 |
اسكريبت..
فهمني بس يعني ايه العيب لا منك ولا منها بس مينفعش تخلفوا ها؟؟؟ أنت بتكدب عليا علشان خايف علي زعلها ، قولي لو العيب منها اجوزك بكرة اللي أحسن منها .
براء بضيق: يا ماما هو ده اللي الدكتور قاله بس حد عنده
مشكلة بس الخلفة لما ربنا يريد طبعا.
والدته بانزعاج: ايه الكلام ده يابني ، ده كلام ميدخلش عقل، و بعدين لو الأمر كدة مش مضطر تعيش معاها
طلقها أو اتجوز عليها الشرع محلل أربعة و أنت شيخ و عارف ده كويس و هات لك ولد يشيل اسمك
و يشيلك لما تكبر.
براء: ايوا عارف بس أنا مش محتاج يا أمي لأنه ملوش لازمة أو داعي، يا ماما ده نصيبي و أنا قابل بيه يمكن ربنا عايز كدة لسبب لا يعلمه إلا هو و الموضوع ده اتقفل
بالنسبة ليا و مش هفتحه تاني لو سمحتِ كفاية كدة.
~~~~~~~~~~~~~~~~~
كانت تجلس حزينة، فهي كذلك منذ زيارة الطبيب و
اخبارهما أنهما لا يوجد أي مشكلة عندي أي منهما ولكن ربما أيضا لن يستطيعا الإنجاب!
كان نوعا ما زواجا تقليديا إلي أن أحبا بعضهما بعد الزواج
و تعلق كل منهما بالآخر، و دام الزواج مدة سنتين قبل
أن يلاحظا تأخر الحمل و تعليقات المحيطين بهم والتي
تشير إلي ذلك ، كان يتضايقان من ذلك فهما غير مستعجلان علي الإنجاب و لكن مع ازدياد الشكوك،
أرادا الاطمئنان ف كانت هذه النتيجة .
سمعت مفتاح يدور في الباب دليل علي عودة براء
ف مسحت دموعها و رسمت إبتسامة كاذبة علي وجهها
قبل أن تقف لاستقباله .
ريتال : حمدا لله على السلامة يا حبيبي .
قبل رأسها قبل أن ينظر لها بإبتسامة: الله يسلمك يا حبيبتى ، مالك فيكِ حاجة؟
ريتال بنفي: لا لا أبدا مفيش ليه بتقول كدة؟
براء: هو أنا لسة جاي أتعرف عليكِ يا ريتال، باين خالص
أنك زعلانة و كنتِ بتبكي كمان.
ريتال نظرت له ثم انهمرت دموعها في صمت و ضمها
إليه ليهدئها .
براء: لو لسة الموضوع اللي في بالك ، إحنا اتفقنا علي ايه
ولا نسيتي؟
ريتال: مش بأيدي يا براء خصوصا وأنا حاسة أني حرماك
من شئ مهم جدا.
براء بعصبية: حرماني من ايه ها هو التأخير منك ولا حاجة، الدكتور قال محدش فينا عنده مشكلة
و بعدين لو هنتكلم في النقطة دي فأنا كمان بظلمك لما
احرمك تكوني أم صح ولا لا ؟
ثم أكمل: إحنا اختارنا بعض بعض النظر عن أي حاجة
مش معقول من أول اختبار و ابتلاء لينا هنتخلي عن
بعض و نستسلم كدة .
ريتال: معاك حق يا حبيبي و أكيد ربنا ليه حكمة في كدة.
براء: يلا اغسلي وشك و مش عايز أشوفك زعلانة
تاني .
ابتسمت وهي تهز رأسها بالايجاب.
مرت بعدها عدة أيام لطيفة ولكن ما بدأ يثير قلقها
و حيرتها هو صمت براء أغلب الوقت و شروده
و كأن هناك أمر بالغ الأهمية يشغل باله.
كانت تتحدث مع صديقتها علي الهاتف.
ريتال: مش عارفة يا زينب بقاله كان يوم مش علي بعضه
مش عارفة ماله .
زينب : يمكن موضوع الحلقة لسة شاغل باله.
ريتال: يمكن بس ازاي و إحنا المفروض قفلناه و اخترنا
نكون سوا.
زينب : حرام عليكِ يا ريتال ليه تظلمي جوزك كدة.
ريتال بصدمة: بظلمه؟؟ زينب أنتِ بتقولي ايه؟؟؟
زينب: أنتِ صاحبتي بس لازم أقول الحق ، طالما هو قادر
يخلف ليه تربطيه بيكِ ، أنتِ مش عايزة تنفصلي عنه
و تسيبه ده اختيارك إنما هو من حقه يتجوز مرة تانية
علشان يخلف و يلقي ليه طفل و ممكن تعتبر الطفل
ده ابنك علي فكرة ، صح ولا لا ؟؟. الو ريتال .... سمعاني؟؟؟؟
سقط الهاتف من يد ريتال و هو تحدق أمامها بقلب مكلوم
لم تتوقع من صديقتها أن تقول لها ذلك الكلام القاسي
، بل توقعت أن تدعمها ، ولكن أن تتهمها بظلم زوجها
و حرمانه من حقوقه فتلك كانت ضربة قاضية لقلبها.
نهضت لتذهب لحماتها في الدور السفلي لتحضر لها
الغداء ، سيطرت علي نفسها وهي تدخل لتستغرب
حال حماتها ، فقد استقبلتها بسرور عكس ما كان يحدث
في الأيام الماضية من معاملة سيئة بسبب ما علمته عن
موضوع الإنجاب.
حماتها: ادخلي يا حبيبتي، ازيك عاملة
إيه صحيح؟
ريتال : الحمد لله يا ماما ، أخبار صحتك ، هحضر
الغدا حالا.
حماتها بفرح و خبث: أنا الحمد لله بخير و صحتي
بقت كويسة جدا بعد الخبر اللي جالي لدرجة أني عملت
الأكل بنفسي .
ريتال بإستغراب: خبر إيه؟
حماتها : مش براء ابني حبيبي ، أخيرا وافق يتجوز
و يفرح قلبي علشان يخلف.
نظرت لها بإبتسامة بلهاء قبل أن تستوعب حديثها
شعرت بالهواء ينفذ من الغرفة لتسقط فاقدة للوعي
لعلها تستريح قليلا من جميع ما يحدث لها.
#يتبع.
الجزء الثاني
أفاقت لتجد براء ينظر لها في قلق و خوف لتشيح
بنظرها عنه بعدما تذكرت ما أخبرتها به والدته قبل فقدانها
الوعي.
براء بقلق: ريتال مالك يا حبيبتي ؟ أنا ماما كلمتني
في الشغل أنك أغمي عليكي جيت علطول.
ريتال بسخرية: ايه خوفت عليا ولا حاجة؟
براء بحيرة: مالك يا ريتال بتتكلمي كدة ليه؟؟
ريتال بألم: لا مالي ولا مليش، أظن بعد اللي عرفته
أنا مليش حق أفضل هنا، أنا كنت بقولك لو عاوز اتجوز
وأنت تقولي بطلي كلام فارغ و عمري ما هعملها و دلوقتي
بتغير كلامك، ليه ها لييييه؟؟؟؟
براء بحيرة أكبر: يا حبيبتي اهدي بس و فهميني بتتكلمي
عن ايه علشان و ربنا ما فاهم .
ريتال: مامتك قالتلي أنك وافقت تتجوز علشان تخلف.
براء بصدمة: أنتِ بتقولي ايه، محصلش طبعا .
ريتال بقهر: علي الأقل متكدبش عليا يا براء، مامتك
اللي قالت كدة بنفسها.
براء بصرامة: ريتال هو أنا عمري كدبت قبل كدة علشان
اكدب دلوقتي؟؟ ، ثم نادي علي والدته.
حضرتك والدته وهي تحدق في كلاهما بارتباك.
براء بحدة: ايه اللي حضرتك قولتيه ل ريتال ده يا ماما؟
والدته: قولت إيه يابني؟
براء: إزاي تقوليلها أني هتجوز عليها ، هو أنا كنت وافقت
علي حاجة زي كدة ؟!
والدته بجرأة: اه أنت قولتلي كدة، الصبح لما كلمتك في
الموضوع.
براء بصبر: يا ولي الصابرين ، يا أمي أنا كان بالي مشغول
أصلا، قولتلك هنشوف الموضوع ده بعدين على ما أرجع
علشان بردو أقولك أني عمري ما هتجوز علي مراتي.
والدته باندفاع و سخط: يا بني حرام عليك تحرم نفسك كدة ليه
من أهم حاجة في الحياة ؟
براء بتعجب: مين قال يا ماما أنه الولاد أهم حاجة في
الحياة ، آمال الناس اللي بيعيشوا و يموتوا من غير ما
يخلفوا أو من غير ما يتجوزوا أساسا ها دول إيه؟
هو أي كلام و خلاص.
والدته : و الناس هيقولوا ايه لما يعرفوا؟
براء: مين الناس دول يا أمي؟
والدته بارتباك: هااا أنا مش فاهمة قصدك؟
براء: مش أنتِ بتقولي الناس هتتكلم، مين الناس دول
و بعدين هو مهمين أوي كدة لدرجة أنك تهتمي لكلامهم عن حياتي أكتر من حياتي نفسها و لا إيه؟
الناس عمرها ما بتبطل كلام حلو أو وحش وحتي لو بطلت
ميهمنيش ، دي حياتي أنا اللي هعيش و أنا اللي هتجوز
و أنا اللي هخلف حلو ليا وحش ليا بردو لا هستفيد منهم
بحاجة ولا هم هيفيدوني بحاجة، تمام و المرة دي
آخر مرة نتكلم في الموضوع ده ولا إلا هيبقي ليا تصرف
تاني.
ثم اتجه إلي ريتال و حملها ليصعدا إلي شقتهما، دلفا إلي
الشقة و منها إلي غرفة النوم لينزلها علي السرير و يغوم
بتغطيتها.
براء بجمود: مرتاحة كدة؟
ريتال بحب : اه الحمد لله، براء متزعلش مني
براء : لا و أزعل منك علي ايه، صدقتي بس أني ممكن أخلف وعدي ليكِ و اتجوز واحدة غيرك برغم كل حاجة
قولتها.
ريتال بحزن: أنت مكنتش مكاني يا براء محستش
باللي حسيته لما سمعت كدة و آسفة بجد لما فكرت
أنك ممكن تعمل كدة، أنت عارف قبلها صاحبتي قالتلي
إيه، قالتلي أني بظلمك ومليش حق احرمك من أنك تتجوز و تبقي أب، و أني حتي لو اختارت أبقي معاك
لازم مش اجبرك تبقي معايا و بس، اتصدمت أوي من
صاحبتي و حسيت بنار بتقيد في قلبي، ولما نزلت
لمامتك قالت الكلام ده ليا ، ساعتها خلاص قلبي أكتفي
من كل حاجة .
كانت تتكلم و هي تبكي ثم خبأت وجهها بين يديها،
نظر لها بحزن و عطف قبل أن يضمها .
براء بحزن و غضب: مكنش لازم تسمعي منها، وبعدين هي
بتدور أنه ظلماني و أنا رجل و ممكن اتجوز، بس أنا
مش ظالمك لما اتمسك بيكِ و اسلب منك حق من حقوقك
أنك تتجوزي غيري و تبقي أم، لا يا حبيبتي إحنا
اخترنا بعض و الطريق ده و عارفين كويس كل حاجة
ممكن تقابلنا، ف لازم تبقي أقوي من كدة علشاني حتي.
ابتسمت له بحب : حاضر يا حبيبي، أنا بحبك أوي
ربنا يخليك ليا.
براء بحب: و يخليكِ ليا يا حبيبتي.
كانت حالات الإغماء و التعب تتكرر لدي ريتال حتي
أصر براء عليها للذهاب للطبيب للاطمئنان عليها.
بعدما انتهي الطبيب من فحصها ، جلس أمامهما بوجه
هادئ عملي .
الطبيب: إحنا هنعمل شوية تحاليل علشان نطمن و بعدها
نكتب علاج أن شاء الله.
نظروا لبعضهم ثم للطبيب ،براء بقلق : نطمن علي إيه
يا دكتور ، لو سمحت خليكِ صريح معانا.
الطبيب بأسف: للأسف أنا شاكك أنه المدام عندها
سرطان في الرحم.
نزل الخبر كالصاعقة عليهم ف جلسا مكانهما غير
قادرين علي الحراك أو الكلام أو حتي الاستيعاب!
#يتبع.
الجزء الثالث و الأخير....
كانا جالسين مكانهما أمام الطبيب، و الصدمة و عدم التصديق يسيطر عليهما.
براء : ح...حضرتك بتقول ايه يا دكتور.
الطبيب : هو للأسف ده مش كلامي، دي الأعراض
اللي باينة هو مجرد شك علشان نتأكد.
كانت ريتال ساكنة تماما و هو ما أثار استغراب و قلق
براء بشدة و اعتبر حالتها غير طبيعية.
وصلا إلي المنزل لتتركه و تصعد إلي شقتها و هو بقي ليخبر والدته ما أخبرهم به الطبيب قبل أن يسرع وراء
زوجته.
وجدها في غرفة النوم تقوم بتوضيب ثيابها في حقيبة
و لم تلتفت إليه عندما دخل.
براء: بتعملي ايه يا ريتال؟
لا تجبه، كرر سؤاله ولم ترد كذلك، ذهب إليها و أمسكها
من ذراعها و أجبرها علي النظر إليه، ليصدم بمنظرها
كانت عيناها حمراوتان بسبب حبسها للدموع بداخلها
كما كانت شفتيها ترتجف .
براء بصدمة: ريتال مالك؟
بدأت ترتجف ثم تبكي و صوتها يعلو بالنحيب، ضمها
براء و هو يهدئها و يشعر بالخوف عليها في الوقت نفسه.
براء : أهدى يا حبيبتي بالله عليكِ.
ريتال بحزن و دموع: هو ليه كل ده بيحصل معايا أنا؟ ليه دايما مكتوب عليا المعاناة ؟ ليه أنا ليييييه؟
براء بتأثر: يا حبيبتي استغفري ربنا، و متقوليش ليه
ربنا بيعمل كل حاجة لسبب و حكمة هو يعلمها و مش
بيبتلي غير اللي بيحبهم معناه أنه بيحبك و تذكري
قول الله تعالى لا يكلف الله نفسا إلا وسعها ، يعني هو عارف أنه ده في مقدرتك و وسعك تتحمليه، ده اختبار
أو ابتلاء لينا و إحنا هتبقي قده مع بعض و أخرة صبرنا خير و لو مكنش غي الدنيا يبقي في الآخرة و يبقي
ثوابنا الضِعف ، صح ولا إيه يا حبيبي؟
ريتال بعد أن هدأها كلام براء نوعا ما و كان ك البلسم الشافي لجروحها: صح يا حبيبي بس أنا تعبت وأنت عارف.
براء: عارف يا حبيبتي و أنا معاكي دايما و عمري ما هتخلي عنك أبدا فاهمة، فهميني بقا أنتِ كنتِ بتلمي
هدومك و رايحة فين؟
ريتال بخجل: كنت ...يعني عايزة أمشي علشان مش احملك همي و أنه تعبت معايا أوي لا لا متبصليش كدة
أنا دلوقتي عرفت أنه ده كان تسرع مني ، ربنا يخليك ليا.
براء: مهما كانت النتيجة ، إحنا هنحمد و نشكر الله تمام.
ريتال : فاهمة.
في اليوم التالي كان براء عائد من عمله حتي يذهب هو
و زوجته لإجراء الفحوصات الطبية المطلوب قبل أن
يتفاجأ بوجود أخيه الأكبر يجلس مع أمه و يطلبا منه التحدث.
براء: خير يا محمد في إيه؟
محمد: خير يا براء دلوقتي أُمنا كلمتني و قالتلي علي اللي
حصل لمراتك، ربنا يشفيها و يعافيها ،دلوقتي ده مش
سبب كفاية بقا علشان تشوف نفسك و تتجوز و تخلف
بقا ولا إيه؟
براء بغضب: أنت اتجننت يا محمد ، إزاي تسمح لنفسك
تتدخل في حياتي أصلا و في حاجة زي دي بدون حق.
والدته باندفاع و تدخل: ده أخوك و خايف علي مصلحتك
فيها ايه يعني ؟
براء بسخط: خايف علي مصلحتي يبقي ميدخلش في
اللي ملوش فيه و دي حياتي اعملي فيها اللي يريحني.
أخيه بغيظ : و فيها يعني هو أنا قولتلك هترميها ولا حاجة ، عيشها معاك و خد بالك منها و اتجوز بردو ،
ده حتي ربنا بيقول {المالُ والبنونَ زينةُ الحياةِ الدُّنيا }.
براء ببرود: كمل الآية.
أخيه بحيرة: ايه؟
براء : بقولك كمل الآية أو فسرها ليا طيب.
تنحنح أخيه بإحراج فهذا هو ما يحفظه فقط و ظنه أنه
كافي ليجابه به أخيه!
براء: بسم الله الرحمن الرحيم أما بعد يقولُ اللهُ تعالى {المالُ والبنونَ زينةُ الحياةِ الدُّنيا والباقياتُ الصَّالحاتُ خيرٌ عندَ ربكَ} الاية 46، سورة الكهف،
معنى الآيةِ المالُ والأبناءُ زينةُ الحياةِ الدُّنيا الزائِلةِ اللي يمكن يغتر بيهم الإنسان و يحب الدنيا لدرجة أنه يفكر أنه امتلكها و أنها داره الدائمة و ينسي الآخرة أما الباقياتُ الصَّالحاتُ أفضلُ عندَ اللهِ، الباقياتُ الصَّالحاتُ اختلف فيها العلماء ولكن نقدر نقول إنها هي: الحسناتُ الصلاةُ والصِيامُ والحجُ والزكاةُ والذِّكرُ وقراءةُ القرءانِ والصَّدقةُ ونحوُ ذلك، وإنما قال اللهُ تعالى {والباقياتُ} لأن ثوابَ الحسناتِ دائمٌ لا ينقطعُ لأنَّ الآخِرَةَ لا نهايةَ لها، حياةٌ ليسَ بعدَها موتٌ وصِحةٌ ليس بعدَها مرضٌ وشبابٌ ليسَ بَعدَهُ هَرمٌ وراحةٌ ليس بعدَهَا تعبٌ، أمَّا زينةُ الحياةِ الدُّنيا فالأولادُ خُلِقُوا للموتِ، نهايتُهُمُ الموتُ، هذا يَمُوتُ يَومَ يُولَدُ وهذا يَموتُ بعدَ أن يعيشَ أسبوعاً وهذا يموتُ بعد سنةٍ وهذا يموتُ قبلَ الشَّبابِ وقد يموتُ الحفيدُ قبلَ الجَدِّ. أفراحُ الدُّنيا سريعةُ الزَّوالِ والمالُ كذلِك سريعُ الزَّوالِ، أمَّا الحسناتُ فهي باقيةٌ للإنسان في الدنيا والآخرة.
فهمت يا أخي معني المال و البنون زينة الحياة الدنيا؟
سكت أخيه و والدته بإحراج و لم يتمكنوا من التفوه بحرف واحد بينما أكمل براء علي العموم أنا هاخد مراتي
و هنمشي من هنا قريب علشان نرتاح بقا.
والدته بخوف : هتمشي تروح فين يا براء.
براء : جالي عقد عمل في مدينة تانية وسكن كمان .
والدته: و هتسيب أمك لوحدها.
براء: أولا يا أمي الوضع ده هيكون راحة لينا كلنا ، ثانيا
بقا حضرتك مش لوحدك معايا أخويا أهو و مراته و أولاده
سلام عليكم.
ثم صعد إلي زوجته و أخذها لإجراء التحاليل و بعد
مرور يومين ذهبا للطبيب مرة أخري.
أمسكت ريتال بيد زوجها و هي لا تجرؤ علي الكلام.
براء بخوف: ها يا دكتور ، إيه النتيجة؟
الطبيب بإبتسامة: لا الوضع عال العال، و الحمد مطلعش
زي مانا توقعت ، طلع ورم ليفي حميد .
ريتال: و ده مش خطر يا دكتور؟
الطبيب: لا خصوصاً أنه خارج الرحم يعني عملية بسيطة
هتحل كل ده و مش هيبقي فيه مشاكل في الحمل بإذن
الله.
انهمرت دموع ريتال براحة بينما حاول براء التماسك و هو يحمد الله .
براء بامتنان: شكرا يا دكتور شكرا جدا .
الطبيب : أن شاء هنحدد ميعاد العملية مع متابعة علشان
نقدر نسيطر علي الوضع .
ريتال: أكيد.
ثم عادا إلي بيتهما، أول ما فعله برأي كان معانقة زوجته
بشدة.
براء بدموع : الحمد لله يا حبيبتي كان أملي كبير في ربنا
مش قولتلك .
ريتال: فعلا الحمد لله على كل حاجة يا حبيبي و شكرا
ليكِ بردو.
براء : ليا أنا؟
ريتال بحب: اه ، علشان أنا كنت واخدة بالي منك لما كنت
كل مرة لتقوم من جنبي بالليل و نقوم تصلي و تعيط
و تدعي ربنا علشاني و لما واجهت أخوك و مامتك علشاني وكل مرة وقفت فيها جنبي و أنا ضعيفة و مستسلمة
أنت حظي الجميل و عوضي في الدنيا دي يا براء .
براء بحب: علشان بحبك و هفضل أحبك، فاكرة لما كنت
مشغول عنك ده كان غصب عني كان في شوية مشاكل
في الشغل مش عايز اشغل بالك بيهم و بعدها الحمد لله
كل حاجة اتحلت و خدت مركز كمان بس في مدينة تانية
و هأخدك و نعيش هناك.
ريتال بفرح: مش هعاتبك أنك مشاركتنيش همومك زي
مانا بشاركك همومي بس دي آخر مرة بس أنا مبسوطة
إننا هنعيش براحتنا أخيرا.
أجرت ريتال العملية بنجاح و قضت بعض الوقت تتعافي
بعدها انتقلا إلي مدينة أخري و باشر براء عمله هناك
كما أصبح مؤذنا للجامع المجاور و مضت حياتهما
في ود و محبة .
عاد براء من عمله ليجد ريتال قد أعدت طاولة العشاء
و زينتها و تنتظره و ارتدت ثوب سهرة و تبرجت له .
براء : ايه الجمال ده كله؟ هو إحنا بنحتفل بمناسبة
وأنا مش عارف ولا إيه؟
ريتال بسعادة و دموع تجمعت في مقلتيها: اه النهاردة
بنحتفل بأهم مناسبة ، بكرم ربنا علينا ، ثم أظهرت شئ من
وراء ظهرها في يدها.
براء بصدمة : هو ده اختبار حمل؟؟؟؟؟
ريتال أنتِ حامل؟
أومأت برأسها و الدموع تنهمر علي وجهها ، عانقها و هو
غير مصدق .
براء : مش قولتلك آخر صبرنا خير ، الحمد لله أنا مش
مصدق و كان يبكي بسعادة .
ريتال: ولا أنا كمان و عملت الاختبار أربع مرات قبل ما
استوعب الحمد لله ربنا كريم جدا علينا .
ريتال بحب: شكرا أنك كنت معايا في كل لحظة و مستبنيش ولا اتخليت عني ، بحبك أوي.
براء : أنتِ روحي و نصي التاني و ربنا و الرسول أمرنا
بالمعاملة الحسنة و المعروف ربنا يقدرنا و نربي ابننا
اللي جاي تربية صالحة و كويسة ، بحبك ربنا يخليكم ليا.
و أخيرا خيمت السعادة علي حياتهما بعد معاناة و صبر
جميل.
#تمت.
#ليس_خطئى.
#DianaMaria.
تعليقات
إرسال تعليق