مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت 💖بقلم سولييه نصار 

-ابيه امير ممكن....

وقبل ما تكمل كلامها زعقت وقولت :

-متقوليش ابيه دي تاني ...انتي مش اختي ولا عمرك هتكوني اختي هتفضلي في نظري رخيصة زي امك 

رجعت لورا مصدومة ودموعها نزلت 

-أمير انت اتجننت ؟!

جات امي من ورايا ومسكت ايدي وزعقت :

-ازاي تكلم شهد بالطريقة دي ...دي  اختك

-قولتلك مش اختي ...مش اختي ومتتعاملش معايا تاني .

بصتلها بكره وقولت :

-انا عمري ما كرهت حد زيك انتي وأمك ....امك سرقت ابويا عشان هي واحدة

-خلاص يا امير اخرس بقولك اتفضل امشي انت دلوقتي 

طلعت من البيت وانا متعصب ...مش عارف ليه فارضينها عليا ...انا بكرهها وبكره امها  ...ابويا سابنا زمان عشان يتجوزها هي ...سابنا احنا وربي بنت مش بنته اساسا وكان بيصرف عليها ...صحيح مقصرش معانا من ناحية الماديات بس  مدناش حنانه انا واختي ميرا اتحرمنا من حنانه وشهد هي اللي اخدت الحنان كله لوحدها ...انا بكرهها ...بكرهها قد ما كرهت امها ... لا وبعد ده كله بعد ما بابا وامها ماتوا ماما جابتها  تعيش معانا !! رغم انها بنت الست اللي سرقت بابا اتعاطفت معاها وربتها...بس انا عمري ما اتقبلتها ومش ناوي اتقبلها...

روحت اقابل اصحابي في الكافيه ...

.....

في الكافية بصلي حسام صحبي المقرب وقال :

-البنت ملهاش ذنب في اللي عملته امها يا امير ...دي كانت طفلة لما  جات عندكم وحاولت تقرب منك كتير وانت معاملتك وحشة معاها ...جاول تعاملها زي ميرا وانسي 

-مستحيل يا حسام مستحيل اتقبلها 

هز حسام  كتفه وقال :

-براحتك يا امير ...انت ادري 

قام وقالي :

-انا.لازم امشي دلوقتي سلام .

مشي حسام ...قربت مني سها صاحبتنا برضه وقالت :

-علي فكرة يا امير انا مقدرة شعورك اووي ...في النهاية هي امها سرقت ابوكم منكم ...اتحرمتوا من حنانه ...وست  شهد كانت متمرمغة في فلوس وحنان ابوكم ...سيبك من الفلوس ...هي مكانتش بنته بس انت وميرا عياله مفروض يربيكم انتوا مش هي ..انا بجد مقهورة عليك يا امير. ...

مسكت ايدي وقالت :

- لو تعرف انت غالي عندي قد ايه ...غالي لدرجة بفكر في خطة بدالك عشان تقهر شهد هانم 

بصتلها  وركزت معاها ...عارف أن الموضوع سخيف ..الانتقام والكلام ده مش اسلوبي بس حسيت بإغراء احرق قلب شهد زي ما امها حرقت قلوبنا 

-قولي بتفكري في ايه يا سها

.......

كانت شهد قاعدة في اوضتها وهي بتعيط ماسكة صورة أمير اللي دايما مخبياها وبتقول :

-انت ليه بتكرهني ...ليه يا أمير انا حاولت كتير اقرب منك وحاولت اكتر انساك ...اتمنيت تبصلي بحب في مرة او حتي تعاملني زي ميرا مش مهم المهم احس لإهتمامكم بيا ..افتكرت أن كتر قسوتك هتخليني اكرهك بس طلعت غلطانة يا امير انا يوم بعد يوم بحبك اكتر وبتقهر لما  تجرحني ...

الباب خبط ...مسحت دموعها وحطت الصورة جمبها 

دخلت أوضة شهد وانا ببصلها بإبتسامة قربت منها وقعدت علي السرير ومسحت دموعها وانا بقول :

- انا اسف يا شهد ...اسف علي كلامي الوحش ...اسف علي قسوتي عليكي ...انتي ملكيش ذنب ان امك اتجوزت ابويا  ...صحيح انا بحقد عليها وبحقد علي بابا لانه سابنا بس الماضي انتهي خلاص وانا اوعدك من اليوم ورايح اعاملك كويس ..

ابتسمت وهي بتمسح دموعها ...بصيت لقيت صورة جمبها ...مسكت الصورة بسرعة وانا بقول :

-صورة مامتك دي 

-امير لا ..متبصش 

بس انا بصيت علي الصورة ولقيتها صورته عملت نفسي  مصدوم وبعدين ابتسمت وانا ببصلها وقولت بخبث :

-صورتي بتعمل ايه عندك .

- انا ...انا 

قربت منها 

-ابيه انت بتعمل ايه ...

-ششش متقوليش ابيه تاني ..

-اومال اقول ايه 

-قولي انك بتحبيني 

-امير ...انا مش 

-هتكدبي عليا ...بتحبيني ولا لا 

بصت شهد ليا وهي متوترة وهزت رأسها وقالت وهي بتبكي :

- انا بحبك 

-وانا كمان 

وبعدين قربت و ...

يتبع 

الجزء التاني 💖شكرا لتفاعلكم السكر زيكم 💖بقلم سولييه نصار💖

-أبيه ابعد ميصحش 

قالتها وهي مكسوفة ....كنت مبسوط انها بتقع تحت رحمتي ابنة الست اللي سرقت ابويا كانت دلوقتي هتموت عشان أديها الحب اللي محتاجاه سها كان عندها حق .. شهد بتحبني وانا هستغل ده 

-ششش قولتلك متقوليش ابيه تاني صح 

حطت رأسها في الارض فرفعت رأسها وانا ببصلها بحب :

- انا بحبك يا شهد ...كل معاملتي الوحشة دي بسبب اني مكنتش عايز استسلم بس خلاص مقدرتش...مش عايز اضيع لحظة تاني وانتي بعيدة عني 

-بجد يا امير ...انت بتحبني انا ... مش معقول 

مسكت ايديها وبوستها وقولت :

-ليه يعني مش معقول ...هو انتي مش بتحبيني 

هزت رأسها وهي بتبكي وقالت :

-ايوة انا بحبك ...حاولت انساك كتير بس مقدرتش يا أمير ...والله ما قدرت انت في روحي وفي قلبي  

ابتسمت ...عظيم الموضوع اسهل مما تخيلت ...الغبية وقعت في الفخ ...افتكرت اني بحبها ...مغفلة !

-وانا كمان بحبك يا شهدي...

مسكت ايديها وقولت :

- شهد احنا لازم نتجوز ....صحيح ماما هتعارض لأننا بالنسبالها زي الاخوات بس عايزين انا وانتي نقف في وشها عشان نتجوز ...وعشان نبقي لبعض ...انتي عايزة تبقي مراتي صح .

وسعت عيونها بصدمة وهزت رأسها وهي بتقول :

-ده كان حلمي الوحيد اني ابقي مراتك .

-ودلوقتي هيبقي حقيقة بس اقفي معايا 

هزت رأسها وقالت :

-معاك للنهاية يا امير 

ابتسمت بإنتصار ...كده انا بدأت الخطة كويس اقنعتها اني بحبها ...فاضل اقنع ماما وده الاصعب ..عشان امي مستحيل تصدق اني ممكن احب شهد !!

.....

-نعم انتوا اتجننتوا جواز ايه ؟!

قالتها امي وهي متعصبة ...كانت بتبصلي بشك ...بعدت عيني عنها ...هي ذكية اووي وبنظرة  واحدة ممكن تفهمني وتعرف خطتي 

قربت شهد منها وقالت :

- يا ماما صفية انا وامير بنحب بعض اووي ...ابوس ايديكي متقفيش في طريق سعادتنا 

- انتي مجنونة يا شهد عايزة تفهميني ان امير اللي كان بيكرهك امبارح حبك النهاردة!!!طب ازاي 

- مش مهم ازاي يا ماما صفية المهم انه حبني وعايز يتجوزني وده ابنك ...الا بقا لو مش عايزة ابنك يتجوز بنت الست اللي اتجوزت جوزك ...الا بقا لو بتفكري ان ليا ذنب في اللي عملته ماما

-ربنا يعلم اني عمري ما فرقت بينك وبين ميرا وامير انا حبيتك زي عيالي يا شهد فعيب الكلام ده 

-لو بتحبيني متقفيش في طريق سعادتنا ...انا بعشق امير ...ده فرصتي عشان اكون سعيدة 

-اعملوا اللي عايزينه 

قالتها ماما بتعب 

والخطوة التانية في خطتي نجحت ..صحيح الحب الاعمي ...بشوية كلام كدب قدرت اخلي شهد خاتم في صباعي...

........

مرت الايام وبنجهز لفرحنا انا وشهد صممنا اننا نعمل فرح علطول ...انا عارف ان امي شاكة فيا بس مش قادرة تتكلم عشان شهد ...في قبل الفرح بيومين جاتلي الأوضة 

-ممكن اتكلم معاك يا امير 

-اكيد يا ماما تفضلي

بصتلي وقالت:

- عايز ايه من شهد يا امير ...ليه بتلف حواليها بالطريقة دي ...؟

- عايز اتجوزها يا ماما  .

-امير انت ايه  في مخك انا عارفاك كويس ...انت بتكره شهد ...مستحيل تكون حبتها فجأة 

- الحب غريب يا ماما ...فجأة بيجي من غير استئذان....انا بحب شهد وهصونها متقلقيش .

قامت امي وقربت امي وقالت :

-ماشي يا بني هصدقك...

مسكت ايدي جامد وقالت بتهديد :

-بس أقسم بالله يا امير لو اذيت شهد لاقف انا في وشك وهنسي انك ابني فاهم !!

...........

يوم الفرح 

-اتفضلي يا عروسة برجلك اليمين 

دخلت شهد وهي مكسوفة ...من حسن الحظ ان شقتنا بعيد اووي عن امي ...بكده اقدر انفذ خطتي بسهولة ...

اختفت ابتسامة شهد لما لقت سها قدامها بتبصلها بخبث ...قربت مني وحضنتني وقالت:

-مبروك يا حبيبي 

بصتلنا شهد بصدمة فقولت بإبتسامة نصر؛

-اعرفك يا شهودة دي سها تعرفيها اكيد وهي مراتي ....هتعيش معانا هنا !!!

يتبع 

#وقعت_في_شباكه

#سولييه_نصار

البارت الثالث والرابع من هنا هنا