مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت السابع وعشرون27_28_29انتقام عشق 

الو الو مين 

*******

مين معايا الو

*******

منال ، ياترى مين بس ده صوت حد بيعيط وراحت قافله السكه

،،،،،،،،،

رائد اخد قوه كبيره وراح عند مكان تسليم الشحنه

رائد ، عندك الشحنه دي فيها ايه ياروح امك

وليه سيرت الام يا باشا وفجأه المكان اتحول لضرب نار رهيب 

رائد فضل يضرب نار لحد ماصفصفهم كلهم ماعدا اتنين اخدهم في البوكس 

واحد كان مستخبي تحت عربيه من العربيات اللي تبع الراجل الكبير وراح ضارب نار علي رائد 

رائد فضل يقاوم الجرح وراح ضارب نار عليه 

عسكرى ،، رائد باشا حضرتك بتنزف جامد ياللا بينا وراح رائد ساند عليه لحد ماركبه العربيه وجروا راحوا المستشفي

رائد ، الحمد لله أنا كنت عايز اموت أنا فرحان اني هروح لها وأشوف بنتي وراح مغمي عليه

،،،،ؤؤؤؤؤؤؤ،،،،،،،،،

سليم ،. فرح اخبارك ايه دي الوقت

فرح ، كويسه يا سليم 

سليم ، أنا عزمك انتي ومنال بره تيجوا نتعشي بره

فرح ، انت عارف الساعه كام الساعه اتنين الفجر يا سليم

سليم ، مش عارف حاسس اني مخنوق جامد وعايز أخرج عايز اشم هوا حاسس ان كل حاجه بتخنقني

الموبايل رن

سليم ، ايوه يا رائد ايه اللي مصحيك دي الوقت

العسكرى ، رائد باشا اضرب بالنار يا سليم بيه وقالي قبل ما يدخل غرفه العمليات اني اكلمك وبيقولك قول لمنال تسامحه 

سليم بدموع ، ياااااربي مستشفي ايه 

العسكرى ، *****

سليم قفل ونزل جرى 

فرح بتجرى وراه ، سليم في ايه ياسليم

سليم بدموع ، رائد اضرب بالنار وفي المستشفي يافرح وسابها وراح جرى عالمستشفي 

منال ، في أي يافرح

فرح ،. رائد اضرب بالنار يا مامي وفي المستشفي

منال ، ربك مابيسيبش حق حد ده ذنب اختك عشان هو السبب في اللي حصلها

فرح ، حرام يا مامي ده بين ايدين ربنا

منال ، ربنا يخلصنا منه

فرح سابتها ومشت

،،،،،،ؤؤؤؤؤ،،،،،،،،،،

اللواء مجدي ، اضرب بالنار طب هو عامل ايه

الرائد أحمد ، في العمليات لسه منعرفش حاجه

اللواء مجدي ، تمام أبقا طمني عليه اول باول طب هو مسك حد منهم واللا اي اللي حصل

الرائد أحمد ، ايوه يا باشا في اتنين معانا واحنا جايين بيهم حالا

اللواء مجدي ، طب كويس هاتهوملي هنا حالا

،،،،،،،ؤؤؤؤ،،،،،،،،،،،،

بعد ٣ ساعات

الدكتور خرج 

سليم ، اي الاخبار يا دكتور رائد عمل ايه

الدكتور ، الحمد لله الرصاصه طلعناها والحاله مستقره بس هو نزف كتير ده بس اللي خايفين منه بس هو هيفضل تحت الملاحظه ٢٤ ساعه وهو هيتنقل غرفه عاديه دي الوقت

سليم ، طب الحمد لله شكرا يا دكتور

الدكتور ، انت ممكن تروح وتيجي تتطمن عليه الصبح باذن الله 

سليم ، مش هسيب صحبي مش هعرف اروح انام وصاحبي موجوع

الدكتور بابتسامه ، ربنا يديم المحبه مابينكم 

،،،،،،،،ؤؤؤؤؤؤ،،،،،

صباح تاني يوم 

سليم نائم علي الكرسي جنب سرير رائد

رائد فاق ، اااااه اي ده سليم سليم

سليم فاق وراحله بلهفه ، رائد حمدالله علي السلامه يا بطل

رائد ، شوف دايما بس بحس اني مليش حظ وكان نفسي اموت عشان اروح لساره بس حظي اني اعيش تاني لوحدي

سليم ، اي لوحدك دي وانا مش مالي عينك واللا ايه

رائد ، تصدق انت الوحيد اللي عايز اعيش عشانه

سليم ، حبيبي يا صاحبي شد حيلك وقوم لينا بقي يا بطل

رائد ، مش هيهدالي بال الا أما اجيب الرأس الكبيره اللي قتل ساره واقتله زى ما قتلها

سليم ، انت بردك مصمم بعد اللي حصلك

رائد ، لاخر نفس في عمرى هفضل وراه عشان قلبي يرتاح

سليم ، ربنا يريح قلبك يارب

فرح خبطت ودخلت هي ومنال

فرح ، حمدالله على السلامه يا رائد

رائد بيعدل نفسه وجاي يقعد ، اااه الله يسلمك يارب ازيك يا منال

منال ، أنا جايه وقلبي بيقولي حق بنتي هيرجع وأشوف اللي كان سبب في موتها ميت زيها

سليم قاف وقف ، ليه كده يا منال هو ذنبه ايه

منال ، وهي كان ذنبها ايه أنا ماشيه يا رائد بس كان نفسي اشوفك زيها وراحت ماشيه

رائد فضل ساكت ومش عارف يتكلم 

فرح ، معلش يا رائد والله غصبا عنها انت عارف موضوع ساره مأثر جامد علي نفسيتها

رائد ، حقها يافرح حقها أنا فعلا السبب

سليم ، فرح روحي ورا مامتك عشان شكلها نفسيتها تعبانه اوي

فرح ، ماشي وخرجت جرى

سليم ، روق يا صاحبي انت عارف هي تعبانه بسبب بنتها وبتقول اي كلام

رائد ، قلبي وجعني علي مراتي زيها واكتر دي كانت حامل في بنتي أنا مش هنساها يا سليم دي كانت حياتي كلها عارف انا حاسس ان روحي راحت مني

سليم ، ربنا يصبر قلبك ويرحمها يارب

رائد ، يااارب

،،،،،ؤؤؤؤؤؤ،،،،،،،،،

بعد تلت ايام

رائد ، ايوه يا مجدي باشا العيال قالو مين

اللواء مجدي ،. لا مش راضيين يتكلموا

رائد ، أنا خارج من المستشفي انهارده وجاي عليهم عالطول مش هنام اللا والكبير مرمي في السجن

اللواء مجدي ، ماشي يا رائد ربنا يعينك سلام

سليم ، انت رايح انهارده فين انت هتيجي معايا تروح الفيلا عندي 

رائد ، مش هنام غير أما اجيب حق مراتي 

سليم ، انت هتضيع نفسك يا رائد

رائد ،. مش فارقه ياللا يا صاحبي عشان الحق اروح للعيال دي

،،،،،ؤؤؤؤؤ،،،،،،،،،،

في الزنزانه

رائد ،. ياللا ياروح امك انت وهو قلولي بقي مين صاحب الشحنه

١ ، مااحنا قولنا للي بيجولنا هنا كل شويه مفيش حد ومنعرفش مين صاحبها

رائد ، اممم انتو عارفين أنا بقي مش زى اللي بيجولكوا ياروح امك وراح ضربه بالقلم ورفع المسدس في وش اول واحد ها هتقول مين واللا اضرب 

٢ ، ياباشا قولنا منعرفش والله

رائد ، تؤتؤ أنا محبش اللي يحلف بالله كدب وراح ضربه رصاصه في رجله 

١ بصدمه ، مش من حقك تضرب علينا نار انت اللي بتعمله ده غلط فين حقوق الإنسان

رائد ، حقوق الإنسان طب تمام أنا هخرم جسمك كله عشان حقوق الإنسان يلاقوا قضيه بقا جامده يشيلوهالي وراح شادد الزينات بتاع المسدس

٢ ، ااااااه خلاص خلاص هقول يا باشا 

١ ، انت اتجننت 

رائد ، ايوه انت كده تعجبني قول بقي مين

١، ايهاب باشا الفيومي

رائد بصدمه ، مين

٢ ، احنا كده ضعنا خلاص

رائد ، خرج جرى لمكتب اللواء مجدي

رائد ، مجدي باشا عارف مين الرأس الكبيره اللي تسجيلاته معانا ومعرفناش نوصله

مجدي ، مين يا رائد

رائد ، ايهاب الفيومي 

مجدي ، اكبر راس في البلد يطلع خاين ده اكيد هيطلع منها زي الشعره من العجين

رائد ، ده علي جستي انت نسيت التسجيلات وطبعا المكالمات دوليه يعني اكيد راح في داهيه وانا هروح اجيب إذن من النيابه واخد حق مراتي

مجدي ، أنا عايزه حي يا رائد عايزه حي خد قوه وانت رايح تجيبه

رائد ، تمام 

مجدي ، أنا عيد ميلاد بنتي بكره وضرورى تيجي هستناك 

رائد ، أنا آسف يافندم مش هقدر

مجدي ، متزعلنيش منك يا رائد وياريت تيجي الحفله من بدرى عشان في مفجأه عشانك

رائد ، ربنا يسهل يافندم عن اذنك

،،،،،،، ياترى اي هي المفجأه اللي اللواء مجدي محضرها لرائد

استنوني بكره في روايه

#انتقام_وعشق

بارتين أهم تحفه بجد

انت اتجننت يابتاع انت ازاي جاي تقبض علي الباشا انت مش عارف الباشا يبقي مين

رائد ، عارف كويس مين الباشا يا روح امك وكلمه كمان قسما بربي ماهخلي فيك حته سليمه

الباشا ، خلاص خلاص كلملي المحامي وانا هروح في عربيتي مش هركب البوكس ده

رائد ، بس كده انت تؤمر وفجأه علي صوته انت يابني انت وهو خدوا الباشا ارموه في البوكس ياللا

الباشا ، والله مانت قدي يا بتاع انت أنا هكلم وزير الداخلية يشيلك

رائد ، ماشي اعلي ما في خيلك اركبه أنا معايا أمر ضبط وإحضار ياللاااا

الباشا ركب البوكس ورائد ركب قدام وراحوا القسم

رائد ، مجدي باشا جبتلك الباشا في الحجز مش قادر أحقق معاه احمد هيحقق معاه والصبح بقي يروح النيابه

اللواء مجدي ، يخربيت جبروتك عملتها ازاي الباشا بقدرته في الحجز

رائد ، تلميذك يا باشا أنا هروح بقي عشان تعبان اوي 

مجدي ، ماشي يا رائد بس متنساش بكره 

رائد بضيق ، ربنا يسهل

مجدي ، أن شاء الله سلام يا بني

،،،،،ؤؤؤؤؤ،،،،،،،،،،،

تاني يوم 

سليم ، اللواء مجدي مدير رائد في الشغل عايزني اروح عيد ميلاد بنته ومأكد عليه اجيبك انتي ومامتك ضرورى

فرح ، أنا اختي ميته مبقلهاش اسبوع ازاي هروح عيد ميلاد

سليم ، مش عارف هو قال لازم نروح ضرورى أمر مهم يخص جثمان ساره

فرح بدموع ، طب ايه اللي جاب ده لده 

سليم ، مش فاهم حاجه ياخبر بفلوس كمان كام ساعه هيبقي ببلاش بس قالي مقولش حاجه لرائد

فرح ، مش مرتاحه مش عارفه ليه

سليم ، أنا مش عارف هنقول لمامتك ايه

فرح ، مش عارفه فعلا 

سليم ، بقولك يا فرح هو احنا مش هنرجع لبعض بقي مش عارف اعيش في حته وانتي والاولاد في حته من ساعه اللي حصل لرائد وامك اخدتك وانا قلبي واجعني مش قادر اعيش من غيرك

فرح ، مينفعش افاتح ماما في حاجه زي دي أنا هطلع بقي عشان متقلقش عليه 

سليم ، تمام بس لازم نروح العيد ميلاد متعرفيهاش بحكايه العيد ميلاد قولي لها اللواء مجدي عنده اخبار عن جثمان ساره

فرح ، تمام ماشي سلام يا سليم

سليم ، سلام ياقلب وعقل سليم

فرح ابتسمت لسليم وطلعت

سليم ، يارب بقي نرجع لبعض ياااارب 

،،،،،ؤؤؤؤ،،،،،،،،،،

بليل في العيد ميلاد

فرح ، ماما أنا راحه مع سليم للواء مجدي عنده اخبار عن جثمان ساره 

منال بدموع ، يا حبيبتي يا بنتي طب استني هاجي معاكي 

فرح ، طب غيري هدومك بسرعه عشان سليم تحت هيوصلنا

منال ، ماشي يا حبيبتي بس هنعمل ايه مع الولاد

فرح ، سليم كلم البيبي سنتر وهتيجي تقعد معاهم فاتها علي وصول دي كانت جايه تقعد معاكي بيهم الله يكون في عونها أما تقعد معاهم لواحدها

منال ، ربنا يحميهم يارب أنا داخله يابنتي اغير هدومي

بعد ربع ساعه الباب خبط

البيبي سنتر ، أنا يا هانم سليم بيه بعتني اقعد مع الولاد 

فرح ، تمام يا حبيبتي هما في الغرفه دي ونايمين خلي بالك منهم عما اجي 

البيبي سنتر ، متقلقيش يا فندم 

منال ، طب ياللا بينا يافرح أنا خلصت

فرح ، ياللا ياقمر 

،،،،،،،،،،،ؤؤؤؤؤ،،،،،،،،،،،

سليم ، اي ده الشمس والقمر مع بعض 

فرح ، ياللا يا حبيبي 

سليم ، هاا أخيرا اتقالت

فرح ، اوف ياللا بقي يا سليم مش وقته الله يسترك

سليم ، ماشي ياحبيبتي ياللا اخبارك يا مون

منال ، الحمد لله ياللا امشي يا بني

سليم ، ابنك ليه مخلفاني وانتي عندك ٨ سنين

منال ، والله يا سليم دماغي هتفرقع ومش قادره الهزار ده ياللا بقي امشي

سليم بإحراج ، اوف اي الاحراج ده ومشي بالعربيه

فرح ، ماما انتي كويسه

منال ، مش عارفه حاسه اني قلبي وجعني اوي مش قادره ابقي كويسه

فرح ، معلش يا حبيبتي وراحت حضنتها وكل ده تحت نظرات سليم ليهم في المرايه

سليم ، ياللا وصلنا ياللا ندخل

سليم دخل هو وفرح ومنال وبعدها رائد وصل

منال ، ده ايه اللي جابه هنا ده

فرح ، يا ماما عيب كده مينفعش

منال ، هو ايه اللي مينفعش مش ده السبب في موت بنتي مش ده السبب في اني اخسر بنتي 

اللواء مجدي وصل لمنال وسليم وفرح

مجدي ، هو انتو مجبتوش ليه ام ساره

سليم ، ماهي قدام حضرتك اهي

مجدي ، يعني انتي امها اللي هو ازاي انت اخرك ٣٥سنه تجيبي الشحطه دي ازاي

منال ، الله يرحمها هو حضرتك جيبنا هنا عشان تتمألس عليه

مجدي ، حاش لله

منال ، طب قول ايه اللي وصلتله لجثنان بنتي

سليم ، براحه يا حماتي مينفعش تكلمي الراجل كده ده حتي لواء مش اي حد

منال ، أن شا الله يكون رئيس

سليم ، اي يا حاجه ماخلصنا بقي 

مجدي واقف منسجم ليها ولشخصيتها 

مجدي ، هتعرفوا كل حاجه حالا انزل يا سمسم

ساره نزلت براحه من علي السلم لبسه دريس اوف وايت وبطنها قدامها مش قادره تنزل

رائد ، اي ده ده اللي هو ازاي أنا شاء الله

منال جرت علي بنتها واخدتها في حضنها

ساره ، وحشتيني اوي يا ماما

منال ، ليه عملتي كده يا سااااره ليه

رائد عطاهم ضهره وجاي يمشي 

سليم ، استني بس نشوف في ايه

رائد ، نشوف نشوف ايه الهانم كانت بتلعب بيا لا برافوا عليكي برافوا

فرح ، ليه يا ساره كده

ساره بدموع ، والله غصب عني وجرت علي رائد

ساره ، والله غصب عني

رائد ، غصب عنك اللي انتي عملتيه ده خلاني بتمني كل يوم الموت امك شيلتني ذنب موتك الدنيا اسودت في وشي كنت مدمر بسببك

مجدي ، أنا اللي عملت كده وطلبت منها كده عارف ليه عشان دي الوقت الرأس الكبيره مرميه في الحجز وعملت كده خوف علي مراتك عشان ميعملوش فيها حاجه زي مراتك اللي اتقتلت قبل كده

رائد ، أنا اكبر مغفل في الدنيا بسبب واحده ست 

فرح ، اهدي بقي يا رائد وحاولي تصلحي اللي عملتيه يا ساره

ساره ، والله الباشا طلب مني كده عشان كان حاسس أنهم هيعملوا فيه حاجه

مجدي ، والله يا رائد لو ماكنت عملت كده كان فات مراتك فعلا مقتوله

منال ، انتي اللي كنتي بتكلميني و تعيطي في التليفون

ساره ، أمممم 

منال ، قلبي كان حاسس انك ما موتيش مش معقول كل حاجه تروح مني كده

رائد ، أنا ماشي ومش عايز وشك تاني فاهمه

ساره فضلت تعيط ، ماشي يا رائد مش هوريك وشى تاني

بكره نكمل الروايه محتاجه اعرف رايكم

#انتقام-وعشق

البارت الثامن وعشرون

البارت ٢٩

انت ياعم انت هنسيب مراتك ازاي وتمشي

رائد ، دي ضحكت عليه أنا كنت بتمني الموت بسببها

سليم ،. لو مكنش اللواء مجدي عمل كده كان فاتها مقتوله زي هنا وثم أن هي ملهاش ذنب في اللي حصل

رائد ، لو سمحت يا سليم سيبني امشي وأما اهدي ابقي افكر

سليم ، غور في داهيه انت حر وسابه ومشي

عند ساره

منال ، ياللا يا حبيبتي عشان نروح

اللواء مجدي ، روحي مع مامتك يا ساره وأما الدنيا تهدي هبقي اخلي رائد يجي لحد عندك

ساره ، ماشي

فرح ، ياللا بينا نروح هنتلم مع بعض من تاني

سليم ، ساره وطلعت عايشه عايز ارجع لمراتي بقي 

فرح ، ده بعينك احنا لسه مخطوبين 

سليم ، ما ايه وحيات امك لهتجوزك انهارده قبل بكره

فرح ، هروح انهارده مع ساره وأما الأمور تهدي نبقي نرجع لبعض

سليم ، تمام ماشي تعالو ياللا اوصلكوا

منال ، ياللا بينا

في العربيه 

فرح ، أخيرا يا ماما هنرجع زي زمان و نقعد لوحدنا من غير رجاله تقرفنا

سليم ، وحيات امك 

منال ،، ههههه هو في زى حس الراجل في البيت الله يرحمه ابوكم أنا من يوم ما مات محستش بالأمان 

سليم ، اجي اقعد معاكوا عشان تحسي بالامان يا مون مون

ساره ، ههههه 

منال ، أخيرا ضحكتي عارفه والله العظيم أنا صعبان عليه جوزك اوي

ساره ، ليه أن شاء الله هو أنا عملت حاجه فيه

منال ، مش انتي أنا ده انا كان ناقص اجيب مسدس واضربه بالنار

فرح ، بصراحه اه يا ماما الكلام اللي كنتي بتقوليهوله كان صعب اوي

منال ، من حرقه قلبي وجع الضنا صعب اوي وراحت حضناهم ربنا يخليكو ليه 

ساره وفرح ، ويخليكي لينا يا ست الكل

سليم ، ياللا يا اميرات وصلنا 

نزلو من العربيه 

فرح ، سلام يا حبيبي

سليم ، سلام ياقلبي خلي بالك علي نفسك وعلي الولاد

فرح ، ماشي ياقلبي سلام

طلعوا البيت

فرح ، قلب ماما وحشتوني عملو فيكي ايه يا ايه

ايه ، والله دول مؤدبين خالص ومبيعيطوش مافيش غير سيلا هي اللي بتعيط فيهم

فرح ، فعلا عالطول شغاله عياط ربنا يهديها

ايه ، يارب استأذن أنا بقي عشان امشي 

فرح ، تمام مع السلامه يا حبيبتي

عند ساره 

نايمه وماسكه الموبايل بتقلب في الصور بتاعتها هي ورائد وراحت معيطه

ساره ، هونت عليك يا رائد للدرجه دي مش عايز تشوفني للاسف محبتنيش زي ماحبيت مراتك الاولانيه أنا كنت تجربه وخلاص

فرح دخلت تسحب ، بتعملي ايه

ساره ، ااه خضتيني ربنا يسامحك 

فرح ، مالك انتي بتعيطي والله العظيم بيحبك ده كان بيتمنا الموت عشان يروحلك 

ساره ، مين قالك اني بعيط عليه اصلا

فرح ، اومال موقفه الموبايل علي صورته ليه و بتعيطي

ساره ، أنا بحبه اوي يا فرح حاسه ان قلبي وجعني بسببه أنا عارفه اني عملت حاجه غلط بس كان لازم كده عشان اللواء مجدي قالي أنهم اكيد هيهددوه بيه وهيخطفوني

فرح ، خلاص انسي يا حبيبتي وسيبيها لله وقومي ياللا ماما عملالك البانيه اللي بتحبيه

ساره ، لا مليش نفس أنا هنام

فرح ، يعني الست اجت جرى دخلت المطبخ تعمل الاكل اللي بتحبيه وفي الاخر تقولي مليش نفس اومي ياللا متكسريش بخاطرها أنا حاسه ان روحها ردتلها

ساره ، تمام ماشي أنا قايمه

،،،،،،،ؤؤؤؤؤ،،،،،،،،،،،

عند سليم ورائد

سليم ، ليه عملت كده وانت عارف أن مش هي السبب في اللي حصل

رائد ،. ايه يعني ضربها علي أيدها عشان يصورها وهي كلها دم ونايمه في الارض واللا أما اضربت بالنار مهنش عليها تيجي تطمني أنها عايشه عشان تقويني بيها

سليم ، انت ايش عرفك أنها عارفه انك اضربت بالنار

رائد ، اكيد اللواء مجدي قالها

سليم ، تمام ثواني كده وراح متصل بساره وعمل الاسبيكر

ساره ، الو ايوه يا سليم 

سليم ، ساره انتي اللوا مجدي قالك أن رائد اضرب بالنار

ساره بخضه ، انت بتكلم بجد اااه طب حصله ايه اااه

سليم ، كويس الكلام ده كان من كام يوم مانتي شوفتيه انهارده قرد

ساره بصوت كله الم ، طب هو كويس اااه

سليم ، مالك يا ساره في ايه 

ساره ، ااااااه

رائد شد التليفون من سليم ، الو ساره مالك الو الو

،،،،،،،ؤؤؤؤ ،،،،، 

رائد نزل جرى راح بيت ساره وهو في الطريق اتصل بفرح

فرح ، ايوه يا رائد

رائد ، ساره مالها يا فرح

فرح ،. مفيش معدتها وجعتها جامد وقعدت ترجع لحد ما ارتاحت واهي بتاخد شاور جوه 

رائد ، يعني هي بقت كويسه 

فرح ، مش عارفه هي بتقول كده بس شكلها مبيقولش كده

رائد ، طب دقيقتين وهكون عندكم اهو

فرح ، ماشي سلام

بعد ربع ساعه

فرح فتحت الباب 

فرح ، تعالي اتفضل

رائد ،. هي فين

فرح ، في الاوضه بتاعتها

رائد ، طب ممكن ادخلها

فرح ، اتفضل 

رائد فتح باب الاوضه ودخل لقاها نايمه ومتغطيه

ساره ،، فرح أنا نمت أنا كويسه روحي نامي يا حبيبتي

رائد ،. لا مش هتنام غير هنا

ساره بخضه فتحت عينيها وولعت نور الاباجوره اللي جنب السرير

ساره ، انت 

رائد ، اممم أنا 

ساره ، اجيت ليه

رائد ، اجيت للي تعبه قلبي معاها

ساره ، تعبه قلبك

رائد ،. أمم وراح قعد جنبها علي السرير

ساره ، انت مش قولت مش عايزني ايه اللي جابك 

رائد بتنهيده ، وحشتيني اوي

ساره ،. يا سلام وراحت زقاه من عند صدره قوم امشي

رائد ، اااه

ساره ، هو انت اضربت بالنار هنا

رائد ، اه في هنا واوه

ساره مقدرتش تمسك نفسها من الضحك ، واوه ياصغنن

رائد ، يخربيت جمال ام ضحكتك

ساره ، هسألك تاني انت جاي ليه يا رائد بأمانه

رائد ، والله وحشتيني موووت وحشني ضحكتك وحشني عنيكي وحشني كل حاجه فيكي

ساره ، لا والله اومال اما شفتني الصبح حسستني انك شفت عفريت 

رائد ، أنا آسف

ساره ، هو انت بتتكلم كده ليه 

رائد ، عادي بكلم مراتي اتكلم براحتي 

ساره ، طب ياللا طرقننا عشان هنام

رائد ، ماشي وراح قايم قالع التيشيرت 

ساره ، انت هتعمل ايه يا مجنون انت

رائد ، هنام هنا جنب مراتي حبيبتي

ساره ، مينفعش افرض ماما دخلت الأوضه فجأه علينا تشوفك وانت نايم جنبي 

رائد ، وفيها ايه مراتي شرعا وقانونا

ساره ، انت اتجننت والله 

موبايل رائد رن

رائد ، ايوه يا سليم

سليم ، انت مجتش ليه انا ٱطمنت علي مراتك من فرح قالتلي بقت كويسه

رائد ، اه الحمد لله شكلها بقت كويسه الحمد لله

سليم ، طب هو انت هتبات عندك

رائد ، اه هنام هنا عندك مانع

سليم ، معنديش يا عم يا بختكم أنا مش عارف اتجوز مراتي خالص

رائد ، ههههه حلوه اتجوز مراتي دي

سليم ، طب اقفل يا خفه سلام 

رائد ، سلام يا صحبي 

يتبع 

تكملة الروايه من هنا