمي كده ليه

فجر ...بت وكمان بتزعقلي ياحسن تمام تمام ماشي تمام

_ انتي مش شايفة الطريقة الي بتكلميني بيها يافجر 

فجر ..لو سمحت متزعقش تاني وع الله تقولي يابت دي 

_ حاضر يافجر ممكن تهدي 

فجر.. أنا هادية انت الي مستفز أنا اي اصلا الي خلاني اتصل 

بيك واشوفك متغير ليه انا اسفه سلام ياحسن

_ سلام اي استني بس هقولك 

فجر ..لا تقولي ولا اقولك خلاص خلصت 

_ طيب يافجر برحتك سلام

فجر ..مسسسسسسستفز 

قفلت وانا رغم المكالمة مش لطيفه الا مودي اتظبط وحالتي 

اتحسنت لما سمعت صوتها واتاكدتي اني فارق عندها مش 

مجرد حد عادي بس الشك لسه هيجنني  

بكلمها  ع المسانجر بقت تشوف كلامي ومتردش بعتلها اغنيه 

تامر حسني "ميحرمنيش منك" لقتها ردت بعد كام دقيقه 

وقالتلي حلوه بس قديمة اوي ياحسن بعتتلي اغنيه ل انغام 

وفضلنا نبعت لبعض لحد ما قولتلها هو انتي في حد في 

حياتك يعني معجبه بحد أو في علاقة مع حد قالتلي اي الي 

بتقوله ده طبعا لا قولتلها هو عبدالله ده متجوز قالتلي بكره 

عدي عليا في الشغل نخرج سوء قولتلها ماشي وفعلا خلصت 

شغلي ورحتلها اتصلت بيها قولتلها أنا تحت قالتلي اطلع 

لطعت وكانت اول مره اشوف المكان الي بتشتغل فيه 

واتفاجت لما شفت مكتبها ووضعها قامت سلمت عليا وقعدت 

قالتلي ثواني هخلص الي في أيدي ومنزل ع طول هجيلك 

قهوة وندهت علي عبدالله جيه لقيته راجل كبير بس مش 

اوي صبرت لما مشي وقالتلي هو ده عبدالله بقا وبصتلي بصه 

كلها غيظ وفرسه وكملت شغلها وانا قاعد مسكوف من نفسي 

شربت القهوة وقامت ونزلت وقالتلي خلي عربيتك وابقي 

ارجعك تاني متقلقش 

يتبع 

تكملة البارت السادس عشر 💥 

رحنا مطعم قعدنا اتغدنا وطلبتلي علي مزاجها ومسالتنيش 

قامت تغسل ايديها.. معرفش جبت قلب منين اشوف موبيلها 

فتحتو وكنت متوقع اني هلاقي بلاوي ..

عليه دخلت بسرعه ع المسانجر ملقتش حاجه كلهم بنات 

وكلام بنهم عادي والواتس برضو مفيش حاجه الاستديو عليه 

صور ليها ولمامتها وبنوته صغيره معرفش هي مين 

وفيديوهات كارتون وصور لشغل بتعها

 قفلته بسرعه وظبطت قعدتي بس قلبي عمال يدق جامد 

مش عايزها تحس بحاجه وخايف تلاحظ أو يبان عليا 

قالتلي ده المطعم المفضل بتاعي اي رايك في اكلهم 

طبعا مرضتش اكسفها وقولتلها جميل جدا ماشاء الله روعه 

تحفه قالتلي مش اوي كده قولتلها أنا أول مره اكل اكل 

بالحلاوه والطعامه دي قالتلي بتتريق ياحسن أنا عارفه 

وقعدت تضحك 

خرجنا ورحنا قعدنا في كافيه وقولتلها أنا آسف يافجر قالتلي 

ع اي ياحسن 

قولتلها اسف وخلاص بقا قالتلي حصل خير 

قولتلها هو الواحد لما يحس أنه بيحب حد بس مكسوف 

وخايف من رد فعله أو ميكنش الحد ده بيحبه 

يعمل اي يا فجر

 قالت يقول للحد ويخليه شجاع يبصارحه عادي 

قولتلها بجد يافجر عادي يعني

 قالتلي اه عادي

 قولتلها بحبك يافجر 

ضحكت وقالتلي لا لا انت مجنون

 ملامحي اتغيرت سالتها ليه 

قالتلي كنت متوقعه ع فكره انك هتقولها

مش شايف انها اتاخرت اوي ياحسن قولتلها انتي كنتي حسه اني بحبك صح 

قالتلي اه من بدري اوي انت الي كنت مش حاسس اني بحبك 

_ انتي قولتي اي يا فجر 

فجر ..قولتلك اه كنت حسه انك بتحبني من بدري 

_ لا لا الي بعدها يافجر 

فجر ..لا ما أنا بنسي بصراحه 

_ لا قولي علشان خاطري أنا الي مكنتش حاسس انك اي 

فجر ..بحبك 

_يالهوووووي طب ما تقوليها تاني كده 

فجر ...هههههه ياعم بحبك بحبك وأهدا بقا مالك هتفضحنا 

_ بقولك طب يلا بينا من هنا 

فجر ..اصبر طيب نحاسب مش كده ياحسن براحه 

اخدتها وطلعنا وركبنا عربيتها ورحنا وقفنا ع كورنيش النيل 

أنا وهي وقولتلها أنا حاسس اني اسعد انسان في الدنيا مش 

لاقي كلام يوصف احساس نحيتك وفرحتي بيكي يافجر 

قالتلي أنا عايزه اطلب من طلب وعايزه كمان وعد 

قولتلها انتي تأمري يا فجر اي هو 

قالتلي الطلب انك متخبيش عني اي حاجه واي حاجه مش 

عجباك أو مزعلاك سوء مني أو من غيري تحكيهالي 

والوعد  انك عمرك ما هتزعلني ولا تخليني اندم في يوم اني 

حبيتك

يتبع ..رايكم يا حلوين ..رايكم بس بدون ملصقات لو تكرمتو

البارت 17_18من هنا