 |
#سيدرا
#البارت_الرابع والخامس الأخير
رفعت سيدرا وشها وهي مش مستوعبه الجمله اللي قالها هو فعلا اعترفلها مباشر كده يزن المعقد البارد الجبله اعترفلها لا لا هي اكيد نايمه وبتحلم !!
يزن وهو بيتكلم قدام وشها : ايه ياسيدرا متنحه ليه؟!
واخيرا استوعبت سيدرا ان ده ما كان اللي حقيقه ...حقيقه صدمتها خلتها مش قادره تفكر او حتي ترد وكأنها صنم لا بتسمع ولا بتتكلم ولا حتي بتتحرك
سيدرا واخيرا اتخلت عن سكوتها: انت جاي تهزر ؟
يزن بهدوء وهو بيبعد عنها : لا مش بهزر انتي حبيبتي
ضحكت سيدرا لا ضحكت ايه ديه ماتت من الضحك كانت عماله تضحك بهستريه وكأن يزن قالها نكته ...
يزن وهو بيضحك علي ضحكها وبيقولها بدهشه: انتي بتضحكي علي ايه ؟!
سيدرا وهي لسه بتضحك: لا اصل سمعت نكته ضحكتني ههههههههه انت مبتضحكش معايا ليه ياراجل ما تضحك ههههههه
نفذ صبر يزن واتخلي عن بروده وهو بيزعقلها: ما تهدي انتي اتجننتي ولا ايه الضحك من غير سبب قله ادب ..
وقفت ضحك وهي بتبصله من فوق لتحت بسخريه : صدقني النكته ضحكتني اوي متبقاش تقول نكت تاني عشان انا ما بصدق افتح في الضحك ...تصبح علي خير يا يزن باشا ...
خرجت من المطبخ ويزن خرج وراها وهو بيتلفت يمين وشمال وبيشوف في حد ولا لاء ومره واحده شدها وهو بيكتم بوقها وبيدخل اوضته وهي بتتحرك يمين وشمال عشان يسيبها بس مفيش فايده ..
دخل يزن وقفل باب اوضته وسندها علي الباب وهو لسه مكتف ايدها الاتنين وايده علي بوقها ...
يزن بحده: هشيل ايدي وهتكلم وانتي هتسمعي والله ياسيدرا لو صرختي او عملتي اي حركه هزعلك تمام؟!
هزت سيدرا رأسها بسرعه وهي واقفه وعنيها مفتوحه علي اخرها من تصرفاته اللي مبقتش مفهومه ...
شال يزن ايده وهو بيبصلها بتحذير من عينه تعمل اي حركه غدر ...
سيدرا وهي بتحاول تاخد نفسها وبتتكلم بعصبيه: ايه اللي انت عملته ده انت اتجننت ؟!
يزن وهو بيحاصرها وبيقرب وشه من وشها وبيبص في عنيها من غير ما يتكلم عمال بس يبص في عنيها وفي ملامحها خدودها اللي بتحمر لما بتتعصب عنيها اللي بتقلب زي القطط شعرها اللي مغطي وشها من عصبيتها الزياده
بلعت سيدرا ريقها وهي بتبصله : ا انت بتبصلي كده ليه؟!
يزن بحب: بحبك ياسيدرا ....
لا لا كده كتير نهار اسود ده قالي بحبك ده قالها الجبله نطق ياجدعان ياخلللق لولولولولولولولي الجبله نطق ...بس لا لازم اربيه واعرفه مين سيدرا هو فاكرني ايه معنديش كرامه لا والف لااااا ( عديمه كرامه بتتكلم انا اول مره اشوف عديمه كرامه بتتكلم)
كل الكلام ده قالته سيدرا لنفسها وهي بتبص في عنيه اولا بفرحه اتحولت لنظره تحدي ...
سيدرا وهي بتحاوط رقبته بخبث: وانا كمان يايزن ...
يزن وهو بيبلع ريقه بصعوبه وبيحاوط خصرها: وانتي كمان ايه ؟!
سيدرا وهي بتقرب من ودنه وبتتكلم بمكر: بحبك بس زي اخويا ولما نتطلق ان شاء الله هنفضل اخوات وبنحب بعض .....
مره واحده صرخت بوجع وهي بيضغط علي وسطها وبتكلم ما بين سنانه بغل : قسما بالله لو ما اتعدلتي ياسيدرا ورضيتي بالامر الواقع اني جوزك وهفضل جوزك وتنسي كلمه اخوات ديه لهعدلك
خافت سيدرا من نبره صوته ودمعت وكان باين عليها الخوف وشجاعتها المزيفه اتبخرت وكأنها بتقوله بعنيها " غبي انت غبي عشان مش فاهم كل ده اني بحبك بس موجوعه من اللي حصل زمان "
يزن وهو بيبعد وبيحاوطها من تااني وهو باصص في عنيها بندم : انا اسف
اسف !! كمان اسف لاااا ده يزن سخن النهارده باين عليه
سيدرا بتلقائيه وهي بتحط ايدها علي وشه : انت سخن ولا حاجه ؟!
يزن : هههههه لا مش سخن ليه ؟!
سيدرا: اصلك قولت حاجات متتصدقش
يزن بقله حيله: لا يتصدق ...عارف انك مستغربه بعد ما رفضت حبك زمان اجيلك واقولك بكل صراحه اني بحبك واتأسفلك كمان ...بس ده ربنا بيغفر احنا بني ادم مين مش هنغفر لبعض الغلط ؟! سامحيني ياسيدرا كنت غبي ومعرفش قيمتك ولا اعرف اني هحبك بالشكل ده كده ...ممكن تقبلي ونبدأ صفحه جديده مع بعض وصدقيني هتخليكي تنسي اللي حصل زمان ...ممكن!
سيدرا بدموع زي الاطفال: بس انا لحد دلوقتي مش قادره انسي يايزن م مش قادره انسي انك قولتلي اني وحشه ...تعرف يايزن انا كل الناس بتقول عليا فعلا وحشه تعرف ليه ؟! عشان انا اللي قررت ابقي وحشه
يزن : يعني ايه ؟!
سيدرا: يعني بعد كلمتك مبقاش عندي ثقه في نفسي ودخلت الكليه كنت بلبس اوحش حاجه عندي بلبس عبايات بتاعه ماما بمشي شبه العواجيز في الشارع مانا وحشه بقي مش هتفرق لو لبست حلو او حتي وحش محدش هيبصلي في الحالتين ....تعرف اني بكره نفسي بسببك ؟! طب اقولك علي الكبيره !
يزن بوجع : قولي
سيدرا : انا مش هعيش كتير يايزن ...
يزن وقلبه بيدق بخوف : ي يعني ايه ؟!
سيدرا : يعني انا عندي كانسر ومحدش يعرف الموضوع ده غيرك لو عايزني اسامحك فعلا متعرفش حد ....
يزن بوجع ودموع نزلت ...دموع !! يزن بيعيط لا لا كده كتير فعلا بيعيط عشانها هو فعلا بيحبها طب لو بيحبها ليه مكنش بيبن ده ؟! ليه مكنش بيبين ده
يزن وهو بيشدها ويحضنها جامد وبيعيط جامد : انا اسف والنبي سامحيني والله العظيم انا بحبك ...هتتعالجي وهتبقي احسن من الاول مش هتخلي عنك والله بس انتي متتخليش عني مش بعد ما حبيتك هتروحي ....
انهارت قوتها خلاص مبقتش قادره تداري حبها اكتر من كده حضنته جامد اوي وهي بتعيط : وانا مبحبش غيرك
سيدرا وهي بتغمض عنيها : انا هدخل انام تصبح علي خير
قرب يزن منها وباس خدها برقه : وانتي من اهلي يانجمتي ...
خرجت سيدرا بسرعه وجرت علي اوضتها بتبص لقت ملك واقفه متعصبه وعماله تشتم في حد
مسحت دموعها بسرعه وهي بتقول بهزار: في ايه يابت مالك ؟!
ملك : الحيوان الحقير يقولي اناا ...انا متربتش ومحتاجه اتربي ؟!
سيدرا بأستغراب: الله هو مين ده يابت في ايه ؟!
فلااش باك
بعد ما خرجت سيدرا من الاوضه دخلت ملك تقف في البلكونه وهي فاتحه التلجرام ومره واحده ظهرتلها رساله من رقم غريب
" بت انتي ادخلي جوا بلبسك اللي شبه الرقاصين ده انتي واقفه في نايت كلاب "
قرت ملك الرساله بعصبيه وهي بتبص يمين وشمال يمكن تكتشف الحيوان ده بس ملقتش حد
ردت عليه بكل عصبيه: افندم ؟! انت مين انت ياحيوان عشان تقولي كده
الشاب: احترمي نفسك ياملك عشان متلاقنيش واقف في اوضتك دلوقتي وهتبقي فضيحه ادخلي اوضتك واتكلمي ورب العزه لو عارضتي هتلاقيني فعلا واقف ...
قرت ملك الرساله وخافت فعلا ودخلت وهي بتقفل بلكونتها برعب لا ده شكله مجنون فعلا ويعملها ساعتها هتموت يزن هيشنقها ....
ملك : ممكن افهم انت مين عشان تتحكم فيا كده؟!
الشاب: مش وقته بس كل اللي هقولهولك اني جوزك المستقبلي ان شاء الله
ردت هي بكل تلقائيه وغباء: اه ده عند امك
الشاب :انتي متربتيش ومحتاجه تتربي ان شاء الله هربيكي
قال الجمله وقفل ومبقاش يرد علي ملك اللي هتموت من الغيظ وتعرف مين العبيط ده
فلاااش باااك
سيدرا بضحك: ههههه يادبله الخطوبه عقبالنا كلنا ..
ملك بغيظ وهي بتضربها بالمخده: بس يابت وربنا اطلع غلي فيكي ؟!
سيدرا : لا ياستي وعلي ايه انا هنام احسن
ملك : نعم ياختي مش هيحصل انتي لازم تقوليلي اللي حصل بالتفصيل !!
سيدرا : لا بكره بجد مش قادره الصداع هيموتني تصبحي علي خير ...
تاني يوم الصبح صحت ملك وعماله تصحي في سيدرا مش بترد
ملك : انتي يابنتي قومي يالااااا
مفيش رد
خافت ملك وفضلت تهز فيها وهي ولا هنا
ملك برعب: ياباباا يايززززن الحقوني سيدرا مش بترد عليا
في ثواني وصل يزن باب الاوضه وهو بيبص علي سيدرا اللي باين علي وشها الشحوب برعب حقيقي
جري بسرعه نحيتها ومسك ايدها اتنفس براحه لما لقي في نبض شالها وجري بيها علي المستشفي وهو مرعوب خايف يفقدها لا لا سيدرا بتحبه هو طلب منها متسبهوش هي اكيد مش هتتخلي عنه لااا وافتكر ساعتها جمله واحده بس قالتهاله دكتوره في الكليه
" اخبر من تحب اليوم انك تحبه فربما لم يكن هناك غدا"
#ايمان_شلبي
ان شاء الله هكمل بكره بس عايزه تفاعل كتشير اوووي😂😂😂
ياجماعه انا كاتبه في الجروب هنا روايات كتيره شوفوها هتعجبكوا❤️
#سيدرا
#البارت_الخامس_والاخير
راحوا المستشفي ويزن شايل سيدرا علي ايده وبيعيط زي الطفل الصغير اللي خايف يفقد امه ...
زعق في كل اللي كان واقفين عشان يجيبوا سرير ويحطها عليها
وفي ثواني كان قدامهم السرير وهو حطها برقه ولسه هيدخل منعته الممرضه " اسفين يافندم مينفعش تدخل"
بعد شويه من التوتر والخوف والعياط من يزن اللي استغربه محروس اوي معقوله يزن بيحب سيدرا بالشكل ده ....
قرب منه وهو بيربط علي كتفه : متقلقش سيدرا قويه ديه بنتي وانا عارفها ....
اترمي يزن في حضنه وفضل يعيط زي الاطفال ...
يزن بكلام مش مفهوم : انا بحبها ....مكنش ينفع اسيبها ....مكنش ينفع اجرحها كده ...انا غبي والله غبي وعرفت قيمتها عرفت اني مقدرش اعيش من غيرها ...والنبي ياعمي خليها تعيش والنبي قولها تسامحني ...
لسه هيرد الدكتور خرج اتنفض يزن وهو بيجري عليه بسرعه وخوف من عينه ...
ايه سيدرا كويسه صح ؟!
الدكتور بأستغراب: انا مستغرب اللي حصل
يزن بخوف : ا ايه اللي حصل سيدرا جرلها حاجه؟!
الدكتور بأبتسامه : لا الانسه بخير ده حتي ربنا شفاها من الكانسر عشان كده بقولك انا مستغرب بس طبعا ربنا قادر علي كل شيئ هي بس اللي حصلها ده كان ضعف مش اكتر بس هي بخير ...
الدكتور خلص كلام من هنا ويزن سجد علي الارض وهو بيعيط وعمال يشكر ربنا:
يزن بدموع: يارب الحمد لله يارب الحمد لله انا بحبك اوي يارب. ...بحبك والله
محروس : يزن
قام يزن وهو بيحضنه : الحمد لله سيدرا ربنا شفاها ياعمي سيدرا مبقاش عندها كانسر
محروس بصدمه: كانسر !!
يزن وهو بيبعد عنه وبيبلع ريقه بصعوبه: ع عمي والله انا لسه عارف امبارح بس الحمد لله ان ربنا شفاها ...
جري محروس علي الاوضه وهو بيفتحها كانت سيدرا قاعده بتعب وسانده دماغها علي السرير ...
محروس بدموع: سيدرا
لفت سيدرا وهي بتبصله بفرحه : بابا حبيبي
جري عليها محروس وهو بيحضنها جامد وبيخبيها في ضلوعه وكأنه خايف يخسرها فعلا ....هي كانت هتروح منه معقوله اللي ماليه عليه حياته كانت هتروح زي مامتها ....
محروس وهو بيحاوط وشها وبيبوس في ايدها : ليه مقولتليش ياسيدرا ليه ؟
سيدرا بدموع: انا سفه يابابا ...اسفه والله بس كنت خايفه عليك ..خوفت تتعب ويجرالك حاجه ساعتها مكنتش هسامح نفسي
محروس : الحمد لله انتي مبقاش عندك كانسر
سيدرا بأستغراب: ده ازاي؟!
محروس: الدكتور اللي قال كده ان ربنا شفاكي حتي هو مستغرب بس ربنا قادر علي كل حاجه
سيدرا وهي بتعيط جامد وبترفع ايدها الاتنين للسما: الحمد لله يارب الحمد لله الف حمد وشكر ليك يارب
محروس: ايه يايزن مش سامعلك صوت ليه ؟!
سيدرا: يزن ! هو فين يزن ؟!
لف محروس وهو بيدور علي يزن في الاوضه مش لاقيه قام خرج بره برضو مش لاقيه ...الاه !!😂🙄
دخل تاني لسيدرا اللي قاعده بلهفه انها تشوفه ...
سيدرا: ها يابابا راح فين ؟!
محروس: والله مش عارف ده كان معايا بره ومبطلش عياط من خوفه عليكي
سيدرا بصدمه: عيااط !!!
محروس: استني هرن عليه
رن عليه مره في التانيه في التالته مفيش رد
محروس بقلق: هيكون راح فين بس ؟!
سيدرا بخوف: م ما يمكن مثلا روح البيت ؟!
محروس: اه ممكن عشان احنا نزلنا وسيبنا ملك لوحدها
قامت سيدرا وهي بتعدل هدومها وطرحتها : طب يالا بسرعه يابابا نروح علي البيت
محروس : يالاا
راحوا البيت وطلعوا ومحروس فتح الباب ودخل وسيدرا دخلت وراه ووقفت تنحت في مكانها ..
سيدرا بصدمه :ي يزن
قرب منها يزن اللي ماسك بوكيه ورد شكله حلو جدا وقعد علي ركبته وهو بيطلع من جيبه علبه حمرا فيها خاتم شكله جميل زي جمال نقاء قلبها
يزن : انا اسف ...تقبلي تسامحيني ونكمل حياتنا مع بعض ؟!
سيدرا بدموع وهي بتهز راسها: اقبل
لبسها يزن الخاتم وقام حضنها وشالها ولف بيها
ملك بهيام: هييييح اوعدنا يارب
اتهز بعدها الفون بتاعها برساله فتحته وفتحت عنيها علي اخرها بخوف ...
" اتلمي يوعدك بمين ياهانم ...اومال انا كيس جوافه!!"
لفت ملك بخوف وهي بتبص علي الكل ملقتش غير سيدرا ويزن وباباها مفيش حد رابع معاهم نهار اسود ياجدع ....
دقايق ودخل ادم صاحب يزن من الباب وبيبص لملك بغضب حتي انها استغربت اللي حصل !!
ادم: الف مبروك ياصاحبي ...الف مبروك ياانسه
سيدرا بحرج: الله يبارك فيك و واسفه علي اللي حصل المره اللي فاتت
ادم : لا ولا يهمك
يزن بغيره: هو ايه اللي حصل؟!
ادم: هبقي احكيلك بعدين المهم اني عايز احدد معاد الفرح
ملك بأندفاع وحزن لانها بتحبه: فرح مين ؟!
ادم بجمود: بصي في فونك وانتي هتعرفي
ملك بصدمه: ه هو انت ؟!
ادم: ايوه انا عندك مانع
ملك بفرحه : لا
يزن : طيب علي بركه الله فرحنا احنا الاتنين يوم الخميس الجاي
ملك وسيدرا في نفس واحد: لولولولولولولي
"بس ياسيدي هي ديه الحكايه "
قال الجمله ديه يزن وهو قاعد قدام ابنه سيف وبنت اخته داليدا وبيحكلهم قصه حياته ....
سيدرا بمرح: بس ياسيدي ومن ساعتها لبسنا
يزن وهو بيكشر: لبستي!!
قربت منه سيدرا وهي بتحضنه : بس احلي لبسه ياروحي
حضنها يزن وحضن سيف وداليدا وهو بيشكر ربنا علي عيلته اللي ملت عليه حياته
سيف وهو بيبعد داليدا بغيره: بابا لو سمحت متحضنهاش
اللحظه ديه دخلت ملك وادم اللي كانوا عند الدكتور بيشوفوا نوع البيبي لانها حامل ....
ادم: وميحضنهاش ليه ياباشا ؟!
سيف وهو بيشدها لحضنه: عشان انا هتجوزها
شدها ادم منه بغيره وهو بيقوله : وانا مش موافق بقي
سيف بغضب طفولي: لا هتجوزها وهتشوف
قال جملته وخرج من المكان بغضب ...
يزن بضحك: ههههه ابني تربيتي
ضحكوا كلهم علي اللي حصل واتأكدوا ان هتبقي قصه حب جديده هتبدا في العيله ....
بليل بعد ما الكل مشي وفي اوضه يزن وسيدرا كانوا قاعدين في البلكونه وسيدرا سانده علي صدره وهما الاتنين بيبصوا للسما ...
سيدرا: تعرف يايزن اني مكنتش اتخيل حياتي تبقي حلوه كده مكنتش اتخيل اعيش اصلاً
حضنها يزن بخوف وهو بيقولها بغضب: متقوليش الكلمه ديه تاني سامعه
سيدرا بفرحه من خوفه عليها: حاضر طب تعرف حاجه كمان ؟!
يزن : قولي ياحبيبتي ؟!
سيدرا: بحبك اوي
يزن : وانا بحبك اوي معرفش ازاي وامتي بس حبيتك اكثر من نفسي يانجمتي ...
"لا يوجد محاولات في الحب ،الحب يأتي علي غفله بدون مجهود فإن كنت تبذل مجهود لكي يُحبك احدهم فأنت علي الطريق الخاطئ تماماً"
تمت
#ايمان _شلبي
تعليقات
إرسال تعليق