 |
أحببت بكماء ( البارت الثامن والتاسع )🕊️♥️
هاجر عمر
مدونة #موسوعة_القصص_والروايات
ابتسم .. اكيد لا يا روحى محدش يقدر ياخدنى منك ابدا .. لعبت ف زراير قميصه بدلال .. اثبت لى .. عقد حواجبه باستغراب .. ازاى ؟!
بفرحة .. نسافر لندن كام يوم نتفسح سوا .. مشت ايدها على وشه انت واحشنى اوى و عايزة اقضى معاك وقت لوحدنا بعيد عن الناس
ابتسم بحب .. بس كدا اللى انتى عايزاه كله يتنفذ و هنحجز على اول طيارة بكرة كمان
طبعت قبلة سطحية على شفا.يفه I Love you
ابتسم I Love you too
دخلت السرايا بعد ما مشي و على شفايفها ابتسامة لعوب و هى بتلعب ف خصل شعرها بمتعة
ابتسم سليمان عليها .. شايفك مبسوطه
اتنهدت و هزت كتفها مصطنعة اللامبالاة
قهقه بصوت عالى .. انا قولت الواد دا محدش هيقدر عليه غيرك الله يكون ف عونه
ضحكت ان سليمان فاهمها و قضت وقت معاه و بعدها دخلت المطبخ تجهز الغدا لاول مرة من ساعة ما دخلت السرايا
دخل ف ميعاد الغدا و هو بيصفر وراح لجده بفرحة باس ايده .. مساء الخير يا جدى
بصله سليمان و ابتسم بتعجب من حالته مساء النور !! ..مالك فرحان يعنى و بالك رايق على غير العادة ؟!
رفع حاجبه بتعجب .. هو عيب افرح و لا ايه ؟!
بتمويه لا طبعا مش عيب ربنا يسعدك
جت الشغالة تعرفهم ان الغدا جهز قامو يروحوا ع السفرة و ليلى انضمتلهم بصلها مروان من ساعة ما دخلت بغيظ و غ.ل و سرعان ما اتحولت ملامحه لبرود
بدءوا اكل و مروان بان على ملامحه الاعجاب و بياكل بتلذذ .. ممممم الاكل حلو اوى انهاردة انتوا جبتوا طباخ جديد و لا ايه يا جدى
بص سليمان ل ليلى اللى بتاكل و عينها ف طبقها مفيش رد فعل منها و ابتسم دا طبخ ليلى صممت تطبخ انهاردة بنفسها
بصلها ببرود مش بطال اهو كويس انها طلعت بتعرف تعمل حاجة
ليلى لاحظ حركات ايدهم و عرفت انهم بيتكلموا بصتلهم و لاحظت نظرات مروان ليها بصتله و ضيقت عيونها ( خير ! ف ايه ؟! )
لف وشه من غير ما يرد عليخا و كمل اكله اتغاظت منه و بصت لجده يفهماها
ابتسم ( مروان عجبه الاكل جدا و بيقولك تسلم ايدك )
رفع وشه و بص لجده ببرود بس انا ما قولتش كدا يا جدى .. بصلها و كمل كلام بسخرية ( انا بقول كويس انك طلعتى بتعرفى تعملى حاجة )
بصت لجده لقته مركز ف الاكل بصتله و ابتسمت بسماجة ( اطفح بالسم الهارى ) رجعت بصت لجده لقته بيرفع راسه بصت لطبقها بسرعة
بصلها بغيظ و بعدين بص لجده بجدية .. احم جدى انا مسافر لندن بكرة
بصله و عقد حواجبه باستغراب ليه ؟!
عندى شغل هناك
بصله بدهاء .. شغل ايه دا اللى ف لندن من امتى و احنا لينا شغل ف لندن اصلا ؟!
اتوتر و اتهرب منه و مثل انه مشغول ف الاكل .. لا ما دا فرصة شغل جديدة عشان نوسع شغلنا
بص للاكل و شال معلقة رز .. امم و الشغل دا كام يوم ؟!
بصله بأمل انه اقتنع .. يومين تلاتة اسبوع على حسب يعنى الاوراق و الاتفاق و كدا
بص ل ليلى و رجع بصله بثبات .. طب كويس خد ليلى معاك
نقل عينه بينها و بين جده بصدمه .. نعم؟! لا طبعا يا جدى انا رايح شغل مش عايزها تعطلنى
ببرود و هو بيكمل اكل .. ايه العطلة اللى هتسببهالك ليك مواعيد شغل هتروحا و ترجع خدها بعد الشغل فسحها و فرجها الدنيا و قضوا يومين حلوين انتوا عرسان و ما خدتش اجازة شهر العسل ف دى فرصة كويسة و منى انا خدلك اسبوع اجازة يعنى معاك دلوقتي اسبوعين
بصله و رجع بصلها بضيق و رفع كوباية الماية يشرب
بصله بمغزى و خبث .. و عايزك ترجعلى بحفيدى
تف الماية اللى ف بوقه من الصدمة و جت على ليلى بصتله بقرف و بتمسح هدومها بسرعة
جده بصله بقرف .. ايييه القرف دا ؟!
اسف يا جدى مش قصدى بس يعنى ايه جاب سيرة الاطفال دلوقتي
اتكلم بصرامة.. انا عايز حفيد يشيل اسمى و اسم العيلة قبل ما اموت لانى عارف انى لو موت و سيبتك من غير ما اشوف عيالك يبقى اسم العيلة هيموت معايا و معاك
قرب منه بلهفةو مسك ايده .. بعد الشر عليك يا جدى ربنا يديك طول العمر
طبطب على كتفه .. الموت مش شر يا بنى الموت علينا حق و انا عايز اتطمن عليك و اشوفك مرتاح و سعيد
باس راسه .. ربنا يخليك ليا يا جدى
قام من مكانه متجه لاوضته ..طب انا قايم اريح شوية و انت الحق احجز ليك و لمراتك و يا دوب تجهزوا شنطكوا
بصلها بضيق .. حاضر يا جدى
مشى سليمان و مروان بصلها بضيق ( قومى حضرى الشنط عشان هنسافر )
بصتله لبرود و استحقار ( انا اسافر معاك انت ! )
فتح عيونه بصدمه ( ايه انت دى مش عاجبك و لا ايه ! بت انتى .. انتى مش شايفة نفسك دا انتى تبوسي ايدك وش وضهر انى وافقت اخدك معايا و دا مش لاجل سواد عيونك دا لاجل جدى .. ع العموم احسن انها جت منك انا اساسا مش طايقك )
عيونها لمعت بخبث هو لاحظه و وقفت مكانها ( غيرت رايى انا هاجى معاك .. هطلع بقى اجهز نفسي )
سابته و مشيت و هو بصلها بسخط .. متخلفة
راح حجز تذكرة ل جيلان تسافر قبله ف الطيارة اللى طالعة الفجر و اتحجج انه عنده شغل هيخلصه و يحصلها ف الطيارة اللى وراها علطول و حجز ليه و ل ليلي
رجع البيت و طلع جناحه بارهاق ما لقهاش ف الليڤنج خمن انها ف الاوضة دخل و اتصدم منها ..
معلش يا جماعة ع التأخير بس كان اليومين اللى فاتوا انشغلت ف الكلية و مش بلحق اكتب و شكرا لاى حد سأل عليا انا بخير و والدتى بخير😂♥️ العائق كان الكلية بس
تفاعل حلو بقى و انزل اللى بعده كمان شوية 🕊️♥️
أحببت بكماء( البارت التاسع )
رجع البيت و طلع جناحه بارهاق ما لقهاش ف الليڤنج خمن انها ف الاوضة دخل و اتصدم منها .. مين دى ؟! معقول هى ! هى ليه بتحلو كدا كل مدى .. عض شفايفه يا لهوى يابوى انا عايز من دا
كانت قاعدة على السرير و لابسة برمودا قصير و بلوزة حمالات و رابطة شعرها على هيئة ديل حصان مع ترك الحرية لبعض الخصل تداعب وشها و مندمجة ف التليفون و مش حاسة بوجوده
قرب منها بانبهار و عيونه بتمسح جسمها كله بنظراته اكيد ما حبهاش بس مجرد انبهار راجل بانثى وقف مكانه فجأة لما وصل لايدها و التليفون .. معقول بتعرف تقرأ و تكتب ؟! قرب منها بسرعة لمحته و قفلت الفون
شده منه كان اتقفل
بصلها بنظرات ثاقبة ( انتى كنتى بتعملى ايه ؟! )
بصتله بعصبية و مدت ايدها تاخد الفون ما رديش و بصلها بعصبية ( بقول كنتى بتعملى ايه يبقى تردى عليا )
ربعت ايدها و لفت وشها بضيق .. قرب منها و شدها من ايدها تواجهة بعصبية عيونهم اتقابلت للحظة خافت منه و من العصبية اللى ظاهرة ف عيونه و بصتله بتوجس
فجأة اتقلبت نظراته من عصبية لاعجاب و حب ! معقول ! لالا فوقى ليلى اكيد مش هيحبك دى مجرد شهوة
فجأة لمعت عيونها بخبث و قربت منه اكتر لدرجة انفاسهم اختلطت و حاوطت رقبته بايدها بنعومة غمض عيونه يحس بلمساتها و فتحهم تانى بسرعة قبل ما يغرق معاها اكتر اتفاجئ بيها قدامه بلع ريقه بصعوبه
لا لا لا يا مروان فوق ما تسلمش ليها ما تبقاش مسلوب قدامها فوق فوق ايه دا ! هى لمستها حلوة كدا ليه هو لازم افوق اوى اوى يعنى هى مراتى عادى يعنى ايوا قربى كمان كمان كمان اكتر غمض عيونه تانى يحس بجمال اللحظة و رفع الراية قدام سحرها
عقد حواجبه باستغراب لما حس ان الدفا اللى كان لافح خده راح فتح عينه لقاها ماسكة فونها بتلوحه قدامه و على وشها ابتسامة انتصار ممزوجة بالخبث
بصلها بعصبية و دخل الحمام و رزع الباب وراه اتفزعت مكانها و فضلت تضحك عليه و ف نفسها .. هو انت لسه شوفت حاجة دا انا هخليك تمشي ف الشارع و تقول حقى برقبتى
قفل الباب و وقف قدام الباب يتنفس بغ.ضب و عيونه حمرا و بعصب.ية .. انا يتلعب بيا ! و على ايد ست انا اللى ملفف البنات كلهم حوالين نفسهم واحدة تلففنى حوالين نفسي
خبط ايده ف الحوض بغ.ضب غبى غبى ازاى تستسلم قدامها كدا ليه الضعف دا قدامها ليه ! ليه ليييه ! مسك راسه بعصبية و اتنفس بع.نف و بلع ريقه بصعوبة و فتح الدش وقف تحته بهدومه يتنهد و يحاول يهدى
خرج من الحمام لابس تيشرت و بنطلون و بينشف شعره بصلها لقاها بتحضر شنطتها بهدوء قعد على الكرسي بارهاق و سند راسه ع الكرسي و غمض عيونه
بصت عليه باشفاق و رجعت افتكرت انه يستحق دا عشان تقدر تخليه انسان كويس مش لازم تضعف لو هى ضعفت هو هيستقوى عليها خدت القرار تمشي بمبدأ شوق و لا تدوق لو داق هيبعد و انا مش عايزاه يبعد مش عشانى لا عشان جده و و و عشانى كمان مش هنكر انى حبيته و اتمنى اكمل عمرى جنبه و اتمنى انه .. انه يحبنى و لو ربع حبى
اتنهدت بيأس و كملت ترتيب شنطتها خلصت و قفلتها و راحت تجيب شنطته ترتبهاله فتح عيونه و بصلها و هى ماسكة شنطته و بتفتح دولابه قام بعصبية و مسك ايدها شدها بعيد عن الدولاب ( انتى بتعملى ايه)
بصتله بهدوء ( هحضرلك شنطتك )
زقها بع.نف و لف لدولابه بدون ما يبصلها خد هدومه اللى محتاجها يحطها ف الشنطة و رجع بصلها ( شكرا مش عايز من وشك حاجة انا بعرف احضر لنفسي مش محتاج مساعدة فلاحة زيك )
قلبت عيونها بملل ( ايوا انا فلاحة و دا مش عيب و لا شتيمة و فخورة انى فلاحة و لو فعلا الفلاحة دى عار او عيب ما تنساش ان جدك من البلد دى و اصله فلاح و السرايا اللى انت عايش فيها و العربية و الفلوس اللى بتصرفها و تجيب بيها احلى لبس دا من خير الفلاحين اللى مش عاجبينك )
قربت منه خطوة بتحدى و بصت ف عيونه بقوة ( انت نفسك اصولك فلاحين مهما تدِّعى انك ابن اجانب ان اصلك فلاح دمك بيجرى فيه دم والدك الفلاح مهما تلف و تحاول تغير من الحقيقة دى مش هتقدر )
رفعت راسها بفخر و كبرياء ( الفلاحين دول احسن ناس على الارض و انك تقولى يا فلاحة دا ما يعيبنيش بالعكس دا انا اتشرف انى اتلقب بالفلاحة )
مين دى ! مين دى! مين دى ! صدمة ورا صدمه ..كل مرة اكتشف حاجة جديدة فيها فيها قوة و ثقة بالنفس يستحيل اشوفها ف واحدة جاهلة .. جايبة القوة و الثقة اللى بتتكلم بيهم منين ؟! و انا معاها بنسي انها بكماء اصلا و كأنى بكلم انسانة كاملة و مكرها و دهائها ااااه من مكرها اااه .. اه من دهاء حواء اللى ف عيونها
التفاعلبيقل يا شباب و انا مش هنزل البارت الجديد الا ما التفاعل يرجع تانى
و الناس اللى بتشوف بصمت و تبخل بالتفاعل دى هو انتوا هيحصلكوا حاجة لو ضغطوا على الريأكت 🙄
البارت 10من هنا هنا
تعليقات
إرسال تعليق