 |
النهاية بقلم ✍️ سلطان زماني
اول ما الناس كسرو الباب ودخلو فضلت اعيط وامثل قدمهم
أنه عدمني العافية وجارتي جت أدتها البنات وقولتلها خليهم عندك وخدتهم
وقولت للناس الراجل الناقص .الهباب الي بيشربه جننه
عايز يخلي بناتي بنزلو يشحتو وانا يخليني امسح سلالم
واشتغل في البيوت علشان يجيب الزفت الي بيشربه ده
ولما رفضت ضربني وحبسني وبهدلني 🥺🥺
واحد منهم قاله اخص عليك ياخالد أخص
قاله متصدقهاش دي شر**طة ووسخه وبتاعة رجالة
محدش يصدقها
انهرت من العياط والناس أتلمو عليا وقعدو يهدو فيا
ويقولوله في راجل محترم يقول ع مراته وام عياله كده
وواحد منهم قال دي شكلها راحت منه ع الاخر
رد عليه وقاله قصدك اني مجنون وبخرف وبقول اي كلام
مسك موبيله وقالهم أنا هثبتلكم
اول ما اكتشف اني مفيش حاجه وكله اتمسح برقلي واتصدم
ولقيته بيجري عليا قالي مش هسيبك يابنت الكلب
.انتي يطلع منك كل ده .يابنت الوسخه أنا تعلمي عليا
حشوه من عليا وبعد عني قولتله ب انكسار وضعف وقلة حيله 😔
..منك لله ياظالم يامفتري أنا علشان طيبة وبنت اصول
هكتفي بالدعاء وحسبي الله ونعم الوكيل وعمري ما هنسي انك ابو بناتي .
.الناس قالو أصيلة والله وست الناس كلها والله ياخالد انت
معاك وحده اي راجل يتشرف بيها اتقي الله ولم دورك وبلاش
الكلام الخايب الي بتقوله ده
خالد حدفني ب مج الشاي في دماغي واتعورت
و دخل بقا يكسر في الأطباق والكوبايات ويحدف الناس بيهم
وواحد من الموجودين ابوه اتعور ابن الراجل الي اتعور ده
مسك خالد ضربه وكتفه وطلب أخوه كان مقدم في البحرية
الدنيا اتقالبت الشارع كله بقا مليان حكومة طلعو خدوني أنا
والراجل الي اتعور عمالنا تقرير طيبي وبقا عنده قضيتين
والجيران كلهم شهدو عليه أنه كان حبسني وأنه بيشرب وكان
بيجيب نسوان في الشقة وانا غضبانه
وأنه مش اول مره يضربني
سبتهم يكملو المحضر وقعدت اتمشي شوفته مكلبشينه
وحطينه في اوضه علشان هيتعرض ع النيابة دخلتله قولتله
قولتلك طلقني ب الادب مسمعتش كلامي قابل بقا ياعم الدكر
ودموعه مغرقة وشه رفع عينه ليا
وقالي قعدت سنة قعدت اتنين 10 سنين اقسم بربي اول ما
اطلع ورجلي تلمس الاسفلت لهيكون اخر يوم في عمرك
قولتله وانا برضو يرضيني يا ابو بناتي انك تتحبس يوم
واحد في السجن
حقي يا ابن الناس أنا مسمحه فيه بس الراجل الي عورته ده
هتعمل اي فيه دول أهله لو شفوك هيقرقشوك بسنانهم وحلفين ليبهدلوك
لقيته بصلي ووطه بأس ع رجلي وقالي خلاص هطلاقك بس
تخرجيني من هنا أنا مش حمل حبس وبهدلة قولتله لما
اشوف أخرت جدعنتي معاك اي
طلعت لقيت أخته واقفه مع الناس بره بتتحايل وتترجي
فيهم وهما ابدا حالفين ليتعلم الادب ويتربه وصعبان عليهم
ابوهم الراجل الكبير الي داخل يصلح يطلع سايح في دمه
اخدت الراجل الكبير علي جنب وفضلت ابكي واقوله علشان
خاطر ربنا سمحوا علشان بناته ميكبروش ويقولو حبست
ابوهم وليك عليا ياابويا انه يسيب البلد خالص وميدخلهاش
تاني ويدبح دبيحه تحت رجالك ياحج
ابنه المقدم ده جيه بصلي من فوق لتحت وقالي انتي مين
أبوه قاله خلاص يابني المسامح كريم قاله اتفضل ياحج
اركب عربيتي السواق هيوصلك وانا هدخل اكمل الاجراءت جوه
قاله ملوش لزوم يابني انا مسامحه قاله اقسم بالله ليتعلم
الادب انت مش قليل ولا عيالك قليلين ياحاج ومنبقاش
رجالة بشنابات وأبونا ينضرب ونسكت
قاله الراجل خرج عن شعوره وساعة غضب
قاله يعمل الكلام ده علي امه مش علينا
ياحاج بعد اذنك اتفضل روح انت ارتاح وسبني ..فضلت
ابكي وأبوس ايد أبوه لحد ما زعق ل ابنه
وقاله جرا ايه يا ابن الكلب ايه محدش بقا يسمعلي
كلمه ..علشان كبرت وعجزت هتمشي كلامك عليا
لقيته قاله مش القصد والله ياحاج
قاله اسكت ولا كلمة عليا الطلاق لو سمعت صوتك تاني لا
انت ابني ولا اعرفك ولا هدخلك بيت تاني
لقيته باس علي ايد أبوه وقاله أنا غصب عني يا ابويا والله
كبيرة اوي اني حد يمسك حتي بكلمة
وانا عايش ع وش والدنيا اروح البس طرحة زاي النسوان
احسن
قاله يابني يابخت من قدر وعفي .قومت داخله في الكلام
وقولتله ياباشا أنا اتكلمت مع الحج وقولتله أنه هيدبحله
دبيحه وهيمشي من البلد خالص ومش هيهوبها تاني
قالي وهو يقدر يرجع تاني هو يحمد ربنا اني الحج سمحه
دخله جوه معايا فضل يهزق فيه وضربه بالقلم ع وشه قدام
الظباط ومحدش قدر يفتح بقه وقاله لو عرفت انك رجعت
البلد تاني او لمحتك بالصدفة ل هعلقك من لباسك واخلي
البلد كلها تزفك يانطع
اتنازلنا عن المحاضر وطلعت جبت عربية واخدت هدومي
وهدوم البنات والركنه وغرفة الاطفال وكل حاجه جبتها جديد
ورحت شقتي واخته استغلت ظروفه والحالة الي وصل ليها
واشترت منه الشقة برخص التراب
وطلقني وراح لحال سبيله
وانا اتهليت بحوار البث ده وبقيت بحلم اني القي حد
يتجوزني ويقبلني ببناتي ويحبني بس ملقتش بصراحه كله
عايز يوصل لجسمي وبس من غير مسئوليات أو اي التزمات
والي جاد في الجواز
ارمل وعنده 60 سنة وبيتنك عليا كمان وبيتشرط
والي صايع ومتشرد وسنه مناسب ليا بس طمعان
سكن ببلاش ووحده ست معها فلوس
والي عايز يتجوز عرفي في السر
مكدبش عليكم اتعقدت جتني قرفه من الرجالة بقيت اشتاق
لنفسي وانا حماره وهبله وعلي نياتي ومش فاهمه حاجه كان
بالي مرتاح ومبسوطة وفي حالي كان يوم أسود يوم ما
فهمت واتنصحت ووعيت وشفت الدنيا والناس علي حقيقتها
نفسي ارجع زاي الاول ربنا يسمحه ومنه لله الي كان السبب
انتهت قصتي لكن احترامي ومحبتي ليكم عمرهاما هتنتهي
انتو بنسبالي مش مجرد متابعين وناس بتقرالي .
أنا بجد بحبكم كلكم في الله وهدفي اني اوعيكم واخليكم تخدو بالكم من الناس دي ..انتظروا القصة الجديد هعرض الغلاف بتعها بعد قليل ..وكله يقول رأيه في القصة هشوف تعليقاتكم
تعليقات
إرسال تعليق