 |
#احببت_مصارع
#الجزء_التاني
11
في أوضة امير .....
الدكتور: ازيك دلوقتي يا أمير .
امير: الحمدلله يا دكتور انا كويس ونفسي أخرج بقه .
الدكتور بضحك :يا راجل تخرج اي بس ده انت جرح ضهرك وكتفك خطير يا أمير ومحتاج رعاية وحرص
امير: أيوة بس انا حاسس بألم بس قادر عليه يعني
الدكتور: ده بس علشان المسكن مفعوله قوي
وعلشان عجز ايديك برضو مش مخليك بتتحرك فمش بتتعب ..
امير بصدمة :..اي عجز اي انا مش فاهم حاجة ...
والدة امير كانت عارفة من يوسف بس ماقلتش لامير ولأن امير اصلا كتفه وأيده مربوطين فمحسسش بحاجة .....
والدة امير: ده تلاقيه جرح ..صح يا دكتور مش ده قصدك ...
الدكتور حس انه بوظ الدنيا ..اه اقصد كدة بالظبط
امير بحدة :لا انت قولت عجز ...انا ايدي مالها انا فعلا مش حاسس بايدى ليه ....
الدكتور: ارجوك اهدي العصبية مش كويسة ليك صدقني ...
ام امير: أيوة يا حبيبي اهدي كدة ....
امير: خلاص عايزني اهدي فهموني ايدي مالها
الدكتور :كل الحكاية أن الإصابة كانت شديدة اثرت علي دراعك لكن بالعلاج الطبيعي كل حاجة هترجع زي الاول واحسن كمان ....
ندي واقفة مصدوومة من الكلام ده هي مكنتش تعرف عنه اي حاجة ....
امير بوجع: يعني انا مش هقدر احرك ايدي تاني ...
الدكتور: لا انا ماقلتش كدة ..هي فترة معينة
وهترجع احسن من الاول انت حالتك من خطيرة يا أمير صدقني
والدة امير: يا حبيبي اهدي .صدقني الدكتور طمني الموضوع مش خطير هو شوية وقت بس ...
ندي قربت من امير وحطت ايديها علي كتفه ...
لكن امير كان موجوع وخائف ونام في حضن أمه ....
ووالد ندي قرى ياخد ندي ويروح ويسيبوه يرتاح
ويوسف وصل المستشفي بعد ما فهد حكالوا كل حاجة هو وعلي .....
يوسف بتوتر: فهد اي يا ابني ...
فهد كان واقف برا هو وهنا ..يوسف
كويس انك جيت الدكتور مصمم علي المحضر وادهم مشي وانا مش عارف اتصرف ...
علي :هو فعلا الي يوسف قاله هوو ادهم ضرب شاهندة ...
فهد :امممم
يوسف: اففففف بجد ...
طب هي اي حالتها يا ابني ما تفهمناااا
فهد: معرفش يا يوسف انا مقدرتش أدخل اصلا
نور وشمس معاها جوا لكن أنا وهنا برا
يوسف :طب انا هدخلها ... وانت يا علي شوف الدكتور وحاول تتكلم معاه واهدي الدنيا قبل ما يعمل المحضر ده .. يلاااا
علي :حاضر يا يوسف ...حاضر
وفعلا علي راح للدكتور ....اما يوسف دخل أوضة شاهندة ...
__________________________$.
في أوضة شاهندة ...
يوسف :مساء الخير ..حمدالله علي سلامتك يا شاهندة
شاهندة. ......
نور: اهي كدة من ساعة ما دخلنا يا يوسف رفضة تكلمنا أو حتي ارد علينا ..أو حتي تبصلناااا
يوسف: طب ممكن تسيبونا شوية ..محتاج اتكلم معاها علي انفراد يا جماعة ...
شمس :حاضر يا يوسف ..تعالي يا نور ...
وفعلا خرجوا برا ويوسف جاب كرسي وحطه جمب السرير بتاعها .
يوسف ...شاهندة انا مش عارف ازاي ادهم قدر يعمل فيكي كدة .. بس صدقيني هو بيحبك اوي ..
شاهندة بصت ليوسف ...
يوسف: أيوة والله بيحبك اوي ..بس ده مش معناه اني بقولك سامحيه ...
مافيش حد هيامن يعيش مع حد قدر أنه ياذيه
وعلشان كدة انا الي بقولك يا شاهي بلغي عنه
خليه يروح في ستين داهية كمان ..
شاهندة. بصت ليوسف بغل ؛بص يا يوسف انا لو عايزة انتقم من الي عمله فيا مش هيبقي بالسهولة دي .....لان انا مش هشفي غليلي باني احبسه بس
يوسف :مش فاهم قصدك انت هتتطلبي الطلاق
يعني ولا اي
شاهندة بغل :انا عارفة كويس اوى أنا هعمل اي ...
تفتكروا شاهي ممكن تفكر فعلا تاذي ادهم .....
_____________________________$$$
برا أوضة شاهندة ..
نور: انا بجد مش مصدقة الي حصل لحد دلوقتي
معقول ادهم غبي للدرجة دي
فهد :عمره ما كان كدة . علفكرة ..
شمس: انا بجد الي صعبان عليا بس هي شاهندة
مش اكتر ولا اقل ...
هنا: انا بجد هموت واعرف هترفع عليه قضية ولا لاء
فهد :يا شيخة يارب ترفع عليه قضية ....
علي: الدكتور مصمم أنه يسمع قرار شاهندة الاول
شكله كدة هيحبس ...
هنا بغيظ: لله ده بدل ما تتصرف يا حضرة الضابط
المفروض انت رايح علشان تجبر الدكتور أنه مايتكلمش اصلا ..مش تقنعه وتتحايل عليه
علي: اي ده انت ازاي بتكلميني كدة اصلا وبعدين انا بنفذ الي ضميري بيقولي عليهوبعدين انت مش هتقلقي علي ادهم الي هو اخويا وصاحب عمري اكتر مني ..
فهد انا رايح اطمن علي امير
فهد؛ اه صح ..طيب روح وانا شوية وجاي .
علي: تمام ......ومشي علي لاوضة امير .....
شمس :اي اسلوبك ده بجد ...انت بقيتيى
صعبة يا هنا فعلا ..
وخرج يوسف من الاوضة وهو متلغبط جدا
من كلام شاهندة ..ومكنش فاهم هل كلامها ده معناه انها هتبلغ عنه ولا لااء .....
وفعلا بعد فترة كبيرة في المستشفي ..
علي قرر يمشي بعد ما عرف أن أمير عرف الحقيقة ونام ويوسف وفهد ونور وشمس وهنا فضله في المستشفي .....
بعد حوالي ٣ ساعات ...
الضابط: هاااا يا مدام شاهندة مين الي عمل فيكي كدة
شاهندة :مافيش يا فندم ...
الضابط :ازاي يعني والجروح الي في ضهرك وفي وشك ..وايدك المتجبسة ..اي كل ده .
شاهندة :دي ناس معرفهاش ضربوني ...
وفعلا الضابط مكنش مصدقها بس مكنش في حاجة يقدر يعملها غير أنه يسكت. .......
بس ادهم دخل. ..يا حضرة الضابط ...انا الي
شاهندة: أيوة يا فندم هو الي انقذني....
ادهم بصلها بستغراب ...
الضابط :حضرتك مين. .
شاهندة: ادهم جوزي ....
الضابط: تمام بعد اذنكوا . ...
وفعلا خرج الدكتور والضابط معاه ....
نور بحدة :ليه مقولتيش عليه يا شاهندة
ده يستاهل الحبس علشان يتعلم من غلطه
هنا :الله ما بس بقي يا نور ...
نور بحدة: انت تخرصي خالص ... ويكون في علمك انا كلمت عمر وقولته يجي ياخدك لانك هتروحي معاه ...فاهمة
يوسف :باس انت وهي يلا مش وقت الكلام ده. ..
فهد خدهم وروحهم علشان انا ورايا شغل ..يلا
وفعلا كلهم مشيوااااا
ومافضلش غير ادهم و شاهندة ......
ادهم: ليه ما قولتيش أن انا الي عملت فيكي كدة يا شاهي .....انت سامحتيني ...
شاهندة بغل :سبق وقولتلك خاف مني يا ادهم
بس انت افتكرتني بكدب أو بهوش لكن لاااء
انا يوم ما افكر اني انتقم منك هيبقي مش بالطريقة دي ...
ادهم: لسه برضو بتهدديني ....
شاهندة: لا يا ادهم بس الي بيقول حاجة مش بيعملها....لكن الي هيعمل فعلا حاجة مش بيقولها
وانا الي بنصحك يا ادهم انك تبعد عني ....
ادهم: انت بتفكري في اي مثلا ...انك تقتليني
شاهندة سكتت ..انا تعبانة وعايزة انام ........
وفعلا فردت نفسها علي السرير ونامت ...وادهم مرديش يمشي طفب النور ونام جنبها علي الكنبة ...
ادهم: في سره يا ترا ناوية علي اي..........
__________________________________$$
وفعلا جيه عمر الفيلا عند ابراهيم ..
هنا :يسلام انت بتطرديني يا نور
نور :اه بطردك بسببك كل ده حصل ..
انت السبب في الي ادهم عمله في شاهندة
عمر: شاهندة مراته صح ...
نور: اه يا عمر ...ادهم ضربها وهي حاليا في المستشفي..وكل ده من تحت رأسها هي
هنا :كدب ...انا معملتش حاجة يا عمر ...
هي اتخانقت معايا ..وبعدين زعقت لينا كلنا فادهم ضربها انا ذنبي اي بقي ...
نور بحدة :عارفة اي ذنبك ...ذنبك انك حقودة
اول ما عرفتي أن هيثم مش بيحبك وأنه خاين
سبتيه وجريتي علي ادهم لكن طبعا دمك انحرق لما عرفتي أنه اتجوز ...اوعي تكوني فاكرة اني مش عارفة الي في دماغك يا هنا ...عيب ده انا الي مربياكي ...
عمر واقف مش فاهم حاجة ...اي ده هو هيثم طلع خاين ...وانتوا ازاي تخبوا علينا حاجة زي دي
شمس :اهدي يا عمر خوفنا نقولك بعد ما عرفنا موضوع فريدة ..قولنا نسيبك تفرح شوية. .
عمر: افرح اي بس وزفت اي ...وانت يا هنا يلا اطلعي لكي عدوكم علشان هترجعي معايا حالا. ...
هنا بغل وهي بتبص لنور :ماشي يا عمر ماشي ....
وفعلا طلعت هنا أوضتها تلم هدومها. .....
ونزلت بعدها بفترة وروحت مع عمر اسكندرية......
ومر اليوم سواء في القاهرة أو في اسكندرية بتعب
علي كله ...
____________________________________
في المستشفي. تاني يوم الصبح .
ادهم صحي لقه الممرضة جايبة كوبايتين شاي وفطار
ادهم :صباح الخير ...
شاهندة ......
ادهم: طب علي الاقل ردي السلام طيب .
شاهندة: صباح النور.
ادهم ضحك. .اي راضية عني يعني ...
والله يا شاهندة. انا مش مرتاحلك ...
شاهندة :طب ما ده المفروض اصلا يا ادهم ....
انا عايزة اطلب منك طلب ...
ادهم فرح اوي وافتكر انها ممكن تسامحه :قولي يا شاهي انت بس تامري وانا انفذ والله انا ما عارف انا عملت كدة ازاي ....
شاهندة قطعت حديثه ..انا عايزة شوكولاتة دلوقتي
ادهم بسعادة: بس كدة انت تامري وفعلا أدهم ..
نزل الكافيتريااااا.....
وياريته ما نزل ....تفتكروا اي حصل بعد كدة . ..
تفتكروا شاهي ناوية علي اي .....
البارت صغير اوي بس حقيقي انا مشغولة اوي في الجامعة
دعواتكم .....الي بيسالوا القصة فاضل فيها قد اي
ممكن بارتين أو تلاتة
تعليقات
إرسال تعليق