 |
البارت 16_17_18_19_20_الاخير
حمقاء في المخابرات
#ايزيس
في اوضة عدنان
كانت عيلة عدنان كلهم معاه وحازم كمان كان موجود بس عدنان لسة ردود أفعاله غريبة والدكتور قاعد بيراقب تصرفاته
وصل سيف وعيلته
ملك....عدنينووووو وجريت عنده
عدنان بص لها بغل....وبص لسيف وقاله...س سيف مين البت ا ا الهبلة دي
ملك...اخص عليك يا عدنينو أنا هبلة وكمان نستني يا خسارة العيش والملح
كلهم قلقوا علي عدنان
نور قربت منه بهدوء ودموعها نزلت ومسكت أيده باستها
عدنان بص لها كتير جدا وبعد لحظات ابتسم لها
وبص لسيف....مين البت الحلوة دي يا يا سيف
نور..............😭😭😭😭
الكل اتفاجئ من كلام عدنان والدكتور شاورلهم وخرجوا كلهم ماعدا ملك ونور
عدنان كان مركز ف وش نور وحاسس أنه الشخص دا غالي علي قلبه ابتسم لها ومسك أيدها وبعدين بص لملك وكشر
ملك....هو انت بتعامل كل الناس حلو إلا أنا هو أنا ضرتك يا عدنينو ولا ايه
عدنان ...أخرسي يا هبلة
ملك.....والله لسجلك فيديو وانت اهبل كده عشان ازلك بيه
نور بصت لها بغضب...ملك ماتعمليش كده
خارج الغرفة
الدكتور....هو اللي حصله نوع من تشوش في الذاكرة بسبب صدمات كهربية عالية أو بسبب صدمة نفسية اتعرضلها الذاكرة عايزة تنساها فبيوهم نفسه أنه ناسي يعني ممكن يكون ناسي حاجة ويفتكرها بعد شوية ..المهم ماحدش يناقشه هو ناسي ليه أو افتكر فجأة ليه ..علاجه عادة بيكون من شهر لست شهور ..
والدة عدنان وهي بتعيط....لك طمني يا دكتور ابني راح يطيب هو هيك
الدكتور .....اكيد إن شاء الله علاجه مضمون ماتقلقيش
كلهم قالوا الحمد لله ودخلوا تاني لعدنان
عدنان كان مغمض عينيه ومرجع راسه لورا وتعابير وشه كأنه بيفتكر حاجة ويتألم
حازم....اظن يا جماعة مش هينفع لمتنا حواليه كده ..يلا نسيبه يرتاح الدكتور قال هيقعد يومين هنا لغاية ما وضعه يستقر وبعدين يقدر يراوح
والدة عدنان ...أنا راح ضل هون معاه لابني
نور...بعد اذنك يا ابيه أنا هاقعد انهاردة مع عدنان هنا
سيف ....تمام اقعدي ...يلا يا ملك ..الكل خرج وما فضلش غير والدة عدنان ونور
في شقة سيف
وصل وكان تعبان جدا ومرهق
سيف...ملك انا هادخل أنام لاني تعبان جدا خليكي عاقلة وماتعمليش اي كوارث زي اللي متعود عليها منك يعني ماتعمليش بطاطس محمرة وتنسيها وتنامي وتولعي في الطاسة وف الشقة كلها فاهمة
ملك....اكيد فاهمة هو أنا وش ذلك يا سفاسيفو
سيف بصدمة...نعمممم سفا ايه ...مش هارد عليكي أنا داخل أنام
ملك ...روح نام نوم الهنا يا حبيبي ..سيف دخل ينام وملك عملت ساندويتش ودخلت بكل هدوء جمب سيف تتأمله لانه كان واحشها وفجأة
ملك...بصوت بهز أركان الغرفة....اعاااااااااا سييييييف
سيف قام مفزوع م النوم
سيف....بقلق قام واقف ...ملك في ايه الشقة ولعت صح وبعدين صرخ في ايييييييه
ملك....سيف البيبي
سيف قعد جمبها ...ماله البيبي انتي تعبانه يا حبيبتي
ملك....بهدوء ...لا البيبي اتحرك لاول مرة🤭
سيف ....😠😠😠نعم ..حرااام عليكي يا ملك هتجلطيني قريب
ملك حضنته ...بعد الشر عليك يا سيفو يا قلبي ..انت مش فرحان أنه البيبي اتحرك ولا ايه
سيف....اكيد فرحان بس وربنا بقالي يومين ما نمتش عايز أنام ولما اصحي هنفرح كلنا
ملك ...ماشي أنا هاقعد عاقلة ولا اقولك أنا هاروح أنام عند ماما أمينة
سيف أخدها ف حضنه...تؤ تؤ انتي مكانك هنا في حضني يلا نامي ومش عاوز دوشة
ملك....في سرها...هحاول
&&&&&&&&&
عند عدنان في نص الليل
عدنان صرخ ....لاااااا مش هاعترف
نور صحيت بس والدته كانت نايمة قربت منه بهدوء.... عدنان انت كويس
عدنان بص باستغراب ...نور انتي هنا ليه
نور.....عشان أفضل جمبك
عدنان بص لها كتير وبعدين قربها منه وحضنها ...وحشتيني
نور....وانت كمان واحشتني يا حبيبي حمد لله علي سلامتك
عدنان غمز لها....ماقلت أنا مش بحب الكلام انا بحب الفعل
نور....مش فاهمة
عدنان ...يعني واحشتني تعبري عنها كده 💏وباسها بوسة طويلة
نور تقريبا كان هيغمي عليها من الخجل وهي عايزة تبعد عنه بس خايفة تزعله ..أنقذها صوت والدته
نوال....لك شو عم تساوو بنص الليل
نور تقريبا جالها شلل رباعي من الخضة والكسفة
عدنان عادي جدا ما اتأثرش ولا انكسف ...ماما احم انتي كمان نايمة هنا ..أنا لازم امشي بكرة علي بيتنا ما بحبش قعدة المستشفيات ..وبصي عايز اتجوز في اسرع وقت
نوال....اكيد حبيبي بس تطيب راح نجوزك دِغري
عدنان....اطيب من ايه بس انا زي الفل اهو
بص لنور لقاها لسة مكسوفة قام شدها قعدها علي رجله
عدنان...ممكن اعرف الوش دا عامل زي الطماطم ليه ..حد ينكسف من جوزو برضو
نور بصت بصدمة لمامته
قامت نوال بكل تلقائية غمضت عينيها وقالت ..راح ساوي حالي نايمة لا تنحرجي الله لا يوفقك يا عدنان خجلت البنت..
&&&&&&&&
في الصبح عند سيف
ملك بتحلم ....لا لا ايااااااااد لا ابوس اي...د ك
سيف.....بص لها بصدمة وهزها صحيت
سيف...دانتي نهارك اسود بتحلمي بإياد
ملك....م مهو أنا كنت بحلم كابوس يا سيفو
سيف....وكنتي بتحلمي ايه بقا يا قدري
ملك....مافيش ولا حاجة انسي
ملك لسة هتقوم ...أنا رايحة أحضر لك الفطار
سيف افتكر حاجة وشدها تاني واتكلم بشك ...خدي هنا انتي لما ضربتي إياد كف كنتي بتقوليله عشان لمست حاجة مش بتاعتك إياد عملك ايه يا ملك
ملك جريت ع الشباك وفتحته ...الله يا سيفو المنظر يجنن من الشباك دا ...هي بتحاول تهرب من الرد
سيف وقف قدامها ...جاوبي ما تهربيش عملك ايه
إياد الزفت
ملك.....بخوف...كان عايز يوريني الساعة اللي بتنور ف الضلمة..ولسة هتجري منه
سيف ...شدها رجعها تاني ليه
ملك...بخوف...ايه انت كمان هتوريني الساعة اللي بتنور في الضلمة ولا ايه
سيف...لا يا روح امك انا هاوريكي النجوم ف عز الضهر
&&&&&&&&&&
بعد فترة
عند عدنان
سيف اخد ملك وراحوا يطمنوا علي عدنان
عدنان....سيف ازيك
ملك .....وانا ايه مافيش ازيك أنا بت البطة السودة ماشي يا عدنان الكلب
عدنان....ايه يا بت يا ملك ايه لزوم طولت لسانك ع الصبح دي عاملة ايه يا ام عتريس
ملك جريت عنده....الله مانت خفيت اهو اومال امبارح ناسيني وناسي البت مراتك المنكسرة دي ومش فاكر غير سيف
اثناء ملك ما بتتكلم الكل عمال يبرق لها تسكت عشان كده غلط ع عدنان لكن دي مين دي ملك
عدنان وهي بتحكي بدأت تعابير وشه تتغير وبان أنه مش فاكر حاجة وغضبان غمض عينيه ومسك دماغه
عدنان.....اااه بس بس ما حدش يتكلم
سيف شد ملك لبرا ...ملك ممكن تخرسي
خالص ..الدكتور قال ماحدش يتكلم معاه في اللي فاكره أو اللي ناسيه
ملك....مطت شفايفها زي الاطفال ماكنتش اعرف يا سيفو ..آسفة
سيف...مشكلتي ما بعرفش ازعل منك يا مجرمة
ملك....خلاص انا هاتمشي هنا شوية في مستشفي الشرطة الحلوة دي لغاية ما تخلصوا مع عدنان عشان ما اعكش الدنيا ماشي
سيف ...تمام بس خليكي عاقلة وماتلمسيش حاجة
ملك....حاضر
سيف دخل عند عدنان وملك فضلت ماشية في المستشفي لمحت اوضة مفتوحة ومتعلق فيها صورة حد هي تعرفه كويس فكرت بعقليتها المحدودة
ملك...بفرحة ....اه لو اللي ف دماغي صح دا يبقي اسعد خبر في حياتي
استنت لغاية الممرضة ما خرجت وبعدها دخلت الأوضة وبعد وقت
ملك .....اعاااااااااا يا سييييف الحقوني يا بشرررررررررر ......
(منك لله يا ملك ع اللي بتعمليه ف سيف وفينا😂)
&&&&&&&&&&&
البارت انتهي اتمني يعجبكم
عارفة أنه صغير هحاول اكتب واحد تاني بالليل إن شاء الله ❤️❤️
البارت السابع عشر
حمقاء في المخابرات
#ايزيس
سيف دخل عند عدنان وملك فضلت ماشية في المستشفي لمحت اوضة مفتوحة ومتعلق فيها صورة حد هي تعرفه كويس فكرت بعقليتها المحدودة
ملك...بفرحة ....اه لو اللي ف دماغي صح دا يبقي اسعد خبر في حياتي
استنت لغاية الممرضة ما خرجت وبعدها دخلت الأوضة بس اتفاجئت بإياد اللي اول ما لمحها جري عليها ومسك في رقبتها وفضل يخنق فيها ملك اول ما شفته وقبل ما يخنقها صرخت وقالت
ملك .....اعاااااااااا يا سييييف الحقوني يا بشرررررررررر
بس بعد كده ما قدرتش تصرخ لانه كان خنقها ..
أما عند سيف
سيف بمجرد ما دخل اوضة عدنان افتكر أنه اوضة إياد في نفس الدور وأنه ملك عندها حب استطلاع قاتل فخرج بسرعة لانه قلق من تصرفات ملك وفعلا سيف وصل عند اوضة إياد ولقي ملك تقريبا هتموت في أيده
واياد بيقول ...هتقتلك يا ملك يا مجرمة قتلتي بدر أنا عايز بدرررررر
جري سيف بسرعة وزق إياد واخد ملك وخرج وقفل الباب ملك كانت بتاخد نفسها بالعافية وسيف غضبان لأقصى درجة ومرة واحدة ملك اتكلمت
ملك ...ببكاء....سيف كان هيموتني
بس اتفاجئت بحتة كف محترم من سيف وقعها الأرض وسابها واقعة ومشي ..ملك انصدمت دي اول مرة سيف يمد أيده عليها هو ديما اللي بيحميها ويحتويها ويمسح دموعها ...فضلت ع الأرض فترة وبعدها وقفت ومسحت دموعها وراحت اوضة عدنان بس ما لقيتش سيف هناك
فضلت قاعدة ساكتة بعكس طبيعتها
وعدنان شارد ومش مركز معاهم
والدة عدنان جهزت كل حاجة خاصة بيهم لانهم خلاص عدنان هيخرج من المستشفي
نوال(والدة عدنان )...عدنان حبيبي قوم راح نمشي ع البيت متل ما انت بدك
عدنان ...يااااااه البيت فعلا واحشني اوي يلا يا ماما
نور ...واحنا كمان يلا نمشي يا ملك
عدنان ...لا تمشي تروحي فين ..وبعدين قال لمامته ...ماما أنا البت دي عجباني عايز أخدها معايا البيت وتجوزهاني بقي ماشي
مامته ونور بصوا لبعض بس ما اتكلموش وملك كانت بتفكر في سيف واللي عمله ومش مركزة
الدكتور اخد والدته ووالده وخرجوا ...
الدكتور ..أنا قلتلكم أنه ممكن يفتكر وينسي من غير سبب بس هيتحسن بشكل ملحوظ مع العلاج ما تقلقوش
والد عدنان ووالدته اخدوه وخرجوا وملك ونور كمان خرجوا ولقول سيف مستنيهم في العربية ..ملك بصت لسيف بنظرة عتاب بس هو كان لسة زعلان من تصرفاتها الطايشة دور وشه الناحية التانية والبنات ركبوا وهو ساق
وصلوا البيت
نور دخلت شقة والدتها وسيف وملك طلعوا شقتهم
في الشقة
سيف ما كلمش ملك دخل ياخد شاور من سكات وبعدين خرج اتفاجئ بملك
ماسكة شرشف سرير ابيض مطوي وعليه سكينة ( للتوضيح كأنها بتقدم كفنها زي الصعيدي لما يكون عليه تار وعايز يتصالح مع اهل القتيل فبيمسك كفنه علي أيده ويقدمه لاهل القتيل )
سيف ابتسم بس حاول يداري ابتسامته ..ممكن افهم بتعملي ايه
ملك ...بقدملك كفني مش انت مش عايز تصالحني..اقتلني بقا
سيف اخد نفس عميق ....انتي عارفة لو ما ماكنتش افتكرت أنه اوضة إياد قريبة من اوضة عدنان كان ممكن تموتي
ملك ...بدموع...عارفة بس والله ما كان قصدي لما شفت صورة بدر افتكرت أنه ممكن يكون لسة عايش ودي أوضته أنا بحب بدر اوي يا سيف
سيف حضنها وباس راسها ...بس خلاص انا مش بحب اشوف دموعك دي ابدا
ملك لسة بتعيط...انت فاكر اني سامحتك لا انا مش ناسية انك ضربتني كف
سيف باس خدها ...اهو أنا اسف يا قلبي
ملك ....مش هو دا الخد اللي ضربته علي فكرة
سيف باس خدها التاني ...ولا تزعلي يا ستي وادي التاني
وباس شفايفها ...ودي اعتذار مني لاحلي ملك ف الدنيا
ملك....سيفو عيب كده في حد شيفنا
سيف باستغراب ...حد ..هو في حد معانا ف الشقة
ملك...اكيد طبعا البيبي شايفنا اوعي تعمل كده تاني لغاية البيبي يشرف
سيف ضحك ...والله متجوز هبلة بس بعشق ام الهبل اللي انتي فيه دا وباسها تاني (ماخلاص يا عم سيف انت ما صدقت ولا ايه😂😂)
&&&&&&&&&
في الصبح سيف وملك صحيوا صلوا وفطروا وسيف لبس واتفاجئ أن ملك كمان لبست
سيف...انتي رايحة فين
ملك...هاروح الشغل
سيف ...ملك احنا مش اتفقنا أنه دي كانت اخر عملية ومش هتشتغلي تاني في المخابرات وكفاية اوي لغاية كده
ملك....بتنزن زي العيال الصغيرة.سيفو عشان خاطري يا سيفو بالله عليك اشتغل أنا حبيت الشغلانة دي اوي وحبيت مغامراتها
سيف بيفكر...ملك عنيدة ولو منعتها هتحب الشغل وتتمسك بيه اكتر ماشي يا ملك طالما انتي مش عايزة تسيبي الشغل بكرامتك أنا هخليكي تترفدي منه
وبعدين قالها ....امري لله قدامي يا ستي
وراحوا الشغل
في المخابرات
سيف خرج من اوضة حازم عشان قاله حاجة ..وراح يحقق مع واحد من تنظيم دا..عش كان معاه متفجرات
وبعدين قال لملك ...ملك انا بحقق مع واحد جوه وزميله التاني في الأوضة دي ادخلي حققي معاه اوك
ملك بفرحة....الله احقق مع مجرم دي حاجة جامدة اوي تحت امرك يا كابتن سيف وأدت تحية الشرطة بتاعة تمام يا فندم دي.
ملك خرجت وسيف ضحك عليها ودخل هو كمان يحقق مع الإرهابي
عند ملك
ملك ..انت يا جاسوس
الشاب ...أنا مش جاسوس
ملك....اومال انت ايه
الشاب ...أنا مظلوم يا اختي هما اخدوني بالغلط صدقيني ..أنا ماليش ذنب..ونفسي اروح اشوف امي قبل ما تموت ومراتي بتولد
ملك ..بحزن علي حالته ....يا حرام طب وايه اللي وقعك في ايدين حازم اللي ما بيرحمش دا دا راجل صعب اوي
الشاب ...ظروفي اعمل ايه يا اختي
ملك...خلاص انا هاشوف الحوار دا مع سيف ولو لقيناك برئ نمشيك هنحبسك ليه دا حتي حرام ...وفجأة سمعهوا اذان الضهر
الشاب ....لو تسمحيلي يا اختي اقوم اصلي يبقي بارك الله فيكي
ملك بتردد...بس اوعي تهرب ولا اقولك أنا هاجي اوقفلك علي باب المسجد تحت بسلاحي اهو شايف السلاح دا أي حركة ندالة منك هافرغه في دماغك
الشاب....لا ندالة ايه عمري ما اعمل حركات ندالة معاكي يا اختي
ملك ...طب قوم بينا بالراحة عشان سيف لو شافنا هنتنفخ أنا وأنت ..انت صحيح اسمك ايه
الشاب...صادق عشان مش بكدب ابدا
ملك.همستله ....طب يلا يا صادق اتسحب بالراحة
نزلوا في مسجد ملحق بالمخابرات في الدور الارضي ودخل يصلي بس ماخرجش لانه هرب
ملك بعد شوية دخلت تشوفه لقت المسجد فاضي
ملك...ياليلة سودة يا لهوووي دانا هاتنفخ دا مش بعيد حازم المفتري يحبسني بداله اعمل ايه اعمل ايه بس مافيش غير سيف حبيبي ومنقذي
وجريت عند سيف
ملك ..بتعيط ...سيف الحقني المتهم هرب
سيف بيمثل الصدمة...ايه هرب يخرب بيتك هرب ازاي دا حازم باشا هيقتلك
ملك....خليك جمبي يا سيف وصيتك ابني
سيف ...ابنك هيتقتل معاكي يا ملك يلا نروحله
سيف وملك راحوا عند حازم
حازم....بيمثل الغضب ...يعني ايه هرب ..هرب من مين فيكو
سيف ...مني انا يا فندم
حازم خرج مسدسه وصوبه ناحية سيف
ملك...انصدمت وجريت علي سيف وقفت قدامه ..وصرخت حاااااازممممم استني المتهم هرب مني انا اوعي تقتل سيف وعيطت بجد وحضنت سيف...اوعي تقتله أنا ماليش غيره هو كل حياتي ابوس ايدك يا باشا ...سيف قلبه رق وصعبت عليه واخدها في حضنه وكان نفسه يقولها أنا بمثل عليكي بس قال أنا بعمل كل دا عشان احميها
حازم ....أنا مش هقدر اضرب واحدة ست عشان كده انتي مرفودة يا ملك
ملك....موافقة أني اترفد
حازم ...عندي ليكي عرض بما انك وطنية وحابة تخدمي البلد ايه رأيك تشتغلي ممرضة في المستشفي الخاصة بينا
سيف...ما بلاش يا فندم
حازم ...ما تقلقش يا سيف مافيش خطر عليها
ملك....موافقة أنا اعمل اي حاجة عشان مصر
سيف...حضنها وهمس ...ماكنتش فاكر انك وطنية اوي كده
ملك همست...انت فيه حاجات كتير لسة ماتعرفاش عني
حازم...احم ...أجلوا الرومانسيات دي ف بيتكم وخليكوا معايا
سيف بعد عن ملك...معاك يافندم
حازم...سيف روح انتي علي شغلك وانتي يا ملك تعالي نخلص اجراءت نقلك من هنا ع المستشفي
ملك....تمام يا فندم
سيف خرج وراح للشاب صادق اللي هو متفق معاه يمثل دور متهم شكره واداله فلوس والشاب مشي وسيف كمل شغله عادي وهو كل ما يفتكر اللي عمله مع ملك يضحك تلقائي
خلص اليوم وراوحوا بيتهم وتاني يوم كلن الجمعة عدنان كلم نور وقالها أنه عازمها علي خروجة بس سيف قلق عشان عدنان لسة ردود أفعاله مش طبيعية وبينسي فجأة ويفتكر فجأة..فقرر أنه هو كمان ياخد ملك ويخرجوا من نور وعدنان
&&&&&&&&
في النادي الرياضي
قاعدين كلهم يضحكوا ويهزروا وياكلوا وعدنان كان حالته شبه مستقرة وفيه حد بيراقبهم من بعيد ومركز مع ملك
ملك...همست لسيف ...أنا هاروح التواليت
سيف...اوك يا حبيبتي
ملك راحت وحاسة أنه في حد ماشي وراها لفت وبصتله واتفاجئت ..........يتبع
😊آسفة ع التأخير بس اتعودوا كل يوم الثلاثاء عندي كورس وبارجع تقريبا العصر لسة كاتبة البارت حالا وربنا😊
&&&&&&&&&&&&
البارت انتهي اتمني يعجبكم❤️
البارت الثامن عشر
حمقاء في المخابرات
#ايزيس
في النادي الرياضي
قاعدين كلهم يضحكوا ويهزروا وياكلوا وعدنان كان حالته شبه مستقرة وفيه حد بيراقبهم من بعيد ومركز مع ملك
ملك...همست لسيف ...أنا هاروح التواليت
سيف...اوك يا حبيبتي
ملك راحت وحاسة أنه في حد ماشي وراها لفت وبصتله واتفاجئت
ملك...ايه دا ميزو يخربيت سنينك وماشي بتتسحب ورايا كده ليه يا ميزو خضتني
ميزو...هاي لوكا بصراحة جوزك مستر عضلات دا كل ما بيشوفني بكلمك بيصربني من غير سبب وانا بصراحة داخل مسابقة هيختاروا منها موديلز وخفت سيف يتهور ويضربني لو سلمت عليكي ..المهم سيبك انتي عاملة ايه يا قلبي واحشاني
ملك...وانت كمان وحشتني يا ميزو
ميزو بص لبطنها
ميزو ...لا ماتقوليش انك حامل اوووه سو كيوت لوكا ..بس كده هتبوظي لياقتك وجسمك يا حرااام
ملك ...ايوا يا بني أنا حامل في الشهر الرابع
ملك لمحت سيف جاي عندها لانه بيقلق عليها لما تتأخر لتكون عملت في نفسها مصيبة
ملك....انفد بجلدك يسطا سيف جي علينا
ميزو ...او ماي جاد طيب باي بقا ..
سيف ...استني عندك انت مين
ميزو لف وتقريبا كان مرعوب
سيف....بمفاجأة ...ايه دا ميزو ..سيف مد أيده وسلم علي ميزو وضغط علي أيده جامد ..ازيك يا ميزو ليك واحشة
ميزو...بيتوجع.....اااي اهلا كابتن سيف سيب ايدي بقا ايه العنف دا
سيف ...دانا بسلم عليك بس يا ميزو ..تعالي اقعد معانا وانتي يا ملك يلا ادخلي التواليت وحصلينا
ميزو ...بجد اقعد معاكو..طب لحظة هجيب الجيرل فريند بتاعتي بسرعة
وفعلا ميزو جاب صاحبته وقعدوا مع سيف وملك ونور وعدنان
ميزو...دي جي جي صاحبتي ..
جيجي....هاااي انا جيجي ..ميزو صاحبي وI love him so much
ميزو ...me too يا قلبي ورمالها بوسة في الهوا
عدنان ضحك...الله دول مسليين اوي خليكوا قاعدين معانا نتسلي شوية بيكم
كلهم ضحكوا علي عدنان وكملوا قعدتهم هزار وتريقة علي ميزو وجيجي وفجأة ملك حست بهبوط ووقعت ع الأرض كلهم اتخضوا وسيف شالها بس كان خايف يسيب نور مع عدنان لانه حالته مش مستقرة ...قال لميزو يقعد يخلي باله عليهم وقال ف نفسه يا للسخرية القدر بقا يجي اليوم اللي اطلب من ميزو أنه يحمي اختي فعلا وعسي أن تكرهوا شيئا وهو خير لكم
واخد ملك اللي كانت فاقدة الوعي وطلع ع الدكتورة
في العيادة
الدكتورة فحصت ملك وملك فاقت
الدكتورة...بص حضرتك هي ضعيفة جدا وشكلها ما اخدتش الفيتامينات اللازمة لحملها وخاصة أنها حامل في توأم لازم تهتم بأكلها وصحتها اكتر من كده
سيف ...بفرحة ...ايه توأم بجد يا دكتورة طب اكتبي كل الفيتامينات اللازمة وانا هجيبهالها
ملك فاقت ولسة هتقوم لقت سيف شالها
سيف...أنا هاشيلك لغاية العربية ليه بقا مش مهتمة بأكلك
ملك....أنا حامل في توأم بجد يا سيفو
سيف ...بحب ..بجد يا قلب سيفو.. واخدها
وركبوا العربية ومشيوا
&&&&&&&&&&
فات اربع شهور وملك كانت بتدلع علي كفها وهي خلاص بقيت في بداية الشهر التاسع وعدنان حالته كانت بتتحسم بس لسة ماتعافاش اوي بينسي احيانا ..ملك كانت بتباشر شغلها في المستشفي بس اخدت إجازة عشان كانت تعبانة جدا من الحمل
وفي يوم
في المخابرات
سيف قاعد مندمج في شغله وفجأة يبص يلاقي عدنان جي الشغل
عدنان سلم علي سيف وراح مكتبه بكل هدوء وكان طبيعي وفجأة بيتفرج ع نشرة الاخبار ولقي اخبار عن اسرا...ئيل واللي بتعمله في فلسط....ين وشاف طبعا المأساة اللي بتحصل في كل شبر هناك عدنان بدأ يمسك دماغه ويتألم وفجأة اتحول لوحش غاضب بيكسر في كل حاجة وبيصرخ سيف سمعه وجري هو وحازم سيف مسك عدنان من كتافه
سيف..بصوت عالي ....اهدي اهدي بقلك مالك جرالك ايه
عدنان....انا مخنوق مضايق أنا خلاص يا سيف مش هقدر اروح اساعدهم تاني ولا هاقدر احبط اي عملية بيخططولها أنا خلاص بقيت كارت محروق ..ودموعه نزلت
سيف اتنهد بحزن علي حالة صاحبه...عدنان اسمع انت بطل وهتفضل بطل انت ناسي انت عملت ايه بسبب ضغطة واحدة بايدك علي زرار غيرت كل طاقم القيادة فجرتهم في ثانية وحتي لو انكشفت احنا مكملين ومش هنستسلم ولا هنبيع القضية يمكن مش انا وانت اللي نحررها بس اكيد في جيل مننا هيطلع يحررها وفي يوم نشرة الأخبار هتبقي كلمة واحدة بس
#تم_تحرير_فلسطين
انت مش لازم تنهزم ولا تستسلم ارجع عدنان البطل القوي اتفقنا ...عدنان بص لسف وعيونه كلها دموع وحضنه جامد
وحازم ربت علي كتفه وخرج من غير ما يتكلم
بعد يوم طويل ومعاناة قدر عدنان يتصالح مع نفسه ويتغلب علي مرضه اللي هو فقدان الذاكرة الوهمي كان بيهرب من الواقع مش اكتر
&&&&&&&&&
سيف رجع البيت لقي ملك ونور وأمينة قعدين وملك ماسكة كومة سندوتشات وبتاكل
سيف ....ايه يا بلونتي هو أنا كل ما اشوفك القيكي بتاكلي والله خايف اصحي بالليل القيكي اكلتي دراعي ولا حاجة
ملك بتتكلم والأكل ف بوقها ...شايفة يا ماما شايفة ابنك بيتريق عليا ازاي انا غلطانة اللي بحافظلك علي عيالك ..لو ضايقتني هانزلهملك دلوقتي وربنا
أمينة...سيف ابعد عنها انت كل ما تشوفها تقولها بالونة وتزعلها
سيف قرب وباس راس ملك ...و أنا أقدر برضو ازعل ملوكة قلبي ..ضحك بس برضو بالونة هههه ولسة هتضرلوا قام ساحب سندويتش وجري بيه وامبنة ونور ضحكوا وفجأة الباب بيخبط
تفتح نور تلاقي عدنان هو عدنان بس كأنه رجع عدنان القديم العاقل الجذاب والرومانسي والحنين والقاسي ف نفس الوقت نظرته بتقول أنه متغير
عدنان....نور حبيبتي عاملة ايه مش هتقوليلي اتفضل
نور...ها لا ازاي اتفضل يا حبيبي
عدنان دخل وقعد مع سيف
عدنان ....سيف أنا عايز اتجوز خلال الاسبوع اللي جي دا اظن مافيش داعي للتأجيل ونور هتكمل السنة اللي باقية في الجامعة معايا وما تقلقش أنا مش هعطلها عن مذاكرتها بالعكس هاسعدها انت عارف اني بعرف اتكلم انجلش كويس اوي..قلت ايه
سيف ....والله انا معنديش مانع ايه رأيك يا ماما وانتي يا نور
أمينة....خير البر عاجله يا ابني وانا معنديش اي مانع انا اتجوزت والدك الله يرحمه وكنت ف اولي جامعة وكملت عنده
نور...بخجل....اللي تشوفوه أنا موافقة عليه
عدنان ابتسم ...أنا عارف مراتي رأيها من رأيي صح يا نوري
نور...ابتسمت وبصت ف الأرض
سيف ...بضيق من الرومانسيات اللي بتحصل قدامه ....أنا بقول نجوزكم احسن من حرقة الدم دي
عدنان ...خلاص يبقا الخميس اللي جي
ملك ...اه والنبي يا عدنينو استعجل قبل ما اعملها وتولد وانحرم من الفرح أو أجله
عدنان ...لا وعلي ايه يا باشا بكرة لو تحبي
مر اسبوع وكل الابطال مشغولين بتجهيزات الفرح
واخيرا يوم الفرح
سيف داخل القاعة وف أيده نور وملك ماسكة ديل الفستان ودخلوا القاعة علي انغام اغنية فرح جميلة
وعدنان رقص سلو مع نور وسيف مسك ملك بغيظ عشان حرمته يرقص معاها سلو يوم فرحهم
ملك ....سيفو هنرقص ازاي
سيف ...ضحك...قصدك ع البلونة
ملك...يوووه
سيف...مش مهم هنتحرك بهدوء ما تقلقيش
********""""
عدنان....نور هو انتي هتفضلي باصة للأرض كتير
نور...احم لا
عدنان بخبث...نوري هتعملي ايه لو نسيت انتي مين في الشقة
نور..بقلق ..ايه انت ممكن تنسي
عدنان...بخبث ...علي حسب وضحك
واخيرا خلص الفرح وعدنان اخد نور وركبوا العربية ومشيوا
وصلوا شقتهم
عدنان مسك ايد نور
بس نور كانت متوترة وخايفة سحبت أيدها من أيده وقالت
نور....عدنان قبل ما ندخل الشقة لازم اقولك علي حاجة مهمة جدا
عدنان...بحب...لازم يعني
نور....اممم لازم
عدنان....قولي يا نوري أنا سامعك
نور.....اناااا .......يتبع
&&&&&&&&&&&
البارت انتهي اتمني يعجبكم ❤️
#فين التشجيع بقا بكتب وانا صايمة والمفروض أنام يلا بقا عاااش💪 عايزين نشوف نور مخبية ايه 😊
البارت التاسع عشر
حمقاء في المخابرات
#ايزيس
واخيرا خلص الفرح وعدنان اخد نور وركبوا العربية ومشيوا
وصلوا شقتهم
عدنان مسك ايد نور
بس نور كانت متوترة وخايفة سحبت أيدها من أيده وقالت
نور....عدنان قبل ما ندخل الشقة لازم اقولك علي حاجة مهمة جدا
عدنان...بحب...لازم يعني
نور....اممم لازم
عدنان....قولي يا نوري أنا سامعك
نور.....اناااا....أنا بصراحة عايزة اوضحلك حاجة
عدنان بص تقريبا لاقي جيرانهم فاتحين باب شقتهم نص فتحة كده وبيتصنتوا
قام مرة واحدة شال نور وهي اتخضت
عدنان ....نتكلم في شقتنا احسن الناس بتتفرج علينا
نور كانت مغمضة عينيها من الخجل لما شالها وعدنان انتهز الفرصة وباسها وابتسم وهي قلبها كان هيقف من القبلة المفاجئة دي
دخلوا الشقة وعدنان نزلها بكل هدوء ع الكنبة وقعد جمبها
عدنان....احكيلي بقي يا روحي ايه الموضوع المهم اوي اللي شاغل نوري حبيبتي
نور...ابتلعت ريقها ...أنا كنت حابة اوضحلك أنه كل الهدوم ...ا ا المش كويسة اللي جوة دي مش انا اللي نقتها عشان ماتفهمنيش غلط دي اختارتها ماما وملك
عدنان ابتسم ...يا رتني فهمتك غلط..وبعدين
نور.....أنا بقلك كده عشان ما تطلبش مني ألبسها تمام
عدنان ضحك وقالها بخبث...وانا مين قالك هاطلب منك تلبسي حاجة
ملك...😳😳😳نعم
عدنان بسرعة وضح.لها...قصدي مش هاطلب منك حاجة معينة تلبسيها براحتك اللي انتي مرتاحة فيه يا حبيبتي البسيه
نور اطمنت وابتسمت ...شكرا يا عدنان ربنا ما يحرمني منك ..نفسي تفضل تحبني كده علي طول وتكون متفهم معايا
عدنان مسك ايديها الاتنين بأيديه وقالها بكل حب....يا حبيبتي انتي روحي هو فيه حد بيكره روحه
نوري ابتسمت وبصت للأرض
عدنان ...بتعشقي الارضيات أنتي علي طول تبصي كده الأرض ...قومي يلا غيري هدومك عشان نصلي
نور بدلت هدومها وصلوا وبعدين قعدت جمبه بالاسدال
عدنان ...ايه يا روحي ليه لابسة الأسدال
نور...أنا مرتاحة كده مش انت قولت لي البسي حاجة ترتاحي فيها ..أنا هادخل انام
عدنان شدها مرة واحدة وقعت علي رجله وشال طرحة الأسدال بهدوء وبدأ يمشي أيده علي شعرها وباسها وهي مغمضة عينيها وبعدين شالها ووقف ولسة هيتحرك فتحت بسرعة وصرخت
نور...بتوتر.....عدناااان نزلني انت رايح فين
عدنان نزلها و اتفاجئ...ايه يا نور خايفة ليه
نور ....احنا ما اتفقناش علي كده علي فكرة احنا اتفقنا انك تكون متفهم
عدنان....انتهد ...حاضر يا نور عايزة ايه بقي
نور ...عايزة انام
عدنان.....شالها تاني ...تعالي هاخدك تنامي وامري لله
وفعلا نور نامت وعدنان فضل جمبها بيلعب في شعرها ويبتسم لغاية مهو كمان نام م التعب
عند ملك
أمينة بتعيط ...أنا عايزة بنتي بقا بنتي واحشتني
سيف باس راسها ....يا ماما يا حبيبتي هي راحت مع جوزها زعلانة ليه بس مش دي سنة الحياة
أمينة....ماليش دعوة أنا بنتي عمرها ما بعدت عني
ملك كانت واقفة وحزينة كان نفسها تجرب الاحساس دا يوم فرحها ومامتها تكون عايشة وتزعل وتعيط لما هي تتجوز سيف بص لملك وعرف هي بتفكر في ايه من تعابير الحزن اللي علي وشها قام مسك أيدها وقربها من والدته
سيف....طب وملك مش بنتك كمان
أمينة حضنت ملك وقالت...ربنا يعلم انا بحب ملك اد ايه وبعتبرها بنتي الصغيرة
سيف ضحك...لا من ناحية صغيرة فهي فعلا اصغر واحدة ف البيت
ملك طلعت لسانها لسيف
&&&&&&&&&
الصبح عند نور وعدنان
نور صحيت قبل عدنان اخدت شاور وصلت
وبعدها حضرت الفطار وراحت لعدنان لقيته اخد شاور وخارج من الحمام
عدنان بص لنور بمفاجئة وقالها ...انتي مين وايه اللي جابك هنا
نور بصدمة ...عدنان اناااا...وسكتت
عدنان قرب عليها بخبث وقال ...الله انتي حلوة اوي تتجوزيني يا قمر
نور....من الصدمة مش عارفة ترد وعلامات الزهول علي وشها
قربها منه وباسها وهي كالعادة مش بتقدر تصده لما يكون ناسيها بتخاف علي حالته ربما تتدهور
عدنان واخد راحته ع الآخر بقي وهي مش بتقاوم وتقريبا هيغمي عليها من قربه ..عدنان بقا قال في نفسه ..مافيش غير الطريقة دي بس اللي هتنفع معاكي يا نوووري انتي اللي بدأتي خليني بقي فاقد الذاكرة 😈
&&&&&&&&&&&&
عالمغرب
سيف وملك وأمينة راحوا باركوا لعدنان ونور وعيلة عدنان كمان راحوا وقضوا وقت ممتع كلهم وكانوا مبسوطين
نور همست لسيف....ابيه سيف عدنان رجع ينسي تاني في الصبح كان ناسي أنا مين ما افتكرنيش الا بعد......
سيف بقلق ......بعد ايه
نور بصت للأرض ....احم
سيف فهم ...امممم
*************
سيف اخد عدنان وراحوا الڤرندا....
سيف.....عدنان انت كويس
عدنان...بابتسامة .....جدا أنا زي الفل انت بتشك ف قدرات صاحبك ولا ايه
سيف بحزن....عدنان انت رجعت تنسي تاني
عدنان انفجر ضحك....هي نور قالتلك ....ياعم ولا بنسي ولا حاجة بس اعمل ايه ف اختك اللي مش بتفك غير مع عدنان اللي فاقد الذاكرة ..فقلت بقا الفترة دي اعمل فاقد الذاكرة علي طول ههههههههه
سيف .....ضحك دانت شيطان يا اخي ..طب ايه رأيك بقا هقول لنور علي كل حاجة
عدنان....روح قولها وانا هاقول لملك انك السبب في رفدها من المخابرات
سيف....جري ايه يا معلم أنا كنت بهزر معاك ..احنا صحاب وستر وغطت علي بعض
عدنان ضحك .....مانا بقول كده برضو
وخرجوا يكملوا سهرتهم مع أهلهم
&&&&&&&&&&
في الصبح
ملك وأمينة بيفطروا وسيف كان نزل شغله من شوية
ملك.....ماما أنا هاعدي علي سيف في شغله عشان انهاردة الدكتورة هيحددلي معاد الولادة وعايزة اعملها مفاجأة ليسف ونروح مع بعض
أمينة ...وماله يا حبيبتي ربنا يقومك بالسلامة
ملك لبست وخرجت بسرعة ووصلت عند سيف ولسة هتدخل سمعت صوت حاسة أنه مش غريب عليها
.......هههههه لو شفت منظرها وانا بقولها نفسي اشوف ماما قبل ما تموت ومراتي بتولد ههههه صدقت المسكينة ...بجد مراتك يا باشا طيبة زيادة عن اللزوم
سيف اتنهد...عشان كده أنا عملت فيها المقلب دا عشان تترفد لاني ....ولسة هيكمل ويقول بخاف عليها
ملك دخلت وكانت مصدومة وهما شافوها وسكتوا
سيف وقف بسرعة....ملك انا....ما تفهميش غلط أنا عملت كل دا عش...قاطعته ملك .
ملك.....بتحاول تمنع دموعها....عشان عارف اني غبية وهاصدق اي حاجة تقولها لي
بس عايزة أسألك سؤال ايه رأيك في المشهد لما كنت هاموت م الخوف لما لقيت حازم رفع السلاح في وشك كان ادائي حلو عجبك
وبعدين بصت للشاب
ازيك يا صادق ياللي مش بتكدب ابدا اخبار والدتك ماتت ولا لسة واخبار مراتك ولدت ولا لسة بتولد من يومها
سيف قرب عليها وكان حاسس اد ايه هي مجروحة منه ...ملك انا اسف انا والله ...
ملك شاورت بايديها عشان يسكت
وقالت له ....أنا ماشية محتاجة اقعد لوحدي شوية ..وسابته وخرجت ف هدوء واطلقت العنان لدموعها بقي
سيف مسح وشه وقعد ع المكتب تاني
الشاب ...أنا شكلي عكيت الدنيا صح
سيف....امشي دلوقتي يا خالد
سيف حاول يتصل ع ملك كتير بس هي فونها مقفول كلم مامته قالت له انها خرجت من بدري عشان يروحوا للدكتورة وكانت عاملة له مفاجأة
سيف راح عند الدكتورة قالت له انها ما جاتش سيف كان هيتجنن راحت فين كلم سلامة وقاله ماجاتش سيف طلع علي شقة اهل ملك ومالقهاش كان ف قمة غضبه ومش عارف يتصرف ازاي ولا يعمل ايه هي مالهاش غير عم سلامة وشقتهم
&&&&&&&&&
عند المقابر
ملك كانت بتعيط.....أنا غبية يا ماما ؟؟..غبية يا بابا؟؟ ردوا عليا ...طب رد عليا انت يا احمد أو انتي يا ليلي حد يقولي ليه سيف شايفني غبية (هو سيف بس اللي شايفك غبية داحنا كلنا هنطق من غبائك😂)
فضلت وقت طويل حزينة وبتعيط ومجروحة من سيف ازاي يعمل لعبة عليها عشان تترفد من الشغل ...بعدها طلعت ع شقة أهلها اخدت المفتاح من البواب ونامت هناك ...سيف تقريبا كان علي آخره من الغضب والقلق والخوف متكتف مش عارف يعمل ايه ولا عارف هي كويسة ولا لا
وهو كل نص ساعة يحاول يتصل عليها بس لسة فونها مقفول وبعدها يكلم سلامة يقوله أنها ماجتش ..سيف اخد عربيته وفضل يدور عليها في المستشفيات
ف نص الليل
ملك...فاقت ....اااه أنا تعبانة ايه دا تبقي مصيبة لو كنت بولد انا لوحدي هنا ...اه ..قامت من السرير ولسة هتفتح باب الشقة....حست بألم شديد ...اعاااااااااا حد يلحقنيييييي أنا بولد لوحدي ياما ......يتبع
&&&&&&&&&&&&&
البارت انتهي اتمني يعجبكم❤️
#استنوني ف الحلقة الاخيرة يلا تفااااااااااااعل جااااامد 📢
البارت العشرون (والاخير)
حمقاء في المخابرات
الجزءالتاني من حمقاء في الموساد
#بقلم_إيزيس
ف نص الليل
ملك...فاقت ....اااه أنا تعبانة ايه دا تبقي مصيبة لو كنت بولد انا لوحدي هنا ...اه ..قامت من السرير ولسة هتفتح باب الشقة....حست بألم شديد ...اعاااااااااا حد يلحقنيييييي أنا بولد لوحدي يامااااااا
رجعت بسرعة مسكت الفون بتاعها فتحته واتصلت علي سيف
سيف ماكانش نايم اصلا كان بيدور عليها رد بلهفة ....ملك انتي فين
ملك...سييييييييف الحقنيييييي أنا بولد لوحدي ف بيتناااااا
سيف قفل....بسرعة ومش عارف يفكر هو بعيد عنها ومش هيوصل الا بعد نص ساعة للحظات تفكيره شل ومش عارف يفكر وبعدين افتكر حاجة بسرعة ..مسك فونه ورن علي سلامة
سيف.....الو عم سلامة ملك في شقة والدها وبتولد بسرعة الحقها واطلع بيها ع المستشفي وانا هحصلكم
سلامة....حااضر حاضر يا ابني وقفل بسرعة
عند ملك
ملك .....اعاااااااا الحقونييييي يا ناااااس يلي معندكمش رحمةةةةةة
الجيران صحيوا علي صوت صويت ملك وخبطوا ع الشقة اتحاملت علي نفسها وفتحت الباب
ام سامية....ملك ازيك يا بنتي ليكي وحشة انتي بتولدي ولا ايه
ملك بتصوت....دا وقت سلاماااات ياولييية الله يحرقييييك...بولد اومال بالعب
سلامة ومراته وصلوا وسندوا ملك وركبوها العربية
واخيرا وصلوا المستشفي وملك هزت أركان المستشفي بصويتها واخيرا وصل سيف
ملك ...ااااه يا سيف يا واطييييي بقا تعمل عملتك ومتكبر تيجي توقف جمبي يا كااااالب
سيف.....ملك اهدي اهدي يا حبيبتي أنا جمبك
ملك..بتصوت..مانت عاملي ظابط مخابرات وشخص مهم ومش واقف جمبيييي
سيف...اعمل ايه اكتر من كده اجي أولد بدالك يعني
دخلت ملك غرفة الولادة وفضلت تصوت لغاية ماولدت ع الساعة ستة الصبح
وسيف كان قلقان جدا عليها ومامته معاه بتهديه وبعدين وصل عدنان ونور...وفجأة خرجت الممرضة ومعاها طفل وطفلة مسكت أمينة الطفل ونور الطفلة
وسيف ساب الكل وجري يطمن علي ملك اللي كانت نايمة
سيف بقلق ...مالها يا دكتورة
الدكتورة....هي بخير ما تقلقش بس نامت م التعب وهتبقي كويسة
قرب سيف وباس راسها ومسح لها العرق اللي كان علي جبينها
وبعدين خرج شاف أطفاله ووالدته باركتله ونور وسلامة ومراته وعدنان
عدنان ....مبروك يا ابو عدنان
سيف....ومين قالك اني هسمي ابني عدنان
عدنان ...ضحك....لا مانا خلاص سجلته عدنان و نور سمت البت مليكة قريب من اسم امها لأنها هتطلع غبية زيها
سيف....تصدق انك بارد بجد انتوا ازاي تسموا عيالي من غير ما تاخدوا رائي وبعدين احترم نفسك وما تقولش علي مراتي غبية انت فاهم لازعلك
خرجت الممرضة ...المدام فاقت
دخلوا كلهم لملك
ملك ...بتعب ....فين عيالي
أمينة ...ما تقلقيش يا حبيبتي هما كويسين اهم وقربت أمينة الاطفال لملك
ملك حبت تغيظ سيف هي لسة زعلانة منه....تعالي يا روحي أنا هاسميك ديفيد علي اسم حد عزيز عليا
سيف بص لها بغيظ وابتسم ...طب قولي اسم ينفع نسميه لو حابة تغظيني لكن ديفيد ماينفعش
ملك....اوووف الناس اللي مش بكلمها ما تكلمنيش 🙄
سيف قرب وباس راسها وخدودها ...أنا ما اقدرش علي زعل القمر أم الغالين
عدنان....ملك ما قولتيش ايه رأيك في عدنينو الصغير
ملك...ايه دا انتوا سمتوه عدنان
سيف بقهر ....هما سموا العيال من غير استئذان
نور ...حضنت سيف....قلبك ابيض بقا يا ابيه
عدنان شدها ....وهمس بمكر ... تعالي هنا دانا مش عارف احضنك بتحضني سيف
نور همست لعدنان ...انت بجد يا عدنان لما بتفقد الذاكرة بتنسي اي حاجة حصلت بنا بعدها
عدنان بمكر ...اه مش بفتكر حاجة خااالص صدقيني (هو بيقول كده عشان تفك معاه وهو فاقد الذاكرة)
نور....يالهوووي طب أنا لو كنت حامل عدنان هيصدق ازاي أنه ابنه ...(طيبة اوي انتي يا نوررر😂)
خرجوا من المستشفي راوحوا
ومرت الايام والعيال مجننين سيف وملك
وأمينة وجيران الجيران من عياطهم طول الليل
سيف مرة راجع م الشغل لقي ملك بتعيط
سيف ...مالك يا قلبي
ملك..بتعيط زي الاطفال ..عيالك مش راضيين يسكتوا وكل ما اسكت مليكة عدنان يعيط اعمل ايه
سيف حضنها ...ولا تزعلي نفسك سيبيهم يعيطوا وتعالي في حضن حبيبك ملك حضنته والعيال بعد شوية هديوا لوحدهم وبطلوا عياط
عند عدنان ونور
عدنان بيشاهد التي ڤي
نور بخوف ....عدنان انااااا أنا هاقولك حاجة و اوعي تفهمني غلط
عدنان ...قولي يا نوري
نور...غمضت عينيها...أنا حامل
عدنان قام مرة واحدة وحضنها ...دا بجد مبروووك علينا يا نوري
نور...بتعجب ...انت ما زعلتش مش هتسألني حامل ازاي
عدنان ...اقولك سر
نور...اممم
عدنان ...أنا ماكنتش بنسي اي حاجة بينا ولا كنت فاقد الذاكرة بس لقيتك بتحبي عدنان اللي بينسي عشان كده مثلت اني بانسي
نور ما قدرتش تتكلم كانت مصدومة بس...
😳😳😳😳دي نور
👨👩👧👦👨👩👧👨👩👧👦👨👩👧👨👩👧👦👨👩👧👨👩👧👦👨👩👧👨👩👧👦👨👩👧👨👩👧👦👨👩👦
بعد اربع سنين
عدنان ونور عازمين ملك وسيف وأمينة ع الغدا
قاعدين بيضحكوا ويهزروا وسايبين عيالهم بيلعبوا مع بعض
عدنان الصغير كل دقيقة بالظبط يبوس ديمة بنت عدنان اللي عندها سنتين
وعدنان الكبير هيتجنن
عدنان...ولد شايفك علي فكرة ما تعصبنيش لأقوم اعمل منك كفتة
عدنان الصغير ...لا مس حايز تفتة(مش عايز كفتة) انا بحب البلجل(البرجر)
ملك.بضحك..ايه يا عدنينو الكبير ما تسيب عدنينو الصغير علي راحته مع مزته
نور ...دول اطفال يا عدنان
سيف ....بصراحة يا ملك ابنك زودها الواد طالع رومانسي لابوه
ضحكوا كلهم ..ههههههههههههه
وفجأة سمعوا صوت ...طاااااااااخ تكسير كوبيات وأطباق ودربكة شديدة كلهم قاموا جريوا
ناحية الصوت لقوه جاي من عند النيش
بصوا لقو كل اللي ف النيش وقع في الارض واتكسر ومين السبب🤔
ابن الوز عوام مافيش غير مليكة نسخة مصغرة من ملك
سيف.....ايه اللي انتي عملتيه دا يا مليكة
مليكة...أنا ماليس دحوة (ماليش دعوة)دا وقع لوحده أنا بس كنت بتفلج (بتفرج)
ملك حضنتها ....فداكي يا روح مامي اكيد ما كانش قصدك
نور بغيظ... نعم يا اختي دي وقعت النيش كله اعمل ايه أنا دلوقتي
عدنان ..هدي نفسك يا نوري انتي حامل كده مش كويس عشانك يغور النيش
أمينة ...حصل خير يا ولاد
ملك....نيش ايه اللي زعلانة عليه يا نور داحتي بقا موضة قديمة ايه رأيكم لو تستبدلوا مكان النيش ف شقتكم بمسجد مصغر زينا عشان تعلقوا عيالكم بالصلاة والله هتبقي فكرة أحلي م النيش بكتير عدنينو ومليكة بيصلوا ف مسجدهم في شقتنا كل يوم
عدنان ...اول مرة تقولي حاجة مفيدة يا ملك
ملك ...أنا اصلا كلي عسل اللهم احفظني ولا ايه يا سيفو
سيف مسكها من خصرها ...انتي أحلي حاجة ف حياتي يا قلب سيفو وبالمناسبة حازم باشا عملنا حفلة تكريم بكرة علي مجهودنا طول السنين اللي فاتت وملك كمان هتتكرم علي المهمات اللي قامت بيها في المخابرات
ملك.....يااااه واحشتني اوي ايام المخابرات والكحرتة والشلقبة وحشتني ايام ملك في المخابرات ...
#بقلمي_إيزيس
🥀🥀🥀🥀🥀تمت🥀🥀🥀🥀🥀
#لو عجبتكم بجد عايزة كومنتات تفرحني وهارد علي كل كومنت وقولولي اطبعها في كتاب ولا لا
#هتوحشوني بجد ..واستنوا رواية جديدة قريبا ان شاء الله 🙋♀️🙋♀️🙋♀️🙋♀️
تعليقات
إرسال تعليق