مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار❤

زوجي الخائن كامل 

-والله يا حبيبتي. اخر مرة ...مش هخونك تاني 

قومت وانا متعصبة وقولت :

-وائل دي المرة التالتة الشهر ده اللي اقفشك بتكلم واحدة رخيصة شبهك ....انت ايه مبتتعبش ...يخربيتك النسوان بتجري في دمك 

-انتي كده بتدعي علي نفسك 

-اسكت متتكلمش ...هتجيبلي الجلطة يا بعيد مش كفاية عيالك ...انت كمان عليا ....

-يا هانم انا ..

-طلقني يا وائل...طلقني بدل ما اقت*لك وادخل السج*ن

-واهون عليكي تقت*ليني

قالها بشقاوة...انا كنت هتجنن ايه الراجل ده يا ربي ...اقتله وارتاح ولا اخلعه ولا اعمل في أهله ايه ...

-وليك عين تهزر يا ح*ارق دمي 

-تصدقي لما بتتعصبي بيبقي شكلك حلو اووي

- ايه ده بجد 

-اه والله يا هانم وشك بيحمر وبتبقي عايزة تتأكلي

ابتسمت بكسوف...بش كشرت بعدين الأستاذ بيأكل بعقلي حلاوة 

- مش هتقدر تضحك عليا المرة دي يا وائل ...انا اقولك حل ...طلقني ...طلقني وكلم نسوان براحتك

-يا هانم اخر مرة والله وحياتك عندي 

-لا انا مصممة دلوقتي علي الطلاق ...يالا علي المأذون

-ايه ده ؟!

قالها وهو عامل نفسه مصدوم فقولت:

-مالك يا اخر صبري ...فيه ايه 

-انتي خسيتي يا هانم 

- ايه ده بجد ؟!

قولتها بلهفة وانا ببتسم فقال :

-ايوة بجد لفي كده 

لفيت حوالين نفسي زي العبيطة وانا فرحانة 

-لا فعلا خسيتي وبان الفرق ...انتي ماشية علي نظام ايه 

-صيام متقطع من اسبوعين

-لا بجد فرق معاكي ...عودك بقا فرنسي فرنسي مش هزار

-الله يجبر بخاطرك يا وائل ...انا مبسوطة اووي ان حد لاحظ ...ولسه هستمر والله وجسمي هيرجع زي الاول واكتر 

-انا واثق فيكي يا حبيبتي...امشي علي النظام ده حلو انا ...بس ممكن طلب

-اؤمر عيوني 

-حضريلي لقمة من ايديكي الحلوين دوول

-بس بس يا جابر بخاطري عيوني ليك 

ولسه هروح للمطبخ...وقفت للحظة وانا حاسة نفسي غبية اووي ....ده اكل بعقلي حلاوة تاني 

رجعت وانا بصرخ :

-انت فاكرني هبلة !!!!!

-بسم الله الرحمن الرحيم انتي بتتحولي ولا ايه 

قالها وهو خايف 

-انت رجعت تضحك عليا ...فاكر لما تقولي خسيتي هضعف وانسي خيانتك يا خاين

-هما قالوا الحيلة دي هتنفع

-حيلة ايه ؟!

-اني اقول انك خسيتي وافتكرتها هتنجح

- ايه 

-كل الستات نقطة ضعفها الكلمة دي اشمعني انتي ؟!

-انت ناوي تشلني يا راجل انت ...طيب مفيش اكل وعندك جبنة في التلاجة ...وعارف يا وائل والله لو قفشتك تاني بتكلم نسوان ه*دبحك واقط*عك في أكياس واطبخك لعيالك 

- ايه الس*ادية دي

-هو كده 

بعدين سيبته ومشيت وانا بغلي عليه 

-طب علي فكرة انتي تخنتي مش خسيتي 

زعق من ورايا ...غمضت عيني بغضب ودخلت المطبخ عشان مرتكبش جريمة النهاردة 

جه احمد ابنه الصغير وقال:

- هي مال ماما يا بابا 

-اتلبست يا حبيبي !!!

......

بعد شوية خرجت من المطبخ وانا ماسكة سكينة كبيرة كنت بقطع بيها السلطة ..كنت عايز اسأل وائل علي حاجة لقيته مديني ظهره وقاعد علي الموبايل 

اتسحبت وروحت وراه لقيته بيكلم واحدة تاني !!!فجأة بص ولقاني وراه ماسكة سكينة كبيرة ..

صرخ وهو بيجري

-وديني ما هسيبك النهاردة يا وائل ..

-خلاص يا هانم وحياة عيالك 

وبعدين فتح الباب وجري علي  بيت أهله تحت 

يتبع 

الجزء التاني ❤

-صلي علي النبي يا هانم بس 

قالتها حماتي وهي واقفة قدامي وماسكة ايدي ومانعاني اني اجيب كرش الخاين ده بالسكينة...في نفس الوقت اللي وائل مستخبي ورا ابوه وبيصرخ:

-جيبوا البوليس ده هتق*تلني وتعبيني في أكياس

-سيبيني عليه يا حماتي ...بالله عليكي لتسيبيني انا هخلص عليه النهاردة

-شايفة يا امي اهو تهديد صريح ...هتق*تل ابنك نور عينك 

-يا بنتي هتضيعي نفسك علي عرة زي كده والله ميستاهل

قالتها حماتي فقال وائل:

-امي انتي معاها ولا معايا 

-اخرس انت ياللي معرفتش اربيك 

-انا قولت من الاول اني مش ابنك وان هانم هي اللي بنتك 

- من حظي المنيل انك ابني بس اللي مصبرني ان الله اذا احب عبدا ابتلاه ...اهدي يا هانم وانا هجيب حقك ...وعد 

هديت شوية وانا ببص لحماتي وانا عارفة انها هتجيب حقي كالعادة ....

.....

بعد شوية كنا قاعدين كلنا علي الانتريه كنت ببص ليه كل شوية بشر خوفه مني 

اتكلمت حماتي وقالت:

-شوف يا بني احنا جايبين بنت الناس من بيتها عشان نكرمها ونصونها مش نجرحها ودي مش اول مرة يا وائل .. انت كبرت مش صغير فحافظ علي بيتك احسنلك والا وديني هوريك اللي عمرك ما شوفته فاهم ؟!

-حاضر يا امي 

قالها وائل 

-الحمدلله اعقل كده يا بني انت طالع عينيك زايغة لمين بس 

قالها حمايا...فحماتي قالت :

-يعني مش عارف ....اخش اجيبلك اسامي البنات من جوه اللي عرفتهم عليا 

ضحك حمايا بتوتر وقال :

-خلاص يا حبيبتي. ده كان موضوع وراح وانتي ربتيني كويس عليه 

-ما انتوا صنف ميجيش الا بالعين الحمرا 

بصتلي حماتي وكملت :

-يالا يا حبيبتي روحي بيتك وهو مش هيعمل كده تاني

-هو ده اللي جيبتيلي حقي يا حماتي ...بس كده؟!

-اومال انتي فاكرة ايه ؟!

وبعدين ضحكت ..اتصدمت من رد فعلها ...اول مرة تيجي عليا كده ....دموعي نزلت لوحدها وطلعت علي شقتي

-يالا يا اخويا حصل مراتك 

قالتها مامته  فرد:

-طب حد يجي يبات معانا انت خايفة لتتهور وتعمل فيا حاجة 

-مش قد الخيانة يا حبيبي متخونش تستاهل اللي هيحصل فيك ..يالا يا حبيبي من غير مطرود 

..........

بعد يومين 

نزل وائل وهو مخضوض...خبط علي أهله جامد ...طلعت مامته وقالت:

-مالك يا واد هت*قتلك تاني 

-هانم اختفت يا امي ...سابتلي ورقة وقالت متدورش عليا خلاص سابتني 

-عملت في البت ايه يا بعيد منك لله ...طفشت البت اللي حيلتنا 

- يا امي مش وقته اعمل ايه انا دلوقتي ...انا والله بحبها وبعدين دي سابت الولاد معايا حتي معاذ الصغير 

-خلاص روح ربي عيالك 

-ايه 

قالت قبل ما تقفل الباب في وشه:

-مش انت طفشتها يبقي اتعامل مع طلبات البيت والاولاد وتستاهل

وقفلت الباب 

خبط وائل برعب وقال:

- لا يا امي وحياة عيالك يا شيخة متسبنيش معاهم ...ممكن اتجنن .

بس امه مردتش 

...

طلع وهو منهار ...قلبه واجعه...مكانش متخيل انها هتسيبه فجأة كده ...دموعه نزلت بس مسحها بسرعة لما معاذ شد بنطلونه...بص علي ابنه فقال:

خير يا معاذ 

-بابا ...حمام 

-نعم يا اخويا

......

رجعت مامت وائل لورا وهي شايفة وائل شايل معاذ من قفاه وقال:

-الواد عمل حمام علي البامبرز شطفيه يا امي بسرعة انا بقرف 

-كان علي عيني يا ابني بس انا رايحة زيارة لصاحبتي ام دلال المسكينة تعبانة...شطفوا انت .

بعدين سابته ومشيت 

بص وائل علي معاذ بقرف وطلعه معاه ....دخله الحمام وخلعه البامبرز  وهو قرفان وهي*موت ومن غير قصد وقع البامبرز المتبهدل علي بنطلون وائل !!

.....

علي البحر كانت هانم قاعدة ومستجمة....صوت البحر  كان لطيف اووي ...بصت للي جمبها وقالت:

-انا نفذت خطتك امتي بقا ارجع 

-لما يتربي كويس 

قالتها مامت وائل وهي بتشرب عصير!!

يتبع 

الجزء الاخير❤

-بس بجد صعبان عليا يا حماتي ...ده هيتبهدل مع العيال 

-ميصعبش عليكي غالي يا حبيبتي ....ده خاين والخاين لازم يتربي!

- انتي امه ولا امه 

قولتلها وانا بضحك ...بصتلي بصمت وقالت:

-انا امه صح بس بكره الخيانة اووي ...انا ست زيك وبحس بيكي ..حاسة قد ايه انتي مقهورة معاه ولولا انه ابني وباكية علي مصلحته كنت وكلت محامي شاطر وخلعتك منه ده ميستاهلش ضفرك حتي 

عيوني دمعت وانا بشوف معاملتها معايا...كأنها بنتي مش حماتي ...وده مش جديد عليها ...حماتي دايما وقفت معايا ودعمتني في الوقت اللي ابنها كان بيجرحني...واهو دلوقتي هي واقفة جمبي وهي اللي خططت ابعد عنه فترة عشان يتربي 

طبطبت علي وقالت:

-الرجالة اللي زي ابني وابوه عايزين قرصة ودن صعبة عشان يقولوا توبنا ....حسن جوزي كان مجنني والله بسبب النسوان بس عمري ما مسكت عليه دليل لحد ما قدرت في يوم اقفشه وساعتها فضحته عند أهله وسيبت البيت لمدة ست شهور وهو حفي ورايا واهو دلوقتي بقالنا اكتر من تلاتين سنة مع بعض ومفكرش يخوني تاني ...فهمتي بالطريقة دي ابني هيعرف قيمتك وهيفكر مليون مرة قبل ما يخونك...اسمعي مني وانتي هتكسبي ...لو الراجل خانك متبكيش ...استخدمي اسلحتك ...جننيه عرفيه انك قادرة تعيشي من غيره وان هو اللي مش قادر يعيش من غيرك....اختفي مرة واحدة وخليه يلف حوالين نفسه ...روضيه كويس وهو هيفكر ازاي دايما يسعدك 

صقفت وانا منبهرة وقولت :

-الواحد لازم ياخد عندك دروس تقوية يا حماتي 

-any time y baby any time

قالتها وهي فخورة فابتسمت وانا بفكر انه يستاهل يتربي شوية

.......

- لااااا ابعد عن اللابتوب يا محمد .

صرخ وائل فجري محمد وهو ماسك اللابتوب وجري وائل وراه وهو بيلطم فجأة اتكعبل محمد ووقع اللابتوب اتكسر 

- يا ختاااااي اللابتوب حرام عليك 

وقعد جمب اللابتوب وهو مصدوم اللابتوب كان غالي وعليه شغل كتير ...

جه معاذ جمبه وقال :

-بابا آكل 

-نعم يا اخويا

....

جات مامت وائل من برة لقت وائل في وشها بيقول :

-ابوس ايدك يا ماما الحقيني العيال مجننين امي ...صدقيني هروح المصحة بسببهم ...الواد كسر اللابتوب بتاعي وواحد بوظ بنطالوني الغالي ومعاذ عايز ياكل ...ساعديني .

مسكته امه من دراعه وقالت:

-مع نفسك...

بعدين فتحت الباب وخرجته بره وقالت :

مع نفسك  يا حبيبي 

-ايه 

-غدا ألقاك 

وبعدين قفلت في وشه الباب وابتسمت بخبث وقالت :

ده جزاء الخاين يا حبيب امك 

......

مرت الايام ووائل طافح المرار مع عياله ...اخد اجازة من الشغل واشتغل يطبخ ويرتب لوحده ...كان حاسس بصداع طول اليوم بسبب دوشة العيال وساعتها بس قدر هانم ...دايما كان بيقول انها مرتاحة في البيت ومبتعملش حاجة بس طلع العكس هو اللي مرتاح في شغله وهي بتربي اولادهم ....بيعرف ستات عليها واستحملت...ازاي اذاها كده ازاي حد عاقل يأذي ست موفرة ليه سبل الراحة في بيته ومهتمية بعيالهم بالشكل المثالي ده ولاول مرة يشوف انها خسارة فيه ...هي احسن منه...بس دلوقتي يتمني بس ترجع وهو مش هيبص علي غيرها اصلا ...

بص علي نفسه في المرايا لقي تحت عينيه سواد ...وشه منهك وحزين ...حزين بسبب غيابها ...البيت ملوش طعم فعلا  من غيرها ....فجاة وسعت عينيه لما شاف  انعكاسي علي المرايا ....

-ايه حسيت بقيمتي

بصلي وحضني جامد ...عيونه كانت مدمعة وقال:

-متيبنيش تاني

بعد وهو بيضحك وباس راسي وهو مش مصدق فجأة كشر وهو بيزعق:

-كنتي فين يا هانم

-متزعقلهاش يا واد 

جات حماتي من ورايا وقالت:

-انا خبيتها بعيد عنك يكش تتعدل وتحس بقيمتها 

-انتي يا ماما تعملي في ابنك كده 

-لما يكون ابني مش متربي اعمل فيه اللي أسوأ من كده يا حيلتها ...ولو مس عاجبك ترجع مكان ما كانت وطلقها

- ايه يا ست الكل بس ..خليكي محضر خير

-طيب يالا بوس راس مراتك واوعدها انك مش هتعمل كده تاني 

باس راسي وقال:

-عمري ما هزعلك ابدا ...بحبك يا ام العيال❤

-وانا كمان يا ابو العيال❤

.....

بعد يومين جات رسالة مجهولة لوائل...كانت من واحدة بتطلب منه انه تتعرف عليه ...

فكر للحظات بعدين بعت رسالة ليها :

-اسف انا متجوز وبحب مراتي 

بعدين بهدوء حذف أكونت الفيس نهائي عشان ميضعفش

ابتسمت انا بحب وانا بطلع من صفحتي الوهمية وامسحها كمان ومسحت الفيس حلوة الحياة من غير سوشال ميديا صح ؟!

تمت