 |
البارت الثالث 💥 بقلم ✍️ سلطان زماني
المأمور قاله اتفضل وقاله ابعتلي عماد
خدها مكتبه وبعت عماد للمأمور:
وقاله الي بتعمله ده غلط احنا هنا مش جهة تحقيق ده شغل
نيابة ملناش فيه اعملو محضر واعرضوها علي النيابة
والنيابة تشوف شغلها
قاله يا فندم احنا أن شاء الله هنخلص القضية كلها دلوقتي
باذن الله ..الست دي وراها لغز كبير سعادتك
قاله أنا مش عايز مشاكل ياعماد
قاله متقلقش يافندم كله تحت السيطرة وطلعو فوق بثينة
منهاره من العياط والميكب الي عملاه كله باظ والكحل نازل
ع خدودها شكلها بقا عامل زاي العفاريت
عماد مسك الموبيل وقالها يلا يا شاطره افتحي موبايلك
بصتله ولسه يتشاور عقلها قالها ماتخلصي يا روح امك
افتحي الزفت ده يابت
فتحته دخل ع سجل المكالمات والاستوديو وشاف صورها
مع الواد ده قالها مين ده يا حلوه ورجع قلب في الصور تاني
قالتله ده ده ده زميلي في الشغل وووووو جوزي
قالها شاطره كده لحقتي نفسك اصلي مفيش زمايل بيتصورو
مع بعض الصور الخليعه دي
اسمه اي بقا وبتشتغلو فين قالتله اسمه مصطفي شغالين في
شركة توظيف وخدمة رجال أعمال قالها ده الي هو ازاي
فين كارنيه الشركة ولسه بتجيب الشنطة تطلع الكارنيه اخد
شنطتها وقلبها كلها ع المكتب مسك الكارنيه قالها ده مضروب
فين ورق الشركة دي ومين صاحبها
قالتله معرفش قالها خلاص هشيلك القضية لوحدك ولو الست
جرالها حاجه او مظهرتش وحياة امك لتخدي اعدام قعدت
تصوت وتقوله ست مين انا مليش دعوة بحد
قالها كريمة ايه مش عارفها قالتلهم معرفش حد ب الاسم ده
قالها أنا هعرفهالك دخل عليهم رئيس المباحث وقاله عرفت
الواد ده اسمه اي وفين قاله لسه مسكها من شعرها وقالها
انقطي بالادب بدال ما اخليكي تحكي تاريخ حيات اهلك كله
قالتله اسمه مصطفي عيد السيد قاعد في الوراق قالها فين
بالظبط يابت وصفة لعماد بيه ولسه خارج من المكتب علشان
يروح يجيبه قالتله هو هرب اكيد مش هتلاقوه هناك قالها
امال فين قالت عند أخته في مدينتي قالت العنوان بالظبط
وراحو هناك أخت مصطفي اول ما فتحت اتخضت زقو الباب
ودخلو لقوه نايم صحوه اول ما شفتهم اتصرع وأنهار واخته
فضلت تصوت وتقولهم اخويا ملوش دعوة بحاجه أنا ياما
قولتله ابعد عن بنت الوسخه دي يابيه اخويا ملوش دعوة كله
من بثينة بنت الكلب بلله عليك متخدوش ده لسه شاب
متضيعش مستقبله وتلطم علي وشها مسك موبيله ومحفظته
وقاله يلا ياصاصا ورانا شغل كتير جري منهم وحب يرمي
نفسه من الشباك الدور الثالث بس لحقوه قالهم كلبشوه
وخدوه علي القسم
يتبع 💥 رايكم
تعليقات
إرسال تعليق