مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

همس المالك

متجوز!! انا البنت اللي كل الرجاله تحلم بيها اتجوز واحد متجوز!!.. 

-مهو عشان غرورك ده هتتجوزيه ي همس ورجلك فوق رقبتك!..

_ لا لا انتوا اكيد اتجننتوا انا ماشيه؛.. 

-همس...تعالي هنا حالا.. همس!! 

"انا همس  عندي22سنه.. اهلي مصممين اني اتجوز عشان بيقولوا ان قطر الجواز فاتني!!! انا مش محجبه وفي كليه فنون جميله.. " 

دخلت اوضتي ورزعت الباب وقعدت افكر في المصيبه دي مهو انا مستحيل اتجوز واحد انا تاني واحده في حياته!!انا عايزه اتجوز واحد اكون انا الاولي والاخيره في حياته!!ده غير اني لسه صغيره وعايزه اشوف حياتي..، مسكت الفون ورنيت فيديو كول علي الشله وحكيتلهم كل حاجه وفي منهم اللي قال معلش واللي قال طب والحل واللي قال متتجوزيه مش يمكن يكون غني!!.. 

وبصراحه كلامهم خلاني اتقفل منهم لانهم مساعدونيش او ادوني حل بالعكس زودوا التوتر عندي اكتر"..

  نمت من كتر التفكير والارهاق.. 

.............. 

صحيت الصبح اخدت شاور يهدي اعصابي بسبب تفكير طول الليل ولبست ونزلت.. 

لقيتهم قاعدين بيفطروا. دول حتي مستنونيش زي كل مره!! اي اللي بيحصل ده اي اللي غيرهم؟!.. 

قعدت معاهم بحزن واكلت في صمت.. 

اتكلمت ماما _ ي همس ي بنتي احنا عايزين مصلحتك وكلام الناس مبيرحمش اللي في سنك دلوقتي متجوزين وعندهم عيال.. 

قومت وانفجرت فيهم بعصبيه-انا مالي!! انا قطر الزفت مفاتنيش! انا ميهمنيش كلام الناس المرييض.. دي حياتي ونا بس اللي حره فيها، انا بس اللي اخد قراراتي فيها.. مش زنبي انكوا بتفكروا بالطريقه دي!! ميت مره اقلكوا متهتموش لكلام الناس طظ في الناس.!! انا زهقت.... 

خرجت بره الفيلا كلها ونا وشي احمر وخلاص هتفجر.. 

ركبت عربيتي ومشيت باقصي سرعه علي الكليه.. 

دخلت المحاضره وحطيت وشي عالمكتب بتاعي وقعدت اعيط بكل قهر حسيت اني بجد محتاجه اعيط جايز ارتاح شويه.. مهتمتش للطلاب اللي بداوا يتلموا عليا ولا لصحابي اللي عمالين يطبطبوا عليا وبيحاولوا يهدوني.. جت ريم اقرب صديقه ليا قعدت جمبي تلقائيا دخلت في حضنها وقعدت اعيط.. 

قعدوا الطلاب مكانهم لما حسوا بالدكتور وهو داخل.. 

دخل الدكتور واستغرب من ارتباك الطلاب وجه قدامي لما سمع صوتي ونا بعيط.. 

واتكلم بهدوء_ انسه همس تعالي علي مكتبي بعد المحاضره.. 

ومشي وبدا يشرح.. 

............ 

خلصت المحاضره ونا كنت هديت شويه.. 

_ تفتكري عايزني ف اي؟. 

-مش عارفه ممكن يكون عايز يسالك عن سبب عياطك؟. 

_ وهو ماله!! المهم هروح اشوفه بقا واجي استنوني ف الكافيه.. 

-تمام.. 

................... 

خبطت ودخلت مكتبه.. 

_ اتفضلي ي انسه همس نورتي!. 

-احم بنورك.. خير؟. 

ضحك وقالي_ الحقيقه انا مش متعود الاقي حد حزين ومسالش عن سبب حزنه؟. 

اتعصبت-لي يعني تعرف؟ هو انت من بقيت اهلي!!. 

حطيت ايدي علي بقي بشهقه بسبب غبائي وطريقه كلامي معاه،ده ممكن يشيلني الماده نهار اسود!!.. 

ضحك ضحكه بسيطه _ ولا يهمك انا عارف ان مش قصدك.. ولو عايزاني يستي اسامحك وماشيلكيش الماده!! تقوليلي سبب حزنك.. 

اتكلمت بضيق-اهلي عايزين يجوزوني غصب عني وقال اي واحد متجوز كمان!! ده مش بعيد يكون مخلف..(وبحزن- انا مش عايزاهم يدمرولي مستقبلي بالطريقه دي.. 

_ طب مش تعرفي شكله اي عامل ازاي او حتي اي الظروف اللي خليته يفشل في الجوازه الاولي وعلي فكره الشخص ده مطلق مش متجوز وهيتجوزك كزوجه تانيه!! 

اتصدمت وقعدت اقول في نفسي ي رب مايكون اللي بالي صحيح.. 

_ اتفضلي ي انسه همس فاضل عشر دقايق والمحاضره التانيه تبدا!! 

..................

خرجت من عنده ونا مصدومه ان الدكتور بتاعي هو اللي عايز يتجوزني!!مهو اكيد مفيش كلام غير كده؟ صح؟؟ 

ده الكلام اللي قعدت اسال نفسي فيه طول طريقي للكلاس..

دخلت وقعدت ومكنتش مركزه طول المحاضره واخيرا خلصت المحاضره.. 

خرجت من الكليه لقيت ريم بتجري ورايا ومشيت معايا وركبنا عربيتي.. 

اتكلمت ريم بزهول_ اي يبنتي في اي!! بقا انتي همس اللي مبتفصلش كلام وتقعد تتكلم اي كلام اهبل كده لحد ماتصدعني!! .. في اي مخبياه عني ي بت؟؟.. 

-تخيلي دكتور نادر بتاعنا متقدملي! 

لقيتها ضحكت _ انتي عبيطه يبت انتي.. مستر نااادر اللي بيعشق مراته يتجوز عليها.. انتي اكيد اتجننتي!.

-مش عارفه بقا.. بس.. انا مش عارفه اي اللي يخليه يتجوزني يعني غريبه!.. 

_ اكيد في حاجه غلط انتي فهمتي غلط اكيد.. ده مستر نادر مبيبطلش ينزل صورته هو ومراته ويكتب كلام حب بقا واخر رومانسيه.. تقوليلي هيتجوز علي مراته.. او زي مابتقولي طلقها اصلا..! 

سكت ومش عارفه اقول اي.. دماغي حرفيا في error فيها مش ممكن بجد انا هتجنن؛.. 

فجاه لقيت ريم ضحكت بهستيريا_ بصي بصي ي همس مستر ناادر اهو ههه.. 

بصيت لقيت مستر نادر منزل صوره مراته وكاتب عليها.. "حياتي وروحي كل سنه وانتي طيبه ي احلي حاجه ف حياتي ربنا يخليكي لينا.." لقيت البوست ده عالانستجرام نازل من نص ساعه بس!! 

وقتها عرفت ان ممكن يكون مستر نادر عارف الشخص اللي متقدملي بس مش هو. 

روحت ريم بيتها وسلمت عليها وروحت بيتي.. 

دخلت الفيلا وحتي ماتكلمتش مع حد وطلعت اوضتي علي طول.. 

غيرت هدومي لبيچامه بيتي، وقعدت اتفرج علي الفيس شويه يمكن انسي الموضوع ده عشان زهقت من كتر التفكير فيه.. 

ونا بقلب فالفيس لقيت حد بعتلي رساله عالماسنجر. 

لقيت شخص غريب باعت رساله فالازر اسمه حازم بيقول في الرساله "انا بحبك علي فكره حبيتك اوي اتمني تحبيني زي ماحببتك واتمني تقبليني بجد.! " ده اللي كان باعته.. استغربت ي تري مين حازم وباعت كده لي.. 

دخلت بروفايله وبصيت علي صورته كان وسيم وقمر صراحه بس برضو انا عايزة اعرف مين ده.. 

سكت شويه وقولت في نفسي_ ده اكيد شخص متخلف باعت رساله وخلاص اي ي همس مانتي بيجيلك رسايل هبله جت علي دي يعني!؟

وكملت تقليب في الفون. 

.................... 

لقيت ماما داخله عليا الاوضه حتي من غير ماتخبط.. لقيتها دخلت وفتحت الباب فجاه.. 

فاتخضيت_ اي ي ماما. في اي. حد يفتح الباب بالطريقه دي مش تخبطي.. 

ببرود-المره الجايه، قومي يلا البسي لبس حلو كده عشان الضيوف اللي برا دول.. 

استغربت_ ضيوف مين ي ماما؟؟ 

-البسيلك حاجه حلوه كده بس وهتعرفي.. 

وسابتني وخرجت.. 

شجعت نفسي واتمنيت انه مايكونش اللي في بالي.. 

لبست فستان سواريه لونه احمر وفي ورود بيضه بس كان جميل وسيبت شعري وحطيت ميكب بسيط وخرجت بهدوء ونا بهدي نفسي وبقنع نفسي انهم مجرد ضيوف عادي..

طلعت واتصدمت من اللي شوفته.. 

#يتبع.. 

البارت الثاني من هنا هنا