مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجمال_جمال_الروح 

روايه جميله جداوكلهامفاجئات

الحلقه الاولى

كنت رايحه بيت عمي وعلي فكرة ماما بعتتني عندهم بحجه غير مقنعه وانا كنت مستغربه بس بصراحه انا اتخنقت من قاعدة البيت وقولت اروح اقعد معاهم شويه ولقيت مرات عمي عماله تغمز لبنتها وتشاور بعنيها عليا وحسيت ان في حاجه بتحصل انا مش فهماها وعشان كدا وقفت واستأذنت منهم عشان امشي ولسه بفتح باب شقتهم لقيته في وشي ..بصلي بستغراب وقالي انتي مين وقفت ومش عارفه ارد ولقيت مرات عمي جت بسرعه ورحبت بيه وكمان بنت عمي لقيتها بتبعدني من قدامه بعنف وبتقرب منه بطريقه غريبه وهو عينه عليا وبيبصلي بصه غريبه اوي ونظراته بصراحه كانت حاده ولها معنى مش فهماه ..بس مرات عمي وبنت عمي كانوا بيرحبوا بيه بطريقه غريبه اوي وكانه شخص مهم وله منصب كبير في الدوله ولقيت مرات عمي بتتكلم بصوت عالي قاصده تسمعني هي بتقول ايه

مرات عمي: اهلا يا خطيب بنتي 

خطيب بنتها طب ازاي وامتى بس عادي بقى وانا مالي ربنا يوفقهم مع بعض وخرجت من شقتهم ورجعت بيتنا ولقيت ماما بتقولي اوصفيلي عريس بنت عمك شكله عامل ازاي

:::ايه دا ياماما هو انتي كنتي عارفه ان بنت عمي اتخطبت ومقولتليش 

ماما: اومال انا بعتاكي هناك ليه مش عشان تشوفي العريس ..دا بيقولوا انه غني اوي وراجل له اسمه في البلد

:::مش لدرجادي يا ماما دا لسه شاب صغير علي كل الا انتي بتقوليه دا ..يعني مايعديش ال 30 سنه

ماما: صغير ايه ..بقولك دا راجل وله كلمته ويقدر بكلمه واحده منه يشيل ناس من منصابهم ويحط ناس تانيه بدالهم دا كلمته مسموعه اوي

:::يبقى مبروك علي بنت عمي ياماما وربنا يوفقهم

دخلت ماما المطبخ تكمل الا كانت بتعمله وانا مسكت تليفوني وقعدت قدام التلفزيون اتفرج علي اي حاجه تسليني وبعد ساعتين لقيت بابا رجع من شغله بدري عن كل يوم وعمال يبصلي بتوتر سألته في ايه لقيت توتره بيزيد وبص للأرض وقالي (مبروك) طبعا ضحكت وقولتله مبروك علي ايه يا بابا هو انا نجحت تاني ولا ايه ..فضل يبصلي بحزن ولقيته بيقولي يلا ادخلي اجهزي عشان تروحي بيت جوزك .......

الجمال_جمال_الروح

♡■♡■♡■♡■♡■♡■♡■♡

مين عايزه الباقي👏👏😍تفاعل بقى ياحلوين

الجمال_جمال_الروح

#الحلقة_الثانيه🌺  

دخلت ماما المطبخ تكمل الا كانت بتعمله وانا مسكت تليفوني وقعدت قدام التلفزيون اتفرج علي اي حاجه تسليني وبعد ساعتين لقيت بابا رجع من شغله بدري عن كل يوم وعمال يبصلي بتوتر سألته في ايه لقيت توتره بيزيد وبص للأرض وقالي (مبروك) طبعا ضحكت وقولتله مبروك علي ايه يا بابا هو انا نجحت تاني ولا ايه ..فضل يبصلي بحزن ولقيته بيقولي يلا ادخلي اجهزي عشان تروحي بيت جوزك 

جوزي هو بابا قال جوزي اكيد لا ماقلش كدا اكيد بيهزر صح يا بابا انت بتهزر ..بصلي بابا بحزن وقالي وعيونه بتلمع بالدموع لا يا "داليدا" مش بهزر انتي اتجوزتي فعلا واتكتب كتابك من ساعه وجوزك منتظرك في بيته دلوقتي ..طبعا بابا بيهزر بس هو ليه شكله بيتكلم جد وماما جت علي كلامه وبصتله بذهول

ماما: جواز ايه يا عبدالرحمن الا انت بتتكلم عنه

بابا: بنتك اتجوزت واتكتب كتابها ومش عايز كلام كتير وانتي يا داليدا اعرفي ان جوازك دا كان قصاد حياتي وحياتك وحيات والدتك

ماما بذهول: يعني ايه الكلام دا ..هو انت بعت البنت

بابا بحزن: انا اشتريت حيات بنتي بجوازها لانه لو ماكنش اتجوزها كان هيقتلها

كلام بابا رعبني وصرخت بعلو صوتي وسألته هو يبقى مين بس بابا من الخوف مقدرش حتى ينطق اسمه وفي اقل من لحظه لقيت الباب بيخبط وبابا بيفتح لشخص لابس بدله رسميه وبابا كلمه بحزن وقاله ان انا جاهزه وبكل حزن قالي (روحي معاه يا دليدا دا هيوصلك لبيت جوزك )

صوت بكاء ماما وجع قلبي وحسيت ان انا رايحه للموت بس مش مهم موتي لو بابا وماما هيعيشوا هما اهم عندي من الدنيا كلها 

ومشيت ورا الشخص دا ولقيت عربيه كبيره اوي قدام البيت والشارع كله واقف يتفرج على جمال العربيه والشخص دا فتح باب العربيه وطلب مني الدخول وحسيت وكأني اميره رايحه للأمير بتاعها بس مفيش اميره بتروح لأميرها بالغصب وهي اصلا ماتعرفش هو يبقى مين

وبعد وقت لقيت نفسي في عالم تاني وفي دنيا تانيه غير الا احنا عايشين فيها ..لقيت حواليا قصور وبينهم وبين بعض مسافات كبيره ملهاش اخر وكأن الا عيشين هنا ملوك مش بشر زينا

ووقفت العربيه قدام قصر ضخم وواقف قدام القصر روبوت علي شكل انسانه ولما قربت منها اكتشفت انها انسانه زينا من لحم ودم بس جسمها كان ثابت وعنيها قدامها وصوتها حاد ومفيش فيه اي احساس ورحبت بيا بجمود واخدتني جوا القصر دا وانا ماشيه مزهوله ومش مصدقه وحسه اني جوا مسلسل تركي وبسأل نفسي هو في كدا فعلا في قصور وناس عايشه كدا حقيقي وخرجني من تفكيري دا روبوت تانيه بتاخد مكانها واعذروني لان بشبهم بالروبوت لانهم بيتحركوا وبيتكلموا فعلا زي الروبوت وبينفذوا التعليمات بطريقه منضبطه جدا حتى في مشيتهم ووسط تفكيري دا لقيت نفسي قدام باب اوضه وقالتلي ادخلي وسبتني ومشيت وقفت وخبطت ومفيش حد بيرد فتحت الباب لقيت الاوضه فاضيه بس فيها حاجه غريبه حسه فيها بروح قريبه من روحي وبرفان ريحته انا عرفه صحبه وفي احساس بالاطمئنان غريب حساه ومش فاهمه ليه وبعد دقايق لقيت الباب بيتفتح وبيدخل وهو بيبصلي بنفس الطريقه وكانت صدمه ان اشوفه مرتين في نفس اليوم بس هو هنا بيعمل ايه ..قرب مني واتكلم بحده

::: الاوضه عجبتك

داليدا: اوضة ايه الا عجبتني مش انت تبقى...

بصلي بعمق وقالي كملي انا ايه....

داليدا: مش انت خطيب بنت عمي الا انا شوفتك النهارده عندهم

ابتسم بسخريه وبعد عني بخطوات ولقيته بيخلع جاكت بدلته ولسه بيحط ايده علي ازرار قميصه صرخت بعلو صوتي وقولتله انت هتعمل ايه حرام عليك لا ماتعملش فيا كداااااا ..بصلي باستغراب وقالي بتصرخي ليه هو انا جيت جنبك ..طبعا رديت عليه الرد الطبيعي وقولتله ان المشهد دا انا عرفاه كويس وعرفه ايه الا هيحصل بعده

بصلي بدهشه وقالي انا مش فاهمه قصدك ايه

داليدا: يعني انا عارفه بعد ماتخلع جاكت بدلتك و تخلع قميصك ايه الا هيحصل

ضحك بمرح وقالي ايه الا هيحصل

داليدا: هتتهجم عليا طبعا

بصلي بعمق وفضل يضحك بطريقه فوق كلمة رائعه ومش هنكر ان ضحكته دي خطفت قلبي وشكله كان حلو اوي ولقيته بيقولي وهو بيضحك انتي شكلك بتقري روايات وبتتفرجي علي مسلسلات كتير ..قولتله اومال انت كنت هتعمل ايه ..ضحك تاني وقالي ماكنتش هعمل حاجه انا بغير هدومي عادي

كنت حسه انه فعلا مش هيعمل حاجه من الا جت في بالي بس برضه انا مش فاهمه هو بيعمل ايه هنا وعشان كدا سألته تاني

داليدا: انا مش فاهمه حاجه ..مش انت خطيب بنت عمي ..هو انت بتعمل ايه هنا وانا ليه حسه ان انا عايشه في حلم وكل دا مش حقيقي

بصلي بنظره غريبه قوى وقالي بصوت رعب قلبي

::: كل حاجه قدامك هنا حقيقيه الا حاجه واحده هي الا مش حقيقيه

بصتله وانا منتظره اعرف ايه الحاجه الا مش حقيقيه ولقيته بيقول بطريق غريبه

:::  انا الحاجه الا مش حقيقيه

 ♡■♡■♡■♡■♡■♡■♡■

الجمال_جمال_الروح

تفاااااااااعل جاااااااامد

الجمال_جمال_الروح

الحلقة الثالثه🌺

 انااسف جداللتاخيروالله مريض جدا اسالكم الدعاء بالشفاء

بصلي بنظره غريبه قوى وقالي بصوت رعب قلبي

::: كل حاجه قدامك هنا حقيقيه الا حاجه واحده هي الا مش حقيقيه

بصتله وانا منتظره اعرف ايه الحاجه الا مش حقيقيه ولقيته بيقول بطريق غريبه

:::  انا الحاجه الا مش حقيقيه

هو قال ايه يعني ايه هو مش حقيقي بجد خوفني وبعدت عنه وقولتله قصدك ايه هووو ااانت عفريييت 

ضحك تاني بقوة يالله علي ضحكته الا بتسحرني ولقيته قرب مني ومد ايده وقالي المسيني عشان تطمني 

بصراحه خوفت ورجعت اكتر وقولتله لا انت ممكن تحرقني ..فضل يضحك وهو مش مصدق وقالي بمرح ( بقى بزمتك في عفريت حلو كدا )

ايه الاحراج دا هو ازاي يقولي كدا هو فعلا زي القمر بس مايقولش كدا بجد احرجني اوي ولقيت نفسي ببصله وبهز راسي ب لا ..ضحك وقالي ماتخفيش ..والحقيقه بقى ان انا مكنتش خايفه مش عارفه ليه وبصتله وقولتله انا علي فكره مش خايفه انا عايزه اعرف انت مييين

ابتسم و رد بثقه

::: انا ياسين مهران

رديت عليه بدهشه وسألته (مين ياسين مهران)

ياسين: في حد في العالم كله مايعرفش مين ياسين مهران

بصراحه انا ماكنتش اعرف مين ياسين مهران بس كلامه وثقته وهو بيتكلم كانت بتدل علي انه شخص مهم بس كل دا مش مهم المهم دلوقتي اعرف هو عايز مني ايه

وسألته( طب يا استاذ ياسين انت عايز مني ايه)

رد عليا ببساطه وقالي مش عايز منك حاجه ..طبعا انا اتعصبت وقولتله اومال انت جايبني هنا عشان العب ولا ايه ..ضحك تاااني وقالي لو انتي عايزه حاجه انا معنديش مانع انا بتمنى ..بصتله شويه كدا وانا بحاول افهم قصده وبعدين لقيته بيضحك وبيهز راسه ان الا انا فهمته دلوقتي صح وهو دا قصده ولقيت نفسي برد عليه بسرعه وبقوله لاااا انا مش عايزه اي حاجه انا بس عايزه اعرف انا شوفتك في بيت عمي الصبح وانت خطيب بنت عمي صح ؟

ياسين: صح

رديت عليه (حلو اووي وانا دلوقتي هنا بعمل ايه بقى)

رد عليا ببساطه شديده وقالي انتي هنا في بيت جوزك

وطبعا انا مش فاهمه هو بيعمل ايه هنا وعشان كدا سألته( وانت بتعمل ايه هنا في بيت جوزي)

ضحك وقالي مهو انا....

منعته من الكلام وقولتله لا والنبي اوعى تقولها ..ضحك وقالي هي ايه الا اوعى اقولها قولتله (ان انت صاحب جوزي)

بصلي بصدمه وفضل يضحك لدرجة انه مش قادر يتكلم وانا فضلت ابصله ومستغربه هو بيضحك علي ايه وبعدين لقيته بيقولي انتي بجد مش معقوله هو في كدا 

داليدا : هو ايه الا في كدا

ياسين: يعني انا لو صاحب جوزك هبقى معاكي هنا في بيته وفي اوضة نومه واحنا لوحدنا اكتر من ساعه بعمل ايه

بصراحه هو عنده حق يعني اكيد جوزي مش هيسمح لحد غريب يدخل اوضة النوم بس هو ميييين وقولتله ماتقولي انت مين ونخلص ابتسم وقالي (أنا جوزك) بصراحه اتصدمت وقولتله طب وبنت عمي ..قالي (خطيبتي) قولتله نععم ازاي يعني هي خطيبتك وانا مراتك وفي اللحظه دي افتكرت حاجه مهمه وسألته 

داليدا: هو انت هددت بابا بإيه عشان يوافق

ياسين: انا مهددتوش هو الا وافق من غير ما اهددته

داليدا: ازاي يعني وبابا كان شكله قلقان اوي

ياسين: دا بيكون حال اي حد يعرفني

قولتله بس انا بقى مش قلقانه منك ومش خايفه ..ضحك وقالي عارف وسابني وبعد شويه وخلع قميصه ولا كأني موجوده وانا اتصدمت من المنظر وغمضت عيني بسرعه وحطيتي ايدي عليها عشان ماشوفش حاجه وصرخت فيه وقولتله انت ازي تخلع قميصك كدا قدامي قالي عادي انتي مراتي وسابني ودخل الحمام وغاب فيه حوالي ربع ساعه وطلع لقاني واقفه زي مانا ومغمضه عيني وايدي عليها  ولقيته قرب مني كنت حسه بيه وهو بيقرب وقالي شيلي ايدك وبصيلي قولتله لا هو انت لبست هدومك الاول رد بسخريه وقالي( لا ) قولتله يبقى هفضل واقفه كدا ليل ونهار ومش هتحرك ..رد ببساطه وقالي( برحتك )

وفعلا فضلت واقفه وانا مغمضه عيني اكتر من ساعه لحد ماتعبت وكنت هنام وانا واقفه وقولتله حرام عليك انا تعبت ..قالي برحتك انا قولتلك افتحي عينك وانتي مش راضيه

قولتله البس هدومك الاول وانا هفتح عيني ..ضحك وقالي مش هلبس حاجه انا حلو كدا 

طبعا اتعصبت اوي وبصراحه اتغظت منه وفضلت واقفه شويه كمان وبعدين قررت افتح طرف عيني بس واشوف اتجاه الباب واخرج من الاوضه خالص وفتحت عيني وبصيت من بين صوابعي ولقيت المفاجأه انه لابس هدومه كامله تيشرت وبنطلون وقاعد علي السرير واللاب بتاعه علي رجله وبيشتغل عليه

طبعا اتجننت وقربت منه وقولتله بانفعال (انت بتهزر !! سايبني واقفه كل دا وكنت هنام علي نفسي وانا واقفه ) بصلي وفضل يضحك وقالي (تعرفي ان انتي ممتعه جدا وعملتي حس للبيت)

طب اقوله ايه دا بجد هرب كل الكلام مني ولقيته بيحط ايده علي السرير جنبه وبيقولي كفايه كدا النهارده وتعالي نامي وبكره نكمل 

طبعا اضيقت منه اكتر وقولتله انام فييين ونكمل ايه انا لازم اروح عند ماما دلوقتي ..رد عليا بكل برود وقالي خلاص يا حبيبتي انتي كبرتي واتجوزتي والمفروض تسيبي حضن ماما وتنامي في حضن جوزك 

نهاااارك ابيض هو دا مابيتحرجش ابدا ازاي يقولي كدا اتصدمت من كلامه بجد اتصدمت واتحرجت أوي وقولتله عيب الا انت بتقوله دا علي فكره ..بصلي بستغراب وقفل اللاب بتاعه ووقف من علي السرير وقرب مني بطريقه خوفتني اوي ورجعت خطوتين ولقيته قرب مني نفس الخطوتين ورجعت تاني وقرب تاني ..بصراحه بقى اضيقت من حركاته دي وبصراحه اكتر انا كنت حسه باحساس غريب وكأني عرفاه من زمان مش اول يوم اشوفه النهارده ابدا وحسه ان كل الا بيحصل دا حصل بينا قبل كدا ورفعت عيني ليه وقولتله بكل قوة وحده وغضب (انا عايزه انام)

ضحك تااااني وكأنه اتجوزني مخصوص عشان يفضل يضحك ولقيته بيقولي ( النهارده اجمل يوم عشته في حياتي كلها ..فعلا الجمال جمال الروح) 

كلامه ورقته بصراحه دخلوا قلبي وصوته اه علي جمال صوته بصراحه كل حاجه فيه كانت مميزه جدا وتخطف القلب بس انا كنت تعبانه اوي وعايزه انام وعرفت ان عنده حق لما قالي نامي النهارده ونكمل بكره

وفعلا قولتله بجد انا عايزه انام ابتسم وقالي عارف وتعالي نامي ومتخفيش واوعدك مش هغصبك علي حاجه ومش هعمل حاجه انتي مش عيزاها ..بصراحه كنت حسه بصدق كلامه وروحت معاه علي السرير ونمت علي الطرف وهو علي الطرف التاني والغريب ان اول ما حطيت دماغي نمت علي طووووول

صحيت الصبح لقيت نفسي في الاوضه لوحدي ومفيش اي اثر له ولا كأنه كان موجود في الاوضه اصلا وقومت من علي السرير وروحت علي باب الاوضه وفتحته وبصيت حواليا وملقتش اي حد ودخلت الاوضة تاني ولقيت شنطة هدومي ومش عارفه جت هنا ازاي ومين جابها واخدتها وخرجت منها لبس عشان اغير وتركت باقي هدومي جواها ودخلت الحمام وانا عماله ادور فيه ليكون فيه كاميرات ولما اطمنت ان مفيش حاجه غيرت هدومي وخرجت بسرعه مع ان الحمام عنده حاجه فوق كلمة رووعه الا يدخله يبقى عايز ينام فيه من جماله وخرجت من الاوضه كلها ونزلت علي تحت والقصر كان فاضي وكئيب وكأنه بيت للاشباح وكان واسع بطريقه مخيفه وفضلت ادور فيه عن اي حد وانادي واقول يا بشر يالي هنا ولقيت واحده وقفت قدامي بطريقه خضتني وصرخت في وشها وقولتلها انتي طلعتيلي منين قالتلي تحت امرك قولتلها بقولك انتي طلعتي منين قالتلي برضه تحت امرك ..قولت ايه الملل دا هي هتفضل طول اليوم تقولي تحت امرك ..قولتلها هو استاذ ياسين فين بصتلي بصدمه وقالتلي مفيش حد هنا اسمه ياسين

😳😮

♡■♡■♡■♡■♡■♡■♡■♡■

الجمال_جمال_الروح

الحلقة الرابعه🌺

 نزلت علي تحت والقصر كان فاضي وكئيب وكأنه بيت للاشباح وكان واسع بطريقه مخيفه وفضلت ادور فيه عن اي حد وانادي واقول يا بشر يالي هنا ولقيت واحده وقفت قدامي بطريقه خضتني وصرخت في وشها وقولتلها انتي طلعتيلي منين قالتلي تحت امرك قولتلها بقولك انتي طلعتيلي منين قالتلي برضه تحت امرك ..قولت ايه الملل دا هي هتفضل طول اليوم تقولي تحت امرك ..قولتلها هو استاذ ياسين فين بصتلي بصدمه وقالتلي مفيش حد هنا اسمه ياسين

نعععم لحظه كدا يعني ايه مفيش حد هنا اسمه ياسين بصتلها بصدمه وقولتلها ياسين صاحب القصر دا هزت راسها وقالتلي بس صاحب القصر دا ميت بقاله شهر

ايه الجنان الا انا فيه دا اومال مين الا كان معايا فوق امبارح دا ..بجد انا بدأت اخاف وقولت لازم امشي من القصر دا حالا وطلعت فوق تاني واخدت شنطتي ونزلت ولسه بفتح باب القصر لقيته في وشي وبيقولي رايحه فين 

رجعت خطوتين وانا ببصله بخوف وهو بيبصلي بدهشه وبيقولي انتي سمعاني هزيت راسي ب لا ..ضحك وقالي ولما انتي مش سمعاني بتردي عليا ازاي ..وقفت وانا مش قادرة اتحرك وقولتله انت ميين ..ضحك وقالي انا جوزك انتي نسيتي ..قولتله واسمك ايه ..بصلي بصدمه وقالي انا ياسين جوزك مالك انتي فيكي ايه 

وقفت ابص حواليا وادور علي الا قالتلي ان مفيش حد هنا اسمه ياسين عشان اقولها هو دا ياسين جوزي وسألته مين صاحب القصر دا ..ضحك وقالي (انا) قولتله طب ليه بيقولوا ان صاحب القصر ميت من شهر ..ضحك وقالي عشان انا فعلا ميت بقالي شهر

لااااا كدا كتير والله دا عايز يجنني ولا ايه بجد عصبني وانفعلت عليه وقولتله (انت هتهزر ولا ايه ولما انت ميت اومال مين الا قدامي دلوقتي عفريته)

ضحك وقالي حاجه زي كدا

هو ايه دا انا مش فاهمه حاجه بصتله بصدمه وقولتله برعب(يعننني اااانت عفررييت) 

ضحك وقالي اعتبريني كدا رجعت بخوف وفضلت اقرأ قرأن واقوله (ابعد عني اتحرق) واقرأ قرأن تاني وهو يبصلي ويضحك ويقولي (لا مش هتحرق) ..هو ايه دا والنبي عفريت وبيستظرف دا ولا ايه وبصراحه ضحكه دا قلقني المفروض دا لو عفريت يتحرق ولا يحصله حاجه وانا عماله اقرأ القرأن لكن دا كل ما اقرأ يضحك ويبصلي باعجاب ..قولتله انت عفريت مسلم ولا ايه بصلي وضحك وقالي تحبي تشوفي بطاقتي ..اتعصبت وقولتله انت كمان بتهزر في المصيبه دي ..قالي مفيش مصيبه ولا حاجه انتي الا مكبره الموضوع

لما قالي كدا بقى مقدرتش امسك نفسي واتعصبت عليه وقولتله بكل غضب ( ارجوك رجعني عند ماما )

ضحك وقالي حبيبتي انتي كبرتي خلاص وبقيتي متجوزه وعيب تقولي رجعني عند ماما 

بصراحه بقى انا تعبت منه ومن الرعب دا ونفسي اعرف هو ايه ومين وليه وهو مش عايز يريحني وبيقول الكلمه وعكسها 

قعدت علي الارض وانا عماله افكر اعمل ايه في المصيبه الا انا فيها دي ولقيته بيقرب مني وبيقعد جنبي وبيقولي ولا تعملي اي حاجه الموضوع بسيط جدا

بصتله برعب ..هو ازاي عرف انا بفكر في ايه ..وقولتله انا دلوقتي اتأكدت ان انت عفريت

ضحك وقالي وتأكدتي ازاي

اتكلمت بثقه وقولتله عشان انت قرأت افكاري دلوقتي ودا شغل عفاريت ..قالي لا يا حبيبتي العفاريت ليهم افعال خارقه اكبر من كدا ..قولتله زي ايه ..قالي حاجات كتير بس للاسف مش هينفع اورهالك ..قولتله ليه ان شاءالله  ..ضحك وقالي (عشان انا مش عفريت)

بجد هيجنني لااا بجد بجد دا جنني خلاص بصتله وقولتله تعرف انا مش هستغرب من اي حاجه تقولها او تعملها بعد كدا وعفريت بقى مش عفريت مايهمنيش

قالي وهو دا الا انا عايزه ..قولتله طب انا جعانه عندكم اكل ولا شغل عفاريت وكدا ..بصلي بدهشه وقالي بجد جعانه ..قولتله طبعا انا من امبارح ماكلتش حاجه ..وقف وقالي ايه رأيك اعزمك علي الغدا بره ..فرحت طبعا وقولتله موافقه يالا بينا وبصراحه كنت بفكر ان اهرب منه واحنا برا القصر المرعب دا ولقيته ابتسم واخدني وروحنا برا القصر وفتحلي باب عربيته وكلم الحرس بتوعه وقالهم مش عايز حد معانا وركب العربيه جنبي وشغل العربيه وخرجنا برا القصر ..طبعا من وقت ماخرجنا وشوفته وهو بيتكلم مع الحرس بتوعه وانا مصدومه لان شوفته واحد تاني غيره هو الا بيتكلم  ..بيتكلم بصوت وطريقه غير الا بيتكلم معايا بيها وكأنهم شخصين جوا شخص واحد وفضلت ابصله وانا هتجن ولقيته ابتسم وقالي( لا ماتتجننيش ولا حاجه بكره تتعودي وياريت تشيلي فكرة الهروب من دماغك لان انا مش هسمحلك تبعدي عني)

صدمني بجد بجد صدمني انه قرأ افكاري كدا ولقيته بيبتسم تاني وبيقولي (ماتستغربيش انا اكتر انسان في الدنيا دي بعرف انتي بتفكري في ايه ..)

بصراحه انا خلاص فعلا هبطل استغرب من اي حاجه يقولها او يعملها

ووصلنا مطعم كبير ودخلنا وطلبت اكل كتير اوي وهو كان بيبصلي بدهشه لانه طلب حاجه خفيفه جدا والاكل اتحط قدمنا وانا اكلت بجوع رهيب وكنت متجاهله نظراته المندهشه وهو مش مصدق ان بنت في نحافتي بتاكل الكميه دي ..خلصت اكل وقولت الحمدلله انا كنت جعانه اوي ..ضحك وقالي الف هنا يا حبيبتي تحبي اطلبلك حاجه تاني ..عملت فيها كيوت وقولتله لا كفايه كدا اصل مش بحب اكل كتير ..ضحك وقالي ليه يا حبيبتي دا انا كنت بفكر ندخل المطبخ جوا تاكلي برحتك بدل ما الناس تعبوا من كتر تحويل الاكل من جوا لهنا ..

وكان بيتكلم وهو بيضحك

وانا اتحرجت جدا من كلامه بس رديت عليه بغضب وقولتله معلش بقى اصل جوزي مجوعني من امبارح ..رد عليا وفجأني وهو بيقولي اعذوريه اصلك امبارح خطفتي قلبه وعقله

بصتله وانا مش مصدقه رقته واختياره للكلام الا بيدخل قلبي وبقيت مش عارفه ارد اقول ايه بجد كسفني جدا وكنت هموت من الخجل ..ضحك وقالي نفسك تروحي فين تاني ..

مش عارفه ليه محسسني ان هو طالع من المصباح السحري وحسه انه عايز يحققلي كل امنيه ليا ودا شئ كان مفرحني جدا بصراحه لان اجمل احساس البنت ممكن تحسه لما تلاقي حد بيحبها ونفسه يحققلها كل احلامها وطول الوقت يسألها نفسك في ايه عشان يعمله وهو دا الا كنت بحسه معاه ..بصلي وقالي ليه بتبصيلي كدا ..ابتسمت وقولتله انا نفسي في حاجه واحده بس ..قالي نفسك في ايه

داليدا: نفسي اعرف انت مين

♡■♡■♡■♡■♡■♡■♡■

والله مش لوحدك يا داليدا كل الجروب نفسهم يعرفوا هو مين😈😂 اللى عايز يعرف تفاعل كتيييير معانا👏

الجمال_جمال_الروح

بقلم_ملك_إبراهيم

الحلقة الخامسه🌺 

بصتله وانا مش مصدقه رقته واختياره للكلام الا بيدخل قلبي وبقيت مش عارفه ارد اقول ايه بجد كسفني جدا وكنت هموت من الخجل ..ضحك وقالي نفسك تروحي فين تاني ..

مش عارفه ليه محسسني ان هو طالع من المصباح السحري وحسه انه عايز يحققلي كل امنيه ليا ودا شئ كان مفرحني جدا بصراحه لان اجمل احساس البنت ممكن تحسه لما تلاقي حد بيحبها ونفسه يحققلها كل احلامها وطول الوقت يسألها نفسك في ايه عشان يعمله وهو دا الا كنت بحسه معاه ..بصلي وقالي ليه بتبصيلي كدا ..ابتسمت وقولتله انا نفسي في حاجه واحده بس ..قالي نفسك في ايه

داليدا: نفسي اعرف انت مين

رد ببساطه وقالي انا انسان طبيعي جدا اطمني ..قولتله طب ليه حساك غريب وليه اتجوزتني بالطريقه دي ..قالي في حاجات ماينفعش تعرفيها دلوقتي ودا لمصلحتك انتي عشان تفضلي عايشه

كلامه حيرني اكتر ولقيت نفسي بدون وعي بسأله عن خطوبته من بنت عمي ..ابتسم وبصلي بطريقه جميله اوي وقالي يهمك تعرفي ..هزيت راسي بأيوا وانا تايهه وببص لملامحه الا بتسحر اي حد لانه بجد وبدون مجامله مفيش فيه غلطه واي بنت تتمنى تكون مكاني دلوقتي بس انا نفسي افهم هو عايز ايه ..ابتسم وقالي ( خلصتي ) قولتله ( خلصت ايه ) قالي (ملامحي الا بترسميها جوا عنيكي)

ايه دا هو ازاي كل شويه يحرجني كدا بجد صدمني تاني بس انا قولت خلاص مش هتصدم تاني وقولتله( عادي يعني انت كنت بتتكلم وانا ببصلك وبسمعك)

قالي (وياترى انا كنت بتكلم اقول ايه)

ايه الاحراج دا انا فعلا ما كنتش مركزه في كلامه ومش عارفه ارد اقول ايه بس افتكرت اخر سؤال انا سألته وهو كان عن بنت عمي وسألته تاني عنها وهو رد بكل بساطه

ياسين: (خطيبتي)

طب دا اقوله ايه لما ابقى مراته من امبارح بس ويجي دلوقتي يتكلم عن بنت عمي ويقولي خطيبتي وانا شكلي ايه دلوقتي وانا متجوزه خطيب بنت عمي انفعلت بصراحه وقولتله انت عايز مني ايه بالظبط ..بصلي بغموض وقالي عايز كتير ..خفت منه وقولتله وانا عايزه امشي من هنا وفعلا قومنا ومشينا وانا طول الطريق عماله افكر في كل كلامه وافعاله ومش فاهمه اي حاجه

بقلم/ملك إبراهيم

وصلنا القصر ولقيت ست كبيره قاعده جوا القصر اول مرة اشوفها وكان في شبه كبير بينهم وهو قرب منها وابتسم وقلها (حمدلله علي السلامه يا امي) ابتسمتله وبصتلي وقالتله هي دي مراتك ..ابتسم بسعاده وقرب مني وضمني كدا قدمها وقالها (اه هي دي داليدا الا خطفت قلبي)

ابتسمت والدته وقالت (زي القمر مراتك يا يا يوسف)

احممم يوسف مييين😭 هي قالت يوسف صح قاالت يوسف .. طبعا بصتله وقولتله يوسف ميين ..ابتسم وعينه علي والدته واتكلم بصوت منخفض

ياسين: انا يوسف

بعدت ايده عني وانفعلت وقولتله انت هتجننيييي انت يوسف ازاي

غمزلي بطرف عينه وهو بيبص لولدته وقالي حبيبتي انتي اعصابك تعبانه تعالي اوضتنا ارتاحي شويه ..وروحت معاه واول ما دخلت الاوضه كنت ناويه اصرخ فيه واطلع كل غضبي لكن هو ماشاءالله عليه مادنيش فرصه واول ما دخلنا الاوضه لقيت صوته اتغير ونظرته وطريقته وكل حاجه وقالي بانفعال (صوتك مايعلاش تاني انتي فاهمه)

بصتله بصدمه ورعب وقولتله انت مين ..انفعل اكتر واتكلم بعصبيه وقالي (بطلي تسألي انا مين قولتلك ان انا انسان عادي انا انسان افهمي بقى وبطلي تخافي مني )

هزيت راسي بخوف ..بصلي بغضب وقالي انا هنزل اتكلم مع امي شويه ومش عايز اسمع صوتك وخرج فعلا وانا قعدت مكاني بتعب ومش فاهمه ايه كل الا بيحصل معايا دا وازاي هو بيتغير بسرعه كدا وبيبقى شخصين جوا شخص واحد ..بجد انا هتجنن خلاص ومش فاهمه حاجه ومش فاهمه هو عايز مني ايه وفضلت افكر في كل تصرفاته الغريبه دي 

بعد وقت طويل لقيته دخل الاوضه ومش بيتكلم ولا بيقول اي حاجه وانا كنت قاعده علي السرير وهو ولا كأنه شايفني وخد لبس ليه ودخل الحمام وبعد 10 دقايق خرج وهو مغير هدومه وجه على السرير ولقيته بينام وبيقرب مني وحط راسه علي رجلي زي الطفل الصغير وهو مغمض عينه وبيتنهد بتعب ..بصراحه انا استغربت وكنت ببصله بدهشه بس كنت ساكته ومش بتكلم وبعد دقايق انتظمت انفاسه وحسيت انه نام فعلا ولقيت نفسي بركز في ملامحه القريبه مني اكتر وسرحت في وسامته الا تشد اي حد وفضلت ابصله وانا حسه ان بتتخلق جوايا مشاعر جديده له وحطيت ايدي علي شعره ..بصراحه كان نفسي المسه اوي مش عارفه ليه وبعدين نزلت بإيدي علي ملامح وشه واول مالمست بشرته بجد حسيت برعشه جوايا واحساس في قلبي غريب أول مرة احسه وفجأه فتح عينه وبصلي اتخضيت وشلت ايدي بسرعه لقيته ابتسملي ومسك ايدي وقربها من شفايفه الدفيه وقبلها برقه وقالي ماتخفيش انتي اغلى حاجه في حياتي..

بصتله وانا مش فاهمه اي حاجه بس كنت متلخبطه اوي حتى مشاعري مابقتش فاهمها حسه ان خايفه منه ومطمنه معاه ، عايزه اهرب وابعد عنه ومش عايزاه يبعد عن عيني لحظه ..بجد بقيت متلخبطه ومش عارفه اعمل ايه ..وعشان كدا سألته بهدوء وقولتله ( انت مين ؟!! يوسف ولا ياسين )

فضل يبصلي شويه وبعدين قالي (انتي جميله أوي يا داليدا وجمال روحك خطف روحي)

بجد كلامه بيدخل قلبي وبحس بسعاده وانا بسمع صوته بس نفسي افهم انا عايشه مع مين وسألته تاني انت مين ..لقيته قام وقعد قصادي علي السرير وقالي ( انا الاتنين يا داليدا جسم ياسين جواه روح يوسف)

طب افهم انا ايه دلوقتي من الجنان دا وطبعا سألته وقولتله ( طب انا مرات مين فيكم دلوقتي انا مرات يوسف ولا مرات ياسين )

ضحك وقالي مرات الاتنين

نهارك اسود دا هيوديني في داهيه يعني انا دلوقتي متجوزه اتنييين😭

بقلم/ملك إبراهيم

♡■♡■♡■♡■♡■♡■♡■♡■

والله ياسين و يوسف دا دمه عسل الله يكون في عونك يا داليدا😂😂

تفاعل قوي يا اهل الجروب😂👏👏

تكملة الروايه من هنا هنا