#البارت_العشرين 💥 بقلم سلطان زماني
#حب_غير_حياتي
مدونة #موسوعة_القصص_والروايات
اللهم لك أسلمت، وبك آمنت، وعليك توكلت، وبك خاصمت وإليك حاكمت، فاغفر لي ما قدمت وما أخرت، وما أسررت وما أعلنت، وأنت المقدم وأنت المؤخر، لا إله إلا أنت الأول والآخر والظاهر والباطن، عليك توكلت، وأنت رب العرش العظيم❤️
👇👇👇👇👇👇👇👇
فضلت افكر في كلام هويدا وإصرارها علي انها مش
هتسبني في حالي..
اي الي في أيدها تاني تعمله وأزاي اتخلص منها وأسلم من
شرها واذاها ..أنا ليه بيحصلي كده ..هو أنا المفروض ابقي
شرير وقاسي وظالم وجاحد علشان ع الاقل اسلم من شر
الناس دي ويخافو مني ..
طب ليه هي متبعدش عني وتسبني في حالي ..حياتك كانت
احلي بفجر رجعت تتضحك وتفرح وتعيش وتحس بوجودك
وبكيانك وأزاي فجر تسبني واهون عليها ازاي بتحبني ومش
حاسه بعذابي والنار الي فيها .
.طلعت صورها وبقيت اكلمها واقولها هو أنا مش
وحشك يافجر بموت في بعدك تعبي ووجعي الحقيقي غيابك
عني وبعدك بجد مش قادر اتحمله ازاي مش حسه بيا ازاي
عارفه يافجر
انا كل ما الموبيل يرن اجري وافكر أنه انتي وقلبي يوجعني لما القيه مش انتي
وانا في الشغل يبقا في مكتبي مستني تدخلي عليا
انا بحبك يافجر بحبك
..أنا مش غلطان ياحبيبتي زاي ما انتي فاكره معقول اخون الحد الي خلاني اعيش وحبيت الدنيا وحياتي علشان هو فيها
انا بريء والله أنا اكتر حد عايزك وبيحبك ومحتاجلك ومخلص ليكي
نمت ودموعي علي خدي حلمت بيها وهي لبسه فستان فرح
عروسة ووقفه لوحدها وعماله تبكي ومقهورة وبتقولي انت
السبب منك لله ياحسن وعماله توقعني كل ما اقف تزقني
توقعني قمت الصبح افتكرت الحلم مش عارف معني الحلم
اي وقولت اكيد علشان دي اخر حاجه عيني شفتها دخلت
المسانجر اشوفها لقيت اخر ظهور من ساعتين واستلم
رسالتي كلمتها كتير بعد عذاب ردت عليا
فجر ..ايوا ياحسن في أي
_ كده يافجر تعذبيني كده اهون عليكي
فجر ..مش فاهمه تقصد اي يعني
_ فجر انتي وحشتيني اوي أنا عايز اشوفك
فجر..تشوفني لا ياحسن مش هينفع نشوف بعض وياريت منتكلمش تاني وتساعدني انسي
_ تنسي اي يافجر
فجر .. انساك هنسي اي انسي اني اتخدعت واضحك عليا
انسي الي صدقت أنه بيحبني وطلع قلبه متعلق بغير ومش
عارف ولا قادر ينسها انسي اني كنت غبيه وحماره وحبيتك
_ فجر اقسم بالله انتي ظلماني وفهمه غلط
فجر..انا عايزه اعرف انت ب انهي عين بتكلمني
انت بتبص لنفسك في المرايا ازاي .مش مكسوف من نفسك
ده انا روحت العنوان الي وصفتهولي وطول الطريق عماله
ادعي يارب تطلع كدابه
لا يافجر حسن بيحبك وحتي لو كان في حاجه كان هيقولك
ويعرفك احنا متفقين مفيش حاجه نخبيها عن بعض مهما كانت..واقف مع الناس وهما بيطلعو عفشك في الشقة الي
سيادتك وخدهالها لا وكمان بتقولك ياحسن ياحبيبي قولهم
براحه ع الحاجه وهما بيطلوعها وحضرتك بتبصلها
عادي ..حسن انا مش قادره حتي ادعي عليك ولا قلبي
مطوعني اتحسبن فيك مش هقولك اكتر من ربنا يسمحك
_ فجر خليني اقابلك الكلام في الموبيل مش هينفع انتي فين
ياحبيبتي وانا اجيلك
فجر ..عن اذنك ياحسن أنا عايزة اقفل
_ انتي أنانية وجحده زيها اظاهر كده انكم كلكم عجينه
واحده انتو سرطان ودخل جسمي وعايز يقضي عليا
فجر ..😥😥
_ أنا عمري ما اذيت حد ولا خدعت حد أنا الي ديما بتئذي
وبتخدع أنا الي بتظلم انتي يافجر متفرقيش عنها حاجه
انتو الاتنين ظالمين انتي مطوعكيش قلبك تدعي عليا بس
طوعك تبعدي عني وانا روحي وقلبي في ايدك ..منكم لله
قفلت معها وجاني صداع جامد وحسيت اني ضغطي مش
متظبط نزلت الصيدلية جبت حاجه للصداع وقيست الضغط
اخدت برشمتين صداع والصداع مش عايز يروح كلام فجر
وكلام هويدا عاملين يتكررو كلمني جوز رباب قولتله انت
عايز مني ايه انت كمان قالي في اي ياحسن
قولتله في اني انا قرفان منكم ومن العيلة دي في اني
حياتي ادمرت بسببكم قالي انت فين ياحسن
قولتله ابعدو عني بقا وخلي الشيطانهزالتانيه ترتاح قولها اني
الخطه بتاعته نجحت واني ربنا نصرها
حسن انا بتصل اطمن عليك والمفروض أننا اخوات ممكن
تهدأ طيب وتقولي انت فين
شوية وجاني فضل يخبط وعملت مردتش قولت يمكن يزهق
ويمشي فضل يكلمني من وراء الباب ويقولي أنا عارف انك
جوه افتح ياحسن فتحت قالي اي حصل لده كله
قولتله انت بقا شكلك جاي عايز تعرف الاخبار علشان تبلغها
بلغها اني ضعت واني بعد ما لمست الجنة ومسكتها ب أيدي
نزلتني وخسفت بيا الأرض واني برضو عمري ما هرجع لو
حصل اي ..فضل يهديني ويقولي اذكر الله واستغفر واستعيذ
بالله لحد ما فعلا هديت وارتحت شوية ..قالي احكيلي الي
حصل ..قولتله الوسخه هويدا كلمت فجر وكدبت عليها
وقالتلها اني انا الي واخد ليها الشقة واني هرجعها بعد ما
اتجوز فجر واني لولا وجود فجر في حياتي كان زماني معها
وليها وأنها خربت بنا وفجر جت وشافت ..اي ده ما انت كنت
معايا وشوفت كل ده وحاضر الموضوع من البداية بالله عليك
أنا عملت كده ..قالي لا محصلش ورباب حظرتك منها ياحسن
وانت مسمعتش كلامها طب اي الي يثبتلك اني مليش دعوه
بالموضوع قولي لو في حاجه ب أيدي اقدر اساعدك بيها
قولتله تروحو لفجر وتفهموها اني برئ وأنها كدابه وأنها
ظلمتني واني ساعدتها لله مش علشان ارجعها واني لسه علي
علاقة بيها زاي ما بتقول ..تقول الحق والصدق مش اكتر
قالي حاضر والله ياحسن هعمل كده انا ورباب بص للشقة
وشفها متكسره ومتبهدله قالي مينفعش الي بتعمله ده
ياحسن اهدا ..اتحرجت منه وبصيت في الأرض قولتله غصب
عني والله أنا عندي صداع راهيب هيموتني حاسس اني في
كلاب صعرانه في راسي ..شغل قران وفتح الشبابيك وقالي
بص ياحسن انت محتاج تفصل عن العالم ده تبعد شوية
تبعد عن البشر وخبثهم ومكرهم وحوراتهم وتروح ل رب
البشر صدقني هترجع حاجه تانيه أنا مجربها وبقولك علي
الحل ده علشان انت اخويا
قولتله حل اي ده واروح فين
قالي أنا لما بيفيض بيا واحس اني جبت اخري أو اتخانقت
بخرج ٣ ايام في سبيل الله بنتجمع كلنا في مسجد نقعد
نتعبد ونصلي ونسبح ونذكر ربنا ..برتاح اوي ياحسن بحس
اتطهرت رميت همومي كلها قلبي وعقلي وفكري بيرتاحو اي
وجع بيروح قولتله من غير تفكير ماشي يلا بينا نروح قالي
هكلمهم واشوفهم هيطلو امتي ولو هينفع اخد إجازة من
الشغل هطلع معاك اول حاجه هتستفادها انك هتحافظ علي
صلاتك وبتقوي عزمتك والإرادة..صلح علاقتك بربك
صدقني كل حاجه هتتصلح
يتبع 💥
تكملة البارت العشرين 💥 بقلم سلطان زماني
مسالتش تاني في فجر وسلمت امري لله وفضلت قاعد في
البيت يومين لا بكلم حد ولا برد علي حد وقفلت الصفحه
خالص بتاعة الفيس والواتس مسحته من الموبيل لحد ما
كلمني جوز رباب وقالي جهز نفسك هعدي عليك بعد ساعتين
قولتله ليه قالي مش هتخرج ال٣ ايام قولتله لا خلاص انا
هنزل الشغل بكره ومش هكون فاضي ..بتهرب منه ..
قالي ده الشيطان يا ابوعلي يلا يا راجل بلاش كسل جهز نفسك عقبال ما اجيلك
فعلا بعد ساعتين لقيته طلع قالي انت هتروح بالترنج كده
قولتله بالله عليك اعفيني أنا مش عايز اروح
قالي أنا كنت الأول كده ذيك بس لما دوقت وشوفت النتيجه
بقيت بشتاق اروح يلا يا راجل بلاش كسل قوم انت بس خد
دش وانا مستنيك اهو
قولتله عايز لسه اكوي هدومي لقيته حط ترابيزة المكوه
وقالي فين الهدوم ياحسن الي هتكويها
ادتهاله ودخلت اخدت دش وطلعت لبست ونازل قالي هات
بس بطانيه وفوطه وهدوم تغير فيها جبتهم
خدهم وشالهم ونزلنا وبفتح عربيتي قالي تعالي بس العربية
معانا اهي
استغربت قالي مالك ياعم هو أنا هخطفك رحت لقيت اتنين
في العربية وشكلهم رايحين معانا وأصحابه فصلنا نحكي
طول الطريق ونهزر ونضحك وحبتهم جدا الصراحه
دخلنا مسجد في المنصوره اول ما دخلت المسجد ارتحت
نفسيا حسيت اني فعلا انعزلت عن العالم الاخر بكل قرفه
وهمومو وناسه وتعبه فعلا زاي ما قال
ذكر وعباده وصوم وقيام ليل ودروس دينيه وشيوخ عندهم
علم وخبره في الحياة اول يوم فات محستش بيه تاني يوم
صحيت وقولت ل جوز رباب أني عايز امشي واني زهقت
اتخنقت قالي اي الي بتقوله ده ياحسن في حد يتخنق في بيت ربنا
قولتله خليك انت وانا همشي سمحني في شيخ من الشيوخ
سمعنا وجيه علي صوتنا قالي في اي يابني مالك حد زعلك
اتكسفت وقولتله لا ابدا ..أنا بس عندي شغل ولازم امشي
وانا بكلمهم الصداع رجع تاني ودايخ قولتلهم أنا هطلع اشرب
سيجارة وارجع وشيفهم بيبصو لبعض ب استغراب
سبتهم لقيت الشيخ أسامة ده طالع وقالي شربت يعم
سيجارتك وظبطت الجمجمه
قولتله مش معاك حاجه للصداع قالي معايا
بس جوه مش هنا
دخلت معه قالي انت متوضي ولا
قولتله لا
قالي روح اتوضي وتعالي جريت اتوضيت وانا عمال اقول
لنفسي هيديني اي ده لقيته مسك دماغي وفضل يقرا قران
يقراء قران والصداع بدا يخف ويروح وواحد تاني بيقراء
علي كوباية مايه وادهاني اشربها حسيت اني مش عايز أخرج
من المكان ده بعد ما ارتحت نمت وسبوني نايم لحد صلاة
العشاء بقا الشيخ أسامة بيصحيني بحنيه ورفق قومت
بصيت في الساعة استغربت اني نمت كل ده ..ده انا كنت
هاخد بعضي وامشي الصبح علشان مش مرتاح ولا عارف انام
ولا واحد راحتي معقول نمت كل ده اخد ايدي وقومني
وقالي يلا علشان تلحق الصلاة قولتله حاضر ياشيخ أسامة
قمت صليت العشاء وفضلت اقراء في المصحف بليل صلينا
قيام الليل وانا في السجود جيه في بالي فجر وهويدا فضلت
اشكي لربنا علي الي عمله فيا وادعي أنه يقويني فضلت
ساجد ويبكي بحرق لدرجة اني نسيت اني في ناس معايا
لقيت الي بيقومني ووخدني في حضنه وراح بيا بعيد
فضل يسمعني وخرجت كل الي جوايا للشيخ أسامة وقالي
الابتلاء ده نعمه .البلاء ده ياحسن مش من عند طلقتك لا ده
من عند ربنا فكنت المفروض تحتسب وتسلم امرك له وتدعيله
يخفف عنك ويصبرك ..عارف ياحسن ربنا شافك مقصر
وبعدت عنه والدنيا اخدتك منه وانشغلت بغيره حب يقرص
ودنك بس ويرجعك ليه علشان بيحبك وعايزك تكون من
الصالحين ..هو احن من امك عليك ياحسن رحمته وسعت
كل شئ ...ربنا لو كان عايزك تكمل في طريقك مكنش ابتلاك
ياحسن كان سابك في ضلالك وانشغلت بالمعاصي والذنوب
وفتن الدنيا
فضل يقراء عليا قران وانا جسمي كله ينتفض وبترعش
جاامد وبعرق جامد فضل جنبي لحد ما روقت وقالي بكرا
اخر يوم باذن الله أنا هوصلك علشان اعرف مكانك وابقي
ازورك ولا مش عايز تعرفني تاني وبيبتسم. ..ابتسمت
وقولتله ازاي ياشيخ أسامة ربنا يعلم انا حبيتك قد اي
وعمري ما هنسالك الي عملته معايا ابدا
فعلا وصلني واستغربت أنه طلع معايا فوق الشقة جاب
زجاجة مياة وفضل يقراء عليها كتير وانا قاعد مش فاهم
حاجه سبته لما خلص برحته ولقيته قعد يرش منها في كل
حته في الشقة وقدام الباب وقالي هستاذن أنا ورقمي معاك
لو في اي حاجه كلمني قولتله اكيد طبعا حاضر
يتبع
تعليقات
إرسال تعليق