 |
البارت قبل الأخير والاخير
البارت ٣٦_ ٣٧
الحمد لله عملنلها غسيل معده وهي بقت كويسه
ساره ، طب ممكن ادخلها والنبي يادكتور
الدكتور ، نفسيتها مدمره جامد لازم تروح لدكتور نفسي
ساره ، ماما عشان خاطرى بنتي مالها مش معقول كل اللي حصل لها ده بسبب انها مسلمتش عليكي
منال ، بنتك بتحب يوسف ابن اختك وهما اتخانقوا مع بعض
رائد ، بتحبه ازاي يعني
منال ، هو اي اللي ازاي
رائد ، يعني هما كانوا بيذاكروا مع بعض واللا بيحبوا في بعض
منال ، رائد معلش نحاول نصلح مابنهم عشان الاتنين شكلهم بيحبوا بعض اوي
يوسف دخل المستشفى جرى والدموع ماليه عينه
يوسف ، خالتو ايلا عامله ايه دي الوقت
رائد ، انتو اتخانقتوا ليه
يوسف ، مش وقته يا خالو هي عامله اي
منال ، اطمن يا حبيبي بقت كويسه
يوسف دخل جرى اوضه ايلا من غير استأذان
رائد ، هو ايه ده وجاي يدخل وراه
منال ، سيبه معلش عشان خاطرى
ايلا ، انت ايه اللي جابك هنا مش عايزه اشوفك وراحت معيطه
يوسف ، هتموتي نفسك عشاني أنا مستهلش منك كده
ايلا ،. ماشي ياللا امشي بقي
يوسف ، امشي بجد يعني أنا جاي جرى وكنت هعمل مليون حادثه عشان اجي لروحي الحقها واقولها اني لو حصلها حاجه أنا هموت نفسي عشان مش هستحمل اعيش من غيرها عشان هي كمان بتحبني
ايلا ، أنا والله يا يوسف كنت هقولك علي حوار بباك وكتبتهولك في الهديه وكل كلمه كانت من قلبي وانا والله مابكدب
يوسف ، هشش أنا بحبك اوي وهتجوزك غصبا عن أبويه وابوكي
رائد دخل هو وساره ومنال وايلان
رائد ، غصبا عن ابوها ازاي يا يوسف
يوسف ، احمم أنا بهزر يا انكل طبعا انت هتحوزهالي من غير ماتطلعي عيني
رائد ، لا أنا بنتي غاليه ومش هجوزها غير أما اطلع عين اللي هيتجوزها بشروطي وانا حاطط رجل علي رجل
ساره ، احنا بنتنا مش رخيصه ههههه
ايلا ، ههههه
ايلان ،. ياعم اخلع دول هيطلعو عينك
الباب خبط دخلت فرح وسليم
فرح ، حبيبتي الف سلامه عليكي ليه تعملي في نفسك كده
رائد ، اسألي ابنك اي اللي حصل خلاها تعمل في نفسها كده
يوسف ، أنا ماشي خالص اهو من المكان يا انكل
سليم ، استني يا يوسف حد يسيب خطيبته ويمشي
يوسف ، بجد يا بابا
رائد ، ابوك طالب ايد ايلا مني من زمان بس انا قولتله أما تخلصوا امتحانات
يوسف ،. طب ليه اللي عملته فيا انهارده ده
سليم ، كنت عايز اشوفك بتحبها بجد واللا حب وقتي وهيخلص
ايلا ، بس انا مش موافقه
يوسف اتبدلت ملامحه لتكشيره ، براحتك وانا اصلا مش هموت عليكي
ايلا ،كنت سيبتني اكمل كلامي خلاص انا مش موافقه يا يوسف بس كده
يوسف ، طب أنا آسف كملي مش موافقه بعدها اي
رائد ، هههههه
ايلان ، قولتلك اخلع يا برنس مسمعتش كلامي
يوسف ، انتي تخرسي خالص
فرح ، والله انتي عسل يا ايلان ههههه
ايلا ، مش موافقه غير أما تتغير وتبطل تتقمص بسرعه
يوسف ، أنا مبتقمص
ايلا ، لا قماص جامد ومبتحبش الهزار
فرح ، والله يا بنتي نفس شخصيه أبوه بالضبط
سليم ، ماله أبوه
فرح ، أبوه ده حبيبي
ساره ، هههههههه
سليم ، ها هتعمل اي يا رائد
رائد ، انتي شايفه ايه يا ايلا
ايلا بصت ليوسف لدقيقه ، مش موافقه غير أما يتغير يابابا
يوسف ، مش هتغير يا ايلا عشان ده طبع ومش هتعرفي تغيريه
ايلا ، لا هتتغير يا يوسف
يوسف ، قولت مش هتغير
ايلا ، وانا مش عايزاك يا يوسف مش عايزااااك ابعد عني بقا
يوسف خرج من الأوضه ومشي
الدكتور دخل ، في ايه يا جماعه صوتكم لآخر الطرقه دي مستشفي ممكن حضراتكم كلكم بره عايز اطمن عالانسه عشان لو هتروح انهارده
رائد ، تمام ياللا يا جماعه
،،،،ؤؤؤؤ،،،،،،،،،
بعد اسبوعين ويوسف وايلا مبيكلموش بعض
ايلا ، ياللا يا ايلان عشان عايزه اتفسح اليوم كله سيلا تحت بقالها ساعه واقفه خلصي
ايلان ، أنا جهزت ياللا
ايلا ، ياللا بينا ياقمر
نزلو لسيلا
سيلا ، كل ده تأخير
ايلان ، البركه في ايلا
ايلا ، أنا بردك يا كدابه
سيلا ، انتو هتتخانقوا ياللا يا جماعه عشان نلحق نعمل شوبنج وناخد اليوم كله بره
ايلا ، ياللا بينا
،،،،،،،،،،،،،،،،
ايلان ، سيلا أنا جعانه تعالي نروح ناكل اول
سيلا ، اوك بس هناكل اي
ايلا ، نفسي في ساندوتش كبده من علي العربيه
سيلا ، يخربيت قرفك
ايلان ، وانا كمان ياللا بينا
سيلا ، إمري لله
ايلا ، سوقي براحه شويه عشان أنا حاسه أننا هنعمل حادثه وهنموت انهارده بسببك
وقفوا على عربيه كبده وفضلو يأكلو في السندوتشات
لحد ما معدوش قادرين
،،،،،ؤؤؤؤؤؤؤ،،،،،،،،،
عند سيف
عمر ، الو ايوه يا سيف
سيف ، اي يا حبيبي معاك
عمر ، بقولك أنا عايز اجي أنا وبابا وماما عشان عايز اخطب الانسه سيلا
سيف ، هههههه سيلا اختي
عمر ، ايوه يا سيف
سيف ، انت كنت بتقرطسني يا عمر
عمر ، والله ابدا بس انا معجب بشخصيتها وكيانها وكفايه أنها اختك
سيف ، يعني انت مصاحبني السنين دي كلها عشان اختي
عمر ، والله ابدا انت صاحبي وحبيبي ولو محصلش نصيب فااحنا أصحاب وهنفضل أصحاب
سيف ، أمم تمام انا هكلم بابا وارد عليك
عمر ، ماشي يا سيف بس ياريت متزعلش مني
سيف ، لا عادي أنا اصلا كنت فاهم نظراتك وكنت باخد بالي منك كويس
عمر ، أنا آسف كمان مره يا سيف والله
سيف ، اقفل يا اهبل اقفل
سيف قفل وراح يقول لابوه
،،،،ؤؤؤؤؤ،،،،،،،،
ايلا ، ااااااه
سيلا ، مالك
ايلا ، بطني همووووت
ايلان ، طب تعالو نروح المستشفي بسرعه
ايلا ، اااااه
سيلا ، طب اركبي عشان نروح المستشفي ياللا
،،،،،ؤؤؤؤؤ،،،،،،،
سليم ، خلاص استني ناخد راي اختك أما تيجي لو وافقت تمام خليه يجي
يوسف ، اي ده انا شامم في الموضوع عريس هههه
سليم ، اه زميل اخوك عايز يتقدملها
سيف اتصل بسيلا ، الو سيلا انتي فين
سيلا ، رايحين المستشفي ايلا تعبانه اوي
سيف ، هي اللي بتسرخ جنبك دي
سيلا ، اه تعبانه اوي يا سيف
سيف ،، طب روحي المستشفى وانا رايح لكم حالا
سليم ، في ايه مين رايح المستشفي في ايه
سيف ، ايلا تعبانه اوي وعماله تصرخ جامد بطنها وجعاها جامد انا رايح لها
يوسف سابهم ونزل جرى راح عالمستشفي
يوسف ، فين ايلا
سيلا ، في الاوضه جوه بيركبولها محاليل
يوسف ، هي مالها
سيلا ، اكلنا سندوتشات كبده من على العربيه وكانت حاره جدا هي اكلت وتعبت الدكتور بيقولنا بسبب الحبوب اللي كانت اخداها ايام ماكانت بتنتحر المعده تعبت جامد وممنوع تاكل اي حاجه حاره
يوسف ، اهدي يا ايلان بتعيطي ليه
ايلان ، منظرها مبيروحش من عيني وهي بتسرخ جامد
يوسف ، أن شاء الله هتبقي كويسه
الدكتور خرج ،
يوسف ، اخبارها اي يادكتور
الدكتور ، بقت كويسه بس ياريت تبعد عن الحار ياريت
يوسف ، تمام يا دكتور
الدكتور ، عن اذنكم وراح ماشي
يوسف ، أنا ماشي مش عايزين حاجه
ايلان ، انت مش هتدخلها
يوسف ، لا
ايلان ، ليه كده يا يوسف ليه بعدان عن بعض بالشكل ده
يوسف ، هي اللي قالت مش عايزاني
ايلان ، طول الليل بتفضل ماسكه الموبايل فاتحه صفحتك عالفيس و تفتح صورتك وتقعد تعيط يا يوسف ارجعلها بقي
يوسف ، لا
سيلا ، يوسف ايلا كان نفسها تتغير وللأسف عمرك ماهتتغير
يوسف ، أنا ماشي سلام
ايلان ، والله ماعندك ريحه الدم
يوسف ، شكلي هخسرك انتي كمان يا ايلان وراح ماشي
بعد اسبوع يوم قرايه فتحت عمر وسيلا
عمر ، أخيرا اتخطبنا ده انا حاسس ان قلبي هيقف من الفرحه
سيلا ، بعد الشر عنك يا حبيبي
عمر ، بجد حبيبك
سيلا ، من زمان يا عمر من اول ما دخلنا الجامعه اول ماشفتك حبيتك بقالي اربع سنين بحبك
عمر ، لا أنا بعد الكلام الحلو ده هخلي الفرح بكره بدل كمان شهر
سيلا ، انت مجنون والله
عمر ، علا أنا اتجننت خالص بعد الكلام الحلو ده
،،،،،،
في مكان تاني
ايلا واقفه علي جنب بتلعب بالموبايل
يوسف ، في حد يجي خطوبه يلعب بالموبايل
ايلا ، اه أنا وراحت باصه للموبايل تاني
يوسف ، تعرفي انك وحشتيني
ايلا سابته ودخلت البلكونه
يوسف دخل وراها
يوسف شد الموبايل من أيدها ، ده مش احترام علي فكره
ايلا ، هو ايه ده
يوسف ، أما اكلمك تكلميني وتردي عليه مش ماسكه الموبايل ومش معبراني
ايلا ، هات الموبايل أنا مش عايزه اكلمك اصلا
يوسف ، وحشتيني اوي. يا ايلا وحشتيني بجد
ايلا ، ماهو باين
يوسف ، تحبي ابينلك وحشتيني ازاي وفضل ماشي يقرب منها لحد ما لزقت في الحيطه
ايلا بصدمه ، هتعمل ايه اوعا هسرخ
يوسف قرب منها وطبع قبله علي شفتيها ايلا انسجمت معه وفضلو يقبلو بعض بشغف لحد ما موبايل ايلا رن
ايلا بعدت يوسف عنها وشدت منه الموبايل
ايلا ، ايوه يا بابي
رائد ، انتي فين مش لقيكي خالص احنا هنمشي
ايلا ، أنا في البلكونه وخارجه لحضرتك حالا
رائد ، بتعملي ايه في البلكونه
ايلا ، معدتي وجعتني قولت أخرج في الهوا عشان ابقي كويسه
رائد ، طب ياللا يا حبيبتي ياللادد وقفل السكه
ايلا قفلت الموبايل وجايه تخرج
يوسف شدها حضنها
يوسف ، بحبك اوى
ايلا بعدته عنها ، مينفعش كده وراحت خارجه جرى
،،،،،،ؤؤؤؤ،،،،،،،،
في بيت رائد
في غرفه ايلا
يوسف اتصل باايلا
ايلا ، نعم في ايه يا يوسف متصل دي الوقت ليه
يوسف ، وحشتيني أنا بجد ده اجمل يوم في حياتي
ايلا ، علي فكره اللي انت عملته ده غلط
يوسف ، علي اساس انك مكنتيش نفسك ايلا انتي كنتي بتبادليني البوسه علي فكره
ايلا ، انت قليل الادب علي فكره
يوسف ، قليل الادب ومنحط وسافل وبحبك
ايلا بعياط ، يوسف اللي حصل ده ذنب وغير كده انا خنت ثقه مامي وبابي فيا أنا خاينه يا يوسف لو سمحت ابعد عني انت خليتني ارتكب ذنب كبير
يوسف ، أناا
ايلا قفلت السكه وقفلت الموبايل خالص وقامت اتوضت وفضلت تصلي وتستغفر ربنا
ايلا ، يارب سامحني علي اللي عملته سامحني يارب وفضلت تعيط لحد ما نامت
ياترى اي اللي هيحصل في البارت الاخير بكره
بارت الفرح والاخير بليل هنزل اول بارت في الجزء الثاني
البارت الاخير بارت الفرح
التلاته حددوا فرحهم في يوم واحد
فرح ، أنا فرحانه اوي يا سليم مش مصدقه نفسي هجوز ولادي التلاته مع بعض
سليم ، ربنا يهنيهم يارب ويكتب ليهم السعاده فاكره أما كنتي عايزه تحرميني منهم وكنتي عايزه تربيهم لوحدك هههههه ده انا وانتي ومامتك ومكناش قادرين
فرح ، هههههه كنت واجعني اوي فكنت عايزه انتقم منك اتريني كنت هنتقم من نفسي
سليم ، الحمد لله يا حبيبتي أن احنا مع بعض ربنا يخلينا لبعض ويبارك لينا فيهم ونشوف ولادهم
فرح ،. الحمد لله ربنا عوضني بيكم عن التعب اللي شوفته من ايمن بقا الله يسامحه
سليم اخدها في حضنه ، وانا ربنا عوضني بيكي يا حبيبتي ياللا بقا ننزل فات المعازيم اجو
فرح ، ياللا يا حبيبي
/////////////
ساره ، رائد اي رايك في الفستان
رائد ، احلفي انك ام العروسه كده
ساره ، لا أنا أم العروستان
رائد ، هههههه قمر يا سو
ساره ، عارف ياحبيبي الحاجه الوحيده اللي فرحانه اني غيرتها فيك هي اي
رائد ، اي
ساره ، بطلت تقولي صرصور
رائد ، ههههه ماشي يا صرصور
ساره ، اخس عليك
رائد ، ههههه مانتي اللي فكرتيني بس ايه الجمال ده اقسم بالله قمر
ساره ، ميرسي يا حبيبي ياللا ننزل بقا عشان نلحق نروح الفيلا فات المعازيم اجو
رائد ، ياللا يا قلبي
/////////
في الفيلا
خبيره التجميل خلصت زواق ايلا وايلان وسيلا
يوسف وسيف وعمر واقفين عالباب يخبطوا
الباب اتفتح والعرايس التلاته عطين ضهرهم
خبيره التجميل ، أما نشوف كل واحد هيعرف عروسته واللا لا لفوا يا عرايس
كانو حاطين طرحه علي وشهم مش مبينه ملامحهم خالص
يوسف ، ده بجد التلاته نفس الطول هنعرف ازاي
عمر ، ليلتنا سودا اللي هيختار غلط هيبقي مش بتحبني انت ازاي مش عارفني اه ياخساره أنا كنت فكراك هطلعني من وسط مليون ااااه علي حظي
الكل فضل يضحك علي عمر
سيف بص علي ايد ايلان عندها حسنه كبيره في أيدها
سيف ، أنا يا حبيبي وبلا فخر ممكن اطلع مراتي من وسط مليار مش مليون
يوسف ، طب روح طلعها من وسطهم وخفف الحمل علينا شويه يبقوا اتنين يا اختي يا مراتي
سيف راح قدام ايلان وراح شايل الطرحه من علي وشها وشالها وقعد يلف بيها
ايلان ، عرفتني ازاي
سيف ، ههه قلبي قالي اهي
يوسف ، ياعم الجامد أنا هعرف ازاي بقي ماتغشيشنا ياقمر
خبيره التجميل ، مليش دعوه
عمر ، طول عمرك نابغه يا سيف
سيف ، ههههه أتعلمو مني بقي مع انكم مش هتعرفوا تبقوا زيي
عمر رايح قدامهم
يوسف بصوت واطي ،. خد ياض رايح فين طب افرض غلط ومسكت مراتي أنا هعلقك
عمر ، طب اعمل ايه مانا مش عارف بجد
يوسف ، أنا هروح ولو طلعت اختي هعمل نفسي عارف واني ببركلها ولو مراتي يبقي قلبي اللي دلني
خبيره التجميل ، سمعاكم علي فكره اتفضلوا روحوا سوا انتو الاتنين
يوسف بص لايلان وحرك دماغه ، انهي
ايلان شاورتله بدماغها علي اختها
يوسف ، خلاص انا عرفتها وراح غامز لعمر يروح للتانيه
عمر بيرفع الطرحه لقاها ايلا
يوسف ، ابعد ياض دى بتاعتي
ايلا ، معرفتنيش يا يوسف
يوسف ، والله اختك الغشاشه دي غششتني غلط بس ايه القمر ده
ايلان ، حد قالك تسمع كلامي هههههه
عمر ، ايه الجمال ده
سيلا ، ميرسي يا حبيبي
نزلو كلهم تحت كانوا شبه الملايكه يحتفلوا بيوم زفافهم وسط فرحه الجميع بيهم وبجمالهم
قصه الانتقام اتحولت لقصه حب طويله ابتدت بحب الاصدقاء ووفاءهم لبعض وانتهت بزواج أولادهم وحبهم لبعض
انتهت القصه
تعليقات
إرسال تعليق