 |
#احببت_مصارع
#الجزء_التاني
17
في بيت امير ....
امير بخضة: اي يا ابني الد*م ده بس ...
يا عم عبدووووووو يا عم عبدووووووو و
عبده البواب :أيوة يا بيه...يالهووي اي ديه ..اي الي حوصل يا بيه
امير بخوف: معرفش ده مضروب بس*كية أو حاجة إسنده معايا علشان ايدي بسرعة وهات تاكسي بسرعةة.....
عبده :حاضر يا بيه .....
وفعلا امير و عبده سنده ادهم وجابوا تاكسي وراحوا علي المستشفي. .....
واول ما دخلوا المستشفي ادهم اتنقل علي العمليات فورا ......
امير واقف برا خايف ومش عارف يتصرف
يا ربي حتي مش هعرف اكلم يوسف دي دخلته النهاردة يا ربي ....
وبدأ يرن علي علي في التليفوون ...
امير: الو يا علي ..الو احلقني يا ابني ..
علي بخضة: اي مالك يا أمير اي حصل
امير: اسكت يا علي ..انا لحد دلوقتي مش مصدق والله .. ادهم جالي بيت و هو متصاب انا حتي مش عارف متصاب ازاي ...تعالي بسرعة انا في مستشفي
علي :يا خبر ابيض ...هو احنا مش مكتوب لينا نفرح ابدا ياربي .... طيب اقفل ..اقفل انا جااااي
وفعلا علي اتحرك من بيته بعد ما كان قاعد بس يتكلم مع تمارا في التليفووون
___________________________________
في الاوتيل عند شمس وفهد ....
شمس غيرت هدومها ولبست فستان حلوة اوي 😉
وخرجت لفهد .....
شمس في سرها: ماشي يا عم التقيل لما نشوف هتفضل تقيل لحد امتي ...
شمس بدلع ..فهد ....
فهد كان قاعد برا ومتغاظ جدا ..بصلها بطرف عينه ومرديش يرد عليها
شمس: الله فهد بكلمك اخس عليك ....
وقربت قعد جنبه ..ولما لقته برضوو رافض يبصلها قررت تاخد الخطوة وقربت منه وقت علي رجله ...
فهد :انت بتعملي اي ...مش فاهم يعني ..
شمس باسته من خده بحب ..بحبك اوي يا فهد
فهد سرح في عينيها و نبرتها الحنونة اوي :
عايزة اي يا شمس ..عايزة توجعيني تاني بكلام
شمس: تؤتؤ ...
فهد: اومال ..عايزة اي ..سامعك
شمس :عايزة جوزي يجي ينام جنبي علشان انا خايفة انام لوحدي ...
فهد: امم مصلحة يعني ..قولي كدة
شمس: لا والله بس مش عايزة اول يوم لينا في حياتنا يبقي كدة يا فهد ..انا بحبك وانت كمان بس احنا لسه طباعنا مختلفة .. لسه مفهمناش بعض كويس يا حبيبي مش كدة. ...
فهد: حبيبي .... ليه بقي مش انا ظالمك .
شمس :مقصدش والله يا فهد ..بليز بقي بلاش نخلي يوم مهم اوي كدا يبوظ علشان اي كلام ...
فهد: انت شايفة كدة يعني ...
شمس بدلع أيوة ..وانت رايك اي
فهد امممم راي .. طب ما تجيبي بوسة ... وبعدين ابقي اقولك راي
شمس برغم كل الي عملته ده اتكسفت اوي وحاولت تقوم من علي رجله ....
فهد: تعالي هنا رايحة فين.
وبعدين مين كان لسه بيتحرش بيا دلوقتي
شمس ضحت غصب عنهااااا....
فهد: أيوة كدة واخد شمس في حضنه وشالها ودخل الاوضة ....
شمس: خلاص مش زعلان مني صح ...
فهد: لا مش زعلان بس لازم تتاكدي اني لو اتعصبت أو زعقت فده والله حب وغيرة اوي اوي عليكي
عمره ما كان تحكم .. واوعي تاني مرة تقولي موضوع أهلي ده.... انت مراتي و حبيبتي
وانا بقي من النهاردة مش جوزك بس وباباكي كمان
شمس : بأبي يعني ....
فهد: اه يا ست شمس هانم ...وانا والله هحاول اني متعصبش ..حتي لو ده حصل عمرنا ما ننام غير لما نتصالح ..مهما حصل ..اتفاقناااااا
شمس :حاضر انا صالحتك وأنما انت ...
فهد ضحك بخبث :لا ازاي بس انا بصالح بطريقة احلي بكتيييير .......
وشدهاااااااا ......
اكيد هقولكم مالناش دعوة بحد .يلا بينا احنا 😂❤️
____________________________$$$
علي وصل المستشفي ...
علي وصل المستشفي بخوف :اي يا أمير ادهم ماله .
امير : متخفش الدكتور لسه خارج دلوقتي وقال إن حد ضربه بالس*كينة في جنبه ....
انا مش فاهم ايه الي بيحصل ده بجد
علي: اكيد دي مقصودة يا أمير ..انت وبعدين ادهم
في حاجة غلط ...
امير :انت بتفكر في اي يا علي ..طب انا ضابط عندي مليون عدو. وده شغلي وشغلك لكن ادهم ماله بالموضوع ده اصلااااا
علي :عارف الواد يوسف لو كان موجود كان قالنا حاجة ..يوسف اكيد عارف حاجة ..لأن اكيد في حلقة وصل بينك وبين ادهم وانا فعلا مش مجمعهااا
امير بتوتر : تفتكر يا علي ...ربنا بقي يستر بس احنا حتي مش هنعرف نكلمه .....
علي :أيوة فعلااااا .... تعالي نشوف ادهم ......
____________________________________
عمر : يسلام انا بردو الي شكلي كان حلو ده انت كنت قمر يا بت ... بس قوليلي بقي انت وهنا كنتوا واقفين علي جنب ليه ...
فريدة: صعبانة عليا اوي يا عمر ...هنا مش وحشة هي بجد مش عارفة تختار اي ..أو مين .هنا محتاجة دعم منكوا اوي يا عمر اكتر من الزعيق والشخط ..صدقني عمره ما هيجي معاها ....
عمر: والله عندك حق .... طب وبقولك اي اقفلي انت روحي ارتاحي يا فريدة متسهريش. وانا هشوفهاااا
وفعلا عمر راح لهناااا ولقاها قاعدة في اوضتها وسرحانة ....
عمر: احم احم ..... مالك بقي سرحانة في اي
أو في مين بقي ...في ادهم برضووو
هنا :انا محتارة اوي يا عمر ...
عمر :في اي مالك يا حبيبتي ..قوليلي
هنا :تخيل مين لسه مكلمني يا عمر .
عمر: مين بقي يا ست هناااا
هنا :هيثم ....
عمر :ماله سي زفت ده عايز ايه ..
هنا: تخيل بيكلمني بعد ما هو الي بعد علشان نرجع لبعض يا عمر ...
عمر :امممم وانت طبعا بتحبي ادهم مش كدة ...
هنا: بس هو مش بيحبني يا عمر .. هو بيحب شاهندة وبيدور عليها ومتعذب في بعدها ..يعني هي مش مجرد واحدة كان بينساني بيها مثلا ...بالعكس ادهم متأثرش بخطوبتي من هيثم ...
وانا لازم ابعد كفايا الي حصل بسببي اصلا ...
عمر فرح اوي .. أيوة كدة كنت فين يا شيخة .
ليه كنت بتعملي كدة يا هنا ..ليه
هنا :لاني كنت فاكرة أنه بيحبني لا انا كنت متأكدة أنه بيحبني وأنه من حقي انا بس لما شاهندة بعدت
عرفت أن انا مش موجودة أصلا في حياه ادهم ...
وغصب عني ادهم يعتبر اول حد في حياتي
عمر : انا فاهمك يا حبيبتي والله ...بس انت فوقتي متأخر اوي يا هنا
احنا اصلا مش عارفين فين مكان شاهندة اصلا
ومش عارفين نعمل ايه ...
هنا :لا هندور باذن الله يا عمر واكيد هنلاقيها ..
واكيد ادهم هيرجع لحالته الطبيعية لما شاهندة ترجعله واضح اوي أنه متعلق بيها
عمر: اكيد .. طب انت بقي يا قمر ..نويتي تدي هيثم فرصة تانية ...
هنا: بصراحة كدة انا مش مصدقااه يا عمر
حتي لو هو فعلا ندمان بس انا اعيش مع واحد مش سوي وبكل ظروفه دي ليه...
انا كنت ممكن اوافق علي ظروف هيثم بس لو هو هيقدر يعوضني عن المجهود والتعب الي انا هعمله علشانه...
عمر بفرحة : ربنا يكملك بعقلك يا هنا والله ...
انا بجد فخور بيكي اوي اوي .. وانت كدة كدة لسه صغيرة اوي والعمر قدامك لسه كبير ..متوقفيش حياتك علي هيثم وادهم بكرة تحبي حد تاني
ويمكن ربنا وقعك في كل المواقف دي وانت في السن ده علشان تاخدي خبرة ..
هنا :بصراحة عندك حق يا عمر
وفجاه موبيل عمر رن ..
عمر بهزار: ده علي انا واثق هياكل دماغي ..
هنا: هههه طب رد عليه ..
عمر: يا نعم يا عم اللذيذ خير ...
انت بتقول أي ....طب ابعتلي العنوان بسرعة ...
هنا بخضة: اي يا عمر اي حصل ...
عمر: ادهم اضرب بسك*ينة ..وهو في المستشفي
هنا بخوف :يا خبر ..طب اي هنروحله صح
عمر :لا يا هنا انا هروح وهبقي اطمنك ..لأن اكيد علي عايزني في حوارات غير بس المستشفي
هنا: طيب بس ابقي رن عليا طمني بليز
فعلا عمر غير هدومه وراح المستشفى عند علي
واطمنوا أن إصابة ادهم مكنتش خطيرة اوي ..
برا الاوضة ......
عمر : ايه اللي انت بتقوله بس ده يا علي
ايه دخل إصابة امير بالي حصل لادهم
علي: يا جماعه انا باخمن بس بردك اقنعوني ازاي بعد اصابه امير بايام واقل كمان يحصل كده لادهم انتم مش حاسين موضوع غريب ....طيب انا وعلي ويوسف ضباط وطبيعي ان يبقى في اصابات وناس بتكرهنا وبتمنى الشر لينا... ادهم بقى ماله وليه يحصل في كده اصلا.....
امير: باقول لكم ايه انا بكره الصبح هاكلم يوسف احكي له كل اللي حصل ده..
عمر: انت عبيط يا ابني يوسف دخلته النهارده وبكره صباحيته هتقول له ايه بالضبط
امير: عمر انا مش مطمئن.. انا حاسس ان في كارثه بتحصل واصابه ادهم دي بعدها في مشكله وبصراحه ما فيش احد ثاني ممكن يتصاب الا يوسف بقى أو علي
علي: انا برده حاسه انها دائره مقفوله بتلف حوالينا وادي الدور دي على ادهم يا ترا الدور الجاي علي مين
عمر: كده نور ممكن يحصل لها حاجه او فهد او حتى شمس يا جماعه ده انا مش فاهم حاجه...
علي :عشان كده انا باقول لازم نكلم يوسف
يوسف اكيد ماسك حاجه واكيد ادهم قائل له حاجه
عمر: على فكره معك حق بقى خلاص بكره الصبح نكلمه............ صاحي يا امير هو البواب قالك ايه
امير :ما قاليش حاجه قال لي ان هو وقت اصلا ما دخل ادهم العماره اهو ما كانش واقف على العماره وانه كان في الدور اللي فوق ونزل لما سامعني بازعق
وفعلا عدي اليووووووم وهما قاعدين مع ادهم في الاوضه مستنيينه يفوق ....
___________________________$$$_
ثاني يوم الصبح في المستشفى علي صحي على موبايله بيرن وكانت تمارا اخذ موبايله وخرج بره الاوضه عشان ما حدش يصحي ...
علي بنوم :ايه تماره خير في حاجه
تمارا : قفلت معايا امبارح وقلت لي هتكلمني وما كلمتنيش ورنيت عليك كثير ما ردتش في ايه يا علي انت كويس
عيل: لا يا تمارا مش كويس بصراحه ادهم امبارح اتصاب بس*كينه ومش عارفين مين اللي عمل كده وكلنا حواليه عشان لما يفوق نفهم منه اي حاجه
تمارا: يا خبر ابيض طب هو فاق ولا لسه
علي :لا لسه مافقش بس طبعا انا شايفك الموضوع ليه علاقة باصابه برده امير ..
تمارا: ايه دخل ادهم بامير طب امير ضابط لكن ادهم هو عنده اصلا اعداء....
علي سمع صوت عمر وهو بينادي عليه ...
اقفلي دلوقت تمارا تقريبا ادهم صحي
وفعلا دخل علي الاوضه ولقى ادهم صحي بس كان تعبان قوي
علي: ادهم انت كويس استني انادي الدكتور
ادهم بتعب: لا... لا اسمعوني هيق.تلوا يوسف هيقتل.وا
عمر بخضه :مين دول يا ادهم....
ادهم مكنش قادر يتكلم فشاور علي أيده مكان دبلته مع شاهندة ..
علي باستغراب: شاهنده ايه دخل شاهنده بالموضوع يا ادهم
ادهم بتعب : جوز امها اكبر تاجر س.لاح
اللي يوسف وامير بيدوروا عليه ومش عارفين يثبتوا عليه حاجه أو حتي عارفين شخصيته وهو اللي عمل كده في امير وبعث ورايا واحد عشان يق*تلني عشان لعبتهم ما تتكشفش
امير :تقصد مين .....معقول يا ادهم ..
علي: طب اشمعنى انا ما انا كمان شريك معاهم في القضيه ..
ادهم :معرفش المهم يوسف ..لازم توصلوله ....
عمر: وهي شاهنده كانت عارفه بكل ده
ادهم بوجع :شاهندة هي الي مخططه لكل ده ...
امير :معقووول ...
عمر بصدمة: ازاي يا ادهم انت متاكد من الموضوع ده
ادهم :أيوة طبعا هي الي حكيالي كل حاجة ..
علي بحزن: وانت عملت معاها اي يا ادهم ...
ادهم بوجع :طلقتها ...
امير :في ستين الف داهيه ..ده انا كان نفسي تبقي قدامي علشان اكلها بسناني اصلااا دي بنت ك**لب
علي: خلاص يا امير بقي مش وقته الكلام ده
انا هطلع اكلم يوسف وانت يا عمر كان نور ...
ولو حد رد يجي الاوضة علشان المكالمة كلنا نسمعهااا.....
__________________________
في أوضة يوسف ونور ...
يوسف كان صحي وكان عمال يضرب نور بالمخدة
وهي كانت عمالة ترش عليه مائة ....
يوسف: يا بت بس والله هاخد برد أعقلي ..
نور بضحك: يعني نايم منغير تيشرت والتكيف شغال وحبة الماية دي هما الي هيجيبولك برد
ولله يا عيني علي الرجالة. .
يوسف: بقي كدة ...وفضل يجري وراها لحد ما مسكهاااا......
يوسف بخبث: شوفتي بقي اديني مسكتك تفتكري ممكن اعمل فيكي ايه بقي ..
نور بضحك :ولا تقدر تعمل حاجة اصلا يا ظبوطتي
يوسف: يييع علي ده اسم ...اهو بعد الاسم ده انا فصلت خلاص ...امشي بقي
نور ههههههههه .....
يوسف: اي ده موبيلي بيرن ..ده علي
نور مسكت الموبيل: انت بتعمل أي ..
يوسف بضحك: هرد علي الواد ده رانن ٣ مرات
نور :نووووووو
يوسف بضحك؛ اوعي يا ولية واد اكيد عايز يباركلي
نور بضحك : يوسف سيب الموبيل وربنا هعضك
يوسف: اهدي يا ست المستعجلة في اي ..هرد بسرعة والله وهقفل علطووووول
نور: وانا قولت لاااااا ..احنا هنسافر بليل ولحد ما نسافر لا انت ولا أنا هنرد علي حد اتفاقنا
يوسف بضحك شدها ليه: بس تعوضيني عن المكالمة الي راحت دي
نور: وانا موافقة ..سيب بقي موبايلك ده. .
يوسف: اسيبه ده انا هقفله ...وهاتي انت كمان موبايلك ..لانهم هيبدوا يرخموا عليكي انت كمان
نور جابت تليفونها: اتفضل يا كبير
وفعلا نور ويوسف قفلوا التليفونات
ربنا ينتقم منك يا نور 😂😂😂
_______________________________
في المستشفي ....
ادهم :اي يا علي ....
علي: الحمار قفل تليفونه ...
عمر: ونور كمان تليفونها مقفول .....
امير ضحك :والله حقه الواد محتاج يدلع شوية
غصب عنه
علي: هههههه ربنا يستر عليهم والله .
ادهم :انا بجد خايف اوي عليهم يا جماعة ..انا بس عايز اطمن أن مافيش حد وصلهم ....
علي :طب ما نكلم فهد ما هو كمان في نفس الاوتيل
ادهم بتعب :أيوة صح ...طب يلا كلموووه
وفاجاه وهما بيطلعوا رقم فهد باب اوضة ادهم
انفتح ..........
ادهم و علي 😳😳😳😳😳
تكملة الروايه من هنا هنا
تعليقات
إرسال تعليق