 |
البارت التاسع 💥 بقلم سلطان زماني
طلبت منها اني اتاكد بعد محاولات لقتها قربت مني وشغلت
فويس وسمعتها وهي بتقوله هدخل اخد شاور عقبال
ماتيجي وفويس ليه هو بيقولها اني مي شكه فيه وعايزين
يخفو كلام الفترة الجايه وشات بينهم قزر كلام عن العلاقة
الي بيعملوها مع بعض قولتلها خلاص يامي شكرا
مي ..حسن انا اسفه بجد .وصدقني أنا حسه بيك ومقدرة
الي انت فيه
واوعدني انك تنسي وتتخطي المرحلة دي ومتخلنيش اندم
اني قولتلك
_ان شاء الله طبعا
مي مشيت وانا فضلت قاعد تائه الدنيا بتلف بيا
بقا كل الفترة دي كلها وهي مش بتحبني كل التعب الي تعبته
ده والصبر والتحمل والعذاب الي اتحملته منها علي امل اني
ربنا يهديها وتعقل وتسعدني وتقدر حبي وتعوضني .قلبها
مشغول بوحد غيري
لدرجادي ياحسن انت مغفل ولا هي الي شاطره وعرفت
تلعب عليك .لا لا لا هي تربية ابويا ليا وأنه كان قافل علينا
ومضيق الخناق علينا وحلال و حرام وعيب وغلط وميصحش
لا لا انت الي كنت فاكر
اني البنات كلها زاي اخواتك محترمين وبيفهمو في
الأصول وملتزمين معقول في ناس متعرفش ربنا كده
جبارين بلشكل ده ازاي
يجلها قلب تعمل كده وأزاي عارفه تمثل وتظهر نفسها بشكل
تاني غير حقيقتها
ركبت عربيتي ورحت ليهم ملقتش باباها هناك كانت هي
وامها وأخوها وجوز رباب ورباب اول ما دخلت قالتلي انت
اي الي جابك مامتها حطت أيدها ع بوقها وخدتها ودخلت
جوه رباب سلمت عليا وجوزها سلم عليا وقالي مالك انت
تعبان ولا اي قولتله اه شوية قالي حاسس ب اي ماتيجي
طيب نروح مستشفي تطمن رباب دخلت عملتلي عصير
فضلت قاعد ساكت ووكل ما اغمض عيني اشوف الشات الي
بينهم واسمع الفويس وصوتها يرن في وداني
مامتها بخبث ومكر اخدت رباب علي جنب اتكلمت معاها
بصوت واطي وهي قالت لجوزها يلا ياحبيبي علشان الوقت
اتاخر قامو وسلمو عليا ونزلو
حماتي ...خير ياحسن جي ليه
_ جاي اتكلم مع هويدا واعرف منها لما هي مش بتحبني
اتجوزتني ليه ده انا كنت قربت اتجنن من الي بنتك بتعمله
فيا عايز اعرف أنا اذتها في أي علشان تخدعني وتخوني
وتوجعلي قلبي كده
اخوها ..تخون مين ياض انت ما تتكلم ب أدب بدال ما امسح بكرمتك الأرض
_ كرمتي لا ملوش لزوم اختك قامت بالواجب
حماتي ..امشي ياحبيبي انزل انت وانا هتفاهم معه
اخوها نزل وفضلت تتوه في الكلام وعايزه تقنعني اني مي
بتخرب عليكم واني كلام زاي ده لو حمايا سمعه هيخرب
الدنيا وهويدا هتضيع منك يا حسن
قولتلها ما تضيع عادي ياحجه بعد اذنك أنا عايز اتكلم معها
ندهت عليها وجت ببجاحه بتقولي خير
قولتلها أنا تخونيني وتطلعي بتلعبي بيا وبتخدعيني طول
الفترة دي
قالتلي اخونك والعب بمين انت اتجننت ولا ايه ما تفوق
وحاسب ع كلامك ياحسن
يتبع 💥 التفاعل وحش جدا
تعليقات
إرسال تعليق