 |
بصدمه " عاوز تسيبني عشان ابويا ميكانيكي !!
ببرود - انا دكتور و ابن دكتور ، اتجوز بنت ميكانيكي ليه يا خلود ؟ انا اسف بس وضعي الاجتماعي مش متناسب مع وضعك ، انا واقف فوق نجم من نجوم السماء و انت تحت الأسفلت !
بجمود و هي بتقل'ع دبلتها" اتفضل دبلتك اهيه
ببرود - خلود انا ..
قاطعته بعصبيه" انت ايه ! انت شخص زبا'له، اروح اقول لابويا ايه يا أخي ! حسبي الله ونعم الوكيل فيك يا جاه'ل يا ابن الجاه'ل
قالت كلامها و جري'ت، جري'ت عشان تعيط ، يمكن قدامه كانت أقوى شخص في العالم ، لكن في الحقيقة هي جواها نا'ر، نا'ر بتاكل في قلبها و عقلها و كل شيء حواليها !
دخلت ورشة باباها و قالت بحُب " ازيك يا سيد الناس ؟
رفع وشه تجاهها و قال ' كويس يا ست البنات ، عامله ايه ؟
سح'بت كُرسي و قعدت قدامه و قالت بهدوء" ماشي الحال ، وراك شُغل كتير النهارده ؟
ابتسم' قولي يا خلود
باستغراب " اقول ايه !!
مسك ايدها و قال ' حبيب'ت بابا مبتعرفش تخبي حاجة عنه ، مالك ؟
اترم'ت في حُضن'ه و قالت " كل شيء أصبح اسو'د يا بابا ، انا بحارب لوحدي و الدُنيا مُصممه تضعفني ، ليه مُصممه تكسر الضلع السليم إلى انا محمله عليه كُل حملي ؟ ليه بتعاندني كده ؟ ليه مُعتز سابني ؟ ليه حاسه بغِصه في قلبي ، كل شيء أصبح بعيد ، بعيد اوي يا بابا ..
طبط'ب عليها و قال بحُب و يقين ' عُمر ما في شيء هيهزمك ، متأكد انك هتبقى اشطر دكتورة ، متأكد انك أقوى من كل شيء ، طول ما احنا بنتنفس يبقى لسه فيه امل ، طول ما ايدك و رجلك بيتحركوا يبقى انت قادره ، طول ما قلبك بيدُق يبقى هتحبي و تكرهي و تعيشي ، مفيش شيء بعيد ، احنا الي فكرين اننا بُعاد
ابتسمت و مسحت دموعها و قالت " طيب هناكل ايه ؟
ابتسم ' مسقعه و عيش و بطاطس ؟
ابتسمت" مسقعه و عيش و بطاطس من عيوني يا حج
____________________________________
' معجزه ؟
بتفكير " شويه
' طيب انا مُمكن ابيع حتت الأرض
بعصبي'ه" لا طبعا يا بابا ، انا هتصرف أن شاء الله
' عي'ب ابقى عايش و انت تتصرفي
" يا حبيبي متخفش انا قدها ، و ان شاء الله كله هيعدي
' و الماده إلى انت مقلقه فيها و عاوزه تاخدي فيها محاضرة خارجية هتعملي فيها ايه ؟ ده الشهر ب ٢٠٠٠ ج
بلعت ريقها " أن شاء الله خير و انا هكلم دكتور المادة بكرة و ان شاء الله هتتحل
________________________________
ضحك _ ايه الفرك ده ؟
بتوتر" دكتور هادي انا عاوزه .. عاوزه
_ عاوزه تعملي حما'م صح ؟
ضحكت " لا لا
ضحك _ ايوه كده فُكي من التوتر ده ، خير ؟
اخدت نفس عميق و قالت بسُرعه و هي مغمضه عينها " ينفع اخد محاضره خارجية في ماديتك بنص التمن بتاع الشهر ؟
فتحت نُص عين لما ملقتش رد ، لقيته مُبتسم فابتسمت و قالت بفرحه " يا رب تحج ، يا رب تتجوز إلى بتحبها ، يا رب تعيش في تبات و نبات و مطر و زرع و خُضره و هيء و ميء و شربيق
ضحك _ شربيق ! طيب يا ستي مفيش اي مُشكله
ابتسمت و نط'ت من مكانها بفرحه" و حياه امك !
_ نعم !
بكسوف " اقصد و حياه والده حضرتك
ابتسم _ و رحمتها بقى
" اسفه اني ..
قاطعها و قال _ لا أبداً و لا يهمك
________________________________
' مش كفاية شُغل الصُبح كمان هتنزلي الورشة مكاني
" يا حبيبي طول ما انت عايش مينفعش الورشة دي تتقفل يوم ، و بعدين ده انا جامده و استحمل ، حمل عليا بس انت و متخفش
' طيب فيه عربية سوده اديلها وِش و غيري الكوتش المخرو'م بواحد سوبر
" حاضر يا حبيبي سلام
' سلام يا حبيبتي
_____________________________
" قادرين يا دُنيا و هنعدك ورينا إلى عندك ، قادرين و هنوصل في الميعاد مهما اخرتينا و
قاطعها بحُب _ و هنحتفل داخل ملاعبك
طلعت من تحت العربية و هي بتبلع ريقها " دكتور هادي !
ابتسم _ طلعتي شاطره أوي ، مكنتش مُتخيل الحقيقه انك تبقي كده
مسكت الفوطه و مسحت ايدها و قالت" كنت فاكر ايه مش فاهمه ؟
سند على العربيه و قال _ يعني بنت حلوه و رقيقه زي باقي البنات بس طلعتي
قاطعته بعصبي'ه " طلعت ايه بقى ان شاء الله ؟
ابتسم و هو بيعدل شعره _ طلعتي احلى من كُل البنات
ابتسمت بكسوف و قالت " طيب العربيه جهزت على فكره
قعدت على الكرسي فقرب و قال _ كام الحِساب ؟
" خليها علينا المرادي يا باشا
ابتسم _ كام الحساب قولت
بثقه و هي بتلمع نضارتها" خليها علينا قولت
_ عنيده انتِ اوي
ضحكت" اعشق العند قد عينيا اصلاً
_______________________________________
_ فاهمه يا خلود ؟
بصوا البنات و الشباب الي قاعدين عليها ، استغربوا من اهتمام دكتور هادي الدايم ليها بالطريقة دي
بإحراج " اه فاهمه
_ طيب يا شباب كده المُحاضره خلصت ، استاذنكم تتفضلوا
قاموا كلهم لكن جت خلود تقوم ف مس'ك اي'دها و قال بصوت عال'ي نسبياً _ لا اقعدي انا عاوز اتكلم معاكي في موضوع
بصت حواليها بإحراج و الطُلاب بيبصوا عليهم من الأزا'ز، قعدت و قالت" خير ؟ ايه الشيء المهم الي يستدعي قعدتي ؟
_ هو ممكن رقم والدك ؟
" عربيتك مالها ؟
_ لا ده قلبي
ببرود و هي بتحاول تداري ضحكتها " انت كده عاوز دكتور قلب مش ميكانيكي
غم'ز و قال _ ما هي بنته ميكانيكي قلوب يا خلود
ابتسمت و قالت" الرقم مع الاسيستنت بره ، خُده
قامت و قالت" سلام يا دكتور هادي
ابتسم و غم'ز _ خُدي بالك من نفسك يا قلب هادي
____________________________________
بتوتر _ متخفيش أن شاء الله خير
بخوف " تفتكر هنجح يا هادي ؟
با'س رأسها و قال _ متخفيش تعبك مش هيروح يا حبيبتي ، يلا ندور على اسمك
اخدت نفس عميق و قالت " بسم الله الرحمن الرحيم
بفرحه و هو بيشده'ا_ بت اسمك اهو ! نجحتي يا خلود و بقيتي دكتوره ! السنين مرحتش هدر يا دكتوره !
دمعت و قالت بفرحه " مش مصدقه يا هادي ، ده اسمي بجد ؟
حضنه'ا و قال بفرحه _ مبروك يا خلود مبروك يا روح قلبي
زقت'ه بكسوف و قالت " اتلم بقى
ضحك و غم'ز_ لميني انتِ أسهل
_____________________________________
بغيره " مبسوط كده ليه ؟ كل ده عشان شوفت بنت خالتك الملزقه ؟
سند راسه على كتفها و قال _ لا ، فاكره مُعتز ؟
ضحكت بسخرية و قالت " و ده يتنسي برده يا ..
التفت ليها و قال بصدمه _ فكراه ليه أن شاء الله ؟؟
اخدت نفس عميق و مسك'ت ايد'ه و قالت " فكراه عشان هو الضرب'ه إلى قوتني ، هو الي خذلني وسط الناس اللي اعرفها ، هو الي اديته حُب مكنش يستاهله ، هو الي رهنت قلبي اني و لا أحبه و لا اكرهه و يبقى شعوري تجاهه هو التبلد مش اكتر ، هو الي يبقى تحت الأسفلت و انا الي ابقى فوق نجمه من نجوم السماء
_ بنت خالتي كانت مخطوبه له و فسخت ، لحد دلوقتي بيسق'ط في طب و مش عارف يجيب لقب دكتور ، هو تحت الأسفلت بالنسبه ليكي دلوقتي فعلاً مش كَلام
حضن'ت دراع'ه و قالت " و انت النجمة إلى من نجوم السماء إلى انا واقفه عليها ، بحبك يا هادي
مل'س على شعره'او قال بغمز'ه_ انتِ الوحيده الي عارفه تظبط ميكانيكه قلبي
ضحكت" ده طب ده يا مُرسي يا اخويا ؟
بحُب _ لا ده حُب يا مُرسي ♡
" حِلمك ليس بعيد ، انتَ من تُريد العيش وسط الكوابيس ♡ "
بقلمي ، و كُل ما ذُكر من قَبل بقلمي أيضاً
خلاااويص يا واد يا زعيييييم 😂♥️♥️♥️♥️♥️♥️
#حواديت_هنا_سلامه . ♡
رأيكم 💙.
تعليقات
إرسال تعليق