 |
حضن ابليس
الجزء الثامن
موسوعة_القصص_والروايات
بعدما دخلت للغرفة
الي سمعت فيها صوت المراة وهي بتتوسل
وبتقول ...ارحموني
اتفاجئت ادامي ...
باكتر من مفاجئة
غير متوقعة
المفاجئة الاولي...
كانت ...
لما اكتشفت
ان الست الي كانت بتتوسل
هي... (سهام)
شقيقة شهاب
والمفاجئة التانية...
هي... اني شوفت جثة شخص جنبها
وتقريبا كانت جثة شخص مقرب لسهام
لان سهام
كانت مثبتة نظرها علي الجثة
ولفت نظري
ان سهام والجثة الي معاها
كانوا مرمين علي البلاط
البارد
في غرفة فاضية تماما من اي اساس ولا فرش
وكانت الجثة ممدة علي الارض
ومتغطية بملاية سرير
والغطاء كان بيخفيها بالكامل
وبصراحة ...
المنظر كان مفزع
لان الغرفة
النور فيها كان خافت جدا
ولما رجعت بنظري لسهام
لقيتها قاعدة ...
في ركن في الغرفة...
وبتترعش
وداخلة في هستيريا عياط....
وهي مركزة عنيها علي الجثة
فا روحت عليها بسرعة
واخدتها في حضني
عشان... اطمنها
وقلت...
متخافيش يا سهام
يا حبيبتي... انا جنبك
وكنت فاكره اني كده ممكن اخليها تهدي
لكن ...
يبدوا ان سهام كانت مصابة بصدمة عصيبة
ومكنتش عايزة
تحول نظرها
عن الشخص الي نايم علي الارض
وفضلت مستمرة في العياط
فاطبطبت عليها
وقلتلها...
متخافيش يا سهام انا
جنبك ....
و هساعدك ...وهنخرج كلنا من هنا ان شاء الله
وفي اللحظة دي
اتفاجئت ...
بصوت راجل واقف علي باب الغرفة
بيقول...
تصدقي انك مش وش راحة يا رشا
فا التفت بسرعة
باتجاه الصوت
ولقيت ادامي ..
مساعد ابليس
الي كان بيبصلي
ويقولي...
بقي انا كنت مقعدك في غرفة سبع نجوم...
ومخلي القرد يخدم عليكي
وانتي تسيبي كل ده...
وتيجي هنا؟
عموما... انا مش هزعلك...
وهحبسك معاهم
لغاية المهلة ما تعدي
وبالنسبة للجثة الي جنبكم
فا متقلقوش
الرجالة هياخدوها الفجر...
ويخرجوا بيها عشان يدفنوها
وبصلي مساعد ابليس وهو بيتشفي فيا
وقال...
احسن انك تجربي القعدة هنا
يارشا
عشان تبقي تعرفي تهربي كويس
وبعدها ...
خرج من الغرفة
وقفل علينا الباب تاني
وفي اللحظة دي
بصتلي سهام
وهي بتشاور علي الجثة
الي في الارض
وزادت في العياط
فسالتها...
قلت...جثة مين الي تحت الملاية دي يا سهام ؟
في اللحظة دي
خرجت سهام عن صمتها بالصراخ والعويل
وقالت....
اختي ميادة اتقتلت يا رشا...
وهيخدوها يدفنوها الفجر
اتصدمت من الخبر
وبصيت علي الجثة
وقلتلها...
تقصدي ان..
ميادة اختك هي الجثة الي تحت الملاية دي؟
انفجرت سهام بالبكاء
وهي بتقولي...
ايوه...
المجرمين عذبوني
انا ...وهي ...
وضربونا في كل مكان في جسمنا ...
وحرقوا ظهري انا وميادة بالنار
وكل ده
عشان...نقولهم فين مكان بذرة ابليس
وكل ما كنا نقولهم
منعرفش
حاجة عن بذرة ابليس
كانوا يضربوا فينا
ويزيدوا في عذابنا
لغاية ما حاولوا ينزعوا اظافرنا
وبدءوا بميادة
وبعدما نزعوا منها ظافر والثاني
ميادة متحملتش
وفضلت تصرخ...
لكن صراخها استفزهم
وفضلوا يضربوا فيها
لغاية ما ماتت في ايديهم
ولما انا شوفت كده..
خوفت منهم
وطلبت منهم يعطوني فرصة
افتكر اي معلومة عن بذرة ابليس
وساعتها بس سابوني وخرجوا
بعدما استمعت للهوايل الي سردتهالي سهام
قعدت علي الارض وانا بترعش من الرعب
وقلت لنفسي
يانهار مش فايت؟
ده ابليس اعطاني مهلة اسبوع عشان افكر
واقوله علي مكان بذرة ابليس
ومعني كده ...
اني لو قولتلهم معرفش مكانها
انا كمان
هقابل نفس المصير ؟
طيب وبعدين؟
هعمل ايه؟
دا انا دمي بدء يتجمد من الرعب؟
وفضلت افكر
وانا ببص علي الجثة ..
وعلي سهام
الي كانت
منهارة وعندها صدمة عصبية
وقلت لنفسي
مهو لازم يكون في حل
عشان نخلص من الكابوس ده؟
وفي اللحظة دي
قربت من سهام
وسالتها
قلت..متعرفيش ابليس مخبي مامي فين يا سهام؟
هزت سهام راسها بالنفي
وقالت.. لا معرفش
فا رجعت تاني
افكر
وانا الرعب هيقتلني
وللاسف ...
ملقتش اي مخرج للمصيبة الي احنا فيها دي
والي بوظ اعصابي اكتر
ووترني
اني لقيت خادم ابليس
بيفتح الباب علينا تاني
وبيرمي عليا مية باردة
فيها قطع من الثلج
وكان قاصدني انا بالزات
وواضح ...
ان ده كان عقاب ليا
عشان ضربت القرد علي راسة
وحاولت اهرب منهم
وطبعا المية الباردة
زودت من صعوبة القعدة في الغرفة المقرفة دي
لان ملابسي
كلها اتبلت مية
وبقيت قاعدة اترعش
وانا ببص لسهام...
وللجثة الي جنبها
وعدت عليا ساعات طويلة
بعاني فيها
من البرد القارص
بدون غطا ...
وملابسي المبلولة زودت احساسي بالبرد
ده غير المية الي كنت قاعدة عليها في الغرفة
وبدل ما كان البلاط ساقع
زادت برودة الغرفة
كلها
وفضلنا.. علي الوضع ده
لغاية ما الليل دخل
وطبعا اخدت برد
وبدات اعطس... واكح...
وحرارتي ارافعت جدا
وجسمي بقي بينتفض من الحمي
وفي عز احساسي بالمرض
دخل علينا...خادم ابليس
وقال لنا...
ها فكرتوا ولا لسه؟
فا بصيتلة
وقلت...
ارجوك انا تعبانة اوي
وعايزة اخرج من هنا
رد خادم ابليس وهو بيكرر سؤالة
وقال...
بقولك فكرتوا ولا لسة
ردي علي اد السؤال
هتقولوا علي مكان البذرة
ولا لسة ...عايزين تتعذبوا شوية كمان؟
فا بصيت لسهام
لقيتها مش قادرة تفتح عنيها
من التعب
فا قلت....
ارجوك احنا تعبانين جدا
وسهام زي منتا شايفها اهية
نامت من التعب
وانا حرارتي عالية جدا
وتقريبا بموت
يعني لازم ت تراف بحالنا
ارجوك
فا بصلي خادم ابليس
وقالي...
يااااه عليكي يا رشا
وعلي صعبنياتك
تصدقي خليتي قلبي يرقلك؟
عموما انا ممكن اساعدك
واخلي ابليس يعفوا عنك...
ويمشيكي من هنا كمان
لكن بشرط
قلت...شرط ايه؟
قال...لازم تثبتي ولائك لابليس
بعمل يخلية يعفو عنك
قلت...
عمل زي ايه يعني؟
رد خادم ابليس
وقال...
...شايفة الجثة الي في الارض دي؟
قلت..مالها؟
وفي اللحظة دي
اخرج خادم ابليس من جيبة سكينا
وقال..خدي السكينة دي
واطعني الجثة كام طعنة
وبمجرد ما الجثة هتغرق في دمها
هفتحلك الباب...
واسييك تمشي
بصيتلة بتقزز
وقلت..
ايه الي انت بتطلبة مني ده؟
انت عايزني اقتل؟
ضحك خادم ابليس بصوت عالي
وقال...
تقتلي ايه بس؟
دي جثة يعني صاحبها مات خلاص من زمن
قلت..ولما هو صاحبها مات
ليه عايزني اعمل كده؟
رد خادم ابليس
وقال..
مهو شرط عشان نعفو عنك
فا لازم
تثبتي ولائك لابليس
ودي الوسيلة الي هتقدري تثبتي بيها ولائك له
قلت...لا..لا ...
مش هعمل كده طبعا
رد خادم ابليس
وقال
عموما انا هنتظر انك تغيري رايك
واحنا هندفن الجثة الفجر
ومن هنا للفجر
تقدري تفكري تاني
قلت...ريح نفسك
انا عمري ما هعمل الي انت بتطلبة مني ده
واضفت قائلة
وبعدين...
انا المهلة بتاعتي
الي اعطهالي ابليس
عشان اقوله...
علي مكان بذرة ابليس
لسه مخلصتش
و انا لسة بفكر
ولو عايز تعمل فينا معروف
احنا مش عايزينك منك
غير انك تنقلنا..
لغرفة تانية غير دي
وفي اللخظة دي
تجاهل خادم ابليس
طلبي...وخرج ...
واغلق علينا الباب تاني
وفي الاحظة دي
بصيت علي سهام
لقيتها في سابع نومة
وقلت... كويس... انها كانت نايمة
لما خادم ابليس
كان بيطلب مني اني اطعن
جثة اختها
واشفقت عليها وعلي نفسي
لاني عرفت ان نهايتنا انا ...وسهام قربت
وخلاص... كلها وقت قصير
وهنحصل ميادة
وهنبقي ثلاث جثث في ارض الغرفة الباردة
وفضلت اعيط
لاني كنت تعبانة ...وخايفة
وكنت عايزة اصحي سهام
عشان اشعر بالونس
لكن ...
سهام كانت رايحة في سابع نومة
وفضلت انتفض من البرد والرعب
وانا ببص للجثة
الي احنا نايمين معاها
في غرفة واحده
لكن في اللحظة دي
حصلت حاجة غريبة
وهي...
ان اثناء ما كنت ببص علي الجثة
لقيتها بتتحرك
في الاول
قلت اني اكيد بيتهيالي..
او الحمي اثرت عليا...
وعلي عنيا
لكن بعد شوية
الجثة اتحركت تاني
وفي اللحظة دي
اتتكدت ان الي شوفتة مكنش تهيؤات
فا انتفضت من مكاني
وكنت هقوم اصحي سهام
عشان....
تشوف اختها الي الروح رجعتلها تاني
لكن ...
الي خلاني اتمهل..
هو اني شوفت حاجة لفتت نظري
وقلت اتاكد منها الاول
اصل لما الجثة اتحركت
شوفت زراع الجثة...
وهو بيخرج من تحت الملاية
ولما بصيت علي ايديها...
لقيت صوابعها سليمة...
واظافرها كمان سليمة
وقلت.. في نفسي
غريبة ...
دي الجثة مفيش فيها اي اثار للتعذيب
امال ازاي سهام بتقول..... ؟
وقبل ما اكمل سؤالي..
اتحركت الجثة تاني
فا اتاكدت ساعتها ان ميادة لسة عايشة
لكن شكيت في موضوع
التعذيب
الي سهام قالتلي عليه
لان مكنش في نقطة دم واحدة علي الجثة
فا اتحاملت علي نفسي...
وزحفت وانا قاعدة
لغاية ما وصلت للجهة الاخري من الجثة
وكل ده ...
كان عشان اشوف اليد الثانية للجثة
وبالفعل ...
بالراحة رفعت الملاية
وخرجت الايد التانية للجثة
والي كنت شاكة فيه
اتاكدت منه
لان اليد التانية
مكنش فيها اي اثار تعذيب
هي كمان
بالعكس
الاظافر كلها كانت سليمة
واليدين كانوا خالين من اي اثار للتعذيب
والي حيرني اكتر
ان... اليد كانت ايد واحدة رفيعة
وفيها بعض التجاعيد
وميادة كانت فتاة شابة ...
ومليئة القوام
وبالرغم من كل كده مركزتش مع النقطة دي
لكن...
سالت نفسي
وقلت..غريبة امال ليه سهام كدبت
وحورت عليا
بحوار التعذيب ده؟
ده باين كمان
ان ميادة ما زالت عايشة
لاني شوفت جسمها بيتحرك
اكتر من مرة
ورجعت اقول...
مفيش فايدة
في سهام دي
عمرها ما هتتغير ولا هتبطل كدب ابدا
ليه كدبت وفهمتني ان اختها ماتت
من شدة التعذيب؟
وواضح ان ميادة نايمة تحت تاثير مخدر مش اكتر؟
عشان كده
انا لازم افوق ميادة
واسمع منها هي الحقيقة
فا قربت بسرعة علي الجثة المزعومة
ورفعت بسرعة الملاية
من علي وجه ميادة
لكن لما رفعت الملاية من علي وجهها
المفاجئة ...كانت صادمة
وفضلت ابص للجثة بذهول
وانا عايزة
اصرخ ...واعيط ...واضحك.. وازغرط
في وقت واحد
اصل الجثة مطلعتش جثة ميادة
عارفين الجثة كانت بتاعة مين......؟
لو عايز باقي احداث القصة
صلي علي رسول الله وطبعا مش هننسي نضع عشر ملصقات مع متابعه للمدونه في الأسفل
امها
ردحذف